#Daily_News

Published 23 Apirl 2025

၁။ စက်သုံးဆီဖူလုံမှုရှိပြီး ရောင်းဈေးများလည်းကျဆင်း‌နေဟုဆို

၂။ ငလျင်ကြောင့် ပျက်စီးခဲ့သည့် အဆောက်အဦများကို မီတာခကောက်ခံခြင်းမရှိ

၃။ YBS စံပြယာဉ်မောင်းများအား ထိုင်းသို့ပို့ဆောင်

၄။ ဘဂ္ဂဒက်မြို့တွင်ကျင်းပသည့် ကာကွယ်ရေးပြပွဲ၌ တရုတ်ကုမ္ပဏီများမှနောက်ဆုံးပေါ်စစ်လက်နက် နည်းပညာများပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 23 April 2025

▪️ ဒိန်းမတ်နဲ့ ဂျာမနီကြား ဘောလ်တစ်ပင်လယ်အောက်မှာ စံချိန်တင်မယ့် လိုဏ်ခေါင်းတစ်ခုတည်ဆောက်နေပြီး စကန်ဒီနေးဗီးယားနဲ့ ဥရောပကြား ဆက်သွယ်မှုတွေ တိုးတက်စေမှာဖြစ်ကာ သွားလာချိန် သက်သာစေမှာဖြစ်ပါတယ်။

▪️ ဖယ်မန်ဘဲ့လ်လိုဏ်ခေါင်းဟာ ၁၈ ကီလိုမီတာ (၁၁မိုင်)ရှိပြီး ကမ္ဘာ့အရှည်ဆုံး ကြိုတင်ပြင်ဆင်လမ်းမကြီးနဲ့ ရထားလိုဏ်ခေါင်း ဖြစ်လာမှာပါ။

▪️ ထူးခြားတဲ့ အင်ဂျင်နီယာပညာ အသုံးပြုထားပြီး ပင်လယ်ကြမ်းပြင်ပေါ်မှာ လိုဏ်ခေါင်းအပိုင်းလိုက်တွေကို ချိတ်ဆက်ထားမှာ ဖြစ်ပါတယ်။

▪️ ဒီစီမံကိန်းရဲ့ အဓိကဆောက်လုပ်ရေးနေရာဟာ ဒိန်းမတ်အရှေ့တောင်ဘက် လိုလန်ကျွန်းကမ်းရိုးတန်းမှ မြောက်ဘက်လိုဏ်ခေါင်းအဝင်ဝနေရာမှာ တည်ရှိပါတယ်။

▪️ ဒီဆောက်လုပ်ရေးလုပ်ငန်းကြီးက ဟက်တာ ၅၀၀ ကျော်ကျယ်ဝန်းပြီး ဆိပ်ကမ်းတစ်ခုနဲ့ လိုဏ်ခေါင်းအပိုင်းများ ထုတ်လုပ်နေတဲ့ စက်ရုံတစ်ခုပါဝင်ပါတယ်။

▪️ သံမဏိကို ကွန်ကရစ်လောင်းပြီးတော့ အပိုင်းတစ်ခုစီဟာ ၂၁၇ မီတာရှည်လျားပြီး ၄၂ မီတာအကျယ်ရှိပါတယ်။

▪️ ဒီလိုနဲ့ အပိုင်းပေါင်း ၉၀ ကို တစ်ခုပြီးတစ်ခုချိတ်ဆက်ထားမှာ ဖြစ်ပါတယ်။

▪️ ဒီစီမံကိန်းဟာ စံချိန်တွေချိုးသွားမှာဖြစ်တယ်လို့ ဒိန်းမတ်ကုမ္ပဏီ ဖယ်မန်းမှ အမှုဆောင်ချုပ် ဟင်းနရစ်ဗင်ဆန့်ဆင်က ပြောပြပါတယ်။

▪️ စီမံကိန်းတန်ဖိုးက ယူရို ၇.၄ ဘီလီယံခန့်ရှိကာ အများစုကို ဒိန်းမတ်ဘက်မှ အကုန်အကျခံထားပြီး ဥရောပကော်မရှင်မှ ယူရို ၁.၃ ဘီလီယံ ထောက်ပံ့ထားပါတယ်။

▪️ လှေသင်္ဘောဖြင့် ၄၅ မိနစ်ခန့်သွားရတဲ့ခရီးဟာ လိုဏ်ခေါင်းပြီးစီးပါက ဒိန်းမတ်တောင်ပိုင်း ရော့ဒ်ဘီဟေဗန်နဲ့ ဂျာမနီမြောက်ပိုင်း ပွတ်ဂါတင်တို့ကြား ကားဖြင့်သွားရင် ၁၀ မိနစ်ခန့်၊ ရထားဖြင့်သွားရင် ၇ မိနစ်ခန့်သာ ကြာမြင့်တော့မှာ ဖြစ်ပါတယ်။

▪️ ဒိန်းမတ်နဲ့ ဂျာမနီကို ချိတ်ဆက်ရုံမက စကန်ဒီနေးဗီးယားနဲ့ ဥရောပအလယ်ပိုင်းကိုလည်း ချိတ်ဆက်ထားတာကြောင့် အားလုံးအတွက် အကျိုးရှိစေသလို ကီလိုမီတာ ၁၆၀ လောက် လျော့နည်းသွားတာကြောင့် ကာဗွန်ထုတ်လွှတ်မှုနဲ့ ပို့ဆောင်ရေးသက်ရောက်မှုတို့ လျော့နည်းစေမှာဖြစ်ကြောင်း မစ္စတာ ဗင်ဆန့်ဆင်က ဆိုပါတယ်။

▪️ လိုဏ်ခေါင်းထဲမှာ ရထားလမ်း ၂ လမ်း၊ ကားလမ်း အသွားအပြန် ၂ လမ်း၊ ထိန်းသိမ်းပြုပြင်ရေးနဲ့ အရေးပေါ်စင်္ကြံတို့ ပါဝင်ပါတယ်။

▪️ ဆောက်လုပ်ရေးက အလွန်ရှုပ်ထွေးကာ အပိုင်းအပိုင်းတွေကို ရေအောက် ၄၀ မီတာအထိ ပင်လယ်ကြမ်းပြင်ပေါ် ချရမှာဖြစ်ပြီး ရေအောက်ကင်မရာ၊ ဂျီပီအက်စ်လမ်းညွှန်ကိရိယာများ အသုံးပြုထားကာ ၁၅ မီလီမီတာအထိ တိကျမှုရှိပါတယ်။

▪️ ဒီလိုဏ်ခေါင်းတည်ဆောက်ဖို့ ဒိန်းမတ်နဲ့ ဂျာမနီတို့ ၂၀၀၈ တည်းက သဘောတူညီချက်ရထားပေမယ့် ဖယ်ရီလုပ်ငန်းများနဲ့ ဂျာမန် ကွန်ဆာဗေးရှင်းအဖွဲ့တို့က ဂေဟစနစ်ထိခိုက်မှာကို စိုးရိမ်တာကြောင့် နှောင့်နှေးခဲ့ရပါတယ်။

▪️ ၂၀၂၀ မှာတော့ ဂျာမနီ ဖက်ဒရယ်တရားရုံးတစ်ခုကနေ ယင်းတို့ရဲ့ စွပ်စွဲမှုတွေကို ငြင်းပယ်ခဲ့တာကြောင့် ဆောက်လုပ်ဖို့ မီးစိမ်းပြသွားပါတယ်။

▪️ လိုဏ်ခေါင်းကို ၂၀၂၉ မှာ ဖွင့်လှစ်မှာဖြစ်ပြီး နေ့စဉ် ရထား ၁၀၀ ကျော်နဲ့ ကားပေါင်း ၁၂,၀၀၀ ခန့်ဖြတ်သန်းမယ်လို့ ခန့်မှန်းထားပါတယ်။

#Source: BBC

#World_Health
Published 23 April 2025

▪️ တက်တူးလို့ခေါ်တဲ့ ဆေးမင်ကြောင်တွေဟာ လူ့ယဉ်ကျေးမှု အစိတ်အပိုင်းမှာ နှစ်ထောင်ချီတိုင်အောင် ရှိနေခဲ့ပါတယ်။

▪️ လူမျိုးရေး ဘာသာရေးအမှတ်အသားကစလို့ ယနေ့ခေတ် ခေတ်မီဒီဇိုင်းပုံများအထိ ရှိလာပြီး ကမ္ဘာအနှံ့မှာ အဓိပ္ပာယ်အမျိုးမျိုး ဖော်ဆောင်ပါတယ်။

▪️ တက်တူးပညာရှင်များ ထိုးပေးတဲ့အခါ ဘေးကင်းစိတ်ချနိုင်ပေမယ့် ဆရာဝန်တွေက ကျန်းမာရေးအန္တရာယ်များအကြောင်း သတိပေးလာပါတယ်။

▪️ တက်တူးထိုးတဲ့အခါ အရေပြားကို အပ်ဖြင့်ဖောက်ရပြီး dermisလို့ခေါ်တဲ့ အရေပြားဒုတိယလွှာအထိ မင်ကိုထိုးသွင်းရပါတယ်။

▪️ ဒီဖြစ်စဉ်က နောက်နှစ်တွေကြာလာတဲ့အခါ တစ်ခါတရံ ပြဿနာဖြစ်လာနိုင်ပါတယ်။

▪️ "မင်က အထဲကိုနက်သည့်အထိ ဝင်ရောက်တဲ့အခါ ဒါမှမဟုတ် ပစ္စည်းကိရိယာများ မသန့်ရှင်းတဲ့အခါ ရောဂါကူးစက်မှု ဖြစ်လာနိုင်ပြီး အရေပြားအောက် အဖုရောဂါများ၊ မှိုကူးစက်မှုများ ဖြစ်လာနိုင်တယ်" လို့ အပိုလိုဆေးရုံမှ အရေပြားဆရာဝန်ကြီး ဒေါက်တာ ဗီဂျင်ဒရန်က ရှင်းပြပါတယ်။

▪️ နောက်တစ်မျိုးက အချို့လူတွေမှာ အမာရွတ်ထူထဲလာပြီး အလွယ်တကူ မပျောက်တော့ဘဲ ရှိနေတတ်ပါတယ်။

▪️ အရည်အသွေးမကောင်းတဲ့ မင်ရည်တွေဆိုရင် မာကျူရီဆား ဒါမှမဟုတ် ဒိုင်ခရိုမိတ်တို့လို အန္တရာယ်ရှိအရာများ ပါဝင်နေနိုင်ကာ အရေပြားပျက်စီးခြင်း၊ ဓာတ်မတည့်ခြင်းတို့ ဖြစ်နိုင်ပါတယ်။

▪️ ပြဿနာအများစုက တက်တူးထိုးပြီးလို့ ၂ ပတ်အတွင်း ပေါ်ပေါက်လာနိုင်ပြီး အပ်တွေမသန့်ရှင်းရင် အသည်းရောင်-ဘီ၊ စီ၊ HIV၊ ဘက်တီးရီးယားကူးစက်မှုများ ဖြစ်နိုင်ပါတယ်။

▪️ အရေပြားရောဂါရှိပြီးသား လူတွေမှာ တက်တူးထိုးတဲ့အခါ ပိုဆိုးသွားပြီး အကွက်များ ပျံ့နှံ့လာတတ်တယ်လို့ ယာရှိုဒါစူပါအထူးကုဆေးရုံမှ အရေပြားဆရာဝန် ဒေါက်တာ ဆာရီတာဆန်ကဲက ပြောပါတယ်။

▪️ တက်တူးက တသက်လုံးစွဲနေမယ့်အရာဖြစ်ပေမယ့် လေဆာကုသနည်းဖြင့် ဖယ်ရှားနိုင်ပါတယ်။

▪️ တက်တူးဆိုတာက ပိုမိုကြည့်ကောင်းစေနိုင်ပြီး အဓိပ္ပာယ်တွေကိုလည်း ဖော်ဆောင်နိုင်သလို ဘေးအန္တရာယ်လည်း ရှိနိုင်တာကြောင့် ထိုးမယ်ဆိုရင် သန့်ရှင်းတဲ့ လိုင်စင်ရတက်တူးဆိုင်များမှ ပညာရှင်များနဲ့သာ ဆောင်ရွက်သင့်ပါတယ်။

#Source: India Today

#World_Science
Published 23 April 2025

▪️ ဘုရင် တူတန်ခမွန်ရဲ့ အုတ်ဂူထဲကနေ ရှေးခေတ်အီဂျစ်ထုံးတမ်းဓလေ့တစ်ခုရဲ့ လျှို့ဝှက်ချက်ကို ကျွမ်းကျင်သူများ တူးဖော်တွေ့ရှိခဲ့ကြတယ်လို့ ဆိုနေကြပါတယ်။

▪️ ဒဏ္ဍာရီလာ ဖာရိုးဘုရင်ရဲ့ အုတ်ဂူကို ၁၉၂၂ခုနှစ်မှာ တွေ့ရှိခဲ့ကြပြီး အဖိုးမဖြတ်နိုင်တဲ့ ပစ္စည်းဥစ္စာများထောင်နဲ့ချီ ရှိနေကာ အချို့အရာတွေကို မမြင်ဘဲကျော်သွားခဲ့ဟန်ရှိတယ်လို့ ယူဆနေကြပါတယ်။

▪️ ဘုရင်ကြီးခေါင်းချရာနေရာထဲက ရတနာပစ္စည်းအချို့ဟာ ရှေးခေတ်မြှုပ်နှံမှုဓလေ့ထုံးတမ်းများအတွက် သဲလွန်စဖြစ်နိုင်တယ်လို့ ယေးလ်တက္ကသိုလ်မှ အီဂျစ်ရှေးဟောင်းပညာရှင် ဒေါက်တာ နီကိုလတ်စ်ဘရောင်းက ပြောပါတယ်။

▪️ တူတန်ခမွန်ရဲ့အခေါင်းအနီးမှာရှိတဲ့ ရွှံ့စေးလင်ပန်းတွေနဲ့ သစ်သားတောင်ဝှေးတွေက မြေအောက်နတ်ဘုရား အိုဆီရီစ်နဲ့ဆက်စပ်တဲ့ အိုဆီရီယန်ဈာပနအခမ်းအနားရဲ့ အရေးကြီးအစိတ်အပိုင်းတွေ ဖြစ်မယ်လို့ ယူဆနေပါတယ်။

▪️ လင်ပန်းတွေနဲ့ ၃ပေရှည်တဲ့ သစ်သားတောင်ဝှေး ၄ ချောင်းတို့ဟာ အခေါင်းထိပ်ပိုင်းကနေ ၅ ပေလောက်နေရာမှာ ရှိပါတယ်။

▪️ ဒီပစ္စည်းတွေရဲ့ ဘာသာရေးနဲ့ ရှေးဟောင်းသုတေသန အကြောင်းအရာများကို အနီးကပ်လေ့လာတဲ့အခါ နောက်ထပ် အလုပ်လုပ်ပုံတွေကို သဘောပေါက်လာစေတယ်လို့ ဖော်ပြထားပါတယ်။

▪️ ရွှံ့ခွက်တွေကတော့ ထုံးတမ်းဓလေ့အရ နတ်ဘုရားမကို ပူဇော်တဲ့အနေနဲ့ ငှဲ့ထည့်ရာမှာ အသုံးပြုတယ်လို့ ယူဆထားပါတယ်။

▪️ နိုင်းလ်မြစ်မှရေတွေ စီးဆင်းလာပြီး သန့်စင်တဲ့ရေက ဆုံးပါးပြီးသားအလောင်းကို ပြန်လည်အသက်ဝင်စေမယ်လို့ ယုံကြည်ခဲ့ကြဟန်ရှိပါတယ်။

▪️ သစ်သားတောင်ဝှေးတွေကတော့ တူတန်ခမွန်ကို ထုံးတမ်းအရ နိုးထစေဖို့အတွက် အရေးပါတဲ့နေရာမှ ပါဝင်နေနိုင်ဖွယ်ရှိပါတယ်။

▪️ တူတန်ခမွန်ရဲ့ အုတ်ဂူနေရာကနေ ရှေးဟောင်းသုတေသနမှတ်တမ်းထဲမှာ သိရသလောက် ဒီထုံးတမ်းဓလေ့နဲ့ ပတ်သက်ပြီး အစောဆုံးသရုပ်ပြချက်ဖြစ်နေမယ်လို့ ဘရောင်းက ယုံကြည်နေပါတယ်။

#Source: New York Post

၂၂ ဧပြီ ၂၀၂၅

မြန်မာနစကအစိုးရနှင့် ကိုးကန့် MNDAA နှစ်ဖွဲ့စလုံးကဖိတ်ခေါ်တဲ့အတွက် အပစ်အခတ်ရပ်စဲမှု စောင့်ကြည့်ရေးအဖွဲ့တစ်ဖွဲ့ကို မြန်မာနိုင်ငံမြောက်ပိုင်းလားရှိုးသို့ စေလွှတ်ထားတယ်လို့ တရုတ်နိုင်ငံက အတည်ပြုပါတယ်။

Source CCTV+

၂၂ ဧပြီ ၂၀၂၅

မြန်မာနစကအစိုးရနှင့် ကိုးကန့် MNDAA နှစ်ဖွဲ့စလုံးကဖိတ်ခေါ်တဲ့အတွက် အပစ်အခတ်ရပ်စဲမှု စောင့်ကြည့်ရေးအဖွဲ့တစ်ဖွဲ့ကို မြန်မာနိုင်ငံမြောက်ပိုင်းလားရှိုးသို့ စေလွှတ်ထားတယ်လို့ တရုတ်နိုင်ငံက အတည်ပြုပါတယ်။

လားရှိုးမြို့ ပြန်လည်လွှဲပြောင်းပေးမှုအပေါ် မီဒီယာရဲ့မေးမြန်းချက်ကို တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် မစ္စတာ ကွမ်ကျားကွင်က ဖြေကြားခဲ့တာဖြစ်ပါတယ်။

အဲဒီအဖွဲ့ဟာ မြန်မာတပ်မတော်နှင့် MNDAA တို့အကြား အပစ်အခတ်ရပ်စဲမှုကိုကြီးကြပ်ပြီး လာရှိုးရဲ့ မြို့ပေါ်ဒေသ ချောမွေ့စွာ လွှဲပြောင်းမှုကို ကိုယ်တိုင်မျက်မြင်တွေ့ရမှာဖြစ်ပါတယ်လို့ သူကဆက်ပြော  ပါတယ်။

မြန်မာအစိုးရနှင့် ကိုးကန့်ရဲ့ Myanmar National Democratic Alliance Army (MNDAA)တို့အကြား ကူမင်းမှာကျင်းပခဲ့တဲ့ ငြိမ်းချမ်းရေးဆွေးနွေးပွဲအတွင်း ရရှိခဲ့တဲ့ သဘောတူညီချက်တွေကို အကောင် အထည်ဖော်ဖို့  နှစ်ဖွဲ့စလုံးက ဖိတ်ခေါ်ခဲ့တာလို့လည်း ဆိုပါတယ်။

လားရှိုးမြို့ပေါ်ကနေ MNDAA ဆုတ်ခွာသွားပြီး တပ်မတော်ဝင်ရောက်လာမှုတွေနှင့် တရုတ်ရဲ့ အပစ်အခတ်ရပ်စဲမှုစောင့်ကြည့်ရေးအဖွဲ့လည်းရောက်ရှိနေတယ်လို့ ယခုရက်ပိုင်းတွင် ဆိုရှယ်မီဒီယာများ တွင် သတင်းများပျံ့နှံ့ခဲ့တာဖြစ်ပါတယ်။

#ymg/knl