#Local_News
Published-2 September 2023

မလေးရှားနိုင်ငံတွင် မြန်မာနိုင်ငံသားတစ်ဦး သူငယ်ချင်းထံ အကြွေးသွားတောင်းရာမှ သူငယ်ချင်းက ဖုန်းပိတ်ထားကာ ရဲထပ်ဖမ်း၍ ၎င်းတွင်ပါလာသည့်ငွေအကုန်ယူသွား၍ ဒုက္ခရောက်၍ နှလုံးလှပရဟိတသွေးလှူရှင်များအဖွဲ့ထံ ဆက်သွယ်လာခဲ့ကြောင်း သိရသည်။

မလေးရှားနိုင်ငံ ပီနန်းမြို့တွင်နေသူ ကိုကျော်သူသည် သံရုံးသို့စာအုပ်လာလျှောက်ရင်း အကြွေးရစရာရှိသော သူငယ်ချင်းနေထိုင်ရာ ကေအယ်- ဆန်းဝေးမြို့သို့ ဩဂုတ်လနောက်ဆုံးအပတ်ကသွားခဲ့ရာ ဆန်းဝေးရောက်ချိန်၌ သူငယ်ချင်းကဖုန်းမကိုင်တော့ကြောင်း သိရသည်။

ယင်းကဲ့သို့ အခက်ဖြစ်နေချိန် ရဲကားကလာစစ်ဆေး၍ ပြစရာအထောက် အထားမရှိ၍ ရဲက ပါလာသည့်ပိုက်ဆံအကုန်ယူသွားကြောင်း ယင်းအသင်းကသိရသည်။

သို့ဖြစ်ပါ၍နံနက် ( ၁၀ )နာရီအချိန်ခန့်တွင် ထမင်းလည်းစားစရာမရှိ ပြန်စရာလမ်းစရိတ်မရှိသည့်အတွက် နှလုံးလှအဖွဲ့ထံအကူအညီတောင်းခံခဲ့၍ အသင်းအနေဖြင့် အလုပ်များနေသည့်အတွက် ညပိုင်းတွင် ၎င်းဆီသွားရောက်ကာ ပီနန်းသို့ပြန်ရန် စားစရိတ်ကအစ ညတွင်းချင်းပဲအဆင်ပြေအောင်ကူညီပေးခဲ့ကြောင်း နှလုံးလှပရဟိတအဖွဲ့က သိရသည်။

#Local_News #မလေးရှား #အကြွေးသွားတောင်း #Yangon_Times/PP

#Local_News
Published- 2 September 2023

အသက် 60 ကျော် 70 အဖိုးအဖွားများအတွက် ဆန်တစ်ပြည်ကို 100 ကျပ် ကြက်ဥ 10 လုံးတစ်ကဒ်ကို 100 ကျပ်ဖြင့် Aladdin Men Fashion ဆိုင်မှ စက်တင်ဘာ ၃ ရက်တွင် ထပ်မံရောင်းချပေးသွားမည်ဖြစ်ကြောင်း သိရသည်။

"ကြိုက်တာယူ 100 ကျပ် ဖြင့် ဘာဘဲယူယူတစ်ဦးလျှင် ကြိုက်နှစ်သက်ရာတစ်မျိုးကို ယူလို့ရပါတယ်"ဟု ယင်းဆိုင်က သိရသည်။

အဘိုး၊ အဘွား ၃၀၀ဦးစာအတွက်အတွက် ဆန် ၂၀၀ ပြည်နှင့် ကြက်ဥ အလုံးရေ 1000 တို့ကို စက်တင်ဘာလ ၃ရက် နံနက် ၁ဝ နာရီမှစတင်၍သဃ်န်းကျွန်း ဘဝမြင့်ဆိုင်ခွဲ
တိုက်-1,No-003, မြေညီထပ်, လေးထောင့်ကန်လမ်းမကြီးရှိဆိုင်ရောင်းချပေးသွားမည်ဖြစ်ကြောင်း သိရသည်။

ပြီးခဲ့သည့်ဩဂုတ် ၂၇ရက်ကလည်း လူဦးရေ ၅၅၀ စာအတွက် ဆန် 350 ပြည် နှင့် ကြက်ဥအလုံး 2000 တို့ကို ​နံနက် 11:00 နာရီမှစ၍ရောင်းချပေးခဲ့ပြီး လာရောက်ဝယ်ယူအဆမတန်သူများပြားခဲ့၍ ၁၀ နာရီခွဲအချိန်တွင် ခဏရပ်ခဲ့၍ ၁၂နာရီခွဲအချိန်မှသာ ပြန် လည်ရောင်းချပေးနိုင်ခဲ့ကြောင်းသိရသည်။

Photo- ​ဩဂုတ်လ ၂၇ရက်က ရောင်းချခဲ့သည့်ပုံ

#Local_News #အသက်60ကျော်70အဖိုးအဖွားများအတွက် #Aladdin_Men_Fashion
#Yangon_Times/PP

#Local_News

Published- 2 September- 2023

ယနေ့စက်တင်ဘာ (၂)ရက် မွန်တည့် ၁၂နာရီ မိနစ် ၃၀ အချိန် တိုင်းထွားချက်အရ ချင်းတွင်မြစ်ရေသည်ဖောင်းပြင်မြို့၏  စိုးရိမ်ရေမှတ်အထက် တစ်ပေခွဲခန်ကျော်လွန်နေသည့်အတွက် အဆိုပါ ‌ဒေသတွင်နေထိုင်သော ဒေသခံများအနေဖြင့် သတိပြုနေထိုင်ကြရန် မိုးလေဝသနှင့် ဇလဗေဒညွှန်ကြားမှု ဦးစီးဌာနက နှိုးဆော်ထားသည်။

ချင်းတွင်းမြစ်ရေသည် နောက်(၂၄)နာရီအတွင်း ပေဝက်ခန့်သာ ကျဆင်းနိုင်သဖြင့် စိုးရိမ်ရေမှတ်အထက်တွင် ဆက်လက် တည်ရှိနေဦးမည်ဟု မိုး/ဇလ က အသိပေးထားသည်။

ယင်းအတွက် ဖောင်းပြင်မြို့အတွင်း မြစ်ကမ်းနဘေးနှင့် မြေနိမ့်ပိုင်းများတွင်နေထိုင်ကြသော ဒေသခံများအနေဖြင့် အထူးသတိပြုနေထိုင်ကြရန် အကြံပြုထားသည်။

ယခု စက်တင်ဘာလအတွင်း အယ်လ်နီညိုဖြစ်စဉ်ဖြစ်ပွားနိုင်တယ်လို့ မိုးဇလကသတိပေးထားပြီး၊ အဲ့ဒီဖြစ်စဉ်ကြောင့်  မိုးရွာသွန်းမှု ပုံစံမမှန်ခြင်း အပူချိန်မြင့်တက်ခြင်း၊ မုန်တိုင်းဖြစ်ပေါ်မှု ပုံစံမမှန်ခြင်းစသည့် ရာသီဥတုဖြစ်စဉ်များပြောင်းလဲနိုင်ကြောင်း သတိပေးထားသည်။

အဆိုပါဖြစ်စဉ်အတွက်  မိုးဇလကစောင့်ကြည့်နေပြီး၊ ထူးခြားဖြစ်စဉ်များကို ပြည်သူများထံ အချိန်နှင့် တပြေးညီအသိပေးထုတ်ပြန်ပေးသွားမည်ဟု အသိပေးထားသည်။

#YMG/my #Local_News #မိုးဇလသတိပေး #ချင်းတွင်မြစ်ရေ
#Yangon_Times

#Local_News
Published_ 2 September 2023

တရားမဝင်သယ်ဆောင်လာသည့် စက်သုံးဆီ(ဒီဇယ်ဆီ)ဂါလန် (၄၈၀၀)အပါအဝင် တရားမဝင်သစ်မျိုးစုံ၊ စားသောက်ကုန်၊ လူသုံးကုန်၊ လုပ်ငန်းသုံးနှင့် မော်တော်ယာဉ်ပစ္စည်းများကို ဖမ်းဆီးရမိခဲ့ကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီမှ သိရသည်။

သြဂုတ်(၂၈)ရက်တွင် စစ်ကိုင်းတိုင်းဒေသကြီးတရားမဝင် ကုန်သွယ်မှုတိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများ ဆောင်ရွက်ခဲ့ရာ မုံရွာမြို့၊ သာစည်လမ်း၌တရားမဝင်သယ်ဆောင် လာသည့် စက်သုံးဆီ (ဒီဇယ်ဆီ) ဂါလန် (၄၈၀၀) (ခန့်မှန်း တန်ဖိုးငွေကျပ် ၃၈,၄၀၀,၀၀၀)ကို ဖမ်းဆီးရမိခဲ့ပြီး ရေနံနှင့်ရေနံထွက်ပစ္စည်းဆိုင်ရာဥပ‌ဒေနှင့်အညီ အရေးယူဆောင်ရွက်လျက်ရှိသည်ဟုဆိုသည်။

ဩဂုတ် ၂၅ ရက်၊၂၈ ရက်နှင့်၂၉ ရက်တို့တွင် ဖမ်းဆီးရမိမှု စုစုပေါင်းအမှုတွဲ (၁၈)မှု (ခန့်မှန်းတန်ဖိုးငွေကျပ် ၄၄၈,၅၁၉,၆၄၆)ဖမ်းဆီးရမိခဲ့ပြီး ဖြစ်ကြောင်း တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီမှ သိရသည်။

တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ၏ဦးဆောင်မှုဖြင့်ဒေသအသီးသီးမှ အကောက် ခွန်အဖွဲ့များ စစ်ကိုင်းတိုင်းဒေသကြီးတရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့်တာဝန် ကျပူးပေါင်းအဖွဲ့များ၊ ရန်ကုန်တိုင်းဒေသကြီးတရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များ၊ ကရင်ပြည်နယ်တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များ၊ ပဲခူးတိုင်းဒေသကြီးတရားမဝင်ကုန်သွယ်မှုတိုက်ဖျက်ရေးအထူး အဖွဲ့၏ စီမံခန့်ခွဲမှုဖြင့် ခရိုင်သစ်တောဦးစီးဌာန ဦးဆောင်သော ပူးပေါင်းအဖွဲ့များက အဆိုပါ တရားမဝင်ပစ္စည်းများကိုဖမ်းဆီးရမိခဲ့ပြီး ဥပဒေအရဆက်လက်ဆောင်ရွက်နေကြောင်းသိရသည်။

#tthl #Local_News #စက်သုံးဆီ # တရားမဝင်ပစ္စည်းများဖမ်းဆီးရမိ
#Yangon_Times

#Local_News
Published -2 September 2023

ရန်ကုန်-နေပြည်တော်အမြန်လမ်းမကြီး၊ မိုင်တိုင်အမှတ်(၁၁၃/၄)နှင့်(၁၁၃/၅) ကြားတွင်စတင်ဘာ ၂ရက် နံနက် ၈နာရီခွဲ ခန့်က TOYOTA CROWN ယာဉ်(၁)စီးသည် လမ်းကွေ့အရောက်တွင် အရှိန်မထိန်းနိုင်ဘဲ လမ်းလယ်ကျွန်းရှိ ခရေပင်နှင့်ထန်းပင်တို့ကို ဝင်တိုက်ခဲ့ကြောင်းအမြန်လမ်းမီးသတ်တပ်ဖွဲ့ထံက သိရသည်။

ယာဉ်တိုက်မှုကြောင့် ယာဉ်မောင်းအမျိုးသားမှာ ထိခိုက်ဒဏ်ရာရရှိမှု ပြင်းထန်ပြီး အခင်းဖြစ်ပွားရာတွင် သေဆုံးခဲ့ကာ ယာဉ်ပေါ်ပါလာသည့် အမျိုးသားနှစ်ဦးမှာ (မစိုးရိမ်ရ)ထိခိုက်ဒဏ်ရာရရှိခဲ့ကြောင်း သိရသည်။

အဆိုပါ ယာဉ်တိုက်မှုကို ၁၁၅ မိုင် အမြန်လမ်းမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် သွားရောက်ကူညီဆောင်ရွက်ပေးခဲ့ကာ သေဆုံးထိခိုက်ဒဏ်ရာရရှိသူများ ကို ၁၁၅ မိုင် ကြက်ခြေနီအသင်းမှယာဉ်ဖြင့် ဖြူးမြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#YMG/LW #Local_News #ရန်ကုန်-နေပြည်တော် #လယ်ကျွန်းရှိသစ်ပင်ဝင်တိုက်မှုဖြစ်
#Yangon_Times

#World_Education
Published 2 September 2023

တောင်ကိုရီးယားနိုင်ငံ ဂျုံဆန်မြောက်ပိုင်းပြည်နယ်က ၂၀၂၄ မတ်လမှာ စတင်မယ့် လာမယ့်ပညာသင်နှစ်အတွင်း အာရှနိုင်ငံ ၆ နိုင်ငံမှ ဆယ်ကျော်သက်များ ကျောင်းတက်ရောက်ခွင့်အတွက် ၇၂ ဦးကို စိစစ်ရွေးချယ်လျက် ရှိပါတယ်။

ကျောင်းတက်ရောက်ခွင့် လျှောက်ထားနိုင်တဲ့ နိုင်ငံတွေကတော့ ဗီယက်နမ်၊ ထိုင်း၊ အင်ဒိုနီးရှား၊ မွန်ဂိုလီးယား၊ ကမ္ဘောဒီးယား၊ တရုတ်နိုင်ငံတို့ ဖြစ်ပါတယ်။

''ကိုရီးယားကျောင်းသားတွေ ကျောင်းတက်သလိုမျိုးပဲ နိုင်ငံရပ်ခြား ကျောင်းသားတွေလည်း ကျူရှင်ခ ပေးစရာမလိုပေမယ့် နေထိုင်စရိတ်တွေကတော့ ကိုယ်တိုင်ကျခံရမှာ ဖြစ်ပါတယ်'' လို့ ဂျုံဆန်မြောက်ပိုင်း ပညာရေးရုံးမှ အကြီးအကဲ ကင်မ်မီဂျောင်က The Korea Herald ထံ ပြောကြားသွားပါတယ်။

တောင်ကိုရီးယား ပညာရေးစနစ်က မူလတန်းကနေ အထက်တန်းအဆင့်အထိ အခမဲ့ဖြစ်တာကြောင့် နိုင်ငံခြားပညာသင်ခွင့်အတွက် ပညာသင်ဆုထောက်ပံ့တာမျိုး မရှိပါဘူး။

အသံပညာနဲ့ သက်ဆိုင်တဲ့ ကျောင်းအများစုပါဝင်နေတဲ့ ကျောင်း ၉ ကျောင်းတို့ဟာ ထိုအစီအစဥ်ကနေ နိုင်ငံခြားကျောင်းသားတွေကို လက်ခံသွားမှာ ဖြစ်ပါတယ်။

ဒီအစီအစဥ်ကို လျှောက်ထားမယ့်သူတွေဟာ အလယ်တန်းကျောင်းမှ ပညာရေးမှတ်တမ်းများကို တင်ပြရမှာဖြစ်ပြီး ကိုရီးယားဘာသာ ကျွမ်းကျင်မှုစာမေးပွဲ TOPIK မှာ အဆင့် ၂ နဲ့အထက် ရရှိရမှာဖြစ်ပါတယ်။

ရွေးချယ်ခံရတဲ့ ကျောင်းသားတွေက D-4 အထွေထွေပညာသင်ဗီဇာရဲ့ အခွဲဖြစ်တဲ့ D-4-3 ဗီဇာ လျှောက်ထားနိုင်မှာဖြစ်ပြီး ဒီဗီဇာက မူလတန်း၊ အလယ်တန်း၊ အထက်တန်းကျောင်းသားများကို ပေးလေ့ရှိပါတယ်။

D-4 ဗီဇာဖြင့် ကိုရီးယားမှာ ပညာသင်ယူခွင့် ၁ နှစ်ရမှာဖြစ်ပြီး ပထမနှစ်ကျော်လွန်ကာ ဘွဲ့ရတဲ့အထိ ဆက်လက်တက်ရောက်သွားမယ်ဆိုပါက နှစ်စဥ်ဗီဇာသက်တမ်း တိုးသွားရမှာဖြစ်ပါတယ်။

ဒီအစီအစဥ်ကနေ ဘွဲ့ရသွားတဲ့ လူတွေအတွက် ဂျုံဆန်မြောက်ပိုင်းမှာ အခြေချလုပ်ကိုင်သွားနိုင်ရန် အလုပ်လုပ်ခွင့်ဗီဇာပေးနိုင်ရန်အတွက်လည်း သက်ဆိုင်ရာအေဂျင်စီများနဲ့ ဆွေးနွေးနေပါတယ်လို့ ဆိုပါတယ်။

ထိုထဲက ကျောင်း ၄ ကျောင်းကတော့ ကျောင်းသားဦးရေ ပြည့်သွားပြီဖြစ်ပြီး ထိုင်း၊ တရုတ်၊ ကမ္ဘောဒီးယား၊ မွန်ဂိုလီးယား၊ ဗီယက်နမ်တို့မှ ကျောင်းသားစုစုပေါင်း ၃၂ ဦး တက်ရောက်ခွင့် ရခဲ့ပါတယ်။

ကျန်တဲ့ ကျောင်း ၅ ကျောင်းအတွက် နောက်ဆုံးလျှောက်ထားခွင့်ကတော့ စက်တင်ဘာ ၈ ရက်နေ့ဖြစ်ပါတယ်။

၂၀၂၅ ပညာသင်နှစ်အတွက် နောက်နှစ်မှာ ထပ်မံခေါ်ယူသွားမှာဖြစ်ပြီး တက်ရောက်နိုင်တဲ့ ကျောင်းတွေနဲ့ ကျောင်းသားခွဲတမ်းကတော့ ပြောင်းလဲနိုင်ကြောင်း ဂျုံဆန်မြောက်ပိုင်းပြည်နယ်အရာရှိက ပြောပြခဲ့ပါတယ်။

#World_Education #ကိုရီးယားအထက်တန်းကျောင်း #ပညာသင်ယူခွင့်
Source: The Nation

"ဖုန်းပြင်ဆိုင်တွေအနေနဲ့ Customer ကဖုန်းလာပြင်ရင် Customer ရှေ့မှာပဲဖုန်းကိုစစ်ပီး ဖုန်းထဲက data တွေကို သူ့ရှေ့မှာပဲ Cleansing လုပ်တာ၊ Back up လုပ်တာတွေကို ဆောင်ရွက်ပေးရင်ပိုကောင်းပါတယ် " .........လို့ပြောပြလာတဲ့
ကိုအောင်နေမျိုး (senior manager global technology group)
# (senior manager global technology group)
##Global_Technology_Group
#Yangon_Times

#World_Health
Published 2 September 2023

ခန္ဓာကိုယ်ထဲမှာ ကျောက်တည်ခြင်းအမျိုးမျိုး ဖြစ်ပွားနိုင်ကာ ဖြစ်ရတဲ့ အကြောင်းအရင်းတွေနဲ့ ကုသနည်းတွေလည်း ကွဲပြားနိုင်ပါတယ်။

(၁) ကျောက်ကပ်ကျောက်တည်ခြင်း

ကျောက်ကပ်ထဲမှာ သတ္တုဓာတ်တွေနဲ့ ဆားများအနည်ကျလာပြီး ကျောက်ဖြစ်လာတတ်ကာ ကျောအောက်ဘက် ဘေးဘက်တို့မှာ နာကျင်တတ်သလို ဆီးထဲသွေးပါတတ်ပါတယ်။

(၂) သည်းခြေကျောက်

သည်းခြေရည်တွေ သိမ်းထားတဲ့ သည်းခြေအိတ်ထဲမှာ ကျောက်တွေဖြစ်ပေါ်လာပြီး ဝမ်းဗိုက်အထက်ပိုင်းမှာ နာကျင်ခြင်း ခံစားရတတ်သလို ရောဂါကူးစက်ဝင်ရောက်ခြင်းလည်း ဖြစ်ပေါ်နိုင်ပါတယ်။

(၃) ဆီးအိမ်ကျောက်

ဆီးအိမ်ထဲမှာ သတ္တုဓာတ်များ ခဲသွားတာဖြစ်ပြီး မကြာခဏဆီးသွားခြင်း၊ ဝမ်းဗိုက်အောက်ပိုင်းမှာ မအီမသာ အောင့်ခြင်း၊ ဆီးထဲသွေးပါခြင်းတို့ ခံစားရတတ်ပါတယ်။

(၄) တံတွေးဂလင်းကျောက်တည်ခြင်း

ပါးစပ်ထဲသို့ တံတွေးလွှတ်တဲ့ ပြွန်တွေထဲမှာ အနည်ကျမှုန်တွေ ခဲသွားပြီး ရောင်ရမ်းနာကျင်ခြင်း၊ တံတွေးမြိုချရခက်ခဲခြင်းတို့ ခံစားရနိုင်ပါတယ်။

(၅) ဆီးအိတ်ပြွန်ကျောက်တည်ခြင်း

ကျောက်ကပ်ကနေ ဆီးအိမ်ကိုဆက်ထားတဲ့ ပြွန်တွေမှာလည်း ကျောက်တည်တတ်ပြီး ကျောအောက်ဘက် ဘေးဘက်တွေမှာ အလွန်အမင်း နာကျင်ရနိုင်ကာ ဆီးထဲသွေးပါတတ်ပါတယ်။

(၆) ဆီးကြိတ်ကျောက်

ဆီးကြိတ်ဂလင်းထဲမှာ ကျောက်တည်တာဖြစ်ပြီး ရောဂါလက္ခဏာ မပြတတ်ပေမယ့် နာတာရှည် ဆီးကြိတ်ရောင်ခြင်းနဲ့ ဆက်စပ်နေနိုင်ပါတယ်။

(၇) အာသီးကျောက်

အာသီးနေရာမှာ ကျောက်တည်တာဖြစ်ပြီး ခံတွင်းနံ့ဆိုးခြင်း၊ လည်ချောင်းနာခြင်း၊ မျိုချရခက်ခဲခြင်းတို့ ခံစားရနိုင်ပါတယ်။

ကျောက်တည်ခြင်းမှ ကာကွယ်နိုင်တဲ့ နည်းလမ်းတွေကတော့..

- ရေများများသောက်ခြင်းဖြင့် အနည်တွေ စုပြုံမလာနိုင်တာကြောင့် ကျောက်တည်ခြင်းကို ကာကွယ်ပေးနိုင်ပါတယ်။

- အငန်ဓာတ်နဲ့ အသားဓာတ်ပရိုတိန်း လျှော့ချကာ ညီညွတ်မျှတစွာ စားသုံးခြင်းဖြင့် ကျောက်တည်ခြင်းကို ကာကွယ်ပေးပါတယ်။

- အချိုရည်အသောက်များတဲ့အခါ ကျောက်ကပ်ကျောက်တည်ခြင်းကို ဖြစ်စေနိုင်တာကြောင့် ရေ ဒါမှမဟုတ် အကြမ်းခြောက်တို့ကို ရွေးချယ်သောက်သုံးသင့်ပါတယ်။

- သံပရာ၊ သံပယို၊ လိမ္မော်စတဲ့ အချဥ်ဓာတ်ပါတဲ့ အစားအစာတွေက ကယ်လ်စီယမ်ကျောက်တည်ခြင်းကို ကာကွယ်ပေးပါတယ်။

- အဝလွန်တဲ့အခါ ကျောက်ကပ်ကျောက်တည်ခြင်း ဖြစ်ပေါ်စေနိုင်ပြီး ပုံမှန်လေ့ကျင့်ခန်း ပြုလုပ်ခြင်းဖြင့် ဖြစ်နိုင်ချေကိုလျှော့ချနိုင်မှာ ဖြစ်ပါတယ်။

- ကယ်လ်စီယမ်က အရိုးကျန်းမာရေးအတွက် အရေးကြီးပေမယ့် များလွန်းရင်တော့ ကျောက်တည်နိုင်တာကြောင့် သဘာဝအတိုင်း အစားအစာကနေသာ ညီညွတ်မျှတစွာ စားသုံးသင့်ပါတယ်။

- အရက်အလွန်အကျွံ သောက်တဲ့အခါ ယူရစ်အက်ဆစ်ကျောက်မျိုး ဖြစ်နိုင်တာကြောင့် ကန့်သတ်လျှော့ချပြီးသာ သောက်သုံးသင့်ပါတယ်။

#World_Health #ကျောက်(၇)မျိုး #ကာကွယ်ရန်နည်းလမ်းများ
Source: DoctorNDTV

#Local_News
Published-2 September 2023

လာမည့် အောက်တိုဘာလ ၁၅ ရက်တွင် ကျရောက်မည့် ၈ နှစ်မြောက် NCA နှစ်ပတ်လည်နေ့ကို လက်တွေ့ကျကျ၊ အဓိပ္ပါယ်ရှိရှိ၊ အလေးအနက်ထား၍ စီစဉ်ကျင်းပသွားမည်ဖြစ်ကြောင်း စက်တင်ဘာလ ၁ ရက်က ကျင်းပသည့် နိုင်ငံတော်စီမံအုပ်ချုပ်ရေးကောင်စီအစည်းအဝေးအတွင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ကပြောသည်။

ငြိမ်းချမ်းရေးနှင့်ပတ်သက်၍ ဆောင်ရွက်ရာတွင် တိုင်းရင်းသားလက်နက်ကိုင် အဖွဲ့အစည်းများအနေဖြင့် တိုင်း ပြည်အပေါ်စိတ်ကောင်းစေတနာကောင်းထားရန်လိုကြောင်း၊ နိုင်ငံရေးမျှော်မှန်းချက်ဖြစ်သည့် ပါတီစုံ ဒီမိုကရေစီစနစ်ကျင့်သုံးရေးနှင့် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး လုပ်ငန်းများတွင် တိုင်းရင်းသားပြည်သူအားလုံး ပူးပေါင်းပါဝင်ကြရန် လိုအပ်ကြောင်းလည်း ယင်းကဆိုသည်။

NCA စာချုပ်ကို ၂၀၁၅ ခုနှစ် အောက်တိုဘာလ ၁၅ ရက်တွင် အစိုးရ၊ လွှတ်တော်၊ တပ်မတော်နှင့် တိုင်းရင်း သားလက်နက်ကိုင်အဖွဲ့အစည်းများက ကမ္ဘာ့ကုလသမဂ္ဂအပါအဝင် တရုတ်၊ အိန္ဒိယ၊ ဂျပန်၊ ထိုင်း စသည့်နိုင်ငံများမှ သံတမန်များ၊ ပြည်တွင်းအသိ သက်သေများရှေ့မှောက်တွင် လက် မှတ်ရေးထိုးခဲ့ကြခြင်းဖြစ်သည်။

ယင်းစာချုပ်မှာ ပြည်ထောင်စုလွှတ်တော်က အတည်ပြုပေးထားသည့် သမိုင်းဝင်စာချုပ်ဖြစ်ပြီး မည်သည့်အချိန် မှပျက်ပြယ်မှုမရှိတည်ရှိနေမည့်စာချုပ်ဖြစ်ကြောင်း၊ ယခုအခါ တိုင်းရင်းသား လက်နက်ကိုင်အဖွဲ့အစည်းတစ်ခု၏ တာဝန်ရှိသူတစ်ဦးက NCA နှင့်ပတ်သက်၍ အထောက်အထားမဲ့၊ အဓိပ္ပါယ်မဲ့စွာ လက်လွတ်စပယ် ပြောကြားခဲ့သည်ကိုတွေ့ရကြောင်း လည်း ၎င်းက ပြောသည်။

တပ်မတော်အနေဖြင့် ငြိမ်းချမ်းရေးလုပ်ငန်းစဉ်များနှင့်ပတ်သက်၍ NCA စာချုပ်အပေါ်တွင်သာ ခိုင်ခိုင်မာမာ ရပ်တည်ဆောင်ရွက်သွားမည်ဖြစ်ကြောင်းလည်း နစက ဥက္ကဌက ပြောသည်။

#Local_News #၈နှစ်မြောက်NCAနှစ်ပတ်လည်နေ့
Yangon_Times/PP

#World_Health
Publilshed 2 September 2023

ဆေးထိုးခြင်းဖြင့် ကင်ဆာကုသနိုင်မယ့် နည်းလမ်းတစ်ခုကို ဗြိတိန်အစိုးရပိုင် အမျိုးသားကျန်းမာရေးဝန်ဆောင်မှု (NHS)မှ ကမ္ဘာ့ပထမဆုံး အသုံးပြုသွားမှာ ဖြစ်ပါတယ်။

ထိုနည်းလမ်းဖြင့် အင်္ဂလန်မှ လူနာပေါင်းရာဂဏန်းခန့်ကို ကုသသွားမှာဖြစ်ပြီး ကုသချိန်ကို ၄ ပုံ ၃ ပုံခန့်အထိ လျှော့ချသွားနိုင်မှာဖြစ်ပါတယ်။

ဆေးဝါးနှင့် ကျန်းမာရေးစောင့်ရှောက်မှု ကွပ်ကဲရေးဌာနမှ ခွင့်ပြုချက်ရရှိပြီးနောက် အေတက်ဇိုလီဇူမက် ကိုယ်ခံအားကုသဆေးဖြင့် ကုသခဲ့တဲ့ လူနာတွေကို အရေပြားအောက် ဆေးထိုးကုသခြင်းနည်းလမ်းဖြင့် ကုသရန် စီစဥ်ထားပြီဖြစ်ကာ ကင်ဆာကုသရေးအဖွဲ့များအတွက် ပိုမိုမြန်ဆန်စွာ လုပ်ကိုင်နိုင်စေမှာ ဖြစ်ကြောင်း NHS အင်္ဂလန်မှ ပြောကြားလိုက်ပါတယ်။

ဒီနညးလမ်းဖြင့် လူနာတွေအတွက် ပိုမိုလျင်မြန်လွယ်ကူစေမှာ ဖြစ်တဲ့အပြင် ကုသရေးအဖွဲ့အနေနဲ့လည်း တစ်နေ့တည်းနဲ့ လူနာများစွာ ကုသပေးနိုင်မှာဖြစ်တယ်လို့ NHS ဖောင်ဒေးရှင်းထရပ်စ်မှ ကင်ဆာရောဂါအတိုင်ပင်ခံ ဒေါက်တာအဲလက်ဇန်ဒါမာတင်က ပြောကြားလိုက်ပါတယ်။

လက်ရှိမှာအသုံးပြုနေတဲ့ အေတီဇိုလီဇူမက်က အစက်ချဒရစ်ပ်ကနေတဆင့် သွေးကြောထဲသို့ တိုက်ရိုက်ထိုးသွင်းတာဖြစ်ပြီး မိနစ် ၃၀ ကြာမြင့်တတ်ပြီး သွေးကြောရှာရခက်သူတွေမှာ တစ်နာရီလောက်အထိ ကြာမြင့်တတ်တယ်လို့ NHS အင်္ဂလန်က ပြောကြားလိုက်ပါတယ်။

ဆေးထိုးကုသမယ့် နည်းလမ်းကတော့ ၇ မိနစ်ခန့်သာ ကြာမြင့်နိုင်ပါတယ်လို့ ရော့ချ်ဆေးပစ္စည်းကုမ္ပဏီမှ ဆေးဘက်ဆိုင်ရာ ညွှန်ကြားရေးမှူး မာရီယပ်စ်ရှို့ဇ်က ပြောပြသွားပါတယ်။

ရော့ချ်ကုမ္ပဏီရဲ့ ဂျင်းတက်ခ်လုပ်ငန်းကနေ အေတီဇိုလီဇူမက်ကို ထုတ်လုပ်တာဖြစ်ပြီး လူနာရဲ့ ကိုယ်ခံအားစနစ်ကို မြှင်တင်ပေးကာ ကင်ဆာဆဲလ်တွေကို ရှာဖွေဖျက်ဆီးပစ်တာ ဖြစ်ပါတယ်။

လက်ရှိမှာ NHS လူနာတွေကို ထိုနည်းလမ်းဖြင့် ကုသနေပြီး အဆုတ်ကင်ဆာ၊ ရင်သားကင်ဆာ၊ အသည်းကင်ဆာ၊ ဆီးအိမ်ကင်ဆာလူနာတွေ ပါဝင်ပါတယ်။

အင်္ဂလန်မှာ အေတီဇိုလီဇူမက်ဖြင့် စတင်ကုသလာရတဲ့ လူနာတွေဟာ နှစ်စဥ် ၃,၆၀၀ ခန့်ရှိနေရာမှ အချိန်တိုအတွင်း ကုသပြီးစီးမယ့်နည်းလမ်းကို ပြောင်းလဲလာနိုင်မယ်လို့ NHS အင်္ဂလန်က မျှော်မှန်းထားပါတယ်။

#World_Health #ကမ္ဘာ့ပထမဆုံးကင်ဆာဆေးထိုးကုသနည်း #အင်္ဂလန်တွင်သုံးစွဲ
Source: NDTV

၁ စက်တင်ဘာ ၂၀၂၃

လာမည့် အထွေထွေရွေးကောက်ပွဲတွင် အီလက်ထရောနစ် မဲပေးစနစ်ဖြင့် စနစ်  တကျ မဲပေးနိုင်ရေး ဆောင်ရွက်မယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် က ပြောပါတယ်။

ယနေ့ စက်တင်ဘာ (၁)ရက်က နေပြည်တော်ရှိ နစကဥက္ကဋ္ဌရုံး အစည်းအဝေး  ခန်းမ၌ ကျင်းပတဲ့ နစက ကောင်စီအစည်းအဝေး(၃/၂၀၂၃)မှာ  နစကဥက္ကဋ္ဌ၊ နိုင်ငံတော်  ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အမှာစကားပြောကြားရာမှာ ထည့်သွင်း ပြောဆိုခဲ့ခြင်းဖြစ်တယ်လို့ သတင်းထုတ်ပြန်ချက်အရသိရပါတယ်။

“လွတ်လပ်ပြီး တရားမျှတသည့် ရွေးကောက်ပွဲအောင်မြင်စွာ ကျင်းပနိုင်ရေး အတွက် မဲစာရင်းကောက်ယူခြင်းလုပ်ငန်းများနှင့် မဲပေးပိုင်ခွင့်ရှိသူအားလုံး စနစ်တကျ မှန်မှန်ကန်ကန် မဲပေးနိုင်ရေး ကြိုတင်စီမံဆောင်ရွက်လျက်ရှိကြောင်းနှင့်  ဆန္ဒမဲပေးရာ တွင်လည်း လုံခြုံစိတ်ချရသည့် အီလက်ထရောနစ် မဲပေးစနစ်ဖြင့် စနစ်တကျမဲပေးနိုင် ရေးဆောင်ရွက်ပေးသွားမည်ဖြစ်တယ်လို့ ဗိုလ်ချူပ်မှူးကြီးက ပြောကြားခဲ့တာဖြစ်ပါ တယ်။

အဲဒီ့အပြင် နိုင်ငံရေးပါတီများနှင့်ပတ်သက်၍ စနစ်တကျရှိစေရေးအတွက် လိုအပ် သည့်ဥပဒေများ ပြဋ္ဌာန်းဆောင်ရွက်ပေးသွားမယ်လို့လည်း နစက ဥက္ကဋ္ဌက ထုတ်ဖော် ပြောဆိုပါတယ်။

လွတ်လပ်ပြီးတရားမျှတသည့် ပါတီစုံဒီမိုကရေစီ အထွေထွေ ရွေးကောက်ပွဲ  တစ်ရပ် အောင်မြင်စွာကျင်းပနိုင်ရေးအတွက် နိုင်ငံတစ်ဝန်း တည်ငြိမ် အေးချမ်းမှု  ရှိစေ ရေး  ဆောင်ရွက်သွားရမယ်လို့လည်း ဗိုလ်ချုပ်မှူးကြီးကပြောပါတယ်။ တစ်နိုင်ငံလုံး အကြားအလပ် မရှိ ဆန္ဒမဲပေးပိုင်ခွင့်ရရှိစေရေး မဲစာရင်းအခြေခံအချက်အလက်များ မှန်မှန်ကန်ကန် ဖြစ်အောင် ပြန်လည်ပြုစုရမှာ ဖြစ်တယ်လို့လည်း သတင်းထုတ်ပြန်  ချက်မှာဖော်ပြထားပါတယ်။

မဲစာရင်းကောက်ယူ သည့် တာဝန်ရှိသူများကို အနှောင့်အယှက်ပေးနေမှုများ ကြောင့် တိုင်းဒေသကြီးနှင့် ပြည်နယ်အလိုက် မဲစာရင်းကောက်ယူမှု မပြုနိုင်သေးသည့် မြို့နယ်အချို့ရှိနေတယ်လိုလည်းဗိုလ်ချုပ်မှူးကြီးကပြောပါတယ်။အဲဒါကြောင့်မဲစာရင်းများ အပြည့်အဝကောက်ယူနိုင်ရေး ဆက်လက်ဆောင်ရွက်သွားရမယ်လို့ဆိုပါတယ်။

နစက၏ အန္တိမရည်မှန်းချက်မှာ လွတ်လပ်၍ တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေးပင် ဖြစ်တဲ့အတွက် အဆိုပါရွေးကောက်ပွဲ   တစ်ရပ် အောင်မြင်စွာကျင်းပနိုင်ရေးအတွက် နိုင်ငံတစ်ဝန်း တည်ငြိမ် အေးချမ်းမှု  ရှိစေရေး  ဆောင်ရွက်သွားရမယ်လို့လည်း နစက ဥက္ကဋ္ဌကပြောကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

တက်ရောက်လာတဲ့ ကောင်စီဝင်များကလည်း နောင်ကျင်းပမည့် ရွေးကောက်ပွဲ များတွင် ကြုံတွေ့ရနိုင်သည့် မဲစာရင်းဆိုင်ရာ မှားယွင်းမှုများနှင့် မဲမသမာမှုများ မဖြစ်  ပေါ်စေရေး ဥပဒေပြဋ္ဌာန်း၍ ကြပ်မတ်ဆောင်ရွက်နိုင်ရေး ကိစ္စရပ်များ  နှင့် စပ်လျဉ်း၍ ဆွေးနွေးတင်ပြခဲ့ကြတယ်လို့ သတင်းထုတ်ပြန်ထားပါတယ်။

-ymg/knl

ပန်းပွင့်တော်တော်များများက မွှေးပျံ့တဲ့ရနံ့ရှိပေမယ့် လူသေကောင်ပန်းကတော့ ဒီလိုမဟုတ်ပါဘူး။

Published 31 August 2023
#ကယ်လီဖိုးနီးယား #လူသေကောင်ပန်း
#World_Nature