Published 7 Oct 2022

မြန်မာနိုင်ငံရဲ့ ရန်ကုန်၊ပုသိမ်၊စစ်တွေ၊မော်လမြိုင်စတဲ့ ပင်လယ်ဆိပ်ကမ်းတွေကနေ ဆန်ကိုပြည်ပသို့ တင်ပို့ရေး ဆောင်ရွက်ကြဖို့နှင့် အဲသလိုဆောင်ရွက်ခြင်းဖြင့် ဆိပ်ကမ်းလုပ်ငန်းတွေ ဖွံ့ဖြိုးတိုးတက်လာမှာဖြစ်တယ်လို့ ဗိုလ်ချူပ်မှူးကြီး မင်းအောင်လှိုင်က ပြောပါတယ်။

အောက်တိုဘာ(၇)ရက် နေ့က နေပြည်တော်ရှိ နစကဥက္ကဋ္ဌရုံး အစည်းအဝေးခန်းမ၌ ကျင်းပတဲ့ ပြည်ထောင်စုအစိုးရအဖွဲ့ရဲ့ လစဉ်ပုံမှန်အစည်းအဝေးမှာ နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားခဲ့တာဖြစ်ပါတယ်။

“ဆန်ဟာမြန်မာနိုင်ငံရဲ့အဓိကထုတ်ကုန်ဖြစ်ပြီး ဆန်ကောင်းစွာ ထုတ်လုပ်နိုင်တဲ့အတွက်Food Security အတွက် နိုင်ငံ၏ဂုဏ်သိက္ခာတစ်ခုပင် ဖြစ်ပါတယ်။ နိုင်ငံတကာသို့ ဆန်များ ပေါများစွာ တင်ပို့နိုင်မည်ဆိုပါက လူအများ၏စားရေး Food Security ကိုတာဝန်ယူ နိုင်သည့် အခန်းကဏ္ဍတွင် ပါဝင်မှာဖြစ်ပါတယ်” လို့လည်း နစကဥက္ကဋ္ဌက ဆက်လက်ပြောကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်၊

MSME လုပ်ငန်းများမှ ကုန်ထုတ်လုပ်မှုများဆောင်ရွက်ရာတွင် ပြည်တွင်းနှင့် ဒေသတွင်းမှ ထွက်ရှိသည့် ကုန်ကြမ်းများကို အခြေခံသည့် ကုန်ထုတ်လုပ်မှုများကို ဆောင်ရွက်မည်ဆိုပါက ကုန်ကြမ်းပြတ်လပ်မှု နည်းပါးမည်ဖြစ်ပြီး ဒေသတွင်းမှ ထွက်ရှိသည့် ကုန်ကြမ်းများဖြင့်လည်း ဆောင်ရွက်၍ရကြောင်း၊ ကုန်ထုတ်လုပ်မှု လုပ်ငန်းများအတွက် လိုအပ်သည့် သွင်းအားစုများတွင် ကုန်ကြမ်းသာမက လျှပ်စစ် စွမ်းအင်နှင့် Energy စွမ်းအားများလည်း လိုအပ်ကြောင်းလည်း ယင်းကဆိုသည်။

MSME ဆောင်ရွက်နေသူများခိုင်မာသည့် လုပ်ငန်းများ ရှိချိန်တွင် အစိုးရအနေဖြင့် ရင်းနှီးမြှုပ်နှံငွေများ ထုတ်ချေးပေးသွားမည်ဖြစ်ကြောင်း၊ ချေး ငွေတွင် ဖွံ့ဖြိုးရေးချေးငွေနှင့် စီးပွားရေးချေးငွေဟူ၍ နှစ်မျိုးရှိပြီး သတ်မှတ်ချက် များနှင့်အညီ ဆောင်ရွက်ပေးမည်ဖြစ်ကြောင်း၊ ယခင် နိုင်ငံတော်မှချေးယူခဲ့သည့် ရင်းနှီးမြှုပ်နှံငွေများ ပြန်လည်ပေးဆပ်ရန်အတွက် အချိန် အတိုင်းအတာ တစ်ခုအထိ ဖြေလျှော့ပေးထားသော်လည်း အချိန်တစ်ခုတွင် ပြန်လည် ပေးဆပ်ရမည်ဖြစ်ကြောင်း ၎င်းကပြောကြားခဲ့သည်။

ပြီးခဲ့သည့် ၂၀၂၁ ခုနှစ် ဖေဖော်ဝါရီလ ၁ ရက်နောက်ပိုင်း အကြောင်းအမျိုးမျိုးကြောင့် နိုင်ငံ့စီးပွားတိုးတက်မှုများ တုန့်ဆိုင်းမှု ဖြစ်ပေါ်ခဲ့ကာ  မြန်မာနိုင်ငံ၏စီးပွားရေးဖွံ့ဖြိုးတိုးတက်မှုမှာ အနုတ်လက္ခဏာ ပြနေသည်ဟု ကမ္ဘာ့ဘဏ်၊ အပြည်ပြည်ဆိုင်ရာငွေကြေး ရန်ပုံငွေအဖွဲ့နှင့် အာရှဖွံ့ဖြိုးရေးဘဏ်တို့က ပြောကြားခဲ့ကြကြောင်း၊ နိုင်ငံစီးပွားရေးကျဆင်းသည်ဟု ဆိုသော်လည်း မြန်မာနိုင်ငံအနေဖြင့် စိုက်ပျိုးရေးနှင့်မွေးမြူရေးကို အခြေခံသည့် ကုန်ထုတ်လုပ်မှုများ အမြဲမပြတ်ထုတ်လုပ်၍ ပြည်ပသို့ပို့ကုန်များ တင်ပို့နိုင်ခြင်း ကြောင့် စီးပွားရေးနှင့်ပတ်သက်၍ များစွာထိခိုက်ကျဆင်းသွားခြင်းမရှိခဲ့တာဖြစ်တယ်လို့ ဗိုလ်ချူပ်မှူးကြီးက အစည်းအဝေးမှာ ပြောကြားခဲ့ကြောင်း နစကရဲ့သတင်းထုတ်ပြန်ချက်အရသိရပါတယ်။

ymg/mt

Yangon_Media_Group

#Local_News
Published_ 7 October 2022

အောက်တိုဘာလ(၈)ရက်မှ (၁၂)ရက်အတွင်း မြန်မာနိုင်ငံမှ မုတ်သုန်လေအပြီးဆုတ်ခွာသွားဖို့ ရှိတယ်လို့ သိရပါတယ်၊၊

#Yangon_Media_Group

#World_Industry
Published 7 October 2022

ကုန်ကြမ်းပစ္စည်းများဈေးတက်ပြီး ဆက်သွယ်ရေးမကောင်းပေမယ့် တရုတ်နိုင်ငံတောင်ပိုင်း ကွမ်တုံပြည်နယ်ရှိ အရုပ်စက်ရုံလုပ်ငန်းကတော့ အဆင့်မြှင့်တင်ခြင်းနဲ့ ဆန်းသစ်တီထွင်မှုများမှတဆင့် ပုံမှန်တိုးတက်လျက်ရှိပါတယ်။

#Yangon_Media_Group

Published 7 Oct 2022

ထိုင်းဝန်ကြီးချုပ် ပရာရွတ် ချန်အိုချာဟာ အနည်းဆုံး လူ၃၆ ဦးသေဆုံးခဲ့ရတဲ့ ထိုင်းနိုင်ငံ အရှေ့မြောက် နောင်ဘွာလမ်ဖူးပြည်နယ်မှာရှိတဲ့ ကလေးထိန်းဌာနနေရာကို သွားရောက်ခဲ့ပါတယ်။

ထိုင်းဝန်ကြီးချုပ်ဟာ အရာရှိတွေခြံရံလျက် ထိုင်းနိုင်ငံရဲ့ အဆိုးရွားဆုံး အစုလိုက်သတ်မှုတွေထဲကတစ်ခုမှာ သေဆုံးခဲ့ကြရသူတွေအတွက် လွမ်းသူ့ပန်းစည်းချခဲ့ပါတယ်။

ဒီမနက်စောစောပိုင်းမှာ ထိုင်းဘုရင်မင်းမြတ်ကိုယ်စား အဖြူရောင်ယူနီဖောင်းဝတ်ဆင်ထားတဲ့ အရာရှိငယ်တစ်ဦးကလည်း ကြီးမားတဲ့ လွမ်းသူ့ပန်းခွေလာရောက်ချခဲ့ပါတယ်။

နှလုံးကြေကွဲနေကြတဲ့ မိဘတွေဟာ နေဝင်တော့မယ့်အလင်းရောင်အောက်က ကလေးထိန်းဌာနရဲ့ လှေကားထစ်တွေပေါ် အဖြူရောင်နှင်းဆီပွင့်တွေ လာရောက်ချခဲ့ကြပါတယ်။

သေဆုံးသူတွေထဲမှာ ကလေး၂၄ ဦးပါဝင်ပြီး ယောကျ်ားလေး ၂၁ ဦးနှင့် မိန်းကလေး၃ ဦးတို့ဖြစ်ပါတယ်။ ကျန်၂၁ ဦးကလူကြီးတွေဖြစ်ပါတယ်။

အလုပ်ထုတ်ခံရတဲ့ ရဲကြပ်ပြီးပန်ယာခါရက်ဟာ တရားဝင်ဝယ်ထားတဲ့ ၉ မမပစ္စတိုနှင့် ဓားတစ်လက်ကိုင်ဆိုင်ပြီး အဲဒီ ကလေးထိန်းဌာနကို ကြာသပတေးနေ့ မွန်းလွဲ ၁၂နာရီခွဲမှာ ဝင်ရောက်ပစ်ခတ်တိုက်ခိုက်ခဲ့တာဖြစ်ပါတယ်။

အီဲဒနောက် အိမ်ကိုပြန်ပြီး ဇနီးနှင့်သားကိုပါပစ်သတ်ကာ ကိုယ့်ကိုကိုယ်ပါ သေနတ်နှင်ပစ်ပြီး အဆုံးစီရင်ခဲ့တာဖြစ်ပါတယ်။

Source AFP

#Thailand
#Thailand_Nursery_Mass_Shooting

#Prayut_Chan-O-Cha

#Local_News
Published_7 October 2022

နစက အစိုးရကနေ ရွှေစင်၊ ရွှေတုံးများထုတ်ရောင်းပေးနေတာကြောင့် ရွှေဈေးနှုန်းဟာ ငြိမ်နေတယ်လို့ ရန်ကုန်တိုင်းရွှေလုပ်ငန်းရှင်များအသင်းရဲ့ ဥက္ကဋ္ဌ ဦးမျိုးမြင့်က ပြောပါတယ်။

#Yangon_Media_Group

#Local_News
Published_7 October 2022

ဒီနှစ်ပွင့်လင်းရာသီအစမှာ ပြည်တွင်းခရီးသွားလုပ်ငန်းဟာ သိသာစွာတိုးတက်လာမှာ ဖြစ်တယ်လို့ မြန်မာနိုင်ငံခရီးသွားလုပ်ငန်းရှင်များအသင်းဥက္ကဋ္ဌ ဦးနောင်းနောင်းဟန်ရဲ့ ပြောပြချက်အရ သိရပါတယ်။

#Yangon_Media_Group

#Local_News
Published _ 7 October 2022

မြန်မာ့ပင်လယ်ပြင်မှာ ငါး၊ ပုစွန် ဖမ်းဆီးတာကို ရုရှားနိုင်ငံနဲ့ နည်းပညာ ပူးပေါင်းလုပ်ဆောင်သွားမယ်လို့ မြန်မာနိုင်ငံ ငါးလုပ်ငန်းအဖွဲ့ချုပ်ကနေ သိရပါတယ်။

#Yangon_Media_Group

#DailyNews
Published _ 7 October 2022

၁။ ငါး ပုစွန် ဖမ်းဆီးမှုအား ရုရှားနိုင်ငံမှနည်းပညာဖြင့် လုပ်ဆောင်သွားမည်

၂။ ပြည်တွင်းခရီးသွားလုပ်ငန်း နှစ်လအတွင်း သိသာစွာတိုးတက်လာမည်ဟု UMTA ဥက္ကဋ္ဌပြော

၃။ အစိုးရမှ ရွှေစင်၊ ရွှေတုံးများထုတ်ရောင်းပေးနေခြင်းကြောင့် ရွှေဈေးငြိမ်နေခြင်းဖြစ်သည်ဟုဆို

၄။ တရုတ်ပြည်ရှိ အရုပ်စက်ရုံလုပ်ငန်းများ တိုးတက်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_7 October 2022

ကွန်ပစ်ပြီး ငါးဖမ်းသူကိုကူညီတဲ့ ဧရာဝတီလင်းပိုင်ကို ကိုဗစ်ကာလက လေ့လာတဲ့သူတွေ လုံးဝမရှိသလောက် ဖြစ်သွားရာကနေ ဒီနှစ်ထဲမှာ ပြန်ပြီး လေ့လာနေကြတယ်လို့ သိရပါတယ်။

#Yangon_Media_Group

#Local_News
Published_7 October 2022

ယခုဘဏ္ဍာနှစ်၏ ခြောက်လတာကာလအတွင် ပြည်ပသို့ စက်မှုကုန်ချောတင်ပို့မှုမှ အမေရိကန်ဒေါ်လာ ၅ ဒသမ ၉၇ ဘီလီယံရရှိထားကြောင်း စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ စာရင်းများအရ သိရသည်။

၂၀၂၂-၂၀၂၃ ဘဏ္ဍာနှစ် ဧပြီလမှ စက်တင်ဘာလအထိ ပုဂ္ဂလိကကဏ္ဍမှ စက်မှုကုန်ချော တင်ပို့မှုသည် အမေရိကန်ဒေါ်လာ ၄ ဒသမ ၀၂ ဘီလီယံကျော်နှင့် နိုင်ငံပိုင်ကဏ္ဍ တင်ပို့မှုမှ ကန်ဒေါ်လာ ၁ ဒသမ ၉၆ ဘီလီယံကျော်ရှိခဲ့ကြောင်း သိရသည်။

ယင်းအပြင် ပြီးခဲ့သည့် ကာလတူနှင့် နှိုင်းယှဉ်ပါက ကန်ဒေါ်လာ ၁ ဒသမ ၇ ဘီလီယံကျော် ပိုများကြောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၏ စာရင်းဇယားများအရ သိရသည်။

မြန်မာနိုင်ငံ၏ အဓိကပြည်ပပို့ကုန် ၁၀ မျိုးမှာ စက်မှုကုန်ချောတစ်ခုဖြစ်သည့်ချုပ်ပြီး အထည်တင်ပို့မှုမှာ ပထမနေရာတွင် ရှိနေကြောင်း၊ စက်မှုကုန်ချောပစ္စည်းများတွင် ချုပ်ပြီးအထည်အပြင် သကြား၊ လက်ဝတ်ရတနာ၊ သဘာဝဓာတ်ငွေ့အစရှိသည့် ကုန်ပစ္စည်းများ ပါဝင်ကြောင်းသိရသည်။

#ymg/sth
#Yangon_Media_Group

#Local_News
Published_ 7 October 2022

နယ်စပ်ဝင်ထွက်ပေါက်များမှ ပြန်လည်ဝင်ရောက်လာကြမည့်မြန်မာနိုင်ငံသားခရီးသွားများအနေဖြင့် ကိုဗစ်ကာကွယ်ဆေးအကြိမ်ပြည့်မထိုးရသေးပါက ကိုဗစ်ပိုးရှိမရှိစစ်ဆေးပြီး ကိုဗစ်ကင်းရှင်းကြောင်းစစ်ဆေးချက်ပါမှ မြန်မာနိုင်ငံသို့ဝင်ရောက်နိုင်မည်ဖြစ် ကြောင်းသိရသည်၊၊

အောက်တိုဘာလ(၈)ရက်က ကျန်းမာရေးဝန်ကြီးဌာနက ထုတ်ပြန်လိုက်သည့်နယ်စပ်ဝင်/ထွက်ဂိတ်များမှ တစ်ဆင့် မြန်မာနိုင်ငံသို့ဝင်ရောက်မည့် ခရီးသွားများအတွက် ပြည်သူ့ကျန်းမာရေးဆိုင်ရာ သတ်မှတ်ချက်များတွင် ယင်းကဲ့သို့ဆောင်ရွက်ရမည်ဖြစ်ကြောင်း ဖော်ပြပါရှိသည်၊၊

ကိုဗစ်ကာကွယ်ဆေးအကြိမ်ပြည့် ထိုးသူများအနေဖြင့် လွန်ခဲ့သော(၁၄)ရက်ကျော်က ကိုဗစ်ကာကွယ်ဆေးအကြိမ်ပြည့်ထိုးထားသည့် အထောက်အထားများကို ပြသရမည်ဖြစ်သည်၊၊

ကိုဗစ်ကာကွယ်ဆေးအကြိမ်ပြည့် မထိုးထားသူများအနေဖြင့် ကိုဗစ်ပိုးရှိမရှိ အများဆုံးလွန်ခဲ့သည့် (၄၈)နာရီက RDT နည်းဖြင့် စစ်ဆေးပြီး ကိုဗစ်ကင်းရှင်းကြောင်း ဓာတ်ခွဲအဖြေပြသပြီး နယ်စပ်ဝင်ထွက်ပေါက်များမှဝင်ရောက်နိုင်မည်ဖြစ်ကြောင်းနှင့် ကာကွယ်ဆေးထိုးထားသည့် မိဘ၊ အုပ်ထိန်းသူများနှင့်အတူလာသည့် အသက်(၁၂)နှစ်အောက်ကလေးငယ်များကိုတော့ ယင်းသတ်မှတ်ချက် ကင်းလွတ်ခွင့်ပြုထားကြောင်း သိရသည်၊၊

ခရီးသွားများအနေဖြင့် ကျန်းမာရေးဝန်ကြီးဌာနနှင့် နယ်စပ်ဝင်ထွက်ဂိတ်တာဝန်ရှိသူများက သတ်မှတ်ထားသည့်နေရာများတွင် ကိုဗစ်စစ်ဆေးရမည်ဖြစ်ပြီး ခရီးသည်တစ်ဦးကို ကျပ်(၁၅၀၀၀)နှုန်းဖြင့် မိမိအစီအစဉ်ဖြင့် စစ်ဆေးကြရမည်ဖြစ်ကြောင်း ကျန်းမာရေးဝန်ကြီးဌာနမှသိရသည်၊၊

နယ်စပ်ဝင်ထွက်ပေါက်များမှ လာရောက်ကြမည့် နိုင်ငံခြားသားခရီးသွားများအနေဖြင့် မြန်မာ့အာမခံ လုပ်ငန်းမှ ကိုဗစ် ၁၉ ဆိုင်ရာကျန်းမာရေးအာမခံ ဝယ်ယူထားကြောင်း အထောက်အထားများ ပြသရမည်ဖြစ်ကြောင်းနှင့် အခြားလိုက်နာရမည့်အချက်များကို ထုတ်ပြန်ချက်တွင် ဖော်ပြထားသည်၊၊

#ymg/tthl
#Yangon_Media_Group

#Local_News
Published_7 October 2022

ဘူးသီးတောင်မြို့နယ်၊ ဖိုးခေါင်ချောင်းကျေးရွာအုပ်စု၊ ကံပြင်ရွာ အသက် ၄၂ နှစ်အရွယ် ရာအိမ်မှူး အာလီအာမောက်ကို အောက်တိုဘာလ ၆ ရက် ညပိုင်းတွင် လူ ၃ ဦးက ၎င်း၏နေအိမ်အတွင်းသို့လာရောက်ကာ သေနတ်ဖြင့် လာရောက်ပစ်ခတ်မှုကြောင့် ရင်ဘတ်ထိမှန်ဒဏ်ရာရရှိ သေဆုံးသွားကြောင်း ရခိုင်ပြည်နယ် အစိုးရအဖွဲ့က သိရသည်။

လာရောက်ပစ်ခတ်သူများထဲတွင် တစ်ရွာတည်းနေသူတစ်ဦး ပါဝင်ကြောင်း၊ လတ်တလောတွင် လုပ်ကြံခံရမှုနှင့် ပတ်သက်၍ တာဝန်ရှိသူများက ဥပဒေလုပ်ထုံးလုပ်နည်းနှင့်အညီ ဆေးစစ်ချက်များ ရယူနိုင်ရေးအတွက် အလောင်းကို ဘူးသီးတောင်မြို့နယ် ပြည်သူ့ဆေးရုံသို့ ပို့ဆောင်ထားကြောင်းလည်း သိရသည်။

#ymg/mt
#Yangon_Media_Group