#World_Health
Published 19 June 2026

■ လူသုံးများတဲ့ ဆီးချိုဆေး မက်ဖော်မင်ဟာ ဆီးချိုရောဂါ ထိန်းချုပ်စေနိုင်ရုံမကဘဲ အသက်ကြီးလာတဲ့အခါမှာလည်း အထောက်အကူ ဖြစ်စေနိုင်တယ်လို့ လေ့လာချက်တစ်ခုမှာ တွေ့ရှိထားပါတယ်။

■ ဒါ့အပြင် သက်ကြီးအမျိုသမီးတွေမှာ အသက် ၉၀ လောက်အထိ နေရနိုင်ခြေ ပိုများစေနိုင်ဖွယ် ရှိပါတယ်။

■ အမေရိကန်နဲ့ ဂျာမနီတို့မှ သိပ္ပံပညာရှင်တွေက မီးယပ်သွေးဆုံးပြီးသား အမျိုးသမီး ၄၃၈ ဦးကို လေ့လာခဲ့ကြကာ လူတဝက်လောက်က မက်ဖော်မင်ဆေး အသုံးပြုပြီး နောက်တဝက်လောက်က အခြားဆီးချိုဆေးတစ်ခုဖြစ်တဲ့ ဆာဖိုနိုင်ယူရီယာ အသုံးပြုခဲ့ကြပါတယ်။

■ ထိုအခါမှာ ဆာဖိုနိုင်ယူရီယာ အသုံးပြုသူတွေထက်စာရင် မက်ဖော်မင်အသုံးပြုသူတွေက အသက် ၉၀ မတိုင်ခင် အသက်ဆုံးပါးနိုင်ခြေ ၃၀ ရာခိုင်နှုန်း ပိုနည်းတာကို တွက်ချက်တွေ့ရှိခဲ့ကြပါတယ်။

■ မက်ဖော်မင်ဆေးကို အိုမင်းရင့်ရော်မှုဖြစ်စဉ်များမှ တားဆီးပေးခြင်း၊ DNA ပျက်စီးမှုမှ လျှော့ချခြင်း၊ အသက်ရှည်စေခြင်းတို့မှာ ကူညီတဲ့ဆေးအဖြစ် သတ်မှတ်ထားပါတယ်။

■ ဒါပေမဲ့ ဒီလေ့လာချက်မှာ အကန့်အသတ်တွေရှိနေပြီး ကျပန်းရွေးချယ်မှု မရှိခြင်း၊ နမူနာအစမ်းသပ်ခံ နည်းပါးခြင်း၊ အသက် ၆၀ နဲ့အထက် မီးယပ်သွေးဆုံးပြီးအမျိုးသမီးတွေကိုသာ ဦးစားပေးခြင်းတို့ ပါဝင်နေပါတယ်။

■ ၁၄-၁၅ နှစ်တာလောက် စောင့်ကြည့်လေ့လာခဲ့တာဖြစ်ပြီး လူ့သက်တမ်းအပေါ်မှာ မက်ဖော်မင်ရဲ့ သက်ရောက်နိုင်စွမ်းကို စမ်းသပ်သိရှိခွင့် ရခဲ့ပါတယ်။

■ အသက်အရွယ်နဲ့ သက်တမ်းအပေါ် သက်ရောက်မှုတွေကို အတည်ပြုနိုင်ဖို့ နောက်ထပ်လေ့လာမှုတွေ လိုအပ်ပါသေးတယ်။

■ ဇီဝဖြစ်စဉ်ရင့်ရော်မှု နှေးစေခြင်းက အသက်အရွယ်အရ ရောဂါများနဲ့ မသန်စွမ်းမှုများ တားဆီးပေးနိုင်မယ်ဆိုတဲ့ ယူဆချက်နဲ့လည်း ကိုက်ညီနေပါတယ်။

Source: Science Alert

ဖီဖာကမ္ဘာ့ဖလားပြိုင်ပွဲ ကြည့်ရှုတဲ့ပုံစံနဲ့ ပတ်သက်ပြီး တရုတ်မှာ ရုပ်ရှင်ရုံတွေသို သွားရောက်ပြီး လူအများနဲ့ စိတ်လှုပ်ရှားစွာ ကြည့်နိုင်ခြင်း၊ ရုပ်ရှင်ရုံအဆင့် အသံနဲ့ရုပ်ထွက်စနစ်များဖြင့် ကြည့်ရှုနိုင်ခြင်းတို့ ရရှိနေပါပြီ။

#Asia_Technology
Published 18 June 2026
#ဖီဖာကမ္ဘာ့ဖလားပြိုင်ပွဲ #ကမ္ဘာ့ဖလားဘောလုံးပွဲစဉ်
#YMG #Yangon_Times #Yangon_Media_Group

#World_Health
Published 18 June 2026

■ ဗိုက်တာမင်-ဒီကို နေရောင်ခြည်ထိတွေ့ခြင်းကနေ ရရှိပေမယ့် နေထွက်တဲ့နိုင်ငံတွေမှာ ဗိုက်တာမင်-ဒီ ချို့တဲ့သူ အများအပြားရှိနေဆဲပါ။

■ နေရောင်ခြည်နဲ့ ထိတွေ့ခြင်းဟာ ဗိုက်တာမင်-ဒီကို သဘာဝအတိုင်း အကောင်းဆုံးရရှိစေတယ်လို့ ယူဆထားကြပါတယ်။

■ ဗိုက်တာမင်-ဒီက အရိုးနဲ့ ကြွက်သားများ သန်မာခြင်း၊ ကိုယ်ခံအားစနစ်၊ အလုံးစုံကျန်းမာရေးတို့အတွက် အရေးကြီးပါတယ်။

■ ဗိုက်တာမင်-ဒီနည်းတဲ့အခါ ပင်ပန်းနွမ်းနယ်ခြင်း၊ စိတ်အခြေအနေကျဆင်းခြင်း၊ ကြွက်သားကြွက်တက်ခြင်း၊ ကိုယ်ခံအားကျဆင်းခြင်းတို့နဲ့ ဆက်စပ်လာနိုင်ပါတယ်။

■ ယနေ့ခေတ်မှာ နေရောင်ခြည်မှရတဲ့ ဗိုက်တာမင်-ဒီဖြင့် မလုံလောက်နိုင်တော့ဘဲ အရေပြားအရောင်၊ လေထုညစ်ညမ်းခြင်း၊ နေကာအသုံးပြုခြင်း၊ အသက်အရွယ်၊ နေထိုင်မှုပုံစံတို့က ပတ်သက်နေပါတယ်။

■ နေရောင်ခြည်ရော ဖြည့်စွက်အားဆေးတွေက ဗိုက်တာမင်-ဒီ ထုတ်လုပ်ပေးတာတူပေမယ့် ဖြည့်စွက်ဆေးတွေက အမြင့်ဆုံးပမာဏကို ထိန်းသိမ်းထားနိုင်ပြီး နေရောင်ခြည်ထိတွေ့မှုကတော့ ခန့်မှန်းလို့ မရပါဘူး။

■ ဗိုက်တာမင်-ဒီကြွယ်ဝတဲ့ စားစရာတွေထဲမှာ အဆီပါသောငါးများ၊ ကြက်ဥအနှစ်၊ နို့ထွက်ပစ္စည်းများ ပါဝင်ပါတယ်။

■ နေရောင်ခြည်နဲ့ ဘေးကင်းစွာ ထိတွေ့ရင်တော့ စိတ်အခြေအနေ တိုးတက်စေခြင်း၊ အိပ်စက်မှုစက်ဝန်း ထိန်းညှိပေးခြင်းတို့ အပါအဝင် ကျန်းမာရေးအကျိုးကျေးဇူးတွေ ရရှိစေနိုင်ပါတယ်။

■ နေရောင်ခြည်ထိတွေ့မှု၊ အာဟာရမျှတတဲ့ အစားအစာ၊ ဖြည့်စွက်ဆေးတို့ကို လိုအပ်သလို မျှတအောင် ဆောင်ရွက်ပေးဖို့ ကျန်းမာရေးပညာရှင်များ အကြံပြုထားပြီး ဖြည့်စွက်ဆေး မသုံးခင်မှာတော့ ကျွမ်းကျင်သူတွေနဲ့ အရင်တိုင်ပင်သင့်ပါတယ်။

Source: India Today

#World_Health
Published 18 June 2026

■ အသားအရေ ထိန်းသိမ်းပစ္စည်းတွေ သုံးဖူးတယ်၊ ကိုယ်တိုင်လုပ်နည်းတွေလည်း စမ်းဖူးတယ်၊ ရေမှန်မှန်သောက်တယ်၊ ဒါပေမဲ့ အသားအရေက မှိုင်းညိုနေတုန်းပဲလား။

■ ယခုခေတ် လူနေမှုပုံစံထဲမှာ အာဟာရမပြည့်ဝတာ၊ စိတ်ဖိစီးတာ၊ အနားယူမှု မလုံလောက်တာ၊ သွေးတွင်းသကြားဓာတ် မမျှတတာ၊ ခန္ဓာကိုယ်တွင်း ရောင်ရမ်းတာတွေက သဘာဝအတိုင်း အသားအရေတောက်ပမှုကို မှေးမှိန်သွားစေပါတယ်။

■ အလှကုန်ပစ္စည်းတွေက အရေပြားအပြင်ဘက်ကို လိမ်းခြယ်တာဖြစ်ပြီး တကယ့်အရေပြားကတော့ အာဟာရဓာတ်တွေအပေါ် မူတည်ကာ မှန်ကန်တဲ့စားစရာတွေက အာဟာရဓာတ်တွေ ပေးနိုင်မှာ ဖြစ်ပါတယ်။

■ အသားအရေ ထိုင်းမှိုင်းခြင်းက အာဟာရချို့တဲ့ခြင်း၊ စိတ်ဖိစီးခြင်း၊ ရောင်ရမ်းခြင်းစတဲ့ ကိုယ်တွင်းပြဿနာတွေနဲ့ ဆက်စပ်နေပြီး ညီညွတ်မျှတတဲ့ အစားအစာတွေ အာဟာရဓာတ်တွေက အသားအရေ တောက်ပဖို့အတွက် အရေးပါတယ်လို့ အာဟာရပညာရှင် လော့ဗ်နိဘာထရာက ပြောပါတယ်။

■ ပရိုတိန်း - အရေပြားပြုပြင်ခြင်းမှာ ပါဝင်ပြီး ဥ၊ ဒိန်ချဉ်တို့မှာ ကြွယ်ဝစွာ ပါဝင်ပါတယ်။

■ ကောင်းကျိုးပြုအဆီများ - သစ်ကြားသီး၊ ဗာဒံသီး၊ ချီယာစေ့၊ ထောပတ်သီးတို့မှာ အဆိုပါအဆီများ ပါဝင်ပြီး အရေပြားတင်းရင်းခြင်းနဲ့ ရေဓာတ်တို့ကို ကူညီပေးပါတယ်။

■ ဗိုက်တာမင်များ - ဗိုက်တာမင်စီက ကော်လာဂျင်ထုတ်လုပ်ပေးပြီး အရေပြားတောက်ပစေကာ အသီးအနှံအချို့မှာ ပါဝင်ပါတယ်။

■ သတ္တုဓာတ်များ - သံဓာတ်၊ ဇင့်တို့က အရေပြားကျန်းမာရေးနဲ့ ပြန်လည်ကုစားခြင်းတို့ကို ကူညီပေးပြီး ဖရုံစေ့၊ ဟင်းနုနွယ်၊ နှမ်းစေ့၊ သကြားမုန်လာတို့မှာ ကြွယ်ဝစွာ ပါဝင်ပါတယ်။

■ အိုမီဂါ(၃)ဖက်တီးအက်ဆစ် - ရောင်ရမ်းခြင်းလျှော့ချပေးကာ အရေပြားအကာအကွယ်ကို ကူညီပေးပြီး အဆီပါသောငါးများ၊ ချီယာစေ့၊ လျှော်စေ့၊ သစ်ကြားသီးတို့မှာ ကြွယ်ဝစွာ ပါဝင်ပါတယ်။

■ ဓာတ်တိုးဆန့်ကျင်ပစ္စည်းများ - ဓာတ်တိုးခြင်းကို ဆန့်ကျင်ပြီး အသားအရေ ရင့်ရော်ခြင်းကို နှေးစေကာ ချောကလက်၊ ဘယ်ရီသီးများ၊ လက်ဖက်စိမ်း၊ သလဲသီးတို့မှာ ပါဝင်ပါတယ်။

Source: NDTV

တရုတ်ပြည်ရဲ့ AI ဆက်စပ်တင်ပို့ကုန်ပစ္စည်းတွေဟာ ယခုနှစ် ပထမ ၅ လအတွင်း ယွမ် ၄.၁၂ ထရီလီယံရောက်ရှိခဲ့ကာ နှစ်စဉ် ၅၂.၄ ရာခိုင်နှုန်း တိုးတက်လာကြောင်း အကောက်ခွန်အထွေထွေအုပ်ချုပ်ရေးက ပြောပါတယ်။

#Asia_Industry
Published 17 June 2026
#တရုတ်ပြည် #AI
#YMG #Yangon_Times #Yangon_Media_Group

#World_Health
Published 17 June 2026

■ ဇီဝကမ္မကျန်းမာရေးအတွက် အစားအစာ အမျိုးအစားများအပြင် အစဉ်လိုက်စားသုံးမှုကလည်း အရေးပါတဲ့ နည်းလမ်းဖြစ်ပါတယ်။

■ ပါဝင်ပစ္စည်းများနဲ့ ပမာဏမပြောင်းလဲဘဲ အစဉ်လိုက်စားသုံးမှုပုံစံ ပြောင်းလဲပေးခြင်းဖြင့် သွေးတွင်းသကြားဓာတ် မြင့်တက်မှုကို လျော့ကျစေကာ ဗိုက်ပြည့်ဝစေပါတယ်။

■ ဒါက သွေးတွင်းသကြားဓာတ် ထိန်းချုပ်ရာမှာ ရေရှည်အကျိုးရှိစေမှာ ဖြစ်ပါတယ်။

■ အဆင့် ၃ ဆင့်ပါဝင်တဲ့ စားသောက်အစီအစဉ်ဆိုတာက ပန်းကန်တစ်ချပ်ထဲမှာပဲ အာဟာရဓာတ်အဆင့် ၃ ဆင့် ခွဲခြားထားပြီး ရောမစားဘဲနဲ့ တစ်ဆင့်ပြီးမှတစ်ဆင့် စားသုံးတာ ဖြစ်ပါတယ်။

■ (၁) ပထမအဆင့်
အမျှင်ဓာတ်ပါဝင်တဲ့ အရွက်များ၊ အသုပ်များ စားသုံးရမှာဖြစ်ပြီး အူသိမ်နံရံတလျှောက် ဇီဝအကာအကွယ် ပေးစွမ်းကာ ဂလူးကို့စ်စုပ်ယူခြင်းကို နှေးစေပါတယ်။

■ (၂) ဒုတိယအဆင့်
ပရိုတိန်းနဲ့ အဆီများပါဝင်တဲ့ ကြက်သား၊ ဥ၊ အခွံမာသီးတို့ စားသုံးရမှာဖြစ်ပြီး PYY နဲ့ GLP-1 ဗိုက်ပြည့်ဝဟော်မုန်းတွေကို လှုံ့ဆော်ပေးကာ ဗိုက်ပြည့်ပြီလို့ အချက်ပြပေးပါတယ်။

■ (၃) တတိယအဆင့်
နောက်ဆုံးမှာတော့ ထမင်း၊ အာလူး၊ မုန့်ချိုတွေလို ကာဗိုဟိုက်ဒရိတ်နဲ့ အချိုဓာတ်တွေ စားပေးရမှာဖြစ်ပြီး ကာဗိုဟိုက်ဒရိတ်တွေက စွမ်းအင်အဖြစ်သို့ ဖြည်းဖြည်းချင်း ပြောင်းလဲပေးပါတယ်။

■ အစားအစာအမျိုးအစား ထိန်းချုပ်တာထက် စားသုံးမှု အစီအစဉ်ကို ဦးစားပေးခြင်းဖြင့် ဇီဝကမ္မဖြစ်စဉ် ကြံ့ခိုင်မှုအားကောင်းစေပြီး ကြာရှည်ခံတဲ့စွမ်းအင် ရရှိစေမှာ ဖြစ်ပါတယ်။

Source: NDTV