#World_Health
Published 19 October 2024

▪️ အမေရိကန် မင်နီဆိုတာမှ အသက် ၃၂ နှစ်အရွယ် အမျိုးသမီးတစ်ဦးဟာ သွေးစုပ်ဖုတ်ကောင်(ဗမ်ပိုင်းယား) ရောဂါ ခံစားနေရတာကြောင့် ဆာလ်ဖာပါဝင်တဲ့ ကြက်သွန်ဖြူ စားတဲ့အခါ အသက်အန္တရာယ် ဖြစ်စေသည်အထိ ခံစားရကြောင်း ထုတ်ဖော်လာပါတယ်။

▪️ ဗမ်ပိုင်းယားရောဂါလို့ခေါ်တဲ့ AIP ဟာ ရှားပါးမျိုးဗီဇချို့ယွင်းခြင်း ရောဂါမျိုးဖြစ်ပြီး ရောဂါဖောက်တဲ့အခါမှာ အလွန်အမင်းနာကျင်ခံစားရကာ အခြားလက္ခဏာများလည်း ဖြစ်ပေါ်ရပါတယ်။

▪️ ဖီးနစ်နိုက်တင်ဂေးလ်ဆိုတဲ့ အမျိုးသမီးဟာ ဒီရောဂါကို ခံစားနေရသူဖြစ်ပါတယ်။

▪️ AIP ဆိုတာက ပေါ်ဖိုင်ရင်ဆိုတဲ့ ဓာတုပစ္စည်းများ စုပြုံလာခြင်းကြောင့် ဖြစ်ရပြီး သွေးနီဥဆဲလ်များထဲက ဟေမိုဂလိုဘင်ကို ထုတ်လုပ်ပေးတဲ့ ပစ္စည်းဖြစ်ပါတယ်။

▪️ ဒီရောဂါက အာရုံကြောစနစ်ကို ထိခိုက်ကာ ဝမ်းဗိုက်အလွန်အမင်း နာကျင်ခြင်း၊ အော့အန်ခြင်း၊ ခေါင်းတခြမ်းကိုက်ခြင်း၊ ဝမ်းချုပ်ခြင်းတို့ ဖြစ်စေပါတယ်။

▪️ နိုက်တင်ဂေးလ်က ဒီလက္ခဏာတွေကို ၂ ရက်လောက်အထိ ခံစားရကာ သတိလစ်ခြင်း၊ မခံမရပ်နိုင်အောင် နာကျင်ခြင်းအထိ ဖြစ်စေပါတယ်။

▪️ AIP ရောဂါသည်တွေရဲ့ ဖြစ်စဉ်က ဒဏ္ဍာရီထဲက သွေးစုပ်ဖုတ်ကောင်တွေရဲ့ အဖြစ်နဲ့ ဆင်တူနေပါတယ်။

▪️ သွေးစုပ်ဖုတ်ကောင်တွေလိုမျိုး အသားဖြူဖွေးပျော့ဖတ်နေခြင်း၊ နေရောင်အထိမခံနိုင်ခြင်း၊ ဆာလ်ဖာဓာတ်မတည့်ခြင်းကြောင့် ကြက်သွန်ဖြူမတည့်ခြင်းတို့ ဖြစ်တတ်ပါတယ်။

▪️ နိုက်တင်ဂေးလ်ဟာ စားသောက်တဲ့အခါမှာ ကြက်သွန်ဖြူ၊ စပျစ်နီ၊ ပဲပိစပ်၊ အယ်လ်ကိုဟော၊ ကော်ဖီတို့ အပါအဝင် အစားအစာအချို့ ရှောင်ရှားရပါတယ်။

▪️ AIP အတွက် ကုသနည်းမရှိပေမယ့် လက္ခဏာများ ထိန်းချုပ်ပေးခြင်းနဲ့ ရောဂါထစေတဲ့ အရာများ ရှောင်ရှားခြင်းတို့ ပြုလုပ်နိုင်ပါတယ်။

▪️ ထိုအမျိုးသမီးဟာ ဘဝတလျှောက်လုံးမှာ အကြိမ် ၄၈၀ ကျော် ရောဂါထခဲ့ပြီး ဆယ်စုနှစ်တွေကြာတော့မှ ၂၀၂၃ မှာ ရောဂါရှိကြောင်း သိရှိခဲ့ပါတယ်။

#Source: India Today

ရှန်ဟိုင်းပူးပေါင်းဆောင်ရွက်ရေးအဖွဲ့ အစိုးရအဖွဲ့ခေါင်းဆောင်များ အစည်းအဝေး ပါကစ္စတန်တွင်ကျင်းပခဲ့

ရှန်ဟိုင်းပူးပေါင်းဆောင်ရွက်ရေးအဖွဲ့ဟာ ဒေသဆိုင်ရာတင်းမာမှုတွေကို လျှော့ချပေးတဲ့ ပလက်ဖောင်းတစ်ခု အဖြစ်သာမကဘဲ အဖွဲ့ဝင်နိုင်ငံများအကြား ကုန်သွယ်ရေးနှင့် ပူးပေါင်းဆောင်ရွက်ရေးတွေကိုပါ တိုးမြှင့်ပေးနေတယ်လို့ နိုင်ငံတကာလေ့လာရေး ပညာရှင်တွေကပြောကြားလိုက်ပါတယ်။
#World_News
Published 18 October 2024
#ပါကစ္စတန် #နိုင်ငံတကာလေ့လာရေး
#YMG #Yangon_Times #Yangon_Media_Group

#Daily_News
Published 18 October 2024

၁။ ရွှေတိဂုံစေတီတွင်  မီးစေတီပူဇော်ပွဲ၊ ဆီမီးပူ‌ဇော်ပွဲ၊ အဘိဓမ္မာအခါတော်နေ့နဲ့ ဆွမ်းသိမ်းအောင်ပွဲကျင်းပခဲ့

၂။ ‌ပုဂံ၌ မြင်းလှည်းအစီးရေ၁၃၀ ခန့်ဖြင့် ဝန်ဆောင်မှုပေးနေပြီး ရိုးရာချစ်မြတ်နိုးသူများစီးနင်းနေဆဲဟုဆို

၃။ သုခဒဂုံပြည်သူ့အငှါး အိမ်ရာတတိယအသုတ်အိမ်ခန်း ငှါးရမ်းခွင့်အတွက် ယခုလ နောက်ဆုံးပတ်၌ မဲနှိုက်ရမည်

၄။ ရှန်ဟိုင်းပူးပေါင်းဆောင်ရွက်ရေးအဖွဲ့ အစိုးရအဖွဲ့ခေါင်းဆောင်များ အစည်းအဝေး ပါကစ္စတန်တွင်ကျင်းပခဲ့... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 18 October 2024

▪️ ယူကရိန်းသမ္မတ ဗိုလိုဒီမီယာဇယ်လန်စကီဟာ ယူကရိန်းကို ရုရှားနဲ့ စစ်ဖြစ်စေတယ်ဆိုပြီး ဒေါ်နယ်ထရမ့်က ကြာသပတေးနေ့မှာ အပြစ်တင်လိုက်ပါတယ်။

▪️ ဒီမှတ်ချက်ကြောင့် ထရမ့်သာ နိုဝင်ဘာ ၅ ရက်နေ့ရွေးကောက်ပွဲမှာ အနိုင်ရပါက ယူကရိန်းအပေါ်ထားတဲ့ အမေရိကန်မူဝါဒကို ပြောင်းလဲနိုင်မယ့်သဘော မြင်နေရပါတယ်။

▪️ ဒါ့အပြင် အမေရိကန်သမ္မတဟောင်းဖြစ်တဲ့ ထရမ့်က ၂၀၂၂ စစ်ပွဲဖြစ်ပွားကတည်းက ဇယ်လန်စကီဟာ အမေရိကန် စစ်ရေးကူညီမှုတွေကနေ ဒေါ်လာဘီလီယံနဲ့ချီ ရရှိထားတယ်လို့ စည်းရုံးရေးပွဲတွေမှာ အကြိမ်ကြိမ်ဝေဖန်ထားပါတယ်။

▪️ ရုရှားနဲ့ ငြိမ်းချမ်းရေးမယူနိုင်တဲ့အတွက်လည်း ယူကရိန်းသမ္မတကို အပြစ်တင်လိုက်ကာ ယူကရိန်းနယ်မြေအချို့ကို ရုရှားထံပေးလိုက်ပြီး ငြိမ်းချမ်းရေး ရယူနိုင်ဖွယ်ရှိတယ်လို့ အကြံပြုထားပေမယ့် ယူကရိန်းကတော့ ဒါကို လက်သင့်မခံနိုင်ပါဘူး။

▪️ စစ်ပွဲအဆုံးမသတ်နိုင်တဲ့အပြင် ယူကရိန်းကို ရုရှားက စတင်ကျူးကျော်တာဖြစ်ပေမယ့် ထရမ့်ကတော့ ဇယ်လန်စကီကိုသာ အပြစ်တင်လိုက်ပါတယ်။

▪️ သူ့ကို မကူညီချင်တဲ့သဘော မဟုတ်ပေမယ့် ဒီလူတွေအတွက် အလွန်စိတ်မကောင်းဖြစ်မိကာ ဇယ်လန်စကီအနေနဲ့ စစ်ပွဲအစမပြုသင့်ဘူးလို့ ပြောသွားပါတယ်။

▪️ စက်တင်ဘာလတုန်းက နယူးယော့ခ်မှာ ထရမ့်နဲ့ တွေ့ဆုံစဉ် ဇယ်လန်စကီ စစ်ပွဲအောင်နိုင်ရေး အစီအစဉ်ကို ချပြခဲ့ပါတယ်။

▪️ ဒါပေမဲ့ ထရမ့်ပြောဆိုတဲ့ စကားတွေအရဆိုရင် ရွေးကောက်ပွဲမှာ ဒုသမ္မတ ကာမယ်လာဟားရစ်ကို အနိုင်ရပါက ယူကရိန်းကို ထောက်ပံ့ကူညီနေတာတွေ ရပ်တန့်သွားနိုင်ပါတယ်။

▪️ ဇန်နဝါရီလ သမ္မတရာထူး မယူခင်မှာပင် စစ်ပွဲပဋိပက္ခကို ရပ်တန့်လို့ရတယ်လို့ အကြိမ်ကြိမ်ဆိုနေပေမယ့် ဘယ်လိုအဆုံးသတ်မလဲဆိုတာကိုတော့ မပြောသွားပါဘူး။

▪️ ဟားရစ်ကတော့ ယူကရိန်းကို ဆက်လက်ထောက်ပံ့သွားမယ်လို့ ကတိပြုထားကာ အမေရိကန် လုံခြုံရေးအကျိုးစီးပွားအဖြစ် သတ်မှတ်ထားတဲ့ ယူကရိန်းအတွက် အောင်ပွဲတစ်ခုကို ပုံဖော်ပြထားပါတယ်။

▪️ ဒါ့အပြင် ဟားရစ်ဟာ ရုရှားသမ္မတပူတင်ကို ဆန့်ကျင်ပြီး မရပ်တည်ရဲတဲ့ ထရမ့်ကို မကြာခဏ အပြစ်တင်ပြောဆိုနေပါတယ်။

#Source: Reuters

၁၇ အောက်တိုဘာ ၂၀၂၄

မြန်မာနိုင်ငံအပါအဝင် ကမ္ဘာမှာဖြစ်ပေါ်နေတဲ့ ပဋိပက္ခတွေနှင့်စစ်ပွဲတွေမှာ ဗြိတိန်နိုင်ငံဟာ မျိုးစေ့ချခဲ့တယ်လို့ ကုလသမဂ္ဂအစည်းအဝေးတစ်ခုမှာ တရုတ်သံတမန်က ပြောဆိုခဲ့တဲ့အကြောင်း CCTV သတင်းတစ်ရပ်အရ သိရပါတယ်။

 ပြီးခဲ့တဲ့ ဗုဒ္ဓဟူးနေ့က ကျင်းပခဲ့တဲ့ ကုလသမဂ္ဂရဲ့ လူ့အခွင့်အရေးကော်မရှင် တတိယကော်မတီ ဆွေးနွေးပွဲမှာ တရုတ်သံတမန်ဖြစ်တဲ့ ကုလသမဂ္ဂဆိုင်ရာ တရုတ်နိုင်ငံ ဒုတိယအမြဲတမ်းကိုယ်စားလှယ် တိုင်းပင်း Dai Bing က တရုတ်နိုင်ငံအပေါ် အမေရိကန်နှင့်ဗြိတိန်ကိုယ်စားလှယ်တွေရဲ့ လူ့အခွင့်အရေးဆိုင်ရာစွပ်စွဲချက်ကို ပြန်လည်  တုန့်ပြန် ပြောဆိုခဲ့တာဖြစ်ပါတယ်။

"အမေရိကန် နှင့် ဗြိတိန် တို့တွင် လူ့အခွင့်အရေးအခြေအနေများသည် နိုင်ငံတကာလူ့အသိုက်အဝန်း၏ အာရုံစိုက်  စရာ ဖြစ်ပါတယ်။ အမေရိကန်ဟာ ဂါဇာတွင် အရပ်သားပြည်သူ ၄၀,၀၀၀ ကျော်သေဆုံးခြင်းကို မျက်ကွယ် ပြုမမြင်ချင်ယောင်ဆောင်ခဲ့ကာ ပြည်တွင်း၌ ကျောင်းသားများ၏ ငြိမ်းချမ်းစွာ ဆန္ဒပြမှုများကို အကြမ်းဖက် ဖိနှိပ်ခဲ့  ပါတယ်၊ ပြည်ပသို့လည်း လက်နက်များပေးပို့ကာ ပဋိပက္ခများ ပိုမိုဆိုးရွားအောင်   လုပ်ခဲ့ပါ   တယ်။အရှေ့အလယ် ပိုင်းတွင် လူသားချင်း စာနာမှုဆိုင်ရာ ကပ်ဘေးဆိုးကြီးအတွက်လည်း အမေရိကန်နိုင်ငံတွင်  အသေအချာတာဝန်  ရှိနေပါတယ်။ဗြိတိန်ဟာ နှစ်ပေါင်းရာကျော် ကိုလိုနီပြုအုပ်စိုးခဲ့စဉ်အတွင်း ကမ္ဘာတစ်လွှားမှာ အားလုံးသော ရာဇဝတ်မှုအမျိုးမျိုးကိုကျူးလွန်ခဲ့တယ်။  ပါလက်စတိုင်းနှင့်အစ္စရေးတွေအကြား၊ပြီးတော့ ဆူဒန်နှင့်မြန်မာနိုင်ငံ တွေ အပါအဝင် စစ်ပွဲတွေနှင့် ပဋိပက္ခတွေအများစုကို ဗြိတိန်က မျိုးစေ့ချခဲ့တာဖြစ်တယ်။ ဒီကနေ့မှာလည်း အဲဒီမီးတောက်ကိုထပ်ပြီးမီးလောင်ရာလေပင့်နေတယ်။ဒီပြဿနာတွေအားလုံးအတွက်အပြည့်အဝတာဝန်ရှိတယ်။ အမေရိကန်၊ဗြိတိန်နှင့် အနောက်နိုင်ငံအချို့ဟာ  အစ္စလမ်ကြောက်ရောဂါနှင့်   အာရှမုန်းတီးရေးတွေကိုပျံ့နှံ့သွား အောင်လုပ်နေတယ်။ လူနည်းစုတိုင်းရင်းသားတွေကို ခွဲခြားဆက်ဆံတာ ကန့်သတ်တာတွေဆက်လုပ်နေတယ်။  သူတို့ကိုယ်သူတို့ လူ့အခွင့်အရေးချန်ပီယံလို့ပြောနေတာတွေဟာ တကယ့်ကို ကြောင်သူတော်တွေပဲဖြစ်တယ်"လို့ သူကပြောခဲ့ပါတယ်။

#World_Health
Published 18 October 2024

▪️ ဦးနှောက်ကို ကျောရိုးမကြီးနဲ့ ချိတ်ဆက်ထားသလို ဦးနှောက်အဓိကထိန်းချုပ်ရာနေရာ ဖြစ်တဲ့ ဦးနှောက်ပင်မရိုး ထိခိုက်ခံရခြင်းဟာ ကိုဗစ်-၁၉ ပြင်းထန်စွာခံစားရသူတွေမှာ တွေ့ရတတ်တဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ သက်ရောက်မှုများကို ဖြစ်စေနိုင်ဖွယ် ရှိပါတယ်။

▪️ ကိမ်းဘရစ်ချ်တက္ကသိုလ်နဲ့ အောက်စ်ဖို့ဒ်တက္ကသိုလ်တို့မှ သုတေသီများက သံလိုက်အသံပြုပုံရိပ်ဖမ်း နည်းပညာ 7T ဓာတ်မှန်စက်များကို အသုံးပြုကာ ကိုဗစ်ကပ်ရောဂါကာလ အစောပိုင်းက ကိုဗစ်ပြင်းထန်စွာ ခံစားရပြီး ဆေးရုံတင်ရသူအယောက် ၃၀ ရဲ့ ဦးနှောက်တွေကို လေ့လာခဲ့ပါတယ်။

▪️ ထိုအခါမှာ ကိုဗစ်-၁၉ က အသက်ရှူခြင်း၊ နှလုံးခုန်နှုန်း၊ စိုးရိမ်ပူပန်ခြင်းစတဲ့ အခြေခံလုပ်ဆောင်ချက်များကို ထိန်းချုပ်တဲ့ ဦးနှောက်ပင်မရိုးကို ထိခိုက်စေတယ်လို့ တွေ့ရှိခဲ့ပါတယ်။

▪️ ကိုဗစ်ကူးစက်ပြီး အချိန်အတော်ကြာပြီးတာတောင် အသက်ရှူခက်ခဲခြင်း၊ နွမ်းနယ်ခြင်း၊ ပူပန်ခြင်းစတဲ့ လက္ခဏာများ ဆက်လက်ခံစားရတဲ့ အကြောင်းအရင်းဟာ ဒီအစိတ်အပိုင်းအကြောင့် ဖြစ်နိုင်ဖွယ်ရှိတာကို တွေ့ရှိလာပါတယ်။

▪️ သုတေသီအဖွဲ့ အသုံးပြုတဲ့ ပုံရိပ်ဖမ်းစက်တွေဟာ ဦးနှောက်ထဲက အသေးစိတ်အရာတွေနဲ့ ရောင်ရမ်းခြင်းတို့ကို တွေ့ရှိနိုင်ပါတယ်။

▪️ ဦးနှောက်ထဲ ပုံမှန်မဟုတ် ချို့ယွင်းနေသည်များကို ကိုဗစ်အပြင်းအထန် ခံစားရသူတွေမှာ အတွေ့များပြီး ရောဂါကူးစက်ပြီးနောက် ရက်သတ္တပတ် အနည်းငယ်အကြာမှာ ခံစားရတတ်ပါတယ်။

▪️ ဒီလိုပြောင်းလဲသွားတာဟာ ခန္ဓာကိုယ် ခုခံအားကနေ ဗိုင်းရပ်စ်ကို တုန့်ပြန်တာကြောင့် ဖြစ်နိုင်တယ်လို့ ယူဆထားပါတယ်။

▪️ ဒီလေ့လာချက်က ရုပ်ပိုင်းဆိုင်ရာ ကျန်းမာရေးနဲ့ စိတ်ပိုင်းဆိုင်ရာ ကျန်းမာရေးကြား ဆက်စပ်မှုနဲ့ သက်ရောက်ပုံတွေကို ဖော်ပြနေပါတယ်။

▪️ ဒီလေ့လာချက်တွေကနေ ကိုဗစ်-၁၉ရဲ့ နောက်ဆက်တွဲ သက်ရောက်မှုတွေကို ဆရာဝန်တွေ နားလည်စေပြီး ကုသမှုပေးနိုင်ရန် မျှော်လင့်ရပါတယ်။

▪️ 7T ဓာတ်မှန်စက်တွေက အပြင်းထန်ဆုံးခံစားရတဲ့ လူနာတွေမှာပါ စစ်ဆေးနိုင်စွမ်းရှိတာကို သုတေသီများက သဘောကျနေကြပါတယ်။

#Source: India Today