#WorldRecord
Published 21 June 2022

မက္ကဆီကိုစီးတီးမြို့တော် ဗဟိုပလာဇာမှာ လူပေါင်း ၁၄,၂၉၉ ယောက်ပါဝင်တဲ့ ကမ္ဘာ့အကြီးမားဆုံးလက်ဝှေ့သင်တန်းကို လက်ခံကျင်းပခဲ့ပြီး ကမ္ဘာ့စံချိန်တင်နိုင်ခဲ့ကြောင်း မြို့တော်ဝန်'ကလော်ဒီယာရှိန်းဘမ်း'က စနေနေ့က ကြေညာလိုက်ပါတယ်။

#Yangon_Media_Group

Published 21 June 2022

ကမ္ဘောဒီးယားနိုင်ငံက တံငါသည်တစ်ဦးဟာ မဲခေါင်မြစ်ထဲကနေ ကမ္ဘာ့အကြီးဆုံးလို့ မှတ်ယူနိုင်တဲ့ ရေချိုငါးကြီးတစ်ကောင်ကို ဖမ်းဆီးရမိခဲ့တယ်လို့ သိပ္ပံပညာရှင်တစ်ဦးကပြောပါတယ်။

အဲဒီငါးကြီးဟာ အလေးချိန် ၃၀၀ ကီလိုဂရမ်ရှိတဲ့ ငါးလက်ထုံဖြစ်ပြီး ပါးဟပ်ကနေ အမြီးအထိ ၁၃ ပေ အလျားရှိပါတယ်။ ပြီးခဲ့တဲ့ အပတ်က အဲဒီငါးကြီးကို ဖမ်းမိတာဖြစ်ပြီး သူ့ရဲ့ အပြုအမူတွေကို စောင့်ကြည်လေ့လာလို့ရအောင် ကတ်ပြားတစ်ခု ချိတ်ဆွဲပေးပြီး မြစ်ထဲပြန်လွှတ်ပေးလိုက်ပါတယ်။

ဒီငါးကြီးဟာ ယခင်က ၂၀၀၅ခုနှစ်မှာ ထိုင်းနိုင်ငံမှာ အကြီးဆုံးအဖြစ် ဖမ်းမိခဲ့တဲ့  မဲခေါင်ငါးခူကြီးထက် ပိုကြီးပါတယ်။အဲဒီတုန်းက ငါးခူကြီးဟာ အလေးချိန် ၂၉၃ ကီလိုရှိပါတယ်လို့ အမေရိကန်ရန်ပုံငွေနှင့်လည်ပတ်နေတဲ့ မဲခေါင်သုတေသနစီမံကိန်းက ပြောပါတယ်။

အခု ငါးလက်ထုံကြီး ကို ကမ္ဘောဒီးယားနိုင်ငံ မြောက်ပိုင်း ဆတွန်ထရန်းပြည်နယ်မှာ ဖမ်းဆီးရမိတာဖြစ်ပြီး မြေနိမ့်ပိုင်းမှာ နေတဲ့ လူဝံထက် အလေးချိန်နှစ်ဆစီးတယ်လို့ ပညာရှင်တွေက ပြောပါတယ်။

“ မြစ်တွေကန်တွေက ငါးကြီးတွေကို နှစ်ပေါင်း ၂၀လေ့လာခဲ့ရာမှာ ဒီငါးက ကျွန်တော်တို မှတ်တမ်းတင်ထားသမျှ ကမ္ဘာပေါ်မှာ အကြီးဆုံးရေချိုငါးတစ်ကောင်ဖြစ်တယ်”လို့ မဲခေါင်၏အံမခန်းစရာများ စီမံချက်ရဲ့ ဦးဆောင် ငါးဇီဝဗေဒပညာရှင် ဇက်ဘ်ဟိုဂန်ကပြောပါတယ်။

“ ဒီတွေ့ရှိမှုဟာ အတော့်ကိုအံ့အားသင်စရာပဲ။ ဒီမျိုးစိတ်တွေနှင့် သူတို့ကျက်စားတဲ့ မြစ်တလျောက် ဆန်းကြယ်တဲ့ ဝန်းကျင်ကိုပိုပြီးနားလည်ဖို့ ကြိုးစားရမယ်” လို့ သူကပြောပါတယ်။

သုတေသနပညာရှင်တွေဟာ အသံပါတဲ့ကတ်ကလေးတစ်ခုကို ငါးမှာချိတ်တွဲပေးလိုက်ပြီး မြစ်ထဲပြန်လွှတ်ပေးခဲ့ပါတယ်။ သူတို့ရဲ့ ဆန်းကြယ်တဲ့အပြုအမူတွေကို စောင့်ကြည့်လေ့လာနိုင်ဖို့ဖြစ်ပါတယ်။

ပြီးခဲ့တဲ့လကလည်း ဒီပြည်နယ်ထဲမှာပဲ လေးမီတာအရှည်ရှိပြီး ၁၈၀ကီလိုအလေးချိန်ရှိတဲ့ ငါးလက်ထုံတစ်ကောင်ကို ဖမ်းဆီးရမိခဲ့ပါသေးတယ်။

မဲခေါင်မြစ်ထဲမှာ ငါးမျိုးစိတ်ပေါင်း တစ်ထောင်ကျော် ကျက်စားနေပါတယ်။ ငါးလက်ထုံတစ်မျိုးတည်း ငါးကြီးမဟုတ်ပါဘူး။ သုံးမီတာအထိ အလျားရှိပြီး ၂၇၀ကီလိုအထိ အလေးချိန်ရှိတဲ့ငါးခူကြီးတွေနှင် Berb(ဘတ်)ငါးကြီးတွေလည်း မဲခေါင်မြစ်ထဲ ရှိနေပါတယ်။

မဲခေါင်မြစ်ဟာ  တရုတ်နိင်ငံက မြစ်ဖျာခံပြီး လာအို၊မြန်မာ၊ကမ္ဘောဒီးယားနှင့် ဗီယက်နမ်နိုင်ငံတွေကို ဖြတ်သန်းစီးဆင်းတဲ့ နာမည်ကျော်မြစ်တစ်စင်းဖြစ်ပါတယ်။

Source: AFP

Published 21 June 2022

တရုတ်နိုင်ငံတောင်ပိုင်း ယူနန်ပြည်နယ်က နင်ဂါစီရင်စုမှာ တောရိုင်းတိရစ္ဆာန်များထိန်းသိမ်းစောင့်ရှောက်ရေး လုပ်သားတွေဟာ တောဆင်ရိုင်းတစ်အုပ်လုံး နေ့လယ်နေ့ခင်း တစ်ရေးအိပ်စက်အနားယူနေကြတဲ့ ကြုံတောင့်ကြုံခဲ ရှားပါး ဗွီဒီယိုတစ်ခုကို မှတ်တမ်းတင်နိုင်ခဲ့ကြပါတယ်။ ဆင်ရိုင်းတစ်အုပ်ဟာ အဲဒီစီရင်စုထဲက ရွာတစ်ရွာအနီး သစ်တောထဲမှာ အေးအေးလူလူ အိပ်မောကျနေကြတာပါ။

ဆင်ပေါက်ကလေးတစ်ကောင်ပါဝင်တဲ့ ဆင်ခုနှစ်ကောင်အုပ်စုဟာ အဲဒီနေ့က  အစာရှာဖွေကြပြီးနောက် သူတို့ထဲက ဆင်ငါးကောင်က ကုန်းကမူစွန်းကလေးမှာ လှဲချပြီး အနားယူအိပ်စက်ကြတဲ့အခါ အခြား ဆင်ကြီးနှစ်ကောင်က သူတို့ဘေးနားမှာ စောင့်ကြပ်ရပ်ပေးနေကြပါတယ်။

ဗွီဒီယိုထဲမှာ ဆင်ပေါက်ကလေးဟာ သူမိဘတွေကြားမှာ မှိန်းနေတာကိုကြည့်ရတာ နွေးထွေးတဲ့မိသားစုလေးလို ကြည်နူးစရာဖြစ်ပါတယ်။

ဆင်ပေါက်ကလေး တစ်နှစ်ခွဲ ဒါမှမဟုတ် (၂)နစ်သားကလေးလောက်ပဲရှိဦးမယ်။ ကျန်းမာတယ်။လက်ရှိမှာ မြက်စိမ်းတွေကိုစားတယ်။မိခင်ဆင်မကြီးရဲ့နို့ကို တစ်ခါတစ်ခါစို့တယ်။ လေးနှစ်သားအထိ ဒီအတိုင်းစားသောက်နေဦးမှာ ဖြစ်တယ်လို့ နင်ဂါစီရင်စု၊ မန်းရှင်း သစ်တောဌာနရဲ့ ဒုတိယညွှန်ကြားရေးမှူး ဝန်စီးချီးကပြောပါတယ်။

ဆင်အုပ်တွေဟာ ရွာအနီးမှာ ဒီနှစ်အတွင်း လေးကြိမ်လောက် လှည့်လည်သွားလာကြတာတွေ့ရတယ်လို့  စောင့်ကြည့်နေတဲ့အလုပ်သမားတွေက ပြောပါတယ်။

လူသားတွေနှင့်ဆင်တွေ အန္တရာယ်ကင်းစေဖို့ ဆင်တွေကို ဒရုန်းတွေနှင့်စောင့်ကြည့်နေပြီး အချိန်မီ သတိပေးနိုင်အောင် သက်ဆိုင်ရာကဆောင်ရွက်ပေးနေတယ်လို့သိရပါတယ်။

Source CCTV+

#Local_News
Published - 21 June 2022

ဆရာတော်၊ သံဃာတော်တွေရဲ့ ပုံတူတွေ၊ ဘိုးမင်းခေါင်၊ အစ်မတော်မြနန်းနွယ်စတဲ့ ပုဂ္ဂိုလ်တွေရဲ့ပုံတူတွေကို ဆီလီကွန်ဖြင့်ပုံတူတော် ပြုလုပ်ပြီး ပူဇော်ကြသူတွေများပြားနေတယ်လို့ ပုံတူဆီလီကွန်ပန်းပုပြုလုပ်သူ ကိုစိုးသူဝင်းကပြောပါတယ်၊၊

#Yangon_Media_Group

#Local_News
Published_21 June 2022

ထိုင်း-မလေးရှား နယ်စပ်မှာ ထိုင်းနိုင်ငံသားတစ်ယောက် သေဆုံးခဲ့တဲ့ ကိစ္စနဲ့ပတ်သက်လို့ မြန်မာနိုင်ငံသားတစ်ယောက်ရဲ့ လက်ဗွေရာတွေ့တယ်လို့ ဆိုတဲ့အတွက် အဲဒီမြန်မာနိုင်ငံသားကို ထိန်းသိမ်းပြီး စစ်ဆေးနေပါတယ်။

#Yangon_Media_Group

#LocalNews
Published - 21 June 2022

၁၀ ရက်ကျော်ကြာပျောက်ဆုံးနေသည့် အမျိုးသမီးငယ်၏ မိဘထံ ဖုန်းဖြင့်ဆက်သွယ်၍ ငွေတောင်းခံမှုများရှိနေကြောင်း အဆိုပါ အမျိုးသမီးငယ် မကြာဖြူ၏ မိဘထံမှ သိရသည်။

နမ့်ဆန်၊ ပလောင်ရွာဇာတိ၊ မန္တလေးမြို့ မဟာအောင်မြေ မဟာမြိုင်လမ်းတွင် နေထိုင်သည့် မကြာဖြူသည် ပြီးခဲ့သည့် ဇွန်လ ၁၀ ရက်တွင် မိဘများအား စိတ်ဆိုး၍ နေအိမ်မှထွက်သွားပြီး ၁၀ ရက်ကျော်ကြာသည်အထိ မရှာတွေ့သေးကြောင်း သိရသည်။

"သူကတော့ ထိုင်းကိုရောက်သွားပြီတဲ့။ သူနဲ့ Video call ပြောချင်ရင် ၅ သောင်းပေးရမယ်လို့ပြောတယ်။ အဲတိုင်းပြောတာဟုတ်ပါတယ်။ လူလိမ်လိုထင်တာပဲ။ ၁၀ ရက်နေ့ကသွားတယ်၊ ၁၃ ရက်နေ့ကျတော့ ထိုင်းကိုရောက်သွားတယ်တဲ့။ အောက်လမ်းကသွားရင် ၃ ရက်နဲ့မရဘူးလေ။ သူ့အသံကြားချင်ရင် ၂ သောင်းတဲ့ Video call ပြောချင်ရင် ၅ သောင်းတဲ့။ ခုလက်ရှိလည်းအဆက်အသွယ်မရသေးပါဘူး။ မိုင်တဲဖုန်းနံပါတ်နဲ့ဆက်တာ။ ရှာနေတာပဲ။ လူကုန်ကူးလည်းတိုင်ထားတယ်။ စစ်သားတွေရဲတွေကိုလည်းပြောထားတယ်။ အကုန်လုံးကိုပြောထားတယ်။ သတင်းပေးမယ့်သူ၊ တွေ့လိုအကြောင်းကြားပေးတယ့်သူတွေကို ကြိုဆိုထားတယ်"ဟု ၎င်း၏ အစ်မ ဖြစ်သူကပြောသည်။

အဆိုပါပျောက်ဆုံးနေသည့် မကြာဖြူသည် အသက် (၁၈)နှစ်ရှိပြီး လက်ရှိကာလတွင် အခြေအနေမကောင်းသောကြောင့် မိသားစုဝင်များမှ စိုးရိမ်ပူပန်နေကြောင်း သိရသည်။

ယင်းအပြင် မကြာဖြူကို တွေ့ရှိသူတွေအနေဖြင့် ဖုန်း 09-794 984 423 သို ဆက်သွယ်အကြောင်းကြားပေးရန် မိသားစုမှ တောင်းဆိုထားသည်။

ymg/sth
#Yangon_Media_Group

Published 21 June 2022

လက်ရှိ G20 ဥက္ကဋ္ဌ ဖြစ်တဲ့ အင်ဒိုနီးရှားသမ္မတ ဂျိုကိုဝီဒိုဒိုဟာ ဒီလကုန်မှာ မော်စကိုကို သွားရောက်ပြီး ရုရှားသမ္မတ ဗလက်ဒီမာပူတင်နှင့် တွေ့ဆုံစကားပြောမယ်လို့ အင်ဒိုနီးရှား နိုင်ငံပိုင်သတင်းအေဂျင်စီက လုံခြုံရေးဝန်ကြီးရဲ့ ပြောကြားချက်ကို ကိုးကားပြီး သတင်းထုတ်ပြန်ပါတယ်။

ယခုနှစ် G20 ထိပ်သီးအစည်းဝေးဟာ ယူကရိန်းစစ်ပွဲအရိပ်ထိုးခံနေရပီး အချို့ အနောက်နိုင်ငံတွေက ထိပ်သီးအစည်းအဝေးကို သပိတ်မှောက်ဖို့နှင့် ရုရှားကို အစည်းအဝေးကနေ ဖယ်ထုတ်ဖို့ ခြိမ်းခြောက်နေချိန်မှာ အင်ဒိုနီးရှားဟာ အုပ်စုအတွင်းညီညွတ်မှု ရရှိအောင် ကြိုးစားနေရတာြဖစ်ပါတယ်။

ဂျိုကိုဝီလို့ အများသိကြတဲ့ အင်ဒိုနီးရှားခေါင်းဆောင်ဟာ သမ္မတပူတင်နှင် ဇွန်၃၀ရက်မှာ တွေ့ဆုံမယ်လို့ နိုင်ငံပိုင်သတင်းဌာန အင်တာရာက ပြောပါတယ်။

“မှန်ပါတယ်။ ဒါဟာ သမ္မတရဲ့ အစီအစဉ်ပါ” လို့  လုံခြုံရေးညှိနှိုင်းဆောင်ရွက်ရေးဝန်ကြီး မာဖဒ်အမ်ဒီက သမ္မတအိမ်တော်မှာ တနင်္လာနေ့က သတင်းထောက်တွေကိုပြောခဲ့ပါတယ်။

ကရင်မလင်သတင်းအရင်းအမြစ်ကို ကိုးကားပြီး ရုရှားအစိုးရသတင်းဌာန တပ်စ်ကလည်း ဒီသတင်းကို အတည်ပြုရေးသားပါတယ်။

ရုရှားကို မသွားခင်မှာ ဂျိုကိုဝီဟာ ဂျာမနီကိုသွားရောက်ပြီး ဇွန်၂၆ကနေ ၂၈ အထိ G7 ထိပ်သီးအစည်းအဝေး တက်ရောက်မှာဖြစ်ပါတယ်။ သူဟာ ရုရှားကိုမရောင်ခင် ယူကရိန်းမှာ တစ်ထောက်နားဖို့လည်း စဉ်းစာနေတယ်လို့ ပြည်တွင်းမီဒီယာတွေက ရေးသားကြပါတယ်။

နိုဝင်ဘာလမှာ ဘာလီတွင်ကျင်းပမယ့် G20ထိပ်သီးအစည်းအဝေးကို ယူကရိန်းသမ္မတ ဗိုလိုဒီမာ ဇီလင်စကီးကကိုလည်း ဖိတ်ကြားမယ်လို့ အင်ဒိုနီးရှားက ဧပြီလမှာကြေညာခဲ့ပါတယ်။ ဒါပေမယ့် ပူတင်ကိုဖိတ်ကြားတာကိုလည်း ပြန်ရုပ်သိမ်းမှာ မဟုတ်ဘူးလို့ ရှင်းရှင်းလင်းလင်းပြောခဲ့ပါတယ်။

အမေရိကန်သမ္မတ ဂျိုးဘိုင်ဒင်၊ ကနေဒါသမ္မတ ဂျပ်စတင် ထရူးဒေါ နှင့် ဗြိတိန်ဝန်ကြီးချုပ် ဘောရစ်ဂျွန်ဆင်တို့ဟာ ရုရှားသမ္မတ တက်ရောက်မှာကို ဆန့်ကျင်သူတွေအထဲမှာ ပါဝင်နေပါတယ်။

ဘယ်လိုဖြစ်ဖြစ် တက်မယ်လို့ ဩစတြေလျဝန်ကြီးချုပ် အန်သိုနီအယ်ဘန်နီဆီက ဒီလအတွင်း ဂျာကာတာရောက်စဉ် အတည်ပြုခဲ့ပါတယ်။

Source: Reuters

#Local_News
Published_21 June 2022

ငွေသိန်းတစ်ထောင်ဝန်းကျင်နဲ့ ပြန်ပေးဆွဲခံထားရတဲ့ မြန်မာ-ဘင်္ဂလားနယ်စပ်၊ ရခိုင်ပြည်နယ် မောင်တောမြို့နယ်၊တောင်ပြိုလက်ဝဲမြို့၊ သင်္ဘောလှမူလွန်ကျောင်းရဲ့ ကျောင်းအုပ်ဆရာကြီး အသက် ၃၉ နှစ်ဝန်းကျင် အရွယ် ဦးဘိုဝင်းနဲ့ သူ့ရဲ့လက်ထောက်ဆရာမ အသက် ၂၇ နှစ်ဝန်းကျင် အရွယ် ဒေါ်ဥမ္မာကျော် တို့ကို ရှာဖွေတာ ရပ်လိုက်ပြီလို့ သိရပါတယ်။

#Yangon_Media_Group

#Local_News
Published_ 21 June 2022

ထိုင်းနိုင်ငံတွင် ရောက်ရှိနေပြီး နေရပ်ပြန်လိုတဲ့ မြန်မာနိုင်ငံသားများအား မြဝတီမြို့၊ မြန်မာ-ထိုင်းအမှတ် (၂) ချစ်ကြည်ရေးတံတားမှ တစ်ဆင့် ပြန်လည်ကြိုဆို လက်ခံခြင်းကို ဆောင်ရွက်ပေးလျက်ရှိရာ ဇွန် ၂၀ ရက်တွင် ၁၃၂ ဦး ဆက်လက်ဝင်ရောက်ခဲ့ကြောင်း သိရပါတယ်။

ထိုင်းနိုင်ငံမှ ပြန်လည်ဝင်ရောက်လာတဲ့ မြန်မာနိုင်ငံသားများအား တာဝန်ရှိသူများက ကြိုဆိုခဲ့ကြပြီး သက်ဆိုင်ရာ ဌာနဆိုင်ရာဝန်ထမ်းများနှင့် တာဝန်ရှိသူများက ကိုဗစ်-၁၉ ရောဂါဆိုင်ရာများအား အသိပညာပေးခြင်း၊ ပြန်လည်ဝင်ရောက်လာသူများ၏ အချက်အလက်များ ကောက်ယူခြင်းများကို ဆောင်ရွက်ခဲ့ကြပါတယ်။

ထိုသို့ ပြန်လာသူများတွင် ပဲခူးတိုင်းဒေသကြီး၊ မွန်ပြည်နယ်နှင့် တနင်္သာရီတိုင်းဒေသကြီးမှ နေရပ်ပြန်များအား မော်လမြိုင်မြို့ရှိ ဆယ်မြို့နယ်အသွားအလာ ကန့်သတ်စောင့်ကြည့်ရေးစခန်းသို့ ပို့ဆောင်ပေးပြီး အခြားတိုင်းဒေသကြီးနှင့် ပြည်နယ်များမှ နေရပ်ပြန်များအား မြဝတီကုန်သွယ်ရေးဇုန်နှင့် မဲကနယ် အသွားအလာကန့်သတ် စောင့်ကြည့် ရေးစခန်းများတွင် ၁၀ ရက်ကြာ အသွားအလာရက်ကန့်သတ် ထားရှိကာ ကိုဗစ်ရောဂါ ပိုးရှိမရှိ စစ်ဆေးပြီးမှ သက်ဆိုင်ရာ မြို့နယ်များသို့ ပို့ဆောင်ပေးမှာ ဖြစ်ပါတယ်။

ပြန်လည်ဝင်ရောက်လာသူများ အနေဖြင့် တိုင်းဒေသကြီး၊ ပြည်နယ်အသီးသီးမှ အမျိုးသား ၇၆ ဦး၊ အမျိုးသမီး ၅၆ ဦး စုစုပေါင်း ၁၃၂ ဦး ဖြစ်ပါတယ်။

ymg-mnn
#Yangon_Media_Group

#LocalNews
Published_21 June 2022

ပြည်တွင်း စက်သုံးဆီစျေးနှုန်း တစ်လီတာလျှင် ကျပ် ၁၀၀ ကျော် ဝန်းကျင်အထိ ကျဆင်းလာကြောင်း စက်သုံးဆီဆိုင်များ၏ ထုတ်ပြန်ထားသည့်စျေးနှုန်းများအရ သိရသည်။

ယမန်နေ့တွင် စက်သုံးဆီအရောင်းဆိုင်များ၏ ထုတ်ပြန်ထားသည့် စျေးနှုန်းမှာ ၉၂ တစ်လီတာလျှင် ၂၂၅၀ ကျပ်၊ ၉၅ တစ်လီတာလျှင် ၂၃၄၀ ကျပ်၊ ၉၇ တစ်လီတာလျှင် ၂၅၃၅ ကျပ်၊ ဒီဇယ် တစ်လီတာလျှင် ၂၆၉၀ ကျပ်၊ ပရီမီယံ ဒီဇယ်တစ်လီတာလျှင် ၂၇၂၀ ကျပ် ရှိခဲ့ပြီး ယနေ့ စက်သုံးဆီစျေးနှုန်းမှာ၉၂ တစ်လီတာလျှင် ၂၁၄၅ ကျပ်၊ ၉၅ တစ်လီတာလျှင် ၂၂၅၀ ကျပ်၊ ၉၇ တစ်လီတာလျှင် ၂၄၄၅ ကျပ်၊ ဒီဇယ် တစ်လီတာလျှင် ၂၅၉၀ ကျပ်၊ ပရီမီယံ ဒီဇယ်တစ်လီတာလျှင် ၂၆၂၀ ကျပ် အထိ ကျဆင်းလာကြောင်း စျေးနှုန်းများအရ သိရသည်။

ရန်ကုန်မြို့နှင့် မန္တလေးမြို့တို့တွင် ရည်ညွှန်းလက်ကားစျေးနှုန်းများနှင့် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီစျေးနှုန်းများဖြင့်လည်း ရောင်းချပေးနေကြောင်း စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီမှ သိရသည်။

ymg/sth
#Yangon_Media_Group

#DailyNews
Published - 21 June 2022

၁။ ထိုင်းနိုင်ငံသားတစ်ဦးသေဆုံးမှုတွင် လက်ဗွေရာတွေ့သည်ဆိုသော မြန်မာနိုင်ငံသားတစ်ဦးအတွက် အာမခံရရှိရေးလုပ်ဆောင်မည်

၂။ ဆရာတော်၊ သံဃာတော်များ၏ ပုံတူများကို ဆီလီကွန်ပုံတူတော်ပြုလုပ်ပြီး ပူဇော်သူများနေ

၃။ နေ့စဉ်မိုးလေဝသသတင်း။

၄။ မက္ကဆီကိုတွင် လူအများဆုံးပါဝင်သည့် လက်ဝှေ့သင်တန်းကျင်းပပြီး ကမ္ဘာ့စံချိန်အသစ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_21 June 2022

မလေးရှားနိုင်ငံတွင် အကြောင်းအမျိုးမျိုးကြောင့် ထိန်းသိမ်းရေးစခန်းများသို့ ရောက်နေကြသည့် မြန်မာနိုင်ငံသားများအား နေရပ်သို့ ဆက်လက်ပို့ဆောင်နိုင်ရန် ဆွေးနွေးနေကြကြောင်း မလေးရှားနိုင်ငံဆိုင်ရာ မြန်မာသံရုံးက သိရသည်။

ပြီးခဲ့သည့်ရက်ပိုင်းတွင် မလေးရှားနိုင်ငံနှင့် ထိုင်းနယ်စပ်ရှိ Tanah Merah လူဝင်မှုကြီးကြပ်ရေးဌာန ထိန်းသိမ်းရေးစခန်းအတွင်း ထိန်းသိမ်းခံထားရသော မြန်မာနိုင်ငံသားများအား သံရုံးဒုတိယအတွင်းဝန်နှင့် တာဝန်ရှိသူများက သွားရောက်တွေ့ဆုံခဲ့ကြောင်း အဆိုပါ မြန်မာသံရုံး၏ ထုတ်ပြန်ချက်တွင် ဖော်ပြထားသည်။

Tanah Merah လူဝင်မှုကြီးကြပ်ရေးဌာနထိန်းသိမ်းရေးစခန်းတွင် မြန်မာနိုင်ငံသား အမျိုးသား ၇၈ဦး၊ အမျိုးသမီး ၂၃ဦး၊ ကလေးနှစ်ဦး စုစုပေါင်း ၁၀၃ ဦး ထိန်းသိမ်းခံထားရကြောင်း၊ ယင်းတို့အား ဒုတိယအတွင်းဝန်နှင့် တာဝန်ရှိသူများက အားပေးစကားပြောကြားကာ ထိန်းသိမ်းခံထားရသည့်သူများအနက် အထောက်အထား ပြည့်စုံသူများအား မြန်မာနိုင်ငံသို့ အမြန်ဆုံးပြန်ပို့နိုင်ရန် သက်ဆိုင်ရာဌာနများနှင့် ညှိနှိုင်းဆောင်ရွက်ပေးခဲ့ကြောင်း သိရသည်။

ymg/mt
#Yangon_Media_Group