Published 22 June 2022
ဖိနပ်မပါခြေဗလာနှင့် တီးဝိုင်းတစ်ခုဟာ ဘာရွန်ဒီ အမျိုးသားဝတ်စုံတွေ ဝတ်ဆင်ပြီး ကြီးမားလှတဲ့ သစ်သားဗုံကြီးတွေကို အားအင်အပြည့်နှင့် ရိုက်ခတ် လိုက်ပါတယ်။ တိကျသေချာမှုနှင့်... မကွယ်မဝှက်တဲ့ ပျော်ရွှင်မြးတူးမှုတွေနှင့် ဖြစ်ပါတယ်။
လက်တစ်ဖက်စီမှာ တုတ်ချောင်းတစ်ခုကိုကိုင်ပြီး သူတို့ဟာ ဝှေ့ရမ်းကခုန်နေကြပါတယ်။ ဗုံးတီးသူတွေနှင့် သူတို့ရဲ့တော်ဝင် ဗုံတွေဟာ ရာစုနှစ်များစွာတည်ရှိခဲ့တဲ့ ဘာရွန်ဒီတို့ရဲ့ ရိုးရာဓလေ့ဖြစ်ပြီး ယူနက်စကိုအဖွဲ့ကြီးက စာရင်းသွင်း အသိအမှတ်ပြုထားတာပါ။ အစိုးရက သတိနှင့်စောင့်ရှောက်ကာကွယ်ပေးနေရတဲ့ ယဉ်ကျေးမှုတစ်ခုလည်းဖြစ်ပါတယ်။
Source AFP
အာဖဂန်နစ္စတန်နိုင်ငံ အစွန်အဖျားဒေသ တောင်ထူထပ်တဲ့ ရွာတွေရှိတဲ့နေရာ တွင် ဗုဒ္ဓဟူးနေ့ စောစောပိုင်းက ပြင်းအား ၆.၁အဆင့်ရှိ ငလျင်ကြီးလှုပ်ရှားသွားရာ လူပေါင်း ၁၀၀၀ကျော် သေဆုံးခဲ့ရပါတယ်။ လူ ၁၅၀၀ကျော်ထိခိုက်ဒဏ်ရာရရှိပြီး သေဆုံးသူ ဒီထက်ပိုများနိုင်ပါတယ်လို့ နိုင်ငံပိုင်မီဒီယာကပြောပါတယ်။
၂၀၀၂ခုနှစ်ငလျင်နောက်ပိုင်း ယခုငလျင်ဟာ အဆိုးရွားဆုံးဖြစ်ပါတယ်။ အာဖဂန်နစ္စတန်နိုင်ငံ အရှေ့တောင်ပိုင်းပါကစ္စတန်နယ်စပ်အနီးက ခို့စ်မြို့က ၂၇မိုင်အကွာ တောင်ထူထပ်တဲ့နေရာမှာလှုပ်ရှားသွားတာပါ။
အသေအပျောက်အများဆုံးက အရှေ့ပိုင်း ပက်တီကာပြည်နယ်ဖြစ်ပြီး အဲဒီနေရာမှာ လူပေါင်း ၂၅၅ ဦးသေဆုံးခဲ့ရပြီး
၂၀၀ကျော်ဒဏ်ရာရခဲ့တာပါ။
ငလျင်လှုပ်ရှားမှုဒဏ်ကို ပါကစ္စတန်၊အာဖဂန်နစ္စတန်နှင့်အိန္ဒိယနိုင်ငံတွေက လူပေါင်း ၁၁၉သန်းခန့် ခံစားခဲ့ကြရပါတယ်။ဒါပေမယ့် ပါကစ္စတန်ဘက်က ထိခိုက်သေဆုံးမှုသတင်းတွေ ပေးပို့ခြင်းမရှိသေးပါဘူး။
Source Reuters/AP
#DailyNews
Published - 22 June 2022
၁။ မြန်မာ့ထွက်ကုန်များကို ဘင်္ဂလားဒေ့ရှ်သို့ သင်္ဘောဖြင့် တိုက်ရိုက်တင်ပို့နိုင်ရန်စီစဉ်
၂။ သွေးလန့်လက္ခဏာများ ပေါ်လာပါကဆေးရုံကို အချိန်မီသွားရန်လိုဟုဆို
၃။ နေ့စဉ်မိုးလေဝသသတင်း။
၄။ ပေကျင်းရှိ နှစ်ပေါင်း(၃,၅၀၀)သက်တမ်းရှိ ထင်းရှူးပင်အိုကြီးကို ထိန်းသိမ်းစောင့်ရှောက်နေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
#WorldHealth
Published 21 June 2022
နေ့စဉ်အချိန်ကြာမြင့်စွာ အထိုင်များခြင်းက စောစီးစွာအသက်ဆုံးပါးနိုင်ကြောင်း လေ့လာချက်အသစ်တစ်ခုမှာ ဖော်ပြထားပါတယ်။
ကနေဒါနိုင်ငံ ဗန်ကူဗာ ဆိုင်မွန်ဖရေဆာတက္ကသိုလ်မှ သုတေသီများက ဖော်ပြခဲ့ရာမှာ အချိန်ကြာကြာထိုင်နေခြင်းဖြင့် နှလုံးသွေးကြောရောဂါဖြစ်နိုင်ချေရှိပြီး အသက်အန္တရာယ်ပါရှိကြောင်း သိရှိရပါတယ်။
လတ်တလောနှစ်များမှာ ကမ္ဘာတဝှမ်းကလူတွေအနေနဲ့ ထိုင်ရတဲ့အချိန်ပိုများလာကြောင်း သုတေသီများ သတိပေးထားပါတယ်။
ဒါဟာ ကွန်ပျူတာနဲ့စမတ်ဖုန်းတွေလို နည်းပညာတွေထွန်းကားလာတာကြောင့်လည်း ဖြစ်ပါတယ်။
အမေရိကန်နဲ့ ဥရောပတခွင်မှာ အဝလွန်ခြင်း၊ ဆီးချိုရောဂါအဖြစ်များလာခြင်းနဲ့ ကမ္ဘာတဝှမ်းကျန်းမာရေးပြဿနာများဟာ အထိုင်များခြင်းကြောင့်ဖြစ်ပါတယ်။
နိုင်ငံ ၂၁ နိုင်ငံမှ အသက် ၁၁ နှစ်ဝန်းကျင်ရှိ လူငယ်ပေါင်း ၁၀၅,၀၀၀ ဦးထံမှ အချက်အလက်များကောက်ယူကာ တွေ့ရှိချက်တွေကို သုတေသီများက JAMA Cardiology မှာ ဗုဒ္ဓဟူးနေ့က ဖော်ပြခဲ့ပါတယ်။
"သက်တမ်းမစေ့ခင် အသက်ဆုံးပါးခြင်းများနဲ့ နှလုံးသွေးကြောရောဂါများ လျော့ကျဖို့အတွက် ကိုယ်လက်လှုပ်ရှားပြုလုပ်ခြင်းနဲ့ ထိုင်ချိန်နည်းပါးအောင်ပြုလုပ်ခြင်းတို့က အရေးကြီးပါတယ်" လို့ ဖော်ပြထားပါတယ်။
တစ်နေ့ကို အချိန် ၄ နာရီမှ ၆ နာရီကြားထိုင်တဲ့သူတွေက နှလုံးရောဂါလိုမျိုးဖြစ်နိုင်ချေနည်းပါးကြောင်းတွေ့ရှိရပါတယ်။
ဖွံ့ဖြိုးပြီးနိုင်ငံတွေမှာ တစ်နေ့ကို ၆ နာရီမှ ၈ နာရီကြား ထိုင်တဲ့သူတွေကတော့ အသက်ဆုံးရှုံးမှုနှုန်းအနည်းငယ်ပိုများလာပြီး တစ်နေ့ ၈ နာရီထက် အထိုင်များသူတွေက အသက်အန္တရာယ် ၁၀ ရာခိုင်နှုန်း ပိုများလာပါတယ်။
ဖွံ့ဖြိုးမှုအားနည်းတဲ့ နိုင်ငံကလူတွေက ပိုမိုဖွံ့ဖြိုးတဲ့နိုင်ငံကလူတွေထက် ပိုပြီးဖြစ်နိုင်ချေများနေပါတယ်။
အထိုင်များခြင်းတစ်ခုတည်းဖြင့် ဆုံးဖြတ်တာမျိုးမဟုတ်ဘဲ ထိုင်မနေတဲ့အချိန်တွေမှာ ဘာတွေလုပ်လဲဆိုတဲ့အပေါ်လည်း မူတည်နေပါသေးတယ်။
လူသားကျန်းမာရေးနဲ့ ဆိုင်တဲ့မေးခွန်းတစ်ခုက အထိုင်များခြင်းနဲ့ ကိုယ်လက်လှုပ်ရှားမှုတို့ဆက်စပ်နေတာနဲ့ ပတ်သက်နေပါတယ်။
ကိုယ်လက်လှုပ်ရှားမှု မပါဘဲနဲ့ ထိုင်ချိန်လျှော့ခြင်းကတော့ ကျန်းမာရေးအတွက် သိသိသာသာတိုးတက်လာမှာ မဟုတ်ဘဲ အထိုင်နည်းနည်းနဲ့ များများလှုပ်ရှားမှ ကျန်းမာမှာဖြစ်ကြောင်း လမ်းညွှန်ချက်တွေကို ထောက်ခံသွားမှာဖြစ်ပါတယ်။
အမေရိကန်က အလုပ်အကိုင် ၅ မျိုးမှာ ၁ မျိုးက ကိုယ်လက်လှုပ်ရှားမှုမရှိတဲ့ အလုပ်မျိုးဖြစ်နေပြီး ၁၉၅၀ ခုနှစ်ကနေ ၂၀၁၉ ခုနှစ်အတွင်း ၈၀ ရာခိုင်နှုန်းများပြားလာကြောင်း Forbes က အစီရင်ခံထားပါတယ်။
အလုပ်မှာ ထိုင်နေရတဲ့အပြင် အိမ်ရောက်တဲ့အခါမှာလည်း အားလပ်ချိန်တွေမှာ တီဗီကြည့်ခြင်းဖြင့် အထိုင်များနေကြပါတယ်။
ဒီလိုအထိုင်များတဲ့ လူနေမှုဘဝကြောင့် အမေရိကားမှာ အဝလွန်ခြင်းနဲ့ ဆီးချိုရောဂါတို့အဖြစ်များလာပြီး နှလုံးရောဂါကြောင့် လူအများစုအသက်ဆုံးရှုးနေရပါတယ်။
Source: DailyMail
#Yangon_Media_Group
#WorldHealth
Published 22 June 2022
စင်ကာပူနိုင်ငံမှာ မျောက်ကျောက်ရောဂါကူးစက်သူတစ်ဦးတွေ့ရှိထားကြောင်း ကျန်းမာရေးဝန်ကြီးဌာန(MOH)က အတည်ပြုလိုက်ပါတယ်။
ကူးစက်ခံရသူဟာ လေယာဉ်မောင်အဖြစ်အလုပ်လုပ်ကိုင်လျက်ရှိတဲ့ အသက် ၄၂ နှစ်အရွယ်ဗြိတိန်လူမျိုးဖြစ်ပါတယ်။
ထိုလေယာဉ်မောင်ဟာ စင်ကာပူနိုင်ငံကနေ သွားလိုက်ပြန်လိုက်လုပ်နေခဲ့ပြီး ဇွန် ၁၅ ရက်နေ့မှ ဇွန် ၁၇ ရက်နေ့အထိ စင်ကာပူမှာရှိနေခဲ့ပြီး ဇွန် ၁၉ ရက်နေ့မှာ ထပ်မံရောက်ရှိခဲ့ကြောင်း MOH က ဆိုပါတယ်။
ဇွန် ၂၀ ရက်နေ့က သူ့မှာမျောက်ကျောက်ရောဂါကူးစက်ခံထားရကြောင်း စမ်းသပ်တွေ့ရှိခဲ့ပါတယ်။
လူနာကို အခုလက်ရှိ အမျိုးသားကူးစက်ရောဂါစင်တာ(NCID)မှာ ထိန်းသိမ်းထားပြီး လူနာရဲ့အခြေအနေတည်ငြိမ်နေတယ်လို့သိရပြီး ထိတွေ့ပြောဆိုခဲ့သူများကို ရှာဖွေဆက်သွယ်လျက်ရှိပါတယ်။
အဆိုပါ လူနာဟာ ဇွန် ၁၄ ရက်နေ့က ခေါင်းကိုက်ဝေဒနာခံစားခဲ့ရပြီး ဇွန် ၁၆ ရက်နေ့က ဖျားနာခြင်းကိုခံစားခဲ့ရကာ အဆိုပါလက္ခဏာများ ပြန်လည်သက်သာသွားပေမယ့် ဇွန် ၁၉ ရက်နေ့မှာတော့ အရေပြားမှာ အဖုအပိန့်များ ထွက်လာခဲ့ပါတယ်။
ဇွန် ၁၉ ရက်နေ့ညက လူနာဟာ တယ်လီဖုန်းဖြင့် ဆွေးနွေးတိုင်ပင်ကာ ဆေးကုသမှုအကြံဉာဏ်တောင်းခံခဲ့ပြီး နောက်ထပ်စစ်ဆေးစောင့်ကြည့်ဖို့အတွက် ဇွန် ၂၀ ရက်နေ့မှာ NCID သို့ ပို့ဆောင်ခဲ့ပါတယ်။
လူနာလိုက်ပါခဲ့တဲ့ လေယာဉ်ခရီးစဉ်များနဲ့ စင်ကာပူမှာ သူနေထိုင်ခဲ့တဲ့ နေရာများကို ရှာဖွေလေ့လာခဲ့ပါတယ်။
ဒီကာလအတွင်း ဟိုတယ်အခန်းမှာသာ အချိန်အများစုနေထိုင်ခဲ့ပေမယ့် အနှိပ်ခန်းတစ်ခုနဲ့ စားသောက်ဆိုင် ၃ ခုကို ဇွန် ၁၆ ရက်နေ့က သွားရောက်ခဲ့ပါတယ်။
အချက်အလက်တွေအရ မျောက်ကျောက်ရောဂါက အနီးကပ်ထိတွေ့ခြင်းနဲ့ ကြာရှည်စွာထိတွေ့ခြင်းတို့ဖြင့်သာ ကူးစက်တတ်တာကြောင့် သူသွားခဲ့တဲ့နေရာတွေမှာ ကူးစက်နိုင်ချေနည်းပါးပါတယ်။
သူသွားခဲ့တဲ့နေရာ ၄ ခုစလုံးကို ရောဂါပိုးသန့်ရှင်းရေးလုပ်ငန်းစဉ်များ ဆောင်ရွက်ထားရှိကြောင်း MOH က ပြောပြပါတယ်။
ဇွန် ၂၁ ရက်နေ့အထိ အနီးကပ်ထိတွေ့ခဲ့သူ ၁၃ ဦးရှိခဲ့ကြောင်းတွေ့ရှိခဲ့ပြီး ထိုပုဂ္ဂိုလ်များအားလုံးကို ကွာရန်တင်း ၂၁ ရက်ထားရှိမှာဖြစ်ကြောင်း သိရှိရပါတယ်။
ဒါ့အပြင် ပြောဆိုဆက်သွယ်ခဲ့တဲ့သူတွေထဲက ကူးစက်နိုင်ချေနည်းတဲ့ ၂ ဦးကိုလည်း ဖုန်းနဲ့မေးမြန်းစောင့်ကြည့်လျက်ရှိပါတယ်။
၂၁ ရက်တာကာလအတွင်း နေ့စဉ်ဖုန်းခေါ်ဆိုပြီး ဖြစ်ပေါ်လာတဲ့ လက္ခဏာများအကြောင်း မေးမြန်းစစ်ဆေးသွားမှာ ဖြစ်ပါတယ်။
အကယ်၍ ရောဂါကူးစက်ခံရတယ်လို့ သံသယရှိတယ်ဆိုရင် နောက်ထပ်ကူးစက်ပျံ့ပွားမှုတွေမဖြစ်အောင် NCID ကိုချက်ချင်း ပို့ဆောင်သွားမှာဖြစ်ပါတယ်။
Source: CNA
#Yangon_Media_Group
#WorldNews
Published 22 June 2022
ဂျပန်နိုင်ငံကျား/မတန်းတူညီမျှရေးဗျူရိုဝန်ကြီးများရုံးမှ စစ်တမ်းလေ့လာချက်တစ်ခုကို ဇွန်လ ၁၄ ရက်နေ့က ထုတ်ပြန်ခဲ့ရာ အသက် ၃၀ ဝန်းကျင်ရှိလူလွတ် ၄ ယောက်မှာ ၁ ယောက်နှုန်းက အိမ်ထောင်ပြုချင်စိတ်မရှိကြဘူးလို့ သိရှိရပါတယ်။
ထိုစစ်တမ်းကို ဒီဇင်ဘာလမှ ဇန်နဝါရီလအတွင်း အသက် ၂၀ မှ ၆၀ နှစ်ကြားရှိလူပေါင်း ၂ သောင်းမှာ မေးမြန်းခဲ့တာဖြစ်ပါတယ်။
အသက် ၃၀ ဝန်းကျင်အတွင်း အိမ်ထောင်မပြုချင်တဲ့ အမျိုးသမီးတွေက ၂၅.၄ ရာခိုင်နှုန်းနဲ့ အမျိုးသားတွေကတော့ ၂၆.၅ ရာခိုင်နှုန်းအသီးသီးရှိကြကာ အိမ်ထောင်မပြုချင်တဲ့အကြောင်းအရင်းတွေကတော့ မတူညီကြပါဘူး။
အိမ်ထောင်မပြုချင်တဲ့အမျိုးသမီးတွေကို မေးမြန်းခဲ့ရာမှာ အကယ်၍အိမ်ထောင်ပြုလိုက်မယ်ဆိုရင် အိမ်ကိစ္စ၊ ကလေးထိန်းရတဲ့ကိစ္စ၊ လက်တွဲဖော်နဲ့ရေရှည်ထိန်းသိမ်းစောင့်ရှောက်ရတဲ့ ကိစ္စတွေကို တာဝန်ယူခံစားရမှာဖြစ်တာကြောင့်လို့ အများစုက ဖြေကြားခဲ့ကြပါတယ်။
အမျိုးသမီးတွေက သူတို့ရဲ့နောက်ဆုံးနာမည်တွေကို မပြောင်းချင်ကြတာကြောင့် အိမ်ထောင်ပြုခြင်းကို ငြင်းကန်နေကြတာလည်းဖြစ်ပါတယ်။
ဂျပန်အရပ်ဘက်နဲ့ မိသားစုဥပဒေအရ မိသားစုဝင်တွေအနေနဲ့ မျိုးရိုးနာမည်တူညီရမှာဖြစ်ပြီး အများအားဖြင့် ဇနီးသည်တွေက နောက်ဆုံးနာမည်ပြောင်းလဲရလေ့ရှိပါတယ်။
အိမ်ထောင်မပြုချင်တဲ့ အမျိုးသားလူလွတ်တွေကတော့ လွတ်လပ်မှုကိုလိုချင်ပြီး အိမ်ထောင်သည်ဘဝကိုထောက်ပံ့ဖို့ ငွေကြေးအလုပ်အကိုင် မပြည့်စုံတာကြောင့်ဖြစ်တယ်လို့ ဖြေဆိုကြပါတယ်။
ဒါ့အပြင် အသက် ၂၀ မှ ၃၉ နှစ်ကြားအမျိုးသား ၃၆.၂ ရာခိုင်နှုန်းက လက်ထပ်ဖို့အထိ နှစ်သက်လောက်တဲ့လက်တွဲဖော်မျိုး မဆုံတွေ့သေးတာကြောင့်လို့လည်း ဆိုပါတယ်။
ဒီလိုဖြစ်ရတဲ့အကြောင်းအရင်းတွေထဲမှာ တစ်ခါမှချိန်းမတွေ့ဖူးတာကြောင့်လည်း ပါဝင်နေပါတယ်။
သုတေသီတွေကစစ်တမ်းကောက်ယူမှုပြုလုပ်ခဲ့ရာ အသက် ၃၀ ဝန်းကျင် ဂျပန်လူလွတ်အမျိုးသား ၃၅ ရာခိုင်နှုန်းလောက်က အမျိုးသမီးတွေနဲ့တစ်ခါမှချိန်း မတွေ့ဖူးကြဘူးလို့ သိရှိရပါတယ်။
အာရှနိုင်ငံတွေမှာ အိမ်ထောင်မပြုဘဲ ကလေးယူလေ့မရှိကြတဲ့အပြင် ဂျပန်နိုင်ငံကလူတွေ အိမ်ထောင်မပြုချင်ကြတာကြောင့် ကလေးမွေးဖွားမှုနှုန်းက ဒီထက်ပိုကျဆင်းလာဖို့ ရှိနေပါတယ်။
နိုင်ငံရဲ့လူဦးရေကျဆင်းလာတဲ့အပြင် ကလေးမွေးဖွားမှုနှုန်းက ဒီထက်ပိုလျော့ကျလာဖွယ်ရှိတာကြောင့် ဂျပန်အနေနဲ့ အလုပ်သမားဝန်ထမ်းရှားပါးမှုနဲ့ ရေရှည်စီးပွားရေးပြဿနာများကြုံတွေ့လာရနိုင်တယ်လို့ ကျွမ်းကျင်သူများက သတိပေးထားပါတယ်။
Source: Insider
#Yangon_Media_Group
#WorldRecord
Published 21 June 2022
မက္ကဆီကိုစီးတီးမြို့တော် ဗဟိုပလာဇာမှာ လူပေါင်း ၁၄,၂၉၉ ယောက်ပါဝင်တဲ့ ကမ္ဘာ့အကြီးမားဆုံးလက်ဝှေ့သင်တန်းကို လက်ခံကျင်းပခဲ့ပြီး ကမ္ဘာ့စံချိန်တင်နိုင်ခဲ့ကြောင်း မြို့တော်ဝန်'ကလော်ဒီယာရှိန်းဘမ်း'က စနေနေ့က ကြေညာလိုက်ပါတယ်။
#Yangon_Media_Group
Page 629 of 768