#World_Health
Published 20 January 2024

ကျန်းမာရေးနဲ့ သင့်လျော်ပြီး ညီညွတ်မျှတစွာ စားသုံးခြင်း၊ ပုံမှန်လေ့ကျင့်ခန်း ပြုလုပ်ခြင်းတို့ဖြင့် ကိုယ်အလေးချိန်ချဖို့ကို အကူအညီဖြစ်စေနိုင်ပါတယ်။

အောင်မြင်စွာ ဝိတ်ချဖို့ရာ ရည်မှန်းချက်နဲ့ ဇွဲရှိဖို့က အရေးကြီးတယ်လို့ ကနေဒါမှ ထရိန်နာ မိုက်ကယ်ဟမ်လင်းက ပြောပြပါတယ်။

ကယ်လိုရီတွေ လောင်ကျွမ်းစေပြီး ကိုယ်အလေးချိန်ချဖို့ အကူအညီဖြစ်စေတဲ့ နည်းလမ်းများကို ဖော်ပြသွားပါတယ်။

 
(၁) ရယ်မောခြင်း

တစ်နေ့ကို ၁၀ မိနစ်  ၁၅ မိနစ်ခန့် ရယ်မောခြင်းဖြင့် ၄၀ ကယ်လိုရီလောက် ကျနိုင်တဲ့အပြင် ဝိတ်တက်ခြင်းနဲ့ ဆက်စပ်နေတဲ့ ကော်တီဆောလ်ဟော်မုန်းကို လျော့ကျစေပါတယ်။

 
(၂) သွားလိုသည့်နေရာကနေ ကားကိုအနည်းငယ်ကွာဝေးစွာပါကင်ထိုးခြင်း

ကားပါကင်ထိုးတဲ့အခါ သွားရမယ့်နေရာကနေ ခပ်လှမ်းလှမ်းထိုးသင့်ပြီး လမ်းလျှောက်တဲ့အချိန် ပိုရလာမှာဖြစ်ပါတယ်။

 
(၃) စားသောက်ပြီးနောက် လမ်းလျှောက်ခြင်း

ထမင်းစားပြီးနောက် လမ်းလျှောက်ပေးပါက အစားအစာမှ စွမ်းအင်တွေကို ဆဲလ်တွေထဲသို့ ပို့ပေးကာ သွေးတွင်းသကြားဓာတ်ကို နည်းပါးစေပါတယ်။

 
(၄) အိမ်မှုကိစ္စပြုလုပ်ခြင်း

အိမ်သန့်ရှင်းရေးပြုလုပ်ခြင်း၊ ဥယျာဥ်ခြံထိန်းသိမ်းခြင်းတို့ဖြင့် ကယ်လိုရီ ၁၀၀ ကျော်ကနေ ၂၀၀ လောက်အထိ ကျဆင်းနိုင်ပါတယ်။

 
(၅) အနီးနားကူးလူးလျှောက်သွားတတ်ခြင်း

အလုပ်ခွင်နေရာ၊ နေထိုင်ရာအခန်း၊ ပတ်ဝန်းကျင်သို့ ရောက်တဲ့အခါမှာ လမ်းလျှောက်သွားလာတတ်တဲ့ အကျင့်ကလည်း ဖိစီးမှုတွေ ပြေပျောက်စေတဲ့အပြင် ခြေဖျားလက်ဖျားများ တောင့်တင်းခြင်းကို သက်သာစေပါတယ်။

 
(၆) အသက်ပြင်းပြင်းရှူခြင်း

အစားမစားခင်မှာ ၄ ကြိမ် ၅ ကြိမ်ခန့် အသက်ပြင်းပြင်းရှူသွင်း ရှူထုတ်ပြုလုပ်ခြင်းဖြင့် ကယ်လိုရီပိုမိုလောင်ကျွမ်းစေပြီး ဇီဝကမ္မဖြစ်စဥ်များကို လှုံ့ဆော်ပေးပါတယ်။

 
(၇) ရေအေးချိုးခြင်း

ချမ်းအေးတဲ့အပူချိန်နဲ့ ထိတွေ့တဲ့အခါ အဆီညိုတွေ လှုံ့ဆော်ပေးကာ ကယ်လိုရီလောင်ကျွမ်းစေပြီး ခန္ဓာကိုယ်အပူချိန်ကို ထိန်းသိမ်းပေးပါတယ်။

 
(၈) ခြေသလုံးလေ့ကျင့်ခန်းလုပ်ခြင်း

အိမ်မှုကိစ္စများ ပြုလုပ်စဥ် ခြေသလုံးထိရောက်တဲ့ လေ့ကျင့်ခန်းများ ပြုလုပ်သင့်ပြီး ခြေထောက်မြှောက်တာမျိုးတွေ ပြုလုပ်နိုင်ပါတယ်။

 
(၉) လုံလောက်စွာ အိပ်စက်ခြင်း

ကောင်းစွာအိပ်စက်တဲ့အခါ ဟော်မုန်းတွေ ထိန်းညှိစေပြီး အလွန်အကျွံစားခြင်းမှ ကာကွယ်ပေးပါတယ်။

 
(၁၀) နေ့စဥ်ခြေလှမ်းအရေအတွက် သတ်မှတ်ခြင်း

လူအများစု လုံလောက်စွာ လမ်းမလျှောက်ဖြစ်တာဟာ သေချာမမှတ်ထားလို့ဖြစ်ပြီး စက်ပစ္စည်းတစ်ခုခုဖြင့် မှတ်သားထားခြင်းက ထိရောက်စေမှာ ဖြစ်ပါတယ်။

#World_Health #အားကစားခန်းမသို့မသွားဘဲ #ကိုယ်အလေးချိန်ကျစေသည့်နည်းလမ်း #Source: New York Post

#World_Health
Published 20 January 2024

လွန်ခဲ့တဲ့ ဆယ်စုနှစ်တစ်ခုခန့်က ကမ္ဘာတဝှမ်းမှာ မှိုရောဂါကူးစက်မှုကြောင့် နှစ်စဥ်သေဆုံးသူ ၂ သန်းခန့် ရှိခဲ့မယ်လို့ ခန့်မှန်းထားရာကနေ လတ်တလော တွေ့ရှိချက်များအရ ၃.၈ သန်းခန့်ရှိလာရာ ၂ ဆနီးပါး များလာပါတယ်။

ဒီအရေအတွက်ဟာ ကမ္ဘာတဝှမ်း စုစုပေါင်းသေဆုံးစာရင်းရဲ့  ၆.၈ ရာခိုင်နှုန်းဝန်းကျင် ရှိနေပါတယ်။

ဒီအချက်အလက်တွေကို နှိုင်းယှဥ်ပါက မှိုရောဂါကူးစက်မှုတွေက အသက်အန္တရာယ်ကို သိသိသာသာ ခြိမ်းခြောက်နေပါတယ်။

အဆုတ်ရောင်ရောဂါကြောင့် ၂,၆၀၀,၀၀၀ ဦး၊ တီဘီကြောင့် ၁,၂၀၈,၀၀၀ ဦးရှိနေပြီး ဆေးလိပ်ကြောင့်အဆုတ်ရောဂါဖြင့် သေဆုံးသူပေါင်း ၃,၂၂၈,၀၀၀ ရဲ့ ၃ ပုံ ၁ ပုံခန့်ရှိနေပါတယ်။

မှိုရောဂါရှာဖွေရေးများ တိုးတက်လာပေမယ့် အသုံးချနိုင်စွမ်းကတော့ အကန့်အသတ်ရှိနေပါတယ်။

Aspergillus ကူးစက်မှုမျိုးကို အချိန်မီတွေ့ရှိပါက နှစ်စဥ်အသက်ပေါင်း သန်းနဲ့ချီ ကယ်ဆယ်နိုင်မှာ ဖြစ်ပါတယ်။

Aspergillus fumigatus နဲ့ Aspergillus flavus တို့ဟာ အသက်အန္တရာယ်ရှိတဲ့ အဆုတ်ရောဂါများ ဖြစ်စေပါတယ်။

ရင်ကြပ်၊ တီဘီ၊ အဆုတ်ကင်ဆာ၊ သွေးကင်ဆာ၊ အင်္ဂါအစားထိုးခွဲစိတ်ခြင်းတို့ဟာ ကူးစက်နိုင်ခြေ မြင့်မားပါတယ်။

ရောဂါမှားယွင်းတွေ့ရှိခြင်း၊ စမ်းသပ်မှု မလုံလောက်ခြင်း၊ ဆေးရှားပါးခြင်းတို့ကြောင့် ရောဂါဖြစ်ပွားမှု များပြားလာရပါတယ်။

ကောက်ပဲသီးနှံတွေမှာ မှိုသတ်ဆေးတွေ မခွဲခြားဘဲ အသုံးပြုနေတာကလည်း ဆေးယဥ်ပါးလာကာ ကုသရန်ခက်ခဲလာပါတယ်။

Aspergillus နဲ့ Candida ကူးစက်သူများကြား ကိုဗစ်ကပ်ရောဂါ ပြဿနာကလည်း ပိုမိုခက်ခဲစေပါတယ်။

မှိုရောဂါများနဲ့ အသက်ရှူလမ်းကြောင်းဆိုင်ရာ ဗိုင်းရပ်စ်များကြား ဆက်နွယ်ကူးစက်မှုတွေကြောင့် မှိုမည်းလို့ခေါ်တဲ့ ရောဂါကလည်း အိန္ဒိယမှာ အဖြစ်များလာပါတယ်။

#World_Health #မှိုရောဂါကူးစက်မှု #ဆယ်စုနှစ်တစ်ခုအတွင်းနှစ်ဆမြင့်တက် #Source: WION

လတ်တလော စီးပွားရေးကြပ်တည်းလာတဲ့ နှစ်များအတွင်း စားနပ်ရိက္ခာ မလုံလောက်မှုပြဿနာ ကြုံတွေ့နေရတဲ့ ဆီးရီးယားနိုင်ငံဟာ အမေရိကန်နဲ့ အနောက်တိုင်းနိုင်ငံများမှ ဒဏ်ခတ်ပိတ်ဆို့မှုများကြောင့် ပိုမိုဆိုးရွားလာကြောင်း ကုလသမဂ္ဂ အစားအစာနှင့် စိုက်ပျိုးရေးအဖွဲ့အစည်း (FAO)မှ အရာရှိတစ်ဦးက ပြောကြားလိုက်ပါတယ်။
#World_Crisis
Published_ 19 January 2024
#စားနပ်ရိက္ခာမလုံလောက် #ဆီးရီးယားနိုင်ငံ
#Yangon_Times #YMG_News #Yangon_Media_Group

၁၉ ဇန်နဝါရီ ၂၀၂၄

အစ္စလမ်မာဘတ် (AFP) - ယခုသီတင်းပတ်အတွင်း အီရန်ရှိ စစ်သွေးကြွပစ်မှတ်များကို လေကြောင်းမှလက်တုန့်ပြန်၍ ကြောက်မက်ဖွယ် တိုက်ခိုက်မှုများ ပြုလုပ်ပြီးနောက် ပါကစ္စတန် ၀န်ကြီးချုပ်သည် သောကြာနေ့တွင် အရေးပေါ် လုံခြုံရေး အစည်းအဝေး ပြုလုပ်မည်ဖြစ်သည်။

နှစ်နိုင်ငံကြားမျှဝေထားသည့် အလွယ်တကူဖြတ်သန်းနိုင်သော Baluchistan နယ်စပ်ရှိ ရှားရှားပါးပါး စစ်ရေး လှုပ်ရှား မှုများသည် အစ္စရေး-ဟားမတ်စ်စစ်ပွဲကြောင့် ပေါ်ပေါက်နေသည့်ဒေသတွင်း တင်းမာမှုများအပေါ် ပို၍ဆွပေးသလိုဖြစ်စေ ခဲ့သည်၊။

အင်္ဂါနေ့ညက ပါကစ္စတန်ရှိ အကြမ်းဖက်သမားပစ်မှတ်များဆိုသည့်နေရာတွေကို အီရန်က ဒုံးကျည်နှင့် ဒရုန်းတို့ဖြင့် တိုက်ခိုက်ခဲ့ပြီး အပြန်အလှန်အားဖြင့် ပါကစ္စတန်က အီရန်နိုင်ငံအတွင်း စစ်သွေးကြွပစ်မှတ်တွေကို ကြာသပတေးနေ့မှာ ပစ်ခတ်တိုက်ခိုက်ခဲ့သည်။

ပါကစ္စတန်သည် တီဟီရန်မှ ယင်း၏သံအမတ်ကို ပြန်ခေါ်ခဲ့ပြီး အီရန်မှ အစ္စလမ်မာဘတ်သို့ပြန်လာမည့် သံအမတ်၏ အိမ်ပြန် ခရီးကို အီရန်က ပိတ်ဆို့ထားသည်ဟု သံအမတ်ကပြောသည်။

ကုလသမဂ္ဂနှင့် အမေရိကန်တို့က ချုပ်ထိန်းကြရန် မေတ္တာရပ်ခံခဲ့ကြပြီး တရုတ်ကလည်း ကြားဝင် ဖျန်ဖြေရန် ကမ်းလှမ်း ခဲ့သည်။

“ဝန်ကြီးချုပ်က ဒီနေ့မှာ အမျိုးသားလုံခြုံရေးကော်မတီအစည်းအဝေးကို ကျင်ပဖို့ဆင့်ခေါ်ထားပါတယ်” ဟု ယင်း၏ရုံးမှ ပြောရေးဆိုခွင့်ရှိသူတစ်ဦးက အေအက်ဖ်ပီသို့ ပြောကြားခဲ့သည်။

ကြည်းတပ်ဦးစီးချုပ်နှင့် ထောက်လှမ်းရေးအဖွဲ့ အကြီးအကဲတို့သည် မွန်းလွဲပိုင်း အစည်းအဝေးသို့ တက်ရောက် မည်ဖြစ်ကြောင်း အစ္စလမ်မာဘတ် လုံခြုံရေးအရာရှိတစ်ဦးက ပြောကြားခဲ့သည်။

တိုက်ခိုက်မှုများပြီးသည်နောက် ပါကစ္စတန်နိုင်ငံ ခေါင်းဆောင် Anwaar-ul-Haq Kakar သည် ဆွစ်ဇာလန်နိုင်ငံ ဒါးဗို့စ်တွင် ကျင်းပသည့် ကမ္ဘာ့စီးပွားရေးဖိုရမ်ခရီးစဉ်ကို ချုံ့ပစ်ခဲ့သည်။

သူ၏ အိမ်စောင့်အစိုးရသည် ပါကစ္စတန်ကို သုံးပတ်သာ လိုတော့သော အထွေထွေ ရွေးကောက်ပွဲသို့ ဦးတည်သွားနေပြီး မဲအကြိုမသမာမှု စွပ်စွဲချက်များဖြင့် ရုပ်ပျက်ဆင်းပျက် ဖြစ်နေသည်။

တီဟီရန်နှင့် အစ္စလာမာဘတ်တို့ကလည်း ၎င်းတို့သည် ပြည်ပနယ်မြေများတွင် ခိုလှုံနေသည့် ယင်းတို့၏ ပြည်တွင်းစစ်သွေးကြွများကို တိုက်ခိုက်ခဲ့ခြင်းဖြစ်သည်ဟု အပြန်အလှန်ပြောထားကြသည်။

စစ်သွေးကြွများ ဆယ်စုနှစ်များစွာ အုံကြွနေသော မိုးနည်းရေရှားဒေသကို ပိုင်းခြားထားသည့် နယ်စပ်နှစ်ဖက်စလုံးတွင် စုစုပေါင်းသေဆုံးသူ ၁၁ ဦးရှိပြီး အများစုမှာ အမျိုးသမီးများနှင့် ကလေးငယ်များဖြစ်သည်ဟုသိရသည်။

“ဟယ်လီကော်ပတာတွေက ခေါင်းပေါ်ကနေ ပျံတက်ပြီး အီရန်တိုက်ခိုက်ခဲ့တဲ့နေရာကို ဦးတည်သွားပေမယ့် ဘာဖြစ်သွားခဲ့မှန်း ကျွန်တော်တို့ မသိပါဘူး” ဟု ဒုံးကျည်ထိမှန်သည့်နေရာမှ ၅ ကီလိုမီတာအကွာရှိ ဘာသာရေးကျောင်းငယ်တစ်ခု၏ ဝတ်ပြုအဖွဲ့ခေါင်းဆောင် အသက် ၂၄နှစ်အရွယ် Maulana Mohammad Sadiq ကြာသပတေးနေ့တွင် AFP သို့ပြောကြားခဲ့ သည်။

နှစ်ဖက်ကြား ဆက်ဆံရေး ယိုယွင်းလာခြင်းကြောင့် နယ်စပ်ကို ပိတ်ထားရပြီး ဒေသခံများ အလုပ်အကိုင်နှင့် စားနပ်ရိက္ခာ တင်သွင်းမှုများကို မှီခိုနေရသည့် အီရန် ကုန်သွယ်မှုမှ ဖြတ်တောက်ခံရမည်ကို ရွာသားများက စိုးရိမ်နေကြသည်။

.

“အီရန်နိုင်ငံသားတွေ နယ်စပ်ကို ပိတ်လိုက်ရင် လူတွေ ငတ်ပြီး လူငယ်တွေက ခွဲထွက်ရေး အဖွဲ့တွေနဲ့ ပူးပေါင်းမှာ ဖြစ်လို့ စစ်သွေးကြွတွေ ပိုဖြစ်လာလိမ့်မယ်” ဟု အသက် ၅၅ နှစ်အရွယ် ဟာဂျီ မိုဟာမက် အစ္စလာမ်က ပြောကြားခဲ့သည်။

Baluch ခွဲထွက်ရေးသမားများသည် တွင်းထွက်သယံဇာတများဝေစုများပိုမိုရရှိရေးအတွက် ကောင်းကောင်းမအုပ်ချုပ်နိုင်ဘဲ ရှိသည့်ဆင်းရဲနွမ်းပါးသောဒေသမှနေ၍ ပါကစ္စတန်အာဏာပိုင်များကို ဆန့်ကျင်ကာ အဆင့်နိမ့်သောင်းကျန်းမှုများကို ဆယ်စုနှစ်များကြာအောင် ဆင်နွှဲလျက်ရှိသည်။

သူပုန်ထမှုကို စစ်တပ်က နှိမ်နင်းမှုတွင် ပျောက်ဆုံးမှုနှင့် တရားလက်လွတ် သတ်ဖြတ်မှုများ ကျယ်ကျယ်ပြန့်ပြန့် လုပ်ဆောင် ခဲ့သည်ဟု လူ့အခွင့်အရေးအုပ်စုများကပြောထားသည်။

၂၀၂၁ ခုနှစ်တွင် တာလီဘန်များ အာဏာပြန်ရလာပြီးနောက် ပါကစ္စတန်နှင့် အာဖဂန်နစ္စတန်နယ်စပ်တွင် စစ်သွေးကြွရန်လိုမှု များ သိသိသာသာ မြင့်တက်လာသည်။

Source AFP

#Daily_News
Published_ 19 January 2024

၁။ ဗိုလ်တထောင်တွင် အစ်မတော်မြနန်းနွယ်မွေးနေ့ အလှူပွဲများ ကျင်းပနေ

၂။ ထိုင်းနိုင်ငံသို့ မြန်မာ MoU အလုပ်သမားများကို ရန်ကုန်-ဒွန်မောင်းလေဆိပ်သို့လေကြောင်းမှတစ်ဆင့် စေလွှတ်ခွင့်ပြုပြီဟုဆို

၃။ မြန်မာ့မျှစ်ခြောက်ဝယ်ယူရန် ကမ်းလှမ်းသည့်နိုင်ငံများရှိသော်လည်း ဂျပန်သို့သာတင်ပို့နေ

၄။ စီးပွားရေးအကြပ်အတည်းများကြောင့် စားနပ်ရိက္ခာမလုံလောက်မှု ပြဿနာပိုမိုဆိုးရွားလာသည့် ဆီးရီးယားနိုင်ငံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 19 January 2024

မန္တလေး၌ ယမန်နေ့က ပျောက်ဆုံးခဲ့သည့် ကားစင်းလုံးအငှားဝန်​ဆောင်မှုလုပ်ငန်းလုပ်ကိုင်သူကို ယနေ့နေ့လည်ပိုင်း၌ မြောင်းထဲတွင်းေ-ဆုံးလျှက်ပြန်လည်တွေ့ရှိ ခဲ့ကြောင်း ဒေသခံများထံမှ သိရသည်။

ဖြစ်စဉ်မှာဇန်နဝါရီ ၁၈ ရက် နေ့လယ် ၁ နာရီခန့်တွင် ကားစင်းလုံးငှားဝန်ဆောင်မှုပေးသည့် ကိုဆန်းမျိုးမြင့်သည် မန္တလေးမှ ၇ မိုင်ကမ်းခြေသို့ ကားအငှားရရှိခဲ့ရာ လိုက်သွားပြီး ပြန်မလာ သောကြောင့် မိသားစုမှ လိုက်လံရှာဖွေခဲ့ရာ အုန်းချောတိုးရ်ဂိတ် CCTV မှတ်တမ်းအရ ကိုဆန်းမျိုးမြင့်ဟာ နေ့လယ် ၁ နာရီဝန်းကျင်တွင် ကိုယ်တိုင်မောင်းနှင်ဖြတ်သန်းသွားပြီး ညနေ ၅ နာရီဝန်းကျင် ကားပြန်မောင်းလာချိန်တွင်မူ မောင်းနှင်သူများမှာ အခြားသူများ ဖြစ်သွားပြီး ကိုဆန်းမျိုးမြင့်ပြန်ပါမလာ‌သောကြောင့် မိသားစုက တာဝန်ရှိသူတွေထံ တိုင်ကြားအကူအညီတောင်းခံပြီး လိုက်လံရှာဖွေရှာခဲ့‌ကြောင်း သိရသည်။

'cctv မှတ်တမ်းအရ အုန်းချော toll gate ကို နေ့လည် ၁နာရီဝန်းကျင်လောက်မှာဖြတ်ပါတယ်၊သူကိုယ်တိုင်မောင်းသွားတာပါ၊ ညနေ ၅ နာရီဝန်းကျင်မှာကားကပြန်ဖြတ်လာပါတယ်။ မောင်းတဲ့သူက အခြားသူဖြစ်သွားပါတယ်၊ သူပြန်ပါမလာတော့ပါဘူး၊ ဒီနေ့မှာ ကားတော့မတွေ့သေးဘူး၊ လူတော့ dead bodyတွေ့ပါပြီ၊ ၁၇မိုင်မြောင်းထဲက ပြန်ရတာပါ၊ 9P/4526 ကားကိုတော့ လုသွားတယ်'ဟု မိသားစုနှင့်နီးစပ်သူတစ်ဦးက ဆိုသည်။

လတ်တလောတွင် ကိုဆန်းမျိုးမြင့်၏အလောင်း ကိုပြန်လည်ရှာဖေတွေ့ရှိသေယ်လည်းေ-ဆုံးသူ၏ ဆူဇူကီးအာတီဂါ 9P/4526 ယာဉ်မှာ ပျောက်ဆုံးနေဆဲဖြစ်ကာ တရားခံများမှာလည်း လွတ်မြောက်နေဆဲဖြစ်ကြောင်း သိရသည်။

#Local_News #ကားစင်းလုံးအငှားဝန်​ဆောင်မှုလုပ်ကိုင်သူ #YMG/ NN #Yangon_Times

ရှမ်းပြည်နယ်အရှေ့ပိုင်း ကျိုင်းတုံမြို့နဲ့ တာချီလိတ်မြို့တို့ ဖြတ်သန်းသွားလာနိုင်တဲ့ တာလေတံတားဟာ အက်ကြောင်းများ ပေါ်လာတဲ့အတွက် ဇန်န၀ါရီ ၁၈ နေ့လည်ပိုင်းကစပြီး
ယာဉ်များ ဖြတ်သန်းခွင့် ယာယီပိတ်ထားတယ်လို့ ဒေသခံတွေထံက သိရပါတယ်။
#Local_News
Published_ 19 January 2024
#ရှမ်းပြည်နယ်အရှေ့ပိုင်း #တာလေတံတားဟာအက်
#YMG/LW #Yangon_Times

‘‘စစ်ကိုင်း၊ မန္တလေး၊ ရှမ်းပြည်မြောက်ပိုင်း၊ ချင်းနှင့်ရခိုင်တို့မှာ နေရာကွက်ကျားမိုးအနည်း ငယ်ထစ်ချုန်းရွာနိုင်တယ်။ စစ်ကိုင်း၊ ကချင်၊ ချင်းနှင့်ရှမ်းတို့မှာ ညအပူချိန်တွေ ဆက်ကျဖို့ရှိတယ်”

မိုးလေဝသနှင့်ဇလဗေဒညွှန်ကြားမှုဦးစီးဌာန
#Local_News
Published_ 19 January 2024
#မိုးထစ်ချုန်းရွာနိုင် #စစ်ကိုင်း၊ ကချင်၊ ချင်းနှင့်ရှမ်း
#tthl #Yangon_Times

'လက်ရှိက တရုတ်ကကမ်းလှမ်းတာလည်းရှိတယ်၊ ယိုးဒယားလည်းရှိတယ်၊ ဂျပန်လည်းရှိတယ်၊ ပို့နိုင်တာက‌တော့ဂျပန်ပဲပို့နိုင်တယ်၊ ဈေးကွက်ကတော့ရှိတယ်၊ ဒီနှစ်သိပ်မပို့နိုင်ဘူး၊ ကုန်ကြမ်းမရှိတာ‌ပေါ့နော်'
#Local_News
Published_ 19 January 2024
#မြန်မာ့မျှစ်ခြောက် #ဂျပန်သို့သာတင်ပို့နေ
#YMG/LW #Yangon_Times

#Local_News
Published_ 19 January 2024

မြန်မာ့ပြောင်းဈေးကွက်ပျောက်နေသည့် ဂျပန်အပါအဝင် ၈ နိုင်ငံသို့ မြန်မာ့ပြောင်းတင်ပို့နိုင်ရေး ချိတ်ဆက်နေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

လတ်တလောတွင် တင်ပို့မှု ပျောက်ကွယ်နေသည့် ပြည်ပဈေးကွက်များမှာ ဂျပန်၊ ယူအေအီး၊ မလေးရှား၊ နီပေါ၊ သီရိလင်္ကာ၊ အိန္ဒိယနှင့် ဘင်္ဂလားဒေ့ရှ်ဈေးကွက်များဖြစ်ကြောင်း သိရသည်။

အဆိုပါနိုင်ငံများသို့ ယခင်က မြန်မာ့ပြောင်းဆံ တင်ပို့မှုရှိခဲ့ရာ လက်ရှိတွင်ပြန်လည်တင်ပို့နိုင်ရေးကိုဆောင်ရွက်နေခြင်းဖြစ်ကြောင်း သိရသည်။

ထိုင်းနိုင်ငံသည်နှစ်စဉ် မြန်မာ့ပြောင်းဆံ ဝယ်လိုအားအများဆုံး နိုင်ငံဖြစ်ကာ နှစ်စဉ်ပြောင်းဆံ တန်ချိန် ၂ဒသမ ၆ သန်းအထိ တင်ပို့မှုရှိနေခြင်းဖြစ်ကြောင်း၊ယခုနှစ်အတွင်းမှာလည်း အဓိကဈေးကွက်ဖြစ်သည့် ထိုင်းနိုင်ငံအပါအဝင် ပြောင်းဝယ်လိုအားများပြားသည့် ဖိလစ်ပိုင်၊ စင်ကာပူ၊ ဗီယက်နမ်နှင့် တရုတ်နိုင်ငံများထံ တိုးမြှင့်တင်ပို့နိုင်ရေး ဆောင်ရွက်နေကြောင်း သိရသည်။

#Local_News #ပြောင်းဈေးကွက်ပျောက်နေ #မြန်မာ့ပြောင်းတင်ပို့နိုင်ရေးချိတ်ဆက် #YMG/ NN #Yangon_Times

ထိုင်းကို လုပ်သားစေလွှတ်နိုင်တဲ့လမ်းကြောင်း တစ်ခုထပ်တိုးလာတဲ့အတွက် ပိုအဆင်ပြေသွားပါတယ်၊ လေကြောင်းကနေစေလွှတ်နိုင်တဲ့အတွက် အလုပ်သမားတွေအတွက် ဘေးကင်းလုံခြုံပြီး အချိန်ကုန်လည်းသက်သာစေပါတယ်။
#Local_News
Published_ 19 January 2024
#မြန်မာMoUအလုပ်သမား #ရန်ကုန်-ဒွန်မောင်းလေဆိပ်
#YMG/LW #Yangon_Times

#Local_News
Published-19 January 2024

သွင်းကုန်လုပ်ငန်းရှင်များ အဆင်ပြေစေရန် နိုင်ငံခြားငွေဈေးကွက်သို့ ထိုင်းဘတ် သန်း ၅၀ ယနေ့ ရောင်းချပေးခဲ့ကြောင်းမြန်မာနိုင်ငံတော်ဗဟိုဘဏ်မှ ထုတ်ပြန်ထားသည်။

ပြည်တွင်း၌အသုံးပြုနေသည့် လူသုံးကုန်ပစ္စည်းများကို ထိုင်းနှင့် တရုတ်နိုင်ငံတို့မှ အဓိကတင်သွင်းနေခြင်းဖြစ်ပြီး ထိုင်းနိုင်ငံနှင့် ကုန်သွယ်ရာတွင် မြန်မာငွေကျပ်နှင့် ထိုင်းငွေဘတ်တို့ကို တိုက်ရိုက်ပေးချေနိုင်အောင် ဆောင်ရွက်ထားခြင်းဖြစ်သည်။

ပြည်တွင်း နိုင်ငံခြားငွေဈေးကွက်တွင် ထိုင်းဘတ်ငွေဈေးနှုန်းသည် ဇန်နဝါရီ ၅ ရက်မှစတင်၍ တစ်ဘတ်လျှင် ၁၀၀ ကျပ်အောက် ကျဆင်းခဲ့ပြီး ပြီးခဲ့သည့်အပတ်မှစတင်၍ တစ်ဘတ်လျှင် ၉၉ ဒသမ ၅၀ ကျပ်၌ ငြိမ်လျှက်ရှိသည်။

ထို့အပြင် ဗဟိုဘဏ်သည် နိုင်ငံခြားငွေကြေးဈေးကွက်သို့ ဇန်နဝါရီ ၂ ရက်တွင် ပထမအကြိမ် ၁၂ ဒသမ ၉၃ သန်း ရောင်းချပေးခဲ့ပြီး ဇန်နဝါရီ ၅ ရက်တွင် ဒေါ်လာ ၁၆ သန်း ရောင်းပေးထားကာ ယနေ့တွင် ဒေါ်လာ ၁၅ သန်း ထပ်မံထုတ်ရောင်းပေးခဲ့ကာယနေ့ တွင် သုံးကြိမ်မြောက်အဖြစ်ရောင်းချပေးခြင်းဖြစ်ပြီး သုံးကြိမ်အတွင်း စုစုပေါင်းဒေါ်လာ ၄၃ ဒသမ ၉၃ သန်း ရောင်းချပေးထားခြင်းဖြစ်ကြောင်း သိရသည်။

ယင်းအပြင် ဗဟိုဘဏ်အနေဖြင့် စက်သုံးဆီတင်သွင်းသော ကုမ္ပဏီများအတွက် လိုအပ်သည့် ဒေါ်လာများကို ဒီဇင်ဘာ ၁၈ ရက်တွင် ပထမဆုံးအကြိမ် ဒေါ်လာ ၉ ဒသမ ၇၂ သန်း ရောင်းချပေးခဲ့ပြီး ဒီဇင်ဘာ ၂၁ ရက်တွင် ဒေါ်လာ ၁၂ ဒသမ ၄၃ သန်း ထပ်မံရောင်းချပေးခဲ့၍ ရောင်းချပေးခဲ့သည့် နှစ်ကြိမ်အတွင်း စုစု‌ပေါင်း ဒေါ်လာ ၂၂ ဒသမ ၁၅ သန်းအထိ ရောင်းချပေးထားပြီးလည်းဖြစ်ကြောင်း သိရသည်။

#Local_News #နိုင်ငံခြားငွေဈေးကွက် #ထိုင်းဘတ်သန်း၅၀ #ဗဟိုဘဏ်ယနေ့ထုတ်ရောင်း #YMG/ NN #Yangon_Times