မြွေကတော့သဘာဝသားရဲတိရစ္ဆာန်ဖြစ်တဲ့အတွက် သူကတော့နေရာတိုင်းမှာရှိတာပါပဲ၊ ပူလို့ရှိရင်တော့ပိုထွက်တာပေါ့၊ မြွေဆိုတဲ့အမျိုးကလေ ဒီကာလဆိုရင်တော့မြွေပွေး၊ မြွေဟောက်ပေါတဲ့ကာလပေါ့၊ ဘယ်လိုတွေသတိထားရမလဲဆိုတော့ ညရေးညတာသွားလာတဲ့အခါကျရင်တော့ လက်နှိပ်ဓာတ်မီးတို့ဘာတို့နဲ့မျက်လုံးလျင်လျင်သွားရမှာပေါ့၊ နေ့ခင်းနေ့လယ်ကျတော့လည်းကျွန်တော်တို့သစ်ရွက်ခြောက်တွေများတဲ့‌နေရာတွေ၊ အမှိုက်သရိုက်များတဲ့နေရာတွေ၊ခြုံနွယ်ပိတ်ပေါင်းထူထပ်တဲ့နေရာတွေကို ရှောင်ပေါ့၊
#Local_News
Published_8 January 2024
#မြွေ‌ပွေး၊မြွေဟောက်ပေါများ #အထူးဂရုပြုကြရန်လို
#YMG/NN #Yangon_Times

၂၀၂၄ ခုနှစ်၊ ဇန်နဝါရီလ ၈ ရက်မှ ၁၄ ရက်အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၄,၉၅၅ ကျပ်နဲ့ရောင်းချရမယ်။ စားသုံးသူရေးရာဦးစီးဌာန
#Local_News
Published_8 January 2024
#စားအုန်းဆီဈေးအတက်အကျမရှိ #ဆီဂါလံ၈၈၄၇ရောင်းချပေး
#tthl #Yangon_Times

#Local_News
Published_8 January 2024

ချင်းပြည်နယ်၊ ဟားခါးတွင် ရေခဲအမှတ်သုညဒီဂရီအောက်ရောက်ရှိနေပြီးချင်း၊ကချင်၊ရှမ်းတို့တွင် ဇန်နဝါရီလ၏ ပျမ်းမျှအပူချိန်အောက်ရောက်ရှိကာအရင်နှစ်များထက်ပို အေးနေကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

ထူးခြားသည့် ညအပူချိန်များအဖြစ် ဟားခါးမြို့တွင် (-၂)ဒီဂရီစင်တီဂရိတ်၊ ပူတာအိုမြို့၊ ကျောက်မဲမြို့နှင့် ပြင်ဦးလွင်မြို့တို့တွင် (၃)ဒီဂရီစင်တီဂရိတ်စီနှင့် ပင်လောင်းမြို့၊ ဟဲဟိုးမြို့၊ လွိုင်လင်မြို့၊ မိုင်းယန်းမြို့၊ တီးတိန် မြို့နှင့် မိုးကုတ်မြို့တို့တွင် (၄)ဒီဂရီစင်တီဂရိတ်စီတို့ ရှိခဲ့သည်။

မနက်ဖြန်ဇန်နဝါရီလ၉ရက်နေ့အထိခန့်မှန်းချက် အနေဖြင့် ဟားခါး(-၂ဒီဂရီ)၊ကျိုင်းတုံ၊တောင်ကြီး၊မြစ်ကြီးနား၊လားရှိုးတို့မှာ(၁၀)ဒီဂရီစင်တီဂရိတ် အောက်၌ရှိပြီး အအေးပိုမည်ဖြစ်ကြောင်း သိရသည်။

လွန်ခဲ့သော(၂၄)နာရီအတွင်းညအပူချိန်များမှာ ချင်းပြည်နယ်တွင် ဇန်နဝါရီလ၏ ပျမ်းမျှအပူချိန်အောက် (၃)ဒီဂရီစင်တီဂရိတ်နှင့် ကချင်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် ဇန်နဝါရီလ၏ ပျမ်းမျှအပူချိန်တို့အောက် (၂) ဒီဂရီစင်တီဂရိတ်လျော့နည်းခဲ့ပြီး၊ ကရင်ပြည်နယ်တွင် ဇန်နဝါရီလ၏ ပျမ်းမျှအပူချိန်ထက် (၄)ဒီဂရီစင်တီဂရိတ်ပိုခဲ့ကာ၊ ကျန်တိုင်းဒေသကြီးနှင့် ပြည်နယ်တို့တွင် ဇန်နဝါရီလ၏ ပျမ်းမျှအပူချိန်ခန့်သာရှိခဲ့ကြောင်း သိရသည်။

#Local_News #ရေခဲအမှတ်သုညဒီဂရီအောက်ရောက် #အရင်နှစ်များထက်ပိုအေးနေ #tthl #Yangon_Times

#Local_News
Published 8 January 2024

ဗိုလ်တစ်ထောင်မြို့နယ်ရှိ ကွန်ဒိုတစ်လုံး၌မီးလောင်မှုတစ်ခု ယနေ့မနက်ပိုင်းမှာဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့နှင့်ဒေသခံများထံမှ သိရသည်။

'condo အသစ်ကုန်သည်လမ်းဘက်က အဲ့တိုက်ဘက်ကမီးခိုးတွေတွေ့တယ်၊ ကုန်သည်လမ်းမနဲ့ ၅၁ လမ်းထောင့် ကွန်ဒိုမြေညီထပ်ဆိုင်သစ်မှာလောင်နေတာပါ' ဟု ဒေသခံတစ်ဦးကပြောသည်။

ဖြစ်စဉ်မှာ ဇန်နဝါရီ ၈ရက်နေ့၊ မနက် ၁၁နာရီ ၅၂ မိနစ်အချိန်ခန့်က ရန်ကုန်တိုင်းဒေသကြီး၊ ဗိုလ်တထောင်မြို့နယ်၊ ကုန်သည်လမ်း၊ လမ်း ၅၀ နှင့် ၅၁ လမ်းအကြားတွင် မီးလောင်မှုဖြစ်ပွားခဲ့ကြောင်း သိရသည်။

အဆိုပါမီးလောင်မှုကို ကျောက်တံတားမြို့နယ်မီးသတ်စခန်း၊ တာမွေမြို့နယ်မီးသတ်စခန်းနှင့် ပုဇွန်တောင်မြို့နယ်မီးသတ်စခန်းတို့မှ မီးသတ်ယာဉ်များ ထွက်ခွာငြှိမ်းသတ်လျက်ရှိပြီး နေ့လယ်၁၂ နာရီ အချိန်၌ မီးထိန်းပြီး ၁၂ နာရီ ၁၄ မိနစ်အချိန်၌ မီးငြိမ်းသွားကြောင်းသိရသည်။

ယင်းမီးလောင်မှုမှုဖြစ်စဉ်နှင့်ပတ်သက်၍ဆက်လက်စုံစမ်းမှုများပြုလုပ်နေကြောင်း သိရသည်။

#Local_News #ကွန်ဒိုတစ်လုံး #မီးလောင်မှုဖြစ်ပွား #YMG/NN #Yangon_Times

'အိန္ဒိယနိုင်ငံကို မတ်ပဲနဲ့ပဲစင်းငုံတန်ချိန်သုံးသိန်းခွဲတင်ပို့ဖို့ နှစ်နိုင်ငံ MOUရေးထိုးထားတာတယ်၊ ဒါ့အပြင် ၂၀၂၄ခုနှစ်ဧပြီ၁ရက်က‌နေ ၂၀၂၅ခုနှစ်မတ်လ ၃၁ ရက်အထိ လွတ်လပ်စွာတင်သွင်းခွင့်ကို အိန္ဒိယကထပ်မံသက်တမ်းတိုးမြှင့်ပေးလာတယ်၊ အိန္ဒိယပဲလိုအပ်ချက်ကြောင့် MOUရေးထိုးထားတဲ့ မတ်ပဲနဲ့ပဲစင်းငုံတန်ချိန်သုံးသိန်းခွဲထက်ကျော်လွန်ပြီး ဝယ်သွားမယ့်အခြေအနေမှာရှိတယ်၊ ကျော်လွန်ပြီးဝယ်တာကိုလည်း လွတ်လပ်စွာတင်သွင်းခွင့်ပေးလိုက်တာပါ'
#Local_News
Published_8 January 2024
#မတ်ပဲနဲ့ပဲစင်းငုံ #လွတ်လပ်စွာတင်သွင်းခွင့်
#YMG/NN #Yangon_Times

"ကျိုက်ထီးရိုး‌‌စေတီကို ပြည်တွင်းဘုရား ဖူး( ၄၁၁၂၉)ဦးနဲ့ နိုင်ငံခြားသားဧည့်သည်(၃၉)ဦးဝင်ရောက်ခဲ့တယ်။နိုင်ငံခြားသားအများစုဟာ ထိုင်းခရီးသွားအဖွဲ့လိုက်နဲ့ ဗီယက်နမ်တွေက အများဆုံးလာရောက်နေပြီး ရုရှား၊တရုတ်နဲ့ အခြားအနောက် နိုင်ငံသားခရီးသွားအချို့လည်း လာရောက်တယ်"ကျိုက်ထီးရိုးဂေါပကအဖွဲ့မှ တာဝန်ရှိသူတစ်ဦး
#Local_News
Published_8 January 2024
#ကျိုက်ထီးရိုးဘုရားဖူး #နိုင်ငံသားခရီးသွား
#tthl #Yangon_Times

ဥရောပနိုင်ငံ စျေးကွက်တချို့ကို တင်ပို့နိုင်ဖို့အတွက် အဝယ်လိုက်နေတာကြောင့် ပဲတီစိမ်စျေးကွက် ပြန်ကောင်းလာတယ်လို့ ပဲကုန်သည်တွေက ဆိုပါတယ်။
#Local_News
Published_8 January 2024
#ပဲတီစိမ်းဈေးပြန်တက်
#YMG/LW #Yangon_Times

#Local_News
Published 8 January 2024

ရန်ကုန်မြို့တွင်း ပြေးဆွဲဝန်ဆောင်မှုပေးနေသည့် စီးတီးတက္ကစီအငှားယာဉ်များနှင့် နယ်တက္ကစီအငှားယာဉ်များတွင်ဘေးအဝါရောင်လိုင်း စတေကာများ မတပ်ဆင်ပါက ပညာပေးကာလကျော်လွန်ပြီးနောက်ပိုင်း ဖေဖော်ဝါရီ ၁ ရက်မှစတင်ကာ ဒဏ်ကြေးငွေသတ်မှတ်ကောက်ခံသွားမည်ဖြစ်ကြောင်းရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) က သိရသည်။

အဆိုပါ တက္ကစီအငှားယာဉ်များတွင် ဘေးနှစ်ဖက်အဝါရောင်စတေကာများ တပ်ဆင်ရန် ၂၀၂၃ ခုနှစ် အောက်တိုဘာ ၁၂ ရက်မှ စတင်ဆောင်ရွက်ခဲ့ပြီး ပညာပေးကာလအဖြစ် ၂၀၂၃ ခုနှစ် နိုဝင်ဘာ ၁ ရက်မှ ၂၀၂၄ ခုနှစ် ဇန်နဝါရီ ၃၁ ရက်အထိ သတ်မှတ်ပေးထားသည်။

လက်ရှိစီးတီးတက္ကစီယာဉ်များ နည်းတူရန်ကုန်မြိုတွင်း၌ ပဲခူးနှင့် ဧရာဝတီ၊ တိုင်းဒေသကြီး မွန်နှင့် ကရင်ပြည်နယ်တို့မှ နယ်တက္ကစီအငှား ယာဉ်များမောင်းနှင်မှုများကို တွေ့ရှိနေရသောကြောင့် ၎င်းတို့ကိုလည်းဘေးနှစ်ဖက်ဘေးအဝါရောင်စတေကာ တပ်ဆင်ရန်ညွှန်ကြားထားကြောင်း YRTC မှ သိရသည်။

အထက်ပါ ရန်ကုန်မြို့တွင်းပြေးဆွဲနေသည့် နယ်လိုင်စင် တက္ကစီယာဉ်များအနေဖြင့် ပညာပေးကာလကျော်လွန်ပြီး အဝါရောင်လိုင်း စတေကာမတပ် ဆင်ထားပါက ဒဏ်ကြေးငွေအပြင် ရန်ကုန်မြို့တော်စည်ပင်သာယာရေး ကော်မတီက ဘီးခွန်ပါ ကောက်ခံသွား မည်ဖြစ်သည်။

YRTC အနေဖြင့်၂၀၂၃ ခုနှစ် ဒီဇင်ဘာ ၂၃ ရက်နေ့အထိစာရင်းများအရ ဘေး အဝါရောင် လိုင်းစတေကာတပ်ဆင် ပြီးစီးမှု ၇၅ ရာခိုင်နှုန်း၊ ခန့်မှန်းအစီး ရေ ၄၂၀၀၀ ခန့် တပ်ဆင်ပြီးစီးကြောင်းသိရပြီး လက်ရှိတွင် စီးတီးတက္ကစီယာဉ်အဖြစ် မှတ်ပုံတင်ထားသည့် ယာဉ်အစီးရေ ၅၈,၄၈၁ စီးရှိရာ YRTC တွင် မှတ်ပုံတင်ထားသည့် စီးတီးတက္ကစီ ၅၅,၂၂၇ စီးရှိကြောင်း သိရသည်။ 

#Local_News #အဝါရောင်လိုင်းစတေကာ #ဒဏ်ကြေးကောက်မည်  #YMG/LW #Yangon_Times

#World_Health
Published 08 January 2024

အိပ်စက်ခြင်းဟာ ကျန်းမာရေးအတွက် အရေးပါပေမယ့် လူအများက သိပ်ပြီးဦးစားမပေးကြပါဘူး။

တစ်ညကို အိပ်ချိန် ၇ နာရီ ၈ နာရီခန့်ရှိခြင်းက ကျန်းမာပျော်ရွှင်ဖို့အတွက် သိသိသာသာ သက်ရောက်နေပါတယ်။

ညသန်းခေါင်မတိုင်ခင် အိပ်တဲ့သူတွေက ကျန်းမာရေး အကျိုးကျေးဇူးများ ရရှိစေတာကို လေ့လာချက်တွေမှာ တွေ့ရှိထားပါတယ်။

စောစီးစွာ အိပ်စက်ခြင်းက ခန္ဓာကိုယ်တွင်း ဇီဝလည်ပတ်ဖြစ်စဥ်နဲ့ ကိုက်ညီပြီး ခွန်အားနဲ့ စိတ်အင်အားတို့ကို မြှင့်တင်ပေးပါတယ်။

ညဥ့်နက်မှ အိပ်စက်လေ့ရှိသူတွေဟာ စောစီးစွာ အိပ်စက်တဲ့ အလေ့အကျင့်ပြောင်းလဲလိုက်ပါက စိတ်ဓာတ်ကျခြင်းနဲ့ ဖိစီးမှုတို့ လျော့ကျစေတယ်လို့ လေ့လာတွေ့ရှိထားပါတယ်။

 ညဘက်နောက်ကျမှ အိပ်တဲ့အခါ ခန္ဓာကိုယ်မှာ ဘာတွေဖြစ်သွားလဲဆိုတာကို ဒေါက်တာဆူရက်ဘ်ဆယ်ထီက ရှင်းပြသွားပါတယ်။

ပထမဆုံးအနေနဲ့ ကိုယ်အလေးချိန် တက်လာပြီး စိတ်အခြေအနေကို ထိခိုက်လာစေပါတယ်။

ဒီနောက် စိတ်ဖိစီးမှုမြင့်တက်လာပြီး နေ့ဘက်အချိန်မှာ အာရုံစူးစိုက်တွေးတောဖို့ ခက်ခဲလာတယ်လို့ ဆိုပါတယ်။

မှတ်ဉာဏ်ပိုင်း၊ အာရုံစူးစိုက်မှု၊ နိုးကြားတက်ကြွနေစေဖို့ လုံလောက်စွာ အိပ်စက်ရန် အလွန်အရေးကြီးပါတယ်။

အိပ်စက်ခြင်းက ဇီဝကမ္မဖြစ်စဥ် ထိန်းညှိခြင်းနဲ့ ကိုယ်ခံအားစနစ်တို့မှာလည်း အရေးပါပြီး အိပ်ချိန်မလုံလောက်ပါက အဝလွန်ခြင်း၊ ဆီးချို၊ နှလုံးသွေးကြောရောဂါ၊ အချို့ကင်ဆာရောဂါတို့ပင် ဖြစ်လာစေနိုင်ပါတယ်။

အိပ်ရေးပျက်ခြင်းရဲ့ နောက်ဆက်တွဲဆိုးကျိုးတွေက ကျန်းမာရေးအပြင် လူတစ်ယောက်ရဲ့ အကဲဖြတ်နိုင်စွမ်း၊ တုန့်ပြန်မှုတို့ကို သက်ရောက်နေကာ မတော်တဆမှုများ ဖြစ်နိုင်ခြေများပြီး လုပ်ငန်းခွင်၊ စာသင်ကျောင်း၊ လူမှုဆက်ဆံရေးတို့မှာပါ အဆင်မပြေ ဖြစ်စေနိုင်ပါတယ်။

အိပ်နေစဥ်မှာ လူခန္ဓာကိုယ်က မလှုပ်ပေမယ့် ဦးနှောက်ကတော့ အလုပ်လုပ်နေပြီး မှတ်ဉာဏ်ပိုင်းဆိုင်ရာကို တိုးတက်စေပါတယ်။

ကောင်းစွာအိပ်စက်နိုင်ရန်အတွက် အိပ်ချိန်ပုံမှန်သတ်မှတ်ထားရှိခြင်း၊ သက်တောင့်သက်သာ အိပ်ပျော်စေမယ့် အိပ်ခန်းဝန်းကျင်ထားရှိခြင်း၊ ညဘက် ကဖင်းဓာတ် ရှောင်ရှားခြင်းတို့ ပြုလုပ်သင့်ပါတယ်။

မနက်ပိုင်းလေ့ကျင့်ခန်း ပြုလုပ်ခြင်းနဲ့ ကျန်းမာရေးနဲ့ ညီညွတ်တဲ့ မနက်စာစားခြင်းတို့က အိပ်စက်ခြင်းနဲ့ တစ်နေ့တာ လုပ်ဆောင်ချက်တွေကို မြှင့်တင်နိုင်တယ်လို့ ဖော်ပြသွားပါတယ်။

#World_Health #ညဘက်နောက်ကျမှအိပ်ရာဝင် #ကျန်းမာရေးပညာရှင်ရှင်းပြ #Source: India Today

#World_Politics
Published 08 January 2024

ဘင်္ဂလားဒေ့ရှ် ဝန်ကြီးချုပ် ရှိတ်ခ်ဟာဆီနာက ရွေးကောက်ပွဲမှာ ထပ်မံအနိုင်ရခဲ့ပြီး ဝန်ကြီးချုပ်ရာထူးကို ၅ ကြိမ်မြောက် ဆက်လက်ရရှိသွားကာ သူမရဲ့ အဝါမီပါတီက လွှတ်တော်နေရာ အနည်းဆုံးတဝက်ရရှိထားပြီး ဆက်လက်ရေတွက်နေကြောင်း AFP သတင်းဌာနက ဖော်ပြခဲ့ပါတယ်။

အာဏာရ အဝါမီပါတီက နေရာ ၅၀ ရာခိုင်နှုန်းကျော် ရရှိထားတယ်လို့ ရွေးကောက်ပွဲအရာရှိတစ်ဦးက ဆိုပါတယ်။

ရှိတ်ခ်ဟာဆီနာဟာ ပြိုင်ဘက်တွေ သပိတ်မှောက်နေတဲ့ကြားက ၄ ကြိမ်ဆက် အနိုင်ရခဲ့တာ ဖြစ်ပါတယ်။

သူမရဲ့ပါတီက လိုအပ်တဲ့အရေအတွက်ကို ကျော်လွန်ထားပြီဖြစ်ပြီး ဆက်လက်ရေတွက်လျက်ရှိကာ ဒါဟာ ဘင်္ဂလားဒေ့ရှ် ဝန်ကြီးချုပ်အဖြစ် ၅ ကြိမ်မြောက် အုပ်ချုပ်သွားရမှာ ဖြစ်ပါတယ်။

မဲဆန္ဒမကောက်ခင်က ဟာဆီနာရဲ့အစိုးရဟာ ပြိုင်ဘက်နိုင်ငံရေးသမားများ ထောင်နဲ့ချီပြီး ဖမ်းဆီးခဲ့ပါတယ်။

ဝန်ကြီးချုပ်ဟောင်း ခါလိဒါဇိုင်ယာ ဦးဆောင်တဲ့ အတိုက်အခံ BNP ပါတီက မဲကောက်ခံမှုတွေကို သပိတ်မှောက်ခဲ့ပါတယ်။

အသက် ၇၈ နှစ်ရှိ ဇိုင်ယာဟာ အကျင့်ပျက်ခြစားမှုတစ်ခုမှာ တရားစွဲခံရပြီး နေအိမ်အကျယ်ချုပ် ခံခဲ့ရပါတယ်။

ထိုအချိန်မှာ ဝန်ကြီးချုပ် ဟာဆီနာက Gopalganj-3 အခြေခံဖွဲ့စည်းပုံအားဖြင့် ထပ်မံရွေးချယ်ခံရတာ ဖြစ်ပါတယ်။

ဟာဆီနာက မဲဆန္ဒပေါင်း ၂၄၉,၉၆၅ ရရှိချိန်မှာ ဘင်္ဂလားဒေ့ရှ်စူပရင်းပါတီမှ အနီးကပ်ဆုံးပြိုင်ဘက် အမ်နစ်ဇမ်အူဒင်လက်ရှ်ကာက ၄၆၉ မဲသာ ရရှိခဲ့ပါတယ်။

ဟာဆီနာဟာ ၁၉၈၆ ခုနှစ်ကတည်းက Gopalganj-3 ဖွဲ့စည်းပုံအားဖြင့် ရွေးကောက် ပွဲမှာ ၈ ကြိမ်မြောက် အနိုင်ရခဲ့တာ ဖြစ်ပါတယ်။

စုစုပေါင်းနေရာ ၃၀၀ ရဲ့ ၂၆၄ နေရာထဲမှာ အဝါမီပါတီက ၂၀၄ နေရာရရှိထားပြီး မဟာမိတ် ဂျာတီယာပါတီက ၉ နေရာရရှိထားပါတယ်။

မဲပေးစာရင်းများအရ ဟာဆီနာက လွှတ်တော်ရဲ့ ၃ ပုံ ၂ ပုံကျော်ကို ရရှိထားပါတယ်။

အဓိကအတိုက်အခံပါတီ BNP က ထိုအထွေထွေ ရွေးကောက်ပွဲကို သပိတ်မှောက်ထားကာ ဟာဆီနာက အကြမ်းဖက် အဖွဲ့အစည်းလို့ ခေါ်ဆိုလိုက်ပြီး ဒီတိုင်းပြည်မှာ ဒီမိုကရေစီဆက်လက် တည်မြဲစေရန် အကောင်းဆုံးကြိုးပမ်းသွားမယ်လို့ ပြောကြားသွားပါတယ်။

ရွေးကောက်ပွဲရလဒ် ကြေညာပြီးတဲ့အခါ အောင်ပွဲခံခြင်းများ မပြုလုပ်ဖို့ ပါတီခေါင်းဆောင်များ၊ လှုပ်ရှားသူများ၊ ထောက်ခံသူများကို ဟာဆီနာက အစောပိုင်းမှာ မှာကြားထားခဲ့ပါတယ်။

#World_Politics #(၂၀၂၄)ဘင်္ဂလားဒေ့ရှ်ရွေးကောက်ပွဲ #ဝန်ကြီးချုပ်ရှိတ်ခ်ဟာဆီနာ #Source: WION

#World_Health
Published 08 January 2024

ဗြိတိန်ပြည်ထောင်စုမှ ဆရာဝန်တစ်ဦးက နားရွက်အထဲကို ဘယ်လိုသန့်ရှင်းရမလဲဆိုတာကို အကြံပြုပြောကြားသွားပါတယ်။

နားတွေဟာ သူ့အလိုလို သန့်ရှင်းရေးလုပ်ကြပြီး တံတောင်ဆစ်ထက်သေးတဲ့ ဘယ်အရာမဆို နားထဲသို့ မထည့်သင့်ဘူးလို့ အသက် ၃၁ နှစအရွယ် ဒေါက်တာဆူဂျာက တစ်တော့မှာ ရှင်းပြသွားပါတယ်။

၁၉၉၀ မှ ၂၀၁၀ အတွင်း နားကြားထိုးဂွမ်းတံကြောင့် ဒဏ်ရာရပြီး အမေရိကန် အရေးပါ်ဌာနများသို့ ကလေးပေါင်း နှစ်သိန်းခွဲကျော် ရောက်ရှိခဲ့တယ်လို့ သိရပါတယ်။

ထိုထဲမှာ နားသန့်ရှင်းရေးလုပ်ရင်း ဒဏ်ရာရသူက ၇၃ ရာခိုင်နှုန်းရှိပြီး ၁၀ ရာခိုင်နှုန်းက ဂွမ်းတံနဲ့ ဆော့ကစားရင်း ဖြစ်ကြတာပါ။

လူတွေကြား မှားယွင်းတဲ့ အယူအဆတွေက နားအတွင်းကို အိမ်မှာပဲ သန့်ရှင်းရေးလုပ်ဖို့ လိုအပ်ကြောင်းနဲ့ ဂွမ်းတံဖြင့် သန့်ရှင်းရေးလုပ်ကြတာ ဖြစ်တယ်လို့ စာတမ်းပြုစုသူ ဒေါက်တာ ခရစ္စယာတာနာက ပြောပြသွားပါတယ်။

ဒါ့အပြင် ဂွမ်းတံတွေ အသုံးပြုတာဟာ နားဖာချေးတွေကို နားစည်ထံသို့ ပိုမိုနီးကပ်စွာ ရောက်သွားစေပြီး ထိခိုက်ဒဏ်ရာ ဖြစ်စေနိုင်ပါတယ်လို့ ဆိုလိုက်ပါတယ်။

ထိုကနေ အသံကြားရန်ခက်ခဲခြင်း၊ နားရောင်ခြင်း၊ မူးဝေခြင်းတို့ပင် ခံစားရနိုင်တယ်လို့ ဒေါက်တာဆူဂျာက ဆိုပါတယ်။

နားဖာချေးတွေကို ဖယ်ထုတ်ဖို့အတွက် အတံရှည်ဇွန်း၊ ညှပ်၊ စုပ်ထုတ်တဲ့ကိရိယာတို့ဖြင့် အသုံးပြုသင့်တယ်လို့ ကျန်းမာရေးပညာရှင်တစ်ဦးက ပြောပြခဲ့ပါတယ်။

ဖယောင်းတိုင်ဖြင့် နားဖာချေးဖယ်ထုတ်တဲ့ နည်းလမ်းကိုတော့ ဆူဂျာက လုံးဝမသုံးသင့်ဘူးလို့ ဆိုလိုက်ပါတယ်။

#World_Health #နားရွက်အတွင်းထိခိုက်ဒဏ်ရာမရစေဘဲ # ဗြိတိန်ဆရာဝန်အကြံပြု #Source: New York Post

#Local_News
Published-7 January 2024

မြဝတီနယ်စပ်မှ တင်ပို့ခြင်းနှင့်တင်သွင်းခြင်းပြုလုပ်မည့် ကုန်သွယ်ရေးလုပ်ငန်းအားလုံးကို စခန်းပြောင်းလဲတင်ပို့ခွင့်ပြုကြောင်း ကုန်သွယ်ရေးဦးစီးဌာန၏ ယနေ့ကြေညာချက်အရသိရသည်။

မြန်မာ-ထိုင်း နှစ်နိုင်ငံ ကုန်သွယ်ရေးဆောင်ရွက်လျက်ရှိသည့် မြဝတီကုန်သွယ်ရေးဇုန်မှ တင်ပို့၊ တင်သွင်းခြင်းလုပ်ငန်းများဆောင်ရွက်ရာတွင် နှောင့်နှေးကြန့်ကြာမှု မရှိစေရေးအတွက် ပို့ကုန်လုပ်ငန်းရှင်များအနေဖြင့် မြဝတီကုန်သွယ်ရေးဇုန်မှတစ်ဆင့် နယ်စပ်မှ တင်ပို့ရန် ပို့ကုန်လိုင်စင်ခွင့်ပြုချက် ရရှိပြီးသော ပစ္စည်းများအား မြန်မာ-ထိုင်း နယ်စပ်ရှိ အခြားမည်သည့် ကုန်သွယ်ရေး စခန်းမှမဆို စခန်းပြောင်းလဲ တင်ပို့ခွင့်ပြုပေးသွားမည်ဖြစ်သကဲ့သို့ ပင်လယ်ရေကြောင်းမှ တင်ပို့လိုပါကလည်း ပြောင်းလဲခွင့်ပြုပေး သွားမည်ဖြစ်ကြောင်း သိရသည်။

ထို့အတူ သွင်းကုန်လုပ်ငန်းရှင်များအနေဖြင့် ၂၀၂၃ ခုနှစ်၊ ဒီဇင်ဘာ ၁၉ ရက် မတိုင်မီ မြဝတီကုန်သွယ်ရေးဇုန်မှ တင်သွင်းရန်အတွက် သွင်းကုန်လိုင်စင်ခွင့်ပြုချက်ရရှိပြီးသော ကုန်ပစ္စည်းများအား မြန်မာ-ထိုင်းနယ်စပ်ရှိ အခြားမည်သည့် ကုန်သွယ်ရေးစခန်းမှမဆို စခန်းပြောင်းလဲခွင့်ပြုပေးသွားမည်ဖြစ်ပြီး ပင်လယ်ရေကြောင်းမှ တင်သွင်းလိုပါက ရင်းနှီးမြှုပ်နှံမှုနှင့် ထုတ်လုပ်မှုလုပ်ငန်းသုံးစက်ပစ္စည်းများနှင့် ကွန်တိန်နာဖြင့် သယ်ဆောင်ရသည့် စက်မှုကုန်ကြမ်းပစ္စည်းများကို ကိစ္စရပ်တစ်ခုချင်း အပေါ်မူတည်၍ စိစစ်ခွင့်ပြုပေးမည်ဖြစ်ကြောင်း အသိပေးကြေညာထားသည်။

#Local_News #စခန်းပြောင်းလဲတင်ပို့ခွင့်ပြု #YMG/NN #Yangon_Times