#LocalNews
Published - 21 March 2022

အားကောင်းတဲ့ မုန်တိုင်းငယ်ဟာ မနက်ဖြန် မတ်လ ၂၂ ရက်နေ့မှာ ဧရာဝတီတိုင်းဒေသကြီး၊ ဟိုင်းကြီးကျွန်းအနီးသို့ ရောက်ရှိနိုင်ပြီး ရန်ကုန်တိုင်းဒေသကြီးနဲ့ ဧရာဝတီတိုင်းဒေသကြီးတို့ မှာ အမြင့်ဆုံးလေတိုက်နှုန်း တစ်နာရီ မိုင် ၅၀ မှ ၅၅ မိုင်အထိ တိုက်ခတ်နိုင်တယ်လို့ မိုး/ဇလက ထုတ်ပြန်ထားပါတယ်။

ဒီကနေ့ ညနေပိုင်းကတည်းက အားကောင်းတဲ့မုန်တိုင်းငယ်ဟာ မြန်မာနိုင်ငံ ကိုကိုးကျွန်းအနီးကို ရောက်ရှိနိုင်ပြီး အမြင့်ဆုံးလေတိုက်နှုန်း တစ်နာရီ မိုင် ၄၀မှ ၄၅ မိုင်အထိ တိုက်ခတ်နိုင်တယ်လို့ ခန့်မှန်းထားပါတယ်။

မတ်လ ၂၃ ရက်နေ့မှာတော့ ရခိုင်ကမ်းရိုးတန်းကို ရောက်ရှိနိုင်ပြီး အမြင့်ဆုံးလေတိုက်နှုန်းမှ တစ်နာရီ မိုင် ၄၀ မှ ၄၅ မိုင်အထိ တိုက်ခတ်နိုင်ပါတယ်။

မုန်တိုင်းဖြတ်ကျော်စဉ် မုန်တိုင်းဒီရေမှာ ဧရာဝတီတိုင်းဒေသကြီး၊ လပွတ္တာခရိုင်၊ မြောင်းမြခရိုင်၊ မအူပင်ခရိုင်၊ ဖျာပုံခရိုင်တို့ ရှိ မြစ်ဝ၊ မြစ်လက်တက်များအတွင်း ၁၀ ပေမှ ၁၄ ပေခန့်အထိ မြင့်တက်လာနိုင်တယ်လို့ သိရပါတယ်။

ဒါ့ကြောင့် ပြည်တွင်းလေကြောင်း ပျံသန်းတာတွေ၊ မြန်မာ့ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင် တို့ မှာ ကမ်းနီး၊ ကမ်းဝေးငါးဖမ်းရေယာဉ်များ၊ သင်္ဘောများအနေနဲ့လည်း ကြိုတင်သတိပြုကြဖို့ လိုပါတယ်။

ymg/ei
#Yangon_Media_Group

#LocalNews
Published - 21 March 2022

     မိုးလေဝသနှင့် ဇလဗေဒညွှန်ကြားရေးဦးစီးဌာနက ဒီကနေ့ မတ်လ ၂၁ ရက်နေ့က စတင်ပြီး မတ်လ ၂၃ အထိ မုန်တိုင်းငယ်ကနေ ဆုန်ကလုန်းမုန်တိုင်းအဆင့်အထိ မြန်မာနိုင်ငံအတွင်း ဝင်ရောက်တိုက်ခတ်နိုင်တယ်လို့ သတိပေးထုတ်ပြန်ထားပါတယ်။

     ဒ့ါကြောင့် ဒီကနေ့ မနက်ပိုင်းက မိုင်းတုန်းငယ်ရဲ့အရှိန်ကြောင့် မိုးရွာသွန်းမှုတွေ ဖြစ်ပေါ်ခဲ့ပြီး ရန်ကုန်မြို့ မင်္ဂလာတောင်ညွှန့်မြို့နယ်၊ ရေတွင်းကုန်းရပ်ကွက်၊ လမ်း ၁၂၀ မှာ သစ်ပင်လဲကျမှုဖြစ်ပွားခဲ့တယ်လို့ မင်္ဂလာတောင်ညွှန့်မြို့နယ် မီးသတ်စခန်းက သွားရောက်ကူညီဆောင်ရွက်ပေးခဲ့ရတယ်လို့ သိရပါတယ်။

     အားကောင်းသောမုန်တုန်းငယ်ဟာ ယနေ့ ညနေပိုင်းမှာ မြန်မာနိုင်ငံ၊ ကိုကိုးကျွန်းအနီးသို့ ဝင်ရောက်တိုက်ခိုက်နိုင်ပြီး မတ်လ ၂၂ ရက်နေ့မှာတော့ ဧရာဝတီတိုင်း ဟိုင်းကြီးကျွန်းအနီးရောက်ရှိမှာဖြစ်ပြီး မတ်လ ၂၃ မှာတော့ ရခိုင်ကမ်းရိုးတန်းအနီးကို ရောက်ရှိနိုင်တယ်လို့ ခန့်မှန်ထားပါတယ်။

     အားကောင်းသောမုန်တိုင်းငယ်ရဲ့ လက်ရှိအခြေအနေမှာ မြန်မာနိုင်ငံဘက်သို့ ဦးတည်ရွေ့လျာမယ့်အခြေအနေဖြစ်သဖြင့် လိမ္မော်ရောင်အဆင့်သတ်မှတ်ထားပြီး အမြင့်ဆုံးလေတိုက်နှုန်း တစ်နာရီ မိုင် ၄၅ နှုန်းတိုက်နိုင်မယ်လို့ မိုး/ဇလက ထုတ်ပြန်ထားပါတယ်။

     တစ်နိုင်ငံလုံးအတိုင်းအတာအရ နေရာအနှံ့အပြားမှာ မိုးထစ်ချုန်းရွာပြီး အချို့ဒေသတွေမှာ ဒေသအလိုက် နေရာကွက်ပြီး မိုးကြီးနိုင်မှာဖြစ်ပြီး မြန်မာ့ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တို့မှာ မကြာခဏ မိုးသက်လေပြင်းကျရောက်ပြီး လှိုင်းကြီးမယ် လှိုင်းအမြင့်မှာ ၁၀ ပေကနေ ၁၄ ပေခန့် ရှိနိုင်တယ်လို့ မိုး/ဇလက ခန့်မှန်းထားပါတယ်။

#ymg/ei

photo-Myanmar fire Services Department
#Yangon_Media_Group

#WorldPolitics
Published- 21 March 2022

ယူကရိန်းကို ကျူးကျော်စစ်ဆင်နွှဲနေတဲ့ ရုရှားအပေါ် ပြစ်တင်ရှုတ်ချဖို့ တောင်းဆိုလိုက်တဲ့မေးခွန်းတစ်ခုနဲ့ပတ်သက်ပြီး အမေရိကန်နိုင်ငံဆိုင်ရာတရုတ်သံအမတ်က တနင်္ဂနွေနေ့က က တုန့်ပြန်သရော်ပြောဆိုလိုက်ပါတယ်။

တရုတ်သံအမတ်'ချင်ကန်'က Face The Nation တီဗီအစီအစဉ်မှာ CBS သတင်းဌာနမှ 'မာဂရက်ဘရန်နန်'နဲ့ပြောကြားခဲ့ရာ တရုတ်ကရုရှားနဲ့ ရင်းနှီးကောင်းမွန်တဲ့ဆက်ဆံရေး ရှိနေချင်တာဖြစ်ပါတယ်။

'ဘရန်နန်'က ဒီကျူးကျော်မှုကို ဘာလို့ အပြစ်တင်ရှုတ်ချတဲ့သဘောထားမထုတ်ပြန်ရသလဲလို့ မေးတဲ့အခါမှာ 'ချင်'က "အဲဒီလောက်မ'အကြပါနဲ့၊ ပြစ်တင်ရှုတ်ချလို့ ပြဿနာကပြီးသွားမှာမဟုတ်ပါဘူး၊ ပြစ်တင်ရှုတ်ချလိုက်လို့ ရုရှားကနောက်ဆုတ်မှာလည်းမဟုတ်ပါဘူး" လို့ ပြန်ဖြေခဲ့ပါတယ်။

ဆက်လက်ပြီး'ချင်ကန်'က တရုတ်တို့ ဟာ ငြိမ်းချမ်းရေးနဲ့ အပစ်အခတ်ရပ်စဲရေးဆွေးနွေးဖို့ တောင်းဆိုထားပြီးဖြစ်ပြီး ရုရှားနဲ့တရုတ်တို့ က အတူတကွအကျိုးစီးပွားလိုလားမှုနဲ့ပတ်သက်ပြီး အထူးတလည်ဆက်ဆံရေးရှိကြကြောင်း ဆိုပါတယ်။

"တရုတ်နဲ့ ရုရှားတို့ ကြား ယုံကြည်အားထားရတဲ့ဆက်ဆံရေးရှိနေတာဟာ တာဝန်ဝတ္တရားအရမဟုတ်ပါဘူး။ အကြပ်အတည်းတွေကို တည်ငြိမ်အေးချမ်းစွာဖြေရှင်းနိုင်ဖို့ လိုအပ်တဲ့နိုင်ငံတကာရေးရာပတ်သက်မှုဖြစ်ပါတယ်။ ပြဿနာတွေဖြေရှင်းဖို့ တရုတ်ကတစ်စိတ်တစ်ပိုင်းပါဝင်နေပါတယ်။ ကျုပ်တို့ ကပြဿနာဖြစ်အောင် လုပ်နေတာမဟုတ်ပါဘူး" လို့ 'ချင်ကန်'က ပြောကြားလိုက်ပါတယ်။

ရုရှားတို့ ကျူးကျော်ခြင်းကို ထိန်းသိမ်းလုပ်ဆောင်ဖို့ သမ္မတ'ရှီကျင့်ဖင်'က တောင်းဆိုထားပေမယ့် တရုတ်နိုင်ငံအတွင်းမှာတော့ စစ်ပွဲနဲ့ပတ်သက်ပြီး ရုရှားဝါဒဖြန့်မှုများပျံ့နှံနေခဲ့ကြောင်း Insider မှ 'လင်းနက်လိုပက်ဇ်'က သတင်းပေးပို့ ထားပါတယ်။

ယူကရိန်းအပါအဝင် နိုင်ငံအားလုံးရဲ့ အချုပ်အခြာအာဏာနဲ့ နယ်မြေစိုးမိုးရေးတို့ ကို အသိအမှတ်ပြုကာကွယ်ပေးရမယ်ဆိုတာကို ရှင်းရှင်းလင်းလင်းဖော်ပြပြီးသားဖြစ်ကြောင်း၊ ဒါပေမဲ့ ပြစ်တင်ရှုတ်ချတာတွေက အသုံးမဝင်ကြောင်း၊ ဉာဏ်ပညာ အမြော်အမြင် ရဲစွမ်းသတ္တိတို့ အပေါ်အခြေခံတဲ့ သံတမန်ရေးဖြေရှင်းမှုကိုသာလိုအပ်ကြောင်း 'ချင်ကန်'က အသိပေးခဲ့ပါတယ်။

ယူကရိန်းကိုကျူးကျော်နေတဲ့ရုရှားတို့ ကို စစ်ရေးထောက်ပံ့မှုများမပြုလုပ်ဖို့ အမေရိကန်သမ္မတ'ဂျိုးဘိုင်ဒန်'က တရုတ်သမ္မတ'ရှီကျင့်ဖင်'ကို သတိပေးထားပါတယ်။
တရုတ်တို့ က ရုရှားကို ငွေကြေးနဲ့လက်နက်တွေ ထောက်ပံ့ပေးသွားမှာလားဆိုပြီး 'ဘရန်နန်'က မေးမြန်းခဲ့ရာ တရုတ်တိုကစစ်ရေးထောက်ပံ့မှုတွေ ပြုလုပ်နေတယ်ဆိုတာ သတင်းမှားတွေဖြစ်ကြောင်း၊ အစားအစာ ဆေးဝါး အိပ်ရာ ကလေးသုံးပစ္စည်းတွေကို ပေးပို့ နေတာဖြစ်ကြောင်း၊ တရုတ်ကလည်း စစ်ကိုဆန့်ကျင်တာကြောင့် ဘယ်သူ့ကိုမှ လက်နက်ခဲယမ်းတွေထောက်ပံ့သွားမှာမဟုတ်ကြောင်း၊ ပဋိပက္ခငြိမ်းချမ်းသွားဖို့ တတ်နိုင်သမျှဆောင်ရွက်သွားမှာဖြစ်ကြောင်း 'ချင်ကန်'က ဖြေကြားခဲ့ပါတယ်။

အမေရိကန်ထိပ်သီးအရာရှိတွေရဲ့ပြောကြားချက်များအရ ယူကရိန်းကိုကျူးကျော်ဖို့ ရုရှားကတရုတ်ကို စစ်ရေးနဲ့စီးပွားရေးအကူအညီတောင်းခံခဲ့ကြောင်း ဖော်ပြထားပြီး ရုရှားတို့ က ဘယ်လိုလက်နက်မျိုးတွေကို တောင်းဆိုသလဲဆိုတာကိုတော့ တိတိကျကျမဖော်ပြထားပါဘူး။

တရုတ်နဲ့ရုရှားတို့ က သာမန်ကုန်သွယ်ရေး၊ စီးပွားရေး၊ ဘဏ္ဍာရေး၊ စွမ်းအင်ထုတ်လုပ်ရေးတို့ မှာ ပူးပေါင်းဆောင်ရွက်လျက်ရှိတယ်လို့ 'ချင်ကန်'က တနင်္ဂနွေနေ့မှာပြောကြားသွားပါတယ်။

Source Insider

#WorldNews_Health
Published - 21 March 2022

တီဘီရောဂါကာကွယ်ဆေးဟာ ကိုဗစ်-၁၉ကို ကာကွယ်ပေးရာမှာ အထောက်အကူဖြစ်စေကြောင်းကို သုတေသနပြုလုပ်ချက် အသစ်အရသိရပါတယ်။ကပ်ဘေးရောဂါအစောပိုင်းမှာ BCG လို့ ခေါ်တဲ့ တီဘီရောဂါကာကွယ်ဆေးထိုးကို ကလေးဘဝက ထိုးနှံထားပြီးသူတွေထဲမှာ ကိုဗစ်ကူးစက်မှုနှုန်း လျော့နည်းကြောင်း လေ့လာမှုအရတွေ့ရှိရပါတယ်။

ယခု ဟမ်စတားကြွက်ကလေးတွေနှင့် သုတေသနပြုလုပ်ရာမှာ တီဘီကာကွယ်ဆေးထိုးထားတဲ့ကြွက်ကလေးတွေဟာ ကိုဗစ်-၁၉ကြောင့်ဖြစ်တဲ့ အဆုတ်ရောင်ရောဂါ ဖြစ်ပွားမှုနည်းပါးပြီး အဆုပ်ထဲမှာ ကိုရိုနာဗိုင်းရပ်စ်ပမာဏနည်းပါးကြောင်းတွေ့ရပါတယ်။

ဘာလ်တီမိုးမှာရှိတဲ့ ဂျွန်ဟော့ပ်ကင်းတက္ကသိုလ်က ဆရာဝန်တွေဟာ ကိုဗစ်ကူးစက်ခံထားရတဲ့ကြွက်တွေထဲက BCG ထိုးထားတဲ့ကြွက်တွေနှင့် မထိုးထားတဲ့ကြွက်တွေအကြား အဆုပ်ဆဲလ်တွေမှာ အရေးပါတဲ့ ကွဲပြားခြားနားမှုကို တွေ့ရှိခဲ့ကြပါတယ်လို့ ပညာရှင်အချင်းချင်းလေ့လာမှုမပြုခင်ထုတ်ဝေတဲ့ bioRxiv စာစောင် မှာဖော်ပြထားပါတယ်။

ကိုရိုနာဗိုင်းရပ်စ်ကူးစက်ခံထားရပြီးနောက် BCG ထိုးထားတဲ့ကြွက်တွေရဲ့ ခုံခံအား ပဋိပစ္စည်းဟာ အဆုပ်ဆဲလ်တွေဆီ ခပ်မြန်မြန်ရောက်ရှိလာပြီး အဆုပ်ပြုပြင်တဲ့ ယန္တယားဟာလည်း ပိုပြီးမြန်ဆန်လာပါတယ်။အဲဒီနောက်တစ်သျှူးပျက်ဆီးတဲ့ ရောင်ရမ်းမှုတွေကိုလည်းလျော့သွားစေကြောင်းတွေ့ရတယ်လို့ ဒေါက်တာ ဝီလီယံ ဘီရှိင်းကပြောပါတယ်။

ဒီလစောစောပိုင်းကလည်း အိန္ဒိယက သုတေသနပညာရှင်တွေဟာ ကိုဗစ်ကာကွယ်ဆေး အက်စထရာဇင်နီကာ ထိုးထားတဲ့ သူတွေအပေါ် BCG ရဲ့အကျိုးသက်ရောက်မှုကို လေ့လာမှုအသေးစားကလေးတစ်ခုပြုလုပ်ခဲ့ကြပါတယ်။

အဲဒီအခါတီဘီကာကွယ်ဆေးထိုးထားပြီးသူ ၂၁ဦးဟာ မထိုးထားသူ ၁၃ဦးထက် ပိုမိုသန်စွမ်းတဲ့ ပဋိပစ္စည်းနှင့် တီဆဲလ်တွေ ထွက်လာပြီး ကိုရိုနာဗိုင်းရပ်စ်ကို ခုံခံတိုက်ခိုက်နိုင်တာကိုတွေ့ရှိခဲ့ကြပါတယ်လို့ သိရပါတယ်။ အဲဒါကြောင့် BCGနှင့် ကိုဗစ်ကာကွယ်ဆေးပေါင်းစပ်ထိုးရင် ကာကွယ်နိုင်မှုပိုမိုရရှိလာနိုင်ဖွယ်ရှိတယ်လို့ ဂျွန်ဟော့ကင်းအဖွဲ့ က ပြောပါတယ်။ လူတွေကို BCGဆေးထိုးပြီးစမ်းသပ်မယ့်အစီအစဉ်ကိုလည်း စတင်ပြင်ဆင်နေပြီလို့ သူတို့ ကပြောပါတယ်။
Source Reuters 

#LocalNews
Published - 21 March 2022

     ၂၀၂၂−၂၀၂၃ ပညာသင်နှစ်အတွက် သီတဂူကမ္ဘာ့ဗုဒ္ဓတက္ကသိုလ်များ ပြန်လည်ဖွင့်လှစ်သင်ကြားသွားမှာဖြစ်တယ်လို့ သိရပါတယ်။

     ၂၀၂၁−၂၀၂၂ ပညာသင်နှစ် (၁)နှစ်ပတ်လုံး ပိတ်ထားခဲ့သည့် သီတဂူကမ္ဘာ့ဗုဒ္ဓတက္ကသိုလ်များကို ယခု ၂၀၂၂−၂၀၂၃ ခု ပညာသင်နှစ်တွင် ပြန်လည် ဖွင့်လှစ်သင်ကြားမည်ဖြစ်ကြောင်း သီတဂူသင်ကြားစီမံ ဆရာတော်များ၏ အစည်းအဝေးက ဆုံးဖြတ်လိုက်တာဖြစ်ပါတယ်။

     တက္ကသိုလ်ဝင်ခွင့်စည်းကမ်းများမှာ ယခင်နှစ်များကဲ့သို့ဖြစ်သော်လည်း တက္ကသိုလ်အတွင်း နေထိုင်ခွင့် အသက်ကို ယခင်က ၂၈ နှစ်အထိသာ သတ်မှတ်ခွင့်ပြုခဲ့သော်လည်း ယခုနှစ်တွင်မူ အသက် ၃၀ အထိ လက်ခံမည်ဖြစ်ကြောင်း အစည်းအဝေးက ဆုံးဖြတ်ထားတယ်လို့ သိရပါတယ်။

     ဝင်ခွင့်လျှောက်လွှာတင်ခြင်း၊ ဝင်ခွင့် စာမေးပွဲ ဖြေဆိုခြင်း စသည့် စည်းကမ်းမျာကိုမူ အောက်ပါအတိုင်း ဖော်ပြသတ်မှတ်ထားကြောင်း သီတဂူကမ္ဘာ့ဗုဒ္ဓတက္ကသိုလ်များ သတင်းထုတ်ပြန်ရေးအဖွဲ့က ထုတ်ပြန်ထားပါတယ်။

ဓါတ်ပုံ - သီတဂူစတား

ymg/kg
#Yangon_Media_Group

#WorldHealth
Published - 21 March 2022

အိုမီခရွန်မျိုးဗီဇကွဲကြောင့် ကိုဗစ်ကူးစက်မှုများပြန်လည်မြင့်တက်လာပေမယ့် ကိုဗစ်အားမြှင့်ကာကွယ်ဆေး(booster) ဒုတိယအကြိမ်ထိုးနှံရန် ညွှန်ကြားဖို့ စောလွန်းနေသေးကြောင်း ဥရောပမှ ဆေးဝါးထိန်းသိမ်းစောင့်ကြပ်ရေးအဖွဲ့ က မတ်လ ၁၇ ရက်နေ့မှာ အသိပေးပြောကြားလိုက်ပါတယ်။

ဥရောပဆေးဝါးအေဂျင်စီ(EMA)မှ အကြီးအကဲဖြစ်သူက အပတ်စဉ်မီဒီယာရှင်းလင်းပွဲမှာ ပြောကြားရာမှာ နိုင်ငံအများအပြားမှ ကိုဗစ်ထိန်းသိမ်းကန့်သတ်ချက်များ လျှော့ချလာခြင်းက ကူးစက်မှုမြင့်မားလာခြင်းရဲ့ အဓိကအကြောင်းအရင်းဖြစ်ကြောင်း ပြောကြားလိုက်ပါတယ်။

ပြီးခဲ့တဲ့ရက်သတ္တပတ်တွေမှာ ကူးစက်မှုတွေ လျော့ကျလာခဲ့ပေမယ့် အခုအချိန်မှာတော့ အချို့ နိုင်ငံတွေမှာ ကူးစက်မှုတွေပြန်လည်မြင့်တက်လာကြောင်း ဒေါက်တာ'မာကိုကေဗယ်လာရီ'က ပြောပြခဲ့ပါတယ်။

အမ်စတာဒမ်မြို့ မှာအခြေချထားတဲ့ ဆေးဝါးအေဂျင်စီက ကိုဗစ်ကာကွယ်ဆေးတွေရဲ့ အိုမီခရွန်ကာကွယ်နိုင်စွမ်းထိရောက်မှုတွေကို စောင့်ကြည့်လေ့လာနေကြောင်း ဒေါက်တာ'ကေ‌ဗယ်လာရီ'က ဆိုပါတယ်။

ဒါပေမဲ့ သာမန်လူတွေမှာ ကိုဗစ်အားမြှင့်ကာကွယ်ဆေး ဒုတိယအကြိမ်ထိုးနှံ‌ရန် လုံလောက်တဲ့အကြောင်းအရင်းမတွေ့ရှိရ‌သေးဘူးလို့ ဆိုပါတယ်။ ကမ္ဘာတဝန်းမှာ ရောဂါပိုးစမ်းသပ်စစ်ဆေးခြင်းတွေ လျော့နည်းလာချိန်မှာ ကိုဗစ်ကူးစက်မှုတွေ ပြန်လည်မြင့်တက်လာပြီလို့ WHO က သတိပေးထားပါတယ်။

ကာကွယ်ဆေးထိုးနှံမှုနှုန်းမြင့်မားတဲ့နိုင်ငံတွေမှာ အသက်သေဆုံးမှုနဲ့ ‌ဆေးရုံတက်ကုသခံယူရမှုများ လျော့နည်းလေ့ရှိတဲ့သဘောကိုလည်း ထောက်ပြခဲ့ပါတယ်။
ဥရောပသမဂ္ဂနိုင်ငံများမှာ အသုံးပြုခွင့်ပေးထားတဲ့ ကိုဗစ်ကာကွယ်ဆေးများကတော့ mRNA အမျိုးအစားဖြစ်တဲ့ ဖိုင်ဇာ၊ မိုဒါနာ၊ ဗိုင်းရပ်စ်အခြေပြုအမျိုးအစားဖြစ်တဲ့ ဂျွန်ဆန်အင်န်ဂျွန်ဆန်၊ အက်စ်ထရာဇန်နီကာ၊ ဓာတ်ခွဲခန်းထုတ်စပိုက်ခ်ပရိုတိန်းအခြေပြုအမျိုးအစား နိုဗာဗက်စ်တို့ ဖြစ်ပါတယ်။
Source: The Straits Times. 

#LocalNews
Published _21 March 2022

     မုန်တိုင်း၏အရှိန်ကြောင့် ယနေ့ မတ်လ ၂၁ ရက် နံနက်မှ မတ်လ ၂၃ ရက်အတွင်း နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ထားသည်။

     မုန်တိုင်းငယ်၏ အခြေအနေမှာ မြောက်-အရှေ့မြောက်ဘက်သို့ ရွေ့လျားခဲ့ပြီး၊ မြန်မာနိုင်ငံ၊ ကိုကိုးကျွန်းမြို့၏ တောင်ဘက် ရေမိုင်(၁၇၀)မိုင်ခန့်၊ ဟိုင်းကြီးကျွန်းမြို့၏ တောင်-အနောက်တောင်ဘက်ရေမိုင်(၂၉၅)မိုင်ခန့်၊ ထားဝယ်မြို့၏ အနောက်တောင်ဘက် ရေမိုင်(၃၂၅)မိုင်ခန့်၊ မြိတ်မြို့၏အနောက်-အနောက်တောင်ဘက် ရေမိုင်(၃၁၅)မိုင်ခန့်၊ မော်လမြိုင်မြို့၏ အနောက်တောင်ဘက် ရေမိုင်(၃၉၅) မိုင်ခန့်၊ ရန်ကုန်မြို့၏ တောင်-အနောက်တောင်ဘက် ရေမိုင်(၃၇၅)မိုင်ခန့်၊ အိန္ဒိယနိုင်ငံ၊ နီကိုးဘားကျွန်း(Nicobar Islands)၏ မြောက်-အရှေ့မြောက်ဘက် ရေမိုင်(၁၃၀)မိုင်ခန့်နှင့် ပိုပလဲယား(Port Blair)၏ အရှေ့-အရှေ့တောင်ဘက် ရေမိုင်(၄၅)မိုင်ခန့်အကွာ ပင်လယ်ပြင်ကို ဗဟိုပြုနေကြောင်းလည်း သိရသည်။

     မြန်မာနိုင်ငံဘက်သို့ ဦးတည်ရွေ့လျားမည့် အခြေအနေဖြစ်သဖြင့် လိမ္မော်ရောင်အဆင့်ဟု သတ်မှတ်ကြောင်း၊အမြင့်ဆုံးလေတိုက်နှုန်းမှာ တစ်နာရီလျှင် (၃၅)မိုင်မှ မိုင်(၄၀)နှုန်းခန့်ရှိမည်ဖြစ်ကြောင်း သိရသည်။

     မုန်တိုင်းငယ်သည် နောက်(၄၈)နာရီအတွင်း နီကိုးဘားကျွန်း(Nicobar Islands)နှင့် ကပ္ပလီပင်လယ်ပြင်ကမ်းလွန်တစ်လျှောက် မြောက်ဘက်သို့ ရွေ့လျားပြီး၊ နောက် (၁၂)နာရီအတွင်း အားကောင်းသော မုန်တိုင်းငယ် (Deep Depression)အဖြစ်သို့လည်းကောင်း၊ နောက်(၂၄)နာရီအတွင်း ဆိုင်ကလုန်းမုန်တိုင်း(Cyclonic Storm) အဖြစ်သို့ ရောက်ရှိနိုင်သည်ဟု မိုဇလကခန့်မှန်းထားသည်။

     အဆိုပါမုန်တိုင်းငယ်(Depression)သည် ယနေ့မတ်လ ၂၁ ရက် နေ့လယ်ပိုင်းတွင် မြန်မာနိုင်ငံ၊ ကိုကိုးကျွန်းအနီးသို့လည်းကောင်း၊ မတ်လ ၂၂ ရက်တွင် ဧရာဝတီတိုင်းဒေသကြီး၊ ဟိုင်းကြီးကျွန်းအနီးသို့လည်းကောင်း၊မတ်လ ၂၃ ရက်တွင် ရခိုင်ကမ်းရိုးတန်းအနီးသို့လည်းကောင်း ရောက်ရှိနိုင်သည်ဟု လည်းခန့်မှန်းထားသည်။

     မုန်တိုင်းငယ်(Depression)၏ အရှိန်ကြောင့် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးကာ မိုးသက်လေပြင်းကျစဉ် ရေပြင်၊မြေပြင်လေသည် တစ်နာရီလျှင် မိုင်(၄၀)အထိ တိုက်ခတ်နိုင်ကြောင်းလည်း ထုတ်ပြန်ထားသည်။

ymg/mt
#Yangon_Media_Group

#TV Yangon Times Matters အစီအစဉ်
Published - 20 March 2022

အစီအစဉ်တင်ဆက်သူ ဆရာဟိန်းလတ်နဲ့ အတူ အေဝမ်းသိန်းထွဠ်(မောင်စပ်စု) နှင့် သမန်းကျားကိုမြင့်တို့က တစ်ခေတ်တစ်ခါက အထင်ကရဖြစ်ခဲ့တဲ့ အေဝမ်းရုပ်ရှင်သမိုင်းအကြောင်းနဲ့ပတ်သက်ပြီး သမိုင်းမှတ်တမ်းတွေနှင့်အတူ စိတ်ဝင်စားဖွယ်အကြောင်းအရာတွေနဲ့ ဗဟုသုတရစရာတွေကို ဆွေးနွေးပြောဆိုခဲ့ကြပါတယ်။

#Yangon_Media_Group

#TV Yangon Times Matters အစီအစဉ်
Published - 20 March 2022

အစီအစဉ်တင်ဆက်သူ ဆရာဟိန်းလတ်နဲ့ အတူ အေဝမ်းသိန်းထွဠ်(မောင်စပ်စု) နှင့် သမန်းကျားကိုမြင့်တို့က တစ်ခေတ်တစ်ခါက အထင်ကရဖြစ်ခဲ့တဲ့ အေဝမ်းရုပ်ရှင်သမိုင်းအကြောင်းနဲ့ပတ်သက်ပြီး သမိုင်းမှတ်တမ်းတွေနှင့်အတူ စိတ်ဝင်စားဖွယ်အကြောင်းအရာတွေနဲ့ ဗဟုသုတရစရာတွေကို ဆွေးနွေးပြောဆိုခဲ့ကြပါတယ်။

#Yangon_Media_Group

Published - 20 March 2022

အစီအစဉ်တင်ဆက်သူ ဆရာဟိန်းလတ်နဲ့ အတူ အေဝမ်းသိန်းထွဠ်(မောင်စပ်စု) နှင့် သမန်းကျားကိုမြင့်တို့က တစ်ခေတ်တစ်ခါက အထင်ကရဖြစ်ခဲ့တဲ့ အေဝမ်းရုပ်ရှင်သမိုင်းအကြောင်းနဲ့ပတ်သက်ပြီး သမိုင်းမှတ်တမ်းတွေနှင့်အတူ စိတ်ဝင်စားဖွယ်အကြောင်းအရာတွေနဲ့ ဗဟုသုတရစရာတွေကို ဆွေးနွေးပြောဆိုခဲ့ကြပါတယ်။

#Yangon_Media_Group

Published 20 March 2022

Published 20 March 2022

#အင်ပါယာအငွေ့အသက်ကလွတ်ကင်းလို၍ပြောင်းရွှေ့ခြင်းဟုသမ္မတကပြော

#ထိုနေရာသည်ကံမကောင်းတတ်၍ဖုန်းရွှေအလိုအရပြောင်းခြင်းဖြစ်ဟုဝေဖန်သူများကဆို

ရွေးကောက်ခံတောင်ကိုးရီးယားသမ္မတသစ် ယွန်ဆပ်ယောင်းက သမ္မတအိမ်တော်ကို အင်ပါယာ အိမ်ပြာတော်ကနေ ရွှေ့ပြောင်းမယ်လို့ ကြေညာပါတယ်။ယွန်ဆပ်ယောင်းဟာ ဒီလစောစောပိုင်းက ရွေးကောက်ပွဲမှာ ပွတ်ကာသီကာ အနိုင်ရခဲ့တာပါ။ သူက မဲဆွယ်ပွဲတွေအတွင်း ၁၉၄၈ခုနှစ်ကတည်းက သမ္မတအဆက်ဆက် ရုံးထိုင်ခဲ့တဲ့အိမ်ပြာတော်ကနေ သမ္မတရုံးကို ရွှေ့ပြောင်းမယ်လို့ ကတိပေးခဲ့တာဖြစ်ပါတယ်။

ဒါပေမယ့် အဲသလိုပြောင်းရွှေ့တဲ့အတွက် စရိတ်ဟာ ကိုးရီးယားဝမ်၅၀ဘီလျံ(အမေရိကန်ဒေါ်လာ ၄၁သန်း)ခန့်ရှိလာနိုင်မယ်။ ဘာဖြစ်လို့လဲဆိုတော့ သမ္မတသွားလာရုံးတက်ဖို့ ယာဉ်တွေကျပ်လှတဲ့ ဆိုးလ်မြို့လမ်းအချို့ကို နေ့တိုင်းပိတ်ရမှာကြောင့် ဖြစ်တယ်လို့ဆိုပါတယ်။

ယွန့်ကို ဝေဖန်သူတွေကတော့ ဒီလို ပြောင်းရွှေ့ဖို့သူ့ဆန္ဒဟာ သူ့ရဲ့ ဖုန်းရွှေပညာအပေါ် ယုံကြည်မှုနှင့်ဆက်စပ်နေတယ်လို့ ပြောဆိုနေကြပါတယ်။ ဖုန်းရွှေပညာဆိုတာ လူသားတွေနှင့် သဘာဝကြီး သဟဇာတဖြစ်ဖို့ အရေးကြီးမှုကို အလေးပေးတဲ့ ရိုးရာဘာသာရေးအလေ့အထတစ်ခုဖြစ်ပါတယ်။ သူ့ကို နတ်ဆရာတစ်ဦးလို့ စွပ်စွဲမှုတွေရှိခဲ့ပေမယ့် သူကမဟုတ်ဘူးလို့ ငြင်းထားပါတယ်။

အိမ်ပြာတော်ဟာ အဲဒီမှာနေတဲ့သူတွေအတွက် ကံမကောင်းခြင်းတွေပဲ ပွားများစေတယ်လို့ ကောလဟလတွေရှိခဲ့ပါတယ်။ သမ္မတတွေဟာ ပြစ်တစ်စွပ်စွဲခံရတာ၊အကျင့်ပျက်ခြစားမှုနှင့် တရားစီရင်ခံရတာ၊ထောင်ကျတာတွေဖြစ်ခဲ့တဲ့နေရာလို့ ဆိုကြပါတယ်။

ဆိုးလ်မြို့မြောက်ပိုင်းတောင်တန်းတွေပေါ် တည်ထားပြီး မိုးပြာရောင်အမိုးကြောင့် အိမ်ပြာတော်လို့အမည်တွင်ခဲ့တဲ့ အဲဒီ အဆောက်အဦတစ်ဝိုက်ကမြေပြင်တွေဟာ တော်ဝင်မင်းမျိုးမင်းနွယ်တွေနေထိုင်ခဲ့ပြီး ဂျပန်က ကိုးရီးယားကိုကျူးကျော် ခဲ့စဉ်မှာ ကိုလိုနီဘုရင်ခံဗိုလ်ချူပ်ကြီးနေထိုင်ခဲ့ပါတယ်။ အဲဒီနောက် ၁၉်၄၈ခုနှစ်ကစပြီး တောင်ကိုးရီးယားသမ္မတတွေ နေထိုင်ခဲ့ကြတာဖြစ်ပါတယ်။

Source AFP

#LocalNews
Published_20 March 2022

အိန္ဒိယနိုင်ငံ၊ နီကိုးဘားကျွန်း(Nicobar Islands)၏ မြောက်-အနောက်မြောက်ဘက် ရေမိုင် (၆၀)မိုင်ခန့်နှင့်ပိုပလဲယား (Port Blair)၏ တောင်-အနောက်တောင်ဘက် ရေမိုင် (၉၀)မိုင်ခန့်အကွာ ပင်လယ်ပြင်ကို ဗဟိုပြုနေကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန က ထုတ်ပြန်သည်။

ကပ္ပလီပင်လယ်ပြင်တောင်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အရှေ့တောင်ပိုင်းတို့ တွင် ဖြစ်ပေါ်နေသော မုန်တိုင်းငယ်(Depression)မှာ မြောက်ဘက်သို့ ရွေ့လျားခဲ့ပြီး မြန်မာနိုင်ငံ၊ ကိုကိုးကျွန်းမြို့ (Coco Island)၏ တောင်-အနောက်တောင်ဘက် ရေမိုင် (၂၄၀)မိုင်ခန့်၊ ဟိုင်းကြီးကျွန်းမြို့ ၏ တောင်-အနောက်တောင်ဘက် ရေမိုင် (၃၇၀)မိုင်ခန့်၊ ထားဝယ်မြို့ ၏ အနောက်တောင်ဘက် ရေမိုင် (၄၁၀)မိုင်ခန့်၊ ကော့သောင်းမြို့ ၏ အနောက်ဘက် ရေမိုင် (၃၅၀)မိုင်ခန့်၊ အိန္ဒိယနိုင်ငံ၊ နီကိုးဘားကျွန်း(Nicobar Islands)၏ မြောက်-အနောက်မြောက်ဘက် ရေမိုင် (၆၀)မိုင်ခန့်နှင့်ပိုပလဲယား (Port Blair)၏ တောင်-အနောက်တောင်ဘက် ရေမိုင် (၉၀)မိုင်ခန့်အကွာ ပင်လယ်ပြင်ကို ဗဟိုပြုနေကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန က ထုတ်ပြန်သည်။

ယင်းအပြင် ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်း ၌ တိမ်ထူထပ်နေပြီး၊ ကျန်ဘင်္ဂလားပင်လယ်အော်တွင် တိမ်အနည်းငယ် ဖြစ်ထွန်းနေကြောင်း ၊ မတ်လ ၂၁ ရက်ထိ ခန့်မှန်းချက်အရ တနင်္သာရီတိုင်းဒေသကြီးတွင် နေရာအနှံ့ အပြား၊ ကရင်ပြည်နယ်နှင့် မွန်ပြည်နယ်တို့ တွင် နေရာစိပ်စိပ်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ကယားပြည်နယ်တို့ တွင် နေရာကျဲကျဲနှင့် ကချင်ပြည်နယ်၊ ရှမ်းပြည်နယ်(တောင်ပိုင်းနှင့် အရှေ့ပိုင်း)နှင့် ရခိုင်ပြည်နယ်တို့ တွင် နေရာကွက်ကျား မိုးထစ်ချုန်းရွာသွန်းမည် ဖြစ်ကြောင်း သိရသည်။

မြန်မာ့ပင်လယ်ပြင်။မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည့်အပြင် မိုးသက်လေပြင်းကျစဉ် ရေပြင်၊မြေပြင်လေသည် တစ်နာရီလျှင် မိုင်(၄၀)အထိ တိုက်ခတ်နိုင်ကာ လှိင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ တွင် (၉)ပေမှ (၁၂)ပေခန့်နှင့် ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ တွင် (၅)ပေမှ (၇)ပေခန့် ရှိနိုင်ပါသည်။

ymg/mt
Yangon_Media_Group