#DailyNews
Published _ 25 November 2022
၁။ စပါးတင်း ၁၀၀ လျှင် ၆သိန်း ၃ သောင်းကျပ် သတ်မှတ်ချက်ဟာ တောင်သူများအတွက် အရင်းတောင်မရှိသည့်ဈေးဖြစ်နေ
၂။ သတ္တုတွင်းထွက်ပစ္စည်း တင်ပို့မှုမှ အမေရိကန်ဒေါ်လာ သန်း ၂၀၀ နီးပါးရရှိထား
၃။ ပြင်ပတွင်အပိုဆေးဖိုးဝါးခကုန်ကျခဲ့သည့်ဝန်ထမ်းများအတွက် ဆေးကုသစရိတ်ထောက်ပံ့ကြေး စတင်ပေးမည်
၄။ သာမန်ရုပ်ရှင်များနှင့်မတူကွဲပြားနေသည့် Return to Seoul ရုပ်ရှင် ဘူဆန်ပွဲတော်တွင်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
- Category: Myanmar
- Hits: 209
#Local_News
Published_25 November 2022
ကမ္ဘာ့ရွှေဈေးနှုန်း ဆက်လက်မြင့်တက်နေပေမယ့် ပြည်တွင်းအခေါက်ရွှေဈေးနှုန်းကတော့ အကျဘက်ကိုဦးတည်နေတယ်လို့ ရန်ကုန်တိုင်းရွှေလုပ်ငန်းရှင်များအသင်းက ဥက္ကဋ္ဌ ဦးမျိုးမြင့်က YMG ကိုပြောပါတယ်။
#Yangon_Media_Group
- Category: Myanmar
- Hits: 308
#Local_News
Published_25 November 2022
မြန်မာ့အကောက်ခွန်နှုန်း စာရင်းရှိ တိုးမြှင့်ကောက်ခံမည့် ဆေးဝါး ၂၁ မျိုးနှင့် အကောက်ခွန် ကင်းလွတ်ခွင့်ပြုမည့် ဆေးဝါးများမှအပ ကျန်ဆေးဝါးများကို အကောက်ခွန်နှုန်း ၁ ဒသမ ၅ ရာခိုင်နှုန်း ဖြင့် စည်းကြပ်ကောက်ခံသွားမည်ဖြစ်ကြောင်း စီမံကိန်းနှင့် ဘဏ္ဍာရေး ဝန်ကြီးဌာနမှ အသိပေးထုတ်ပြန်ထားသည်။
ယင်းအပြင် ဆေးဝါးအချို့ အခွန်ကင်းလွတ်ခွင့်ပေးထားသော်လည်း ဈေးကွက်အတွင်းရှိ ဆေးဝါးဈေးနှုန်းများမှာ ကျဆင်းခြင်းမရှိဘဲ ဆက်လက်မြင့်တက်နေကြောင်း ဝယ်ယူသုံးစွသူများထံမှ သိရသည်။
“ကျွန်မတို့က ဆေးကိုပြတ်လို့မရဘူး ဆီးချိုသမားဆိုတော့။ အမြဲတမ်းဝယ်နေရတာ။ တစ်ခေါက်နဲ့ တစ်ခေါက် ဝယ်လိုက်တိုင်းမှာလည်းဈေးကကျမလာဘူး။ တတ်တတ်လာတယ်။ ဈေးကအမြဲတမ်းတတ်နေတော့ အဆင်မပြေဘူး”ဟုဆေးဝါးဝယ်ယူသူ မထက်ထက်လွင်က ပြောသည်။
ပြည်ပမှ တင်သွင်းလာသောအခွန်ကင်းလွတ်ခွင့်ရရှိသည့် ဆေးဝါး ၁၈ မျိုးမှာ အက်စ်ပရင်ဆေးပြား၊ ပါရာစီတမောလ် ၊ ကလိုဖယ်နီရာမင်း၊ ဒိုင်ရာဇီပင်၊ မယ်ဗင်ဒါဇော၊ ဂျင်တာမိုင်စင်၊ မက်ထရိုနိုင်ဒါဇော၊ ပရိုပယ်နာလော၊ ဓာတ်ဆားရည်၊ ကလိုပရိုမာဇင်း၊ ဆယ်(လ)ဗြူတာမော၊ ဂလူးကို(စ်)+ဓာတ်ဆားရည် အကြောသွင်းဆေး၊ ရီဖင်ပီဇင်၊ အီသမ်ဗြူတော၊ အိုင်ဆိုနိုင်ရာဇိုက်၊ ဖရူဆီမိုက်၊ ဒိုင်ဂေါ့ဆင်း နှင့် ပရက်(စ်)နီဆလုံး ဆေးဝါးတို့ဖြစ်ကြောင်းသိရသည်။
#ymg/sth
#Yangon_Media_Group
- Category: Myanmar
- Hits: 397
#Local_News
Published_ 25 November 2022
ယခုပညာသင်နှစ်တွင် နိုင်ငံတော်စရိတ်ဖြင့် ဆေးဘက်ဆိုင်ရာနှင့်တိုင်းရင်းဆေးတက္ကသိုလ်များတွင် တက်ရောက်နေသူ(၂၉၅၃)ဦးရှိကြောင်း ကျန်းမာရေးဝန်ကြီးဌာနမှ သိရသည်၊၊
ကျန်းမာရေးဝန်ကြီးဌာနအောက်ရှိ ဆေးတက္ကသိုလ်များနှင့် ဆေးပညာနှီးနွှယ်တက္ကသိုလ်များ၏ ပထမနှစ် သင်တန်းအသီးသီးသို့တက်ရောက်ကြမည့် သစ်လွင်ကျောင်းသား/ကျောင်းသူများအား ကြိုဆိုပွဲအခမ်းအနားတွင် ကျန်းမာရေးဝန်ကြီးဌာန၊ပြည်ထောင်စုဝန်ကြီးဒေါက်တာသက်ခိုင်ဝင်းက ထည့်သွင်းပြောကြားချက်အရ သိရခြင်းဖြစ်သည်၊၊
ပြည်ထောင်စုဝန်ကြီးဒေါက်တာသက်ခိုင်ဝင်းက"ယခု ပညာသင်နှစ်တွင် ဆေးတက္ကသိုလ်များသို့ နိုင်ငံတော်အစီအစဉ်ဖြင့် (၁၁၂၃)ဦး၊ မိမိစရိတ်ဖြင့်(၃၆)ဦး၊ သွားဘက်ဆိုင်ရာဆေးတက္ကသိုလ်များသို့ နိုင်ငံတော်အစီအစဉ်ဖြင့် (၂၂၄)ဦး မိမိစရိတ်ဖြင့် (၂)ဦး တက်ရောက်ခွင့် ရရှိခဲ့ပါကြောင်း၊ တက္ကသိုလ်ဝင်စာမေးပွဲတွင် ရရှိခဲ့သည့် (၆)ဘာသာ ပေါင်းရမှတ်နှင့် ရွေးချယ်ခဲ့သည့် တက္ကသိုလ်များဖြစ်သည့် ဆေးဝါးတက္ကသိုလ်များသို့ (၃၇၅)ဦး၊ ဆေးဘက်ဆိုင်ရာ နည်းပညာတက္ကသိုလ်များသို့ (၃၃၈)ဦး၊ သူနာပြုတက္ကသိုလ်များသို့ (၅၂၈)ဦး၊ အခြေခံ ကျန်းမာရေးတက္ကသိုလ်သို့ (၂၀၄)ဦး၊ တိုင်းရင်းဆေးတက္ကသိုလ်သို့ (၁၆၁)ဦးတို့ အသီးသီးတက်ရောက်ခွင့် ရရှိခဲ့ကြောင်း၊ ပညာရပ်အသီးသီးကို နှစ်ကာလ ပြီးဆုံးသည်အထိ ဆုံးခန်းတိုင်သင်ယူ၍ မိမိတို့ရဲ့ ဘဝရည်မှန်းချက်ပန်းတိုင် ရောက်ရှိသည်အထိ ကြိုးစားကြရန်နှင့် ပညာပြည့်ဝ နှလုံးလှပြီး ပြည်သူများကို အလုပ်အကျွေးပြုသည့် ဆေးနှင့်ဆေးဘက် ဆိုင်ရာပညာရှင်များဖြစ်ရန် တိုက်တွန်းလိုကြောင်း" ထည့်သွင်းပြောကြားခဲ့သည်၊၊
ယင်းအပြင် ပြည်ထောင်စုဝန်ကြီးက "မောင်မယ်သစ်လွင်များအနေဖြင့် ယနေ့မှ စတင်၍ ပြည်သူလူထု၏ ကျန်းမာရေးစောင့်ရှောက်မှုလုပ်ငန်းများတွင် စာတွေ့၊ လက်တွေ့ပါဝင်လာကြမည်ဖြစ်၍ တာဝန်ထမ်းဆောင်လျက်ရှိသည့် ကျန်းမာရေးဝန်ထမ်းများအနေဖြင့် လှိုက်လှဲစွာ ကြိုဆိုကြောင်း၊ ယခုနှစ်တွင် ဆေးတက္ကသိုလ်များနှင့် ဆေးပညာနှီးနွယ်တက္ကသိုလ်များသို့ ဝင်ခွင့်စာမေးပွဲ စနစ်သစ်အနေဖြင့် လူတွေ့နှုတ်မေးစာမေးပွဲများ မေးမြန်းဖြေဆိုစေခြင်း ပါဝင်ကြောင်း၊ ထိုသို့ဖြေဆိုစေခြင်းဖြင့် မိမိအမှန်တကယ်ဝါသနာပါသည့်ဆေးပညာဖြင့် အသက်မွေးဝမ်းကြောင်းပြု လိုသူများကိုသာ ရွေးချယ်စိစစ်နိုင်ရန် ရည်ရွယ်ဆောင်ရွက်ခြင်းဖြစ်၍ မိမိဆန္ဒအလျောက် လျှောက်ထားသူမျိုးမှသာလျှင် မည်သည့်အချိန်အခါတွင်မှ လူနာများအား ပစ်ပယ်မသွားဘဲ မိမိတို့ တတ် မြောက်ထားသည့် ဆေးပညာဖြင့် ပြည်သူတို့အား ကျန်းမာရေးစောင့်ရှောက်မှု ပေးနိုင်သူများဖြစ်လာမည်ဖြစ်ကြောင်း၊ ဆရာဝန်၊ သွားဘက်ဆိုင်ရာဆရာဝန်နှင့် ဆေးပညာနှီးနွှယ်ပညာရှင် တစ်ဦး ဖြစ်သည်အထိ နိုင်ငံတော်မှ ကျပ်သန်းပေါင်းများစွာ စိုက်ထုတ်အကုန်အကျခံပြီး ပညာသင်ကြားပေးခဲ့ ခြင်းဖြစ်သဖြင့် ဘွဲ့ရရှိပြီးနောက်နိုင်ငံ့ဝန်ထမ်းအဖြစ်(၅)နှစ်မပျက်မကွက် တာဝန်ထမ်းဆောင်ကြရန် အထူးလိုအပ်ကြောင်း"လည်း ထည့်သွင်းပြောကြားခဲ့ကြောင်း ကျန်းမာရေးဝန်ကြီးဌာနမှ သိရသည်၊၊
နိုင်ငံတော်စရိတ်ဖြင့် သင်ကြားခြင်းမဟုတ်ဘဲ မိမိကိုယ်ပိုင်စရိတ်ဖြင့်သင်ကြားသူများအနေဖြင့် နိုင်ငံဝန်ထမ်းအဖြစ်ထမ်းဆောင်စရာမလိုကြောင်း ကျန်းမာရေးဝန်ကြီးဌာနမှသိရပြီးယခုပညာသင်နှစ် အတွက် မိမိစရိတ်ဖြင့်ပညာသင်ကြားသူ(၃၈)ဦးရှိပြီး နိုင်ငံဝန်ထမ်းအဖြစ်ထမ်းဆောင်စရာမလိုကြောင်းသိရသည်၊၊
#ymg/tthl
#Yangon_Media_Group
- Category: Myanmar
- Hits: 305
#Local_News
Published_25 November 2022
တောင်ကိုရီးယားနိုင်ငံသို့ EPS စနစ်ဖြင့် မြန်မာအလုပ်သမား ၁၀၀ ကျော်ထပ်မံစေလွှတ်ခဲ့ကြောင်း ဆိုးလ်မြို့ မြန်မာသံရုံးမှ ထုတ်ပြန်ထားသည်။
အဆိုပါနိုင်ငံသို့ နိုဝင်ဘာ ၂၄ ရက်တွင် ကုန်ထုတ်လုပ်သားသစ် (၇၃) ဦး၊ CBT ကုန်ထုတ်လုပ်သား (၉) ဦး၊ Re-entry ကုန်ထုတ်လုပ်သား (၃၇) ဦး၊ စုစုပေါင်း (၁၁၀) ဦး စေလွှတ်ခဲ့ခြင်းဖြစ်ကြောင်းသိရသည်။
ယင်းအပြင် Regular ( ကုန်ထုတ် ၊ စိုက်ပျိုး/မွေးမြူရေးနှင့် ဆောက်လုပ်ရေး) လုပ်ငန်းများတွင် လုပ်ကိုင်ရန် မြန်မာအလုပ်သမား ၁၁ ဦး ၊ Re-entry (ကုန်ထုတ်) အလုပ်သမား ၄၃ ဦးကိုထပ်မံစေလွှတ်သွားမည်ဖြစ်ကြောင်း သိရသည်။
အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် နိုဝင်ဘာလ ၁၆ ရက်အထိ Regular ကုန်ထုတ်လုပ်သားသစ် ၊ CBT ကုန်ထုတ်အလုပ်သမားသစ် ၊ Re-entry ကုန်ထုတ်လုပ်သား ၊Re-entry စိုက်ပျိုးရေးနှင့် မွေးမြူရေးလုပ်သား စုစုပေါင်း ၄၈၆ ဦးကို ပိုဆောင်ပေးထားကြောင်း ဆိုးလ်မြို့ရှိ မြန်မာသံရုံးမှ ထုတ်ပြန်ကြေညာထားသည်။
#ymg/STH
#Yangon_Media_Group
- Category: Myanmar
- Hits: 266
#World_Military
Published 25 November 2022
တစ်ချိန်တုန်းက အာရှမှာ အကြီးမားဆုံးဖြစ်ခဲ့တဲ့ စစ်အခြေစိုက်စခန်းကို အမေရိကန်တို့စွန့်လွှတ်ခဲ့ပြီးနောက် နှစ် ၃၀ အကြာမှာတော့ တရုတ်တို့ ရေကြောင်းပိုင်နက်နေရာချထားမှုများကို စိုးရိမ်လာသဖြင့် အမေရိကန်စစ်တပ်ဟာ ဆူဘစ်ပင်လယ်အော်ကို ပြန်လည်ရောက်ရှိလာဖွယ်ရှိကြောင်း ကင်းလွတ်ဆိပ်ကမ်းဇုန် ကြီးကြပ်ရေးဌာနမှ ထိပ်တန်းအရာရှိတစ်ဦးက ပြောကြားလိုက်ပါတယ်။
အရင်က အမေရိကန်ရေတပ်အခြေစိုက်စခန်းတည်ရှိခဲ့တဲ့ ဆူဘစ်ပင်လယ်အော်ဟာ တောင်တရုတ်ပင်လယ်ကို မျက်နှာမူထားကာ စည်ကားတဲ့နေရာတစ်ခုဖြစ်ပြီးတော့ ဆူဘစ်ပင်လယ်အော်မက်ထရိုပိုလီတန်အာဏာပိုင်များ(SBMA)မှ ဒေသခံလူတစ်သိန်းခွဲခန့်ကို အလုပ်နေရာချထားပေးပါတယ်။
ကာကွယ်ရေးပူးပေါင်းမြှင့်တင်ရေးသဘောတူညီချက်(EDCA)အရ ဖိလစ်ပိုင်နိုင်ငံထဲရှိ နောက်ထပ်နေရာ ၅ ခုမှာလည်း အမေရိကန်စစ်ဘက်ဆိုင်ရာအဆောက်အအုံများနဲ့ လက်နက်များနေရာချထားရန် အမေရိကန်နဲ့ ဖိလစ်ပိုင်တို့ ညှိနှိုင်းဆွေးနွေးနေကြပါပြီ။
အဆိုပါဆိပ်ကမ်းမှာ ကြာသပတေးနေ့တုန်းက SBMA တည်ထောင်ခြင်း နှစ် ၃၀ ပြည့်အထိမ်းအမှတ်အဖြစ် ပွဲများပြုလုပ်ခဲ့ပြီး အရပ်ဘက်လေယာဉ်များနဲ့ ဖိလစ်ပိုင်ရေတပ်ရဟတ်ယာဉ်များ ပြသခြင်းတို့ ပြုလုပ်ခဲ့ပါတယ်။
အဆိုပါယာဉ်တွေကို အခုဆိုရင် ထောက်လှမ်းရေးနဲ့ လေကြောင်းလေ့ကျင့်ရေးတို့မှာ ပြန်လည်အသုံးချဖို့ ရည်ရွယ်ထားပါတယ်။
၂၀၁၄ ခုနှစ်က လက်မှတ်ရေးထိုးခဲ့ပုံအရဆိုရင် EDCA သဘောတူညီချက်က သတ်မှတ်ခဲ့တဲ့ ၁၀ နှစ်ကာလကို ကျော်လွန်ပြီး ဆက်လက်လုပ်ဆောင်သွားဖွယ်ရှိနေကာ အမေရိကန်တို့က ဖိလစ်ပိုင်မှာ အခြေစိုက်စခန်းအသစ်များတည်ဆောက်ရန်နဲ့ ရှိပြီးသား EDCA နေရာများမှာ အဆင့်မြှင့်တင်ရန် ရင်းနှီးမှုများပြုလုပ်ဖို့ စိတ်ဝင်စားတဲ့ပုံပေါ်နေပါတယ်။
ထိုင်ဝမ်ရေလက်ကြား တင်းမာလာမှုများနဲ့ အမေရိကန် တရုတ်တို့ကြား ရန်လိုမှုများကြီးထွားလာခြင်းတို့က အခုလို စိုးရိမ်မှုတွေဖြစ်လာစေတာဖြစ်ကြောင်း SBMA ဥက္ကဌ'ရိုလန်ပေါ်လီနို'က ပြောကြားခဲ့ပါတယ်။
အနီးနားရှိ အိုလွန်ဂါပိုမြို့ရဲ့ မြို့တော်ဝန်ဟောင်းဖြစ်သူ'ပေါ်လီနို'က သူ့အစိုးရအဖွဲ့ဟာ အမေရိကန်နဲ့ ကာကွယ်ရေးမဟာမိတ်များအဖြစ် ဆက်လက်တည်ရှိလိုကြောင်း၊ အိုလွန်ဂါပိုမြို့ကလူတွေဟာ အမေရိကန်စစ်မှုထမ်းတွေနဲ့ ကာလကြာမြင့်တဲ့အထိ အတူနေထိုင်လာကြတာကြောင့် အမေရိကန်လိုလားသူများဖြစ်ကြောင်း ပြောကြားလိုက်ပါတယ်။
ဖိလစ်ပိုင်နိုင်ငံဆိုင်ရာ အမေရိကန်သံအမတ်'မယ်ရီကေကာလ်ဆန်'က နိုဝင်ဘာ ၉ ရက်နေ့မှာ ဆူဘစ်ပင်လယ်အော်နဲ့ အမေရိကန်ကုမ္ပဏီပိုင်ဆိုင်တဲ့ သင်္ဘောကျင်းသို့ သွားရောက်ခဲ့ပါသေးတယ်။
ဖိလစ်ပိုင်ရေတပ်ဟာ ယင်းတို့ရေတပ်အခြေစိုက်စခန်းသစ်အဖြစ် ထိုသင်္ဘောကျင်းရဲ့နေရာအချို့မှာ အခြေချထားပါတယ်။
'ကာလ်ဆန်'လာရောက်လည်ပတ်ခြင်းက ဆူဘစ်ပင်လယ်အော်ဟာ အမေရိကန်အတွက် ဘယ်လောက်အရေးပါလဲဆိုတာကို ပြသရာရောက်ပါတယ်။
တရုတ်ကုမ္ပဏီနှစ်ခုက ထိုသင်္ဘောကျင်းကို လိုချင်နေခဲ့ပေမယ့် အမေရိကန်တို့ဝင်ရောက်လာခဲ့တာဖြစ်ကြောင်း ဖိလစ်ပိုင်ထိပ်သီးအရာရှိတစ်ဦးက ဆိုပါတယ်။
ဖိလစ်ပိုင်သိမ်းယူထားတဲ့ ကျွန်းတစ်ကျွန်းအနီးမှာ ဖိလစ်ပိုင်ရေတပ်နဲ့ တရုတ်ကမ်းရိုးတန်းစောင့်တပ်တို့ကြား နိုဝင်ဘာ ၂၀ ရက်နေ့က တွေ့ဆုံမှုကို ရှင်းလင်းပြောကြားဖို့ ဖိလစ်ပိုင်သမ္မတ'ဖာဒီနန်မားကို့စ်ဂျူနီယာ'က အမိန့်ပေးသဖြင့် ဖိလစ်ပိုင်က တရုတ်ထံ စာရေးသားပေးပို့ခဲ့ပါတယ်။
အောက်တိုဘာလက ပစ်ခတ်ခဲ့တဲ့ တရုတ်ဒုံးကျည်မှ အပိုင်းအစများကို တရုတ်ကမ်းရိုးတန်းစောင့်တပ်ဖွဲ့က အတင်းအဓမ္မရယူနေတာဖြစ်ကြောင်း ဖိလစ်ပိုင်အာဏာပိုင်များက ဆိုပါတယ်။
Source: Kyodo News
#Yangon_Media_Group
- Category: World
- Hits: 347
#World_Health
Published 25 November 2022
ကလေးဘဝကနေ အရွယ်ရောက်သည်အထိ စာသင်ခန်းစာတွေပဲ လေ့လာခဲ့တဲ့သူအများစုမှာ အဝေးမှုန်အခြေအနေကြောင့် မျက်မှန်တပ်ကြရတယ်လို့ လေ့လာတွေ့ရှိရပါတယ်။
စာဖတ်လေ့လာမှုများအပြင် GJD2, RBFOX1, LAMA2, KCNQ5 နဲ့ LRRC4C မျိုးဗီဇမျိုးကွဲများက အဝေးမှုန်ဖြစ်လာရတဲ့ အကြောင်းအရင်းဖြစ်နေနိုင်ကြောင်း ဝေးလ်စ်နိုင်ငံ ကာဒစ်ဖ်တက္ကသိုလ်မှ ဒေါက်တာ'ဂျရမီဂက်ဂျင်ဟိမ်း'ဦးဆောင်တဲ့ သုတေသီအဖွဲ့က ဖော်ပြခဲ့ပါတယ်။
ကျောင်းစာသင်တာ ကြာလာတာနဲ့အမျှ အဝေးမှုန်ဖြစ်လာချေများလာတဲ့ မျိုးဗီဇမျိုးကွဲ ၅ မျိုးကို သုတေသီများတွေ့ရှိခဲ့ကြတာဖြစ်ပါတယ်။
အဝေးမှုန်ခြင်းက မျက်လုံးပြဿနာတစ်မျိုးဖြစ်ပြီး အသက်ကြီးသူတွေမှာ ပြန်မကောင်းနိုင်တော့တဲ့ အခြေအနေဖြစ်ပါတယ်။
ကလေးတွေမှာလည်း အဝေးမှုန်ခြင်းဖြစ်နိုင်ပြီး အပြင်ထွက်ချိန်နည်းပါးခြင်း၊ ပညာသင်ကာလကြာမြင့်ခြင်းတို့အပြင် မျိုးရိုးဗီဇရောစပ်ခြင်းတို့ကြောင့် ဖြစ်တတ်ပါတယ်။
အဝေးမှုန်ဖြစ်နိုင်တဲ့ မျိုးဗီဇမျိုးကွဲပေါင်း ၄၅၀ ကျော်ကို တွေ့ရှိခဲ့ပေမယ့် နေထိုင်မှုပုံစံကြောင့် အဝေးမှုန်ခြင်းခံစားရနိုင်တဲ့ အချို့လူတွေမှာတော့ မျိုးဗီဇမျိုးကွဲအနည်းငယ်နဲ့ သက်ဆိုင်နေပါတယ်။
ပါဝင်စမ်းသပ်သူ ၃၄၀,၀၀၀ ကျော်ထံမှ မျိုးဗီဇနဲ့ ကျန်းမာရေးဆိုင်ရာ အချက်အလက်များအသုံးပြုရာမှာ အဝေးမှုန်ခံစားရသူတွေမှာ အန္တရာယ်များတဲ့ လူမှုနေထိုင်မှုပုံစံလည်းရှိကြကာ မျိုးဗီဇမျိုးကွဲအနည်းငယ်ကိုလည်း တွေ့ရှိရပါတယ်။
အဝေးမှုန်ခြင်းဖြစ်စေနိုင်တဲ့ မျိုးဗီဇမျိုးကွဲ ၅ မျိုးမှာမှ ၃ မျိုးကို အရင်က မသိခဲ့ဘဲ ကလေး ၈၀ ရာခိုင်နှုန်းခန့် အဝေးမှုန်ခြင်းခံစားရတဲ့ အရှေ့အာရှနေရာတွေမှာတော့ ၂ မျိုးသာ တွေ့ရှိခဲ့ကြပါတယ်။
အနောက်တိုင်းတွေမှာတော့ ကလေး ၃၀ ရာခိုင်နှုန်းလောက်က အဝေးမှုန်ခံစားကြရပါတယ်။
ဒီလေ့လာမှုကြောင့် အဝေးမှုန်ခြင်းဖြစ်စေတဲ့ မျိုးဗီဇနဲ့ လူနေမှုပုံစံတို့ အပြန်အလှန်သက်ရောက်ကြပုံကို ဇီဝလမ်းကြောင်းတွေကနေ သိမြင်နိုင်စေပါတယ်လို့ ကောက်ချက်ချထားပါတယ်။
အဝေးမှုန်ဖြစ်စေတဲ့ အကြောင်းအရင်းတွေ သိရှိနိုင်မှာဖြစ်ပေမယ့် လူနေမှုပုံစံနဲ့ ဆက်စပ်ပုံတွေကိုတော့ သိရှိဖို့ နောက်ထပ်လေ့လာရဦးမှာဖြစ်ကြောင်း ပြောကြားလိုက်ပါတယ်။
Source: The Jerusalem Post
#Yangon_Media_Group
- Category: World
- Hits: 372
#Local_News
Published_25 November 2022
ယခုနှစ် ၂၀၂၂ ခုနှစ်အတွင်း ဂျပန်နိုင်ငံတွင် အလုပ်လုပ်ကိုင်ရန်အတွက် ထွက်ခွာသူဦးရေ တစ်သောင်းနီးပါးရှိကြောင်း ပြည်ပအလုပ်အကိုင်ရှာဖွေရေး အေဂျင်စီတွေဆီထံမှ သိရသည်။
ဂျပန်နိုင်ငံသည် အလုပ်သမားလိုအပ်ချက်ကြောင့် ယခုနှစ် ၂၀၂၂ ခုနှစ်အတွင်း မြန်မာလုပ်သားတွေကို ဆက်တိုက်ခေါ်ယူမှုများရှိလာကြောင်း၊ မြန်မာလုပ်သားစေလွှတ်မှုအနေဖြင့် မတ်လမှ နိုဝင်ဘာလ ၂၂ ရက်အထိ အေဂျင်စီ ၁၀၅ ခု က မြန်မာလုပ်သား ၉၆၂၇ ဦး စေလွှတ်နိုင်ခဲ့ကြောင်း သိရသည်။
ယင်းအပြင် ကိုဗစ်ကာလတွင် မသွားလိုက်ရသည့် အလုပ်သမားများနှင့် အလုပ်ခေါ်စာစောင့်နေသူများကို ဂျပန်ဘက်က ဆက်လက်ခေါ်ယူဖို့ရှိနေကြောင်း၊ ယခုနှစ်အတွင်း ဂျပန်သို့ သွားရောက်လုပ်ကိုင်သူများတွင် အမျိုးသားဦးရေ ၄၅၀၀ ကျော်နှင့် အမျိုးသမီး ၅၁၀၀ ကျော်ရှိခဲ့ပြီး ဆောက်လုပ်ရေး၊ အထည်ချုပ်၊ စိုက်ပျိုး၊ မွေးမြူရေး၊ စားသောက်ကုန်လုပ်ငန်း၊ စက်မှုလုပ်ငန်းစသည့် ကုန်ထုတ်လုပ်ငန်းတွေနှင့် သက်ကြီးရွယ်အိုစောင့်ရှောက်ရေး လုပ်ငန်းများက ခေါ်ယူခဲ့ခြင်းဖြစ်ကြောင်းသိရသည်။
ပြည်တွင်းအလုပ်အကိုင်ရှားပါးမှုကြောင့် ဂျပန်နိုင်ငံအပါအဝင် တောင်ကိုရီးယား၊ ထိုင်းနှင့် မလေးရှားတို့တွင် သွားရောက်လုပ်ကိုင်သူများပြားကြောင်း သိရသည်။
#ymg/sth
#Yangon_Media_Group
- Category: Myanmar
- Hits: 427
#Local_News
Published_ 25 November 2022
ရုရှားနိုင်ငံရှိ မော်စကို နိုင်ငံတကာဆက်ဆံရေးတက္ကသိုလ်၊ ရုရှားပြည်သူ့ ချစ်ကြည်ရေးတက္ကသိုလ်၊ Pushkin ပြည်နယ်ရုရှား ဘာသာစကားအင်စတီကျု စသည့် တက္ကသိုလ်များမှ မြန်မာပညာတော်သင်များ ပိုမိုတိုးချဲ့ခေါ်ယူရေး၊ မြန်မာနိုင်ငံမှ အသိပညာရှင် Think Tanks အဖွဲအစည်းများနှင့် ပိုမိုနီးကပ်စွာ ပူးပေါင်းဆောင်ရွက်ရေး၊ နိုင်ငံတကာမျက်နှာစာတွင် နှစ်နိုင်ငံအကြားအပြန်အလှန်နားလည်မှု မြှင့်တင်ရေး ကိစ္စရပ်များကို နိုဝင်ဘာ ၂၄ ရက်တွင် ဆွေးနွေးခဲ့ပါတယ်။
နိုင်ငံခြားရေးဝန်ကြီးဌာန၊ ဝန်ကြီး ဦးဝဏ္ဏမောင်လွင်သည် ရုရှားဖက်ဒရေးရှင်းနိုင်ငံ၊ ရုရှား-မြန်မာ ချစ်ကြည်ရေးနှင့်ပူးပေါင်းဆောင်ရွက်ရေးအသင်း ဒုတိယဥက္ကဋ္ဌ မစ္စတာ ဗစ်တလီ ဆိုလိုနက်စကိုင်း ဦးဆောင်သော ရုရှားဖက်ဒရေရှင်းနိုင်ငံမှ အဆင့်မြင့်ပညာရေး ကိုယ်စားလှယ်အဖွဲအား လက်ခံတွေ့ဆုံစဉ် ဆွေးနွေးခဲ့တာ ဖြစ်ပါတယ်။
ထို့ပြင် မြန်မာ-ရုရှား နှစ်နိုင်ငံကြား ချစ်ကြည်ရင်းနှီးသောဆက်ဆံရေး မြှင့်တင်ရေး၊ ပြည်သူအချင်းချင်း အပြန်အလှန် ထိတွေ့မှုမြှင့်တင်ရေး၊ ယဉ်ကျေးမှု၊ ပညာရေး စသည့် ကဏ္ဍများတွင် ပူးပေါင်းဆောင်ရွက်မှု ပိုမိုတိုးမြှင့်ရေးကိုလည်း ဆွေးနွေးကြပါတယ်။
တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်မျိုးထွဋ်နှင့် အဆင့်မြင့်အရာရှိကြီးများ တက်ရောက်ကြပြီး ရုရှား-မြန်မာချစ်ကြည်ရေးနှင့် ပူးပေါင်း ဆောင်ရွက်ရေးအသင်း ဒုတိယဥက္ကဋ္ဌ မစ္စတာ ဗစ်တလီ ဆိုလိုနက်စကိုင်းနှင့်အတူ ရုရှားဖက်ဒရေးရှင်းနိုင်ငံ မော်စကိုနိုင်ငံတကာဆက်ဆံရေးတက္ကသိုလ်၊ ရုရှားပြည်သူ့ ချစ်ကြည်ရေး တက္ကသိုလ်တိုမှ ဒုတိယပါမောက္ခချုပ်များ၊ Pushkin ပြည်နယ် ရုရှားဘာသာစကားအင်စတီကျုမှ နိုင်ငံတကာရေးရာဌာနမှူးနှင့် The Alexander Gorchakov Public Diplomacy Fund မှ ဒုတိယအမှုဆောင်ဒါရိုက်တာတို့ တက်ရောက် ကြကြောင်း သတင်းရရှိပါတယ်။
#ygm_mnn
#Yangon_Media_Group
- Category: Myanmar
- Hits: 318
#World_Science
Published 25 November 2022
Bustard (Otis tarda) လို့ခေါ်တဲ့ ငှက်တွေဟာ ပျံသန်းနိုင်တဲ့ငှက်တွေထဲမှာ အလေးလံဆုံးဖြစ်ပြီး နေမကောင်းတဲ့အခါ သူတို့ဘာသာ အပင်တွေရှာဖွေကာ ကုသနိုင်ပါတယ်။
မော်ရိုကိုမြောက်ပိုင်း၊ ဥရောပတောင်ပိုင်းနဲ့ အလယ်ပိုင်းကစလို့ သမပိုင်းအာရှအလယ်ပိုင်းနဲ့ အရှေ့ပိုင်းတို့ရှိ မြက်ခင်းလွင်ပြင်တွေမှာ တွေ့ရပြီး မြေပြင်မှာအသိုက်ဆောက်တတ်တဲ့ ငှက်တွေဖြစ်ပါတယ်။
၁၉၉၆ ခုနှစ်နောက်ပိုင်း သဘာဝပတ်ဝန်းကျင်ထိန်းသိမ်းကာကွယ်ရေးအဖွဲ့က ထိုငှက်များကို မျိုးသုဉ်းပျောက်ကွယ်မည့်အန္တရာယ်ရှိစာရင်းထဲ ထည့်သွင်းထားကာ တစ်ကမ္ဘာလုံးရှိအကောင်ရေရဲ့ ၆၀ ရာခိုင်နှုန်းလောက်က ပေါ်တူဂီနဲ့စပိန်တို့မှာ ရှိနေပါတယ်။
သူတို့စားသုံးတဲ့အပင်တွေရဲ့ ဇီဝလှုပ်ရှားမှုများအရ bustard ငှက်တွေဟာ ရောဂါပိုးသေစေနိုင်တဲ့ဒြပ်ပေါင်းပါဝင်တဲ့ အပင် ၂ မျိုးကိုရှာဖွေကြကြောင်း ယူဆနေကြပါတယ်။
သူတို့စားသုံးကြတဲ့ corn poppies (Papaver rhoeas)မှာ ဖက်တီးအက်ဆစ်များစွာပါဝင်ပြီး purple viper’s bugloss (Echium plantagineum) မှာတော့ စားသုံးလို့ရတဲ့အဆီဓာတ်များ ပါဝင်ပါတယ်။
သူတို့က လူတွေဆေးဖော်စပ်ရာမှာ အသုံးပြုတဲ့ဆေးပင်တွေကို အသုံးပြုကြကြောင်း၊ အပင်နှစ်မျိုးစလုံးဟာ ပရိုတိုဇိုအာနဲ့ ပိုးသေစေနိုင်တဲ့ အစွမ်းရှိကြကြောင်း ဒေါက်တာ'အာဇူဆီနာဂွန်ဇာလက်ကိုလိုမာ'က ပြောကြားလိုက်ပါတယ်။
ငှက်ထီးတွေက လာရောက်တဲ့ငှက်မတွေ မြင်သာကြားသာအောင် သတ်မှတ်ထားတဲ့နေရာတွေမှာ စုဝေးကြပြီး ငှက်ထီးတွေရဲ့ ပုံပန်းသဏ္ဍာန် စွမ်းရည်တွေကိုကြည့်ပြီး ငှက်မတွေက မိတ်ဖက်ရွေးချယ်တာဖြစ်ပါတယ်။
အပင်တွေက ငှက်ထီးရောအမအတွက်ပါ အကျိုးရှိပြီး အထူးသဖြင့် မိတ်လိုက်ရာသီမှာ ကူးစက်ရောဂါများမှ ကုသနိုင်သလို ပိုမိုကျန်းမာကာ ဆွဲဆောင်မှုရှိစေကြောင်း 'ဂွန်ဇာလက်ကိုလိုမာ'က ဆိုပါတယ်။
"မိတ်လိုက်ရာသီမှာ ငှက်ထီးတွေက ပိုမိုအားအင်ကုန်ခမ်းတာကြောင့် ဒီဆေးပင် ၂ မျိုးကို ရွေးချယ်စားသုံးကြပါတယ်" လို့ 'ဘော်တစ္စတာဆိုပဲလာနာ'က ပြောကြားလိုက်ပါတယ်။
corn poppies က ရိုးရာတိုင်းရင်းဆေးတွေမှာ အနာသက်သာခြင်း၊ အိပ်ပျော်စေခြင်း၊ ကိုယ်ခံအားမြှင့်တင်ခြင်းတို့အတွက် အသုံးပြုကြပါတယ်။
purple viper’s bugloss ကတော့ လူတွေနဲ့ ကျွဲနွားတွေမှာ အများအပြားစားမိရင် အဆိပ်သင့်စေပါတယ်။
bustard ငှက်တွေ သူတို့ဘာသာ ဆေးကုသတယ်ဆိုတဲ့အကြောင်း ထပ်မံလေ့လာဖို့တော့ လိုအပ်ပါသေးတယ်။
Source: The Jerusalem Post
#Yangon_Media_Group
- Category: World
- Hits: 599
Published 24 Nov 2022
အသေးစား၊အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးရန်ပုံငွေကို ထပ်မံထူထောင်ပေးမယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ကပြောပါတယ်။
နိုဝင်ဘာ ၂၄ ရက် ကြာသပတေးနေ့ က နေပြည်တော်မှာကျင်းပတဲ့ ဘဏ္ဍာရေးဆိုင်ရာကော်မရှင်အစည်းအဝေးမှာ ဗိုလ်ချူပ်မှူးကြီးက ပြောကြားခဲ့တာဖြစ်ကြောင်း နစကရဲ့သတင်းထုတ်ပြန်ချက်မှာဖော်ပြထားပါတယ်။
“ နိုင်ငံတော်အနေနှင့် နိုင်ငံ့စီးပွားမြှင့်တင်ရေး ရန်ပုံငွေကို ကျပ်ဘီလီယံ၄၀၀၀နှင့် မတည်ထူထောင်ပေးထားပြီးဖြစ်ပါတယ်။ မကြာမီကာလမှာ အသေးစား၊အငယ်စားနှင့် အလတ်စား စီးပွားရေလုပ်ငန်းများ ဖွံ့ဖြိုးတိုးတက်ရေးရန်ပုံငွေကိုလည်း ထပ်မံထူထောင်ပေးဖို့ ဆောင်ရွက်လျက်ရှိပါတယ်” လို့ ဘဏ္ဍာရေးကော်မရှင်ဥက္ကဋ္ဌဖြစ်သူ ဗိုလ်ချူပ်မှူးကြီးက ပြောဆိုခဲ့တာဖြစ်ပါတယ်။
အဲသလိုရန်ပုံငွေတွေမတည်ပေးနေတာဟာ ကိုဗစ်-၁၉ ကြောင့်ကျဆင်းခဲ့ရတဲ့ နိုင်ငံ့စီးပွားရေးပြန်လည်မြှင့်တင်ပေးဖို့ ဖြစ်တယ်လို့လည်း နစက ဥက္ကဋ္ဌကပြောပါတယ်။
ကိုဗစ်ကပ်ရောဂါနှင့် နိုင်ငံကြီးတွေအကြား စစ်ရေး၊နိုင်ငံရေးအားပြိုင်မှုတွေ၊ကမ္ဘာ့ရွှေဈေး၊ရေနံဈေး မတည်ငြိမ်မှုတွေက တစ်ဆင့် အထွေထွေကုန်ဈေးနှုန်းတွေမြင့်တက်လာတာ။ငွေကြေးဖောင်းပွလာတာနှင့်အမေရိကန်ဒေါ်လာငွေကြေး တန်ဖိုးမြင့်တက်လာတာတွေကြောင့် အခြားနိုင်ငံတွေရဲ့ ပြည်တွင်သုံးငွေတန်ဖိုးကျဆင်းမှုတွေစတဲ့ အခြေအနေတွေအရ စီးပွားရေးဖွံ့ဖြိုးတိုးတက်အောင်ဆောင်ရွက်ရာမှာ စိန်ခေါ်မှုတွေနှင့် ရင်ဆိုင်နေရတယ်လို့လည်း ဘဏ္ဍာရေးကော်မရှင် ဥက္ကဋ္ဌက ထုတ်ဖော်ပြောဆိုခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။
အဲဒါကြောင့် စိုက်ပျိုးမွေးမြူရေးနှင့် ကျေးလက်ဖွံ့ဖြိုးတိုးတက်ရေးတွေကို အားပေးမှာဖြစ်ပြီး အသေးစား၊အငယ်စားနှင့် အလတ်စား စီးပွားရေးတွေတိုးတ်ကဖို့လည်းအားပေးသွားမယ်လို့လည်း ဗိုလ်ချူပ်မှူးကြီးကပြောပါတယ်။
ယခုအစည်းအဝေးမှာ ဘဏ္ဍာရေးကော်မရှင် ဒုတိယဥက္ကဋ္ဌ ဒုတိယဗိုလ်ချူပ်မှူးကြီးစိုးဝင်းနှင့် ကော်မရှင်အတွင်းရေးမှူးနှင့် ကော်မရှင်အဖွဲ့ဝင်တွေ တက်ရောက်ခဲ့ကြတာဖြစ်ပါတယ်။
-ymg/knl
#Myanmar_Finanace_Meeting
အသေးစား၊အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးရန်ပုံငွေ မကြာမီထူထောင်ပေးမည်
- Category: Myanmar
- Hits: 420
#Local_News
Published _ 24 November 2022
ပြည်တွင်းမှာစိုက်ပျိုးထုတ်လုပ်နေတဲ့ ပဲနီတစ်ပိသာကို ကျပ် ၈ထောင်အထိ ပေါက်ဈေးရှိနေတယ်လို့ အရောင်းအဝယ်ပြုလုပ်နေတဲ့ ကုန်စည်ဒိုင်တွေဆီကနေ သိရပါတယ်။
#Yangon_Media_Group
- Category: Myanmar
- Hits: 297