၁၈ ဒီဇင်ဘာ ၂၀၂၃

မြန်မာသင်္ဘောသားများအလုပ်လုပ်နေတဲ့ ဘူဂေးရီးယားပိုင် The Ruen သင်္ဘောသည် ဒီဇင်ဘာ ၁၅ရက်က ယီမင်ကမ်းခြေအနီး အာရေဗျပင်လယ်တွင်ခုတ်မောင်းနေစဉ် အဆက်အသွယ်ပြတ်သွားခဲ့တယ်လို့ NAVIBULGAR သင်္ဘောကုမ္ပဏီက သတင်းထုတ်ပြန်ကြောင်း နိုင်ငံတကာသတင်းမီဒီယာ တွေက သတင်းရေးသားကြပါတယ်။

အဆိုပါသင်္ဘောဟာ ယီမင်းနိုင်င်ံ ဆိုကိုထရာကျွန်းရဲ့ အရှေ့ဖက် ရေမိုင်၃၈၀ခန့်အရောက်မှာ အဆိုပါသင်္ဘောနှင့် အဆက် အသွယ် ပြတ်တောက်ခဲ့တာဖြစ်တယ်လို့ ကုမ္ပဏီကပြောပါတယ်။

သင်္ဘောပေါ်မှာ သင်္ဘောသား ၁၈ ဦးလိုက်ပါသွားပြီး ဘူဂေးရီးယားနှင့် မြန်မာသင်္ဘောသားတွေဖြစ်ကြတယ်လို့ပြောပါတယ်။ သို့သော် မြန်မာသင်္ဘောသား ဘယ်နှစ်ဦးလိုက်ပါသွားတယ်ဆိုတာကိုတော့ သတင်းတွေမှာဖော်ပြမထားပါဘူး။

သင်္ဘောဟာ တောင်ကိုရီးယားမှထွက်ခွာခဲ့ပြီး ဒီဇင်ဘာ ၄ရက်နေ့မှာ စင်္ကာပူမှာ ခရီးတစ်ထောက်ဆိုက်ကပ်ခဲ့တာဖြစ်ပြီး တူရကီနိုင်ငံ ဂမ်လစ်မြို့မှာ နောက်ဆုံးဆိုက်ကပ်ဖို့ရှိတာဖြစ်တယ်လို့သိရပါတယ်။

အဆိုပါသင်္ဘောပျောက်ဆုံးနေမှုနှင့်ပတ်သက်လို့ သင်္ဘောကုမ္ပဏီက နိုင်ငံတကာအဖွဲ့အစည်များနှင့်ဆက်သွယ်ဆောင်ရွက်နေ တယ်လို့ ပြောပါတယ်။ The Ruen  သင်္ဘောကို ဆိုမာလီပင်လယ်ဓားပြတွေ ပြန်ပေးဆွဲသွားတာဖြစ်နိုင်တယ်လို့လည်း အချို့ သတင်းတွေမှာ ရေးသား ထားပါတယ်။

-ymg/knl

#Daily_News
Published 18 December 2023

၁။ ရွှေစက်တော်ဘုရားပွဲ ဖေဖော်ဝါရီလထဲ စတင်ကျင်းပမည်၊ မနှစ်ကထက် တည်းခိုဆောင်ပိုများနိုင်

၂။ တောင်သူလက်ထဲ လက်ကျန်နည်းပါးချိန် စပါးဈေးနှုန်းများ မြင့်တက်လာ

၃။ မူဆယ် ၁၀၅ မိုင် အနီး တိုက်ပွဲပြင်းထန်လာသည့်အတွက် နမ့်ခွမ်စစ်ရှောင်စခန်း ပြောင်းရွှေ့ရ

၄။ အီဂျစ်တွင် ယနေ့ထက်တိုင် လူကြိုက်များနေဆဲဖြစ်ပြီး အဓိကအစားအစာဖြစ်နေသည့် ဘယာကြော် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published-18 December 2023

အင်းလေးကန်၌ နှုန်းဖမ်းဆည်ငယ် သုံးခု တည်ဆောက်လျက်ရှိပြီး တစ်နှစ်ပတ်လုံး သဲနှုန်းကျွင်း (၅၀၀၀၀) တူးဖော်ရန်လျာထားကြောင်းညောင်ရွှေမြို့ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ သိရသည်။

၂၀၂၃ - ၂၀၂၄ ဘဏ္ဍာရေးနှစ်အတွင်း အင်းလေးကန်ထိန်းသိမ်းစောင့်ရှောက်ရေး စီမံကိန်းအနေဖြင့် ပြည်ထောင်စုခွင့်ပြုရန်ပုံငွေ ကျပ်သန်း (၇၀၀) ဖြင့် ဆောင်ရွက်လျက်ရှိရာ နှုန်းဖမ်းဆည်ငယ် (၃) ခု တည်ဆောက်သည့်လုပ်ငန်းမှာ လက်ရှိအချိန်အထိ (၄၀) ရာခိုင်နှုန်းပြီးစီးပြီဖြစ်ကြောင်းသိရသည်။

ထို့အပြင် သဲနှုန်းတူးဖော်ခြင်းလုပ်ငန်း များဆောင်ရွက်လျှက်ရှိပြီး တစ်နှစ်လုံး သဲနှုန်းကျွင်း (၅၀၀၀၀) တူးဖော်ရန် စီမံလျာထားရာ လက်ရှိတွင် (၃၈၉၀၀) ခန့် ပြီးစီပြီဖြစ်ကြောင်းသိရသည်။

ထိုသို့ဆောင်ရွက်လျက်ရှိရာ နှုန်းဖမ်းဆည်ငယ် (၃) ခု တည်ဆောက်ရာတွင် (၄၀) ရာခိုင်နှုန်း၊ သဲနှုန်းတူးဖော်ခြင်းလုပ်ငန်းတွင် (၇၈) ရာခိုင်နှုန်း၊ ရေမှော်ရှင်းလင်းခြင်းလုပ်ငန်းတွင် (၃၀) ရာခိုင်နှုန်း၊ ကျွန်းမျောရှင်းလင်းခြင်းလုပ်ငန်းများတွင် (၅၄) ရာခိုင်နှုန်းဆောင်ရွက်ပြီးဖြစ်ကြောင်း သိရသည်။

တစ်နှစ်လုံး ဆောင်ရွက်ရန် လျာထားချက်မှာ ဧက (၁၂၀) ဖြစ်ပြီး (၆၅) ဧက ဆောင်ရွက်ပြီးစီးနေပြီဖြစ်သည့်အတွက် ရာခိုင်နှုန်းအားဖြင့် (၅၄) ရာခိုင်နှုန်းဆောင်ရွက်ပြီးဖြစ်ကြောင်း ၊ အင်းလေးကန်ထိန်းသိမ်းစောင့် ရှောက်ရေး စီမံကိန်းတစ်ခုလုံးအနေဖြင့်(၇၈) ရာခိုင်နှုန်း ပြီးစီးနေပြီဖြစ်ကြောင်းသိရသည်။

အဆိုပါ အင်းလေးကန် စိမ်းလန်းစိုပြေစေရေးလုပ်ငန်းနှင့် ရေရှည်တည်တံ့ရေးနှင့် ခရီးသွားလုပ်ငန်းကို အထောက်အကူဖြစ်စေသည့် ထိန်းသိမ်းရေးလုပ်ငန်းများကို နှစ်စဉ် ပြည်ထောင်စုခွင့်ပြုရန်ပုံငြွေဖင့် လုပ်ဆောင်လျက်ရှိကြောင်း သိရသည်။
Yangon-Times/NN
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

Published 18 December 2023

   လမ်းပိုင်းအနေထားအရ ယာဉ်ကြောပိတ်ဆို့မှု ဖြစ်သဖြင့် မြဝတီ-ထို့ကော်ကိုးလမ်းအား ဒီဇင်ဘာ၁၈ ရက်မှစတင်ကာ မော်တော်ယာဉ်များဖြတ်သန်းသွားလာမှုကို အတက်/အဆင်း တစ်ရက်စီ သာ သွားလာရတော့မည်ဖြစ်ကြောင်း မြဝတီမြို့သို့ပြေးဆွဲနေသည့် ယာဉ်မောင်းသူများထံ ကသိရသည်။

   မြဝတီ-ကော့ကရိတ် အာရှလမ်းမကြီး မှာ တိုက်ပွဲများကြောင့်  ဖြတ်သန်းသွားလာခွင့်မရရှိသဖြင့် ခရီး သည်တင်ယာဉ်များနှင့် ကုန်စည်ပို့ဆောင်ရေးယာဉ်များမှာ မြဝတီ-ထို့ကော်ကိုးလမ်းကြောင်းမှတဆင့် ဖြတ်သန်းသွားလာနေရကြောင်း သိရသည်။

  ထိုသို့ သွားလာရာတွင် လမ်းပိုင်းအနေထားမကောင်းခြင်း၊ မော်တော်ယာ‌ဉ်များဖြတ်သန်းသွားလာမှုများပြားခြင်းတို့ကြောင့် ယာဉ်ကြောပိတ်ဆို့မှုများ ဖြစ်သည့်အတွက်ယခုကဲ့သို​့  အလှည့်ကြ အတက်/အဆင်း တစ်ရက်စီသတ်မှတ်ရခြင်းဖြစ်ကြောင်း သိရသည်။

  ထို့ကြောင့် မြဝတီ-ထို့ကော်ကိုးလမ်းအား မနက်ဖြန် ဒီဇင်ဘာ ၁၈ ရက်မှစတင်ကာ အတက်ရက်ဖြစ်သတ်မှတ်မည်ဖြစ်ပြီး ဒီဇင်ဘာ ၁၉ ရက်တွင် အဆင်းနေ့အဖြစ်သတ်မှတ်မည်ဖြစ်ကြောင်း သိရသည်။
Yangon-Times/LW
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

ဥရာပ ၊ဂျပန် ၊ကိုရီးယားနိုင်ငံတွေက စပါယ်ရှယ်ကော်ဖီနဲ့ တရုတ် ၊ထိုင်းကတော့ကာ်မာရှယ်ကော်ဖီ အရာင်းအဝယ်ဖြစ်တယ်၊ တစ်ချို့လည်း မထွက်ခင်ကထဲက အဆက်အစပ်ရှိတဲ့သူတွေက စထဲက ကမ်းလှမ်ကြတာပေါ့နော်၊ တစ်ချို့လည်း အခုမှလိုက်ပြီးတော့ စုံစမ်းဝယ်ယူနေတာပေါ့
Yangon-Times/NN
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

Published 18  December 2023

စစ်ကိုင်းတိုင်းဒေသကြီး၊ မုံရွာမြို့နယ်၊ သလ္လာဝတီရပ်ကွက်၊ သလ္လာဝတီဇာတ်ဆိပ်တွင် ကုန်တင်အမြန်ရေယာဉ် တစ်စီး မီးလောင်မှု ဖြစ်ပွားကြောင်း မြန်မာနိုင်ငံ မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

  ဒီဇင်ဘာ ၁၈ ရက် နေ့လည် ၁နာရီ ၆မိနစ် အချိန် ခန့်က ဖြစ်ပွားခဲ့ခြင်း ဖြစ်ကာ ကုန်တင်အမြန်ရေယာဉ်၏ အင်ဂျင်ခန်း မီးလောင်မှုဖြစ်ကြောင်း သိရသည်။

 မီးလောင်မှုဖြစ်ပွားကြောင်း သတင်းရရှိသဖြင့် မုံရွာခရိုင်/မြို့နယ်မီးသတ်စခန်းမှ မီးငြှိမ်းသတ်ယာဉ်(၃) စီး၊ ရေသယ်ယာဉ်(၃)စီး၊ ကမ်းနားမီးသတ်စခန်းမှ မီးငြှိမ်းသတ်ယာဉ်(၁)စီး၊ အရန်မီးသတ်စခန်းများမှ မီးငြှိမ်းသတ်ယာဉ်(၄)စီး၊ ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာ နေ့လည်၁နာရီ ၃၀ မိနစ်အချိန် တွင် မီးငြိမ်းခဲ့ကြောင်း သိရသည်။

 မီးလောင်သည့်အကြောင်းရာနှင့် ထိခိုက်ဒဏ်ရာရရှိသူ အခြေနေများကို သက်ဆိုင်ရာက စစ်ဆေးလျက်ရှိကာ သတင်းထုတ်ပြန်ခြင်းမရှိသေးကြောင်း သိရသည်။
Yangon-Times/LW
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

အယ်နီညိုသက်ရောက်မှုကြောင့် မတ်လမတိုင်မီ တစ်လစောပြီး ဖေဖော်ဝါရီလမှာ စပြီးပူမှာဖြစ်တယ်။ ပုံမှန်ထက်ပိုစောပြီး ပူမှာဖြစ်တဲ့အတွက် နှစ်စဉ်ကြုံတွေ့နေကျဖြစ်တဲ့‌ သောက်သုံးရေနဲ့ စိုက်ပျိုးရေ ရှားပါးမှုပြဿနာတွေ ကြုံတွေ့နိုင်တယ်။ မိုးလေဝသနှင့် ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူးဦးလှထွန်း
Yangon-Times/tthl
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

စားဖို့အတွက် ဆန်အဓိကလိုအပ်တာမို့ တတ်နိုင်ရင်ဆန် လှူဒါန်းပေးစေချင်ပါတယ်

ရှမ်းပြည်နယ် မူဆယ် ၁၀၅ မိုင်အနီး တိုက်ပွဲတွေ ပိုမိုပြင်းထန်လာတဲ့အတွက် နမ့်ခမ် စစ်ရှောင်စခန်းကို ဘေးကင်းတဲ့ နေရာဖြစ်တဲ့ မူဆယ်မြို့အနီး လွယ်တိန်ခမ်း တောင်ပေါ်ရှိ ဘုန်းတော်ကြီးကျောင်းကို ပြောင်းရွှေ့နေရတယ်လို့ စစ်ရှောင်စခန်း တာဝန်ခံစီက သိရပါတယ်။
Yangon-Times/LW
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

လွန်ခဲ့တဲ့ တစ်လစပါးထွက်ချိန်မှာ တင်း၁၀၀ကို ၁၆သိန်းကနေ လက်ရှိမှာ ၁၈သိန်းခွဲ၊ ၁၉သိန်းလောက် ဖြစ်လာတယ်၊တောင်သူ၁၀မှာ နှစ်ယောက်သုံးယောက်လောက်ပဲ လက်ကျန်ရှိတော့တယ်။ တစ်လအတွင်းမှာဈေးကတင်း၁၀၀ကို နှစ်သိန်းကျော်လောက်ကွာသွားတယ်။
Yangon-Times/NN
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

"မနှစ်က ရွှေစက်တော်ဘုရားပွဲတော်ကို အကျဉ်းသာလုပ်ခဲ့ပြီး အခုနှစ်မှာတော့ သဲသောင်ပြင်တစ်ခုလုံး သဲကြောင်းတစ်ခုလုံးလေလံပစ်ဖိုရှိလို့ တည်းခိုဆောင်တွေ ပိုများလာနိုင်တယ်" မန်းရွှေစက်တော်ရတနာတည်းခိုဆောင်မှတာဝန်ရှိသူတစ်ဦး
Yangon-Times/tthl
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

Published 18 December 2023

ရန်ကုန်တိုင်းအတွင်း ရှိ မြို့နယ် များ တွင် တရားမ၀င် လျှပ်စစ်ဓါတ်အားသုံးစွဲမှု မရှိစေရန် အတွက် စီမံချက် ဖြင့် တာဝန်ရှိသူများ က မြို့နယ် အလိုက် စစ်ဆေးမှု များ ပြုလုပ်လျက်ရှိကြောင်း လျှပ်စစ်စွမ်းအား ၀န်ကြီးဌာန၊ရန်ကုန်လျှပ်စစ်ဓါတ်အားပေးရေးကော်ပိုရေးရှင်း ထံ မှ သိရသည်။

ရန်ကုန်လျှပ်စစ်ဓါတ်အားပေးရေးကော်ပိုရေးရှင်း အနေဖြင့် မြို့နယ်များ တွင် ဓါတ်အားပျောက်ဆုံးမှုလျော့နည်းကဆင်းရေး၊တရားမ၀င်ဓါတ်အားသုံးစွဲမှု များ မရှိစေရေး၊ဓါတ်အားခကြွေးကျန် များလျော့နည်း ကျဆင်းရန် အတွက် မြို့နယ် လျှပ်စစ်မန်နေဂျာရုံး၏ ကြီးကြပ်မှု ဖြင့် စစ်ဆေးဆောင်ရွက်လျက်ရှိကြောင်း သိရသည်။

ထိုသို့ ဆောင်ရွက်ရာ တွင် စီမံချက် ဖြင့် မြို့နယ် အတွင်း အဖွဲ့ခုနှစ်ဖွဲ့ ဖွဲ့စည်းပြီး အဖွဲ့အလိုက် နယ်မြေများ သတ်မှတ် ကာ ခရိုင် လျှပ်စစ်မန်နေဂျာ၊လျှပ်စစ်အင်ဂျင်နီယာ တို့ က ဦးဆောင်ပြီး တရားမ၀င် ဓါတ်အားသုံးစွဲမှု မရှိစေရန် ရပ်ကွက် အလိုက် လမ်းအလိုက် ကွင်းဆင်း စစ်ဆေးကြောင်း သိရသည်။

ရန်ကုန်လျှပ်စစ်ဓါတ်အားပေးရေးကော်ပိုရေးရှင်း အနေဖြင့် ရန်ကုန်တိုင်းအတွင်း စဉ်ဆက်မပြတ် ဓါတ်အားပေးရေးနိုင်ရေးနှင့် ဓါတ်အားခွဲရုံများ ကြံခိုင်ကောင်းမွန်ရေး၊ထရန်စဖော်မာများမီးလောင်ကျွှမ်းမှု မရှိစေရန် ကိုလည်းဆောင်ရွက်လျက်ရှိကြောင်း သိရသည်။
Yangon-Times/LW
#Local_News
#Published 18 December 2023
#Yangon_Times #Daily_News #YMG_News #Yangon_Media_Group

Published_ 18 December 2023

ကမ္ဘောဒီးယား နိုင်ငံ၊ ဖနောင်ပင်မြို့ရှိ Koh Pich Convention and Exhibition Center ပြခန်းမ၌ ကျင်းပပြုလုပ် သည့် (၁၆) ကြိမ်မြောက် ကမ္ဘောဒီးယား သွင်းကုန်-ပို့ကုန် ကုန်စည်ပြပွဲ (16th Cambodian and Import-Export Goods Exhibition- CIEGE) ၌ မြန်မာနိုင်ငံအပါအဝင် နိုင်ငံပေါင်း (၁၇)နိုင်ငံမှ ကုမ္ပဏီပေါင်း (၁၃၆) ခုတို့က ပြခန်းပေါင်း(၂၃၂)ခု ပါဝင်ပြသခဲ့ကြောင်း သိရပါတယ်။

ကမ္ဘောဒီးယားနိုင်ငံဆိုင်ရာ မြန်မာသံအမတ်ကြီး ဦးသစ်လင်းအုန်း သည် ဖနောင်ပင်မြို့ရှိ Koh Pich Convention and Exhibition Center ပြခန်းမ၌ ကျင်းပပြုလုပ် သည့် ကုန်စည်ပြပွဲ ဖွင့်ပွဲအခမ်းအနားသို့ တက်ရောက်ခဲ့ပါတယ်။

အဆိုပါကုန်စည်ပြပွဲကို ကမ္ဘောဒီးယားနိုင်ငံ၊ ကူးသန်း ရောင်းဝယ်ရေးဝန်ကြီးဌာန၊ ခေတ္တ ဝန်ကြီး H.E. KEM Sithan က တက်ရောက်ဖွင့်လှစ်ပေးခဲ့ပြီး မြန်မာနိုင်ငံအပါအဝင် နိုင်ငံပေါင်း (၁၇)နိုင်ငံမှ ကုမ္ပဏီပေါင်း (၁၃၆) ခုတို့က ပြခန်းပေါင်း(၂၃၂)ခု ခင်းကျင်းပြသနေတာ ဖြစ်ပါတယ်။

ကုန်စည်ပြပွဲတွင် မြန်မာနိုင်ငံမှ အောင်နေလင်းထွန်း (ကမ္ဘောဒီးယား) ကုမ္ပဏီ လီမိတက်က Genius အမှတ်တံဆိပ် မြန်မာကော်ဖီနှင့် ရွှေဘိုပေါ်ဆန်းအသင်းဗဟို က မြန်မာနိုင်ငံ၏ GI ထွက်ကုန် ဖြစ်သည့် ရွှေဘိုပေါ်ဆန်း ဆန်ကို ပြခန်းများ ဖွင့်လှစ်၍ ခင်းကျင်းပြသ ရောင်းချလျက်ရှိကြောင်း သိရပါတယ်။
ymg_mnn
#Local_News
#Published 18 December 2023
#Yangon_Times #Daily_News #YMG_News #Yangon_Media_Group