#LocalNews
Published_ 20 March 2022

ဆောက်လုပ်ရေးဝန်ကြီးဌာန၊ တံတားဦးစီးဌာန၊ တံတားအထူးအဖွဲ့ (၁၀) က တာဝန်ယူ တည်ဆောက်ပြီးစီးသည့် ပဲခူးတိုင်းဒေသကြီး၊ ဖြူး - အုတ်ဖြတ် - မုန်းလမ်းပေါ်ရှိ အရှည် ပေ ၆၂၀၊ စစ်တောင်းမြစ်ကူးတံတား(အုတ်ဖြတ်)ကို ဒီကနေ့နံနက်ပိုင်းတွင် ဖွင့်လှစ်ခဲ့ပါတယ်။

စီမံကိန်းတွေ အကောင်အထည်ဖော်ရာမှာ ပြည်သူ့ဘဏ္ဍာငွေတွေ လေလွင့်မှုမရှိစေရေး၊ ရေရှည် တည်တံ့ခိုင်မြဲဖို အရည်အသွေး ကောင်းမွန်ရေး၊ ဒေသအတွက်အကျိုးဖြစ်ထွန်းမှု ရှိ / မရှိ ထောက်ပြဝေဖန်ပေးနိုင်ဖို့ နှင့် တည့်မတ်ပေးဖို့ ပူးပေါင်းဆောင်ရွက်ပေးကြဖို့ နစက အဖွဲ့ဝင် Jeng Phang နော်တောင်က တံတားဖွင့်ပွဲကျင်းပရာမှာ တိုက်တွန်းသွားပါတယ်။

စစ်တောင်းတံတား(အုတ်ဖြတ်)သည် ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့ နယ်နှင့် ကျောက်ကြီးမြို့ နယ်ကို ဆက်သွယ်ထားသော ဖြူး-အုတ်ဖြတ်-မုန်း လမ်းပေါ်တွင် တည်ရှိပြီး တံတားအရှည်ပေ ၆၂၀၊ နှစ်လမ်းမောင်း သံကူကွန်ကရစ်တံတား အမျိုးအစား ဖြစ်ပါတယ်။

တံတားရဲ့ Foundation အပိုင်းကို Bored Pile Foundation ဖြင့် တည်ဆောက် ထားပြီး Super Structure အပိုင်းကို ကြိုတင်အားဖြည့် သံကူကွန်ကရစ်ယက်မနှင့် သံကူကွန်ကရစ်ကြမ်းခင်းတို့ ဖြင့် တည်ဆောက်ထားကာ တံတား၏ခံနိုင်ဝန်မှာ တန် (၆၀) ဖြစ်ကြောင်း သိရပါတယ်။
#ymg_mnn
Yangon_Media_Group 

Published 20 March 2022

လေဖိအားနည်းရပ်ဝန်းကနေ အားကောင်းတဲ့ ဆိုင်ကလုန်းမုန်တိုင်းအဖြစ်ပြောင်းလဲလာနိုင်တဲ့ မုန်တိုင်းဟာ လာမယ့်  မတ်လ၂၁ရက် တနင်္လာ‌နေ့ နံနက်ပိုင်းမှာ မြန်မာနိုင်ငံ ကိုးကိုးကျွန်းအနီးစတင်ရောက်ရှိမယ်လို့ မိုး/ဇလက ခန့်မှန်းထားပါတယ်။ အဲဒီမုန်တိုင်းဟာ အဲဒီ တနင်္လာနေ့ညပိုင်းမှာ ဧရာဝတီတိုင်းဒေသကြီး ဟိုင်းကြီးကျွန်းအနီးနှင့် မတ်လ၂၂ရက်၊အင်္ဂါနေ့ မှာ ရခိုင်ကမ်းရိုးတန်းသို့ ရောက်ရှိလာနိုင်တယ်လို့လည်း ခန့်မှန်းထားပါတယ်။

ကပ္ပလီပင်လယ်ပြင်တောင်ပိုင်းနှင့် ဆက်စပ် ဘင်္ဂလားပင်လယ်အော်အရှေ့တောင်ပိုင်းတို့မှာဖြစ်ပေါ်နေတဲ့ အားကောင်းတဲ့ လေဖိအားနည်းရပ်ဝန်းဟာ ပိုမိုအားကောင်းလာပြီး နောက်(၁၂)နာရီအတွင်းကပ္ပလီပင်လယ်ပြင်နှင့် နီကိုးဘားကျွန်းအနီးတွင် မုန်တိုင်းငယ်အဖြစ်၊အဲဒီကမှ နောက်(၃၆)နာရီအတွင်း ဘင်္ဂလားပင်လယ်အော်အရှေ့တောင်ပိုင်းနှင့် ကပ္ပလီပင်လယ်ပြင် မြောက်ပိုင်းတို့မှာ ဆိုင်ကလုန်းမုန်တိုင်းအဖြစ် အားကောင်းလာမယ်လို့ မိုး/ဇလဦးစီးဌာနက ခန့်မှန်းထားတဲ့အကြောင်း မတ်၂၀ရက် မနက်၇နာရီထုတ်ပြန်ချက်မှာ ဖော်ပြထားပါတယ်။

ဖြစ်ပေါ်နေတဲ့ လေဖိအားနည်းရပ်ဝန်းရဲ့အရှိန်ကြောင့် မတ်၂၀ရက် ယနေ့မနက်မှ မတ်လ(၂၂)ရက်အတွင်း နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှနေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးနိုင်တယ်လို့ သိရှိရပါတယ်။

အဲဒီအပြင်  မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တွေမှာ ရံဖန်ရံခါ မိုးသက်လေပြင်းများ ကျရောက်ပြီးလှိုင်းကြီးနိုင်တယ်လို့ သတိပေးထားပါတယ်။ မိုးသက်လေပြင်းကျစဉ်မှာ  ရေပြင်/မြေပြင်လေဟာ တစ်နာရီကို မိုင်(၄၀)အထိ တိုက်ခတ်နိုင်ပါပြီး  လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၉)ပေမှ (၁၂)ပေခန့် ရှိနိုင်တယ်လို့လည်း သတင်းထုတ်ပြန်ထားပါတယ်။

အဲဒါကြောင့် ပြည်သူတွေအနေနှင့်  ကြိုတင်သတိပြုနေထိုင်ကြဖို့နှင့် ပြည်တွင်းလေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များ၊‌ သင်္ဘောများအနေဖြင့်လည်း ကြိုတင်သတိပြုနိုင်ကြဖို့ မိုး/ဇလဌာနက နှိုးဆော်သတိပေးထားပါတယ်။

#WorldBusiness

Published 19 March 2022

ဂျပန်နိုင်ငံမှာ ထမင်းလုံးကစလို့ ကလေးအနှီးများအထိ ကုန်ပစ္စည်းတန်ဖိုးတွေမြင့်တက်လာခဲ့ပြီဖြစ်ပါတယ်။

#Yangon_Media_Group

#LocalNews
Published_19 March 2022

ရန်ကုန်လျှပ်စစ်ဓာတ်အားပေးရေးကော်ပိုရေးရှင်းအနေနဲ့ ယခုမတ်လအတွင်း အများပြည်သူကို (၄)နာရီပေး(၄)နာရီနားစနစ်နဲ့ လျှပ်စစ်ပေးဝေမယ်လို့ လျှပ်စစ်ဖြန့်ဝေမှုအချိန်ဇယားသတ်မှတ်ပေးခဲ့ပြီး အချိန်ဇယားပါအတိုင်းဖြန့်ဝေပါက စက်ရုံအလုပ်ရုံတွေအနေနဲ့ အဆင်ပြေစွာ လုပ်ငန်းလည်ပတ်နိုင်မှာဖြစ်တယ်လို့ သိရပါတယ်။

#Yangon_Media_Group

Published 19 March 2022

ဆီးရီးယားသမ္မတ ဘာရှာအယ်အာဆတ်ဟာ အာရပ်စော်ဘွားများသမ္မတနိုင်ငံကို သောကြာနေ့က သွားရောက်ခဲ့ပါတယ်။ ၂၀၁၁ခုနှစ် ပြည်တွင်းစစ်ဖြစ်ပွားပြီးနောက် အာရပ်နိုင်ငံတစ်ခုဆီသို့ သူ့ရဲ့ ပထမဆုံးပြည်ပတရားဝင်ခရီးဖြစ်ပါတယ်။

အာဆတ်ဟာ အာရပ်စော်ဘွားများ သမ္မတနိုင်ငံရဲ့လက်တွေ့ခေါင်းဆောင်ဖြစ်တဲ့ အိမ်ရှေ့မင်းသား ရှိတ်မိုဟာမက် ဘင်ဇာယက်အယ်လ်နာယမ်နှင်  အာဘူဒါဘီမှာ တွေ့ဆုံဆွေးနွေးခဲ့ကြပါတယ်။

ဒီလိုတွေ့ဆုံမှုဟာ ဆီရီးယားနှင့် ယူအေအီးအကြား နွေးထွေးတဲ့ဆက်ဆံရေးကိုပြသတဲ့ နောက်ဆုံးလက္ခဏာတစ်ခုပါ။ နှစ်နိုင်ငံဟာ ၂၀၁၂ခုနှစ် ဖေဖော်ဝါရီလမှာ ဆက်ဆံရေးပြတ်တောက်ခဲ့ကြတာဖြစ်ပါတယ်။

Source AFP

#HealthMatter
Published - 19 March 2022

၁။ကိုဗစ်ကပ်ရောဂါကြောင့် အနာဂတ်အတွက် စိုးရိမ်စရာအကောင်းဆုံးက ပညာရေးထိခိုက်မှုလို ဆိုကြတဲ့အပေါ် ??

၂။ စီးပွားရေးတွေ နာလံထူ၊ လူတစ်ဦးချင်းစီရဲ့ ကျန်းမာရေးတွေနာလံထူပေမယ့် ပညာရေးနာလံထူဖို့ ဘယ်လောက်အချိန်ယူရမလဲ ??

၃။ ပညာရေးနှင့်ပတ်သက်လို့ ချည်းကပ်မှုနှင့် အမြင်တွေရောပြောင်းသွားနိုင်သလား?? ဆိုတာနဲ့ ပတ်သက်ပြီး ဆရာကြီးဒေါက်တာခင်မောင်လွင်က ယခုလိုဆွေးနွေးပြောဆိုခဲ့ပါတယ်။

#Yangon_Media_Group

Published 19 March 2022

တူရကီသမ္မတ ရီဆက်တေရစ်အာဒိုဂန်ဟာ တူရကီနိုင်ငံ ဒတ်ဒန်နယ်လေးစ်ရေလက်ကြားပေါ် ဖြတ်ကျော်ပြီး တူရကီအနောက်မြောက်ပိုင်းကို ဆန့်တန်းတည်ဆောက်ထားတဲ့ ကမ္ဘာ့အရှည်လျားဆုံး ကြိုးတံတားဖွင့်ပွဲကို သောကြာနေ့က တက်ရောက်ခဲ့ပါတယ်။

အာရှကနေ ဥရောပကိုခရီးသွားတဲ့အချိန်ကို ဒီတံတားကြောင့် ငါးမိနစ်အထိ လျှော့ချပေးနိုင်မှာဖြစ်ပါတယ်။

"1915 Canakkale Bridge" လို့အမည်ပေးထားတဲ့ ဒီတံတားဟာ ဒေါ်လာ ၂.၈ဘီလျံကုန်ကျခဲ့ပြီး တူရကီနှင့် တောင်ကိုးရီးယား ကုမ္ပဏီတွေတည်ဆောက်ခဲ့ကြတာဖြစ်ပါတယ်။ မျှော်စင်ကြီးနှစ်ခုအကြားက တံတားရဲ့ အလျားဟာ ၂.၀၂၃ ကီလိုမီတာရှိပါတယ်။တူရကီနိုင်ငံတာ်အလံအရောင်ဖြစ်တဲ့ အနီနှင့်အဖြူရောင်တွေ တံတားမှာခြယ်သပေးထားပါတယ်။

ဒီတံတားဟာ ယခင်က ကမ္ဘာ့အရှည်လျားဆုံးကြိုးတံတားဖြစ်တဲ့ ဂျပန်က အကာရှီကိုင်ကျိုတံတားကို ဖြတ်ကျော် စံချိန်ချိုးခဲ့တာဖြစ်ပါတယ်။

တံတားကို အော်တိုမန်တပ်များရဲ့ ရေတပ်အောင်ပွဲ ၁၀၇နှစ်ပြည့်နှင့် တိုက်ဆိုင်ဖွင့်လှစ်ခဲ့တာပါ။ အော်တိုမန်တွေဟာ ဗြိတိန်နှင့် ပြင်သစ်တပ်တွေကို  ပထမကမ္ဘာစစ်အတွင်း ချေမှုန်းအောင်ပွဲဆင်ခဲ့ကြတာဖြစ်ပါတယ်။

Source AFP

#LocalNews
Published_ 19 March 2022

မြန်မာနိုင်ငံကို အခုရက်ပိုင်းအတွင်း လာမယ့် အာဆီယံအလှည့်ကျဥက္ကဋ္ဌရဲ့ အထူးကိုယ်စားလှယ် ကမ္ဘောဒီးယား နိုင်ငံခြားရေးဝန်ကြီး ပရက်ဆော့ခွန်း( Prak Sokhonn )နဲ့ NLD ပါတီအပါအဝင် နိုင်ငံရေးပါတီတော်တော်များများ တွေ့ဖို့ရှိတယ်လို့ သိရပါတယ်။

#Yangon_Media_Group

#LocalNews
Published_19 March 2022

လျှပ်စစ်ပြတ်တောက်တာကြောင့် အအေးခန်းစက်ရုံတွေနဲ့ အထည်ချုပ်လုပ်ငန်းတွေ အခက်အခဲတွေ့နေကြရတယ်လို့ စက်မှုလုပ်ငန်းရှင်တွေက ဆိုပါတယ်။

#Yangon_Media_Group

#BreakingNews
Published -19 Mar 2022

     ချောင်းသာ-ပုသိမ် ကားလမ်းပေါ်မှာ ယနေ့ နေ့လည် ၁နာရီခွဲခန့်အချိန်က ယာဥ်အမှတ် BGO 4M/ 7627Toyota Succed ယာဥ်မှာယာဥ်တိုက်မှု ဖြစ်ပြီး မီးလောင်ပေါက်ကွဲခဲ့တယ်လို့ ကနဦးသတင်းရရှိပါတယ်။

     ချောင်းသာစစ်ဆေးရေးဂိတ်ရဲ့ တာဝန်ရှိသူတွေရဲ့အတည်ပြုချက်အရ ယာဥ်ပေါ်ပါသူမှာ ၇ ဦးဖြစ်ပြီး ပုသိမ်ချောင်းသာလမ်း ကလပ်ချီနဲ့ မင်းကုန်းကြီးကြားမှာ ကံထူးအောင်ယာဥ်နဲ့အဆိုပါယာဥ်ငယ်တို့တိုက်မိပြီး ကားလေးမီးလောင်ကာ ၇ ဦးမီးလောင်တဲ့အထဲမှာ ပါဝင်တယ်လို့ သိရပါတယ်။

     "ဒီနေ့ နေလည်ပိုင်းလောက်ပဲ ပုသိမ်မြို့နယ်ချောင်းသာလမ်းကလပ်ချီကွေ့မှာ ကံထူးအောင်ယာဥ်နဲ့ ကားလေးတိုက်ပြီး မီးလောင်ရာတွင် ပိတ်မိပြီးသေဆုံးသူတွေကို ဘက်စုံလူမှုကူညီရေးအဖွဲ့(ပုသိမ်)က ပုသိမ်ဆေးရုံကို ပို့ပေးခဲ့ပါတယ်"လို့ သွားရောက်ကူညီသူတစ်ဦးက ပြောပါတယ်။

ymg/hm
#Yangon_Media_Group

#DailyNews
Published - 19 Mar 2022

၁။ လျှပ်စစ်ပြတ်တောက်မှုကြောင့် အအေးခန်းစက်ရုံများနှင့် အထည်ချုပ်လုပ်ငန်းများအခက်အခဲတွေ့။

၂။ အာဆီယံအထူးကိုယ်စားလှယ်ခရီးစဉ်အတွင်း NLD ပါတီအပါအဝင် နိုင်ငံရေးပါတီအတော်များများဖြင့် တွေ့ရန်ရှိနေ။

၃။ နေ့စဉ်မိုးလေဝသ သတင်း။

၄။ ဂျပန်မှ ကုန်ပစ္စည်းတန်ဖိုးများမြင့်တက်လာပြီး ဘယ်လောက်အထိကြာမလဲဟု မေးခွန်းထုတ်နေကြ.......အစရှိတဲ့သတင်းတွေကို တင်ဆက်ပေးသွားမှာပဲဖြစ်ပါတယ်။

#Yangon_Media_Group

#LocalNews
Published_19 March 2022

     ထိုင်းနိုင်ငံမှ မြန်မာရွှေ့ပြောင်းအလုပ်သမား ၁၄၀ ခန့် ရနောင်းခရိုင်မှတစ်ဆင့် မြန်မာနိုင်ငံသို့ ပြန်ရောက်ကြပြီဖြစ်ကြောင်း သိရသည်။

     ထိုင်းနိုင်ငံတောင်ပိုင်းရှိ ခရိုင် ၁၄ ခုတွင် အလုပ်လုပ်ကိုင်နေကြသော ရွှေ့ပြောင်းအလုပ်သမားများထဲတွင် အ‌ကြောင်းအမျိုးမျိုးကြောင့် ဖမ်းဆီးထိန်းသိမ်းခံရကာ ထိုင်းနိုင်ငံတောင်ပိုင်း ရနောင်းခရိုင် လူဝင်မူ့ကြီးကြပ်ရေးထိန်းသိမ်းရေးစခန်း၌ ပြစ်ဒဏ်များကျခံပြီး မြန်မာရွှေ့ပြောင်းအလုပ်သမား အမျိုးသား ၁၁၄ ဦး၊ အမျိုးသမီး ၂၃ ဦး နှင့် ကလေး မ ၁ - ဦး၊ စုစုပေါင်း ၁၃၈ ဦး၊၎င်းတို့နှင့်အတူ ကျန်းမာရေးချို့တဲ့သော လူနာအမျိုးသားနှစ်ဦးတို့ ပြည်တော်ပြန်ခဲ့ကြကြောင်း သိရသည်။

     ယင်းတို့အား မတ်လ ၁၇ ရက်က ကော့သောင်းမြို့သို့ ထိုင်းနိုင်ငံရှိ အာဏာပိုင်များက ပြန်လည်လွှဲပြောင်းပို့ဆောင်လာသောကြောင့် တနင်္သာရီတိုင်း ကော့သောင်းမြို့ရှိ ပညာရေးနှင့်ဖွံ့ဖြိုးတိုးတက်ရေး ဖောင်ဒေးရှင်း (FED) - ရွှေ့ပြောင်းအလုပ်သမား အရင်းမြစ်စင်တာ (MWRC) မှ ၎င်းတို့ကို မုန့်၊ အချိုရည်ဘူး၊ သောက်ရေသန့်ဘူး၊ နှာခေါင်းပိတ်၊ လက်သန့်ဆေးရည် ၊ ခြေညှပ်ဖိနပ်များ၊ ကိုဗစ် ၁၉ အသိပညာပေး လက်ကမ်းစာစောင်များ၊ လူကုန်ကူးမှုနှင့် ပတ်သက်သော အသိပညာပေးလက်ကမ်းစာစောင်များနှင့် လုံခြုံစိတ်ချရသော ရွှေ့ပြောင်းနေထိုင်မှု အသိပညာ‌ပေး လက်ကမ်းစာစောင်များကိုလည်း ဖြန့်ဝေပေးခဲ့ကာ ကူညီဆောင်ရွက်ပေးခဲ့ကြောင်း သိရသည်။

ymg/mt
#Yangon_Media_Group