‘၂၀၂၃ ထဲမှာ ခရီးသွားပြန်ဝင်နေပြီဖြစ်ပြီး လာမယ့်ပွင့်လင်းရာသီမှာ နိုင်ငံခြားသားခရီးသွားတွေ လာရောက်လည်ပတ်လေ့လာတဲ့အခါမှာ အလွယ်တကူကြည့်ရူလေ့လာနိုင်အောင် ယဉ်ကျေးမှုဇုန်နဲ့ ပတ်သက်တဲ့သတင်းအချက်အလက်တွေ၊ မြေပုံတွေကိုစီစဉ်ဆောင်ရွက်ပေးထားတယ်’
ဒေါက်တာသန်းထိုက်၊ ရှေးဟောင်းသုတေသနနှင့်အမျိုးသားပြတိုက်ဦးစီးဌာန(မန္တလေးဌာနခွဲ)၊ညွှန်ကြားရေးမှူး

Published_ 15 September 2023
#အင်းဝယဉ်ကျေးမှုဇုန် #ရှေးဟောင်းသုတေသန #အမျိုးသားပြတိုက်
#tthl
#Yangon_Times

‘ အရင်တုန်းကလိုGrade10ရောက်မှမြန်မာစာစသင်ပြီး Grade11 ဆယ်တန်းမှာမြန်မာစာတန်းဖြေရတာမျိုး မဟုတ်ဘဲ မြန်မာသင်ရိုးနဲ့သင်ကြားပေးတဲ့ နိုင်ငံတကာကျောင်း International Schoolတွေမှာ မြန်မာစာကိုငယ်စဉ်ကတည်းက သင်ပေးမှာဖြစ်တဲ့အတွက် အခြေခံကောင်းသွားမှာဖြစ်တယ်’ ဦးနေအုပ်၊ နိုင်ငံတကာကျောင်းများအသင်းနာယက

Published_ 15 September 2023
#International School #မြန်မာစာတန်း
#tthl #Yangon_Times

ပြည်ပဝယ်လိုအား ရှိနေပေမယ့် နှမ်းဈေးကွက်မှာ အမြင့်ဈေးမှ အနိမ့်ဈေးကို ထိုးဆင်းလာတဲ့အတွက် နှမ်းစိုက်တောင်သူတွေမှာ ထွက်ရှိသလောက် ရောင်းချခြင်းမရှိဘဲ ဈေးပြန်မြင့် မယ့်အချိန်ကိုစောင့်ကြည့်နေတဲ့ သဘောရှိတယ်လို့ မကွေးတိုင်းတောင်သူဖွံ့ဖြိုးရေးအဖွဲ့အတွင်းရေးမှူး ဦးစိုးလွင်အေးက အခုလိုရှင်းပြပါတယ်။

Published_ 15 September 2023
#နှမ်းစိုက်တောင်သူ #နှမ်းဈေးကွက်
#YMG/LW
#Yangon_Times

Published_ 15 September 2023
#မွန်ပြည်နယ် #မိုးကြီးရေလျှံ
#tthl #Yangon_Times

၁၅ စက်တင်ဘာ ၂၀၂၃  

မြန်မာနစကအစိုးရ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဦးသန်းဆွေနှင့် ရုရှားနိုင်ငံခြားရေးဝန်ကြီး ဆာဂေးလာရော့ဗ်တို့ဟာ နှစ်နိုင်ငံ ဗဟိုဘဏ်များအကြား ပူပေါင်းဆောင်ရွက်ရေးကိစ္စတွေဆွေးနွေးခဲ့ကြတယ်လို့ TASS သတင်းဌာနက သတင်းရေးသားလိုက်ပါတယ်။

“ ကျွန်တော်တို့ဟာ စွမ်းအင်၊ ငြိမ်းချမ်းသော နျူကလီးယားဖွံ့ဖြိုးတိုးတက်ရေး၊ လေကြောင်းပျံသန်းရေး၊ ဆက်သွယ်ရေး၊ သတင်းအချက် အလက်နည်းပညာ၊ ကမ္ဘာမြေ remote probing အပါအဝင်  အာကာသလုပ်ငန်းများ၊ စိုက်ပျိုးရေး၊စားသောက်ကုနလုပ်ငန်းနှင့် ပို့ဆောင်ရေး အခြေခံအဆောက်အဦစတဲ့ နယ်ပယ်တွေမှာ အထူးအလားအလာရှိတာ သတိပြုမိကြပါတယ်။ ပြီးတော့  နှစ်နိုင်ငံ ဗဟိုဘဏ်တွေအပါအဝင် ဘဏ္ဍာရေးနှင့်ဘဏ်စနစ်အခြေခံ အဆောက်အဦတွေ ပူးပေါင်းဆောင်ရွက်မှုတွေကိုလည်း အထူးတလည် အာရုံစိုက်ဆွေးနွေးခဲ့ပါတယ်” လို့ ရုရှားနိုင်ငံခြားရေးဝန်ကြီးကပြောပါတယ်။

“ ပြင်ပအခြေအနေတွေကြောင့် ကုန်သွယ်ရေးအနုတ်အသိမ်းတွေ ကျဆင်းနေရတဲ့ ကုန်သွယ်ရေးနှင့်စီးပွားရေး ပြဿနာတွေကိုလည်း ကျွန်တော်တို့ အတော် အာရုံစိုက်ခဲ့ကြပါတယ်။ အဲဒီဦးတည်မှုကို ပြန်ပြောင်းပစ်ဖို့နှင့် ကောင်းမွန်တဲ့ တိုးတက်မှုတွေအတွက် လုပ်ဆောင်ရမယ့်ကိစ္စတွေလည်း စဉ်းစားခဲ့ကြပါတယ်” လို့ သူကဆက်ပြောပါတယ်။

မြန်မာဝန်ကြီး ဦးသန်းဆွေကလည်း နယ်ပယ်များစွာမှာ နှစ်နိုင်ငံပူးပေါင်းဆောင်ရွက်မှု တိုးတက်ဖို့ မြန်မာက နည်းလမ်းရှာဖွေနေတယ်လို့ ရုရှားနိုင်ငံခြားရေးဝန်ကြီးကို ပြောဆိုခဲ့ပါတယ်။

“ ပြီးခဲ့တဲ့ ဗလက်ဒီဗိုစတော့ခ် အရှေ့ဖျားစီးပွားရေးဖိုရမ်တုန်းက ရရှိခဲ့တဲ့ရလဒ်တွေကို ထောက်ခံအားပေးဖို့ ကျွန်တော်တို့ကိုယ်စားလှယ် အဖွဲ့ရောက်လာတာဖြစ်ပါတယ်။ ဒီခရီးစဉ်အတွင်း နယ်ပယ်အားလုံးမှာ နှစ်နိုင်ငံ ပူးပေါင်းဆောင်ရွက်မှု တိုးတက်ဖို့ နှစ်ဖက်သဘောထား တူညီမှုတွေ ကျွန်တော်တို့ရှာဖွေပါမယ်” လို့ ဦးသန်းဆွေက ဆက်လက်ပြောဆိုပါတယ်။

လာရော့ဗ်ကလည်း  မော်စကိုနှင့်နေပြည်တော်တို့ဟာ အမြင့်ဆုံးအဆင့်အပါအဝင် နိုင်ငံရေးဆွေးနွေးပွဲတွေ ရှေ့ဆက်ဆောင်ရွက်သွားမယ်လို့ သူ့ရဲ့ယုံကြည်မှုကိုဖော်ပြပြီးပြန်လည်ပြောဆိုခဲ့ပါတယ်လို့သတင်းများမှာဖော်ပြထားပါတယ်။

“ ကုန်သွယ်ရေး၊စီးပွားရေး၊ယဉ်ကျေးမှုနှင်ပညာရေးနယ်ပယ်တွေပါတဲ့ နယ်ပယ်အာလုံးမှာ အလွန်အလုပ်များတဲ့ နှစ်နိုင်ငံပူးပေါင်း‌ ဆောင်ရွက်မှုတွေ ကျွန်တော်တို့ ဆက်လက်ထိန်းသိမ်းနေပါတယ်။ အဆွေတော်ရဲ့ အရှေ့တောင်အာရှအခြေခံပြီး ကမ္ဘာလုံးဆိုင်ရာ မျက်မှောက် အခြေအနေတွေနှင့်ပတ်သက်လို့ ကျွန်တော်တို့ဆွေးနွေးကြတာ အမြင်ချင်းဖလှယ်တာနှင့် ထောက်ခံချက်ပေးတောတွေ အားလုံး ကျွန်တော်တို့ကကျေးဇူးတင်ပါတယ်” လို့လည်း ရုရှားနိုင်ငံခြားရေးဝန်ကြီးကပြောခဲ့ပါတယ်။

၁၅ စက်တင်ဘာ ၂၀၂၃

ပီတ လင်းဂျာရွန်ရတ် သည် သူ၏နေရာကို ဆက်ခံမည့်သူက  အတိုက်အခံခေါင်းဆောင် ရာထူးကိုရယူနိုင်ရေး လမ်းဖွင့်ပေးရန်အတွက် ရှေ့သို့ပါတီ(MFP) ၏ ခေါင်းဆောင်အဖြစ်မှ နှုတ်ထွက်လိုက်ပါတယ်။

စောင့်ကြည့်ရမည့် TIME100 Next ကမ္ဘာလုံးဆိုင်ရာ လူငယ်ခေါင်းဆောင်များစာရင်းတွင် ပါဝင်ခဲ့တဲ့  မစ္စတာပီတသည် သောကြာနေ့တွင် ၎င်း၏ နုတ်ထွက်သည့်သတင်းစကားကို  သူ၏ ဖေ့စ်ဘုတ်ခ် စာမျက်နှာမှတစ်ဆင့် MFP အဖွဲ့ဝင်များနှင့် သာမန်ပြည်သူများထံပေးပို့ခဲ့ပါတယ်။

သူ၏သတင်းစကားတွင် ပီတ က MFP သည် အတိုက်အခံအစုအဖွဲ့အတွင်း ပါလီမန်အမတ်ဦးရေ အများဆုံးရသော်လည်း ဖွဲ့စည်းပုံအခြေခံဥပဒေခုံရုံးက သူ့ကို ပါလီမန်အမတ်အဖြစ် တာဝန်ထမ်းဆောင်ရန် ဆိုင်းငံထားခြင်းခံရသည့်အတွက် သူ့အနေနှင့် အတိုက်အခံခေါင်းဆောင်ရာထူးကို လက်မခံနိုင်တာဖြစ်တယ်လို့ ပြောကြားထားပါတယ်။

 “လက်ရှိဖွဲ့စည်းပုံ အခြေခံဥပဒေမှာ အတိုက်အခံခေါင်းဆောင်ဟာ ထိပ်တန်းအတိုက်အခံပါတီကို ဦးဆောင်တဲ့ လွှတ်တော်ကိုယ်စားလှယ်ဖြစ်ရမယ်လို့ ပြဋ္ဌာန်းထားပါတယ်။ ဒါပေမယ့်  အောက်လွှတ်တော်မှာ ကိုယ်စားလှယ်အဖြစ်  ကျွန်တော့်ရဲ့ တာဝန်တွေကို မထမ်းဆောင်နိုင်သေးတာကြောင့်  မကြာမီကာလအထိ  အတိုက်အခံခေါင်းဆောင်အဖြစ် ကျွန်တော် လက်ခံလိုက်လို့မရပါဘူး” လို့သူကပြောပါတယ်။

 “ဗဟိုအလုပ်အမှုဆောင် ကော်မတီဝင်တွေ၊ပါတီအမတ်တွေနဲ့ တိုင်ပင်ပြီးတဲ့အခါ ပါလီမန်စနစ်မှာ အတိုက်အခံခေါင်းဆောင် နေရာက အရေးအကြီးဆုံးဖြစ်ပြီး အောက်လွှတ်တော်မှာ အဓိက အဓိက အတိုက်အခံပါတီက အဲဒီနေရာကို  ရယူသင့်တယ်လို့ ကောက်ချက်ချခဲ့ကြပါတယ်” လို့ သူကပြောပါတယ်။

 “တစ်နည်းဆိုရရင်  MFP ဟာ အစိုးရကိုတောင်လျောက်စောင့်ကြည့်ပြီး စစ်ဆေးမှုများပြုလုပ်ပြီး အစိုးရရဲ့ မူဝါဒတွေအထဲမပါတဲ့ ကိစ္စတွေကို ပြောင်းလဲပေးဖို့ တွန်းအားပေးရမယ့် တာဝန်ရှိတဲ့ အတိုက်အခံတွေကို ဦးဆောင်သင့်တယ်”

 “ကျွန်တော့်ကို အစားထိုးဖို့ အတိုက်အခံခေါင်းဆောင်ရဲ့ အခန်းကဏ္ဍကို ဆောင်ရွက် နိုင်တဲ့ လွှတ်တော်အမတ်တစ်ဦးကို ရွေးချယ်နိုင်အောင် MFP ခေါင်းဆောင်ရာထူးကနေ နုတ်ထွက်ဖို့ ဆုံးဖြတ်လိုက်တာပါ”

အသက်၄၃နှစ်အရွယ်ရှိ  ဟားဗတ်ကနေဒီအစိုးရကျောင်းထွက်ဖြစ်သော ပီတက သူသည် MFP အတွက် အလုပ်လုပ်ပေးမည်ဖြစ်ကာ  ပြည်သူများအတွက် တတ်နိုင်သမျှ အကောင်းဆုံး လုပ်ဆောင်သွားမယ်လို့လည်းဆိုပါတယ်။

 ပါတီခေါင်းဆောင်သစ်ကို ရွေးချယ်တင်မြှောက်ရန် စက်တင်ဘာ ၂၄ ရက်က ဘန်ကောက်မြို့ ဒင်ဒါန်းနယ်မြေရှိ Keelawes အဆောက်အဦ(၁) တွင် MFP ပါတီဝင် များအားလုံး စုဝေးရန် သူကတိုက်တွန်းခဲ့ပါတယ်။

 ပါတီ အထွေထွေ အတွင်းရေးမှူး ချိုက်သဝပ်တူလာတွန် သည် သူ့နေရာကို ဆက်ခံမည့် အလားအလာ ရှိသည်ဟု လေ့လာသူများက ခန့်မှန်းထားကြပါတယ်။

Source Bangkok Post

#Local_News
Published-15 September 2023

ဂျပန်ကုမ္ပဏီ (၃၀၀)ကျော်​က မြန်မာအလုပ်သမားဦး​ရေ (၁၀၀၀)​ ကျော်ခေါ်ယူမည်ဖြစ်ကြောင်း ဂျပန်​နိုင်​ငံ၊ တိုကျိုမြို့ရှိ မြန်မာသံရုံးက စက်တင်ဘာလ ၁၅ရက်(ယနေ့) ထုတ်ပြန်​လိုက်​သည်​။

မြန်မာသံရုံး၊ တိုကျိုမြို့မှ (၂၀၂၃) ခုနှစ်၊ ​စက်တင်ဘာလ (၁) ရက်​မှ (၁၅) ရက်​​အတွင်း စိစစ်ပြီး နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည့် အလုပ်ကမ်းလှမ်းစာ (၃၄၂) ခုနှင့် ပတ်သက်သည့် အချက်အလက်များအား အသိပေးအကြောင်းကြားအပ်ပါသည်​ဟု ပါရှိသည်။

အဆိုပါထုတ်​ပြန်​ချက်​အရ ဂျပန်ကုမ္ပဏီ (၃၀၀)​ကျော်​က မြန်မာအလုပ်သမား အမျိုးသား (၃၀၀)​​​​ကျော်​၊ အမျိုးသ မီး( ၇၀၀)​ခန့် ၊ စုစု​ပေါင်း ဦး​ရေ (၁၀၀၀ )​ ကျော် ခေါ်ယူမည်ဖြစ်ကြောင်း သိရှိရသည်​။

မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ (Demand Letter) များကို အချိန်နှင့်တစ်ပြေးညီ စိစစ်ဆောင်ရွက်ပေးလျက်ရှိပြီး ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ/ ကုမ္ပဏီများသည် ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများ စိစစ်ပြီး စိစစ်တွေ့ရှိချက် များ၊ သဘောထားမှတ်ချက်များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိကြောင်း သိရသည်။

Wynn Mandalay Trading ကုမ္ပဏီ၏ ဥက္ကဌ ဒေါက်တာသင်ဇာကလည်း Wynn Mandalay Trading Company ကလည်း ဂျပန်နိုင်ငံတွင်ရင်းနှီးမြှုပ်နှံမှုပြုလုပ်၍ မြန်မာလုပ်သားများကို အလုပ်အကိုင်အခွင့်အလမ်းပေးရန်ဆောင်ရွက်နေပြီး လတ်တလောတွင် အဆိုပါကုမ္ပဏီအနေဖြင့် လတ်တလောတွင် ဂျပန်နိုင်ငံ၌ စက်ရုံတစ်ရုံဝယ်ယူရန်နှင့် စက်ရုံတစ်ရုံငှား၍ ဂျပန်နိုင်ငံရှိနည်းပညာရှင်များကို ခေါ်ယူ၍ မြန်မာလုပ်သားများကို အလုပ်အခွင့်များဖန်တီးပေးရန် လျာထားကြောင်းဆိုသည်။

"လတ်တလောအ​နေနဲ့က စက်ရုံ တစ်ရုံငှားဖို့လုပ်ထားတယ်။ ပြီးရင် ဂျပန် နည်းပညာရှင်ကိုခေါ်ပြီး ဒီဘက်ကိုပို့လိုက်တဲ့ မြန်မာအလုပ်သမားတွေကို စက်ရုံမှာထားမယ်။ မြန်မာစားသောက်ဆိုင်လေးတွေဖွင့်မယ်။ မြန်မာ traditional ပစ္စည်းလေးတွေရောင်းချမယ်။ အဓိက ကတော့ ဂျပန်နိုင်ငံရဲ့ FDAလို အသိအမှတ်ပြုတဲ့ လက်မှတ်နဲ့ထုတ်လုပ်မယ်။ ပြီးရင် မြန်မာနိုင်ငံကို ဒီနည်းပညာတွေသယ်ဆောင်လာပြီး ဒီမှာထုတ်လုပ်ဖို့ရည်မှန်းလုပ်ဆောင်နေပါတယ်"ဟု ယင်းကုမ္ပဏီ၏ဥက္ကဌ ဒေါက်တာသင်ဇာမှ ဆိုသည်။

ပြီးခဲ့သည့်ြသဂုတ်​လ (၁၆) ရက်​မှ (၃၁) ရက်​​အတွင်းကလည်း နိုင်ငံခြားရေးဝန်ကြီးဌာနသို့ စိစစ်ပေးပို့ပြန်ကြားခဲ့​သော အလုပ်ကမ်းလှမ်းစာ (၃၇၀) ခုတွင် မြန်မာအလုပ်သမား အမျိုးသား၊ အမျိုးသမီး စုစုပေါင်း ဦး​ရေ (၁၂၀၀)​​ခန့် ခေါ်ယူမည်ဖြစ်ကြောင်း မြန်မာသံရုံး၊ တိုကျိုမြို့က ထုတ်ပြန်ခဲ့သည်​။

#Local_News #ဂျပန်ကုမ္ပဏီ(၃၀၀)​ကျော်​ #မြန်မာအလုပ်သမားခေါ်ယူ
#Yangon_Times/PP

#Local_News
Published-15 September 2023

တောင်ကိုးရီးယားနိုင်ငံတွင် ​မြန်မာလုပ်သား ၁ဦး  အခန်းတွင်အိပ်နေရင်းသေဆုံးမှုဖြစ်ခဲ့ကြောင်း ကိုးရီးယားရောက် မြန်မာများကိုကူညီဆောင်ရွက်ပေးနေသူ ကိုဇော်မိုးအောင်ထံက သိရသည်။

ကိုးရီးယားနိုင်ငံ ဂယောင်ဂီပြည်နယ် ဟွာဆောင်မြို့ အုဂျောင်အွတ်ရှိ နေအိမ်တွင် စက်တင်ဘာလ ၁၄ရက် ည၈နာရီ၃၀မိ နစ်အချိန်ခန့်က ကိုရဲထက်အောင်သည် အလုပ်ဆင်းရန် အခန်းတွင်အိပ်နေစဥ် အလုပ်မှပြန်လာကြသည့်သူငယ်ချင်းတစ်စုက ကိုရဲထက်အောင်ကိုလှုပ်နှိုးသည့်အခါ ခန္ဓာကိုယ်ကတောင့်နေပြီး နိုးလာခြင်း မရှိတော့ကြောင်း သိရသည်။

"​သေဆုံးသူကိုရဲထက်အောင်ဟာ ကိုးရီးယားသို့ ရောက်ရှိချိန်တစ်နှစ်မပြည့်သေးဘူး။ သေဆုံးသူမှာ ကလေး ၂ဦးရဲ့ ဖခင်ဖြစ်တယ်"ဟု ကိုဇော်မိုးအောင်ထံက သိရသည်။

သို့​ဖြစ်ပါ၍ အခန်းရှိ သူငယ်ချင်းများက ၁၁၉ ကို ဖုန်းဆက် အကူအညီတောင်းခဲ့၍ ဟွာဆောင်ရဲစခန်းမှ ရဲဝန်ထမ်းများ ရောက်လာလာကာ  ကိုရဲထက်အောင်၏ သေဆုံးမှုကို စစ်ဆေး ဟွာဆောင် အအေးတိုက်သို့ ပို့ဆောင်ပေးလိုက်ကြောင်းသိရပြီး ဟွာဆောင် ရဲစခန်းတာဝန်ရှိ ရဲဝန်ထမ်းများက ကိုရဲထက်အောင်၏ ရုပ်အလောင်းကို ထပ်မံစစ်ဆေးပြီး သင်္ဂြိုဟ်ခွင့်ပြုပါက နာရေး အစီအစဥ်ကို ထပ်မံကြေညာပေးမည်ဟု သိရသည်။

သေဆုံးသူ ကိုရဲထက်အောင်သည် အသက် ၃ဝအရွယ်ရှိပြီး မန္တလေးတိုင်း မြင်းခြံခရိုင် နွားထိုးကြီးမြို့နယ် သမန်းတောကျေးရွာ ဦးဝင်းရွှေ၊ ဒေါ်စန်းအေးတို့၏ သား​ဖြစ်ကြောင်း သိရပြီး ရန်ကုန်မြို့နေ မနှင်းဝေအောင်၏ ခင်ပွန်းဖြစ်ကြောင်းနှင့် ကလေး ၂ဦးရှိကြောင်းလည်း သိရသည်။

#Local_News #တောင်ကိုးရီးယား #မြန်မာလုပ်သား၁ဦးသေဆုံး
#Yangon_Times/PP

#Local_News
Published _15 September 2023

ရှမ်းပြည်နယ်(အရှေ့ပိုင်း)၊ တာချီလိတ်လေဆိပ်တွင် ရန်ကုန်သို့တင်ပို့မည့် ကာလတန်ဖိုးငွေကျပ်သိန်း ၅၈၅၀ တန်ဖိုးရှိ စိတ်ပြောင်းဆေးဝါး(Happy Water) ၇ ဒသမ ၈ ကီလိုကို စက်တင်ဘာလ ၇ ရက်တွင် သိမ်းဆည်းရမိခဲ့ကြောင်း မြန်မာနိုင်ငံရဲတပ်ဖွဲ့က စက်တင်ဘာလ ၁၄ ရက်က ထုတ်ပြန်ထားသည်။

မဖြိုးကေသီကျော် ဆိုသူက သယ်ဆောင်လာသည့် စက္ကူဂျပ်ဖာကို ရှာဖွေစစ်ဆေးရာ အထက်ပါအတိုင်း တွေ့ရှိခဲ့ခြင်း ဖြစ်ကြောင်း သိရသည်။

ယင်းဖမ်းဆီးရမိသော မူးယစ်ဆေး ကွင်းဆက်သတင်းအရ ပူးပေါင်းအဖွဲ့က တာချီလိတ်မြို့၊ ဝိန်းကျောက်ရပ်ကွက်တွင် မမူမူကြူ(ခ)နန်းလောင်ငင်၊ စိုင်းဝိလတ်၊ မမီညားတို့ ၃ ဦးအား Toyota Crown မော်တော် ယာဉ်တစ်စီး၊ မော်တော်ဆိုင်ကယ်တစ်စီး ၊ ကာလတန်ဖိုးငွေကျပ်သိန်း ၉၃၀၀ ကျော်တန်ဖိုးရှိ စိတ်ပြောင်းဆေးဝါး(Happy Water) ၈ ဒသမ ၅၂ ကီလို ထပ်မံဖမ်းမိခဲ့ခြင်း ဖြစ်ကြောင်း သိရသည်။

ယင်းကြောင့် ၎င်းတို့အား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက် ဖော်ထုတ်လျက်ရှိကြောင်း သိရသည်။

#Local_News #တာချီလိတ် #မူးယစ်ဆေးများဖမ်းမိ
#Yangon_Times/PP

#World_News
Published 15 September 2023

အမေရိကန်သမ္မတ ဂျိုးဘိုင်ဒင်ရဲ့ သားဖြစ်သူ ဟန်တာဘိုင်ဒင်ဟာ သေနတ်ရောင်းဝယ်သူတစ်ဦးကို သူ့အား လက်နက်ရောင်းချပေးရန် တိုက်တွန်းခဲ့တယ်ဆိုပြီး ကြာသပတေးနေ့က ရာဇဝတ်မှုဖြင့် တရားစွဲဆိုခံခဲ့ရပါတယ်။

ဒါဟာ အဖေဖြစ်သူ ဂျိုးဘိုင်ဒင် လာမယ့်နှစ် ရွေးကောက်ပွဲ ပြန်လည်ယှဥ်ပြိုင်မယ့်အပေါ် တရားဥပဒေပြိုင်ဘက်များက စဥ်းစားချင့်ချိန်လာဖွယ် ရှိနေပါတယ်။

ဒယ်လာဝဲလ်ရှိ အမေရိကန်ခရိုင်တရားရုံးမှာ အမှုတင်လိုက်တာဟာ လက်ရှိသမ္မတတစ်ဦးရဲ့ သားဖြစ်သူကို ပထမဆုံးတရားစွဲဆိုမှုဖြစ်ရပ် ဖြစ်နေပါတယ်။

ဟန်တာဘိုင်ဒင်ကို အမှု ၃ မှုဖြင့် တရားစွဲထားကာ တရားမဝင်ဆေးဝါးများ သုံးစွဲခြင်းနဲ့ ပတ်သက်ပြီး လိမ်လည်ထွက်ဆိုခဲ့တဲ့အပြင် ထိုအချက်ကြောင့်ပဲ လက်နက်ကိုင်ဆောင်ခွင့်ဥပဒေကနေ သူ့ကိုပိတ်ပင်ထားတာ ဖြစ်ပါတယ်။

အသက် ၈၀ အရွယ် ဂျိုးဘိုင်ဒင်နဲ့ ရွေးကောက်ပွဲမှာ ယှဥ်ပြိုင်မယ့် အသက် ၇၇ နှစ်အရွယ် ဒေါ်နယ်ထရမ့်ဟာလည်း ရာဇဝတ်မှု ၄ ခုဖြင့် ရင်ဆိုင်နေရပါတယ်။

ဒီအမှုစွဲချက်တွေဟာ ၂၀၂၄ အမေရိကန်သမ္မတ ရွေးကောက်ပွဲစည်းရုံးရေးတွေမှာ ပြင်ပအခန်းကဏ္ဍကနေ ပါဝင်လာမှာ ဖြစ်ပါတယ်။

ဟန်တာဘိုင်ဒင်အပေါ် တရားစွဲဆိုချက် အသစ်တွေကို အမေရိကန်အထူးရှေ့နေ ဒေးဗစ်ဝစ္စက ဖော်ထုတ်လာတာဖြစ်ပြီး အမေရိကန်အခွန်ဥပဒေကိုတော့ ချိုးဖောက်ခြင်းမရှိဘူးလို့ ဆိုလိုက်ပါတယ်။

ဖြစ်လာနိုင်တဲ့ တရားစွဲဆိုချက်တွေကို ကိုလံဘီယာခရိုင် ဒါမှမဟုတ် လော့စ်အိန်ဂျလိစ်အခြေစိုက် ကယ်လီဖိုးနီးယား အလယ်ပိုင်းခရိုင်တို့မှာ ဖြေရှင်းဖို့လိုအပ်တယ်လို့ ဆိုပြီးနောက် ဘိုင်ဒင်တွေနဲ့ပတ်သက်ပြီး အခွန်ကိစ္စ လေ့လာစုံစမ်းမှုက ဆက်လက်ဆောင်ရွက်နေဆဲ ဖြစ်ပါတယ်။

၂၀၁၈ အောက်တိုဘာလမှာ ဟန်တာဘိုင်ဒင်က ကော့ကိုဘရာသေနတ် ဝယ်ယူခဲ့စဥ် မူးယစ်ဆေးဝါး အသုံးပြုတာနဲ့ ပတ်သက်ပြီး လိမ်လည်ထွက်ဆိုခဲ့တယ်လို့ ရှေ့နေများက စွပ်စွဲထားပါတယ်။

နိုင်ငံခြားစီးပွားရေးကိစ္စများ ဟန်တာဘိုင်ဒင်ပြုလုပ်နေတာနဲ့ ပတ်သက်ပြီး သမ္မတဘိုင်ဒင်ကို အောက်လွှတ်တော် ရီပတ်ဘလစ်ကန်အမတ်များက စုံစမ်းစစ်ဆေးခွင့်ပြုလိုက်ပြီးနောက် ၂ ရက်အကြာမှာပဲ အခုလိုတရားစွဲဆိုချက်တွေ ထွက်ပေါ်လာတာ ဖြစ်ပါတယ်။

အိမ်ဖြူတော်ကတော့ ဒီလုပ်ရပ်ကို ရှုတ်ချလိုက်ကာ လွှတ်တော်တစ်ခုလုံးထံမှ မဲဆန္ဒကောက်ခံခြင်းမရှိဘဲ ပြုလုပ်ကြတာဖြစ်ပြီး နိုင်ငံရေးလှုံ့ဆော်မှု တစ်ခုအဖြစ် သတ်မှတ်လိုက်ပါတယ်။

လက်နက်ကိုင်ဆောင်ခွင့်ကို အကာအကွယ်ပေးထားတဲ့ အမေရိကန် ဖွဲ့စည်းပုံအခြေခံဥပဒေ ဒုတိယပြင်ဆင်ချက်အရ အမေရိကန်အထက်တရားရုံးက ပြီးခဲ့တဲ့နှစ်က လက်နက်ကိုင်ဆောင်ခွင့် တိုးချဲ့သတ်မှတ်ခဲ့ပြီးနောက် ဘိုင်ဒင်အပါ် လက်နက်ကိုင်ဆောင်မှုနဲ့ ပတ်သက်တဲ့ တရားစွဲဆိုချက်တွေ တင်သွင်းခြင်းဟာ ဖွဲ့စည်းပုံအခြေခံဥပဒေကို စိန်ခေါ်ရာရောက်တယ်လို့ ကျွမ်းကျင်သူအချို့က ဆိုပါတယ်။

#World_News #ဟန်တာဘိုင်ဒင် #ဂျိုးဘိုင်ဒင် #ပထမဆုံးစွဲချက်တင်ခံရ
Source: Reuters

#World_Health
Published 15 September 2023

သင့်ကလေးရဲ့ နှာခေါင်းပေါက်ထဲ အရာဝတ္ထုတစ်ခုခု ဝင်သွားခဲ့ရင် ဘယ်လိုလုပ်ရမလဲဆိုတာကို Tiny Hearts ပညာပေးအဖွဲ့မှ ဆေးဘက်ဆိုင်ရာ ကျွမ်းကျင်သူများက အကြံဉာဏ်မျှဝေ လိုက်ပါတယ်။

ကလေးရဲ့နှာခေါင်းထဲ လစ်သီယံဘက်ထရီလိုပစ္စည်း ဝင်သွားခဲ့မယ်ဆိုရင် အဆိပ်သင့်အရေးပေါ်ဌာနထံ ချက်ချင်းဆက်သွယ်ရမှာ ဖြစ်ပါတယ်။

နှာခေါင်းထဲ အရာဝတ္ထုတစ်ခုခု ဝင်သွားတဲ့ကလေးကို အာဘွားအကြီးကြီးပေးပြီး ကုသနိုင်မယ်လို့ Tiny Hearts ပူးတွဲတည်ထောင်သူ နစ်ကီဂျာကက်ဇ်က ပြောပြခဲ့ပါတယ်။

၂ စက္ကန့်သာကြာတဲ့ ကုသနည်းလမ်းက အရေးပေါ်ဌာနအထိ သွားစရာမလိုပါဘူး။

ဒီနည်းလမ်းကတော့ ပစ္စည်းမရှိတဲ့ နှာခေါင်းပေါက်ကို ပိတ်ပြီး ပါးစပ်ထဲသို့ လေမှုတ်ထည့်ပေးရတာပဲ ဖြစ်ပါတယ်။

ထိုလေက အသက်ရှူလမ်းကြောင်းကနေ ဖြတ်ပြီး အရာဝတ္ထုကို ထွက်သွားစေမှာ ဖြစ်ပါတယ်။

ထိုနည်းလမ်းအတိုင်းပြုလုပ်ဖို့ လိုအပ်တဲ့ အဆင့် ၄ ဆင့်ကတော့..

၁ - ကလေးကို စိတ်ငြိမ်အောင် ထိန်းပေးပါ

၂ - တည့်မတ်စွာထိုင်ခိုင်းပြီး ပါးစပ်ကိုပိတ်ထားခိုင်းပါ

၃ - ကလေးရဲ့ပါးစပ်ကို ဖွင့်ခိုင်းကာ သင့်ပါးစပ်ဖြင့်လုံနေအောင် ညင်သာစွာတေ့ထားပါ ၄ - လက်တစ်ချောင်းဖြင့် အရာဝတ္ထုမရှိတဲ့ နှာခေါင်းပေါက်ကို ပိတ်ထားကာ ပါးစပ်ထဲသို့ လေမှုတ်ထည့်လိုက်ပါ။

 
လေမှုတ်ထည့်ရာမှာ ညင်သာရန်နဲ့ အကြိမ်အနည်းငယ်မျှ စမ်းကြည့်ပြီးနောက် အရာဝတ္ထု မထွက်ဘူးဆိုပါက ဆရာဝန်ထံ သွားရောက်ပြသသင့်ကြောင်း အကြံပြုထားပါတယ်။

လေမှုတ်ထည့်တဲ့အခါ ဆတ်ကနဲ မှုတ်ထည့်လိုက်ရမှာ ဖြစ်ပါတယ်။

နားစည်နဲ့ အသက်ရှူလမ်းကြောင်း အောက်ပိုင်းတို့ကို ထိခိုက်နိုင်တဲ့ အန္တရာယ်ရှိပေမယ့် ဒီလိုအဖြစ်မျိုး တစ်ခါမှ မကြားဖူးဘူးလို့ အဖွဲ့က ရှင်းပြထားပါတယ်။

ဒီနည်းလမ်းဟာ နှာခေါင်းထဲမှာ နှစ် ၂၀ ကြာအောင် ပုတီးလုံးပိတ်နေခဲ့တဲ့ ဂျော်ဂျီယာမှ အမျိုးသမီးတစ်ဦးက သူ့နှာခေါင်းထဲကနေ မှုတ်ထုတ်နိုင်ခဲ့တဲ့ ဖြစ်ရပ်ကနေ အကြံရခဲ့တာ ဖြစ်ပါတယ်။

#World_Health #ညပ်နေသောအရာဝတ္ထုကိုဖယ်ထုတ်နိုင် #အရေးပေါ်ကယ်ဆယ်ရေးအဖွဲ့
Source: New York Post

#Local_News
Published _15 September 2023

စစ်ကိုင်းမြို့နယ်တွင် ရဲအရာရှိနှင့် မိသားစုပစ်ခတ်ခံရ ၊ ဇနီးမောင်နှံသေဆုံးကာ၂ နှစ်အရွယ် ကလေးတစ်ဦး ဒဏ်ရာရပြီး အသက်ရှင်ကျန်ရစ်ခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

မန္တလေးတိုင်းဒေသကြီး၊ တံတားဦးမြို့ နယ်၊ တံတားဦးလေဆိပ်တာဝန်ကျ ရဲအရာရှိတစ်ဦးက စက်တင်ဘာလ ၁၃ ရက် နံနက်ပိုင်းတွင် ၎င်း၏ဇနီး၊ (၉)နှစ်အရွယ် သမီးတစ်ဦးနှင့် (၂)နှစ်အရွယ်သားတစ်ဦးတို့နှင့်အတူ Honda Fit အမျိုးအစား မော်တော်ယာဉ်ဖြင့် စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ သလွန်ဖြူကျေးရွာ၌ နေထိုင်သည့် မိဘများအား သွားရောက်ကန်တော့ကာ ညနေပိုင်းတွင် တံတားဦးလေဆိပ်သို့ပြန်ရန်အတွက် ကျေးရွာရှိ “ရွှေဘုံသာ”ဘုန်းကြီးကျောင်းအနီး၌ ရပ်တန့်ထားသည့် ၎င်းတို့၏ မော်တော်ယာဉ်သို့ သွားရောက်စဉ် မော်တော်ယာဉ်အနီးရောက်ရှိစဉ် လက်နက်ငယ်များဖြင့် ဝိုင်းဝန်းပစ်ခတ်ခံခဲ့ရခြင်း ဖြစ်ကြောင်း သိရသည်။

ယင်းပစ်ခတ်မှုကြောင့် ရဲအရာရှိမှာ လက်နက်ငယ်ထိမှန်ဒဏ်ရာများဖြင့် အခင်းဖြစ်နေရာ၌ သေဆုံးခဲ့ပြီး (၂)နှစ်အရွယ်သားဖြစ်သူတွင် တင်ပါးကျည်ထိမှန် ဒဏ်ရာရရှိခဲ့ကြောင်း သိရသည်။

ရဲအရာရှိ၏ဇနီးအား မော်တော်ယာဉ်ဖြင့် သလွန်ဖြူကျေးရွာအနောက်ပိုင်းဘက်သို့ ဖမ်းဆီးခေါ်ဆောင်၍ သေနတ်ဖြင့် ပစ်ခတ်သတ်ဖြတ်ခဲ့ပြီး ၎င်း၏ရုပ်အလောင်းကို ပြန်လည်သယ်ဆောင်၍ အခင်းဖြစ်နေရာ၌ ချထားကာ မော်တော်ယာဉ်ကို မောင်းနှင်ယူဆောင်သွားခဲ့ကြောင်းလည်း သိရသည်။

လက်ရှိတွင် လုံခြုံရေးတပ်ဖွဲ့ဝင်များအနေဖြင့်လည်း အကြမ်းဖက်မှုကျူးလွန်သူများအား ဥပဒေ နှင့်အညီ ထိရောက်စွာ ဖော်ထုတ်ဖမ်းဆီးအရေးယူနိုင်ရေး ဆက်လက်ဆောင်ရွက်လျက်ရှိကြောင်း သိရသည်။

#Local_News #ရဲအရာရှိနှင့် မိသားစုပစ်ခတ်ခံရ #ကလေးတစ်ဦးဒဏ်ရာရ
#Yangon_Times/PP