#World_Technology
Published 22 June 2026

■ ပိုင်ဆိုင်မှု ဒေါ်လာ ၁.၂ ထရီလီယံကျော်လွန်ပြီး ကမ္ဘာ့ပထမဆုံး ထရီလီယံနာဖြစ်လာတဲ့ အီလွန်မက်စ်က ယနေ့ခေတ်နဲ့ အလွန်ကွဲပြားမယ့် အနာဂတ်ကို ယုံကြည်နေပါတယ်။

■ ဉာဏ်ရည်တု(AI)နဲ့ လူသားပုံသဏ္ဍာန်စက်ရုပ်တွေကြောင့် ကုန်ပစ္စည်းများ ဝန်ဆောင်မှုများ များစွာဈေးသက်သာပြီး အလွယ်တကူရရှိလာနိုင်မယ့် ပေါများကြွယ်ဝသောခေတ် ရောက်ရှိလာမယ်လို့ ဆိုပါတယ်။

■ လူသားပုံသဏ္ဍာန်စက်ရုပ်တွေရဲ့ အနာဂတ်အလားအလာအကြောင်း ဆွေးနွေးထားရာမှာ သန်းနဲ့ချီတဲ့ အဆင့်မြင့်စက်ရုပ်တွေကနေ လပိုင်းအတွင်း တစ်မြို့လုံးကို ပြန်လည်တည်ဆောက်လာနိုင်ပြီး ၂၀၄၅ လောက်မှာ ကမ္ဘာ့စီးပွားရေး အသွင်ပြောင်းလာနိုင်တယ်လို့ ဆိုထားပါတယ်။

■ တက်စလာရဲ့ Optimus စက်ရုပ်ဟာ မက်စ်ရဲ့ ရည်မှန်းချက်မှာ အခရာကျပြီး စက်မှုလုပ်ငန်းအမျိုးမျိုးမှာ အကြိမ်ကြိမ်အဖန်ဖန် လုပ်ရတဲ့ အလုပ်တွေနဲ့ အန္တရာယ်များတဲ့ အလုပ်တွေကို လုပ်ဆောင်နိုင်ဖို့ ဒီဇိုင်းဖန်တီးထားတာ ဖြစ်ပါတယ်။

■ AI နဲ့ စက်ရုပ်တွေက နောက်ပိုင်းမှာ ကုန်ပစ္စည်းတွေနဲ့ ဝန်ဆောင်မှုတွေ အမြောက်အများ ဖန်တီးပေးလာနိုင်ပြီး လူတွေဟာ အလုပ်အကိုင်အခြေအနေနဲ့ မသက်ဆိုင်ဘဲ ပိုမိုမြင့်မားတဲ့ လူနေမှုအဆင့်အတန်း ရရှိခံစားနိုင်ကြမယ်လို့ ပြောပါတယ်။

■ AI ကြောင့် ပေါများကြွယ်ဝလာရာကနေ အလုပ်အကိုင်နဲ့ ဝင်ငွေလမ်းကြောင်းတွေ ပြောင်းလဲသွားနိုင်ပြီး ငွေရဲ့အရေးကြီးပုံ လျော့ကျသွားဖွယ်ရှိတယ်လို့ မက်စ်က ယူဆနေပါတယ်။

■ စက်ရုပ်လုပ်ငန်းကဏ္ဍနဲ့ ပတ်သက်ပြီး ကမ္ဘာတဝှမ်း ပြိုင်ဆိုင်မှုပြင်းထန်နေကာ Unitree ၊ Figure AI တို့လို ကုမ္ပဏီတွေက အဆင့်မြင့်မားတဲ့ လူသားပုံသဏ္ဍာန်စက်ရုပ်တွေ ထုတ်လုပ်နေကြပါတယ်။

Source: WION

#World_Health
Published 22 June 2026

■ လူတွေအစားများတဲ့ ကြက်ဥက ဦးနှောက်ကိုလည်း သက်ရောက်စေနိုင်ပြီး မှတ်ဉာဏ်၊ အာရုံစူးစိုက်မှု၊ ဦးနှောက်အသိဉာဏ် လုပ်ဆောင်ချက်တို့လို ဖြစ်စဉ်တွေနဲ့လည်း ဆက်စပ်နေတယ်လို့ တွေ့ရှိလာပါတယ်။

■ သုတေသန လေ့လာချက်ကြီးတစ်ခုမှာ ကြက်ဥပုံမှန်စားသုံးခြင်းက အယ်ဇိုင်းမားရောဂါ ဖြစ်နိုင်ခြေလျော့နည်းခြင်းနဲ့ ဆက်စပ်နေနိုင်တယ်လို့ ဖော်ပြလာပါတယ်။

■ အယောက် ၄ သောင်းခန့်ဖြင့် စမ်းသပ်ခဲ့ရာမှာ တစ်ပတ်ကို ကြက်ဥ ၂ ကြိမ်မှ ၄ ကြိမ်ခန့်စားသူတွေဟာ မစားသူတွေထက် ၂၀ ရာခိုင်နှုန်းခန့် အယ်ဇိုင်းမားရောဂါဖြစ်နိုင်ခြေ လျော့နည်းစေပြီး ၅ ကြိမ်ခန့်စားသူတွေကတော့ ၂၇ ရာခိုင်နှုန်းခန့် လျော့နည်းစေတာ တွေ့ရပါတယ်။

■ ကြက်ဥမှာ ကိုလင်း၊ လူတိန်း၊ ဇီဇန်သင်း၊ ဖက်တီးအက်ဆစ်တို့လို ဦးနှောက်အကျိုးပြု အာဟာရဓာတ်များ ပါဝင်ကာ မှတ်ဉာဏ်၊ လေ့လာနိုင်စွမ်းတို့ကို ထောက်ကူပေးပြီး ဓာတ်တိုးထိခိုက်မှုတွေကို လျှော့ချပေးပါတယ်။

■ ဒီလေ့လာမှုက စောင့်ကြည့်လေ့လာရုံသာဖြစ်ပြီး ဆက်စပ်မှုရှိတယ်လို့သာ ပြသနိုင်ပေမယ့် အကျိုးအကြောင်းတော့ မသိရပါဘူး။

■ စမ်းသပ်ပါဝင်သူတွေရဲ့ နေထိုင်မှုပုံစံတွေကလည်း ရောဂါဖြစ်နိုင်ခြေအပေါ် သက်ရောက်နေနိုင်ပါတယ်။

■ အယ်ဇိုင်းမားက ကမ္ဘာပေါ်မှာ စိုးရိမ်စရာတိုးများလာစေပြီး လာမယ့်ဆယ်စုနှစ်များမှာ ဖြစ်နိုင်ခြေ သိသိသာသာ များလာနိုင်ပါတယ်။

■ ဘယ်လိုပဲဖြစ်ဖြစ် အစားအစာတစ်ခုတည်းကို မှီခိုအားထားတာထက်စာရင် အစားအသောက်ပုံစံ၊ ကိုယ်လက်လှုပ်ရှားမှု၊ အိပ်စက်မှု၊ ဖိစီးမှုထိန်းချုပ်ပုံတို့ ပေါင်းစပ်ခြင်းက ဦးနှောက်ကျန်းမာရေး ထိန်းသိမ်းစေနိုင်မှာ ဖြစ်ပါတယ်။

Source: The Jerusalem Post

#World_Science
Published 22 June 2026

■ ဒုံးပျံတွေ အကြိမ်ကြိမ်လွှတ်တင်ခြင်းကြောင့် စိုးရိမ်စရာ အခြေအနေဖြစ်ပေါ်နေပြီး အသုံးပြုနေတဲ့ လောင်စာဆီက အဓိကပြဿနာဖြစ်တယ်လို့ ယူနီဗာ့စ်တူဒေးသတင်းဌာနက လေ့လာဖော်ပြထားပါတယ်။

■ SpaceX ရဲ့ Starlink လိုမျိုး ဂြိုဟ်တုအစုအဖွဲ့များ အလွန်အမင်း တိုးပွားလာတာကြောင့် အာကာသလွှတ်တင်ရေး လုပ်ငန်းတစ်ခုလုံးက ရာသီဥတုသက်ရောက်မှုမှာ ၄၂ ရာခိုင်နှုန်းအထိ ပတ်သက်လာတော့မှာ ဖြစ်ပါတယ်။

■ ဂြိုဟ်တုတွေကို ပတ်လမ်းကြောင်းသို့ လွှတ်တင်ပေးတဲ့ ဒုံးပျံအဓိကအင်ဂျင်မှာ သုံးရတဲ့ ရေနံဆီလောင်စာက အဓိကပြဿနာဖြစ်နေပါတယ်။

■ ဒါတွေက အထက်လေထုထဲ ကြာရှည်စွာတည်ရှိပြီး ၄ နှစ်လောက်အထိ တည်ရှိနေနိုင်ပါတယ်။

■ ဂြိုဟ်တုလွှတ်တင်ရေးမှ ထွက်လာတဲ့ မီးခိုးမှိုင်းတွေက အထက်လေထုထဲမှာ အပူရှိန်တက်လာပြီး နေရောင်ကို ပိတ်ဆို့စေကာ အောက်လေထု အေးမြစေပါတယ်။

■ ဒါပေမဲ့ ရာသီဥတု ပူနွေးလာခြင်းရဲ့ ၅၆ ရာခိုင်နှုန်းအတွက် ဒုံးပျံလွှတ်တင်ခြင်းတွေ သက်ဆိုင်နေပါတယ်။

■ ဒုံးပျံတွေက နိုက်ထရပ်စ်အောက်ဆိုဒ်အများအပြား ထုတ်လွှတ်ပြီးတော့ အထက်လေထုထဲသို့ မြင့်တက်သွားပါတယ်။

■ ဒုံးပျံအခိုးအငွေ့တွေက ပတ်ပတ်လည်က လေထုအောက်ဆီဂျင်နဲ့ အဆက်မပြတ် တုံ့ပြန်သက်ရောက်စေပါတယ်။

■ ဒါ့အပြင် ဒုံးပျံလွှတ်တင်မှုတွေက ကလိုရင်း ထုတ်လွှတ်ပေးကာ အိုဇုန်းလွှာယိုယွင်းခြင်းရဲ့ ၀.၀၂ ရာခိုင်နှုန်း သက်ဆိုင်နေပါတယ်။

Source: WION

21 June 2026

Myanmar is looking forward to deeper and all-round cooperation with China, the country's President U Min Aung Hlaing said in an interview with China Media Group (CMG) during his state visit to China.

Source CCTV+

#World_Health
Published 21 June 2026

■ ကလေးတွေမှာ ကင်ဆာဖြစ်ခြင်းအတွက် ကုသနည်းလမ်းတွေ ကန့်သတ်ချက်ရှိနေသလို အသက်ရှင်နှုန်းလည်း နည်းပါးပါတယ်။

■ ယခုအခါတော့ ကလေးကင်ဆာကို ကုသလို့ရလာပြီလို့ ဆေးဘက်ဆိုင်ရာ ကျွမ်းကျင်သူတွေ ပြောပါတယ်။

■ ကျန်းမာရေးဘက်ပေါင်းစုံကနေ တိုးတက်လာမှုကြောင့် ကလေးငယ်အများအပြားဟာ ကင်ဆာကနေ အသက်ဆက်ရှင်နေကြပြီး အရွယ်ရောက်နေကြပြီ ဖြစ်ပါတယ်။

■ လက်ရှိကုသနည်းများဖြင့် ကင်ဆာတွေ့ရှိတဲ့ ကလေးတွေရဲ့ ၈၀-၈၅ ရာခိုင်နှုန်းနီးပါးဟာ ရေရှည်အသက်ရှင်သန်လာကြပြီး အချို့သော ကင်ဆာမျိုးဆိုရင် ကုသပျောက်ကင်းနှုန်း ၉၀ ရာခိုင်နှုန်းကျော်တယ်လို့ Rainbow Children ဆေးရုံမှ ကလေးအထူးကု ဒေါက်တာ မာနိုဂျစ်ချာကရာဘော်တီက ပြောပါတယ်။

■ ကုသလို့ ပျောက်ကင်းနိုင်ခြေတွေက ကင်ဆာအမျိုးအစား၊ ကင်ဆာအဆင့်၊ ကလေးရဲ့ မျိုးဗီဇအခြေအနေ၊ ခန္ဓာကိုယ်တုံ့ပြန်မှုတို့ အပါအဝင် အချက်အလက်များစွာအပေါ် မူတည်နေပါတယ်။

■ ကင်ဆာကုသမှုအပြီး စောင့်ရှောက်မှုအစီအစဉ်များ၊ နောက်ဆက်တွဲ ကျန်းမာရေးစောင့်ရှောက်မှုများဖြင့် နောက်ထပ်ဖြစ်လာနိုင်တဲ့ ပြဿနာများ ဖြေရှင်းပေးပြီး လူနေမှုဘဝ အရည်အသွေး ကောင်းမွန်စေမှာ ဖြစ်ပါတယ်။

■ အိန္ဒိယမှာ အသက်ရှင်နှုန်း တိုးတက်လာပေမယ့် နောက်ကျမှ ရောဂါတွေ့ရှိခြင်း၊ အထူးကုသမှုရရှိရေး အခက်အခဲရှိခြင်း စတဲ့ပြဿနာတွေ ရှိနေပါသေးတယ်။

■ စောစီးစွာတွေ့ရှိပြီး ကုထုံးတွေ အဆင်ပြေမှသာ ရလဒ်ကောင်းတွေ ရရှိမှာ ဖြစ်ပါတယ်။

Source: India Today

#World_Health
Published 21 June 2026

■ အရိုးကျန်းမာရေးက အသက်အရွယ်အစောပိုင်း အလေ့အကျင့်များအပေါ် မူတည်ပြီး အသက်ကြီးလာတာနဲ့အမျှ အရိုးသိပ်သည်းဆ ကျဆင်းလာတတ်ပါတယ်။

■ အရိုးကြံ့ခိုင်မှု၊ လှုပ်ရှားနိုင်စွမ်းတို့ ရေရှည်ထိန်းသိမ်းတဲ့နေရာမှာ ကယ်စီယံနဲ့ ဗိုက်တာမင်-ဒီတို့ ပေါင်းစပ်ခြင်းက အရေးပါပါတယ်။

■ ဗိုက်တာမင်-ဒီနဲ့ ကယ်စီယံ အတူလုပ်ဆောင်ခြင်းဖြင့် ကယ်စီယံစုပ်ယူခြင်းနဲ့ အသုံးချနိုင်စွမ်းတို့ တိုးတက်စေကာ အရိုးသန်မာကြံ့ခိုင်စေပါတယ်။

■ ကယ်စီယံနဲ့ ဗိုက်တာမင်-ဒီ ပုံမှန်သုံးစွဲပေးပါက အရိုးသတ္တုဓာတ် ပြန်လည်ဖွဲ့စည်းခြင်းကို အထောက်အကူပြုပြီး အရိုးကွဲအက်နိုင်ခြေ လျှော့ချပေးပါတယ်။

■ အသက်အရွယ်နဲ့ ကျား/မပေါ်မူတည်ပြီး နေ့စဉ် ကယ်စီယံ ၁,၀၀၀-၁,၂၀၀ မီလီဂရမ်၊ ဗိုက်တာမင်-ဒီ ၆၀၀-၈၀၀ IU မှီဝဲနိုင်ပါတယ်။

■ ကယ်စီယံကို အဓိကအားဖြင့် နို့ထွက်ပစ္စည်းများ၊ ငါး၊ အစိမ်းရောင်အရွက်များကနေ ရရှိနိုင်ပြီး ဗိုက်တာမင်-ဒီကိုတော့ အဆီပါသောငါး၊ ကယ်စီယံပါသော အစားအစာများ၊ နေရောင်ခြည်တို့ကနေ ရရှိနိုင်ပါတယ်။

■ အရိုးကျန်းမာရေးအတွက် အခြားနည်းလမ်းတွေကတော့ အားစိုက်ထုတ်ရတဲ့ လေ့ကျင့်ခန်းများ ပြုလုပ်ခြင်း၊ နေရောင်ခြည် ထိတွေ့ခြင်း၊ အမျိုးမျိုးသော စားစရာများ စားသုံးခြင်း၊ ချော်လဲပြုတ်ကျခြင်းများ မဖြစ်အောင် ကာကွယ်ခြင်းတို့ ပြုလုပ်နိုင်ပါတယ်။

Source: Eating Well