တရားမဝင်ပွဲစားပြဿနာနဲ့ ရွှေ့ပြောင်းလုပ်သားတွေကို ပစ်မှတ်ထားလိမ်လည်တာတွေ အဆမတန်များပြားနေ

 Published_ 13 October 2023
#Local_News
#မြန်မာလုပ်သား #တရားမဝင်ပွဲစားပြဿနာ
#YMG/NN #Yangon_Times

#Local_News
Published-13 October 2023

ကျန်းမာရေးထိခိုက်နိုင်သည့် တာရှည်ခံဓာတု ပစ္စည်းများ ခွင့်မပြုဆိုးဆေးပါဝင်သည့် စားသုံးရန်မသင့်သည့်အစားအသောက်(၁၉)မျိုးကို သုံးသွဲရန်မသင့်ကြောင်း အစားအသောက်နှင့်ဆေးဝါးကွပ်ကဲရေးဦးစီးဌာနမှ အသိပေးထားသည်။

ဈေးကွက် များတွင်ရောင်းချလျက်ရှိသော အစားအသောက် များကို ဈေးများ၊ ကျောင်းမုန့်ဈေးတန်းများမှ ဝယ်ယူစစ်ဆေးရာမှ အဆိုပါ အစားအသောက်များကို စစ်ဆေးတွေ့ရှိခြင်း ဖြစ်ကြောင်း သိရသည်။

ယင်းတို့မှာ ထူးကဲပို 240g Plastic bottle (Exp-10-3-2023) ပုန်းရည်ကြီးကျော်၊ (ဘုရင်မ -/Cap ရှောက်သီးပေါင်း ၊ ( -/Cap (Exp-12-4-2023) ဇယန်းအစပ်နှပ်၊ ချိုဝင်း 50g/Plastic Pack (Exp 8-2023)သုံံရာပေါင်း၊ July Egg /Plastic cup ဂျယ်လီ၊ Fruity 200ml/Plastic cup ဂျယ်လီ(အညိုရောင်)၊(အနီရောင်)၊(အစိမ်းရောင်) ၊ ကောင်းထက်စံ(-/Plastic pack) ယိုစုံ၊ ရွှေမိ(-/Plastic pack)ယိုစုံ၊ ဘော့(စ်)10g/Plastic pack (Exp-30-2-2024)သုံပုရာအချိုရည်အမှုန့်နှင့် လိမော်အချိုရည်အမှုန့်၊ MR-POWER 220ml/ Plastic Pack (Exp:30-12-2023)၊ ဌေးဌေး (-/Plastic Pack) သစ်သီးယိုစုံ၊ စားဖိုမှူးစိတ်ကြိုက်(-/Plastic pack) ငရုတ်ဆော့၊ မြတ်-/Plastic pack)ရောသမမွှေယိုစုံ၊ ရှမ်းမလေး(-/Plastic bottle)သစ်သီးယို၊ လျှာရင်းမြတ်10g 6Sachets /Plastic pack (Exp:12-2023)နှင့် ခွင့်မပြုဆိုးဆေး Sudanlll ပါဝင်နေသောအရောင်တင်မှုန့်တို့ဖြစ်သည်။

အဆိုပါအစားအသောက် များကို ရေရှည်စားသုံးမိပါက အစာ အိမ်၊ အသည်း၊ ကျောက်ကပ်များပျက်စီးနိုင်ခြင်းနှင့်ကင်ဆာရောဂါများဖြစ်ပွားစေနိုင်ကြောင်းလည်း ဖော်ပြထားသည်။

အစားအသောက်ထုတ်လုပ်ရောင်းချ၊ ဖြန့်ဖြူး၊ ရောင်းချသူများအနေဖြင့်လည်း သုံးစွဲရန်ခွင့်မပြုသော ဆိုးဆေးများ၊ ခွင့်မပြုတာရှည်ခံဓာတု ပစ္စည်းများကို လုံးဝအသုံးမပြုရန်၊ခွင့်ပြုအစားအသောက်ထပ်ဖြည့် ပစ္စည်းများကို သတ်မှတ်ပမာဏအတွင်းသာ အသုံးပြုရန်နှင့် လိုက်နာဆောင်ရွက်ခြင်းမရှိပါက အမျိုးသားအစားအသောက်ဥပဒေပုဒ်မ ၂၈(က) အရ အရေးယူမည်ဖြစ်ကြောင်း အသိပေးထားသည်။

#Local_News #အစားအသောက်(၁၉)မျိုး #FDA ထုတ်ပြန်
#Yangon_Times/PP

ငမိုးရိပ်ရေလှောင်တမံ ရေပိုလွဲမှ ရေကျော်လာတာကြောင့် ရေကြီးနစ် မြုပ်မှု ဒဏ်ခံနေရတဲ့ လှည်းကူးမြို့နယ်အတွင်းက ရေဘေးသင့် ပြည်သူတွေဟာ ငါးရက်ကြာသည် အထိရေပြန်မကျသေးတာကြောင့် ကယ်ဆယ်ရေးစခန်းတွေမှာ နေထိုင်နေရတယ်လို့ လူမူကူညီရေးအသင်းတွေထံက သိရပါတယ်။

Published_ 13 October 2023
#Local_News
#လှည်ကူးမြို့ #ရေပြန်မကျသေး #လူမူကူညီရေးအသင်း
#YMG/LW #Yangon_Times

#Local_News
Published_ 13 October 2023

ရန်ကုန်တိုင်းဒေသကြီးအတွင်းပြေးဆွဲမည့် City Taxiယာဉ် များအနေဖြင့် ဘေးနှစ်ဘက်ကိုယ်ထည်တွင် အဝါရောင်လိုင်း Sticker များ တပ်ဆင်ရမည်ဖြစ်ကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ ဆောင်ရေးကြီးကြပ်မှုကော်မတီ(YRTC)မှ သိရသည်။

နိုဝင်ဘာလတစ်လတာအတွင်း သတ်မှတ်ဒီဇိုင်းအတိုင်း ညှပ်ခအပါအဝင် Sticker တန်ဖိုး ၅၀၀၀ကျပ်ကို နိုဝင်ဘာလ၁ရက်မှ ဇန်နဝါရီ ၃၁ ရက်အထိ YRTC မှ ကျခံပေးမည်ဖြစ်သလို လက်ခံမယူဘဲ မိမိဝန်ထမ်းများဖြင့် ကပ်ပေးသွားမည်ဖြစ်သည်ဟုဆိုသည်။

ရန်ကုန်တိုင်းအတွင်းပြေးဆွဲနေသည့် City Taxiယာဉ်များသည် အခြားသောယာဉ်များနှင့် ကွဲပြားသော ထင်သာမြင်သာရှိစေရန်အတွက် City Taxiယာဉ်များအနေဖြင့် ဘေးနှစ်ဘက်ကိုယ်ထည်တွင် အဝါရောင်လိုင်း Stickerများတပ်ဆင်ရမည်ဖြစ်ပြီး City Taxiယာဉ်ပိုင်ရှင်များအနေဖြင့် သတ်မှတ်ဒီဇိုင်းအတိုင်း မိမိအစီအစဉ်ဖြင့် Stickerတပ်ခွင့်(သို့မဟုတ်)ဆေးသုတ်ခွင့်ပြုမည်ဖြစ်ကြောင်း ထုတ်ပြန်ချက်တွင်ဖော်ပြပါရှိသည်။

#Local_News #City Taxi #အဝါရောင်လိုင်းSticker #tthl #Yangon_Times

#Local_News
Published-13 October 2023

မလေးရှားတွင် မြန်မာလူငယ်တစ်ဦး ကွမ်းဝါးရင်းစကားပြောစဉ် လေပြွန်ပိတ်ပြီး ရုတ်တရက်သေဆုံးမှုဖြစ်ခဲ့ကြောင်း မြန်မာလူမှုကူညီရေးအသင်း(မလေးရှား)က သိရသည်။

အောက်တိုဘာလ ၁၂ရက်က မလေးရှားနိုင်ငံ ကလန်းမြို့တွင်နေထိုင်သော ကိုမိုးဒီ(ခ) မောင်မောင်ထွန်းသည် အလုပ်မှအပြန် ကွမ်းယာစားပြီးကွမ်းဝါးရင်း သူငယ်ချင်းများနှင့်စကားပြောနေစဉ် လေပြွန်ပိတ်ပြီး ကလန်းမြို့ဆေးရုံကြီးသို့ပို့ဆောင်စဉ် သေဆုံးသွားခဲ့ကြောင်း ယင်းအသင်းကသိရသည်။

သေဆုံးသူမှာ ရခိုင်ပြည်နယ်၊ စစ်တွေမြို့ အောင်တိုင်ကျေးရွာမှ အသက်(၂၇)နှစ်အရွယ်ရှိကြောင်း၊ရုပ်အလောင်းကို အောက်တိုဘာလ ၁၄ရက် မွန်းလွဲ၂နာရီတွင် မလေးရှားနိုင်ငံရှားလမ်းမြို့BlissGardenချဲရပ်သုဿာန်ရှိ မီးသဂြိုလ်စက်၌သဂြိုလ်သွားမည်ဖြစ်ကြောင်း မြန်မာနိုင်ငံလူမှုကူညီရေးအသင်း(မလေးရှား)ကသိရသည်။

#Local_News #မလေးရှား #ရုတ်တရက်သေဆုံး #Yangon_Times/PP

‘စစ်တောင်းမြစ်ဟာ တောင်ငူ၊ မဒေါက်မြို့တွေမှာ တိုးမှာဖြစ်သလို ပဲခူးမြစ်ရေဟာ စိုးရိမ်ရေအမှတ်အောက် ပြန်ကျလာမှာဖြစ်ပြီး အခြားမြစ်ရေတွေကတော့ဒေသအချို့မှာ အနည်းငယ်စီတိုးနိုင်သလို ဒေသအချို့မှာတော့ ပြန်ကျသွားမှာဖြစ်တယ်’မိုးလေဝသနှင့် ဇလဗေဒညွှန်ကြားမှုဦးစီးဌာန

Published_ 13 October 2023
#Local_News
#စစ်တောင်းမြစ်ရေများတိုးနိုင် #မဒေါက်မြို့
#tthl #Yangon_Times

#Local_News
Published-13 Oct 2023

တနင်္သာရီတိုင်းအတွင်းမှ ကျွန်းပေါင်း ၅၀ ခန့် ၌ခရီးသွားလုပ်ငန်းများဆောင်ရွက်နေ တနင်္သာရီတိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးမှုဌာနမှ သိရသည်။

အဆိုပါတိုင်းဒေသကြီးတွင် ကျွန်းပေါင်း ၈၀၀ ကျော်အထိရှိရာ ၅၀ခန့်၌နေ့ချင်းပြန်နှင့် ၄ညအိပ်၅ညခရီးစဉ် များဖြင့်လည်းပတ်နိုင်ကြောင်း သိရသည်။

"ကျွန်းပေါင်း ၄၀ ကျော်၅၀ လောက်မှာ ခရီးသွားလုပ်ငန်း‌တွေဆောင်ရွက်နေပါတယ်။ အဲ့ဒီထဲမှာမှ ညအိပ်လို့ရတဲ့ကျွန်းပေါင်း ၈ ကျွန်း ရှိပါတယ်။ ကျန်ကျွန်းတွေကတော့နေ့ချင်းပြန်ပါ။ ဒေသမှာရှိတဲ့တိုင်းရင်းသား ဆလုံလူမျိုးတွေရဲ့ လူနေမှုဘဝတွေကိုလည်းလေ့လာနိုင်မှာပါ" ဟုတနင်္သာရီတိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးမှုဌာနမှ တာဝန်ရှိသူတစ်ဦးကပြောသည်။

အဆိုပါ လည်ပတ်နိုင်သည့် ကျွန်းများတွင် အဏ္ဏဝါခရီးစဉ်များအဖြစ်သွားရောက်နိုင်မည်ဖြစ်ပြီး ခရီးစဉ်အတွင်း၌ ရေငုတ်အပန်းဖြေခြင်းများအပြင်သဘာဝပတ်ဝန်းကျင်ကို မှီတင်းနေထိုင်ကြသည့်ရေနေကုန်းနေသတ္တဝါများကျက်စားနေထိုင်မှုများနှင့် ဇီဝမျိုးစုံမျိုးကွဲများ၏သဘာဝအခြေအနေများ ၊ဒေသခံများ၏ လူနေမှု ဓလေ့များကိုလည်းလေ့လာနိုင်မည်ဖြစ်ကြောင်း၊ ညအိပ် ခရီးစဉ်အဖြစ်သွားရောက်လည်ပတ်နိုင်သည့် ကျွန်းများမှာ ကော့သောင်းခရိုင်အတွင်းမှာရှိပြီး ဟိုတယ်နှင့်ခရီးသွားလာရေးဝန်ကြီးဌာနမှတရားဝင်လိုင်စင်ရရှိထားသည့် ဟိုတယ်များ ဖြစ်ကြောင်း သိရသည်။

ထို့အပြင် တိုင်းတစ်ခုလုံး၌လိုင်စင်ရရှိထားသည့် ဟိုတယ်နှင့်ခရီးသွားလာရေးဝန်ကြီးဌာနမှ တရားဝင်လိုင်စင်ရရှိထားသည့်အခန်းပေါင်း ၂၂၅၅ခန်းပါဝင်သည့် ဟိုတယ်ပေါင်း ၄၉ လုံး၊ အခန်းပေါင်း၁၂၈ ခန်းပါဝင်သည့် တည်းခိုရိပ်သာ ၁၁ခုရှိကြောင်း သိရသည်။

တနင်္သာရီတိုင်းဒေသကြီး၌ ပြီးခဲ့သည့် နှစ်ဇန်နဝါရီမှ ဒီဇင်ဘာလအထိ ပြည်တွင်းပြည်ပခရီးသွားပေါင်း ၁၆၅၀၀၀ ခန့်လာရောက်လည်ပတ်ကြပြီး ပြည်ပခရီးသွားများတွင် ထိုင်းနှင့်တရုတ်လူမျိုးများပါဝင်ကြောင်း သိရသည်။

#Local_News #ကျွန်းပေါင်း ၅၀ခန့် #ခရီးသွားလုပ်ငန်း #YMG/NN

#Local_News
Published 13 October 2023

ထိုင်းနိုင်ငံ မဲဆောက်မြို့တွင် မူးယစ်ဆေးဝါးတွေ့ရှိမှုဖြင့် မြန်မာနိုင်ငံသား ၂ဦး ဖမ်းဆီးခံခဲ့ရကြောင်း ထိုင်းသတင်းဌာန များ၏ ဖေါ်ပြချက်အရ သိရသည်။

အောက်တိုဘာ ၁၃ ရက်က မဲဆောက်မြို့၊ အမှတ် (၁)၊ ထာ့ဆိုင်လွှက်ကျေးရွာရှိ အုပ်ချုပ်ရေးမှူးနှင့် တာဝန်ရှိသူများသည် ကျေးရွာလုံခြုံရေးအတွက် လှည့်ကင်းပြုလုပ်နေစဉ် ကျေးရွာအပိုင်ရှိ လူကူးခုံးကျော်တံတားအနီးတွင် မသင်္ကာဖွယ်ရာ မြန်မာနိုင်ငံသား ၂ ဦးကို တွေ့ရှိသဖြင့် စစ် ဆေးခဲ့ရာမှ ဖမ်းဆီးရမိခဲ့ခြင်း ဖြစ်ကြောင်း သိရသည်။

ထိုသို့ စစ်ဆေးရာတွင် မြန်မာနိုင်ငံသား အမျိုးသားတစ်ဦးနှင့် အမျိုးသမီးကို ဖမ်းဆီးရာမှာ အမျိုးသား၏ဘက်လွယ်အိပ်အတွင်းမှ WYစာတန်းပါမူးယစ်ဆေးဝါး ၇ ပြားနှင့် ဓါးမြှောင် ၁ချောင်းတို့အား တွေ့ရှိရကြောင်း သိရသည်။

အဆိုပါ ဖမ်းဆီးရမိသူ မြန်မာနိုင်ငံသား ၂ ဦးအနက် အမျိုးသားဖြစ်သူအား မူးယစ်ဆေးဝါးလက်ဝယ်တွေ့ရှိမှု၊ တရားမဝင် လက်နက်ကိုင်ဆောင်မှု၊ ထိုင်းနိုင်ငံအတွင်း တရားမဝင် နယ်စပ်ဖြတ်ကျော်ဝင်ရောက်မှုတို့ဖြင့် အမှုဖွင့်လှစ်ထားပြီး အမျိုးသမီးဖြစ်သူအား ထိုင်းနိုင်ငံအတွင်း တရားမဝင် နယ်စပ်ဖြတ်ကျော်ဝင်ရောက်လာမှုဖြင့် မဲဆောက်ရဲစခန်းတွင် အမှုဖွင့်လှစ်ထားကြောင်း သိရသည်။

#Local_News #မြန်မာ၂ဦးအဖမ်းခံရ #YMG/LW #Yangon_Times

#Local_News
Published-13 October 2023

တောင်ကိုးရီးယားတွင် မြန်မာတစ်ဦး အိပ်နေစဉ်သေဆုံးမှု ယနေ့အောက်တိုဘာလ ၁၃ ရက် က ဖြစ်ပွားခဲ့သည်။

ယင်းသေဆုံးသူမှာ ကိုရီးယားနိုင်ငံ ဂယောင်ဂီပြည်နယ် ဆုဝါန်မြို့တွင်နေသောအသက် ၃၉ နှစ်အရွယ်ကိုနိုင်ဝင်းထွန်းဖြစ်ပြီး မြန်မာနိုင်ငံ၊ ရန်ကုန်တိုင်းဒေသကြီး၊ သန်လျင်မြို့နယ် ဗိုလ်ချုပ်ရွာနေ ဦးသန်းဝင်း၊ ဒေါ်ကြိုင်ကြိုင်တို့၏သားဖြစ်ကြောင်း၊ ၎င်း၏မိဘ ၂ ပါးလုံးမှာလည်းကိုဗစ်ရောဂါဖြင့် ကွယ်လွန်သွားခဲ့ပြီးဖြစ်ကြောင်းသိရသည်။

"ကိုနိုင်ဝင်းထွန်းသေဆုံးနေ​တာကို အခန်းနေ သူငယ်ချင်းတစ်စုက ၁၁၉ ကို ဖုန်းဆက် အကူအညီတောင်းခဲ့တယ်လို့သိရပြီး လက်ရှိအချိန်မှာရဲဝန်ထမ်းတွေ
က ကွယ်လွန်သူနဲ့ ပတ်သက်သမျှကို စစ်ဆေးနေတယ်လို့သိရတယ်"ဟု ကိုးရီးယားရောက် မြန်မာလုပ်သားများကိုကူညီဆောင်ရွက်ပေးနေသူ ကိုဇော်မိုးအောင်ထံကသိရသည်။

ရဲဝန်ထမ်းများ စစ်ဆေးပြီးနောက် သင်္ဂြိုဟ်ခွင့်ပြုပါက နာရေး ကိစ္စကိုလုပ်ဆောင်မည်ဖြစ်ကြောင်း သိရသည်။

Photo-Zaw Moe Aung
#Local_News #တောင်ကိုးရီးယား #အိပ်နေစဉ်သေဆုံး
#Yangon_Times/PP

#Local_News
Published_ 13 October 2023

မန္တလေးတိုင်း၊ ပုသိမ်ကြီးမြို့နယ်တွင် တောင်ကျရေများမြို့တွင်းဝင်၍ လျှပ်စစ်ဓာတ်အားပိတ်ထားရကြောင်း ပုသိမ်ကြီးမြို့နယ်လျှပ်စစ်ရုံးမှ ထုတ်ပြန်ထားကြောင်း သိရသည်။

အောက်တိုဘာလ ၁၃ရက်တွင် ပုသိမ်ကြီးမြို့နယ် အတွင်းမိုးသည်းထန်စွာရွာသွန်းမှုကြောင့် တောင်ကျရေများမြို့တွင်းဝင်ရောက်မှုကြောင့် 33/11kV 20MVA မြို့မ ဓာတ်အားခွဲရုံမှ ဓာတ်အားပေးထားသော အောက်ပါ Feeder များအား ၀၈:၂၈ နာရီတွင်ဓာတ်အားပိတ်ထားသည်ဟုဆိုသည်။

အဆိုပါပိတ်ထားသည့် ဓာတ်အားခွဲရုံများမှာ 
(1)11kV ရေထွက်ဖီဒါ
(2)11kV စမ်းကျဖီဒါ
(3)11kV ရန်ကင်းတောင်
(4)11kV ‌မြို့မ MTU
တို့ဖြစ်ကြောင်းသိရသည်။

#Local_News #တောင်ကျရေများ #ပုသိမ်ကြီးမြို့
#tthl #Yangon_Times

#World_News
Published 13 October 2023

အစ္စရေးလ်ရဲ့ တိုက်ခိုက်မှုများကြောင့် ဆီးရီးယား အဓိကလေဆိပ် ၂ ခု ကြာသပတေးနေ့က လည်ပတ်မှုယန္တရား ရပ်ဆိုင်းသွားခဲ့ကြောင်း ဆီးရီးယားနိုင်ငံပိုင် မီဒီယာက ဖော်ပြလိုက်ပါတယ်။

ဒါဟာ ပါလက်စ်တိုင်းမှ ဟားမတ်စ်စစ်သွေးကြွများ အစ္စရေးလ်ကို ဝင်ရောက် တိုက်ခိုက်ပြီးနောက် အပြင်းအထန် ပစ်ခတ်နေတဲ့ ရက်ပိုင်းအတွင်း ပထမဆုံး တိုက်ခိုက်မှုမျိုး ဖြစ်ပါတယ်။

အစ္စရေးလ်တို့ အကြိမ်ကြိမ် တိုက်ခိုက်မှုများကြောင့် ဆီးရီးယားအစိုးရမှ ထိန်းချုပ်ထားတဲ့ ဆီးရီးယားမြို့တော် ဒါမတ်စ်ကပ်စ်နဲ့ မြောက်ပိုင်းမြို့အလက်ပိုတို့ရှိ လေဆိပ်တွေမှာ လေကြောင်းခရီးစဥ်များ ဖျက်သိမ်းခဲ့ရပါတယ်။

လေဆိပ်နှစ်ခုစလုံးမှာ တပြိုင်တည်း တိုက်ခိုက်ခဲ့တာဖြစ်ပြီး လေယာဥ်ဆင်းသက်ရာ လမ်းကြောင်းများ ထိခိုက်ပျက်စီးခဲ့ကာ ယန္တရားလည်ပတ်မှု ရပ်ဆိုင်းလိုက်ရကြောင်း စစ်တပ်သတင်းရင်းမြစ်တစ်ခုရဲ့ ပြောကြားချက်ကို မီဒီယာက ဖော်ပြခဲ့ပါတယ်။

ဟားမတ်စ်စစ်သွေးကြွ သေနတ်သမား ရာဂဏန်းခန့်ဟာ စနေနေ့က ဂါဇာနယ်စပ်ကို ချိုးဖောက်ကာ အစ္စရေးလ်ဘက်သို့ ဝင်ရောက်လာပြီး အရပ်သားအများစု ပါဝင်တဲ့ လူပေါင်း ၁,၂၀၀ ခန့်ကို သတ်ဖြတ်ခဲ့ပြီးနောက် ဟားမတ်စ်နဲ့ အစ္စရေးလ်တို့ အပြန်အလှန် ပစ်ခတ်နေကြတာ ၆ ရက်မြောက် ရှိလာပါပြီ။

အမေရိကန် နိုင်ငံခြားရေးဝန်ကြီး အန်တိုနီဘလင်ကန် အစ္စရေးလ်သို့ ရောက်ရှိခဲ့ပြီး အီရန်သမ္မတ အီဘရာဟင်ရစ်ဆီနဲ့ ဆီးရီးယားသမ္မတ ဘာရှာအယ်လ်အက်ဆက်ဒ်တို့ တယ်လီဖုန်းပြောဆိုကာ အာရပ်နဲ့ အစ္စလာမ်နိုင်ငံများအနေဖြင့် အစ္စရေးလ်ကို ပူးပေါင်းရင်ဆိုင်ဖို့ တောင်းဆိုလိုက်ပြီးနောက် နာရီပိုင်းအကြာမှာပဲ အခုလို ဆီးရီးယားဘက်ကို တိုက်ခိုက်မှုများ ပြုလုပ်ခဲ့တာ ဖြစ်ပါတယ်။

ဆီးရီးယားနိုင်ငံပိုင် မီဒီယာရဲ့ အဆိုအရ ဆီးရီးယားကို တိုက်ခိုက်တာဟာ ဂါဇာမှာ ဟားမတ်စ်တို့နဲ့ ပဋိပက္ခဖြစ်နေရာကနေ အစ္စရေးလ်တို့ အာရုံလွှဲဖို့ ကြိုးပမ်းတာဖြစ်နိုင်ကြောင်း စစ်တပ်သတင်းရင်းမြစ်က ဆိုပါတယ်။

ဆီးရီးယားနိုင်ငံအတွင်း ဆယ်စုနှစ်တစ်ခုကျော် စစ်ပွဲဖြစ်ပွားနေစဥ် အစ္စရေးလ်တို့က လေကြောင်းတိုက်ခိုက်မှုပေါင်း ရာနဲ့ချီပြုလုပ်ခဲ့ကာ အီရန်ကျောထောက် နောက်ခံပြု တပ်များ၊ လက်ဘနွန် ဟက်ဇ်ဘိုလာ တိုက်ခိုက်ရေးသမားများ၊ ဆီးရီးယားစစ်တပ် အခြေချစခန်းများကို အဓိကပစ်မှတ်ထားခဲ့ပါတယ်။

ဆီးရီးယားအပေါ် တိုက်ခိုက်မှုများအကြောင်း အစ္စရေးလ်ဘက်က မှတ်ချက်ပြုခြင်း မရှိပေမယ့် အီရန်အနေဖြင့် ဆီးရီးယားအစိုးရကို ထောက်ပံ့တာမျိုး ခွင့်မပြုနိုင်ဘူးလို့ အကြိမ်ကြိမ် ပြောကြားခဲ့ဖူးပါတယ်။

ဟားမတ်စ်တို့ကို့ ထောက်ပံ့ကူညီထားတဲ့ အီရန်ဟာ အစ္စရေးလ်ဘက်ကို တိုက်ခိုက်ရာမှာ မပတ်သက်ဘူးလို့ ဆိုထားပေမယ့် အဆိုပါဖြစ်ရပ်နဲ့ ပတ်သက်ပြီး စနေနေ့က အောင်ပွဲခံခဲ့ပါတယ်။

#World_News #အစ္စရေးလ် #ဆီးရီးယား #လေဆိပ်နှစ်ခုလည်ပတ်မှုရပ်တန့် #Source: NDTV

#World_Health
Published 13 October 2023

ကိုလက်စ်ထရောလ်များခြင်းအတွက် ဆေးသောက်သုံးသူတွေမှာ မကောင်းတဲ့ LDL ကိုလက်စ်ထရောလ်က ၂၁ မှတ်ခန့်လျော့ကျသွားပေမယ့် အရွယ်ရောက်ပြီးသူတွေမှာ ကိုလက်စ်ထရောလ် မြင့်မားနေတဲ့သူတွေ များပြားနေဆဲ ဖြစ်ပါတယ်။

ကိုလက်စ်ထရောလ် များပါက နှလုံးဖောက်ခြင်း၊ လေဖြတ်ခြင်း၊ နှလုံးရောဂါတို့ ဖြစ်နိုင်ချေ များပါတယ်။

ကိုလက်စ်ထရောလ် ပမာဏလျော့ကျစေရန် ဆေးဝါးများအပြင် ဖြည့်စွက်စာများလည်း စားသုံးနိုင်ပါတယ်။

 
-        တစေးနီထမင်း

စပါးပင်တွေမှာ ကြီးထွားတဲ့ တစေးတစ်မျိုးနဲ့ ထမင်းကို ရောနှောထားတာဖြစ်ပါတယ်။

မိုနာကိုလင်-ကေ ဆိုတဲ့ စွမ်းအားမြင့် စတက်တင်တစ်မျိုး ပါဝင်ကာ LDL ကိုလက်စ်ထရောလ်ကို လျှော့ချပေးပါတယ်။

သာမန်အားဖြင့် စားသုံးဖို့ဘေးကင်းပေမယ့် စတက်တင်ဆေးတွေလိုမျိုး အစာအိမ် မအီမသာဖြစ်ခြင်း၊ ရင်ပူခြင်း၊ လေတက်ခြင်း၊ ခေါင်းကိုက်ခြင်းတို့  ဖြစ်တတ်ပါတယ်။

 
-        ဂေါ်ဖီထုပ်ကဲ့သို့ အရွက်ထုပ်ဟင်းရွက်

ထိုအရွက်မှ ညှစ်ထုတ်ရရှိတဲ့အရည်မှာ ဆင်နာရင်ဒြပ်ပေါင်း ပါဝင်ပြီး သည်းခြေရည် စီးဆင်းမှုကို အားကောင်းစေကာ ကိုလက်စ်ထရောလ်ကို ကူညီရှင်းလင်းပေးပါတယ်။
 
-        အပင်စတီရောလ်များ

အစေ့အဆန်ပင်များ၊ ဟင်းသီးဟင်းရွက်များ၊ အသီးအနှံများ၊ ဟင်းရွက်ဆီများမှာ ပါဝင်တဲ့ ဖိုင်တိုစတီရောလ်များက ကိုလက်စ်ထရောလ်ပမာဏကို လျှော့ချပေးပါတယ်။

ဖိုင်တိုစတီရောလ် ၂ ဂရမ် နေ့စဥ်စားသုံးခြင်းဖြင့် LDL ကိုလက်စ်ထရောလ် ၁၀ ရာခိုင်နှုန်းလျော့ကျစေတယ်လို့ လေ့လာချက်တွေမှာ တွေ့ရပြီး စတက်တင်၊ အက်ဇီတီမိုက်ဆေးတွေ သုံးစွဲနေရတဲ့သူတွေမှာလည်း အကျိုးရှိစေပါတယ်။

 
-        ဒိန်ရည်ပရိုတိန်း

ဒိန်ရည်ပရိုတိန်း ဖြည့်စွက်စာတွေဟာလည်း ကိုလက်စ်ထရောလ်ကို ကျစေတယ်လို့ တွေ့ရှိထားပါတယ်။

အမှုန့်ဖျော်သောက်မယ်ဆိုရင်တော့ သကြားဓာတ်နည်းအောင် ရွေးချယ်သောက်သုံးသင့်ပါတယ်။
 
-        Psyllium အမျှင်

အမျှင်ဖြည့်စွက်စာများဟာ Psyllium၊ မီသိုင်းဆဲလူးလို့စ်၊ ဒိန်ရည်ဒက်စ်ထရို့စ်၊ ကယ်လ်စီယမ် ပိုလီကာဘိုဖီလ်အနေဖြင့် စားသုံးနိုင်ပါတယ်။

Psyllium ပုံမှန်သုံးစွဲခြင်းဖြင့် ကိုလက်စ်ထရောလ် လျော့ကျစေတဲ့အပြင် ဝမ်းချုပ်ခြင်းကို သက်သာစေပြီး ဆီးချိုလူနာတွေမှာ သွေးတွင်းသကြားဓာတ်ကို လျော့ကျစေပါတယ်။
 
-        နိုင်ယာစင်

ဗိုက်တာမင်-ဘီ၃လည်းဖြစ်တဲ့ နိုင်ယာစင်ကို ကိုလက်စ်ထရောလ်များတဲ့ လူတွေမှာ အသုံးပြုပါတယ်။

ကောင်းတဲ့ HDL ကိုလက်စ်ထရောလ်တွေကို များစေပြီး သွေးကြောပိတ်ဆို့စေတဲ့ ထရိုင်ဂလစ်စရိုက်တွေကို လျော့နည်းစေပါတယ်။
 
-        ပိုက်ဆံလျှော်စေ့

လျှော်စေ့တွေမှာ အမျှင်ဓာတ်နဲ့ အိုမီဂါ ၃ ဖက်တီးအက်ဆစ် ကြွယ်ဝစွာပါဝင်ပြီး အစေ့တစ်ခုလုံးကို ခန္ဓာကိုယ်က မချေဖျက်နိုင်တာကြောင့် အဆီ ဒါမှမဟုတ် ထုခွဲပြီးသားကို စားသုံးတာ အကောင်းဆုံးဖြစ်တယ်လို့ ပညာရှင်များ အကြံပြုထားပါတယ်။

 
ကိုလက်စ်ထရောလ်များတဲ့ သူတွေက ဆေးဝါး၊ သဘာဝစားစရာတွေကိုသာ မှီခိုမနေသင့်ဘဲ ကျန်းမာရေး ပညာရှင်များနဲ့လည်း တိုင်ပင်သင့်ပါတယ်။

ဒါ့အပြင် ကိုယ်လက်လှုပ်ရှားမှုများ၊ ကျန်းမာရေးနဲ့ ညီညွတ်တဲ့ အစားအစာများ မှီဝဲပေးဖို့ကလည်း အရေးကြီးနေပါတယ်။

#World_Health #ကိုလက်စ်ထရောလ် #သဘာဝအတိုင်းကျဆင်း
Source: New York Post