#World_Health
Published 11 May 2023

အရွယ်ရောက်ပြီးသူ ၆၃၉ ဦးကို ဆယ်စုနှစ်တစ်ခုကျော်ကြာ ခြေရာခံလေ့လာခဲ့ရာ အကြားအာရုံတော်သင့်ရုံချို့ယွင်းပင်လျှင် မှတ်ဉာဏ်ချို့ယွင်းမှုဖြစ်နိုင်ချေ ၂ ဆပိုများကြောင်းတွေ့ရှိခဲ့ကြပါတယ်။

သာမန်မျှဆုံးရှုံးခြင်းဖြင့် ဖြစ်နိုင်ချေ ၃ ဆပိုများပြီး အကြားအာရုံဆိုးဆိုးရွားရွားချို့ယွင်းရင်တော့ မှတ်ဉာဏ်ချို့ယွင်းနိုင်ချေ ၅ ဆပိုများပါတယ်။

မှတ်ဉာဏ်ချို့ယွင်းမှုဖြစ်နိုင်စေတဲ့ အကြောင်းအရင်းများကတော့ ပညာရေးနိမ့်ပါးခြင်း၊ သွေးတိုးမထိန်းနိုင်ခြင်း၊ အဝလွန်ခြင်း၊ အကြားအာရုံဆုံးရှုံးခြင်း၊ စိတ်ဓာတ်ကျခြင်း၊ ဆီးချိုရောဂါ၊ ကိုယ်လက်လှုပ်ရှားမှုမရှိခြင်း၊ ဆေးလိပ်သောက်ခြင်း၊ အထီးကျန်ခြင်းတို့ ပါဝင်ပါတယ်။

အကြားအာရုံဆုံးရှုံးမှုကြောင့် အခြားသူများနဲ့ဆက်သွယ်ရာမှာ ပိုမိုခက်ခဲစေပြီး လူမှုရေးအထီးကျန်ခြင်းဖြစ်စေနိုင်ပါတယ်။

အကြားအာရုံထိခိုက်တဲ့အခါ စကားသံတို့က ဦးနှောက်သို့ရောက်ရှိချိန်မှာ ဗလုံးဗထွေးဖြစ်နေပြီး အပြောအဆိုနဲ့အသံကို ပုံဖော်ဖို့ ဦးနှောက်က ပိုမိုအားစိုက်ရပါတယ်။

ဦးနှောက်အစိတ်အပိုင်းအချို့ဟာ အကြားအာရုံချို့ယွင်းပြီးနောက် လှုံ့ဆော်မှုအားနည်းကာ ဦးနှောက်ကျုံ့ခြင်း၊ ဦးနှောက်တည်ဆောက်ပုံလုပ်ဆောင်ချက် ပြောင်းလဲခြင်းတို့ဖြစ်ပေါ်လာပါတယ်။

အကြားအာရုံချို့ယွင်းခြင်းဟာ နားအတွင်းရှိ ဆံပင်ဆဲလ်များဆုံးရှုံးခြင်း၊ အခေါင်းပေါက်များကြောင့် ဖြစ်တတ်ပါတယ်။

အကြားအာရုံမှာ အပြောင်းအလဲဖြစ်နေတာတွေက အချိန်နဲ့အမျှဖြစ်နေပြီး အကြားအာရုံစမ်းသပ်ခြင်းမလုပ်မချင်း သတိမထားမိကြပါဘူး။

သာမန်အကြားအာရုံကောင်းမွန်သူတွေဟာ လူတွေအသက်ရှူသံ၊ ခြင်တဝီဝီအော်သံ၊ သစ်ရွက်လှုပ်သံတို့ကို ကြားနိုင်ပါတယ်။

အကြားအာရုံဆုံးရှုံးမှု ၁၀ ဒက်စီဘယ်တိုးလာတိုင်း မှတ်ဉာဏ်ဆုံးရှုံးနိုင်ချေ ၁၆ ရာခိုင်နှုန်းများလာတာကို သတိပြုရပါမယ်။

ချမ်းသာတဲ့နိုင်ငံများမှ လူ ၂၀ ရာခိုင်နှုန်းခန့်နဲ့ အခြားနိုင်ငံများမှ ၁၀ ရာခိုင်နှုန်းခန့်သာ နားကြားကိရိယာအသုံးပြုခြင်းမှ အမှန်တကယ်အကျိုးရှိကြတာကို တွေ့ရှိထားပါတယ်။

အဓိကအကြောင်းအရင်းကတော့ ပစ္စည်းရရှိနိုင်စွမ်းနဲ့ ဈေးတတ်နိုင်စွမ်းတို့အပြင် နားကြားကိရိယာအသုံးပြုရလောက်တဲ့အထိ အိုနေပြီလို့ မိမိကိုယ်ကိုမထင်ကြတာကြောင့် ဖြစ်ပါတယ်။

ဒါ့အပြင် နားကြားကိရိယာတပ်ဆင်ခိုင်းထားတဲ့ သက်လတ်ပိုင်းလူအများစုဟာလည်း မတပ်ဆင်ကြပါဘူး။

Source: SCMP #World_Health #အကြားအာရုံချို့ယွင်း #ဒီမန်ရှာရောဂါ
#YMG #Yangon_Media_Group

#World_Politics
Published 10 May 2023

လတ်တလောရက်များအတွင်း အမေရိကန်သမ္မတ'ဂျိုးဘိုင်ဒင်'ဟာ လူထုထောက်ခံမှု ၄၀ ရာခိုင်နှုန်းသာရှိခဲ့ပြီး သမ္မတရာထူးသက်တမ်းအတွင်း အနိမ့်ဆုံးအခြေအနေနဲ့နီးစပ်နေကာ အမေရိကန်လူမျိုးတွေက သူ့ရဲ့ လူဝင်မှုကြီးကြပ်ရေးနဲ့ ငွေကြေးဖောင်းပွမှုကိုင်တွယ်ပုံများကို မကျေမနပ်ဖြစ်နေကြကြောင်း Reuters/Ipsos စစ်တမ်းကောက်ယူချက်အရ သိရှိရပါတယ်။

၃ ရက်ကြာစစ်တမ်းက တနင်္ဂနွေနေ့မှာပြီးဆုံးခဲ့ရာ ပြီးခဲ့တဲ့လကထက် အနည်းငယ်မျှ ထောက်ခံမှုမြင့်တက်ခဲ့ကာ ဖြေဆိုသူ ၃၉ ရာခိုင်နှုန်းက သူ့ရဲ့သမ္မတစွမ်းဆောင်ရည်ကို ထောက်ခံကြောင်း ပြောကြားခဲ့ကြပါတယ်။

စစ်တမ်းထဲမှာ လွဲမှားမှု ၃ ရာခိုင်နှုန်းရှိခဲ့ပါတယ်။ စစ်တမ်းဖြေဆိုသူတွေက စီးပွားရေးကို အဓိကစိုးရိမ်နေကြကာ ငွေကြေးဖောင်းပွမှုမြင့်မားခြင်းနဲ့ အတိုးနှုန်းမြှင့်တင်ခြင်းဖြင့် ဈေးနှုန်းများထိန်းညှိရန် ဗဟိုဘဏ်များမှ တွန်းအားပေးခြင်းတို့ ကြုံတွေ့နေရပါတယ်။

အမေရိကန်ကိုဖြတ်ကျော်ပြီး ခိုလှုံခွင့်တောင်းခံမယ့် နိုင်ငံခြားသားအများအပြားကို ပိတ်ပင်ထားတဲ့ ကိုဗစ်-၁၉ စည်းမျဉ်းသက်တမ်းကုန်ဆုံးတော့မယ့် အခြေအနေကလည်း စိုးရိမ်စရာဖြစ်လာပါတယ်။

မက္ကဆီကိုနယ်စပ်မှာ ရွှေ့ပြောင်းနေထိုင်သူများတန်းစီလျက် အဆိုပါမူဝါဒသက်တမ်းကုန်ဆုံးမယ့်အချိန်ကို စောင့်ဆိုင်းနေကြပါတယ်။

Reuters/Ipsos စစ်တမ်းမှာ ဖြေဆိုသူ ၅၄ ရာခိုင်နှုန်းရှိပြီး ရီပတ်ဘလစ်ကန် ၇၇ ရာခိုင်နှုန်းနဲ့ ဒီမိုကရက် ၃၄ ရာခိုင်နှုန်းပါဝင်ကာ နှစ်စဉ်တိုင်းပြည်အတွင်း ရွှေ့ပြောင်းနေထိုင်သူဦးရေတိုးမြှင့်ခြင်းကို ဆန့်ကျင်နေကြပါတယ်။

၂၆ ရာခိုင်နှုန်းကသာ ဘိုင်ဒင်ရဲ့လူဝင်မှုကြီးကြပ်ရေးကိုင်တွယ်မှုကို ထောက်ခံကြပါတယ်။

နယ်ခြားစောင့်တပ်များကို ထောက်ပံ့ရန် တာဝန်ထမ်းဆောင်နေတဲ့ အမေရိကန်စစ်သားများကို နယ်စပ်သို့စေလွှတ်ဖို့ကို ၆၆ ရာခိုင်နှုန်းက ထောက်ခံကြပါတယ်။

ကိုဗစ်-၁၉နယ်စပ်ကန့်သတ်ခြင်းစည်းမျဉ်းရုတ်သိမ်းရာမှာ ပြင်ဆင်တဲ့အနေနဲ့ ဘိုင်ဒင်အစိုးရအဖွဲ့က နောက်ထပ်တပ်ဖွဲ့ဝင် ၁,၅၀၀ ယာယီစေလွှတ်သွားမယ်လို့ ပင်တဂွန်ကယခုလမှာ ကြေညာခဲ့ပါတယ်။

သမ္မတက လာမယ့်နှစ်မှာ ပြန်လည်အရွေးခံရန် ကြိုးပမ်းနေပြီး လူဝင်မှုကြီးကြပ်ရေးက ပြဿနာကြီးတစ်ခုဖြစ်လာပါတယ်။

ရီပတ်ဘလစ်ကန်တွေက ဘိုင်ဒင်ဟာ လူဝင်မှုကြီးကြပ်ရေးကိစ္စမှာ ပျော့ညံ့လွန်းတယ်လို့ စွပ်စွဲနေကြပေမယ့် နယ်စပ်လုံခြုံရေးကိုကူညီဖို့ အစိုးရက နောက်ထပ်တပ်ဖွဲ့ဝင်တွေ စေလွှတ်ရန်စီစဉ်နေပါတယ်။

ရီပတ်ဘလစ်ကန် ရှေ့ပြေးသမ္မတလောင်းဖြစ်တဲ့ ဒေါ်နယ်ထရမ့်ကတော့ တရားမဝင်လူဝင်မှုကြီးကြပ်ရေးနှိမ်နင်းမှုကို အဓိကထားလုပ်ဆောင်ခဲ့တာဖြစ်ပါတယ်။

ဒါ့အပြင် ဘိုင်ဒင်အစိုးရအဖွဲ့ဟာ ကိုဗစ်တိုက်ဖျက်ရေးအတွက် အသုံးစရိတ်များအတားအဆီးမရှိ သုံးစွဲနေတဲ့အတွက်ကြောင့်လည်း ရီပတ်ဘလစ်ကန်များက ဝေဖန်ထားပါတယ်။

ချေးငွေကန့်သတ်ချက် ရုတ်သိမ်းရန်ပျက်ကွက်ပါက အမေရိကန်အနေနဲ့ ဇွန်လ ၁ ရက်နေ့မှစပြီး အကြွေးကျန်ရှိနေတော့မှာဖြစ်ကြောင်း ဘဏ္ဍာရေးဌာနက သတိပေးထားပါတယ်။
စစ်တမ်းဖြေဆိုသူ ၅၄ ရာခိုင်နှုန်းက ချေးငွေကန့်သတ်ချက်မြှင့်တင်ခြင်းကို ဆန့်ကျင်နေကြပါတယ်။

Source: Reuters #World_Politics #စစ်တမ်းအရ #လူထုထောက်ခံမှုနှုန်း(၄၀)ရာခိုင်နှုန်းအထိ ကျဆင်း #လူဝင်ကြီးကြပ်ရေးပြဿနာ #အမေရိကန်တို့စိုးရိမ်နေ
#YMG #Yangon_Media_Group

#World_Health
Published 10 May 2023

အသက် ၁၀၄ နှစ်ပြည့်မွေးနေ့ကျင်းပနိုင်ခဲ့တဲ့ နယူးယော့ခ်မှ အဘွားအိုတစ်ဦးက အသက်ရှည်ရခြင်းလျှို့ဝှက်ချက်ကို ထုတ်ဖော်ခဲ့ကာ အားလုံးအံ့အားသင့်စေရပါတယ်။

စတိတ်တန်ကျွန်းမှ 'အန်တိုနက်အင်ဆယ်ရာ'အမည်ရှိ အမျိုးသမီးကြီးဟာ နေ့စဉ်ဖြီးလိမ်းပြင်ဆင်ပြီး အိမ်အပြင်ထွက်လေ့ရှိပါတယ်။

ညနေတိုင်း ဘီယာတစ်ခွက်သောက်သုံးလေ့ရှိပြီး ကဏန်းပျော့၊ ငရုတ်ကောင်း၊ ဟင်းနုနွယ်အများအပြားအပါအဝင် မျှတစွာစားသုံးလေ့ရှိပါတယ်။

စိတ်အာရုံထက်မြက်နေစေရန် စကားလုံးပဟေဌိကစားနည်းများလည်း အချိန်ပေးလုပ်ဆောင်ပါတယ်။

ကိုယ့်ကိုယ်ကိုဂရုစိုက်ပြီး လုပ်စရာရှိတာတွေလုပ်ပြီး အားလုံးအဆင်ပြေသွားကြောင်း ပြောပြထားပါတယ်။

သူ့မှာ သားသမီး ၄ ယောက်၊ မြေး ၈ ယောက်နဲ့ မြစ် ၉ ယောက်ရှိပါတယ်။

ကိုဗစ် ၂ ကြိမ်ကူးစက်ခံရပြီး အသက်ရှင်နေဆဲဖြစ်ကာ အားလုံးကိုအံ့အားသင့်စေခဲ့ပါတယ်။

သူမကို မန်ဟက်တန်အောက်ပိုင်း အီတလီပတ်ဝန်းကျင်လေးထဲမှာ ၁၉၁၉ ဧပြီ ၂၁ ရက်နေ့မှာ မွေးဖွားခဲ့ပြီး မောင်နှမ ၉ ဦးထဲကတစ်ယောက်ဖြစ်ပါတယ်။

သူ့အမျိုးသားက အသက် ၆၈ နှစ်အရွယ်မှာ ကွယ်လွန်ခဲ့ပေမယ့် အင်ဆယ်ရာကတော့ ရာစုနှစ်တိုင်အောင် အသက်ရှင်နေခဲ့ပါတယ်။

အခုအချိန်အထိ ကျန်းမာနေရတဲ့အကြောင်းကို မေးမြန်းကြည့်ရာမှာ နေ့စဉ်ဂရုတစိုက်နေထိုင်ပြီး အမြဲအကောင်းမြင်ကြည့်ရှုတတ်ကြောင်း ပြောပြခဲ့ပါတယ်။

မိတ်ဆွေကောင်းတွေအပေါ်မှာ ကြင်နာပြီး အားလုံးအပေါ်ကောင်းအောင် ကျင့်ကြံတတ်ပါတယ်။

အထီးကျန်မဆန်အောင် နေထိုင်ခြင်းက သက်ရှည်ကျန်းမာအောင် ကူညီပေးနိုင်ကြောင်း သိပ္ပံနည်းကျအထောက်အထား တွေ့ရှိထားပါတယ်။

အထီးကျန်ဆန်ခြင်းဟာ တစ်နေ့ကို ဆေးလိပ် ၁၅ လိပ်သောက်ခြင်းကဲ့သို့ ဘေးအန္တရာယ်ဖြစ်စေနိုင်ကြောင်း တွေ့ရှိထားပါတယ်။

ဒါ့အပြင် နှလုံးရောဂါခံစားရနိုင်ချေ ၃၀ ရာခိုင်နှုန်းကျော်ပိုများကာ ဆေးလိပ်သောက်သူတွေထက် ပိုပြီးအိုမင်းမြန်စေပါတယ်။

အထီးကျန်ခြင်းကြောင့် ခန္ဓာကိုယ်ထဲမှာ ရောင်ရမ်းခြင်းဖြစ်ပေါ်ကာ အရေးကြီးအင်္ဂါများနဲ့ ဆဲလ်များကို ထိခိုက်စေပါတယ်။

အပြင်မထွက်ကြသလို လှုပ်ရှားမှုနည်းပါးတာကြောင့် ရောဂါအစုလိုက်အပြုံလိုက် ခံစားရစေပါတယ်။

အရက်ကို သင့်တင့်တဲ့ပမာဏသောက်သုံးခြင်းဟာ လုံးဝမသောက်တာထက်စာရင် အသက်ရှည်စေတယ်လို့ တွေ့ရှိထားပါတယ်။

အမျိုးသမီးတွေအတွက် တစ်နေ့ကို အရက်တစ်ခွက်သောက်ခြင်းနဲ့ အမျိုးသားတွေ ၂ ခွက်ထက်မကျော်အောင် သောက်သုံးခြင်းဟာ ဘေးကင်းစိတ်ချရတယ်လို့ ရောဂါထိန်းချုပ်ကာကွယ်ရေးစင်တာက ဖော်ပြထားပါတယ်။

စတိတ်တန်ကျွန်းမှ အသက်အကြီးဆုံးအမျိုးသမီးကတော့ 'လီနာဗယ်လုံဘာရိုနီ'ဖြစ်ပြီး အသက် ၁၀၈ နှစ်ရှိပါပြီ။

သူကလည်း အပတ်တိုင်း ဆံပင်၊ လက်သည်းခြေသည်းများပြင်ဆင်လေ့ရှိပြီး တနင်္ဂနွေနေ့တိုင်းမှာ မိသားစုနဲ့အတူ စုဝေးစားသောက်တတ်ပါတယ်။

Source: Daily Mail #World_Health #နယူးယော့ခ် #သက်ရှည်ကျန်းမာခြင်း
#YMG #Yangon_Media_Group

#World_Health
Published 10 May 2023

အမှန်ကန်ဆုံးလက်ဆေးခြင်းနည်းလမ်းက လက်ချောင်းထိပ်တွေကို မမေ့မလျော့သန့်ရှင်းရန်ဖြစ်ကြောင်း လေ့လာမှုအသစ်မှာ ဖော်ပြထားပါတယ်။

ဒါ့အပြင် လက်ကိုပိုးသန့်စင်စေရန် အသုံးပြုလေ့ရှိတဲ့လက်သန့်ဆေးတွေမှာပါဝင်တဲ့ အယ်လ်ကိုဟောပမာဏကလည်း လုံလောက်မှုမရှိဘူးလို့ဆိုပါတယ်။

ဆေးရုံများမှ ရောဂါပိုးကူးစက်ခြင်းများကြောင့် ကမ္ဘာတဝှမ်းမှာ လူထောင်ပေါင်းများစွာ အသက်ဆုံးရှုံးနေရပြီး နိုင်ငံတကာလမ်းညွှန်ချက်များက လုံလောက်ခြင်းမရှိဘူးလို့ ဘူဒါပက်စ်ဆမ်မယ်ဝစ္စတက္ကသိုလ်နဲ့ အိုဘူဒါတက္ကသိုလ်တို့မှ သုတေသီတို့က သတိပေးထားပါတယ်။

လေ့လာမှုအရ လက်သန့်ဆေး ၁.၅ မီလီလီတာဟာ လက်တစ်ခုလုံးစင်ကြယ်စေဖို့ မလုံလောက်ပါဘူး။

ဆေးကျောင်းသား ၃၄၀ ကျော်ကို အယ်လ်ကိုဟောပါဝင်လက်သန့်ဆေး ၁.၅ သို့မဟုတ် ၃ မီလီလီတာဖြင့် လက်သန့်စင်စေခဲ့ပါတယ်။

ဂျယ်လ်တွေက လက်နေရာ ၇ ရာခိုင်နှုန်းကို မသန့်စင်နိုင်ဘဲရှိခဲ့ကာ အရည်ကတော့ ၅.၈ ရာခိုင်နှုန်းကျန်ရစ်ခဲ့ကာ ဒီအချက်က ဆေးရုံဆေးခန်းတွေရဲ့ လူနာဘေးကင်းရေးနဲ့ပတ်သက်ပြီး သိသာထင်ရှားတဲ့ချို့ယွင်းချက် ဖြစ်နေကြောင်း ဆမ်မယ်ဝစ္စတက္ကသိုလ်မှ ခွဲစိတ်ဆရာဝန်ဒေါက်တာ'ကွန်စတန်တီနိုစ်ဗိုနီယာတစ်'က ပြောပြခဲ့ပါတယ်။

များသောအားဖြင့် သန်တဲ့လက်ရဲ့ လက်ချောင်းထိပ်တွေနဲ့ လက်နောက်ဘက်တွေဟာ လက်သန့်စင်နေစဉ် ကျန်ရစ်ခဲ့တတ်ပါတယ်။

လက်ရှိ WHO လမ်းညွှန်ချက်များက တိကျခြင်းမရှိဘဲ လက်သန့်ဆေးဖြင့် စက္ကန့် ၂၀ - ၃၀ ပွတ်တိုက်ဖို့သာ အိုဘူဒါတက္ကသိုလ်မှ ညွှန်ကြားရေးမှူးချုပ် ဒေါက်တာ'တေမတ်စ်ဟိုင်ဒက်ဂါ'က ဖော်ပြထားပါတယ်။

အကြံပြုချက်တွေက ပိုမိုတိကျပြီး သက်သေရှိဖို့လိုအပ်ကြောင်း၊ အခုနောက်ဆုံးကပ်ရောဂါကာလအတွင်း လက်သန့်စင်ခြင်းက အဓိကကျကြောင်းသိရှိလာရပြီး စံချိန်စံညွှန်းတွေကို ပြုပြင်ရန်လိုအပ်တယ်လို့ သက်သေပြလာကြောင်း ပြောကြားခဲ့ပါတယ်။

ဆေးရုံဆေးခန်းမှာ တိုက်ရိုက်ထိတွေ့ခြင်းကြောင့် ရောဂါကူးစက်မှု ၄၀ ရာခိုင်နှုန်းခန့်ရှိပြီး အဓိကကတော့ လုံလောက်စွာလက်မသန့်စင်တာကြောင့်ဖြစ်ပြီး ၁၀ ရာခိုင်နှုန်းခန့်က သေဆုံးနိုင်ပါတယ်။

သာမန်လက်အရွယ်အစားရှိသူတွေအတွက် လက်ဆေးရည် ၃ မီလီလီတာက လုံလောက်ပြီး လက်ပိုကြီးသူတွေကတော့ ပိုမိုလိုအပ်နိုင်ပါတယ်။

၃ မီလီလီတာလက်ဆေးရည်ကို စက္ကန့် ၄၀ - ၄၂ အတွင်းပွတ်တိုက်ခြင်းက ကြာလွန်းပြီး စက္ကန့် ၃၀ - ၃၂ အတွင်းက အနေတော်ပဲဖြစ်ကြောင်း ဒေါက်တာကပြောကြားခဲ့ပါတယ်။

Source: India Today #World_Health #လက်သန့်စင်ခြင်း
#YMG #Yangon_Media_Group

#World_Development
Published 9 May 2023

တရုတ်နိုင်ငံကောင်စီဝင်နဲ့ နိုင်ငံခြားရေးဝန်ကြီးဖြစ်သူ 'ချင်ကန်'က မဟာဗျူဟာမြောက်လွတ်လပ်ရေးနဲ့ လုံခြုံရေးပူးပေါင်းဆောင်ရွက်မှုတို့ကို ထဲထဲဝင်ဝင်မြှင့်တင်ဆောင်ရွက်ရန် ရှန်ဟိုင်းပူးပေါင်းဆောင်ရွက်ရေးအဖွဲ့ (SCO)အဖွဲ့ဝင်နိုင်ငံများကို သောကြာနေ့က တောင်းဆိုလိုက်ပါတယ်။

#World_Development #မဟာဗျူဟာမြောက်လွတ်လပ်မှု #တရုတ်နိုင်ငံခြားရေးဝန်ကြီး
#YMG #Yangon_Media_Group

#Daily_News
Published_ 9 May 2023

၁။ မုန်တိုင်းကြောင့် ကောက်ပဲသီးနှံများ ပျက်စီးထိခိုက်မှုမရှိရေး ကြိုတင်ပြင်ဆင်ထားဖို့ ကုန်သည်စက်မှုအသင်းချုပ် ထပ်ဆင့်အသိပေး

၂။ စက်သုံးဆီနှုန်းဈေး 92 တစ်လီတာ ၁၉၂၀ ကျပ်အထိ ပြန်ဈေးတက်နေ

၃။ ကမ္ဘာ့ရွှေဈေး ၂၀၂၁၃ ဒေါ်လာပေါက်ဈေးရှိနေပြီး ပြင်ပရွှေပေါက်ဈေးသိန်း ၃၀ ကျော်ရှိနေ

၄။ မဟာဗျူဟာမြောက်လွတ်လပ်မှုနှင့် လုံခြုံရေးပူးပေါင်းဆောင်ရွက်မှုရန် SCO အစည်းအဝေး၌ တရုတ်နိုင်ငံခြားရေးဝန်ကြီးတိုက်တွန်း... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG