Published 25 June 2022
အမေရိကန်ပြည်ထောင်စုတရားရုံးချုပ်က ဆယ်စုနှစ်ငါးစု အခြေခံဥပဒေရဲ့ အကာအကွယ်ရရှိခဲ့တဲ့ ကိုယ်ဝန်ဖျက်ချခွင့်ကို သောကြာနေ့က ပယ်ဖျက်ပစ်လိုက်ပါတယ်။ အဲဒါကြောင့် လက်ယာယိမ်းပြည်နယ်တော်တော်များများဟာ ကိုယ်ဝန်ဖျက်ချမှုကို ပိတ်ပင်မိန့်တွေ ချက်ခြင်းလုပ်လာဖို့ရှိနေပါပြီ။
ဝါရှင်တန်၊နယူးယောက်နှင့် နေရာအနှံ့မှာ ဆန္ဒပြပွဲတွေဟာ မဆိုင်းမတွ ပေါ်ပေါက်လာပါတယ်။
၁၉၇၃ခုနှစ် ရိုးနှင့်ဝါဒီတို့ရဲ့ အမျိုးသမီးတွေရဲ့ ကိုယ်ဝန်ဖျက်ချခွင့် အထင်ကရ ဆုံးဖြတ်ချက်ကို ကွန်ဆာဗေးတစ်တွေကြီးစိုးတဲ့ တရားရုံးက ပြောင်းပြန်လှန်ပစ်လိုက်တာဖြစ်ပါတယ်။
အခြေခံဥပဒေက ကိုယ်ဝန်ဖျက်ချခွင့်ကို အပ်နှင်းထားခြင်းမရှိဘူးလို့ ၆-၃ မဲနှင့် တရားရုံးချုပ်ရဲ့ ဆုံးဖြတ်ချက်မှာဖော်ပြထားပါတယ်။
“ နယူးယောက်ပြည်နယ်မှာ အခွင့်အရေးကိုအာမခံထားတယ်။ ကျွန်မတို့ အရေးယူဆောင်ရွက်မှုတွေလုပ်ပြီးပြီ။ ကျွန်မတို့ရဲ့ တစ်နိုင်ငံလုံးက ညီမတွေဒီမှာ နည်းလမ်းရှာလို့ရအောင်ကူညီနိုင်မယ့် ကျွန်မတို့ရဲ့ ကိုယ်ဝန်ဖျက်ချရေးဆောင်ရွက်ပေးသူတွေကို အကူအညီပေးဖို့ ဒေါ်လာ ၃၅သန်းလျာထားသတ်မှတ်ပေးပြီပြီ။ ဒီနေရာဟာ သူတို့အတွက် လုံခြုံတဲ့နေရာပဲ” လို့ နယူးယောက်ပြည်နယ်အုပ်ချုပ်ရေးမှူး ကေသီဟိုချူလ်က ဆန္ဒပြချီတက်ပွဲမှာ သတင်းထောက်တွေကိုပြောပါတယ်။
မရွှင်မပျဖြစ်နေတဲ့ သမ္မတ ဂျိုးဘိုင်ဒင်က ဆုံးဖြတ်ချက်ဟာ အစွန်းရောက်အတွေးအခေါ်ကပေါက်ဖွားလာတဲ့ ကြေကွဲဖွယ်မှားယွင်းမှုတစ်ခုလို့ ခေါ်ဆိုလိုက်ပါတယ်၊တရားရုံံးနှင့် နိုင်ငံအတွက် ကြေကွဲစရာနေ့လို့လည်းသူကပြောပါတယ်။နိုင်ငံထဲက အမျိုးသမီးတွေရဲ့ကျန်းမာရေးနှင့်ဘဝတွေမှာ အခုအန္တရာယ်ရှိနေပြီလို့ သူက ပြေရင်း လိင်တူလက်ထပ်တာတို့ ကိုယ်ဝန်တားတာတို့စတဲ့ အခွင့်အရေးတွေလည်း နောက်ထပ်ခြိမ်းခြောက်လာနိုင်တယ်လို့ သူကသတိပေးပါတယ်။
နယူးယောက်က ဆန္ဒပြပွဲသူတစ်ဦးဖြစ်တဲ့ ဝင်ဒီအာဟတ်က “ ကျွန်အသက်၅၀ရှိပြီ။ ကျွန်မထက်အသက်ကြီးသူတွေကို ကျွန်မ ကျေးဇူးတင်ပါတယ်။ကျွန်မဘဝမှာ ဒီလိုအခွင့်အရေးဆုံးရှုံးရလိမ့်မယ်လို့ ဘယ်တုန်းကမှမတွေးမိခဲ့ဘူး။တုန်လှုပ်စရာပါ” လို့ပြောပါတယ်။
အင်ဒရူးရေးမင်းဆိုတဲ့အမျိုးသားတစ်ဦးက “ အမျိုးသမီးအခွင့်အရေးဟာ လူ့အခွင့်အရေးပဲဖြစ်တယ်။ ကျွန်တော်တို့ တစ်ဦးချင်းစီရဲ့ အခွင့်အရေးတစ်ခုချင်းစီကို ချေဖျယ်မယ့် ဆုံးဖြတ်ချက်တွေထဲက ဒါဟာပထမဆုံးတစ်ခုပဲ” လို့ပြောပါတယ်။
အလွန်မိုက်မဲတာပဲ။ ရိုးနှင့်ဝါဒီတို့ကိုကျော်လွန်ဆုံးဖြတ်ပြီး နှစ်၁၀၀နောက်ရောက်သွားပြီ။ ဒီမိုက်မဲမှုကို ကျွန်မတို့ ဆက်ပြီး တိုက်ကြရမယ်လို့လည်း ဆန္ဒပြသူ ဘရန်ဒီမီချတ်က ပြောပါတယ်။
ဒါပေမယ့် ဒါဟာ ဘုရားသခင်က ဆုံးဖြတ်ချက်ချလိုက်တာလို့ ရီပတ်ဗလင်ကင်သမ္မတဟောင်း ဒေါ်နယ်ထရမ့်က ပြောလိုက်ပြီး သူက ရားရုံးဆုံးဖြတ်ချက်ကို ချီးကျူးလိုက်ပါတယ်။ ဒီဆုံးဖြတ်ချက်ကို ထရမ့်အဆိုပြုခဲ့တဲ့ ကွန်ဆာဗေးတစ်တရားသူကြီးသုံးဦးဖြစ်တဲ့ နေးလ်ဂေါရှပ်၊ဘရက်ကဗာနားနှင့်အေမီကွန်နေဘာရက်တို့ ဒီဆုံးဖြတ်ချက်ကို လုပ်ဆောင်ခဲ့ပုံရပါတယ်။လစ်ဘရယ်တရားသူကြီးသုံးဦးကတော့ သူတို့နှင့် သဘောထားကလွဲလွဲခဲ့ကြပါတယ်။
ဒါပေမယ့် ကိုယ်ဝန်ဖျက်ခြခြင်းတားမြစ်တဲ့ ဥပဒေတွေကို ပြည်နယ်၁၃ခုကတော့ ချက်ခြင်းသဘောတူလက်ခံခဲ့ကြကြောင်း သိရပါတယ်။
Source AFP
#WorldHealth
Published 25 June 2022
လန်ဒန်မြို့မှာ ပုံမှန်ရေဆိုးမြောင်းစမ်းသပ်မှုပြုလုပ်ရာ ပိုလီယိုဗိုင်းရပ်စ်တွေ့ရှိခဲ့ပြီးနောက် ပြည်သူများအနေနဲ့ ပိုလီယိုကာကွယ်ဆေးများထိုးနှံထားဖို့ ဗြိတိန်ကျန်းမာရေးတာဝန်ရှိသူများက တိုက်တွန်းလိုက်ပါတယ်။
ယူကေမှာ ပိုလီယိုရောဂါနောက်ဆုံးဖြစ်ပွားခဲ့တာဟာ ၁၉၈၄ ခုနှစ်ကဖြစ်ပြီး အခုနှစ်ပေါင်း ၄၀ ကျော်အကြာမှာ ပထမဆုံးဗိုင်းရပ်စ်တွေ့ရှိ လာတာဖြစ်ပါတယ်။
ဖေဖော်ဝါရီလနဲ့ ဧပြီလတွေမှာ လန်ဒန်မြောက်ပိုင်းနဲ့အရှေ့ပိုင်းတို့က ရေဆိုးမြောင်းတွေမှာ ဗိုင်းရပ်စ်တွေ့ရှိခဲ့ပြီး လူတွေအကြားကူးစက်နေလောက်ပြီလို့ ယူဆရကြောင်း ယူကေကျန်းမာရေးနဲ့ လုံခြုံရေးအေဂျင်စီက ဗုဒ္ဓဟူးနေ့က ဖော်ထုတ်ခဲ့ကြပါတယ်။
အခုအချိန်ထိတော့ ကူးစက်ခံရသူမတွေ့ရသေးကြောင်း ကျန်းမာရေးအေဂျင်စီက ထုတ်ပြန်ထားပါတယ်။
ပိုလီယိုရောဂါက ကူးစက်ခံရသူကလေးတွေရဲ့ ၁ ရာခိုင်နှုန်းအောက်မှာ အကြောသေခြင်းမျိုးဖြစ်တတ်ပြီး ကာကွယ်ဆေးထိုးနှံမှုနှုန်းမြင့်မားတာကြောင့် ကူးစက်နိုင်ချေနည်းပါတယ်။
ဒါပေမဲ့ ကာကွယ်ဆေးမထိုးလိုက်ရသူတွေ အနေနဲ့ ကာကွယ်ဆေးထိုးထားဖို့ အကြံပြုလိုက်ပါတယ်။
"ယူကေမှလူဦးရေအများစုက ကလေးဘဝကတည်းက ကာကွယ်ဆေးထိုးထားပေမယ့် မထိုးရသေးတဲ့ လူအနည်းစုကတော့ ကူးစက်နိုင်ချေရှိနေပါသေးတယ်"လို့ ကူးစက်ရောဂါပညာရှင်အကြံပေး'ဗနီဆာဆာလီဘာ'က ထုတ်ပြန်ထားပါတယ်။
လန်ဒန်ရှိ အမျိုးသားကျန်းမာရေးအဖွဲ့မှ သူနာပြုချုပ်'ဂျိန်းကလက်ဂ်'က မြို့ထဲက လူအများစုဟာ ပိုလီယိုကာကွယ်ဆေးထိုးထားပြီဖြစ်ပြီး နောက်ထပ်ထိုးစရာမလိုပေမယ့် အသက် ၅ နှစ်အောက် ကာကွယ်ဆေးမထိုးရသေးတဲ့ ကလေးတွေရဲ့ မိဘတွေကို ဆက်သွယ်စုံစမ်းသွားမှာဖြစ်ပါတယ်လို့ ဆိုပါတယ်။
ပိုလီယိုရောဂါဟာ မသန်မစွမ်းဖြစ်စေပြီး အသက်အန္တရာယ်ခြိမ်းခြောက်နိုင်တဲ့ ရောဂါဖြစ်ပါတယ်။
မစင်ကနေတဆင့် လူလူချင်းကူးစက်တတ်ပြီး ကုသနည်းမရှိဘဲ ကာကွယ်ဆေးထိုးဖို့သာနည်းလမ်းရှိကြောင်း ရောဂါထိန်းချုပ်ကာကွယ်ရေးစင်တာ(CDC)က ဖော်ပြထားပါတယ်။
Source: USA Today
#Yangon_Media_Group
Published 25 June 2022
စနေနေ့က နော်ဝေနိုင်ငံ အော်စလိုမြို့တော်ရှိ နိုက်ကလပ်တစ်ခုနဲ့ အနီးနားရှိလမ်းတွေမှာ သေနတ်ပစ်ခတ်မှုဖြစ်ပွားခဲ့ပြီး လူ ၂ ဦးသေဆုံးကာ ၁၄ ဦးဒဏ်ရာရရှိခဲ့ကြောင်း နော်ဝေရဲတပ်ဖွဲ့ကပြောကြားလိုက်ပါတယ်။
သံသယရှိသူဟာ တစ်ဦးတည်းပြစ်မှုကျူးလွန်ခဲ့တယ်လို့ယူဆရကြောင်း ရဲတွေကသတင်းထောက်တွေကိုပြောပြခဲ့ပါတယ်။
လန်ဒန်အရက်ဆိုင်နဲ့ အနီးနားရှိကလပ်တစ်ခုကနေ ပစ်ခတ်မှုဖြစ်ပွားခဲ့ပြီး မိနစ်အနည်းငယ်ကြာပြီးနောက် အနီးနားရှိလမ်းပေါ်မှာ သံသယရှိသူကိုဖမ်းဆီးရမိခဲ့ကြောင်း ရဲတပ်ဖွဲ့မှပြောရေးဆိုခွင့်ရှိသူ'တိုးဘာစတက်'က Aftenposten သတင်းစာကိုပြောကြားခဲ့ပါတယ်။
လန်ဒန်အရက်ဆိုင်ဟာ အော်စလိုမြို့လယ်မှာရှိပြီး ဂေးတွေလာရောက်တတ်တဲ့ နာမည်ကျော်ဘားနဲ့နိုက်ကလပ်နေရာဖြစ်ပါတယ်။
NRK ရုပ်သံမှဂျာနယ်လစ်'အိုလက်ဗ်ရိုအန်ဘာ့ဂ်'က "လူတစ်ယောက်က အိတ်တစ်အိတ်လွယ်လာပြီး သေနတ်တစ်လက်ထုတ်ကာ စတင်ပစ်ခတ်တာကို မြင်တွေ့ခဲ့ရပါတယ်" လို့ တင်ပြထားပါတယ်။
တိုက်ခိုက်ရတဲ့ရည်ရွယ်ချက်ကိုတော့ ရှင်းရှင်းလင်းလင်းမသိရသေးပါဘူး။
စနေနေ့နောက်ပိုင်းကျရင် အော်စလိုမြို့မှာ နှစ်စဉ်ကျင်းပမြဲဖြစ်တဲ့ လိင်တူချစ်သူများပွဲတော်ကို ကျင်းပဖို့စီစဉ်ထားပါတယ်။
လူ ၂ ဦးသေဆုံးကာ ၁၄ ဦးကဒဏ်ရာပြင်းထန်စွာရပြီး ဆေးရုံတင်ထားရတယ်လို့ အော်စလိုရဲတပ်ဖွဲ့က တွစ်တာမှာဖော်ပြထားပါတယ်။
VG သတင်းစာ၊ NRK ရုပ်သံနဲ့ အခြားမီဒီယာတွေမှာဖော်ပြထားတဲ့ဓာတ်ပုံတွေထဲမှာတော့ လန်ဒန်အရက်ဆိုင်အပြင်ဘက်မှာ ရဲတွေ၊ လူနာတင်ယာဉ်ဝန်ထမ်းတွေနဲ့ အရေးပေါ်တာဝန်ရှိသူများစုရုံးနေကြတာကို မြင်တွေ့ရပါတယ်။
အော်စလိုမြို့လယ်ပေါ်ကနေ ရဟတ်ယာဉ်များပျံဝဲနေပြီး လူနာတင်ယာဉ်များနဲ့ ရဲကားဥဩသံတွေ မြို့တလျှောက်ကြားနေရပါတယ်။
ပစ်ခတ်မှုဖြစ်ပွားပြီးနောက် အော်စလိုတက္ကသိုလ်ဆေးရုံက အနီရောင်အဆင့်ထုတ်ပြန်ကြေညာထားပါတယ်။
Source: Reuters
#Health_Tips
Published 25 June 2022
တစ်နေ့ကို ဉာဏ်စမ်းပဟေဠိကစားနည်းများ ၁၅ မိနစ်လောက်ကစားပေးခြင်းဖြင့် ဦးနှောက်စွမ်းဆောင်ရည်ကို မြှင့်တက်ပေးနိုင်ပါတယ်။
ဒီလိုဉာဏ်စမ်းပဟေဠိများ ကစားခြင်းဖြင့် အာရုံစူးစိုက်ခြင်း၊ အလုပ်အကိုင်၊ စာသင်ကျောင်းစတဲ့ နေ့စဉ်ဘဝလှုပ်ရှားမှုတွေမှာ တိုးတက်စေနိုင်ပါတယ်။
Lumosity လိုမျိုး ဂိမ်းကစားနည်းတွေက လူတစ်ယောက်ရဲ့မှတ်ဉာဏ်၊ အယူအဆအကြံအစည်နဲ့ အာရုံစူးစိုက်မှုတို့ကို သေချာပေါက် တိုးတက်စေနိုင်ပါတယ်။
အတတ်ပညာတစ်ခုကနေ နောက်ထပ်ပညာတစ်ခုထံ ကူးပြောင်းရာမှာလည်း အထောက်အကူဖြစ်ကြောင်း UC Riverside နဲ့ UC Irvine မှ စိတ်ကျန်းမာရေးပညာရှင်အဖွဲ့က စမ်းသပ်လေ့လာခဲ့ကြပါတယ်။
စိတ်ကျန်းမာရေးအခေါ်အဝေါ်အရ ဦးနှောက်ကျွမ်းကျင်မှုတစ်ခုခုကိုလေ့ကျင့်ခြင်းဖြင့် လူတစ်ဦးရဲ့မှတ်ဉာဏ်ကို တိုးတက်စေပါတယ်။
ထိုဦးနှောက်စွမ်းရည်တွေကို လေ့ကျင့်ပေးပါက အတတ်ပညာကျွမ်းကျင်မှု လွှဲပြောင်းမှုတွေပြုလုပ်နိုင်မှာ ဖြစ်ပါတယ်။
ဥပမာအားဖြင့် ဂိမ်းကစားနည်းတစ်ခုမှစွမ်းရည်များကို နောက်ထပ်ဂိမ်းတစ်ခုထံ အလွယ်တကူလွှဲပြောင်းအသုံးချနိုင်မှာ ဖြစ်ပါတယ်။
အလုပ်လုပ်နေတဲ့ မှတ်ဉာဏ်တွေက မလုပ်ဖူးတဲ့အလုပ်တွေကို လုပ်ကိုင်ရာမှာ စွမ်းဆောင်ရည်ပိုမိုကောင်းမွန်စေပါတယ်။
ဒါတွေအားလုံးက လေ့ကျင့်မှုအပေါ်ဘယ်လောက်အထိ စိတ်ပါဝင်စားလဲဆိုတဲ့အပေါ် မူတည်နေပါတယ်။
စမ်းသပ်မှုပြုလုပ်ရာမှာ လေ့ကျင့်မှုတစ်ခုတည်းကို စမ်းသပ်သူနှစ်ဦးပါဝင် စမ်းသပ်ရာမှာ ရလာဒ်မတူတာကို တွေ့ရပါတယ်။
စမ်းသပ်ခံသူတစ်ဦးက ကျွမ်းကျင်မှုပြောင်းလဲတတ်မြောက်နိုင်ခဲ့ပြီး နောက်တစ်ဦးကတော့ မတတ်မြောက်ခဲ့ပါဘူး။
ရင်ဆိုင်ဖြေရှင်းမှုနဲ့ လုံလောက်တဲ့နည်းဗျူဟာ မရှိခြင်းတို့က ဒီရလာဒ်တွေနဲ့ ဆက်စပ်မှုရှိနေတယ်လို့ စိတ်ပညာရှင်များက ကောက်ချက်ချခဲ့ပါတယ်။
ကောလိပ်လူငယ်ကျောင်းသားများနဲ့ လေ့လာကြည့်ရှုမှုများအပေါ် အခြေခံပြီး လေ့လာရာမှာ ကျွမ်းကျင်မှု အသစ်တစ်မျိုးလေ့လာပြီးတဲ့အခါမှာ အိပ်ရေးမဝခြင်း၊ စိတ်ဖိစီးမှုဖြစ်ခြင်း၊ စိုးရိမ်ပူပန်ခြင်းနဲ့ ခွဲထွက်ရေးသဘောများကို သတိပြုမိခဲ့ကြကြောင်း တင်ပြထားပါတယ်။
ဦးနှောက်ကို လေ့ကျင့်ပေးခြင်းက အဆိုပါကျွမ်းကျင်မှုနဲ့ ဆင်တူတဲ့ဦးနှောက်လုပ်ဆောင်ချက်ကိုသာတိုးတက်စေပြီး ဖုန်းထဲကဂိမ်းတွေကလည်း သင့်တင့်တဲ့အလျောက်တိုးတက်စေပါတယ်။
ဒါပေမဲ့လဲ အကုန်လုံးကတော့ မှတ်ဉာဏ်လေ့ကျင့်မှု မဖြစ်စေဘဲ ဂိမ်းထဲမှာ အပြည့်အဝအာရုံမစိုက်ဘူးဆိုရင်တော့ အပျော်ဂိမ်းသက်သက်သာ ဖြစ်နေပါလိမ့်မယ်။
Source: The Jerusalem Post
#Yangon_Media_Group
#HumanRights
Published 24 June 2022
ဗြိတိန်အစိုးရက ရဝမ်ဒါနိုင်ငံသို့ ဒုက္ခသည်များစေလွှတ်ရေးအစီအစဉ်ကို ဆက်လက်လုပ်ဆောင်ရန် ဥပဒေမူကြမ်းအသစ်ထုတ်ဖော်သွားမယ့် အစီအစဉ်ကို ဗုဒ္ဓဟူးနေ့က ထုတ်ဖော်ခဲ့ပါတယ်။
#Yangon_Media_Group
Published 24 June 2022
ကိုဗစ်-၁၉ ကူးစက်မှုတွေကျဆင်းလာပြီး ခရီးသွားလုပ်ငန်းမှီခိုထားတဲ့ ထိုင်းစီးပွားရေးမှာ နိုင်ငံခြားသားတွေ ပြန်လည်ဆွဲဆောင်နိုင်ဖို့အတွက် ထိုင်းနိုင်ငံက masks တပ်ရမယ့်စည်းကမ်းတွေကို ဇွန်၂၄ရက် သောကြာနေ့ကစပြီး ဖြေလျော့ပေးလိုက်တယ်လို့ အစိုးရက ပြောပါတယ်။
Face masks ကို အများပြည်သူနေရာတွေမှာ မဖြစ်မနေတပ်ဆင်ကြဖို့ ထိုင်းနိုင်ငံဟာ ဒယ်လ်တာကူးစက်မှုလှိုင်းဖြစ်နေတဲ့ ၂၀၂၁ နှစ်လည်ပိုင်းကတည်းက စည်းကမ်းလုပ်ခဲ့တာပါ။
ဒါပေမယ့် ထိုင်းဟာ စီးပွားရေးတွေပြန်ဖွင့်ဖို့ ကိုဗစ်-၁၉ ကန့်သတ်ချက်တွေကို ဖြေလျော့ပေးမှုတွေ ပြုလုပ်လာခဲ့ရာမှာ လာမယ့်လကစပြီး ပြည်ဝင်ခွင့်လိုအပ်ချက်အများစုကို ဖျက်သိမ်းပေးမှာလည်း ပါဝင်ပါတယ်။
“ ခွဲစိတ်ခန်းသုံးmask နှင့် ပိတ် mask တွေကို ဆန္ဒအလျောက်သာ တပ်ဆင်နိုင်ပြီဖြစ်ပါတယ်” လို့ ကြာသပတေးနေ့ နှောင်းပိုင်းမှာ ထိုင်းဝန်ကြီးချုပ် ပရာရွတ်ချန်အိုချာက တော်ဝင်ဂေဇက်ကြေညာချက်မှာ ပြောကြားခဲ့ပါတယ်။
လူတွေများပြားလွန်းတဲ့နေရာနှင့် လေဝင်လေထွက်မကောင်းတဲ့နေရာတွေမှာ face masks တွေဆက်လက်တပ်ဆင်တာကို ကျန်းမာရေးဝန်ကြီးဌာနက ထောက်ခံမှုပြုထားပါတယ်။ ဒါပေမယ့် အများပြည်သူသယ်ယူပို့ဆောင်ရေးလို့ အတိအကျညွှန်းဆို ခြင်းတော့မရှိပါဘူး။
ဘန်ကောက်က ပုဂ္ဂလိကပိုင် မက်ထရိုမြေအောက်ရထားလုပ်ငန်းကတော့ ယင်းရဲ့ရထားတွေအတွင်း masks တွေ ဆက်လက် တပ်ဆင်ဖို့လိုအပ်မယ်လို့ သီးခြားကြေညာချက်ထုတ်ပြန်ပါတယ်။
အပြောင်းအလဲကို ဘန်ကောက်လမ်းတွေပေါ်မှာ သိသိသာသာမမြင်ရသေးပေမယ့် မူဝါဒပြောင်းလဲတာကို ထောက်ခံတဲ့ အသံတွေတော့ကြားနေရပါတယ်။
ကန့်သတ်ချက်တွေရုပ်သိမ်းလိုက်တာ လူတွေကို ပုံမှန်ဘဝပြန်ရောက်စေတယ် လို့ အသ်က၂၆နှစ်အရွယ် အလုပ်သမား ဆူပန်ညာပါဂျာရီက ပြောပါတယ်။
အမေရိကန်ကမ္ဘာလှည့်ခရီးသည် ဂျက် လတ်ချီကလည်း ထောက်ခံလိုက်ပေမယ့် သူကတော့ mask ဆက်တပ်ထားမယ်လို့ ပြောပါတယ်။ “ ကျွန်တော်က တပ်လေ့မရှိပေမယ့် အခု လူအများစုက mask တွေတပ်ထားကြတော့ သူတို့ကိုလေးစားတဲ့ အနနှင့် ကျွန်တော်လည်းတပ်ရမှာပေါ့” လို့သူကပြောပါတယ်။
ဇူလိုင်၁ ရက်စပြီး ကမ္ဘာလှည့်ခရီးသည်တွေဟာ ကာကွယ်ဆေးထိုးလက်မှတ်ယူလာရင်ယူလာ ဒါမှမဟုတ်ဆိုက်ရောက်တဲ့ အခါ ကိုဗစ်ကာကွယ်ဆေးထိုးဖို့ပဲ လိုအပ်တော့မှာဖြစ်ပါတယ်။
ထိုင်းဟာ ၂၀၂၂ပထမခြောက်လမှာ နိုင်ငံခြားခရီးသွား ၁.၆သန်းလက်ခံခဲ့ပါတယ်။ ၂၀၁၉ တုန်းကတော့ ပထမခြောက်လမှာ ခရီးသည် သန်း၂၀ ရောက်ရှိခဲ့တာဖြစ်တယ်လို့ ကိန်းဂဏန်းတွေအရသိရပါတယ်။
Source AFP
Published 24 June 2022
စင်္ကာပူမှာရှိတဲ့ ရွှေ့ပြောင်းအလုပ်သမားတွေဟာ ဇွန်၂၄ ရက်သောကြာနေ့ကစပြီး သူတို့ရဲ့အဆောင်တွေကနေ ထွက်ခွာဖို့ အရင်လို အထူးခွင့်ပြုချက်တောင်းခံဖို့ မလိုတော့ဘူးလို့သိရပါတယ်။
(၂)နှစ်ကြာ ကိုရိုနာဗိုင်းရပ်စ် အထိန်းအချုပ်တွေပြုလုပ်ပြီးနောက် အစိုးရက ယခုလိုဖြေလျော့ပေးလိုက်တာဖြစ်ပါတယ်။
ဒါပေမယ့် အချို့သော ခွဲခြားဆက်ဆံတဲ့ ကန့်သတ်မှုတွေ ဆက်ရှိနေတာကိုတော့ လှုပ်ရှားဆောင်ရွက်နေသူတွေက ဝေဖန်နေကြပါတယ်။
စင်္ကာပူမှာ အားလုံးကို ကန့်သတ်မှုတွေ ရုပ်သိမ်းလိုက်တဲ့အခါ အဲဒီရွှေ့ပြောင်းအလုပ်သမားတွေဟာ စိတ်သောကတွေရောက်ခဲ့ကြရတာကို လူတော်တော်များများက မမြင်မတွေ့ကြဘူး။ ဥမင်အဆုံးက အလင်းရောင်ကို သူတို့ မမြင်ကြရဘူး။ သူတို့အတွက် အင်မတန်သောကရောက်စရာ စိတ်ပူစရာတွေပါ။ ခုတော့ ဒါတွေ အဆုံးသတ်ခဲ့ပြီမို့ အခြေအနေတွေတိုးတက်လာမယ်လို့ ကျွန်မမျှော်လင့်ပါတယ်လို့ ရွှေ့ပြောင်းစီးပွားရေးအတွက် လူသားချင်းစာနာထောက်ထားမှုဆိုင်ရာအဖွဲ့အစည်းက လူမှုဝန်ထမ်းမန်နေဂျာတစ်ဦးဖြစ်တဲ့ ဒီဆိုင်ရီလျောင်းက ပြောပါတယ်။
အခုလို (၂)နှစ်လောက်လုပ်ထားတဲ့ ကန့်သတ်မှုတွေရုပ်သိမ်းလိုက်တာကို သူမကကြိုဆိုတယ်လို့ပြောပါတယ်။ ဒါပေမယ့် ဆက်ရှိနေသေးတဲ့ကန့်သတ်မှုတွေဟာ အဆင့်အတန်းခွဲခြားမှုတွေလိုဖြစ်နေတယ်လို့ သူမကဆိုပါတယ်။
သတ်မှတ်ထားတဲ့နေရာအလို်က ကန့်သတ်မှုမရှိတော့ပေမယ့် ပွဲတွေအခမ်းအနားတွေအခြေခံတဲ့ ကန်သတ်မှုတွေ ဆက်ရှိနေနိုင်တယ်။ ကျွန်မတို့အတွက်တော့ သွားလာရတာ ဘာအကန့်အသတ်မှမရှိတော့ဘူး.. ကျွန်မတိုသွားလာမှုတွေ ခြေရာခံတာမရှိတော့ပေမယ့် သူတို့အတွက် ဘာဖြစ်လို့ရှိနေရသေးလဲလို့ သူမကဝေဖန်ပြောကြားလိုက်ပါတယ်။
စင်္ကာပူနိုင်ငံမှာ နိုင်ငံရပ်ခြားရွှေ့ပြောင်းအလုပ်သမား (၃)သိန်းခန့်ရှိပြီး အများစုဟာ တောင်အာရှက ဖြစ်ကြပါတယ်။ချမ်းသာကြွယ်ဝတဲ့ မြို့ပြနိုင်ငံမှာ သူတို့ဟာ အိပ်ဆောင်ကလေးတွေမှာသာ နေထိုင်ကြရပြီး အခြားသူတွေနှင့်ကြပ်ကြပ်တည်းတည်း တွဲပြီးအတူ နံရံကပ်ကုတင်တွေမှာ အိပ်စက်နေကြရပါတယ်။
Source AFP
#Singapore_Migrant_workers
#Singapore_Covid_rules_relax
#Singapore_Covid_economy
Page 626 of 768