Published_ 9 September 2023

ထိုင်းနိုင်ငံ၊ စမွတ်စခွန်ပြည်နယ်၊ စမွတ်စခွန်မြို့၊ ထားဆိုင်ကျေးရွာအုပ်စု မူထိ (၇) ထားဆိုင် ယူနီယံလမ်းသွယ်တွင် မြန်မာအလုပ်သမား လူငယ်အချင်းချင်း စကားများရာမှ သနတ်ကို ဆွဲထုတ်ပြီး ခြိမ်းခြောက် ပစ်ခတ်ခဲ့ကြောင်း ထိုင်းမီဒီယာ များ၏ ဖေါ်ပြချက်အရ သိရသည်။

အဆိုပါ ပစ်ခတ်မှုကြောင့် ထိခိုက်ဒဏ်ရာ ရရှိသူူ မရှိပေမယ့် အဆောက်အဦး
ကို ထိမှန်ခဲ့ ပြီး အဆောက်အဦး ရှိ မှန်များ ကွဲသွားကြောင်း ၊အခင်းဖြစ်တဲ့ နေရာမှာ ၃၅ ဒသမ ၇ ကျည်ခေါင်း ၃ လုံးကို သိမ်းဆည်းရမိခဲ့ကြောင်း သိရသည်။

လက်ရှိ တွင် ယင်းမြန်မာ အလုပ်သမား နှစ်ဦး ကို အဆောက်အအုံ၏ CCTV မှတ်တမ်းများနဲ့အတူ အဆောက်အဦးပိုင်ရှင်က တိုင်ကြားထားပြီး ထိုင်းဥပဒေအရ ထိရောက်စွာ အရေးယူဖို့ ထိုင်းအာဏပိုင်များ က လိုက်လံ ရှာဖွေနေကြောင်း သတင်းတွင် ဖေါ်ထားချက်အရ သိရသည်။
#Yangon_Times/LW
#Local_News
#YMG #Yangon_Times

Published_ 9 September 2023

မြန်မာနိုင်ငံသို့ဝင်ရောက်လာသော ပြည်ပခရီးသွားများအနေဖြင့် ကိုဗစ်ဓာတ်ခွဲမှုအဖြေနှင့် ကာကွယ်ဆေးထိုး လက် မှတ်ပြသရန်မလိုအပ်တော့ဘဲ နိုင်ငံခြားခရီးသွားများအနေဖြင့် ကျန်းမာရေးအာမခံကိုဝယ် ယူထား ကြောင်းအထောက်အထားများကိုသာပြသရမည်ဖြစ် ကြောင်း ကျန်းမာရေးဝန်ကြီးဌာန၊ ပြည်သူ့ကျန်းမာ ရေးဦးစီးဌာနမှသိရသည်။

အဆိုပါ ခရီးသွားများ အနေဖြင့် မြန်မာ့ အာမခံလုပ်ငန်းမှဝယ်ယူထားသည့် ကျန်းမာရေးအာမခံကိုဖြစ်စေ၊ သက်ဆိုင်ရာ နိုင်ငံများမှ ဝယ်ယူလာသည့် ကျန်းမာရေးအာမခံ ကိုဖြစ်စေ ဝယ်ယူထားကြောင်း အထောက် အထားများကို သက်ဆိုင်ရာဝင်၊ထွက်ဂိတ်များရှိ ကျန်းမာရေးအရာရှိထံသို့ တင်ပြရမည်ဖြစ်ကြောင်း ပြည်သူ့ ကျန်းမာရေးဦးစီးဌာန၊ ဗဟိုကူးစက်ရောဂါတိုက်ဖျက် ရေးဌာနခွဲမှ ညွှန်ကြားရေးမှူး ဒေါက်တာဉာဏ်ဝင်းမြင့် ကပြောသည်။

သို့သော်လည်း ပြည်ပမှပြန်လည်ရောက်ရှိလာသူ မြန်မာနိုင်ငံသားများ အနေဖြင့် ကျန်းမာရေးအာမခံပြသ ရန်မလိုအပ်တော့ဘဲ လေဆိပ်တွင်ကျန်းမာရေးစစ်ဆေး မှုများဆောင်ရွက်ချိန် ကိုဗစ်-၁၉ ရောဂါတွေ့ရှိပါက ဆေးရုံ၊ ကွာရန်တင်းစင်တာများ သို့ပို့ဆောင်၍ ကျန်းမာရေးစောင့် ရှောက်မှုများဆောင်ရွက်ပေးနေကြောင်း သိရသည်။

“အရင်တုန်းကဆိုရင် ဝင်ရောက်လာတဲ့ခရီးသည်တွေ ကိုဗစ်-၁၉ရောဂါကာကွယ်ဆေး ထိုးလက်မှတ်ပြရတယ်။ ကိုဗစ်-၁၉ရောဂါကာကွယ်ဆေးထိုးလက်မှတ်မပါရှိတဲ့ခရီး သည်တွေဆိုရင်တော့ ၄၈နာရီအတွင်း ကိုဗစ်-၁၉ ရောဂါ စစ်ဆေးထားတဲ့အဖြေပါရမယ် ဆိုတာရှိပါတယ်။

အဲဒါကို အခုနောက်ပိုင်းအနေနဲ့ ကိုဗစ်-၁၉ရောဂါ အနေနဲ့ ဓာတ်ခွဲစမ်း သပ်မှုအဖြေရော၊ ကာကွယ်ဆေးထိုးလက်မှတ်လည်းမလိုတော့ပါဘူး။ ဒါပေမဲ့ နိုင်ငံတ ကာကနေလာတဲ့ခရီးသည်တွေအနေနဲ့မြန်မာနိုင်ငံကိုလာရောက်စဉ်အတွင်းမှာ ကိုဗစ်-၁၉ ရောဂါဖြစ်ဖြစ်၊ အခြားကျန်းမာရေးပြဿနာတွေဖြစ်ဖြစ် ဖြစ်ပွားခဲ့ရင် သူတို့အနေနဲ့ ကျန်းမာရေးစောင့် ရှောက်မှုတွေ ဆောင်ရွက်နိုင်ဖို့အတွက် ကျန်းမာရေးဆိုင်ရာ အာမခံကို သတ်မှတ်ထားပါတယ်”ဟု ယင်းကဆိုသည်။

ကိုဗစ်၁၉ရောဂါဖြစ်ပွားမှုလည်းကျဆင်းလာပြီဖြစ်သည့်အတွက်နိုင်ငံ၏့ခရီးသွားလုပ်ငန်း၊စီးပွားရေးဖွံ့ဖြိုးတိုးတက်စေရန်ရည်ရွယ်၍ နိုင်ငံတကာနှင့်နယ်စပ်ဒေသများမှ ဝင် ရောက်လာသည့်ခရီးသွားပြည်သူများအတွက် ပြည် သူ့ကျန်းမာရေးဆိုင်ရာ သတ်မှတ် ချက်များကို ကျန်းမာရေးဝန်ကြီးဌာနအနေဖြင့်လည်း ဖြေလျော့ပေးမှုများ ဆောင်ရွက် လျက်ရှိ ကြောင်းလည်းသိရသည်။
#Yangon-Times/PP
#Local_News
#YMG #Yangon_Times

အာရှအားကစားပွဲတော်တွင် လက်ရွေးစင် အမျိုးသမီးဘောလုံးအသင်း ကမ္ဘာ့ဖလားအဆင့်ဝင် အသင်းများဖြင့် ယှဉ်ပြိုင်ရမည်

မြန်မာအသင်းအနေနဲ့ အုပ်စုအဆင့်မှာ ကိုရီးယား၊ ဖိလစ်ပိုင်၊ ထိုင်းတို့နဲ့ တွေ့ဆုံရမည်
#Yangon_Times/MY
#Published_ 9 September 2023
#Local_News
#YMG #Yangon_Times

ထိုင်းအလုပ်သမားများ အလုပ်ခန့်ထားမှုဆိုင်ရာ သဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးတွင်သာ ချုပ်ဆိုရတော့မည်။

ထိုင်းနိုင်ငံကို တရားဝင်သွားရောက် အလုပ်လုပ်ကိုင်မယ့် အလုပ်သမားတွေ ချုပ်ဆိုရတဲ့အလုပ်ခန့်ထားမှု ဆိုင်ရာ သဘောတူစာချုပ်ကို ယခင်လို တိုင်းနှင့်ပြည်နယ်အလိုက် သွားရောက် မချုပ်ဆိုရတော့ဘဲ ရန်ကုန်မြို့ရှိ မြောက်ဒဂုံ အလုပ်သမားသင်တန်းကျောင်းမှာသာ ချုပ်ဆိုရတော့မှာ ဖြစ်တယ်လို့ အလုပ်သမားဝန်ကြီးဌာနထံက သိရပါတယ်။
#Yangon_Times/LW
#Published_ 9 September 2023
#Local_News
#YMG #Yangon_Times

အဘထွက်ပွဲအတွက် ရှမ်းအိုးစည်များ ပစ္စည်းပြတ်သည့်အထိ ရောင်းရ

‘ အဘအောင်မင်းခေါင်ထွက်ပွဲအတွက် ရှမ်းအိုးစည်တွေ ပစ္စည်းပြတ်တဲ့အထိ ရောင်းချနေရပါတယ်။ ရန်ကုန်၊ပဲခူး၊ဧရာဝတီတိုင်းစတဲ့ဒေသတွေကလည်း ရှမ်းအိုးစည်အော်ဒါတွေမှာယူနေတယ်’ ဒို့ဗမာ အိုးစည်ဒိုးပတ်ထုတ်လုပ်ရေးလုပ်ငန်းမှ တာဝန်ရှိသူတစ်ဦး
#Yangon_Times/tthl
#Published_ 9 September 2023
#Local_News
#YMG #Yangon_Times

Published 9 September 2023

ရန်ကုန်တိုင်းဒေသကြီး၊ကျောက်တံတားမြို့နယ် ၊၂ရပ်ကွက် ဘားလမ်း အလယ်ဘလောက်ရှိ မူဆလင်ဆေးရုံ မီးလောင်မှု ဖြစ်ကြောင်း ကျောက်တံတားမြို့နယ် မီးသတ်တပ်ဖွဲ့ ထံ က သိရသည်။

စက်တင်ဘာ ၉ရက် နေ့လည် ၁နာရီ ၃၅မိနစ် ခန့် တွင် စတင်လောင်ခဲ့ပြီး ကျောက်တံတားမြို့နယ် မီးသတ်စခန်းမှ မီးသတ်ယာဉ်များ ထွက်ခွာ ငြိမ်းသတ်ခဲ့ရာ ၁နာရီ ၄၂ မိနစ်တွင် မီးငြိမ်းခဲ့ကြောင်း သိရသည်။

'' ဝါယာရှော့က လောင်တယ် လို့တော့ ကြားတာပဲ ကားလမ်းတွေလဲ ပိတ်နေတယ်၊လူထိခိုက်တယ်တော့ မကြားမိဘူး''ဟု အနီးနေထိုင်သူတစ်ဦးကပြောသည်။

ထိခိုက်ဒဏ်ရာရရှိမှုနှင့် ပျက်စီးဆုံးရူံးမှုများကို သက်ဆိုင်ရာမှ ထုတ်ပြန်ခြင်းမရှိသေးကြောင်း သိရသည်။
YMG/LW
#Local_News
#YMG #Yangon_Times

Published_ 9 September 2023

အလုပ်သမားဝန်ကြီးဌာန၊လူမှုဖူလုံရေး အဖွဲ့မှ အကျုံးဝင်အာမခံအလုပ်သမားများ၏ ကျန်းမာရေးစောင့်ရှောက်မှု ပေးရာ တွင် ၂၀၂၃ ခုနှစ် ဇူလိုင်လ အထိတွင် အာမခံ အလုပ်သမား လူနာပေါင်း၆သိန်းကျော် ကို ကျန်းမာရေးစောင့်ရှောက်မှု ပေးနိုင်ခဲ့ကြောင်း အလုပ်သမားဝန်ကြီးဌာန ၏ထုတ်ပြန်ချက် သိရသည်။

ရန်ကုန်တိုင်းဒေသကြီး တွင် အကျုံးဝင် အာမခံအလုပ်သမား ၈၉၀၀၀၀ ကျော်ရှိပြီးအဆိုပါ အာမခံအလုပ်သမားများ ၏ကျန်းမာရေးစောင့်ရှောက်မှုအတွက် ရန်ကုန်အလုပ်သမား ဆေးရုံကြီး၊ ထန်းတပင်အလုပ်သမားဆေးရုံ၊ မြို့နယ်လူမှုဖူလုံရေး ဆေးခန်း ၂၂ ခန်း၊ ဌာနကြီးဆေးခန်း ၁၈ ခန်း၊ တိုင်းရင်းဆေးခန်းတစ်ခန်း၊ စာချုပ်ဆေးခန်း ၃၀ ၊ မီးဖွားခြင်း ဆိုင်ရာ ဝန်ဆောင်မှုဆောင်ရွက်သည့် ဆေးခန်း ၁၀ ခန်းတို့ ဖွင့်လှစ် ၍ ကျန်းမာရေးစောင့်ရှောက်မှု ပေးနေကြောင်း သိရသည်။

လူမှုဖူလုံရေး အဖွဲ့အနေဖြင့် အကျုံးဝင်အာမခံအလုပ်သမားများ၏ ကျန်းမာရေးစောင့်ရှောက် မှုကို ပိုမိုထိရောက်လွယ်ကူစေရန်အတွက် ပုဂ္ဂလိကဆေးရုံ၊ ဆေးခန်းများနှင့် စာချုပ်ချုပ်ဆိုပြီး
ယခုအခါ တွင် Fee For Service Payment ဆေးခန်း ၂၀ ၊ Capitation Payment ဆေးခန်း ၂၆ ခန်းနှင့် မီးဖွားမှု ဝန်ဆောင်မှုဆေးခန်း ၁၂ ခန်းဖြင့် ကျန်းမာရေးဝန်ဆောင်မှုပေးလျက်ရှိရာ
ရန်ကုန်တိုင်းဒေသကြီးတွင် ၂၀၂၃ခုနှစ် ဇန်နဝါရီမှ ဇူလိုင်အထိ လူနာဦးရေ ၅၂၇၉၂ ဦးအတွက် ဆေးဖိုးကုန်ကျငွေကျပ်သန်းပေါင်း ၄၂၇၀ ဒသမ ၀၉၃ သန်း ပေးခဲ့ပြီး ဖြစ်ကြောင်း သိရသည်။
Yangon Time/LW
#Local_News
#YMG #Yangon_Times

Published_ 9 September 2023

မြန်မာနိုင်ငံအနေဖြင့် နိုင်ငံအတွက် ဦးစားပေးဆောင်ရွက်ရ မည့် လုပ်ငန်းစဉ်များရှိနေ၍ ၂၀၂၆ ခုနှစ် အာဆီယံ ဥက္ကဋ္ဌတာဝန်ကို ဖိလစ်ပိုင်နိုင်ငံသို့ လွှဲပြောင်းလိုက်ကြောင်း နစက သတင်းထုတ်ပြန်ရေးအဖွဲ့က ထုတ်ပြန် လိုက်သည်။

အာဆီယံပဋိညာဉ်စာတမ်း စာပိုဒ်(၃၁)အရ အာဆီယံဥက္ကဋ္ဌတာဝန်ကို အဖွဲ့ဝင်နိုင်ငံများ၏ အင်္ဂလိပ်ဘာသာဖြင့် နိုင်ငံအမည် အက္ခရာစဉ်အလိုက် အဖွဲ့ဝင်နိုင်ငံများက နှစ်စဉ်အလှည့်ကျ တာဝန်ယူ ထမ်းဆောင်ရမည်ဟု ဖော် ပြထားသောကြောင့်အဆိုပါ မူအရ မြန်မာနိုင်ငံသည် ၂၀၂၆ ခုနှစ် တွင် အာဆီယံအလှည့်ကျ ဥက္ကဋ္ဌတာဝန် ကို ရယူဆောင်ရွက်ရ မည်ဖြစ်ရာ အာဆီယံအဖွဲ့ဝင်နိုင်ငံများအနေဖြင့် အလှည့်ကျဥက္ကဋ္ဌတာဝန်ရယူရန်အတွက် အချိန် အနည်းဆုံး(၂)နှစ် ကြိုတင်ပြင်ဆင်မှုများ ပြုလုပ်ကြရကြောင်း၊ လက်ရှိအချိန် တွင် ရှေ့လုပ်ငန်း စဉ်(၅) ရပ်နှင့်အညီ ဒီမိုကရေစီနှင့် ဖယ်ဒရယ်စနစ်ကို အခြေခံသည့် နိုင်ငံတော်ကို တည် ဆောက်နေသည့် ကာလဖြစ် သဖြင့်အထက်ပါအတိုင်း လွှဲပြောင်းပေးခြင်း ဖြစ်ကြောင်း သိရသည်။

ယင်းသို့ လွှဲပြောင်းရန် ဖိလစ်ပိုင် နိုင်ငံက အာဆီယံဥက္ကဋ္ဌတာဝန်ယူရန် အဆင် ပြေမှု ရှိ-မရှိကို ဖိလစ်ပိုင် နိုင်ငံခြားရေးဝန်ကြီး ထံသို့ မြန်မာ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီးက စာပေးပို့၍ သဘောထားမေးမြန်းခဲ့ရာ ဖိလစ်ပိုင်နိုင်ငံက အာဆီယံဥက္ကဋ္ဌတာဝန်ယူရန်အဆင်ပြေကြောင်းနှင့် လက်ရှိ အာ ဆီယံဥက္ကဋ္ဌနှင့် ကျန်အဖွဲ့ဝင်များကို အသိပေးပြောကြားသွားမည် ဖြစ်ကြောင်း တရားဝင် အကြောင်းပြန် ကြားခဲ့ပြီး ဖြစ်ကြောင်းလည်း သိရသည်။

သဘောထားမေးမြန်းသည့် ကိစ္စကို မြန်မာက ၂ဝ၂၃ ခုနှစ်၏ အာဆီယံ ဥက္ကဋ္ဌဖြစ်သည့် အင်ဒိုနီးရှားနိုင်ငံ သို့လည်း အသိပေးထားခဲ့ကြောင်း ၊ ယခုအခါ ဖိလစ်ပိုင်နိုင်ငံကို သဘောထားမေးမြန်း ညှိနှိုင်းမှုပြုလုပ် ခဲ့ပြီး အခြား အဖွဲ့ဝင်နိုင်ငံများသို့ ချပြအသိပေးခြင်း သဘောတူညီမှုရှိခြင်းများဖြင့် လွှဲပြောင်းခဲ့ခြင်း ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

ထို့နောက် ဖိလစ်ပိုင်နိုင်ငံခြားရေး ဝန်ကြီးက အင်ဒိုနီးရှားနိုင်ငံခြားရေးဝန်ကြီးထံလိပ်မူ၍ ဖိလစ်ပိုင်နိုင်ငံသည် အာဆီယံဥက္ကဋ္ဌ တာဝန်ကို ၂၀၂၇ ခုနှစ် အစား ၂၀၂၆ ခုနှစ်တွင် တာဝန်ထမ်းဆောင် မည် ဖြစ်ကြောင်း၊ အာဆီယံ ဥက္ကဋ္ဌနှင့် အဖွဲ့ဝင်နိုင်ငံများ၏ ထောက်ခံမှုရရှိမည်ဟု မျှော်လင့်ပါကြောင်း စာပေးပို့ ခဲ့ကြောင်းလည်း သိရသည်။

(၄၃)ကြိမ်မြောက်အာဆီယံထိပ်သီးအစည်းအဝေးအပြီး တူညီဆန္ဒ(၅)ချက်အကောင် အထည်ဖော်မှုဆိုင်ရာ အာဆီယံခေါင်းဆောင်များ၏ ပြန်လည်သုံးသပ်ချက်နှင့် ဆုံးဖြတ်ချက်ကို ထုတ်ပြန်ခဲ့ပြီး ယင်းထုတ်ပြန်ချက်၏ စာပိုဒ်(၁၅)တွင် “၂၀၂၆ ခုနှစ် အာဆီယံအလှည့်ကျ ဥက္ကဋ္ဌတာဝန်ကို ဖိလစ်ပိုင်နိုင်ငံမှ တာဝန်ယူရန် ဆုံးဖြတ် ခဲ့ကြပြီး၊ အခြားဆုံးဖြတ်ချက်တစ်ရပ် မထွက်ပေါ်မီအချိန်အထိ၊ အာဆီယံအလှည့်ကျဥက္ကဋ္ဌဇယားကို အက္ခရာ စဉ်အတိုင်း ဆက်လက် ဆောင်ရွက်ရန် ဆုံးဖြတ်ခဲ့ကြသည်” ဟုဖော်ပြပါရှိသည်ကို တွေ့ရှိရကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

အချို့သော နိုင်ငံတကာသတင်းမီဒီယာများ၏ ဖော်ပြချက်များ၌လည်း ၂၀၂၆ ခုနှစ် အာဆီယံဥက္ကဋ္ဌ တာဝန် နှင့်ပတ်သက်၍ ဖော်ပြချက်များသည် ၎င်းတို့လိုလားသည့်ပုံစံများဖြင့် အဓိပ္ပာယ်လွှဲမှားစွာ ဖော်ပြ နေသည် ကို တွေ့ရှိရကြောင်း ယင်းထုတ်ပြန်ချက်က ဆိုသည်။

မြန်မာနိုင်ငံ၏ အာဆီယံဥက္ကဋ္ဌတာဝန်ယူမှုနှင့်ပတ်သက်၍ သမိုင်းကြောင်း ပြန်ကြည့်လျှင် အာဆီယံပဋိညာဉ် စာတမ်း စာပိုဒ်(၃၁)အရ အာဆီယံဥက္ကဋ္ဌတာဝန်ကို ၂၀၀၆ ခုနှစ်တွင် တာဝန်ယူရမည်ဖြစ်ကြောင်း၊ သို့သော် လည်း ထို အချိန်က မြန်မာနိုင်ငံအနေဖြင့် နိုင်ငံတော်ရှေ့ဆက် သွားမည့် လုပ်ငန်းစဉ်(၇)ရပ်နှင့်အညီ ဒီမိုက ရေစီ သို့ ကူးပြောင်းရေးလုပ်ငန်းစဉ်ကို ဆောင်ရွက် လျက်ရှိသည့်အတွက်လည်းကောင်း၊ အာဆီယံအဖွဲ့၏ ရည်မှန်းချက်များအကောင်အထည်ဖော် ရာတွင် အရှိန်အဟုန်မပျက် ဆောင်ရွက်နိုင်စေရန်အတွက် ရှေးရှု၍ လည်း ကောင်း မြန်မာနိုင်ငံ အနေဖြင့် ၂၀၀၆ ခုနှစ် အာဆီယံအလှည့်ကျဥက္ကဋ္ဌတာဝန်ယူမည့် အခွင့်အရေးကို စွန့်လွတ်ခဲ့ကြောင်း သိရသည်။

ထို့နောက် အာဆီယံဥက္ကဋ္ဌတာဝန်ကို ၂၀၁၆ ခုနှစ်တွင် တာဝန်ယူရမည့် အလှည့်ကိုလည်း မြန်မာနိုင်ငံတွင် ၂၀၁၅ ခုနှစ်တွင် အထွေထွေရွေးကောက်ပွဲ ကျင်းပရန်ရှိသည့် အတွက် အဖွဲ့ဝင်နိုင်ငံများဖြစ်သည့် မလေးရှား နှင့် လာအိုနိုင်ငံတို့နှင့် ညှိနှိုင်းသဘောတူညီချက် အရ ၂၀၁၄ ခုနှစ်တွင် တာဝန်လွှဲပြောင်းယူခဲ့သည့် သာဓက များရှိကြောင်းလည်း အဆိုပါ ထုတ်ပြန်ချက်တွင် ပါရှိသည်။
Yangon_Times/PP
#Local_News
#YMG #Yangon_Times

Published 9 September 2023

မော်ရိုကိုနိုင်ငံ ဟိုက်အတ်လတ်စ်တောင်တန်းတွေမှာ သောကြာနေ့က အင်အားပြင်းမြေငလျင်တစ်ခု လှုပ်ခတ်သွားသဖြင့် အနည်းဆုံး လူ ၂၉၆ ဦးသေဆုံးကာ အဆောက်အအုံများ ပျက်စီးသွားခဲ့ပြီး အဓိကမြို့ကြီးများမှ ပြည်သူများ နေအိမ်တွေကနေ ထွက်ပြေးတိမ်းရှောင်ခဲ့ရပါတယ်။

သေဆုံးသူအရေအတွက်က အစောပိုင်းတွက်ချက်မှုသာဖြစ်ပြီး ၁၅၃ ဦး ဒဏ်ရာရခဲ့ကြောင်း ပြည်ထဲရေးဝန်ကြီးဌာနက ထုတ်ဖော်ခဲ့ပါတယ်။

သေဆုံးမှုအများစုက ရောက်ရှိရန်ခက်ခဲတဲ့ တောင်တန်းနေရာတွေက လူတွေဖြစ်တယ်လို့ အရာရှိတစ်ဦးက ဆိုပါတယ်။

ယူနက်စ်ကိုအမွေအနှစ် နေရာတစ်ခုဖြစ်တဲ့ မြို့ဟောင်းမှာ အဆောက်အအုံအချို့ ပြိုလဲသွားကြောင်း ငလျင်ဗဟိုချက်နဲ့ အနီးဆုံး မာရာကက်ချ်မြို့ကြီးမှ ပြည်သူတွေက ပြောကြားခဲ့ပါတယ်။

ဗလီမျှော်စင်တစ်ခု ပြိုလဲပြီး ကားတွေပေါ် အစအနများ ပြုတ်ကျလာတဲ့ပုံတွေကို ဒေသတွင်းရုပ်သံတစ်ခုမှ ပြသခဲ့ပါတယ်။

အိမ်အများစု ထိခိုက်ပျက်စီးသွားကြောင်း၊ အဆောက်အအုံ အပျက်အစီးများကြား လူတွေပိတ်မိနေပြီး ကျန်တဲ့လူတွေက ကယ်ဆယ်ရန် ရသမျှနည်းလမ်းများဖြင့် ကြိုးစားနေကြကြောင်း ငလျင်ဗဟိုချက်အနီး အက်စ်နီတောင်တန်းရွာမှ မွန်တာဆီယာအစ်တရီက ပြောပြသွားပါတယ်။

အနောက်ပိုင်း တာရူဒန့်အနီးမှာတော့ ငလျင်လှုပ်ခတ်ပြီးနောက် နောက်ဆက်တွဲ လှုပ်ခတ်မှုများ ဖြစ်ပေါ်ခဲ့ပါတယ်။

ယခုငလျင်က ဟိုက်အတ်လတ်စ်ရဲ့ အစ်ဂ်ဟေးလ်ဒေသမှာ ပြင်းအားအဆင့် ၇.၂ ဖြင့် လှုပ်ခတ်သွားတာဖြစ်ကြောင်း မော်ရိုကိုဘူမိစင်တာမှ ကြေညာခဲ့ပါတယ်။

အမေရိကန် ဘူမိဗေဒစစ်တမ်းမှာတော့ ငလျင်ပြင်းအားအဆင့် ၆.၈ ရှိပြီး မြေအနက် ၁၁.၅ မိုင်ရှိတယ်လို့ သိရပါတယ်။

စိုက်ပျိုးရေး ရွာငယ်များရှိတဲ့ တောင်တန်းဒေသ အစ်ဂ်ဟေးလ်ဟာ မာရာကက်ချ် အနောက်တောင်ဘက် မိုင် ၄၀ အကွာမှာ တည်ရှိပြီး ည ၁၁ နာရီနောက်ပိုင်းမှာ ငလျင်လှုပ်ခတ်ခဲ့တာ ဖြစ်ပါတယ်။

ငလျင်လှုပ်ခတ်မှု ဖြစ်ဖြစ်ချင်း ဗီဒီယိုတွေကို ဆိုရှယ်မီဒီယာတွေပေါ်မှာ တင်ထားရာမှာတော့ လူတွေဟာ အဆောက်အအုံတွေထဲကနေ ကြောက်လန့်တကြား ထွက်ပြေးလာကြပြီး အပြင်မှာ စုရုံးနေကြတာကို တွေ့မြင်ရပါတယ်။
Source: Reuters
#World_News
#YMG #Yangon_Times

Published_ 9 September 2023

စားနပ်ရိက္ခာဖူလုံရေး ပြဿနာများကို ဖြေရှင်းရန်အတွက် နယူးဇီလန်မှ သုတေသီတွေက  ဓာတ်ခွဲခန်းမှာ အသီးအနှံများ စိုက်ပျိုးထုတ်လုပ်မယ့် အစီအစဥ်ကို ချပြလာပါတယ်။

ကမ္ဘာပေါ်မှာ ဓာတ်ခွဲခန်းထုတ် အသားတွေ ထုတ်လုပ်မှုကဏ္ဍ တိုးတက်လာပေမယ့် ဓာတ်ခွဲခန်းထုတ် အသီးအနှံကဏ္ဍကတော့ မကျယ်ပြန့်သေးပါဘူး။

နယူးဇီလန်မှ သုတေသီတွေက အပင်ဆဲလ်တွေမှ အသီးတစ်ရှူးပေါက်လာစေကာ တစ်နေ့နေ့မှာ တကယ့်အသီးလိုမျိုး အနံ့အရသာ ရရှိလာစေရန် မျှော်လင့်နေပါတယ်။

ဒီနည်းလမ်းဖြင့် ကမ္ဘာ့စားနပ်ရိက္ခာ မလုံလောက်မှုပြဿနာကို ဖြေရှင်းနိုင်ဖွယ် ရှိပါတယ်။

နယူးဇီလန်မှာဆိုရင် သမားရိုးကျ စိုက်ပျိုးသီးနှံများ ဖြစ်ထွန်းနေပေမယ့် အနာဂတ်ကို ကြည့်လိုက်ရင် လူဦးရေတိုးတက်ခြင်း ရာသီဥတုပြောင်းလဲခြင်းတို့ ရှိလာနိုင်တယ်လို့ အပင်နှင့် အစားအစာသုတေသနမှ ဦးဆောင်သုတေသီ ဒေါက်တာဘင်ရွှန်က ပြောပြသွားပါတယ်။

ဒီအစီအစဥ်က အစောပိုင်းစမ်းသပ်မှုကာလပဲ ရှိနေသေးပြီး အသီးရဲ့စားလို့ရတဲ့ အပိုင်းကိုသာ ဓာတ်ခွဲခန်းမှာ ထုတ်လုပ်စိုက်ပျိုးမှာ ဖြစ်ပါတယ်။

ဥပမာအားဖြင့် ပန်းသီးရဲ့ အလယ်အူတိုင်၊ လိမ္မော်သီးရဲ့ အခွံလိုမျိုးအရာတွေကိုတော့ ထည့်ပြီးထုတ်လုပ်မှာ မဟုတ်ပါဘူး။

ဒီအစီအစဥ်ကို အပြည့်အဝ ဖန်တီးပြီးပြီဆိုရင်တော့ ရေရှည်တည်တံ့မြဲ စိုက်ပျိုးရေးကဏ္ဍကို မြှင့်တင်ပေးနိုင်မှာဖြစ်ကာ ရာသီဥတုဖောက်ပြန်မှု ရည်မှန်းချက်များနဲ့ ကိုက်ညီဖို့ရန် အကူအညီဖြစ်စေမှာ ဖြစ်ပါတယ်။

လူတွေ အသုံးမပြုနိုင်ခင်မှာတော့ ကြာရှည်များပြားတဲ့ စမ်းသပ်မှုတွေနဲ့ ထိန်းချုပ်ကွပ်ကဲရေး လုပ်ငန်းစဥ်တွေကို ကျော်ဖြတ်ရဦးမှာ ဖြစ်တယ်လို့ အော့ကလန် မက်ဆေးတက္ကသိုလ်မှ အစားအစာသိပ္ပံပညာရှင် ဒေါက်တာ အလီရာရှီဒင်ဂျက်ဒ်က ပြောပြသွားပါတယ်။

စားသုံးသူတွေက သမားရိုးကျ စိုက်ပျိုးတဲ့ နည်းလမ်းတွေကို အသုံးမပြုချင်တော့ဘူးဆိုမှ ဓာတ်ခွဲခန်းသီးနှံအစီအစဥ်ကို အသုံးပြုနိုင်မယ်လို့ ယုံကြည်နေကြပါတယ်။

လွန်ခဲ့တဲ့ ၁၈ လက စတင်ခဲ့တဲ့ အပင်နှင့်အစားအစာ အစီအစဥ်မှာ ဘလူးဘယ်ရီ၊ ပန်းသီး၊ ချယ်ရီသီး၊ မက်မွန်သီး၊ စပျစ်သီးတို့ စိုက်ပျိုးနိုင်မှာ ဖြစ်ပါတယ်။

အာဟာရရှိစွာ စားသုံးနိုင်မယ့် အသီးခူးဆွတ်နိုင်ဖို့အထိ နည်းပညာဖန်တီးဖို့ဆိုရင် နှစ်တွေကြာအောင် စောင့်ဆိုင်းရဦးမှာ ဖြစ်ပါတယ်။
Source: WION
#World_Science
#YMG #Yangon_Times

Published_ 8 September 2023

ဖီဖာနိုင်ငံတကာခြေစမ်းပွဲ မြန်မာနှင့် နီပေါ ပွဲပြီးချိန်အထိ  တစ်ဘက်နှင့်တစ်ဘက် ဂိုးသွင်းယူနိုင်ခြင်းမရှိဘဲ သရေရလဒ်ထွက်ပေါ်ခဲ့သည်။

အဆိုပါ ပွဲစဉ်ကို ယမန်နေ့ ညနေ(၅)နာရီအချိန်၌ ရန်ကုန်မြို့ သုဝဏ္ဏအားကစားကွင်းအတွင်း ယှဉ်ပြိုင်ခဲ့ကြခြင်းဖြစ် သည်။

ဒုတိယပွဲစဉ်ကို စက်တင်ဘာ (၁၁)ရက်တွင် ထပ်မံယှဉ်ပြိုင်ကစားသွားကြမည်ဖြစ်သည်။

ဖီဖာနိုင်ငံတကာခြေစမ်းပွဲအတွက် မြန်မာ့လက်ရွေးစင်ကစားသမား (၂၇)ဦးရွေးချယ်ရာ မြန်မာအသင်းအတွက် တိုက်စစ်မှူးများမှာ ထိုင်းလိဂ်တွင် ကစားနေကြသည့် အောင်သူ ၊ သန်းပိုင်၊ အီစိုးနှင့် အင်ဒိုနီးရှား လိဂ်တွင် ကစားနေသော
ဝင်းနိုင်ထွန်းတို့ ပါဝင်ထားသည်။
Yangon Times/my
#Local_Sport
#YMG #Yangon_Times

Published_ 9 September 2023

အသက်ရှူထုတ်ခြင်းရဲ့ အခြေခံလုပ်ဆောင်ချက်တွေက အောက်ဆီဂျင်ရှူသွင်းခြင်းနဲ့ ကာဗွန်ဒိုင်အောက်ဆိုဒ် ရှူထုတ်ခြင်းတို့ ဖြစ်ပါတယ်။

အသက်ရှူလေ့ကျင့်ခန်း လုပ်ခြင်းဖြင့် ကျန်းမာရေးအကျိုးကျေးဇူးများစွာ ရရှိနိုင်ကာ ခန္ဓာ၊ စိတ်၊ ဝိဉာဥ်၊ ခံစားချက်တို့မှာ အားသာချက် အများအပြား ပေးစွမ်းနိုင်ပါတယ်။

အသက်ပြင်းပြင်း ရှူထုတ်ခြင်းဖြင့် စိတ်ဖိစီးမှုလျော့ကျစေပြီး စိတ်ပြေလျော့စေနိုင်တဲ့အပြင် အဆုတ်ရဲ့ လုပ်ဆောင်ချက်တွေကိုလည်း ပိုမိုထိရောက်စေပါတယ်။

အသက်ရှူလေ့ကျင့်ခန်းနဲ့ ပတ်သက်ပြီး အဆင်ပြေတာကတော့ ပစ္စည်းကိရိယာများ အထူးတလည် မလိုအပ်ဘဲ ရောက်တဲ့နေရာမှာ ပြုလုပ်နိုင်တာ ဖြစ်ပါတယ်။

 
(၁) အဆုတ်ကျန်းမာရေးပြဿနာ အမျိုးမျိုး သက်သာစေခြင်း
အသက်ရှူလေ့ကျင့်ခန်းတွေက ရင်ကြပ်ရောဂါနဲ့ အဆုတ်ပြွန်ပိတ်ရောဂါတို့လို အဆုတ်ပြဿနာရှိသူတွေကို အထောက်အကူဖြစ်စေပြီး ခက်ခက်ခဲခဲ အသက်ရှူနေရတဲ့ လူတွေမှာ ရောဂါလက္ခဏာ၊ အဆုတ်လုပ်ဆောင်ချက်၊ အသက်ဘဝတို့ကို တိုးတက်စေပါတယ်။
 
(၂) အဆစ်အမြစ်ကိုက်ခြင်းကို သက်သာစေခြင်း
အသက်ရှူလေ့ကျင့်ခန်း ပုံမှန်ပြုလုပ်ခြင်းဖြင့် ဆဲလ်တွေမှ အောက်ဆီဂျင်ပိုရစေကာ အဆစ်အမြစ်တွေကို ထောက်ပံ့ပေးပါတယ်။

လှုပ်ရှားလေ့ကျင့်ခန်းကြောင့် ဖြစ်တဲ့ ဖိစီးမှုတွေကို ပြေလျော့စေကာ ပြင်းထန်တဲ့ လှုပ်ရှားမှုတွေကို ခံနိုင်ရည်ရှိစေပါတယ်။
 
(၃) စိတ်ပိုင်းဆိုင်ရာ  ကျန်းမာရေးတိုးတက်စေခြင်း
ဖိစီးမှုမြင့်တက်လာတဲ့အခါ ရှင်းလင်းစွာ တွေးတောဖို့ ခက်ခဲလာပါတယ်။

အသက်ရှူလေ့ကျင့်ခန်း ပြုလုပ်တဲ့အခါ အသက်ရှူသွင်းရှူထုတ်စနစ်ကို ပြန်လည်သစ်လွင်စေပြီး ခံစား တွေးတောရတာတွေကို မြှင့်တင်ပေးပါတယ်။
 
(၄) အစာချေစနစ်ကောင်းမွန်စေခြင်း
အစာချေလမ်းကြောင်းကို ကျန်းမာစေပြီး အစာအိမ်အူလမ်းကြောင်း  ပြဿနာများကို ပြေလျော့စေနိုင်ကာ အစာရေမျိုလျှံတက်ခြင်း လက္ခဏာကို သက်သာစေပါတယ်။
 
(၅) အိုမင်းရင့်ရော်ခြင်းကိုနှောင့်နှေးစေခြင်း
အသက်ရှူလေ့ကျင့်ခန်းတွေဟာ ဝမ်းဗိုက်ကြွက်သားတွေ သန်မာစေခြင်း၊ ကိုယ်နေဟန်ထား ကောင်းမွန်စေခြင်း၊ အရေးကြောင်း ကာကွယ်ပေးခြင်း၊ အသားအရေ စိုပြည်ဝင်းပစေခြင်းတို့ကို ပေးစွမ်းနိုင်ကာ သွေးထဲက အဆိပ်အတောက်များ ဖယ်ရှားပေးတာကြောင့် ငယ်ရွယ်နုပျိုစေပါတယ်။
 
(၆) ဦးနှောက်အသိဉာဏ်တိုးတက်စေခြင်း
ပုံမှန်အသက်ရှူလေ့ကျင့်ခန်း ပြုလုပ်ခြင်းဖြင့် အာရုံစူးစိုက်မှု ကောင်းမွန်စေပြီး မှတ်ဉာဏ်ပိုင်း တိုးတက်စေတဲ့အပြင် ဆုံးဖြတ်ချက်ကောင်းများ ချမှတ်နိုင်မှာ ဖြစ်ပါတယ်။
 
အသက်ရှူလေ့ကျင့်ခန်းများကို ကျွမ်းကျင်သွားပြီဆိုရင် လုပ်ဆောင်ရ လွယ်ကူသွားပြီး အခြားလူတွေဆီက အကြံဉာဏ်မလိုအပ်တော့ပါဘူး။
Source: DoctorNDTV
#World_Health
#YMG #Yangon_Times