#World_Science
Published 8 April 2023

ကျားသတ္တဝါတွေက သူတို့ကိုယ်ပိုင်စရိုက်အတိုင်း နေထိုင်နိုင်ဖို့ အချိန်လိုအပ်ပါတယ်။

ကျားတွေဟာ လူသားတွေထင်နေသလိုမျိုး အမြဲတမ်းအသားစား သတ်ဖြတ်နေကြတာမဟုတ်ပါဘူး။

ကျားတွေရဲ့ ကိုယ်ရည်ကိုယ်သွေးသဘာဝတွေဟာ တစ်ကောင်နဲ့တစ်ကောင် ကွဲလွဲမှုတွေရှိနိုင်တယ်လို့ မှန်းဆလို့ရပါတယ်။

ဆိုက်ဘေးရီးယားကျား ၂၄၈ ကောင်ရဲ့ တစ်ကိုယ်ရည်စမ်းသပ်မှုတွေကို လေ့လာခဲ့ကြောင်း AFP တင်ပြထားပါတယ်။

ဒီအတိုင်းထိုင်နေတဲ့ ကျားတွေရဲ့စိတ်နေသဘောထားကို စူးစမ်းလေ့လာခြင်းက တကယ်တမ်းဖြစ်ပျက်နေတာနဲ့ များစွာကွာခြားပါတယ်။

ကျားတွေဟာ အလွန်သီးခြားဆန်ပြီး သူတို့နဲ့အတူတူအလုပ်လုပ်တဲ့လူတွေက သူတို့ရဲ့တစ်ကိုယ်ရည်စရိုက်တွေကို ကောင်းစွာသိမြင်ကြတယ်လို့ လန်ဒန်စီးပွားရေးတက္ကသိုလ်မှ စာတမ်းပြုစုသူ'ရိုဆာလင်းအာဒင်'က AFP ကို ပြောကြားခဲ့ပါတယ်။

ယခုစမ်းသပ်မှုအတွက် လူတွေမှာအသုံးပြုတဲ့စမ်းသပ်နည်းအတိုင်း ပြုလုပ်ခဲ့ကြပါတယ်။

ကျားတွေမှာစမ်းသပ်ခဲ့တဲ့ စရိုက်လက္ခဏာများကတော့ ယုံကြည်မှု၊ ရိုးသားမှု၊ အနိုင်ကျင့်မှု၊ ရက်စက်ကြမ်းကြုတ်မှုတို့ ဖြစ်ပါတယ်။

အရည်အသွေးပေါင်း ၇၀ လောက်ကို ကျားတွေကိုထိန်းကျောင်းကျွေးမွေးသူများက ဖြေကြားပေးခဲ့ပါတယ်။

လေ့လာသုံးသပ်ပြီးနောက် ခန့်ညားပီသခြင်းနဲ့ တည်ငြိမ်ခြင်းဆိုပြီး အဓိကအမျိုးအစား ၂ မျိုးခွဲခြားလိုက်လို့ရပါတယ်။

ခန့်ညားပီသခြင်းအတွက် အမှတ်များများရတဲ့ကျားတွေမှာ ပိုမိုကျန်းမာခြင်း၊ သားကောင်ကို ပိုမိုလိုက်ဖမ်းခြင်း၊ စားသောက်ခြင်း၊ မိတ်လိုက်ခြင်းတို့ တွေ့ရှိရပါတယ်။

တည်ကြည်ငြိမ်သက်တဲ့ကျားတွေကတော့ ပိုမိုနူးညံ့သိမ်မွေ့ခြင်း၊ ပိုမိုရိုးသားကာ မေတ္တာဖွဲ့ခြင်းတို့ တွေ့ရှိရပါတယ်။

ဒီလိုစရိုက်လက္ခဏာတွေဟာ ကျားပေါက်အရွယ်မှာ မိခင်ကျားမနဲ့အတူရှိနေစဉ်အချိန်အတွင်းကာလက အဓိကကျနေပါတယ်။

ကျားအထီးနဲ့အမကြား စရိုက်ကွာခြားမှုအလွန်နည်းပါးပေမယ့် ကလေးတွေကိုစောင့်ရှောက်တဲ့နေရာမှာ ဖခင်ကျားတွေလည်း ပါဝင်နေတာတွေ့ရပါတယ်။

ကျားတစ်ကောင်အဖြစ်ပီသနေဖို့က ရန်လိုကြမ်းရမ်းနေစရာမလိုတာကို တွေ့မြင်ရမှာဖြစ်ကြောင်း အာဒင်ကဆိုပါတယ်။

ဒီလေ့လာမှုအကြောင်း ဖတ်ရှုရင်း ကြည်နူးစရာကောင်းနိုင်ပေမယ့် တောထဲမှာရုတ်တရက်ကြီး ကျားတစ်ကောင်နဲ့တွေ့ပြီဆိုရင် သိမ်မွေ့တဲ့ကောင်လား ကြမ်းရမ်းတဲ့ကောင်လားဆိုတာတော့ ခွဲခြားဖို့မဖြစ်နိုင်ပါဘူး။
Source: WION
#World_Science #ကျား #ကိုယ်ပိုင်စရိုက်လက္ခဏာ #လေ့လာတွေ့ရှိ
#YMG #Yangon_Media_Group

#World_Beauty
Published_ 7 April 2023

မွမ်ဘိုင်းအထပ်မြင့်အခန်းတစ်ခန်းမှာ အိန္ဒိယမိတ်ကပ်ပညာရှင် 'ဒီဘတ်စ်ရီဘနာဂျီ' က အညိုရောင်က လှပတယ်ဆိုတဲ့ အယူအဆတစ်ခုကို တစ်ကမ္ဘာလုံးကပရိသတ်တွေထံ ချပြခဲ့ပါတယ်။

#World_Beauty #အိန္ဒိယ #မိတ်ကပ်ပညာရှင်များ #YMG #Yangon_Media_Group

#Daily_News
Published_ 7 April 2023

၁။မြဝတီ-ကော့ကရိတ်လမ်းကို မဖြတ်သန်းရန် သတိပေးစာတစ်စောင် လူမှုကွန်ရက်တွင် ပျံ့နေ၍ ဒေသခံများက အခြေခံစားသောက်ကုန်ဈေး မြင့်တက်မည်ကို စိုးရိမ်နေ

၂။သင်္ကြန်တွင်းတွင် ကျိုက်ထီးရိုးစေတီကို လာရောက်နိုင်ရန် အခမဲ့တည်းခိုနေရာများ ၊ တောင်တက်ကားများ စီစဉ်ထားဟုဆို

၃။သင်္ကြန်မတိုင်မှီ စက်သုံးဆီဈေး ဆက်တိုက်မြင့်တက်လာ 92တစ်လီတာလျင် ၂၃၀၀ကျပ် ဝန်းကျင်သို့ရောက်လာ

၄။အိန္ဒိယမှ အညိုရောင်အသားအရည်ပိုင်ရှင် မိတ်ကပ်ပညာရှင်များ၏ ဗီဒီယိုများရေပန်းစား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Military
Published_ 7 April 2023

ကုလသမဂ္ဂလုံခြုံရေးကောင်စီမှ မြောက်ကိုရီးယားအပေါ် ဒဏ်ခတ်ပိတ်ဆို့မှုများချမှတ်ရေးကို ပံ့ပိုးကူညီတဲ့အနေနဲ့ကနေဒါနိုင်ငံက ဂျပန်သို့ စစ်လေယာဉ်တစ်စင်း စေလွှတ်ထားမယ်လို့ ကြာသပတေးနေ့က ပြောကြားလိုက်ပါတယ်။

ကနေဒါတော်ဝင်လေတပ်မှ CP-140 Aurora လေယာဉ်အား စေလွှတ်နေရာချလိုက်ပြီဖြစ်ကြောင်း ကနေဒါကာကွယ်ရေးဝန်ကြီး'အန်နီတာအာနန်'က ကြေညာလိုက်ပါတယ်။

CP-140 Aurora လေယာဉ်က မြောက်ကိုရီးယားအနေနဲ့ ရေကြောင်းဆိုင်ရာ ဒဏ်ခတ်ပိတ်ဆို့မှုများအတိုင်း လိုက်နာခြင်းရှိ/မရှိ၊ အထူးသဖြင့် လုံခြုံရေးကောင်စီမှ တားမြစ်ထားတဲ့ သင်္ဘောချင်းလောင်စာထည့်သွင်းခြင်း၊ အခြားကုန်ပစ္စည်းများပို့ဆောင်ခြင်းများကို အချိန်ရက်သတ္တပတ် ၆ ပတ်ကြာတဲ့အထိ စောင့်ကြည့်သွားမှာဖြစ်ကြောင်း ကနေဒါအစိုးရအဖွဲ့က ပြောကြားခဲ့ပါတယ်။

ပဲ့ထိန်းဒုံးကျည်နဲ့ နျူကလီးယားစီမံကိန်းများကြောင့် မြောက်ကိုရီးယားဟာ ၂၀၀၆ ခုနှစ်ကတည်းက ကုလသမဂ္ဂရဲ့ ဒဏ်ခတ်ပိတ်ဆို့ခြင်းကို ခံခဲ့ရပါတယ်။

မတ်လ နှောင်းပိုင်းမှာလည်း ရေအောက်နျူကလီးယား တိုက်ခိုက်ရေးဒရုန်းအသစ်ကို စမ်းသပ်ခဲ့ကာ ခေါင်းဆောင်'ကင်မ်ဂျုံအန်'က တောင်ကိုရီးယားနဲ့ အမေရိကန်တို့ ပူးတွဲစစ်ရေးလေ့ကျင့်မှုများ ရပ်တန်းကရပ်သင့်ပြီဖြစ်ကြောင်း သတိပေးခဲ့ပါတယ်။

အမေရိကန်နဲ့ တောင်ကိုရီးယားတို့ စစ်ရေးပူးပေါင်းလေ့ကျင့်မှုတွေက မြောက်ကိုရီးယားကို ရန်စနေသလိုဖြစ်နေကြောင်း တရုတ်နဲ့ရုရှားတို့ကလည်း ဝေဖန်အပြစ်တင်လိုက်ပါတယ်။

တစ်ဖက်ကလည်း ရုရှားနဲ့တရုတ်တို့ဟာ မြောက်ကိုရီးယားကို ဒဏ်ခတ်ပိတ်ဆို့မှုများမှ ကာကွယ်ပေးပြီး ပိုမိုအားကောင်းအောင်ကူညီပေးနေတယ်လို့ အမေရိကန်က စွပ်စွဲလိုက်ပါတယ်။

ပြီးခဲ့တဲ့နှစ်များအတွင်း မြောက်ကိုရီးယားကို ဘယ်လိုထိန်းချုပ်ကိုင်တွယ်ရမလဲဆိုတာနဲ့ ပတ်သက်ပြီး လုံခြုံရေးကောင်စီမှာ သဘောထားကွဲပြားနေခဲ့ပါတယ်။

ဗီတိုအာဏာရ တရုတ်၊ ရုရှားတို့နဲ့အတူ အမေရိကန်၊ ဗြိတိန်၊ ပြင်သစ်တို့က နောက်ထပ်ဒဏ်ခတ်ပိတ်ဆို့မှုများချမှတ်လို့ ဘာမှထူးခြားစေမှာမဟုတ်ကြောင်း၊ ဒီလိုအရေးယူမှုများကို ဖြေလျှော့ပေးစေလိုကြောင်း ပြောကြားခဲ့ကြပါတယ်။

Source: Reuters
#World_Military #မြောက်ကိုရီးယား #ကနေဒါလေယာဉ်တစ်စီး # ဂျပန်တွင်နေရာချ #YMG #Yangon_Media_Group

#World_Health
Published_ 7 April 2023

ခန္ဓာကိုယ်က လဲလျောင်းအိပ်စက်ချင်နေပေမယ့် ဦးနှောက်ကတော့ အနားမယူသေးဘဲ ဆက်လက်လှုပ်ရှားနေတာမျိုး ကြုံဖူးကြမှာပါ။

အိပ်ရာထဲရောက်ပြီဆိုတာနဲ့ အတွေးတွေအပြိုင်ပေါ်ပေါက်လာပြီး နောက်ထပ်လုပ်ဆောင်ဖို့ လိုအပ်တာတွေ၊ အရင်ကလုပ်ခဲ့တာတွေကို ပြန်စဉ်းစားမိတတ်ကြပါတယ်။

ရောဂါရှာတွေ့တာမျိုးမဟုတ်ပေမယ့် လက္ခဏာတွေအားလုံးက စိုးရိမ်ပူပန်ခြင်းအခြေအနေကို ညွှန်ပြနေပါတယ်။

စိုးရိမ်ပူပန်စိတ်မြင့်မားနေခြင်းအတွက် သတ်မှတ်ချက်အတိအကျမရှိပေမယ့် ဒီလိုအခြေအနေကြောင့် အချို့လူတွေဟာ အလွန်ကောင်းမွန်စွာ လုပ်ကိုင်နိုင်ကြတယ်လို့ ပရော်ဖက်ဆာ'ဂျွန်ဂရိုဂါ'က ပြောကြားခဲ့ပါတယ်။

ဒီလိုပူပန်စိတ်က လျော့ပါးမသွားပေမယ့် ပင်ပန်းနွမ်းနယ်ခြင်း၊ အိပ်ရေးပျက်ခြင်း၊ ဒေါသဖြစ်ခြင်းတို့ကြောင့် နောက်ဆုံးမှာ ဆုံးဖြတ်ချက်ခိုင်မာလွန်းသူတွေတောင် လဲကျသွားတတ်ပါတယ်။

လုံးဝကိုအားအင်ကုန်ခမ်းသွားပါမှ အိပ်ပျော်တတ်ကြတယ်လို့ ဂျွန်ကဆိုပါတယ်။

လူကအန္တရာယ်ရှိနေပြီလို့ ခန္ဓာကိုယ်ကသိတာတောင် မအိပ်ချင်အောင်လုပ်ဆောင်နေမှာဖြစ်ပါတယ်။

ပြဿနာက အိပ်ရေးပျက်ခြင်းကြောင့် စိုးရိမ်ပူပန်မှုပိုဖြစ်စေပြီး အဆုံးမရှိသံသရာလည်နေမှာဖြစ်ပါတယ်။

ဖိစီးမှုတွေရင်ဆိုင်ရတဲ့နေ့၊ အိပ်ရေးပျက် အိပ်ချိန်နည်းတဲ့အချိန်တို့မှာ စွမ်းဆောင်ရည်ပိုဆိုးရွားစေပါတယ်။

အာရုံစူးစိုက်မှုလျော့နည်းလာမယ်၊ ပိုပြီးသည်းမခံနိုင်ဖြစ်လာမယ်၊ ပိုမိုအားထုတ်ဆောင်ရွက်လာရမှာ ဖြစ်ပါတယ်။

ဒီလိုမျိုးစိုးရိမ်ပူပန်စိတ်တွေ စုပြုံလာတဲ့အခါ ညဘက်တွေမှာ အိပ်စက်ဖို့ပိုမိုခက်ခဲလာမှာဖြစ်ပါတယ်။

မအိပ်ခင်မှာ သတင်းဖတ်တာမျိုး ဒါမှမဟုတ် မိမိယုံကြည်ရတဲ့လူတစ်ယောက်ကို စကားပြောဆိုခြင်းဖြင့် အိပ်တဲ့အခါမှာ စိုးရိမ်စိတ်လျော့နည်းစေနိုင်ကြောင်း ဂျွန်ကအကြံပြုပါတယ်။

ပူပန်ခြင်းကို ဖြစ်ပေါ်စေမယ့် အခြေအနေ ထိပ်တိုက်ရင်ဆိုင်ရမယ့် အခြေအနေတွေကို ရှောင်ရှားသင့်ပြီး ညဘက်မှာ အရက်သောက်ခြင်း၊ ကော်ဖီသောက်ခြင်းတို့ကို ရှောင်ရှားသင့်ပါတယ်။
Source: Metro
#World_Health #
#အိပ်ရာဝင်ချိန် #အတွေးတွေဘာကြောင့်များလာရသလဲ
#YMG #Yangon_Media_Group

#World_Health
Published_ 7 April 2023

ဗိုက်တာမင်တွေနဲ့ ဖြည့်စွက်အားဆေးတွေကို သင့်တင့်လိုအပ်တဲ့အတိုင်း ရွေးချယ်သောက်သင့်သုံးတာကြောင့် အကြံဉာဏ်ပေးလိုက်ပါတယ်။

ပထမဆုံးအကြံပေးချင်တာကတော့ ဗိုက်တာမင်နဲ့သတ္တုဓာတ်တွေကို အစားအစာကနေ အဓိကရယူသင့်ပါတယ်။

အကြောင်းကတော့ ခန္ဓာကိုယ်ဟာ အစားအစာတွေကနေရတဲ့ ဗိုက်တာမင်တွေနဲ့ သတ္တုဓာတ်တွေကိုလက်ခံရယူနေကျဖြစ်ပါတယ်။

ဗိုက်တာမင်နဲ့သတ္တုဓာတ်အများစုဟာ ပုံမုန်စုပ်ယူလှုံ့ဆော်နိုင်ရန်အတွက် အစားအစာမှ အခြားပစ္စည်းတွေလိုအပ်ပါတယ်။

အစားအစာမှာပါတဲ့ ပစ္စည်းတွေကိုပူးပေါင်းဆောင်ရွက်ရတာကြောင့် ဖြည့်စွက်စာတစ်မျိုးတည်းနဲ့ မလုံလောက်နိုင်တာဖြစ်ပါတယ်။

စက်ရုံတွေကနေထုတ်လုပ်တဲ့ ဗိုက်တာမင်တွေက သဘာဝဗိုက်တာမင်တွေနဲ့ အတော်လေးကွဲပြားပါတယ်။

နောက်တစ်ချက်ကတော့ မိမိသုံးစွဲမယ့်အားဆေးကို သေချာရွေးချယ်ပါ။

ဗိုက်တာမင်အားဆေးတွေက ဘေးကင်းပြီး အထောက်အကူဖြစ်မယ်လို့ လူအများစုက ထင်ထားကြပါတယ်။

ဒါပေမဲ့ ၂၀၀၇ ခုနှစ်က လူပေါင်း ၂၃၀,၀၀၀ ကို လေ့လာရာမှာ ဘီတာကယ်ရိုတင်း၊ ဗိုက်တာမင်အေ၊ ဗိုက်တာမင်အီးဖြည့်စွက်စာများက သေဆုံးမှုနှုန်းမြင့်စေကြောင်း တွေ့ရှိခဲ့ပါတယ်။

အကျိုးပြုဓာတ်တွေဖြစ်တဲ့ မဂ္ဂနီဆီယမ်၊ ဗိုက်တာမင်ဒီ၊ ဗိုက်တာမင်ကေတူးတို့ နည်းပါးစွာပါဝင်ပြီး ဘေးဖြစ်စေတဲ့ ဖောလစ်အက်ဆစ်၊ ကယ်ဆီယမ်၊ သံဓာတ်၊ ဗိုက်တာမင်အီးတို့ မြင့်မားစွာပါဝင်နေပါတယ်။

ကျန်းမာရေးနဲ့ညီညွတ်တဲ့ အစားအစာတွေစားရင်တောင် ဗိုက်တာမင်နဲ့သတ္တုဓာတ်တွေ လုံလောက်စွာရရှိဖို့ခက်ခဲပါတယ်။

ရောဂါပိုးဝင်ရောက်တဲ့အခြေအနေမျိုးမှာဆိုရင် ခန္ဓာကိုယ်မှာ ဗိုက်တာမင်နဲ့သတ္တုဓာတ်တွေ ပိုပြီးလိုအပ်လာနိုင်ပါသေးတယ်။

အဆိုပါဓာတ်တွေထဲမှာ ပါဝင်တာတွေကတော့ ဗိုက်တာမင်ဒီက ထိပ်ဆုံးကဖြစ်ပါတယ်။

လူဦးရေ ၈၀ ရာခိုင်နှုန်းခန့်က ဗိုက်တာမင်ဒီချို့တဲ့တဲ့ဝေဒနာ ခံစားနေကြရပြီး ခန္ဓာကိုယ်ဇီဝဖြစ်စဉ်အတွက် အလွန်အရေးကြီးတဲ့ဗိုက်တာမင်ဖြစ်ပါတယ်။

သွေးထဲကဗိုက်တာမင်ဒီပမာဏကို စစ်ဆေးဖို့ကလည်း အလွန်အရေးကြီးပါတယ်။

နောက်ထပ်အရေးကြီးဆုံးတစ်မျိုးက ဗိုက်တာမင်ကေတူးဖြစ်ပြီး အရိုးနဲ့သွားထဲ ကယ်လ်စီယမ်ဝင်ရောက်ရာမှာ သူကအလွန်အရေးပါပါတယ်။

မဂ္ဂနီဆီယမ်ကတော့ အလုံးစုံကျန်းမာရေးအတွက် အလွန်အရေးပါတဲ့သတ္တုဓာတ်တွေထဲက တစ်မျိုးဖြစ်ပြီး မဂ္ဂနီဆီယမ်ချို့တဲ့ရင် ကျန်းမာရေးပြဿနာများဖြစ်ပေါ်နိုင်ပါတယ်။

ဗိုက်တာမင်စီကတော့ တစ်ရှူးဖွဲ့စည်းခြင်းနဲ့ ဓာတ်တိုးဆန့်ကျင်ပစ္စည်းထိန်းသိမ်းခြင်းတို့အတွက် အရေးကြီးတဲ့ဓာတ်ဖြစ်ကာ ချို့တဲ့ပြီဆိုရင် နာတာရှည်ရောဂါများဖြစ်ပေါ်တတ်ပါတယ်။

ဘယ်လိုဖြည့်စွက်အားဆေးပဲဖြစ်ဖြစ် ကျန်းမာရေးနဲ့မညီညွတ်တဲ့ နေထိုင်စားသောက်မှုပုံစံအတွက် မဖြည့်ဆည်းပေးနိုင်ပါဘူး။

အားဆေးသုံးစွဲမယ်ဆိုရင်လည်း ဆေးညွှန်းဖြစ်ဖြစ်၊ ဆေးစာဖြစ်ဖြစ်ပါမှ သုံးစွဲသင့်ပါတယ်။
Source: The Jerusalem Post
#World_Health #ခန္ဓာကိုယ် #ဗိုက်တာမင်နှင့်သတ္တုဓာတ် #သုံးသပ်အကြံပေး
#YMG #Yangon_Media_Group