ညောင်ဦးတွင် ရေကြီးနိုင်၍ ကူညီကယ်ဆယ်ရေးအသင့်ပြင်ထား

‘ ညောင်ဦးမှာ ဧရာဝတီမြစ်ရေက စိုးရိမ်ရေအမှတ်အထက် ရောက်နေပါတယ်။လောလောဆယ်တော့ ကမ်းနားမြေနိမ့်ပိုင်းရပ်ကွက်အချို့မှာ ရေဝင်တာနဲ့ရပ်ကွက်သွားလမ်းတွေပေါ်ပဲ ရေရောက်ရှိတာတွေပဲရှိသေးပြီး စိုးရိမ်စရာအခြေအနေမရှိသေးဘူး။ရေကင်းတွေပတ်ပြီး အရေးပေါ်ပြောင်းရွေ့ပေးနိုင်ဖို့ ကြိုတင်ပြင်ဆင်ထားပါတယ်’ ညောင်ဦးမြို့နယ် မီးသတ်တပ်ဖွဲမှ တာဝန်ရှိသူတစ်ဦး
#Yangon_Times/tthl
#Local_News
#Published_ 6 September 2023
#YMG #Yangon_Times

Published_ 6 September 2023

ယနေ့ စက်တင်ဘာ(၆)ရက်မှစ၍ ယာဉ်မှန်/မမှန်စစ်ဆေးခြင်းအပါအဝင် ပြောင်း လဲခြင်းများနှင့် နယ်ဝင်ယာဉ်စစ်ဆေးခြင်းများကို ပြန်လည်စစ်ဆေးသွားမည်ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာန က သိရသည်။

ထို့သို့ စစ်ဆေးရာတွင် ယာဉ်မှန်/မမှန် စစ်ဆေးခြင်း၊ အင်ဂျင်ပြောင်း၊ ဆေးရောင်ပြောင်း၊ ကိုယ်ထည်ပြောင်းစသည့် ပြောင်းလဲခြင်းများနှင့် နယ်ဝင်မော်တော် ယာဉ်စစ်ဆေးခြင်း(ဆိုင်ကယ်မပါ)တို့ကို စတင်ဆောင်ရွက်ပေးနေပြီဖြစ်‌သည်။

ကုန်းလမ်းပို့ဆောင်ရေးညွှန်ကြားမှုဦးစီး ဌာန အနေဖြင့် ၂၀၂၁ မတ် ၂၂ ရက် မှ ၂၀၂၃ စက်တင်ဘာ ၃၀ ရက်အထိ အများပြည်သူသယ်ယူပို့ဆောင်ရေးခရီးသည်တင်ယာဉ်များကိုသာ Road Safety ဖြစ်ရန် စစ်ဆေးပေးခဲ့သည်ဟုသိရသည်။

အဆိုပါ ကာလအတွင်း အခြားမော်တော် ယာဉ်နှင့်ဆိုင်ကယ်များအားလုံးကို စစ်ဆေးခြင်းမပြုဘဲ၊ နှစ်လဲသက်တမ်းတိုးဆောင်ရွက်ခြင်းများကို ၂နှစ် ၆လ အတွင်း (၈)ကြိမ် စစ်ဆေးခြင်းကင်းလွှတ်ခွင့် ပြုခဲ့ကြောင်း ကညနက အသိပေးထုတ်ပြန်ထားသည်။

ထို့ကြောင့် ယနေ့မှစ၍ ယာဉ်မှန်/မမှန်စစ်ဆေးခြင်းအပါအဝင် နယ်ဝင်ယာဉ်စစ်ဆေးခြင်းများကို ပြန်လည်စစ်ဆေးသွားမည်ဖြစ်ကြောင်း သိရသည်။
Yangon_Times/my
#Local_News
#MG #Yangon_Times

ငမိုးရိပ်ရေလှောင်တမံကနေ ရေစတင်ကျော်နေပေမယ့် အရေးပေါ်အခြေအနေအစီအမံများ ဆောင်ရွက်ထားပြီးဖြစ်

ငမိုးရိပ် ရေလှောင်တမံအပါအဝင် ရေလှောင်တမံသုံးခု ရေပို့လွှဲမှ ရေစတင်ကျော်ပါက အရေးပေါ်အခြေအနေအဆင့်(၁) အဖြစ် သတ်မှတ်မည်
#Yangon_Times/MY
#Local_News
#Published_ 6 September 2023
#YMG #Yangon_Times

ကိုရီးယားနိုင်ငံသို့ ရာသီချိန် လုပ်သားစေလွှတ်ဖို့ လတ်တလောအစီစဉ်မရှိသေး

ရာသီချိန်လုပ်ငန်းတွေအတွက် မြန်မာလုပ်သား ခေါ်ယူဖို့ကို ကိုရီယားနိုင်ငံဘက်က ပြောဆိုလာမှု တွေရှိပေမယ့် အသေးစိတ် စီစဉ်ညှိနှိုင်းတာတွေ တစ်ခုမှ မပြုလုပ်ရသေးဘူးလို့ အလုပ်သမားဝန်ကြီးဌာနက အမြဲတန်းအတွင်းဝန်ကဆိုပါတယ်။
#Yangon_Times/LW
#Local_News
#Published_ 6 September 2023
#YMG #Yangon_Times

‘အရင်တုန်းက အသုံးပြုခဲ့တဲ့ မဲစနစ်ဟာ တံဆိပ်တုံးထုတဲ့အခါ အကွက်ကကျော်သွားရင် အငြင်းပွားဖွယ်တွေရှိခဲ့ပြီး အခုမြန်မာအီလက်ထရော်နစ်မဲပေးစက်ဟာ အငြင်းပွားဖွယ်မရှိတော့သလို အသုံးပြုရတာလွယ်ကူတဲ့အတွက် အဆင်ပြေနိုင်တယ်’ ဦးတင်ရွှေ(ဒုဥက္ကဌ၊ဒီမိုကရက်တစ်ပါတီ)

‘အခုမိတ်ဆက်ပေးတဲ့ မြန်မာအီလက်ထရောနစ်မဲပေးစက်ဟာ လျှပ်စစ်မီးမရှိတဲ့ဒေသတွေမှာ အသုံးပြုနိုင်မှာ ဖြစ်လို ဝေးလံခေါင်ဖျားတဲ့ဒေသတွေက တိုင်းရင်းသားပြည်သူတွေအတွက်တော့အဆင်ပြေစေနိုင်တယ်’ ဦးထွန်းအောင်(ဥက္ကဌ၊ အာခါအမျိုးသားဖွံဖြိုးတိုးတက်ရေးပါတီ)
#Yangon_Times/tthl
#Local_News
#Published_ 6 September 2023
#YMG #Yangon_Times

Published 6 September 2023

ရုရှားနဲ့ မြောက်ကိုရီးယားတို့ လက်နက်ညှိနှိုင်းရေးကိစ္စက ခရီးပေါက်နေပြီဖြစ်ကြောင်း အမေရိကန်အရာရှိတစ်ဦးက စက်တင်ဘာ ၅ ရက်နေ့က ပြောကြားခဲ့ကာ ယူကရိန်းစစ်ပွဲမှာ ရုရှားတို့အသုံးပြုရန် လက်နက်တွေ ထောက်ပံ့ပါက မြောက်ကိုရီးယားအနေနဲ့ တန်ကြေးပေးဆပ်ရလိမ့်မယ်လို့ ခေါင်းဆောင်ကင်မ်ဂျုံအန်းကို သတိပေးလိုက်ပါတယ်။

ရုရှားကို လက်နက်ထောက်ပံ့ပါက မြောက်ကိုရီးယားရဲ့ အကျိုးဆက် ကောင်းမွန်မှာမဟုတ်ဘဲ နိုင်ငံတကာ အသိုင်းအဝိုင်းကြားမှာ ပေးဆပ်ရလိမ့်လို့ အမေရိကန် အမျိုးသားလုံခြုံရေး အကြံပေးပုဂ္ဂိုလ် ဂျိတ်ခ်ဆာလီဗန်က အိမ်ဖြူတော်မှာ သတင်းထောက်တွေကို ပြောကြားလိုက်ပါတယ်။

ကင်မ်ဂျုံအန်းက ယခုလအတွင်း ရုရှားသို့လာရောက်ကာ ရုရှားသမ္မတ ဗလာဒီမီယာပူတင်နဲ့ တွေ့ဆုံပြီး လက်နက်ထောက်ပံ့ရေးကိစ္စများ ဆွေးနွေးမယ်လို့ အမေရိကန်အရာရှိများမှ ဖော်ပြထားချက်နဲ့ ပတ်သက်ပြီး ဘာမှပြောစရာမရှိဘူးလို့ ရုရှားအစိုးရအဖွဲ့က အင်္ဂါနေ့အစောပိုင်းက ပြောကြားလိုက်ပါတယ်။

ကင်မ်ဂျုံအန်းက ခေါင်းဆောင်ပိုင်း လူချင်းတွေ့ပြီး လက်နက်ကိစ္စ ဆက်လက်ဆွေးနွေးရန် မျှော်လင့်နေကြောင်း ဆာလီဗန်က ဆိုပါတယ်။

ရုရှားကို သူတို့ကာကွယ်ရေးအခြေစိုက်စခန်းမှာ ဆက်လက်ဖိအားပေးထားတာကြောင့် ရုရှားဟာ အခုအချိန်မှာ ရသမျှ လက်နက်ခဲယမ်းတွေက ရရှိရန် ကြိုးပမ်းနေတယ်လို့ ဆိုပါတယ်။

ယူကရိန်းပြည်သူတွေကို အသက်သေစေနိုင်တဲ့ လက်နက်တွေ ရုရှားကို မထောက်ပံ့ဘူးလို့ လူအများထံ ကတိပြုထားတာကို မြောက်ကိုရီးယားအနေနဲ့ လိုက်နာပေးဖို့ ဆက်လက်တောင်းဆိုသွားမယ်လို့လည်း ပြောကြားလိုက်ပါတယ်။

အမေရိကန်အမျိုးသား လုံခြုံရေးကောင်စီမှ ပြောရေးဆိုခွင့်ရှိသူ အက်ဒရီယန်ဝက်ဆန်က ကင်မ်ဂျုံအန်းနဲ့ ပူတင်တို့ဟာ တွေ့ဆုံရန် စီစဥ်နေတယ်လို့ ပြောကြားလိုက်တဲ့အပြင် အမေရိကန်နဲ့ မဟာမိတ်နိုင်ငံတို့မှ အရာရှိတွေကလည်း ကင်မ်ဂျုံအန်းဟာ ဖြစ်နိုင်ရင် လာမယ့်သီတင်းပတ်အတွင်း ပူတင်နဲ့ တွေ့ဆုံရန် ရုရှားသို့သွားရောက်ဖို့ စီစဥ်နေတယ်ဆိုတဲ့ ပြောကြားချက်ကို နယူးယော့ခ်တိုင်းမ်စ် သတင်းဌာနက ဖော်ပြထားပါတယ်။

ယူကရိန်းစစ်ပွဲနဲ့ ပတ်သက်ပြီး ရုရှားကို ရှောင်ကြဥ်သူတွေ တိုးများလာသဖြင့် မြောက်ကိုရီးယားကို ရုရှားက အရေးပါတဲ့သူအဖြစ် ရှုမြင်နေတယ်လို့ နိုင်ငံရေးသုံးသပ်သူများက ဆိုပါတယ်။

မြောက်ကိုရီးယားဘက်က ကြည့်ရင် ဆိုဗီယက်ပြည်ထောင်စု ကာလတုန်းကလောက် ဆက်ဆံရေးရင်းနှီးနေတော့တာ မဟုတ်ပေမယ့် အခုအချိန် ရုရှားက မိတ်ဖက်လိုအပ်နေတဲ့ အချိန်မှာတော့ အကျိုးခံစားခွင့်တွေ ရယူနေတာဖြစ်ပါတယ်။
Source: CNA
#World_News
#YMG #Yangon_Times

Published_ 6 September-2023

ယခုလအတွင်း ကျင်ပမည့် အာရှအား ကစားပြိုင်ပွဲအတွက် မြန်မာ့လက်ရွေးစင် အမျိုးသမီး‌ဘောလုံးအသင်း အနေဖြင့် ခြေစမ်းပွဲများ ဆက်တိုက်ကစားလေ့ ကျင့်လျက်ရှိသည်။

ယင်းသို့ လေ့ကျင့်ပြင်ဆင်ရာ၌ ပြည်တွင်း အမျိုးသမီးဘောလုံးကလပ်အသင်းများဖြင့် ခြေစမ်းပွဲများ ကစားနေခြင်းဖြစ်သည်။

ယမန်နေ့ စက်တင်ဘာ (၅)ရက်က မြန်မာ့လက်ရွေးစင် အမျိုးသမီးအသင်းသည် FIFA-MFF U15 League (Lower Myanmar) ရာသီဝက်ချန်ပီယံ ရခိုင်ယူနိုက်တက် ယူ-၁၅ အသင်းနှင့် ခြေစမ်းကစားခဲ့ကြသည်။

ထိုသို့ကစားရာတွင် မိနစ် ၃၀ မိနစ်တစ်ကြိမ် သုံးပိုင်း ယှဉ်ပြိုင်ကစားခဲ့ပြီး ပထမပိုင်းနှင့် ဒုတိယပိုင်းတို့တွင် သရေ ရလဒ်ထွက်ပေါ်ခဲ့ကာ တတိယပိုင်းတွင် ရခိုင်အသင်းက ၃-၀ ဂိုးဖြင့်အနိုင်ရရှိခဲ့ကြောင်း မြန်မာနိုင်ငံဘောလုံးအဖွဲ့ချုပ်က ထုတ်ပြန်ထားသည်။

(၁၉)   ကြိမ်မြောက်    အာရှအားကစားပြိုင်ပွဲကို စက်တင်ဘာ ၂၃ ရက်မှ အောက်တိုဘာ ၈ ရက်အထိ ကျင်းပမည်ဖြစ်ပြီး အားကစားနည်း ( ၄၀ ) မှ   ပြိုင်ပွဲ အမျိုးအစား( ၄၈၁) မျိုး ထည့်သွင်းကျင်းပမည်ဖြစ်သည်။
Yangon_Times/MY
#Local_News
#YMG #Yangon_Times

Published_ 6 September 2023

လေထုအရည်အသွေးတိုင်းတာရေးလုပ်ငန်းများကို ပတ်ဝန်းကျင်ထိန်းသိမ်းရေးဦးစီးဌာနအနေဖြင့် ဆောင်ရွက်လျက်ရှိပြီး ပြီးခဲ့သည့်ဩဂုတ်လတစ်လတာပြည်နယ်နှင့်တိုင်းအသီးသီးရှိလေထုအရည်အသွေး တိုင်းတာချက်ရလာဒ်များကို ထုတ်ပြန်လိုက်ကြောင်းသိရသည်။

အဆိုပါရလာဒ်တွင် ဒေသတော်တော်များများမှာ ကောင်းမွန်သောလေထုအရည်အသွေးများရှိသော်လည်း ကလေးမြို့၊ကသာမြို့နှင့်မော်လမြိုင်မြို့များတွင် ခံနိုင်ရည်နည်းပါးသောသူများအတွက်ကျန်းမာရေး ထိခိုက်စေနိုင်သည့်လေထုအရည်အသွေးအဆင့် လေထုအရည်အသွေးညွှန်းကိန်း(၁၀၁-၁၅၀)ဖြစ်နေပြီး (၂.၅)မိုက်ခရိုအရွယ်အစားရှိသည့် အမှုန်အမွှားများ ရှိနေသည်ဟုဆိုသည်။

တောင်ဒဂုံ၊အောင်မြေသာစံ၊ပြင်ဦးလွင်၊မုံရွာ၊ကသာ၊မြစ်ကြီးနား၊မော်လမြိုင်မြို့များတွင် လက်ခံနိုင်သည့် လေထုအရည်အသွေးအဆင့်(၅၁-၁၀၀)ရှိပြီး ကျန်ပြည်နယ်နှင့်တိုင်းအသီးသီးရှိမြို့များ၌ လေထုအရည် အသွေးကောင်းမွန်သောအဆင့်(၀-၅၀)ရှိကြောင်း ပတ်ဝန်းကျင်ထိန်းသိမ်းရေးဦးစီးဌာန၏ထုတ်ပြန်ချက်များ အရသိရသည်။
Yangon_Times/tthl
#Local_News
#YMG #Yangon_Times

Published-6 September 2023

မြန်မာ့ထောပတ်သီးနှင့် ထောပတ်သီးအဆီကို ဘာရိန်းနိုင်ငံသို့ လာမည့် အောက်တိုဘာလတွင် စမ်းသပ်တင်ပို့မှုများလုပ်ဆောင်သွားမည်ဖြစ်ကြောင်း မြန်မာနိုင်ငံထောပတ်သီး စိုက်ပျိုး ထုတ်လုပ်တင်ပို့ရောင်းချသူများအသင်းကသိရသည်။

ထောပတ်သီးနှင့်ထောပတ်သီးအဆီကို ဘာရိန်းနိုင်ငံမှဝယ်ယူတင်သွင်းရန်ကမ်းလှမ်းထား၍ ထောပတ်သီးရာသီတွင် တင်ပို့ရောင်းချမှုလုပ်ဆောင်သွားမည်ဖြစ်ကြောင်းသိရသည်။

အဆိုပါကမ်းလှမ်းချက်နှင့်ပက်သက်၍ဘာရိန်းကုမ္ပဏီမှကိုယ်စားလှယ်များ၊ မြန်မာနိုင်ငံထောပတ်သီး စိုက်ပျိုး ထုတ်လုပ်တင်ပို့ ရောင်းချသူများအသင်းမှ ကိုယ်စားလှယ်များ၊ အိန္ဒိယနိုင်ငံ၊ ကိုလ်းကတ္တားမြို့ မြန်မာစီးပွားရေး သံမှူး၊ မြန်မာကုန်သွယ်မှုမြှင့်တင်ရေးအဖွဲ့(နေပြည်တော်)နှင့် မြန်မာကုန်သွယ်မှုမြှင့်တင်ရေးအဖွဲ့ (ရှမ်းပြည်နယ်) တို့မှ တာဝန်ရှိသူများ ပြီးခဲ့သည့် ဩဂုတ်လကုန်ပိုင်းက တွေ့ဆုံဆွေးနွေးခဲ့ပြီးဖြစ်ကြောင်းသိရသည်။

ယင်းအပြင် မြန်မာ့ထောပတ်သီးထုတ်လုပ်မှုပမာဏ၊ အရည်အသွေး၊ အသိအမှတ်ပြု လက် မှတ်၊ သယ်ယူပို့ ဆောင်မယ့်နည်းလမ်းနှင့် ထုတ်ကုန်သက်တမ်း Global GAP လက် မှတ်ရရှိထားသည့် ထောပတ်ခြံများ၊ အရည် အသွေးစစ်ဆေးထားသည့် ထောက်ခံချက် များ၊ တင်ပို့မည့်ပမာဏနှင့်လက်ရှိတင်ပို့နေသည့် ဈေးကွက်အခြေ အနေများကိုလည်း ဘာရိန်းနိုင်ငံကို ပေးပို့ထားပြီးဖြစ်ကြောင်းသိရသည်။
Yangon_Times/PP
#Local_News
#YMG #Yangon_Times

Published_ 6 September 2023

ရန်ကုန်-မန္တလေး ရထားလမ်းကို စက်တင်ဘာလ ၅ ရက် နံနက်ပိုင်းက မိုင်းထောင်ဖောက်ခွဲခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

မြန်မာ့မီးရထား၊ တိုင်းအမှတ်(၆)နယ်မြေ၊ ပဲခူးတိုင်းဒေသကြီး၊ ညောင်လေး ပင်မြို့နယ်၊ ဝိန်းဇလုပ်ဘူတာ၏ တောင်ဘက်(တော်ဝိဘူတာဘက် ခြမ်း)၌ အထက်ပါအတိုင်း ဖောက်ခွဲခဲ့ခြင်း ဖြစ်ကြောင်း ထုတ်ပြန်ချက်အရ သိရသည်။

ပိန်းဇလုပ်ဘူတာ-တော်ဝိဘူတာ အကြား၊ မိုင်တိုင် (၉၉၈-၇)အနီး တံတား အမှတ်(BR-137)ပေါ်နှင့် ရထား လမ်းအနီးတစ်ဝိုက်တွင် မိုင်း(၂)လုံး ဖောက်ခွဲခံခဲ့ရခြင်း ဖြစ်ကြောင်း သိရသည်။

ယင်းကြောင့် ရထားသံလမ်းပေ (၈၀) ခန့် ပြတ်တောက်တွန့်လိမ်သွားကာ ကွန်ကရစ် ဇလီဖား (၁၄)တုံး ပျက်စီးပြီး (၁၀) ပေအရှည်ရှိ ကွန်ကရစ်တံတားကြမ်းခင်း (၃)ပေ ပတ်လည်ခန့် ထိခိုက်မှုများ ဖြစ်ပေါ်ခဲ့ကြောင်း သိရသည်။

မြန်မာ့မီးရထားက ရထားလမ်း ပျက်စီးမှုများကို အမြန်ဆုံးပြုပြင်ဆောင်ရွက်ရာ အချိန် ၈ နာရီခန့် အကြာ ပြီးစီးခဲ့သောကြောင့် လမ်းပိုင်းကို ပြန်လည်ဖွင့်လှစ်နိုင်ခဲ့ကြောင်း သိရသည်။

၂၀၂၁ ခုနှစ်၊ ဖေဖေါ်ဝါရီလမှစ၍ ယခုအချိန် အထိ ရထားလမ်းကွန်ယက်တစ်ခုလုံးတွင် ရထားလမ်းများ၊ ဘူတာ နယ်မြေများအတွင်း ဗုံးထောင်၊ မိုင်းခွဲဖျက်ဆီးခြင်း (၁၂၅)ကြိမ်၊ တံတားမိုင်ခွဲခြင်း (၄၅)ကြိမ်၊ ဘူတာနှင့် ဝန် ထမ်းနေအိမ်များ မီးရှို့ ဖျက်ဆီးခြင်း (၁၂)ကြိမ် ပြုလုပ်ခံခဲ့ရကြောင်း ပို့ဆောင်ရေးနှင့်ဆက်သွယ်ရေးဝန်ကြီး ဌာန၏ စာရင်းများအရ သိရသည်။
Yangon_Times/PP
#Local_News
#YMG #Yangon_Times

Published_ 6 September 2023

ရန်ကုန်တိုင်းဒေသကြီးအတွင်း အလုပ်အကိုင် အခွင့်အလမ်း (၉,၂၁၆) ဦးအတွက် ဖန်တီးပေးနိုင်မည့်နိုင်ငံသားနှင့်နိုင်ငံခြားသားရင်းနှီးမြှုပ်နှံ မှု လုပ်ငန်းသစ် (၁၁)ခု ကို ခွင့်ပြုလိုက်ကြောင်း ရန်ကုန်တိုင်းအစိုးရအဖွဲ့ကသိရသည်။

ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီ၏ (၈/၂၀၂၃) ကြိမ်မြောက် အစည်းအဝေးကို ပြီးခဲ့သည့်ရက်ပိုင်းက တိုင်းဒေသကြီး ရင်းနှီးမြှုပ်နှံမှုကော်မတီအစည်းအဝေး၌  စက် မှုကဏ္ဍတွင် ရာခိုင်နှုန်းပြည့် မြန်မာနိုင်ငံသား ရင်းနှီးမြှုပ်နှံမှုလုပ်ငန်း (၁)ခုနှင့် ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှု လုပ်ငန်း (၁၁)ခုကို အတည်ပြုပေးခဲ့ကြောင်းသိရသည်။

အဆိုပါ ရင်းနှီးမြှုပ်နှံမှု လုပ်ငန်းများ၏ မတည်ငွေရင်းပမာဏမှာ ကျပ် (၂၀၅၄ ဒဿမ ၃၂၅) သန်းနှင့် အမေရိကန်ဒေါ်လာ ၁၄ ဒဿမ ၇၇၅ သန်းဖြစ်ပြီး ပြည်တွင်းအလုပ်အကိုင် အခွင့်အလမ်း (၉,၂၁၆) ဦးအတွက် ဖန်တီးပေးနိုင်မည်ဖြစ်ကြောင်းလည်းသိရသည်။

အတည်ပြုပေးခဲ့သည့် လုပ်ငန်းများမှ CMP စနစ်ဖြင့် အဝတ်အထည်အမျိုးမျိုး ချုပ်လုပ်ခြင်းလုပ်ငန်း၊ CMP စနစ်ဖြင့် wearing apparel အမျိုးမျိုး ချုပ်လုပ်ခြင်းလုပ်ငန်း၊ CMP စနစ်ဖြင့် down and feather အမျိုးမျိုး ချုပ်လုပ်ခြင်းလုပ်ငန်း၊ CMP စနစ်ဖြင့် ဖိနပ်အမျိုးမျိုး ချုပ်လုပ်ခြင်းလုပ်ငန်းတို့ ဖြစ်သည်။

ထို့အတူ အစည်းအဝေးတွင် မတည်ငွေရင်းပမာဏ တိုးမြင့်မည့်လုပ်ငန်း (၁)ခု အပါအဝင် အထွေထွေကိစ္စရပ်များ တင်ပြလာသည့် ကုမ္ပဏီ (၁၅) ခု၏ တင်ပြချက် များကိုလည်း ဆွေးနွေးဆုံးဖြတ်ခဲ့ကြောင်းသိရသည်။
#Yangon-Times/PP
Photo-Yangon Region Government
#Local_News
#YMG #Yangon_Times

Published_ 6 September 2023

(၄၃) ကြိမ်မြောက် အာဆီယံထိပ်သီးအစည်းအဝေးကို အင်ဒိုနီးရှားနိုင်ငံ၊ ဂျကာတာ မြို့တွင် စက်တင်ဘာ ၅ ရက်တွင် ကျင်းပပြုလုပ်ခဲ့ပြီး အဆိုပါ အစည်းအဝေးတွင် တူညီဆန္ဒ(၅)ချက် အကောင်အထည်ဖော်ခြင်းဆိုင်ရာ အာဆီယံခေါင်းဆောင်များ၏ ပြန်လည်သုံးသပ်ချက်နှင့် ဆုံးဖြတ်ချက် ထုတ်ပြန်ခဲ့ခြင်းကို နိုင်ငံခြားရေးဝန်ကြီးဌာနက ကန့်ကွက်ကြောင်း ထုတ်ပြန်ထားပါတယ်။
အာဆီယံပဋိညာဉ်စာတမ်းအပိုဒ်(၅)ပါ "အခွင့်အရေးနှင့် တာဝန်ဝတ္တရား" မူနှင့် သွေဖယ်လျက် မြန်မာ နိုင်ငံ၏ အခွင့်အရေးဖြစ်သည့် တန်းတူရည်တူကိုယ်စားပြုမှုအား ငြင်းပယ်ခဲ့သဖြင့် (၄၃)ကြိမ်မြောက် အာဆီယံထိပ်သီးအစည်းအဝေးသို့ မြန်မာနိုင်ငံမှ တက်ရောက်ခြင်း မပြုခဲ့ဘူးလို့ သိရပါတယ်။

အာဆီယံအလှည့်ကျဥက္ကဋ္ဌဖြစ်သည့် အင်ဒိုနီးရှားနိုင်ငံမှ ဖော်ပြပါထုတ်ပြန်ချက် (မူကြမ်း)အား မြန်မာနိုင်ငံနှင့်ဆွေးနွေးညှိနှိုင်းခဲ့သော်လည်း မြန်မာနိုင်ငံ၏အမြင်နှင့် ရပ်တည်ချက်တို့ကို ထည့်သွင်း မဖော်ပြဘဲ လျစ်လျူရှူခဲ့တယ်လို့ ဆိုပါတယ်။

နိုင်ငံခြားရေးဝန်ကြီးဌာနအနေဖြင့် အပြုသဘောမဆောင်သည့် သုံးသပ်ချက်များ နှင့် တစ်ဖက်သတ်ဆန်ပြီး မျှတမှုမရှိသည့် ဆုံးဖြတ်ချက်များ ပါရှိသည့် တူညီဆန္ဒ(၅)ချက် အကောင်အထည်ဖော်မှုဆိုင်ရာ အာဆီယံခေါင်းဆောင်များ၏ ပြန်လည်သုံးသပ်ချက်နှင့် ဆုံးဖြတ်ချက်အပေါ် ကန့်ကွက်တယ်လို့ ထုတ်ပြန်ချက်မှာ ဖော်ပြထားပါတယ်။

အာဆီယံအဖွဲ့ဝင်နိုင်ငံများအနေဖြင့် အာဆီယံပဋိညာဉ်စာတမ်းပါ ပြဋ္ဌာန်းချက်များ နှင့် အခြေခံမူများကို တိကျစွာလေးစားလိုက်နာလျက် အထူးသဖြင့် အဖွဲ့ဝင်နိုင်ငံ တစ်နိုင်ငံ ၏ ပြည်တွင်းရေးကို အခြားတစ်နိုင်ငံက ဝင်ရောက်စွက်ဖက်ခြင်းမပြုရန် ထပ်မံအသိပေး ထားပါတယ်။
ygm_mnn
#Yangon_Media_Group
#Local_News
#YMG #Yangon_Times