မြေပဲအတောင့်ကို ပွဲခမယူဘဲ ကာလပေါက်ဈေးအတိုင်းပေးတဲ့အပြင် ရောင်းချပြီးပါကရသည့် အမြတ်ငွေ၏ ၂၀ ရာခိုင်နှုန်းကို နိုင်ငံတကာ ပို့ကုန်လုပ်ငန်းရှင်က ပြန်ပေးမှာ ဖြစ်တဲ့မြေပဲ စိုက်တောင်သူတွေ လာရောက်ရောင်းချမှုများတယ်လို့ တိုင်းတောင်သူဖွံ့ဖြိုးရေးအဖွဲ့ထံက သိရပါတယ်။
#Local_News
Published 19 December 2023
#အမြတ်ငွေ၂၀ရာခိုင်နှုန်းပေး #တိုင်းတောင်သူဖွံ့ဖြိုးရေးအဖွဲ့ #မြေပဲစိုက်တောင်သူ
#YMG/LW #Yangon_Times

#Local_News
Published_ 19 December 2023

ရုရှားခရီးသွားဧည့်သည်များ ပိုမိုလာရောက်လည်ပတ်ရေးအတွက် ပြည်ဝင်ဗီဇာ ဖြေလျော့ပေးမှုများ၊ ကြိုဆိုရေးအစီအစဉ်များနှင့် မြှင့်တင်ကြော်ငြာရေးကိစ္စရပ်များကို ဆောင်ရွက်လျက်ရှိကြောင်း စိန့်ပီတာစဘတ်မြို့၌ ဒီဇင်ဘာ ၁၃ ရက်မှ ၁၅ ရက်အထိ ပူးပေါင်းစီစဉ် ကျင်းပပြုလုပ်တဲ့ စိန့်ပီတာစဘတ်နိုင်ငံတကာခရီးသွားလုပ်ငန်းဖိုရမ်၌ ဟိုတယ်နှင့်ခရီးသွားလာရေးဝန်ကြီး ဒေါက်တာသက်သက်ခိုင်က ပြောကြားခဲ့ပါတယ်။

ဝန်ကြီးက မြန်မာနိုင်ငံ၏ ခရီးသွားလုပ်ငန်းဖွံ့ဖြိုးတိုးတက်မှုအခြေအနေများ၊ ရုရှားနိုင်ငံနှင့် ခရီးသွားလုပ်ငန်းပူးပေါင်း ဆောင်ရွက်မှုအခြေအနေများ၊ မြန်မာနိုင်ငံသို့ ရုရှားခရီးသွားများ ပိုမိုတိုးတက်လာရောက်ရေး Welcome Russia Program in Myanmar ဆောင်ရွက်နေတယ်လို့ ဆိုပါတယ်။

စပိန်၊ ဂျော်ဒန်၊ အိန္ဒိယ၊ ယူအေအီး၊ ကာတာနှင့် ဗီယက်နမ်နိုင်ငံတို့မှ ကိုယ်စားလှယ်များက နိုင်ငံတကာနှင့်ဒေသတွင်း စီမံကိန်းဖော်ဆောင်မှုများ၊ ဗီဇာ၊ ငွေကြေးစနစ်များနှင့် ခရီးသွားလုပ်ငန်း ဈေးကွက်မြှင့်တင်ရေးကိစ္စရပ်များကို ပါဝင်ဆွေးနွေးကြပါတယ်။

ဒီဇင်ဘာ ၁၄ ရက်တွင် Four Seasons Hotel ၌ စီးပွားရေးဖွံ့ဖြိုးတိုးတက်မှု ဝန်ကြီးဌာန၏ ပြည်ဝင်ခရီးသွားလုပ်ငန်းဖွံ့ဖြိုးတိုးတက်ရေးဆောင်ရွက်မှုရလဒ်များနှင့် အနာဂတ်အစီအစဉ်များ ရှင်းလင်းတင်ပြခြင်း ဆွေးနွေးပွဲနှင့် နိုင်ငံတော်ဦးစားပေး လုပ်ငန်းအစီအစဉ်များအရ ခရီးစဉ်ဒေသ အသစ်များဖော်ထုတ်သည့် ဆွေးနွေးပွဲသို့ တက်ရောက်ခဲ့ပြီး မြန်မာ-ရုရှား နှစ်နိုင်ငံကြား ခရီးသွားလုပ်ငန်းပူးပေါင်း ဆောင်ရွက်ရေး မြှင့်တင်နိုင်ဖို့ ဆွေးနွေးခဲ့ပါတယ်။

ခရီးသွားလုပ်ငန်းအတွက် လေကြောင်းချိတ်ဆက်မှုမှာအရေးကြီးပြီး မြန်မာနိုင်ငံနှင့် ရုရှားနိုင်ငံ တို့အကြား တိုက်ရိုက်လေကြောင်းပျံသန်းမှုများလည်း ရှိလာပါကြောင်း၊ မြန်မာ-ရုရှားခရီးသွားလုပ်ငန်း ဖိုရမ်ကျင်းပနိုင်ရေးအတွက် စိန့်ပီတာစဘတ်အစိုးရနှင့် ပူးပေါင်းဆောင်ရွက်လိုကြောင်း၊ နှစ်နိုင်ငံ အစိုးရချင်း၊ ပုဂ္ဂလိကချင်း နီးကပ်စွာ လက်တွဲ ဆောင်ရွက်သွားလိုကြောင်း ပြောပါတယ်။

ဒီဇင်ဘာ ၁၅ ရက်တွင် မြန်မာကိုယ်စားလှယ်အဖွဲ့သည် စိန့်ပီတာစဘတ် အစိုးရအဖွဲ့တွင် စိန့်ပီတာစဘတ်အစိုးရပြည်ပဆက်ဆံရေးကော်မတီ ဒုတိယဥက္ကဌ၊ မစ္စတာ ဗီချေစလပ်ကော်ဂါနော့ဗ်၊ စိန့်ပီတာစဘတ်ခရီးသွားလုပ်ငန်း ဖွံ့ဖြိုးတိုးတက်ရေး ကော်မတီ ဒုတိယဥက္ကဌ မစ္စ နာနာဂဗီချီယာ တို့ ဦးဆောင်သောအဖွဲ့နှင့် တွေ့ဆုံပါတယ်။

မြန်မာ-ရုရှား နှစ်နိုင်ငံ ခရီးသွားလုပ်ငန်းမြှင့်တင်ရေးနှင့် အပြန်အလှန် လာရောက်လည်ပတ်မှုများ တိုးတက် လာစေရေး၊ မြန်မာနိုင်ငံ၏ ခရီးသွားလုပ်ငန်းဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်စေရေး၊ ရုရှားနိုင်ငံမှ အကူအညီပေးရေး၊ ဆောင်ရွက်ဆဲဖြစ်သည့် မြန်မာ-စိန့်ပီတာစဘတ် virtual forum ကိုမကြာမီကာလအတွင်း ဆောင်ရွက်နိုင်ရေး၊ ခရီးသွားလုပ်ငန်းဆိုင်ရာ ပုဂ္ဂလိက အချင်းချင်းချိတ် ဆက်၍ tourist package များဆောင်ရွက်နိုင်ရေး ဆွေးနွေးခဲ့ကြပါတယ်။

အဆိုပါဖိုရမ်သို့ နိုင်ငံပေါင်း (၄၀)ကျော်မှ လူဦးရေ (၁၀၀၀) ကျော် တက်ရောက်ကြပြီး ကမ္ဘာအနှံ့က အောင်မြင်သည့် ခရီးသွားလုပ်ငန်းအလေ့အကျင့် ကောင်းများနှင့် အမျိုးသားစီမံကိန်းများနှင့်ပတ်သက်၍ အတွေ့အကြုံများကို မျှဝေနိုင်ရန် ရည်ရွယ်၍ ကျင်းပခြင်းဖြစ်ကြောင်း သတင်းရရှိပါတယ်။

#Local_News #ပြည်ဝင်ဗီဇာဖြေလျော့ပေးမှု #ကြိုဆိုရေးအစီအစဉ် #ymg_mnn #Yangon_Media_Group

#Local_News
Published-19 December2023

FMI ကုမ္ပဏီအုပ်စုသည် ပြည်တွင်း အပန်းဖြေဝန်ဆောင်မှု ဈေးကွက်ကို တိုးချဲ့ရန် လုပ်ဆောင်လျက်ရှိပြီး စိန်ခေါ်မှုများနှင့် ဆက်လက်ရင်ဆိုင်နေရဆဲဖြစ်ကြောင်း FMI ၏ ထုတ်ပြန်ချက်အရ သိရသည်။

FMI ကုမ္ပဏီအုပ်စု၏ ခရီးသွားဝန်ဆောင်မှုလုပ်ငန်းကဏ္ဍတွင် ပါဝင်သော Memories Group သည် ပြည်တွင်း အပန်းဖြေဝန်ဆောင်မှု ဈေးကွက်ကို တိုးချဲ့ရန် လုပ်ဆောင်လျက်ရှိပြီး နာမည်ကြီးလူသိများသော အဆောက်အအုံများ (Boutique Hotel)၊ ရန်ကုန်မြို့ရှိ Governor Residence နှင့် British Club တို့ကို စီမံခန့်ခွဲရန် စာချုပ်ချုပ်ဆိုထား‌ကြောင်းသိရသည်။

သို့သော်နိုင်ငံတကာခရီးသွားဧည့်သည်များ လာရောက်မှု သိသိသာသာ ကျဆင်းခြင်းနှင့် ပြည်တွင်းခရီးသွား ဝန်ဆောင်မှုလုပ်ငန်းများ ကောင်မွန်စွာ လည်ပတ်နိုင်မှု နှေးကွေးခြင်းတို့ကြောင့် စိန်ခေါ်မှုများနှင့် ဆက်လက်ရင်ဆိုင်နေရဆဲဖြစ်ကြောင်း သိရသည်။

ထို့အပြင် FMI ကုမ္ပဏီအုပ်စု (First Myanmar Investment Public Co., LTD) အနေဖြင့် ဘဏ်ချေးငွေ အမျိုးမျိုးနှင့် ဘဏ်ဝန်ဆောင်မှုလုပ်ငန်း၊ ကျန်းမာရေးဝန်ဆောင်မှုလုပ်ငန်းများမှ ဝင်ငွေပို၍ရရှိလာခြင်းကြောင့် ယခု ၂၀၂၃ ခုနှစ် ဘဏ္ဍာရေးနှစ်ဝက်တွင် ယခင်နှစ်ကာလတူထက် ဝင်‌ငွေ ၄၄ ရာခိုင်နှုန်းနီးပါးနှင့် အမြတ်ငွေ ၆၈ ရာခိုင်နှုန်းကျော် တိုးတက်ရရှိခဲ့ကြောင်းသိရသည်။

#Local_News #FMI ကုမ္ပဏီအုပ်စု #အပန်းဖြေဝန်ဆောင်မှုဈေးကွက် #YMG/NN #Yangon_Times

#Local_News
Published 19 December 2023

ခရစ္စမတ်နေ့သည် ခရစ်ယာန်ဘာသာဝင်တို့၏ နေ့ထူးနေ့မြတ်ဖြစ်ပြီး နှစ်စဉ်နှစ်တိုင်း ရန်ကုန်မြို့ရှိ ဘုရားကျောင်းများတွင် ဆီမီးရောင်စုံများထွန်းညှိပြီး ဝတ်ပြုဆုတောင်းခြင်း၊ဓမ္မတေးသီချင်းများသီဆိုခြင်း၊လှူဒါန်းခြင်းများ‌ဆောင်ရွက်လေ့ရှိကြကြောင်း သိရသည်။

ခရစ္စမတ် Christmasအချိန်ကာလ၌ ဘုရား၀တ်ပြုခြင်း အချိန်များကိုရန်ကုန်မြို့ရှိ စိန့်မေရီကာသီဒြယ်ဘုရားကျောင်းမှကြိုတင်ကြေညာထားကြောင်း သိရသည်။

ဒီဇင်ဘာလ၂၅ရက်( တနင်္လာနေ့ )ခရစ္စမတ်ပွဲတော်ကြီး‌ နေ့တွင်မစ္ဆားတရားတော်မြတ်ကို Christmas Day နံနက် ၆:၀၀နာရီ ၊ နံနက် ၈:၀၀နာရီ (Myanmar Language)၊နံနက် ၁၀ နာရီ၊ညနေ ၅ နာရီတွင် (Myanmar Language)ဖြင့်ကျင်းပပြုလုပ်မည်ဖြစ်သည်။

ခရစ္စမတ်အကြို မစ္ဆားတရားတော်မြတ်ကို ဒီဇင်ဘာလ ၂၄ရက် ( တနင်္ဂနွေနေ့) Christmas Vigil Mass၊ ညနေ Evening (4:30 pm) Christmas Carol ၊ညနေ ၅:၀၀ နာရီတွင်(Myanmar Language)ဖြင့်ဝတ်ပြုမည်ဖြစ်ကြောင်း သိရသည်။

ယင်းနေ့တွင် နံနက် ၆:၀၀နာရီ ၊ နံနက် ၈:၀၀နာရီ (Myanmar Language)၊နံနက် ၁၀ နာရီတို့တွင် မစ္ဆားတရားတော်မြတ် ပုံမှန်ရှိမည်ဖြစ်ကြောင်း သိရသည်။

#Local_News #ခရစ္စမတ် #ဘုရား၀တ်ပြုချိန် #tthl #Yangon_Times

ဒီဇင်ဘာ ၁၉ (ရိုက်တာ)

တရုတ်နိုင်ငံ ချင်ဟိုင်း-တီဘက်မြေပြန့်လွင်ပြင်ရဲ့ မြောက်ဘက်စွန်းက ဝေးလံပြီးတောင်ထူထပ်တဲ့ စီရင်စုတစ်ခုမှာ တနင်္လာနေ့ သန်းခေါင်ယံ မတိုင်ခင် ပြင်းအား ၆.၂ အဆင့်ရှိငလျင်ကြီးလှုပ်ရှားသွားလို့ အနည်းဆုံး လူ၁၁၈ ဦးသေဆုံးပြီး ရာပေါင်းများစွာဒဏ်ရာရရှိခဲ့ပါတယ်။

အာဏာပိုင်တွေဟာ ကယ်ဆယ်ရေးလုပ်ငန်းတွေချက်ခြင်းဆောင်ရွက်ခဲ့ပေမယ့် သုညဒီဂရီအောက်အေးခဲနေတဲ့ အဲဒီဒေသမှာ ကယ်ဆယ်ရေး လုပ်ငန်းတွေအတွက် စိန်ခေါ်မှုတွေဖြစ်စေပါတယ်။ 

နေမထွက်ခင်ကစပြီး နာရီပေါင်းများစွာ ကယ်ဆယ်ရေးတွေလုပ်ပြီးတဲ့နောက် လူ ၂၀ ဦးပျောက်ဆုံးနေတာသိကြရပါတယ်လို့ တရုတ်နိုင်ငံပိုင် မီဒီယာတွေက သတင်းရေးသားကြပါတယ်။

ငလျင်ဟာ ကန်ဆုနှင့် အနီးကပ်ပြည်နယ် နယ်စပ်မှ (၅)ကီလိုမီတာအကွာမှာ ဗဟိုပြုလှုပ်ရှားခဲ့တာဖြစ်ပြီး ချင်ဟိုင်းပြည်နယ် နေရာတော်တော်များများမှာ ငလျင်ဒဏ်ကို ခံစားသိရှိကြရတယ်လို့ ဆင်ဟွာသတင်းဌာနကရေးသားပါတယ်။

တနင်္လာနေ့ ည ၁၁နာရီ ၅၉မိနစ်မှာ တရုတ်နိုင်ငံ အနောက်မြောက်ပိုင်း ကန်ဆုပြည်နယ်ရဲ့ ကျီရှီရှန်းစီရင်စုမှာ ငလျင်ဟာ မြေအောက် ၆.၂ မိုင်အကွာကနေ လှုပ်ရှားခဲ့တာဖြစ်ပါတယ်။
ကန်ဆုပြည်နယ်မှာ အင်္ဂါနေ့မနက် ၇နာရီ ၅၀မိနစ်အထိ သေဆုံးသူပေါင်း ၁၀၅ဦးရှိသွားပြီး မနက်၉နာရီခွဲအထိ ဒဏ်ရာရသူ ၃၉၇ဦးရှိပါတယ်။ အဲဒီအထဲက ၁၆ဦးဟာ စိုးရိမ်ရတဲ့အခြေအနေရှိတယ်လို့ ပြည်နယ်အာဏာပိုင်တွေက သတင်းစာရှင်းလင်းပွဲတစ်ခုမှာ ပြောကြားပါတယ်။

ချင်ဟိုင်းမှာတော့ သေဆုံးသူ ၁၃ ဦးရှိပြီး ၁၈၂ ဦးဒဏ်ရာရရှိထားပါတယ်လိုသိရပါတယ်။

ရေ၊မီး၊သယ်ယူပို့ဆောင်ရေး၊ဆက်သွယ်ရေးနှင့်အခြား အခြေခံအဆောက်အဦတွေ ထိခိုက်ပျက်စီးမှုတွေရှိခဲ့ပေမယ့် အရာရှိတွေက အသေးစိတ်ကိုထုတ်မပြောပါဘူး။

-ymg/knl

#Local_News
Published 19 December 2023

မြန်မာနိုင်ငံအထည်ချုပ်လုပ်ငန်းရှင်များအသင်း(MGMA)တွင် အသင်းဝင်ထားသည့်  ပြည်တွင်းပြည်ပအထည်ချုပ်လုပ်ငန်းများအားကောက်ခံသည့် နှစ်စဉ် အသင်းဝင်ကြေးကို ခေတ်နှင့် လျော်ညီသော အသင်းဝင်ကြေးနှုန်းထားပြောင်းလဲကောက်ခံမည်ဖြစ်ကြောင်း(MGMA) က ထုတ်ပြန်ကြေညာသည်။

ယခင်က  နှစ်စဉ်ကြေး ငါးသောင်းကျပ်နှုန်းကောက်ခံရာမှ  လက်ရှိ ငွေကြေးနှုန်းထား ပြောင်းလဲမှုအရခေတ်နဲ့လျော်ညီအောင် ၂၀၂၄ ခုနှစ်မှစပြီး နှစ်စဉ်ကြေးကို မြန်မာနိုင်ငံသားပိုင် အထည်ချုပ်လုပ်ငန်းများအနေဖြင့် ယခင် ငါးသောင်းကျပ်ကနေ ယခု တစ်သိန်းကျပ် ပေးဆောင်ရမှာဖြစ်ပြီး နိုင်ငံခြားသားပိုင် ဖက်စပ်လုပ်ငန်းတွေအနေဖြင့် ယခင်
ငါးသောင်းကျပ်မှ ယခု သုံးသိန်း ကျပ် ပေးဆောင်ရမည်ဖြစ်ကြောင်း ထုတ်ပြန်ထားသည်။

MGMA အသင်း ဆက်လက်ရပ်တည်နိုင်ရေးသည် နှစ်စဉ်ကြေး မပျက်မကွက်ပေးသွင်းမှုအပေါ်တွင်လည်း မူတည်နေပြီး အသင်းအနေနှင့် နှစ်စဉ်ကြေးကို ၂၀၀၈ ခုနှစ်မှ ၂၀၂၃ ခုနှစ်အထိ တစ်နှစ်ကို ကျပ် ငါးသောင်းနှုန်း သတ်မှတ်ကာ ကောက်ခံခဲ့ခြင်းဖြစ်ကြောင်းသိရသည်။

ထို့ပြင်မြန်မာနိုင်ငံ အထည်ချုပ်လုပ်ငန်းရှင်များအသင်းသည်  အကျိုးအမြတ်ခွဲဝေခံစားသည့် အသင်းမျိုးမဟုတ်ဘဲ အသင်းသားများ အကျိုးကိုဆောင်ရွက်ပြီး မြန်မာနိုင်ငံအထည်ချုပ်လုပ်ငန်း လူ့စွမ်းအား အရင်းအမြစ်ဖွံ့ဖြိုးရေးစင်တာ သင်တန်းကျောင်းကို တည်ထောင်ကာ သင်တန်းတွေကို အခမဲ့သင်ကြားပေးနေကြောင်း သိရသည်။

မြန်မာနိုင်ငံအတွင်း ပြည်တွင်းပြည်ပရင်းနှီးမြှုပ်နှံထားသည့် အထည်ချုပ်စက်ရုံပေါင်း ၅၀၀ ကျော်ရှိပြီး တရုတ်အထည်ချုပ်လုပ်ငန်း ၃၀၀ ခန့်ရှိကာ အလုပ်အကိုင်အများဆုံးဖန်တီးပေးနိုင်တဲ့ လုပ်ငန်းကဏ္ဍဖြစ်ကြောင်း သိရသည်။

#Local_News #အထည်ချုပ်လုပ်ငန်းရှင်များအသင်း #(MGMA) #YMG/LW #Yangon_Times

#World_News
Published 19 December 2023

ယီမင်မှ ဟူသီသူပုန်များ ကုန်သည်များကို တိုက်ခိုက်နေခြင်းမှ ကာကွယ်ရန်အတွက် နိုင်ငံအများအပြားဟာ ပင်လယ်နီတောင်ပိုင်းနဲ့ အေဒင်ပင်လယ်ကွေ့တို့မှာ ပူးတွဲကင်းလှည့်ခြင်း လုပ်ငန်းများ ဆောင်ရွက်ရန် သဘောတူညီခဲ့ကြကြောင်း အမေရိကန် ကာကွယ်ရေးဝန်ကြီး လွိုက်အော်စတင်က ပြောပြသွားပါတယ်။

အီရန်မိတ်ဖက် ဟူသီအဖွဲ့က ဒီလိုမျိုး တိုက်ခိုက်ရခြင်း ရည်ရွယ်ချက်ဟာ ပါလက်စ်တိုင်းတို့ကို ထောက်ခံတဲ့သဘောဖြစ်ကြောင်း ဆိုလိုက်ပါတယ်။

ပင်လယ်နီမှာ ရောက်ရှိလာမယ့် အမေရိကန်ဖွဲ့စည်းတဲ့ မည်သည့်မဟာမိတ်အဖွဲ့ကိုမဆို ဟူသီအဖွဲ့က ရင်ဆိုင်နိုင်လိမ့်မယ်လို့ ဟူသီပိုလစ်ဗျူရိုအဖွဲ့ဝင် မိုဟာမက်အယ်ဘွတ်ခ်ဟေတီက တနင်္လာနေ့က ပြောပြသွားပါတယ်။

အရှေ့အလယ်ပိုင်းရှိ အမေရိကန်ရေတပ် ဌာနချုပ်တည်ရှိရာ ဘာရိန်းနိုင်ငံသို့ ရောက်ရှိလာတဲ့ လွိုက်အော်စတင်က အမေရိကန်ဦးဆောင်တဲ့ နိုင်ငံတွေထဲမှာ ဗြိတိန်၊ ဘာရိန်း၊ ကနေဒါ၊ ပြင်သစ်၊ အီတလီ၊ နယ်သာလန်၊ နော်ဝေး၊ ဆေရှဲလက်စ်၊ စပိန်တို့ပါဝင်တယ်လို့ ပြောကြားသွားပါတယ်။

ဒါဟာ စုပေါင်းဆောင်ရွက်ဖို့ လိုအပ်နေတဲ့ နိုင်ငံတကာ စိန်ခေါ်မှုတစ်ရပ်ဖြစ်ကြောင်း၊ နိုင်ငံများစွာ ပါဝင်တဲ့ လုံခြုံရေးအဖွဲ့အစည်းသစ်တစ်ရပ် Operation Prosperity Guardian တည်ထောင်ရန် ကြေညာလိုက်ပြီဖြစ်ကြောင်း အော်စတင်က အင်္ဂါနေ့အစောပိုင်းမှာ ပြောကြားလိုက်ပါတယ်။

အစ္စရေးလ်အတွက် အမေရိကန်ရဲ့ ထောက်ခံမှုက ခိုင်မာကြောင်း၊ ဒါပေမဲ့ ဂါဇာမှာ ပါလက်စ်တိုင်းအရပ်သားတွေ သေကြေပျက်စီးနေရတဲ့အတွက် ယင်းတို့ကို ပိုမိုကာကွယ်ပေးရန် တိုက်တွန်းလိုကြောင်း အော်စတင်က တနင်္လာနေ့က ပြောပြခဲ့ပါတယ်။

အစ္စရေးလ်တို့က ဟားမတ်စ်စစ်သွေးကြွများကို ကလဲ့စားချေချင်စိတ် များနေတာကြောင့် အရပ်သားသေဆုံးမှု များပြားနေတာကို နိုင်ငံတကာမှ အစိုးရတွေနဲ့ အဖွဲ့အစည်းတွေက စိုးရိမ်လာကြပါတယ်။

အမေရိကန်က အစ္စရေးလ်ကို သံတမန်ရေးအရ ထောက်ခံထားပြီး လက်နက်တွေ ထောက်ပံ့နေပေမယ့် သမ္မတဂျိုးဘိုင်ဒင်က အစ္စရေးလ်အနေနဲ့ အရပ်သားတွေကို မခွဲခြားဘဲ ပစ်ခတ်နေတာကြောင့် နိုင်ငံတကာ ထောက်ခံမှုတွေကို ဆုံးရှုံးနေရပြီလို့ ပြောကြားသွားပါတယ်။

စစ်ပွဲကြောင့် ဂါဇာမှာ အပျက်အစီးများသာ ကျန်ရှိတော့ပြီး အစာရေစာငတ်မွတ်နေကြကာ လူအများစု အိုးမဲ့အိမ်မဲ့ ဖြစ်နေကြပါတယ်။

#World_News #ပါလက်စ်တိုင်း #ဟူသီအဖွဲ့များ #Source: Reuters

Published 19 December 2023

ယနေ့ခေတ်မှာ လူအများက လှုပ်ရှားလေ့ကျင့်ခန်း မပြုလုပ်ချင်တဲ့ အကြောင်းပြချက်တွေ ရှိလာပြီး စိတ်မပါခြင်း၊ အားလပ်ချိန်နည်းပါးခြင်း၊ အားကစားခန်းမလို လူအများရှိတဲ့နေရာတွေကို မသွားလိုခြင်းတို့ ဖြစ်နေပါတယ်။

စိတ်အခြေအနေ တိုးတက်ဖို့ဆိုရင် ကိုယ်လက်လှုပ်ရှားမှုက မဖြစ်မနေ လိုအပ်တာကို သိရှိထားဖို့ လိုပါတယ်။

အပြင်မှာ မိနစ် ၄၀ ခန့် လမ်းလျှောက်ထွက်ခြင်းက စိတ်အခြေအနေကို တိုးတက်စေတယ်လို့ မကြာသေးမီက လေ့လာတွေ့ရှိထားပါတယ်။

လမ်းလျှောက်ထွက်ဖို့ ဘာပစ္စည်းကိရိယာမှ မလိုအပ်သလို စာရင်းသွင်းခြင်း၊ အခကြေးပေးခြင်းတို့လည်း မလိုအပ်ပါဘူး။

အကွာအဝေး ၅ ကီလိုမီတာကို အချိန်ဘယ်လောက်ယူပြီး လျှောက်သည်ဖြစ်စေ လောင်ကျွမ်းသွားတဲ့ ကယ်လိုရီပမာဏကတော့ အတူတူပဲဖြစ်ပါတယ်။

ဒါပေမဲ့ ကွာခြားသွားတာကတော့ လမ်းလျှောက်စဥ် အားစိုက်ထည့်ခြင်းနဲ့ လှုပ်ရှားမှု ပြင်းထန်ခြင်းအတိုင်းအတာအပေါ် မူတည်ပါတယ်။

မြန်မြန်နဲ့ အာရုံစူးစိုက်ပြီး လျှောက်လှမ်းတဲ့အခါ နှလုံးခုန်နှုန်း ပုံမှန်ပြန်ရောက်ဖို့နဲ့ ခန္ဓာကိုယ် ပြန်လည်သက်သာဖို့က အချိန်ပိုယူရပါတယ်။

ထိုအချိန်မှာ နှလုံးခုန်နှုန်း မြန်နေဆဲဖြစ်ပြီး ကယ်လိုရီတွေ ဆက်လက်လောင်ကျွမ်းစေပါတယ်။

ဖြည်းဖြည်းနဲ့ ပုံမှန်လျှောက်တဲ့အခါမှာတော့ နှလုံးခုန်နှုန်း ပုံမှန်ပြန်ဖြစ်ရန် ပိုမိုမြန်ဆန်ပြီး ကယ်လိုရီလောင်ကျွမ်းမှုက နည်းပါးသွားပါတယ်။

ဒါကြောင့် ပြင်းထန်စွာ လှုပ်ရှားမှုပြုလုပ်တဲ့အခါ အချိန်ပမာဏနည်းပါးရင်တောင် ခန္ဓာကိုယ်အတွက် ပိုမိုအကျိုးရှိစေပါတယ်။

အဆုံးသတ်မှာတော့ ဘယ်လိုပဲ လှုပ်ရှားလမ်းလျှောက်သည်ဖြစ်စေ အင်ဒေါ်ဖင်းဟော်မုန်း ထွက်စေကာ စိတ်အခြေအနေကို တိုးတက်စေတာကြောင့် အမြဲလှုပ်ရှားနေပြီး ကျန်းမာအောင် ပြုလုပ်သင့်ပါတယ်။
Source: The Jerusalem Post
#World_Health
#Published_ 19 December 2023
#YMG #Yangon_Times #YMG_News
#Yangon_Media_Group

#Local_News
Published 19 December 2023

ရန်ကုန် - မန္တလေး အမြန်လမ်းမကြီးတွင် ခရီးသည်တင် Express ယာ‌ဉ်တစ်စီး မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ ၏သတင်းထုတ်ပြန်ချက်အရ သိရသည်။

ယနေ့ နံနက် (၅) နာရီ (၅၀) မိနစ်ခန့်က အမြန်လမ်းမကြီး မိုင်တိုင်အမှတ် ၂၄၆/၃နှင့် ၂၄၆/၄ ကြားတွင် Express ယာဉ်(၁) စီး မီးလောင်မှုဖြစ်ပွားခဲ့ခြင်းဖြစ်ကြောင်း သိရသည်။

မီးလောင်မှုဖြစ်ပွားကြောင်း သတင်းရရှိသဖြင့်  ပေပင်လေး အမြန်လမ်းမီးသတ်စခန်းမှ မီးငြှိမ်းသတ်ယာဉ်(၂)စီးဖြစ် ထွက်ခွာ ငြှိမ်းသတ်ခဲ့ရပြီး နံနက် (၆) နာရီ (၅၀) မိနစ်အချိန်တွင် မီးငြိမ်းသွားကာ မီးလောင်မှုကြောင့် လူထိခိုက်ဒဏ်ရာရရှိမှု မရှိခဲ့ကြောင်း သိရသည်။ ဒီဇင်ဘာ၁၈ ရက် နံနက်ပိုင်းကလည်း  ရန်ကုန် - မန္တလေး အမြန်လမ်းမကြီး၊ (၁၂၉/၇)မိုင်အနီးတွင် ယာဉ်(၁)စီး အရှိန်မထိန်းနိုင်ပဲ လမ်းလယ်ကျွန်းရှိ  ထန်းပင်အား ၀င်တိုက်မိပြီး မီးလောင်မှု ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

#Expressယာ‌ဉ် # မီးလောင်မှုဖြစ်ပွား #YMG/LW #Yangon_Times

 Published 19 December 2023

ဆံပင်ကျွတ်တဲ့ ပြဿနာဟာ အမျိုးသားရော အမျိုးသမီးမှာပါ ဖြစ်တတ်ပါတယ်။

ဆောင်းရာသီအတွင်း ဦးရေပြား ခြောက်သွေ့ခြင်း၊ ဗောက်ထခြင်း၊ ဆံပင်ကျွတ်ခြင်းတို့ အဖြစ်များပြီး ဖြစ်ရတဲ့ အကြောင်းအရင်း များစွာရှိနေပါတယ်။

အာဟာရပညာရှင် လော့ဗ်နိဘာထရာက ဆံပင်ကျွတ်ခြင်းဟာ ကိုယ်တွင်းရော ကိုယ်ပြင်အကြောင်းအရာတွေကြောင့် ဖြစ်တတ်ပြီး သတိပြုရမယ့် နောက်ကွယ်က လက္ခဏာတွေရှိနေပါတယ်။

(၁) ဆံပင်ဖွံ့ဖြိုးခြင်း၊ ဆံပင်ကြေပျက်ခြင်း စတဲ့ဖြစ်စဥ်တွေမှာ ဟော်မုန်းတွေက သက်ရောက်နေပြီး ဟော်မုန်းမညီမျှခြင်းက ဆံပင်ကျွတ်ရခြင်းရဲ့ အဓိကအကြောင်းအရင်းတွေထဲက တစ်ခုလို့ ဆိုပါတယ်။

(၂) ဆံကေသာ ကျန်းမာရေးမှာ အာဟာရဓာတ်များစွာက အရေးကြီးပြီး အာဟာရဓာတ်များ ချို့တဲ့ပါက ဆံပင်ကျွတ်လာနိုင်ပြီး ဒီအတွက် မဂ္ဂနီဆီယံ၊ ဇင့်၊ ဆယ်လီနီယံ၊ ဗိုက်တာမင်ဘီ၊ သံဓာတ်၊ ဖယ်ရီတင်၊ ပရိုတိန်းပမာဏတို့ကို စစ်ဆေးသင့်ပါတယ်။

(၃) သိုင်းရွိုက်လုပ်ဆောင်ချက် ချို့ယွင်းပါကလည်း ဆံပင်ကျွတ်နိုင်တာကြောင့် စစ်ဆေးပြီး ကုသမှုခံယူသင့်ပါတယ်။

(၄) စိတ်ဖိစီးမှုကြောင့် ကော်တီဆောလ်ဟော်မုန်း ပိုမိုထွက်ရှိကာ ဆံကေသာမွေးညင်းပေါက်များ ထိန်းသိမ်းခြင်းကို ထိခိုက်စေပါတယ်။

(၅) အူလမ်းကြောင်းက ခန္ဓာကိုယ်ထဲမှာ အရာရာကို ထိန်းချုပ်ထားပြီး အူလမ်းကြောင်းမှာ ညီမျှမှုမရှိပါက မရှိမဖြစ် ဗိုက်တာမင်များ စုပ်ယူခြင်းကို ထိခိုက်စေပါတယ်။

အူလမ်းကြောင်း ကျန်းမာစေဖို့အတွက်ဆိုရင် မျှတစွာ စားသုံးခြင်း၊ အာဟာရဓာတ်များ စုပ်ယူနိုင်ရန် အူလမ်းကြောင်း ကျန်းမာရေးကို ထိန်းသိမ်းခြင်း၊ အရည်များများသောက်ခြင်း၊ ဖိစီးမှုကင်းဝေးအောင် ပြုလုပ်ခြင်း၊ အချိန်မှန်အိပ်စက်ခြင်းတို့ ပြုလုပ်သင့်ပါတယ်။
Source: DoctorNDTV
#World_Health
#Published_ 19 December 2023
#YMG #Yangon_Times #YMG_News
#Yangon_Media_Group

Published_18 Dec 2023

ရှမ်းပြည်နယ်နှင့် ရန်ကုန်တိုင်းဒေသကြီးအတွင်း မူးယစ်မှောင်ခိုဂိုဏ်းအဖွဲ့ကို ဖော်ထုတ်ဖမ်းဆီးရမိခဲ့ကြောင်း ပြည်ထဲရေး ဝန်ကြီးဌာနက ယနေ့ ထုတ်ပြန်ချက်အရ သိရသည်။

ရှမ်းပြည်နယ်(တောင်ပိုင်း)၊ ရွာငံမြို့နယ်၊ မြို့ကြီးကျေးရွာအနီးတွင် ပြီးခဲ့သည့် ဒီဇင်ဘာလ ၃ ရက်က ရန်နိုင်စိုး (ခ) ရန်နိုင် မောင်းနှင်ပြီး မအိအိခင်(ခ)မအိ နှင့် မမေဦးကိုကို(ခ)မေဦးကြည်လင် တို့ လိုက်ပါလာသည့် ALPHARD ယာဉ်ပေါ်မှ အိုက်စ်(မက်သ်အဖက်တမင်း) ၆၅ ကီလို သိမ်းဆည်းရမိ ခဲ့ပြီး ဖမ်းဆီးရမိ အိုက်စ်များ သယ်ဆောင် ရာ၌ ပူးပေါင်းပါဝင်သူများအား ဒီဇင်ဘာလ ၄ ရက်တွင် ရန်ကုန်တိုင်းဒေသကြီး၊ ရွှေပြည်သာ မြို့နယ်၊ (၁)ရပ် ကွက်၊ ပုလဲလမ်းတွင် ဖမ်းမိခဲ့ကြောင်း သိရသည်။

အဆိုပါ ဖမ်းဆီးရမိသူများမှာ AA အဖွဲ့မှ ဒုဗိုလ်အဆင့်ရှိ နေလင်းထွန်း(ခ) နောနော်(ခ)ကျော်စိုး နှင့် ဒုဗိုလ် အဆင့်ရှိ စိုးထွန်းတို့ကို ALPHARD မော်တော်ယာဉ် ၁ စီးဖြင့်လည်းကောင်း၊ AA အဖွဲ့မှ ဗိုလ်အဆင့်ရှိ ထွန်း လင်း (ခ)ပြုံးချို အား အိုက်စ် ၈၆၅ ကီ လို ဖြင့် ရွှေပြည်သာမြို့နယ်၊ (၁)ရပ်ကွက်၊ က နောင်မင်းသားကြီး လမ်းရှိ ဂိုဒေါင်တွင်လည်းကောင်း၊ဇော်မင်းထွေး(ခ)သန်းဝင်း နှင့် မသင်းမြတ်ဆွေ(ခ) ရင်ရင်လှ တို့အား အောင်မင်္ဂလာ အဝေး ပြေး ကားဝင်းတွင်လည်းကောင်း အသီးသီးဖမ်းဆီးရမိခဲ့ကြောင်း သိရသည်။

ယင်း ဖမ်းဆီးရမိ အိုက်စ်များကို ရန် ကုန်မြို့ တွင်လက်ခံ၍ ပြည်ပသို့ ရေကြောင်းမှ သယ်ဆောင်ရာတွင် စီမံခန့် ခွဲ သူ သားကြီး(ခ) ဦးလှဝင်း အား တောင်ငူမြို့၊ အမှတ်(၁၁)ရပ်ကွက်ရှိ ဟိုတယ်တွင် ဒီဇင်ဘာလ ၆ ရက်က ဆက်လက်ဖမ်းဆီးရမိခဲ့ပြီး တောင် ဥက္ကလာပမြို့နယ်၊ (၉)ရပ်ကွက်၊ မေတ္တာလမ်းတွင် ၎င်းပိုင်ဆိုင်သည့် CANTER BOX မော်တော်ယာဉ် ပေါ်မှ အိုက်စ် ၁,၁၄၀ ကီလို၊ ထိန်းချုပ်ဓာတုပစ္စည်း ကဖင်း ၈၀၀ ကီလို တို့ကို ဒီဇင်ဘာလ ၇ ရက်တွင် ဆက်လက်သိမ်းဆည်းရမိခဲ့ကြောင်းသိရသည်။

အလားတူ ကမာရွတ်မြို့နယ်၊ ဆင်မလိုက်သင်္ဘောကျင်း၌ စိုးပိုင်(ခ) စိုးစိုး၊ ဌေးလင်းဇော်၊ ကျော်ဌေးစိုး၊ AA အဖွဲ့မှ တပ်ကြပ်ကြီးအဆင့်ရှိ ဦးကျော်ဟန်၊ တပ်သား အဆင့်ရှိ ကျော်လင်း ဆန်း နှင့် တပ်သားအဆင့်ရှိ ဦးထွန်းနု တို့ ၆ ဦးအား ပြည်ပသို့ ပင်လယ်ရေကြောင်းမှတစ်ဆင့် မူးယစ်ဆေးဝါး များ သယ်ဆောင်သည့် တနင်္သာရီ(၁)အမည်ရှိ သံခွံကုန်တင် သင်္ဘော ၁ စီးနှင့်အတူ ဒီဇင်ဘာလ ၉ ရက်တွင် ထပ်မံဖော်ထုတ် ဖမ်းဆီးရ မိ ခဲ့ကြောင်းသိရသည်။

ယင်းသိမ်းဆည်းရမိ စိတ်ပြောင်းဆေးဝါးအိုက်စ်(မက်သ်အဖက်တမင်း) ၂ ဒသမ ၀၇ တန်ကို မူးယစ်မှောင် ခိုဂိုဏ်းဖွဲ့၍ ရှမ်းပြည်နယ်မှ ရန်ကုန်တိုင်းဒေသကြီးသို့သယ်ဆောင်ကာ ပင်လယ် ရေကြောင်း မှတစ်ဆင့် ပြည်ပသို့သယ်ဆောင်ရောင်းဝယ်ခြင်းဖြစ်ကြောင်းနှင့် စိတ်ပြောင်းဆေး ဝါးများထုတ်လုပ် ရာတွင်အသုံး ပြုသည့်ထိန်းချုပ်ဓာတုပစ္စည်း ကဖင်းများကို ရှမ်းပြည်နယ်သို့ သယ်ဆောင်ရောင်းဝယ်ခြင်း ဖြစ် ကြောင်း လည်း သိရသည်။

သိမ်းဆည်းရမိ မူးယစ်ဆေးဝါးများနှင့် ထိန်းချုပ်ဓာတုပစ္စည်းများကို AA အဖွဲ့မှ ဗိုလ်မှူးကြီးအဆင့်ရှိသူ ကျော် မြတ်ဦး(ခ)သားသား(ခ)ဝေသာထွန်း ၏ ဦးစီးစီမံခန့်ခွဲမှုဖြင့် သယ်ဆောင်ခြင်း ဖြစ်ကြောင်း လည်း ပြည်ထဲ ရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

၎င်း မူးယစ်မှောင်ခိုဂိုဏ်းအဖွဲ့အား မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက် စစ်ဆေးဖော်ထုတ်လျက်ရှိကြောင်း၊ မူးယစ် ဆေး ဝါးသယ်ဆောင် ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာ အဖြစ် သိမ်းဆည်း နိုင်ရေးအတွက် ငွေကြေး ခဝါချမှုတိုက်ဖျက်ရေးဥပဒေဖြင့် ဆက်လက်အရေးယူနိုင်ရေး ဆောင်ရွက်လျက် ရှိကြောင်း သိရသည်။
Yangon_Times/PP
#Published_ 18 December 2023
#YMG #Yangon_Times #YMG_News
#Yangon_Media_Group

Published_18 Dec 2023

တပ်မတော်သားဆရာဝန် စစ်သည်တော်များအနေဖြင့် ဆေးပညာဖြင့်သာမက လုံခြုံရေးသတိ၊ နိုင်ငံရေး အသိမှန်ဖြင့်ပြည်သူကို ကာကွယ်စောင့်ရှောက်ရန် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာ ကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် က ပြောသည်။

ယနေ့ ဒီဇင်ဘာလ ၁၈ ရက်က တပ်မတော် ဆေးတက္ကသိုလ် ဗိုလ်လောင်းသင်တန်းအမှတ်စဉ်(၂၄) သင်တန်း ဆင်း ဂုဏ်ပြုစစ်ရေးပြ အခမ်းအနားတွင် ယင်းက အထက်ပါအတိုင်း ပြောကြားခဲ့ခြင်း ဖြစ်သည်။

တပ်မတော်သားဆရာဝန် စစ်သည်တော်များအနေဖြင့်လက်တွေ့ နယ်ပယ်တွင် တာဝန်ထမ်းဆောင်သည့်အခါ တပ်မတော်သားဆရာဝန် စစ်သည်တော် ကောင်းများပီပီ မိမိတတ်ကျွမ်းသည့် ဆေးပညာဖြင့်သာမက လုံခြုံ ရေးသတိ၊ နိုင်ငံရေး အသိမှန်များဖြင့် မိဘပြည်သူများကို ကာကွယ်စောင့်ရှောက်သွားကြရန် မှာကြားလို ကြောင်းထည့်သွင်းပြောကြားခဲ့သည်။

ထို့အပြင် တပ်မတော်သားဆရာဝန်များဖြစ်သကဲ့သို့ စစ်ဘက်ခေါင်းဆောင်ငယ် များလည်းဖြစ်သည့်အတွက် မိမိကိုယ်ကို ခေါင်းဆောင်မှု အရည်အချင်းနှင့်ပြည်စုံနေအောင် တည်ဆောက်ကြရမည်ဖြစ်ကြောင်း၊ မှန်ကန် သည့်ခေါင်းဆောင်မှုပေးပြီး မိမိ တပ်ဖွဲ့ဝင်များနှင့်အတူ ပေးအပ်လာသည့် ရည်မှန်းချက်တာဝန်များကို ကျေ ပွန်အောင် ထမ်းဆောင်နိုင်ကြရမည်ဖြစ်ကြောင်းလည်း ပြောကြားခဲ့သည်။

တပ်မတော်ဆေးတက္ကသိုလ်က သင်ကြားပေးလိုက်သော ဆေးသိပ္ပံပညာရပ်နှင့် တိုင်းရင်းသားပြည်သူများ၊ တပ်မတော် သားများနှင့် မိသားစုဝင်များ၏ ကျန်းမာရေးစောင့်ရှောက်မှုနှင့် အသိပညာမျှဝေပေးမှု၊ ဆေးကု သမှုလုပ်ငန်းများတွင် အကျိုးရှိစွာ အသုံးချဆောင်ရွက်သွားကြရန်၊ ခေတ်နှင့်အညီ ပြောင်းလဲတိုးတက်နေသည့် ဆေးသိပ္ပံ ပညာရပ်များကို စဉ်ဆက်မပြတ် လေ့လာ ဆည်းပူး သုတေသနပြုပြီး သက်ဆိုင်ရာ နယ်ပယ်အလိုက် ကျွမ်းကျင်တတ်မြောက်သည့် ဆေးပညာရှင်ဆရာဝန် အရာရှိကောင်းများဖြစ်အောင် ကြိုးစားလုပ်ဆောင် သွား ကြရန်၊ တာဝန်ကျရာတပ်၊ ဒေသအသီးသီးတွင် တာဝန်ကျေပွန်ပြီး မိမိတို့တတ်ကျွမ်းသည့် ဆေးပညာနှင့် ကျန်းမာရေးကာကွယ်စောင့်ရှောက်မှုလုပ်ငန်းများအပြင် နိုင်ငံတော်တည် ဆောက်ရေး၊ တိုင်းရင်းသားစည်း လုံးညီညွတ်ရေးအတွက် အမျိုးသားရေးစိတ်ဓာတ်ဖြင့် ကြိုးပမ်းဆောင်ရွက်သွားကြရန်နှင့် တပ်မတော်သား ခေါင်းဆောင်ငယ် ဆရာဝန်ဆေးမှူး များဖြစ်သဖြင့် မြင့်မြတ်သည့်စိတ်ထား၊ ကူညီရိုင်းပင်းသည့် နှလုံးရည်၊ ကြံ့ခိုင်သည့်ရဲစွမ်း သတ္တိများ ပြည့်စုံပြီး နိုင်ငံတော်နှင့်တပ်မတော်က ယုံကြည်အားထားရသည့် လက်ရုံးရည်၊ နှလုံးရည်ပြည့်ဝသော ဆေးသိပ္ပံပညာရှင် အရာရှိကောင်းများဖြစ်အောင် အစွမ်းကုန်ကြိုး ပမ်းဆောင်ရွက် သွားကြရန် လည်း ယင်းက မှာကြားခဲ့ကြောင်း သိရသည်။

ယခုအခါ တေပ်မတော်ဆေးရုံများကို အဆင့်မြှင့်တင်ပေးခဲ့ရာ တွင် ကျောက်ကပ်အစားထိုး ကုသနိုင်သည့် ဆေးရုံ ၄ ခု၊ အသည်းအစားထိုးကုသနိုင်သည့် ဆေးရုံ ၁ ခု၊ နှလုံးရောဂါရှာဖွေခြင်းနှင့် သွေး ကြော ချဲ့ကုသ နိုင်သည့်ဆေးရုံ ၄ ခု၊ နှလုံး ခွဲစိတ်ကုသနိုင်သည့် ဆေးရုံ ၂ ခု၊ အစာအိမ်အူလမ်းကြောင်းကို မှန်ပြောင်းဖြင့် ခွဲစိတ် ကုသနိုင်သည့်ဆေးရုံ ၅ ခုအထိရှိလာပြီဖြစ်ကြောင်း သိရသည်။

ထိုကဲ့သို့ တပ်မတော်ဆေးရုံများကို အဆင့်မြှင့်တင်ပေးနိုင်ခဲ့သောကြောင့် တပ်မတော်အနေဖြင့် ကျောက်ကပ် အစားထိုးလဲလှယ်ခြင်း၊ နှလုံးခွဲစိတ်ကုသခြင်း၊ နှလုံးခုန်နှုန်း ထိန်းညှိစက်ထည့်ခြင်း၊ နှလုံးသွေးကြော Stent ထည့်ကုသခြင်း၊ ဦးနှောက် နှင့်ရင်ခေါင်း ခွဲစိတ်ကုသခြင်းများကို တပ်မတော်သားအရာရှိ၊ စစ်သည်၊ မိသားစုဝင် များသာမက အရပ်သားပြည်သူများကိုပါ အောင်မြင်စွာကုသပေးနိုင်ခဲ့ကြောင်း သိရသည်။
Yangon_Times/PP
#Published_ 18 December 2023
#YMG #Yangon_Times #YMG_News
#Yangon_Media_Group