#Local_News
Published_ 25 April 2023
ယခု တစ်ပတ်အတွင်း စက်သုံးဆီဈေးမှာ နှုန်းထား တစ်ရာကျပ်ဝန်းကျင် ပတ်ချာလည်သို့ အနည်းကျငယ်ပြန်ကျခဲ့သော်လည်း တစ်လီတာလျှင် ၂,၀၀၀ ကျော်နေဆဲဖြစ်ကြောင်း ယနေ့ဈေးနှုန်း ထုတ်ပြန်ချက်များအရ သိရသည်။
ဧပြီ ၂၅ ရက်၊ ဈေးနှုန်းများအရ ရန်ကုန်မြို့၌ အောက်တိန်း ၉၂ တစ်လီတာ ၂,၀၄၅ ကျပ်၊ အောက်တိန်း ၉၅ တစ်လီတာ ၂,၁၄၀ ကျပ်၊ ဒီဇယ်(ရိုးရိုး) တစ်လီတာ ၁,၉၈၅ ကျပ်၊ ပရီမီယမ်ဒီဇယ် တစ်လီတာ ၂,၀၆၅ ကျပ် ဖြစ်သည်။
ယင်း ပေါက်ဈေးများမှာ ပြီးခဲ့သည့် တစ်ပတ်တာဈေးနှုန်းနှင့် နှိုင်းယှဥ်ပါက ဓာတ်ဆီ ၁၃၀ ကျပ်၊ ဒီဇယ် ၈၅ ကျပ် စီနှုန်းထားဖြင့် အနည်းငယ်လျော့ကျခဲ့ခြင်းဖြစ်သည်။
မန္တလေးမြို့ စက်သုံးဆီဈေးနှုန်းများမှာလည်း အောက်တိန်း ၉၂ တစ်လီတာ ၂,၀၉၅ ကျပ်၊ အောက်တိန်း ၉၅ တစ်လီတာ ၂,၁၉၀ ကျပ်၊ ဒီဇယ်(ရိုးရိုး) တစ်လီတာ ၂,၀၃၅ ကျပ်၊ ပရီမီယမ်ဒီဇယ် ၂,၁၁၅ ကျပ်ဖြစ်ကြောင်း စက်သုံးဆီတင်သွင်းမှုကြီးကြပ်ရေးကော်မတီ PPRD ၏ ရည်ညွှန်းဈေးများအရ သိရသည်။
ယခုဖော်ပြသည့် ရန်ကုန်၊ မန္တလေးမြို့များ၏ စက်သုံးဆီဈေးနှုန်းများသည် တိုင်းနှင့် ပြည်နယ်များအနက် အနိမ့်ဆုံးဈေးများဖြစ်ပြီး ဒေသအလိုက်ကွာဟမှု ရှိနေဆဲဖြစ်သည်။
#ymg/ppk #Local_News #စက်သုံးဆီနှုန်းဈေး
#YMG #Yangon-Media-Group
