#World_Health
Published 07 February 2025

▪️ လတ်တလောနှစ်တွေမှာ အယ်လ်ကာလိုင်းရေက ကျန်းမာရေးအကျိုးကျေးဇူး ရှိတယ်ဆိုပြီး လူပြောများလာကာ ခန္ဓာကိုယ်ထဲက အက်ဆစ်ဓာတ်ကို ချေဖျက်ပေးခြင်း၊ ရေဓာတ်ဖြည့်ပေးခြင်း၊ အိုမင်းရင့်ရော်မှု နှောင့်နှေးခြင်းတို့ ပြုလုပ်ပေးနိုင်တယ်လို့ ယူဆနေကြပါတယ်။

▪️ အယ်လ်ကာလိုင်းရေက ပုံမှန်ရေထက် pH ပိုမိုမြင့်မားပြီး သာမန်ရေက pH 7 ရှိကာ အယ်လ်ကာလိုင်းရေက pH 8 သို့မဟုတ် 9 ရှိပါတယ်။

▪️ သတ္တုဓာတ် ကြွယ်ဝတဲ့ရေ၊ အီလက်ထရိုလိုက်နဲ့ ကယ်လ်စီယံ ပိုတက်ဆီယံ မဂ္ဂနီဆီယံစတဲ့ သတ္တုဓာတ်များ ထည့်ခြင်းဖြင့် pH မြင့်တက်နိုင်ပါတယ်။

▪️ အယ်လ်ကာလိုင်းရေရဲ့ အကျိုးကျေးဇူးတွေမှာဆိုရင်..
- အီလက်ထရိုလိုက် မျှခြေထိန်းပေးတာကြောင့် လေ့ကျင့်ခန်း လုပ်ပြီးတဲ့အခါ သာမန်ရေထက်ပိုပြီး ရေဓာတ်ဖြည့်ပေးပါတယ်။

- ကယ်လ်စီယံနဲ့ မဂ္ဂနီဆီယံတို့လို သတ္တုဓာတ် ကြွယ်ဝတာကြောင့် အရိုးကျန်းမာရေးကို ထောက်ကူပေးပါတယ်။

- pH 8 ကျော်လွန်တာကြောင့် အက်ဆစ်လျှံတက်ခြင်း ဖြစ်စေတဲ့ ပက်ပ်ဆင်အင်မ်ဇိုင်းကို ချေဖျက်ပေးပါတယ်။

- အယ်လ်ကာလိုင်းရေက သွေးပြစ်ခြင်းကို လျှော့ချပေးတာကြောင့် သွေးလည်ပတ်မှုကောင်းစေပြီး အောက်ဆီဂျင် သယ်ပို့ပေးပါတယ်။

- ဓာတ်တိုးဆန့်ကျင်အာနိသင်ရှိတဲ့ ဟိုက်ဒရိုဂျင်မော်လီကျူး ပါဝင်တာကြောင့် ဆဲလ်များ ဓာတ်တိုးပျက်စီးခြင်းမှ ကာကွယ်ပေးပါတယ်။

▪️ ဒါပေမဲ့ အယ်လ်ကာလိုင်းရေမှာ ဘေးထွက်ဆိုးကျိုးလည်း ရှိနိုင်ပါတယ်။
- အစာအိမ်အက်ဆစ်ဓာတ် လျှော့ချပေးတာကြောင့် အစာမကြေဖြစ်တတ်ပါတယ်။

- အဆုတ်နဲ့‌ ကျောက်ကပ်တို့ ပုံမှန်ထိန်းညှိနေတဲ့ pHက အယ်လ်ကာလိုင်းကြောင့် မျှခြေပျက်စီးတတ်ပါတယ်။

- ကယ်လ်စီယံနဲ့ မဂ္ဂနီဆီယံတို့လို သတ္တုဓာတ်များ ပါဝင်ပေမယ့် အခြားအာဟာရဓာတ်တွေရဲ့ စုပ်ယူနိုင်စွမ်းကိုတော့ လျှော့ချပေးပါတယ်။

- ထုတ်လုပ်ထားတဲ့ အယ်လ်ကာလိုင်းရေတွေမှာ ဓာတုပစ္စည်းများ ပါဝင်နိုင်ပါတယ်။

▪️ အယ်လ်ကာလိုင်းရေကို ရံဖန်ရံခါ သောက်နိုင်ပေမယ့် ပုံမှန်ရေနေရာမှာတော့ အစားမထိုးသင့်ပါဘူး။

#Source: DoctorNDTV

#World_Health
Published 07 February 2025

▪️ သားယောက်ျားလေး သေချာပေါက်ရရှိနိုင်မယ့် နည်းလမ်းမျိုးမရှိပေမယ့် လူတွေကတော့ ဘယ်လိုနည်းပဲဖြစ်ဖြစ် စမ်းသပ်ကြည့်ချင်ကြပါတယ်။

▪️ ပုံစံနည်းလမ်းအမျိုးမျိုး ပြုလုပ်တဲ့သူတွေ ရှိပြီး ဗြိတိသျှသင်္ချာပညာရှင် ဟာနာဖရိုင်းက သမိုင်းအကြောင်း အကြံပြုပါတယ်။

▪️ ပထမကမ္ဘာစစ်နဲ့ ဒုတိယကမ္ဘာစစ်နောက်ပိုင်း အင်္ဂလန်နဲ့ ဝေးလ်စ်တို့မှာ မွေးဖွားတဲ့ ယောက်ျားလေးအရေအတွက် မြင့်တက်လာတာကို ထောက်ပြပါတယ်။

▪️ ယူဆချက်တွေကို ရှင်းပြရာမှာ တစ်ချက်က ကျန်းမာသန်စွမ်းတဲ့ စစ်သားတွေဟာ စစ်ပွဲမှာ အသက်ရှင်နိုင်ခြေ ပိုများပြီး ဇနီးမယားဆီ ပြန်လာရာမှာ ယောက်ျားလေးသန္ဓေ ရနိုင်ခြေ ပိုများပါတယ်။

▪️ ဒီအတွက် အကျိုးအကြောင်းအနေနဲ့ တိုက်ပွဲမှာ ယောက်ျားတွေ ဆုံးရှုံးသွားတာကို ပြန်လည်ဖြည့်တင်းတဲ့ သဘာဝ သဘောတရား ဖြစ်နိုင်ပါတယ်။

▪️ နောက်တစ်ချက်က အိမ်ပြန်လာတဲ့ စစ်သားတွေဟာ ဇနီးမယားနဲ့ လိင်မှုပြုတဲ့အခါ အမျိုးသမီးတွေရဲ့ စက်ဝန်းစောစီးချိန်မှာ ကိုယ်ဝန်ရသွားနိုင်ပါတယ်။

▪️ ကိုယ်ဝန်တည်တဲ့ စက်ဝန်းအချိန်အခါပေါ် မူတည်ပြီး ယောက်ျားလေး မိန်းကလေး အပြောင်းအလဲများကာ စက်ဝန်းစောတဲ့အချိန်မှာ ယောက်ျားလေးရနိုင်ခြေ ပိုများတယ်လို့ ဆိုပါတယ်။

▪️ ဒီလိုဖြစ်နိုင်ခြေတွေက အလွန်နည်းပါးပေမယ့် လူဦးရေတစ်ခုလုံးနဲ့ ကြည့်ရင်တော့ စစ်ပွဲပြီးရင် ပုံမှန်ထက် လိင်မှုကိစ္စပိုပြုကြပြီး စက်ဝန်းစောစီးချိန်မှာ ကိုယ်ဝန်ရတတ်ကြတာကြောင့် ယောကျ်ာလေးမွေးဖွားသူ မြင့်တက်လာတာ ဖြစ်နိုင်တယ်လို့ ဆိုပါတယ်။

▪️ လတ်တလောမှာတော့ အမေရိကန်မှာ ယောက်ျားလေးမွေးဖွားနှုန်းက အနည်းငယ်မြင့်တက်နေပြီး ၂၀၂၂ မှာဆိုရင် မိန်းကလေး ၁ ယောက်မွေးဖွားတိုင်း ယောက်ျားလေးက ၁.၀၄၈ ယောက်နှုန်း ရှိခဲ့ပါတယ်။

#Source: New York Post

၂၀၂၅ နွေဦးပွဲတော် အားလပ်ရက်အတွက် တရုတ်နိုင်ငံရဲ့ Box-Office ဝင်ငွေဟာ ကြိုတင်ရောင်းချခြင်း အပါအဝင် ယွမ် ၈.၁ ဘီလီယံ (ဒေါ်လာ ၁.၁၃ ဘီလီယံ)ဖြင့် စံချိန်ချိုးသွားခဲ့ပြီး တနင်္လာနေ့မှာ ယွမ် ၁၀ ဘီလီယံရောက်ရှိဖို အားထုတ်နေကြတယ်လို ရုပ်ရှင်အချက်အလက်ပလက်ဖောင်း Beaconက ဖော်ပြထားပါတယ်။
#World_Entertainment
Published  6 February 2025
#နွေဦးပွဲတော်ကာလ #မြောက်အမေရိကား
#YMG #Yangon_Times #Yangon_Media_Group

#Daily_News
Published  6 February 2025

၁။ စက်သုံးဆီလုပ်ငန်းရှင်များအတွက် အမေရိကန်ဒေါ်လာ ၂၃ သန်း ထပ်မံရောင်းချပေးမည်

၂။ ရည်ညွန်းဈေးအတိုင်း မရောင်းချသည့်‌ရွှေဆိုင်များကိုအရေးယူရန် အသွင်ယူဆောင်ရွက်နေ

၃။ စက်ရုံအလုပ်ရုံများ လိုအပ်သည့်လျှပ်စစ်ဓာတ်အားကိုဆိုလာစနစ်ဖြင့် ရရှိ‌အောင်ဆောင်ရွက်ရန်တိုက်တွန်း

၄။ (၂၀၂၅)နွေဦးပွဲတော်ကာလအတွင်း တရုတ်နိုင်ငံ၏ Box-Office ဝင်ငွေစံချိန်တင်ရရှိကာ မြောက်အမေရိကားကိုကျော်လွန် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 06 February 2025

▪️ အမေရိကန်သမ္မတ ဒေါ်နယ်ထရမ့်က ဖက်ဒရယ်အစိုးရဝန်ထမ်းအင်အား လျှော့ချရေးကို အရှိန်မြှင့်လုပ်ဆောင်နေရာမှာ အမေရိကန်အစိုးရက အခုဆိုရင် CIAအပြင် နောက်ထပ် အမေရိကန်ထောက်လှမ်းရေးအေဂျင်စီ အနည်းဆုံး ၄ ခုမှ ဝန်ထမ်းတွေကို အလုပ်နုတ်ထွက်ရန် မက်လုံးပေးကမ်းလှမ်းမှုများ ပြုလုပ်ခဲ့ပါတယ်။

▪️ ထရမ့်က ကမ္ဘာ့အချမ်းသာဆုံးပုဂ္ဂိုလ် အီလွန်မက်စ်ကို စစ်ဆေးပြုပြင်ရေးမှာ ကိုယ်စားလုပ်ဆောင်ခိုင်းထားပါတယ်။

▪️ ဒီကိစ္စကြောင့် ဝန်ထမ်းတွေ ထိတ်လန့်ကုန်ကြပြီး ပြည်သူ့ဆန္ဒပြပွဲများ ပေါ်ပေါက်လာကာ အီလွန်မက်စ်ဟာ အစိုးရကူးပြောင်းရေးကို ဦးဆောင်နေတယ်လို့ ဒီမိုကရက်တွေက စွပ်စွဲလာပါတယ်။

▪️ မက်လုံးပေးကမ်းလှမ်းမှု ရရှိခဲ့တဲ့ အေဂျင်စီတွေထဲမှာ အမေရိကန် အမျိုးသားထောက်လှမ်းရေး ညွှန်ကြားရေးရုံး၊ အမျိုးသားလုံခြုံရေး အေဂျင်စီ၊ အမျိုးသား ဘူမိအချက်အလက် ထောက်လှမ်းရေးအေဂျင်စီနဲ့ အမျိုးသားကင်းထောက်ရုံးတို့ ပါဝင်တယ်လို့ ပြောရေးဆိုခွင့်ရှိသူများက ပြောပါတယ်။

▪️ ကမ်းလှမ်းခံရတဲ့ ဝန်ထမ်းအရေအတွက် သေချာမသိရပေမယ့် ဌာန ၃ ခုမှဖော်ပြတဲ့ အချက်အလက်အရ ဝန်ထမ်း ၁၉၅၀၀ ခန့်ရှိပါတယ်။

▪️ ပြီးခဲ့တဲ့ ရက်သတ္တပတ်ကလည်း အိမ်ဖြူတော်ဟာ အရပ်ဖက် အချိန်ပြည့်အစိုးရဝန်ထမ်း ၂ သန်းခန့်ကို အလုပ်ရပ်နားခွင့်နဲ့ စက်တင်ဘာ ၃၀ အထိ လစာနဲ့အကျိုးခံစားခွင့်များဖြင့် ကမ်းလှမ်းခဲ့ပါတယ်။

▪️ ထောက်လှမ်းရေးဝန်ထမ်း‌တွေကို ကမ်းလှမ်းတဲ့ အချက်အလက်တွေ တူညီလားဆိုတာတော့ သေချာမသိရပါဘူး။

▪️ ထောက်လှမ်းရေးအရာရှိဟောင်း အချို့က အလွန်အတွေ့အကြုံမြင့် ဝန်ထမ်းတွေ ဆုံးရှုံးပြီး ထောက်လှမ်းရေး ဆန်းစစ်ကောက်ယူချက်တွေ အားနည်းသွားမှာ စိုးရိမ်နေကြပါတယ်။

▪️ အလုပ်နုတ်ထွက်သူတွေနေရာမှာ ထရမ့်ရဲ့ ရှုထောင့်နဲ့ ပေါ်လစီတွေကို ထောက်ကူပေးမယ့်သူတွေနဲ့ အစားထိုးလာမှာကို ဒီမိုကရက်တစ် အမတ်အချို့ကလည်း စိုးရိမ်နေကြပါတယ်။

▪️ ၂၀၁၆၊ ၂၀၂၀၊ ၂၀၂၄ သမ္မတရွေးကောက်ပွဲတွေမှာ ထရမ့်က သူ့ကိုမဲပေးဖို့ ရုရှားတွေနဲ့ ဆက်သွယ်ခဲ့တယ်ဆိုပြီး တွေ့ရှိခဲ့တဲ့ အမေရိကန်ထောက်လှမ်းရေးအေဂျင်စီတို့နဲ့ တင်းမာတဲ့ဆက်ဆံရေး ရှိထားပါတယ်။

#Source: Reuters

#World_Science
Published 06 February 2025

▪️ အိန္ဒိယနိုင်ငံ ဟိမဝန္တာအောက်ခြေ ထင်းရှူးတောတွေထဲမှာ ကြွေကျနေတဲ့ ထင်းရှူးဆူးရွက်များက မီးဘေးအန္တရာယ် ရှိပေမယ့် ပြန်လည်ပြည့်ဖြိုးမြဲစွမ်းအင်ရင်းမြစ် ပြုလုပ်နိုင်တယ်လို့ သုတေသီများဆိုပါတယ်။

▪️ ထိုထင်ရှူးဆူးရွက်တွေက မီးစဖြစ်ပြီး တောမီးလောင်ကျွမ်းနိုင်တာကြောင့် ဖယ်ရှားဖို့လိုတယ်လို့ အိန္ဒိယ စိုက်ပျိုးအင်ဂျင်နီယာ ဗဟိုအင်စတီကျု(CIAE)မှ သုတေသီများ ဆိုပါတယ်။

▪️ ဆူးရွက်တွေကို မီးစာခဲလုပ်ပြီး ဖန်လုံအိမ်ဓာတ်ငွေ့ ထုတ်လုပ်မှုလျှော့ချနိုင်ပုံကို ဖော်ပြထားပါတယ်။

▪️ အပူဓာတ်တန်ဖိုးမြင့်မားတဲ့ မီးစာခဲများအဖြစ်သို့ ဖိသိပ်နိုင်ပြီး အရည်အသွေးမြင့် ဇီဝလောင်စာများ ထုတ်လုပ်နိုင်မယ်လို့ CIAE စိုက်ပျိုးရေးစွမ်းအင်နဲ့ ဓာတ်အားခွဲဝေရေးမှ သုတေသနသိပ္ပံပညာရှင် ဆန်ဒစ်မန်ဒယ်က ပြောပါတယ်။

▪️ အောက်ဆီဂျင်မပါဘဲ အပူပေးတဲ့ဖြစ်စဉ်မှာ ထင်းရှူးဆူးရွက်တွေကို တစ်ကီလိုဂရမ်လျှင် အပူဓာတ်တန်ဖိုး ၂၈.၅၂ မဂ္ဂဂျိုးလ်မှာ ဇီဝဆီအဖြစ်သို့ ပြောင်းလဲနိုင်ပြီး မီးဖိုလောင်စာဆီဖြစ်ဖြစ် အင်ဂျင်လောင်ကျွမ်းမှုအတွက် လောင်စာဆီဖြစ်ဖြစ် အသုံးပြုနိုင်မှာ ဖြစ်ပါတယ်။

▪️ ဆူးရွက်တွေမှရတဲ့ မီးစာခဲတွေကို လျှပ်စစ်ဓာတ်အား ထုတ်လုပ်မယ့် ဘွိုင်လာတွေမှာ အသုံးပြုနိုင်တဲ့အပြင် ချက်ပြုတ်ရာမှာလည်း သန့်စင်လောင်စာအဖြစ် သုံးနိုင်ပါတယ်။

▪️ ဆူးရွက်တွေကို အပူပေးပျက်စီးစေရာမှာ မီးသွေးလည်း ထုတ်လုပ်ပေးကာ ကာဗွန်ဒိုင်အောက်ဆိုဒ် ဖယ်ရှားပေးပြီး ရာသီဥတုဖောက်ပြန်ခြင်းကို လျှော့ချပေးနိုင်ပါတယ်။

▪️ အိန္ဒိယမှာ နွေရာသီဆိုရင် ထင်းရှူးတော တစ်ဟက်တာမှာ ထင်းရှူးဆူးရွက် ၆.၃ တန်ချိန် ကြွေကျတယ်လို့ ခန့်မှန်းရပါတယ်။

▪️ အိန္ဒိယထဲမှာ ထင်းရှူးဆူးရွက် သုတေသနလုပ်ငန်းတွေကို ဟိမချာလ်ပရာဒက်ရှ်မြောက်ပိုင်း ပြည်နယ်မှာ အလေးပေးလုပ်ဆောင်ကြပြီး ထိုသစ်တောအများစုဟာ ရေရှားခြင်းကို ခံနိုင်တဲ့ Pinus roxburghii မျိုးစိတ်တွေ ဖြစ်ပါတယ်။

▪️ ဒေသတွင်းအစိုးရ ကြေညာချက်အရ ထိုပြည်နယ်မှာ တစ်နှစ်လျှင် တောမီး ၂ ထောင်ခန့် လောင်ကျွမ်းလေ့ရှိပါတယ်။

▪️ ခြောက်သွေ့ခြင်းနဲ့ ထင်းရှူးဆီတို့ကြောင့် တစ်ခဏအတွင်း မီးစွဲစေပြီး ဇီဝမျိုးကွဲတွေ ဆုံးရှုံးကြရပါတယ်။

#Source: SciDev.Net