Published_ 6 September 2023

မြန်မာနိုင်ငံသည် ရုရှားနှင့် တိုက်ရိုက်လေကြောင်းပျံသန်းတဲ့ ၃၈နိုင်ငံမြောက်ဖြစ်လာတယ်လို့ တာ့စ်သတင်းဌာနက သတင်းရေးသားပါတယ်။

နှစ်ပေါင်း၃၀ခန့် လေကြောင်းပျံသန်းမှုမရှိခဲ့ရာမှ ယခုအခါ အပြည်ပြည်ဆိုင်ရာမြန်မာ့ လေကြောင်းလိုင်း MAI ဟာ စက်တင်ဘာ ၅ ရက်က မြန်မာနှင့်ရုရှားအကြား တိုက်ရိုက် လေကြောင်းပျံသန်းပြေးဆွဲမှုစတင်ခဲ့တာဖြစ်ပါတယ်။

“ ယနေ့ ၂၀၂၃ခုနှစ် စက်တင်ဘာ ၅ရက်မှာ မြန်မာအပြည်ပြည်ဆိုင်ရာလေကြောင်းလိုင်းရဲ့ လေယာဉ်ဟာ နိုဗိုဆီဘစ်ကို ရန်ကုန်-မန္တလေး-နိုဗီဆီဗစ်ခရီးစဉ်ပျံသန်းရင်း ပထမဆုံး ဆိုက်ရောက်လာပါတယ်။ ရုရှားနှင့် ပြည်ထောင်စုမြန်မာနိုင်ငံအကြား လေကြောင်းပျံသန်းမှု နှစ်၃၀ရပ်ဆိုင်းပြီးနောက် ယခုပြန်လည်ပျံသန်းမှုကို အောင်မြင်စွာဆောင်ရွက်နိုင်ခဲ့ပါပြီÓ လို့ ရုရှားလေကြောင်းပျံသန်းရေးအေဂျင်စီက သတင်းထုတ်ပြန်ပါတယ်။

နိုဗိုဆီဗစ်ကို ပထမဆုံးဆိုက်ရောက်တဲ့ မြန်မာလေယာဉ်ကို ရေပန်းများဖြန်းပက်ကာ ကြိုဆိုခဲ့ ကြပြီး လိုက်ပါခဲ့တဲ့ ခရီးသည်တွေကိုလည်း နိုဗီဆီဗစ် ဒေသအစိုးရ ဒုတိယအုပ်ချုပ်ရေးမှူး ယူရီပီတပ်ကော့ခ်နှင့် ရုရှားနိုင်ငံဆိုင်ရာ မြန်မာသံအမတ်ကြီး ဦးလွင်ဦးအပါအဝင် တာဝန်ရှိသူတွေနှင့် ရုရှား ဖက်ဒရယ်လေကြောင်းအေဂျင်စီမှ ပုဂ္ဂိုလ်တွေက ကြိုဆိုခဲ့ကြတယ်လို သတင်းမှာဖော်ပြ ထားပါတယ်။

“ လေကြောင်းပျံသန်းမှုစတင်လိုကတာဟာ အရှေ့တောင်အာရှကို အားလပ်ခရီးထွက်ချင် ကြတဲ့ ရုရှား ခရီးသွားတွေအတွက် အခွင့်အလမ်းအသစ်ကို ဖန်တီးပေးပါလိမ့်မယ်။ အဲဒီအပြင် စီးပွားရေးအဆက်အသွယ်တွေကိုလည်း ပိုမိုဖွံ့ဖြိုးတိုးတက်စေပါလိမ့်မယ်Ó လို့ အေဂျင်စီက ဆက်လက်ပြောဆိုပါတယ်။
ymg/knl
#Local_News
#YMG #Yangon_Times

Published_ 6 September 2023

တောင်ကိုးရီးယားနိုင်ငံသို့ ၂ရက်အ တွင်း EPS စနစ်ဖြင့် မြန်မာလုပ်သား ၂၉၀နီးပါးစေလွှတ်ခဲ့ကြောင်း ဆိုလ်းမြို့၊ မြန်မာသံရုံးကသိရသည်။

တောင်ကိုးရီးယားနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် ကုန်ထုတ်လုပ်သားသစ် (၁၄၂)ဦးကို စက်တင်ဘာလ ၅ရက်တွင်လည်းကောင်း၊ ကုန်ထုတ်လုပ်သားသစ်(၁၀၅)ဦးနှင့် စိုက်ပျိုးရေးနှင့်မွေးမြူရေးလုပ်သားသစ်(၄၀)ဦးကို စက်တင်ဘာလ၆ရက်တွင်လည်းကောင်း စေလွှတ်ခဲ့ကြောင်းသိရသည်။

မြန်မာလုပ်သားများ ရန်ကုန်မြို့မှ အင်းချွန်အပြည်ပြည်ဆိုင်ရာလေဆိပ်သို့ရောက်ရှိခဲ့ချိန်တွင် မြန်မာသံရုံးဆိုလ်းမြို့မှအလုပ်သမားသံအရာရှိကကြိုဆို၍ အလုပ်သမားများသိရှိလိုက်နာသင့်သည့်အချက် များအား မှာကြားခဲ့၍ လိုအပ်သည်များကူညီပံ့ပိုးပေးခဲ့သည်။

ပြီးခဲ့သည့် သြဂုတ်လအတွင်းကလည်း မြန်မာလုပ်သား (၁၀၀၀) ကျော်ကို စေလွှတ်ခဲ့ကြောင်းသိရသည်။
#Yangon-Times/PP
#Local_News
#YMG #Yangon_Times

Published_ 6 September 2023

စက်ရုံမှမလိုတော့၍ မလေးနယ်စပ်ရှိ လူမနေသည့် ခြံဝန်းကြီးထဲသို့ ပစ်ထားခံရမည့်အရေးနှင့် မြန်မာအမျိုးသမီးတစ်ဦး ကြုံနေကြောင်း နှလုံးလှပရဟိတသွေးလှူရှင်များအဖွဲ့(မလေးရှား)မှ သွားရောက်ကူညီပေးခဲ့ကြောင်းသိရသည်။

မြန်မာနိုင်ငံဧရာဝတီတိုင်းဒေသကြီး ဒေးဒရဲမြို့နယ်မှ ဒေါ်မိုးမိုးသည် မလေးနိုင်ငံသို့ရောက်ရှိသည်မှာ တစ်နှစ်ကျော်ရှိပြီး သန့်ရှင်းရေးအလုပ်၊ အိမ်ဖော်အလုပ်များဝင်လုပ်၍ ပြီးခဲ့သည့်ရက်က
သန့်ရှင်းရေးလုပ်နေသည့်စက်ရုံမှ မလိုတော့၍ စက်ရုံကထွက်သွားရန်နှင့် ကြာနေပါက လူမနေတဲ့ခြံဝန်ကြီးထဲမှာသွားပစ်ထားမည်ဟု ပြောကြားခဲ့ကြောင်းသိရသည်။

"သူ့ကို စရောက်ကတည်းက အတူလာသူများကထားခဲ့၍ စကားလည်းမတတ် အသိမိတ်ဆွေလည်းမရှိနဲ့ အိမ်ဖော်အလုပ်,စက်ရုံသန့်ရှင်းရေးအလုပ်များကို ရင်းဂစ် ( 1000 )ကျော်ရတာနဲပြီး ရင်းဂစ် ( ၇၀၀ )နှင့်လုပ်နေရတာကများပါတယ်။အခုလည်းသန့်ရှင်းရေးလုပ်နေသည့်စက်ရုံက မလိုတော့၍ စက်ရုံကထွက်သွားရန် ကြာနေပါက လူမနေတဲ့ခြံဝန်ကြီးထဲမှာသွားပစ်ထားမယ်လို့ဆိုတယ်"ဟု နှလုံးလှပရဟိတအသင်းကသိရသည်။

သို့ဖြစ်ပါ၍ ဒေါ်မိုးမိုးလည်း နှလုံးလှပရဟိတအသင်းအား ဆက်သွယ်အကူအညီတောင်းခံလာ၍ နှလုံးလှပရဟိတအသင်းမှ မလေးရှားနိုင်ငံသားများနှင့်ချိတ်ဆက်၍ Bus ကားပေါ်တင်ပေးရန်အကူအညီတောင်းခဲ့ပြီး ကားဂိတ်သို့သွားရောက်ခေါ်ဆောင်ခဲ့ကြောင်းအသင်းကသိရသည်။
#Yangon-Times/PP
#Local_News
#YMG #Yangon_Times

Published_ 6 September 2023

ဆိုရှယ်မီဒီယာတွေပေါ်မှာ ပို့စ်တွေ အများအပြားတင်တာက ပုံမှန်လိုဖြစ်နေကြပေမယ့် အလုပ်ရှင်တွေကတော့ အလုပ်လျှောက်သူတွေရဲ့ အွန်လိုင်းပေါ်က ထိခိုက်နာကျင်မှု အကြောင်းအရာတွေကို ကြည့်ပြီး သဘောကျညှာတာနေမှာ မဟုတ်ဘူးလို့ ကျွမ်းကျင်သူများက သတိပေးလိုက်ပါတယ်။

သုတေသနပြုချက်အရ အလုပ်လျှောက်သူတွေအနေနဲ့ အွန်လိုင်းမှာတင်တဲ့ အကြောင်းအရာတွေကို ပိုမိုသတိထားပြီးတင်ရန် တိုက်တွန်းလိုက်ပြီး အနာဂတ်မှာ အလုပ်လုပ်ရမယ့် အလုပ်ရှင်တွေက ဆိုရှယ်မီဒီယာအကောင့်တွေကို အကဲဖြတ်ပြီး စိတ်ကျန်းမာရေး အခြေအနေတွေကို လေ့လာနေနိုင်တယ်လို့ ဆိုပါတယ်။

ဆိုရှယ်မီဒီယာတွေမှာ အလွန်အကျွံပို့စ်တင်ခြင်းဖြင့် အလုပ်ရှင်တွေဘက်က အလုပ်လျှောက်ထားသူတွေအပေါ် သိမြင်နားလည်မှု၊ စိတ်ခံစားချက် တည်ငြိမ်မှုရှိမရှိ၊ တာဝန်သိတတ်စိတ်ရှိမရှိတို့ကို ထိခိုက်စေနိုင်တယ်လို့ သုတေသီများ တွေ့ရှိခဲ့ပါတယ်။

လူတွေက စိတ်ဒဏ်ရာရရှိမှုကို ပြေလျော့စေချင်တဲ့အနေနဲ့ ဆိုရှယ်မီဒီယာပေါ်မှာ စိတ်ခံစားမှုပြဿနာတွေကို ဖော်ပြလေ့ရှိကြကြောင်း မြောက်ကယ်ရိုလိုင်းနားပြည်နယ်တက္ကသိုလ်မှ စိတ်ကျန်းမာရေးပရော်ဖက်ဆာ လိုရီဖော်စတာက ပြောပြသွားပါတယ်။

စိတ်ဒဏ်ရာတွေကို ဖြေဖျောက်နိုင်ဖို့က အလွန်အရေးကြီးပေမယ့် Linkedlnလိုမျိုး ဆိုရှယ်မီဒီယာတွေမှာ စိတ်ခံစားချက်တွေကို ဖော်ပြတာက မမြင်နိုင်တဲ့ အကျိုးဆက်တွေ ရှိလာနိုင်တယ်လို့ ဆိုပါတယ်။

အသုံးပြုသူပေါင်း သန်း ၉၃၀ ကျော်ရှိတဲ့ Linkedln နဲ့ အလုပ်ခန့်အပ်ဖူးသူ ၄၀၉ ဦးတို့ကို စစ်တမ်းကောက်ယူကြည့်ခဲ့ပါတယ်။

၂၅ ရာခိုင်နှုန်းလောက်က Linkedln မှာ စိုးရိမ်ပူပန်ခြင်းနဲ့ စိတ်ဓာတ်ကျခြင်းကို ဖော်ပြနေတဲ့ အကြောင်းအရာတွေ တင်ထားပြီး နောက်ထပ် ၂၅ ရာခိုင်နှုန်းကတော့ မတင်ထားပါဘူး။

နောက်ထပ် ၂၅ ရာခိုင်နှုန်းက စိတ်ကျန်းမာရေးအကြောင်း မကြည့်ဘဲ အသံပိုင်းအင်တာဗျူးကိုသာ နားထောင်ခဲ့ကာ ကျန် ၂၅ ရာခိုင်နှုန်းကတော့ စိတ်ကျန်းမာရေးပြဿနာ ပို့စ်အကြောင်းကြည့်ရှုခဲ့သလို အင်တာဗျူးအကြောင်းကိုလည်း နားထောင်ခဲ့ပါတယ်။

ထိုအခါ စိတ်ကျန်းမာရေးပြဿနာများအကြောင်း ဖော်ပြထားတဲ့သူတွေကို စိတ်ခံစားချက် မတည်ငြိမ်သူ တာဝန်သိစိတ်မရှိသူများအဖြစ် အလုပ်ခန့်အပ်မယ့်သူတွေက ရှုမြင်ခဲ့ကြတာကို မြင်တွေ့ခဲ့ရတယ်လို့ မယ်ရီဒစ်ကောလိပ်မှ စိတ်ကျန်းမာရေး တွဲဖက်ပရော်ဖက်ဆာ ယန်နာမက်ချက်စ်နေးက ရှင်းပြခဲ့ပါတယ်။

ဒီတွေ့ရှိချက်တွေက လူတွေအနေနဲ့ စိတ်ခံစားချက်များအကြောင်းကို ဆိုရှယ်မီဒီယာမှာ မတင်ဖို့ တားမြစ်ချင်တာမဟုတ်ဘဲ အလုပ်ရှင်တွေက ထိုကဲ့သို့ထင်မြင်တတ်တာကို သတိပေးချင်တာဖြစ်တယ်လို့ ပြောပြသွားပါတယ်။

ဒီအတွက် အလုပ်လျှောက်သူတွေရဲ့ အမှားသာဖြစ်တယ်လို့ မဆိုနိုင်ဘဲ စေ့စေ့စပ်စပ်ရှာဖွေတဲ့ အလုပ်ရှင်တွေကိုလည်း ထည့်သွင်းစဥ်းစားရမှာ ဖြစ်ပါတယ်။

အလုပ်ခန့်မယ့်သူတွေက ဆိုရှယ်မီဒီယာတွေမှာ အလုပ်လျှောက်ထားသူတွေအကြောင်း ရှာကြည့်မယ်ဆိုရင် သူတို့အပေါ် မကောင်းမြင်နိုင်တဲ့စိတ် မသိမသာပေါ်ပေါက်လာပါတယ်လို့ ဖော်စတာက ရှင်းပြသွားပါတယ်။
Source: New York  Post.
#World_Jobs
#YMG #Yangon_Times

Published_ 6 September 2023

အပြည်ပြည်ဆိုင်ရာမြန်မာလေကြောင်း(MAI)က မြန်မာနှင့် ရုရှား တိုက်ရိုက်ပျံသန်းပြေးဆွဲသည့် ရန်ကုန်-မန္တလေး-နိုဗိုစီဗစ်-မန္တလေး-ရန်ကုန် ခရီးစဉ်အသစ်ကို စက်တင်ဘာ ၅ ရက်က စတင်ပျံသန်းပြေးဆွဲပေးကြောင်းသိရသည်။

ယင်းလေယာဉ်ခရီးစဉ်အသစ် စတင်ပြေးဆွဲသည့် အထိမ်းအမှတ်အခမ်းအနားကို စက်တင်ဘာ ၅ ရက် နံနက်ပိုင်းက ရန်ကုန်အပြည်ပြည်ဆိုင်ရာလေဆိပ်တွင် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါ်သက်သက်ခိုင်၊ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်း နှင့် MAI လေကြောင်းလိုင်း တာဝန်ရှိသူများတက်ရောက်ခဲ့ကြောင်းသိရသည်။

MAI က ရန်ကုန်-မန္တလေး-နိုဗိုစီဗစ်-မန္တလေး-ရန်ကုန် အသွားအပြန် ခရီးစဉ်ကို ပြန်လည် ပျံသန်း နိုင်သည့်အတွက် နှစ်နိုင်ငံအကြား မိတ်ဖက်အနီးကပ် ပူးပေါင်းဆောင်ရွက် မှု ခြေလှမ်းသစ်တစ်ရပ် ဖြစ်ကြောင်းလည်း ပို့ဆောင်ရေး နှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်းက ပြောသည်။

ရုရှားနိုင်ငံ နိုဗိုစီဗစ်မြို့ကို ပျံသန်းထွက်ခွာမည့် လေယာဉ်သည် နေ့လယ်ပိုင်းတွင် ရန်ကုန်အပြည်ပြည်ဆိုင်ရာ လေဆိပ်မှမန္တလေး တံတားဦးလေဆိပ်ကို ထွက်ခွာပြီး ယင်းမှတစ်ဆင့် ညနေပိုင်းတွငိ ရုရှားနိုင်ငံ နိုဗိုစီဗစ်မြို့ကို ထွက်ခွာမည်ဟုသိရပြီးခရီးစဉ်အသစ်ကို အပတ်စဉ် အင်္ဂါနှင့် စနေနေ့တိုင်း  တစ်ပတ်နှစ်ကြိမ် ပြေးဆွဲပေးမည််ဖြစ်ပြီး ခရီးသွားများအ​နေဖြင့် နိုဗိုစီဗစ်မြို့က S7 လေကြောင်းလိုင်းကိုအသုံးပြု၍  မြို့တော်မော်စကိုအပါအဝင် တခြား ရုရှားနိုင်ငံ တစ်ဝန်းလုံးကို ဆက်လက်သွားရောက်လည်ပတ်နိုင်မည် ဖြစ်သလို ရုရှားခရီးသွား အနေနဲ့လည်း မြန်မာနိုင်ငံတစ်ဝန်းလုံးကိုသာမက တခြားအာဆီယံနိုင်ငံများကိုပါ ချိတ်ဆက်လည်ပတ်နိုင်မည် ဖြစ်ကြောင်းသိရသည်။

ခရီးစဉ်အသစ်ကို ရုရှား နှင့်မြန်မာ နှစ်နိုင်ငံ ချစ်ကြည်ကူးလူးဆက်ဆံမှု ရေရှည်တည်တံ့ခိုင်မြဲပြီး ပိုမို တိုးတက်လာစေရေးအတွက် နှစ်ဖက်အစိုးရ၏ ဌာနဆိုင်ရာများ၊ ဟိုတယ်နှင့် ခရီးသွားလာရေးဆိုင်ရာဌာနများ ခရီးသွားကုမ္ပဏီများကလည်း မိမိနိုင်ငံမှာရှိပြီးသား ရိုးရာအမွေအနှစ်၊ သဘာဝတောတောင်ရှုခင်း၊ ပင်လယ်ကမ်းခြေအလှများကို အသုံးပြုကာ နှစ်နိုင်ငံပြည်သူတွေ သွားလာဆက်သွယ်ဆောင်ရွက်နိုင်ရန်ရည်ရွယ်ပြီး စတင်ပြေးဆွဲခဲ့​ခြင်း
ဖြစ်ကြောင်း သိရသည်။
#Yangon-Times/PP
#Local_News
#YMG #Yagon_Times

Published_ 6 September 2023

အသားအရေပေါ်မှာ ပေါ်လာတတ်တဲ့ အရေးကြောင်းအတွန့်တွေဟာ မျက်နှာနဲ့ လည်ပင်းတို့မှာ အဓိက ဖြစ်ပေါ်တတ်ပါတယ်။

အရေးကြောင်းတွေ ဖြစ်ပေါ်ရတာဟာ အသက်အရွယ်၊ မျိုးရိုးဗီဇ၊ မျက်နှာအမူအရာ အကြိမ်ကြိမ်ပြုလုပ်ခြင်း၊ နေရောင်ကြောင့်ပျက်စီးခြင်း၊ ဆေးလိပ်သောက်ခြင်း၊ အရေပြားကျုံ့နိုင်ဆန့်နိုင်စွမ်း လျော့နည်းလာခြင်းတို့ကြောင့် ဖြစ်တတ်ပါတယ်။

အရေပြားဖြစ်ပေါ်ရတဲ့ အကြောင်းအရင်းတွေနဲ့ ပတ်သက်ပြီး ရှေးရိုးစွဲယုံကြည်ချက်တွေ အယူအဆမှားတွေအကြောင်း ဖော်ပြပေးလိုက်ပါတယ်။

(၁) အသက်ကြီးလာမှသာ အရေးကြောင်း ပေါ်တတ်တာမဟုတ်ဘဲ အသက်အရွယ်မရွေး ဖြစ်ပေါ်နိုင်ကာ မျိုးရိုးဗီဇ၊ နေထိုင်စားသောက်မှုပုံစံ၊ ပုံမှန်အရေပြား ထိန်းသိမ်းစောင့်ရှောက်မှု စတဲ့အချက်အလက်တွေကြောင့် ဖြစ်နိုင်ပါတယ်။

(၂) အမျိုးသမီးတွေမှာသာ အရေးကြောင်း ပေါ်တတ်တယ်ဆိုတာ မဟုတ်ဘဲ အမျိုးသားရော အမျိုးသမီးတွေမှာပါ အသက်ကြီးလာတာနဲ့အမျှ အရေးကြောင်း ဖြစ်ပေါ်တတ်ပြီး အမျိုးသမီးတွေကတော့ အလှအပရေးရာ စံနှုန်းများကြောင့် ပိုမိုစိုးရိမ်တတ်ကြတာ ဖြစ်ပါတယ်။

(၃) မျက်မှောင်ကျုံ့ခြင်း နှာခေါင်းရှုံ့ခြင်းတို့ကြောင့်သာ အရေးကြောင်းဖြစ်တယ်ဆိုတာလည်း မဟုတ်မှန်ဘဲ နေရောင်ထိတွေ့ခြင်း ဆေးလိပ်သောက်ခြင်း ကော်လာဂျင်ဆုံးရှုံးခြင်းတို့ကြောင့်လည်း ဖြစ်ပေါ်တတ်ပါတယ်။

(၄) မျက်နှာလိမ်းခရင်မ်များက အရေးကြောင်းတွေကို လုံးဝဖယ်ရှားနိုင်တယ်ဆိုတာ မဟုတ်မှန်ဘဲ အစိုဓာတ်ထိန်းသိမ်းပေးတဲ့ အလှကုန်ပစ္စည်းတွေက အရေးကြောင်းလေးတွေကို ယာယီသာ ဖုံးအုပ်ပေးနိုင်တာ ဖြစ်ပါတယ်။

(၅) အရေးကြောင်းတွေက တသက်လုံးပြန်မပျောက်တော့ဘူးဆိုတာ အလုံးစုံမှန်ကန်ခြင်းမရှိဘဲ ဘိုတောက်စ်၊ အရေပြားဖြည့်တင်းဆေး၊ လေဆာကုသနည်း၊ ပလတ်စတစ်ခွဲစိတ်ခြင်းများဖြင့် အရေးကြောင်း အနည်းဆုံးကြောင်းဖြစ်အောင် ပြုပြင်နိုင်ပါတယ်။

(၆) မျိုးရိုးလိုက်တယ်ဆိုတာက အရေးကြောင်းပေါ်ပေါက်ရာမှာ အရေးပါပေမယ့် အခြားအချက်အလက်များကလည်း များစွာပါဝင် ပတ်သက်နေပါတယ်။
 
အရေးကြောင်းတွန့်များ ပေါ်ပေါက်ရတဲ့ အကြောင်းတရားအမှန်တွေကတော့..
(၁) အသက်အရွယ် ရလာတာနဲ့အမျှ အရေပြားက ခြောက်သွေ့လာပြီး ကျုံ့နိုင်ဆန့်နိုင်စွမ်း လျော့ကျလာကာ အရေးကြောင်းများ ဖြစ်ပေါ်လာပါတယ်။

(၂) အကာကွယ်မပါဘဲ နေရောင်ခြည်နဲ့ ထိတွေ့တာများတဲ့အခါ ကော်လာဂျင်နဲ့ အီလက်စ်တင်ဆုံးရှုံးပြီး ငယ်ရွယ်စဥ်မှာပင် အရေးကြောင်းများ ဖြစ်ပေါ်လာစေပါတယ်။

(၃) ဆေးလိပ်ကြောင့် အရေပြားကျုံ့နိုင်ဆန့်နိုင်စွမ်း လျော့ကျလာကာ စောစီးစွာ အရေးကြောင်းပေါ်ပေါက်လာတတ်ပြီး ဆေးလိပ်မသောက်သူများထက် အရေးကြောင်းက ပိုပြီးထင်ရှားတတ်ပါတယ်။

(၄) မျက်နှာမှာ ရေဓာတ်ထိန်းသိမ်းခြင်း၊ ပုံမှန်ထိန်းသိမ်း စောင့်ရှောက်ခြင်းတို့ မပြုလုပ်ပါက အရေးကြောင်းပေါ်ခြင်းကို ပိုမိုဆိုးရွားစေပါတယ်။

(၅) မျက်နှာကို ခေါင်းအုံးပေါ်ဖိပြီး အိပ်စက်ခြင်းဖြင့် အချိန်ကြာလာတာနဲ့အမျှ အရေးကြောင်း ဖြစ်ပေါ်လာတတ်ပါတယ်။

(၆) စိတ်ဖိစီးမှုကြောင့် ကော်တီဆောလ်ဟော်မုန်း ထွက်ရှိကာ အရေပြားရှိ ကော်လာဂျင်ကို ဖြိုခွဲတဲ့အတွက် အရေးကြောင်းပိုမို ဖြစ်ပေါ်စေတတ်ပါတယ်။
Source: DoctorNDTV.
#World_Health
#YMG #Yangon_Times

၅ စက်တင်ဘာ ၂၀၂၃

ယခုနှစ်မိုးရာသီတွင် သစ်ပင်ပေါင်း ၂၄ သန်းကျော် စိုက်ပျိုးထားပြီးဖြစ်တယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောပါတယ်။

ယနေ့ စက်တင်ဘာ (၅)ရက်က နေပြည်တော်တွင်ကျင်းပခဲ့တဲ့ တတိယအကြိမ် မိုးရာသီသစ်ပင်စိုက်ပျိုးပွဲ အခမ်းအနားတစ်ခုတွင် ဗိုလ်ချုပ်မှူးကြီးက ပြောကြားခဲ့ခြင်းဖြစ်ပါတယ်။

အဆိုပါသစ်ပင်သစ်များစိုက်ပျိုးရာတွင် နိုင်ငံပိုင်သစ်တောစိုက်ခင်းများလည်း ပါဝင်တယ်လို့သိရပါတယ်။

ရခိုင်ပြည်နယ်တွင် တိုက်ခတ်ခဲ့သည့် မိုခါမုန်တိုင်းကြောင့် စစ်တွေမြို့ အပါအဝင် မုန်တိုင်းဒဏ်ခံခဲ့ရသည့် မြို့နယ် ၁၀ မြို့နယ်ကိုပြန်လည်ထူထောင်ရေးလုပ်ငန်းများတွင် သဘာဝဘေးအန္တရာယ်များမှ ကြံ့ကြံ့ခံနိုင်ရန်အတွက်

သစ်ပင်စိုက်ပျိုးထိန်းသိမ်းခြင်းကို အရှိန်အဟုန်ဖြင့်‌ ဆောင်ရွက်နေတယ်လို့လည်း နစက ဥက္ကဋ္ဌက ဆက်လက်ပြောကြားတယ်လို့ သတင်းထုတ်ပြန်ချက်မှာ ဖော်ပြထားပါတယ်။

ယင်းအပြင် မိုးလေဝသခန့်မှန်းချက်များအရ ၂၀၂၃ ခုနှစ် စက်တင်ဘာလမှ ၂၀၂၄ခုနှစ် မတ်လကာလအတွင်း . အယ်လ်နီညိုဖြစ်စဉ်များ ကြုံတွေ့ရမည်ဟုသိရှိရပါကြောင်း၊ ယခင်အတွေ့အကြုံများအရ မိုးခေါင်ရေရှားခြင်းနှင့် ပူပြင်းခြောက်သွေ့ခြင်းများ ဖြစ်ပေါ်နိုင်သည့်အတွက် ပူပြင်းခြောက်သွေ့ ဒဏ် ခံနိုင်မှုရှိစေရေးနှင့် ရေပြတ်လပ်

မှုမရှိစေရေး ကဏ္ဍအလိုက် ကြိုတင်ပြင်ဆင်သွားကြရန်လည်း လိုအပ်ပါကြောင်းလည်း ဗိုလ်ချုပ်မှူးကြီးက သတိပေး မှာကြားခဲ့ပါတယ်။

မြန်မာနိုင်ငံအတွင်း ဖောက်လုပ်ထားရှိသည့် အဓိကလမ်းမကြီးများဖြစ်သည့် အာဆီယံလမ်းမကြီးများ၊ ရန်ကုန်-

မန္တလေး အမြန်လမ်းမကြီးနှင့် ရထားလမ်းများတစ်လျှောက် စိမ်းလန်းစိုပြည်ရန် သက်ဆိုင်ရာဝန်ကြီးဌာနများနှင့် ပူးပေါင်းပြီး သစ်ပင်များစိုက်ပျိုး ဆောင်ရွက်လျက်ရှိနေတယ်လို့လည်း သိရပါတယ်။

ယခု တတိယအကြိမ် မိုးရာသီသစ်ပင်စိုက်ပျိုးပွဲတွင် နေပြည်တော် ဒက္ခိဏခရိုင်၊ လယ်ဝေးမြို့နယ်၊

ရန်အောင်မြင်ကြိုးဝိုင်း အကွက်အမှတ်(၁၃)အတွင်း ရန်ကုန်-မန္တလေး အမြန်လမ်း၊မိုင်တိုင်အမှတ် ၂၀၄ မိုင် ၁ ဖာလုံမှ မာရဝိဇယဘုရား အဝင်လမ်းဝဲယာတွင် ကံ့ကော်၊ ခရေ၊ ကျွန်း၊ ပိတောက် စသည့်သစ်မျိုးများအပါဝင် သစ်မျိုး ၁၅မျိုး၊ အပင်ပေါင်း ၂၅၂၀ ပင်ကို စိုက်ပျိုးခဲ့တာဖြစ်ပါတယ်။

ယခုသစ်ပင်စိုက်ပျိုးပွဲတွင် နစက ဥက္ကဋ္ဌနှင့်အတူ ဒုတိယဥက္ကဋ္ဌ ဒုတိယဗိုလ်ချုပ်မှူးကြီး စိုးဝင်း၊ ကောင်စီအတွင်းရေးမှူး၊ တွဲဖက်အတွင်းရေးမှူး၊ ကောင်စီအဖွဲ့ဝင်များ၊ ပြည်ထောင်စုအဆင့်ပုဂ္ဂိုလ်မျာနှင့် ပြည်ထောင်စုဝန်ကြီးများ၊ ဖိတ်ကြားထားသည့် ဧည့်သည်တော်ကြီးများနှင့် ဝန်ကြီး ဌာနများမှ ဌာနဆိုင်ရာအရာထမ်း၊ အမှုထမ်းများ၊ သစ်တောနှင့်ပတ်ဝန်းကျင်ဆိုင်ရာ တက္ကသိုလ်နှင့် အခြေခံပညာကျောင်းများမှ ကျောင်းသား၊ ကျောင်းသူများ၊ တာဝန်ရှိသူများက  လူထုလှုပ်ရှားမှုအသွင်ဖြင့်စိုက်ပျိုးခဲ့တာလို သတင်းထုတ်ပြန်ချက်မှာဖော်ပြထားပါတယ်။

-ymg/knl

ဒုတိယကမ္ဘာစစ်အတွင်းက ဂျပန်တို့၏ ကျူးကျော်ရက်စက်မှုသမိုင်းအမှန်ကို ဖော်ပြထားသည့်ပြပွဲ ယိုကိုဟားမားတွင်ခင်းကျင်းပြသ

တရုတ်နဲ့ ပစိဖိတ်စစ်ပွဲတို့မှာ ဂျပန်တိုရဲ့ကျူးကျော်မှုအကြောင်း ပြသထားတဲ့ပွဲကို ဂျပန်အလယ်ပိုင်း ယိုကိုဟားမားမြိုမှာ ပြုလုပ်နေပြီး ဒုတိယကမ္ဘာစစ်အတွင်း ဂျပန်တို့ရဲ့ ကျူးကျော်မှု သမိုင်းကြောင်းတွေကို ထုတ်ဖော်ပြသနေပါတယ်။
#World_Event
#Published_ 5 September 2023
#YMG #Yangon_Times

#Daily_News
Published_ 5 September 2023

၁။ ပြည်တွင်းရွှေဈေးကွက်တွင် အခေါက်ရွှေတစ်ကျပ်သားလျှင် ပျှမ်းမျှ ၂ သိန်းခန့် ကျဆင်းလာ ဟုဆို

၂။ မူဆယ်-ကျင်စန်းကျော့ ဂိတ်ပေါက်က တရုတ်နိုင်ငံသို့ ပို့ကုန်တွဲကား အစီး ၃၀၀ ကျော် သွားနေ

၃။ ကြိုမှာယူသည့် EV မော်တော်ကားများ လက်ထဲမရောက်နိုင်သည့်ကိစ္စ တိုင်ကြားသူများရှိနေ

၄။ ဒုတိယကမ္ဘာစစ်အတွင်းက ဂျပန်တို့၏ ကျူးကျော်ရက်စက်မှုသမိုင်းအမှန်ကို ဖော်ပြထားသည့်ပြပွဲ ယိုကိုဟားမားတွင် ခင်းကျင်းပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 5 September 2023

နိုင်ငံတကာခြေစမ်းပွဲ ယှဥ်ပြိုင်ကစားမည့် နီပေါလက်ရွေးစင်အသင်း ယနေ့ စက်တင်ဘာ(၅) ရက် နံနက်ပိုင်းတွင် မြန်မာနိုင်ငံသို့ ရောက်ရှိလာပြီဖြစ်သည်။

FIFA INTERNATIONAL "A" Friendly Matches အဖြစ် ယှဥ်ပြိုင်ကစားသွားမည့် မြန်မာ့လက်ရွေးစင်အသင်းနှင့် နီပေါ လက်ရွေးစင်အသင်းတို့၏ ပွဲစဥ်ကိုစက်တင်ဘာ (၈) ရက်နှင့် (၁၁)ရက် ညနေ (၅) နာရီတွင် ရန်ကုန်မြို့၊ သုဝဏ္ဏကွင်းအတွင်း ယှဉ်ပြိုင်ကစားသွားကြမည်ဖြစ်သည်။

ယင်းပွဲစဉ်အတွက် မြန်မာ့လက်ရွေးစင် ဘောလုံးအသင်းအနေဖြင့်လည်း ပြည် တွင်း ဘောလုံးကလပ်အသင်းများဖြင့် လေ့ကျင့်ပြင်ဆင်ထားပြီးဖြစ်သည်။

ပွဲစဉ်အား လာရောက်ကြည့်ရှု့မည့်ပရိတ်သတ်အတွက် ကွင်းဝင်ကြေးအဖြစ် အထူးတန်း ကျပ်( ၅၀၀၀)၊ ရိုးရိုးတန်း ကျပ် (၂၀၀၀) သတ်မှတ်ထားကာ SKYNET SPORTS နှင့် CHANNEL 9 HD ရုပ်သံလိုင်းများမှလည်း တိုက်ရိုက်ပြသပေးသွားမည်ဖြစ်ကြောင်း သိရသည်။
Yangon Times/my
#Local_Sport
#YMG #Yangon_Times

Published 5 September 2023

မြောက်ကိုရီးယားခေါင်းဆောင် ကင်မ်ဂျုံအန်းဟာ ယခုလအတွင်း ရုရှားသို့သွားရောက်ကာ သမ္မတဗလာဒီမီယာပူတင်နဲ့ တွေ့ဆုံရန် စီစဥ်ထားကြောင်း အမေရိကန်အရာရှိတစ်ဦးက BBC သတင်းဌာနမိတ်ဖက် CBS ထံ ပြောကြားခဲ့ပါတယ်။

မြောက်ကိုရီးယားက ယူကရိန်းစစ်ပွဲမှာ ရုရှားအတွက် လက်နက်များ ထောက်ပံ့သွားဖွယ်ရှိနေတဲ့ ကိစ္စရပ်များအကြောင်း အဆိုပါခေါင်းဆောင်နှစ်ဦး ဆွေးနွေးသွားကြမှာ ဖြစ်တယ်လို့  အမေရိကန်အရာရှိက ပြောပြခဲ့ပါတယ်။

တွေ့ဆုံဆွေးနွေးရန် စီစဥ်ထားတဲ့ နေရာအတိအကျကိုတော့ သေချာမသိရသေးပါဘူး။

ဒီလိုထွက်ပေါ်လာတဲ့ သတင်းနဲ့ပတ်သက်ပြီး မြောက်ကိုရီးယားဘက်ကရော ရုရှားဘက်ကပါ မှတ်ချက်ပြု ပြောကြားခြင်း မရှိသေးပါဘူး။

ကင်မ်ဂျုံအန်းဟာ သံချပ်ကာရထားဖြင့် သွားရောက်ဖွယ်ရှိတယ်လို့ သတင်းရင်းမြစ်များက New York Times ကို ပြောကြားခဲ့ပါတယ်။

ထိုနှစ်နိုင်ငံကြား လက်နက်ညှိနှိုင်းရေးက အတော်လေးခရီးပေါက်နေတယ်လို့ အိမ်ဖြူတော်က သတင်းသစ်ရရှိပြီးနောက် အခုလိုတွေ့ဆုံမယ့် အစီအစဥ် ပေါ်ထွက်လာတာ ဖြစ်ပါတယ်။

ရုရှားကာကွယ်ရေးဝန်ကြီး ဆာဂျီရှိုဂူ မကြာသေးမီက မြောက်ကိုရီးယားသို့ လာရောက်လည်ပတ်စဥ် ရုရှားထံသို အမြှောက်ကျည်ဆံများ ရောင်းချပေးရန် မြောက်ကိုရီးယားကို စည်းရုံးကြိုးပမ်းခဲ့ကြောင်း အမေရိကန်အမျိုးသား လုံခြုံရေးကောင်စီမှ ပြောရေးဆိုခွင့်ရှိသူ ဂျွန်ကာဘီက ပြောပြသွားပါတယ်။

အဲဒီနောက် ပူတင်နဲ့ ကင်မ်ဂျုံအန်းတို့ဟာ နှစ်နိုင်ငံပူးပေါင်းဆောင်ရွက်ရေး မြှင့်တင်သွားရန် ကတိပြုကြတဲ့စာများ အပြန်အလှန် ပေးပို့ခဲ့ကြပါတယ်။

မြောက်ကိုရီးယားအနေနဲ့ ရုရှားနဲ့ လက်နက်ညှိနှိုင်းတာတွေကို ရပ်တန့်ရန်၊ ရုရှားထံသို့ လက်နက်များ မရောင်းချဘူးလို့ လူအများကို ကတိပြုထားတဲ့အတိုင်း လိုက်နာဆောင်ရွက်ရန် မြောက်ကိုရီးယားကို တိုက်တွန်းလိုပါတယ်လို့ မစ္စတာကာဘီက ပြောပြသွားပါတယ်။

မြောက်ကိုရီးယားအနေနဲ့ ရုရှားကို လက်နက်ထောက်ပံ့ပါက အမေရိကန်က အရေးယူသွားမှာဖြစ်ပြီး ဒဏ်ခတ်ပိတ်ဆို့မှု ပြုလုပ်သွားမှာဖြစ်ကြောင်း သတိပေးလိုက်ပါတယ်။

ခေါင်းဆောင်နှစ်ဦးရဲ့ တွေ့ဆုံမှုက ရုရှားအရှေ့ဘက်ကမ်းရိုးတန်း ဗလာဒီဗိုစတော့မြို့မှာ ဖြစ်နိုင်ချေရှိတယ်လို့ New York Times က ဖော်ပြထားပါတယ်။

လုံခြုံရေးအရာရှိများပါဝင်တဲ့ မြောက်ကိုရီးယားရှေ့ပြေးအဖွဲ့တစ်ဖွဲ့ဟာ ပြီးခဲ့တဲ့လက ဗလာဒီဗိုစတော့နဲ့ မော်စကိုတို့ထံ သွားရောက်လည်ပတ်ခဲ့တာကြောင့် တွေ့ဆုံရန်စီစဥ်နေတာ ဖြစ်နိုင်တယ်လို့ သံတမန်သတင်းထောက် အက်ဒ်ဝပ်ဝေါင်က BBC သတင်းချန်နယ်ထံ ပြောကြားခဲ့ပါတယ်။

မြောက်ကိုရီးယားက ဂြိုဟ်တုနဲ့ နျူကလီးယားစွမ်းအင်သုံး ရေငုပ်သင်္ဘောအစီအစဥ်များအတွက် အထောက်အပံ့ရရန် ရုရှားထံမှ အဆင့်မြင့်နည်းပညာများ ရယူဖို့ကြိုးစားနေတာဖြစ်ကြောင်း၊ ဒါပေမဲ့ မြောက်ကိုရီးယားနိုင်ငံဟာ ကမ္ဘာပေါ်က အဆင်းရဲဆုံးနိုင်ငံတွေထဲမှာ ပါဝင်နေပြီး ငတ်မွတ်ခေါင်းပါးမှုများ မကြာခဏကြုံတွေ့နေရကာ ရုရှားထံမှ စားနပ်ရိက္ခာ အကူအညီယူနေရကြောင်း သတင်းထောက်က ဆိုလိုက်ပါတယ်။

ရုရှားက လက်နက်ခဲယမ်း အသည်းအသန်လိုအပ်နေတာကို မြောက်ကိုရီးယားက သိရှိထားပြီး ဒီအတွက် တောင်းဆိုမယ့် တန်ကြေးက အလွန်မြင့်မားနိုင်ပါတယ်။
Source: BBC News
#World_News
#YMG #Yangon_Times

Published_ 5 September 2023

ပြည်ထောင်စုရွေးကောက်ပွဲကော်မရှင်(UEC)အနေဖြင့် လာမည့်ရွေးကောက်ပွဲ၌အသုံးပြုမည့် မြန်မာအီလက်ထ ရောနစ်မဲပေးစက်အကြောင်းနှင့်အသုံးပြုပုံကို မှတ်ပုံတင်ခွင့်ပြုထားသော နိုင်ငံရေးပါတီ(၃၆)ပါတီကိုမိတ်ဆက်ပေးခဲ့ပြီးလက်တွေ့သရုပ်ပြပေးခဲ့ကြောင်းသိရသည်။

အဆိုပါ မိတ်ဆက်လက်တွေ့သရုပ်ပြသည့်အခမ်းအနားကို ရွေးကောက်ပွဲကော်မရှင်မှကြီးမှူး၍ ဩဂုတ်လ(၅) ရက်တွင် ရန်ကုန်တိုင်းဒေသကြီးအစိုးရအဖွဲ့အစည်းအဝေးခန်း၌ ကျင်းပခဲ့ခြင်းဖြစ်သည်။

အခမ်းအနားကိုလာရောက်တက်ရောက်သည့်ဒီမိုကရက်တစ်ပါတီဒုဥက္ကဌ ဦးတင်ရွှေက ‘‘အရင်တုန်းက အသုံးပြုခဲ့တဲ့မဲစနစ်ဟာ တံဆိပ်တုံးထုတဲ့အခါ အကွက်ကကျော်သွားရင် အငြင်းပွားဖွယ်တွေရှိခဲ့ပြီး အခုမြန်မာအီလက်ထရော်နစ်မဲပေးစက်ဟာ အငြင်းပွားဖွယ်မရှိတော့သလို အသုံးပြုရတာလွယ်ကူတဲ့အတွက် အဆင်ပြေတယ်’’ဟု ပြောသည်။

ယခုမိတ်ဆက်ပေးသည့် မြန်မာအီလက်ထရော်နစ်မဲပေးစက်သည် လျှပ်စစ်မီးမရှိသောဒေသများတွင် အသုံးပြုနိုင်မည်ဖြစ်သောကြောင့် ဝေးလံခေါင်ဖျားသောဒေသများမှ တိုင်းရင်းသားပြည်သူများအတွက် အဆင်ပြေနိုင်မည်ဖြစ်ကြောင်း အာခါအမျိုးသားဖွံ့ဖြိုးတိုးတက်ရေးပါတီဥက္ကဌ ဦးထွန်းအောင်ကလည်း ပြောသည်။

မြန်မာအီလက်ထရောနစ်မဲပေးစက်သည် ဘက်ထရီနှင့်အသုံးပြုနိုင်ပြီး ဆိုင်ကယ်ဘက်ထရီအပါအဝင်12Vရှိ သောဘက်ထရီတိုင်းဖြင့်အသုံးပြုနိုင်မည်ဖြစ်ကြောင်း ရွေးကောက်ပွဲကော်မရှင်ဥက္ကဌနှင့်ရွေးကောက်ပွဲ ကော်မရှင်မှဒုတိယညွှန်ကြားရေးမှူးချုပ်တို့မှထည့်သွင်းပြောကြားခဲ့သည်။

မြန်မာအီလက်ထရော်နစ်မဲပေးစက်ဟာ အသုံးပြုရလွယ်ပြီး မီးစိမ်းလားအရင်ကြည့်ပြီး မီးစိမ်းပါက မိမိကြိုက်နှစ်သက်သောပါတီရှိသည့်အပြာရောင်ခလုတ်ကို တစ်ချက်နှိပ်ပေးလိုက်ရုံနဲ့မဲပေးပြီးသားဖြစ်မည် ဖြစ်သည်။

ယခုမိတ်ဆက်ပေးလိုက်သော မြန်မာအီလက်ထရောနစ်မဲပေးစက်သည် ရွေးကောက်ပွဲတစ်ခုတည်းသာမက နောက်ပိုင်းအချိန်များတွင်ကျင်းပပြုလုပ်မည့် ရွေးကောက်ပွဲများ၊ကြားဖြတ်ရွေးကောက်ပွဲများ၊စည်ပင်ရွေးကောက်ပွဲများတွင်လည်း ပြန်လည်အသုံးပြုနိုင်မည်ဖြစ်သောကြောင့် ရွေးကောက်ပွဲကုန်ကျစရိတ်တွေကိုလည်းခြွေတာနိုင်မည်ဖြစ်ကြောင်း သိရသည်။
Yangon_Time/tthl
#Local_News
#YMG #Yangon_Times