#World_Climate
Published 14 August 2022

အန္တာတိကရေခဲပြင်များမှ ရေခဲပျော်ဆင်းလာခြင်းက သဘာဝအတိုင်းရေခဲဖွဲစည်းဖြစ်ပေါ်ခြင်းထက် ပိုမိုလျင်မြန်စွာ အရည်ပျော်ကျလာပြီး ပြီးခဲ့တဲ့ ၂၅ နှစ်အတွင်း ကမ္ဘာ့အကြီးဆုံးရေခဲပြင်ကြီးမှ ရေခဲဆုံးရှုံးမှုခန့်မှန်းခြေထက် ၂ ဆမျှ ပိုများနေကြောင်း ဂြိုဟ်တုမှဖမ်းယူရရှိတဲ့ပုံတွေကို ဗုဒ္ဓဟူးနေ့က မြင်တွေ့ခဲ့ကြပါတယ်။

လော့စ်အိန်ဂျလိစ်ရှိ နာဆာဓာတ်ခွဲခန်းတစ်ခုမှ သုတေသီများလေ့လာခဲ့ကြပြီး Nature ဂျာနယ်မှာဖော်ပြခဲ့ကြရာ ရာသီဥတုဖောက်ပြန်ခြင်းက အန္တာတိကရှိ ပေါလောပေါ်နေတဲ့ ရေခဲပြင်တွေကို အရည်ပျော်လာစေပြီး ကမ္ဘာ့ပင်လယ်ရေမျက်နှာပြင် လျင်မြန်စွာမြင့်တက်လာမှာကို စိုးရိမ်နေကြပါတယ်။

လေ့လာချက်ရဲ့ အဓိကအပိုင်းက အန္တာတိကရေခဲများ သမုဒ္ဒရာထဲသို့ အရည်ပျော်ကျလာတဲ့ပမာဏက ပူနွေးလာတဲ့ပင်လယ်ရေကြောင့် ရေမျက်နှာပြင်အောက်မှ ရေခဲအပိုင်းများပါးလွှာလာခြင်းကြောင့် ဆုံးရှုံးရတဲ့ပမာဏလောက်နီးပါးအထိ ရှိနေတာပဲဖြစ်ပါတယ်။

ရေခဲထုပါးလွှာလာခြင်းနဲ့ အရည်ပျော်လာခြင်းနှစ်ချက်စလုံးကို ထည့်တွက်ကြည့်လိုက်ရင် ၁၉၉၇ နောက်ပိုင်း အန္တာတိကရေခဲပြင်ဟာ တန်ချိန် ၁၂ ထရီလီယံခန့်ဆုံးရှုံးထားရပြီး ဒါဟာ ခန့်မှန်းခြေထက် ၂ ဆမျှဖြစ်နေပါတယ်။

လွန်ခဲ့တဲ့ ၂၅ နှစ်အတွင်း အန္တာတိကရေခဲပြင်အရည်ပျော်ခြင်းတစ်မျိုးတည်းမှ အကျယ်အဝန်း ၃၇,၀၀၀ စတုရန်းကီလိုမီတာနီးပါးဆုံးရှုံးခဲ့ပြီး ဒါဟာ ဆွစ်ဇာလန်နိုင်ငံရဲ့အကျယ်အဝန်းနီးပါးမျှရှိကြောင်း နာဆာဓာတ်ခွဲခန်းမှ သိပ္ပံပညာရှင်'ချက်ဂရင်း'က ပြောပြခဲ့ပါတယ်။

နောက်ဆက်တွဲ အကျိုးဆက်တွေက အလွန်ကြီးမားပြီး ကမ္ဘာ့ရေခဲထုအရည်ပျော်ခြင်းကြောင့် မြင့်တက်လာနိုင်တဲ့ပင်လယ်ရေမျက်နှာပြင်မှာ အန္တာတိကတိုက်နဲ့ ၈၈ ရာခိုင်နှုန်းသက်ဆိုင်နေပါတယ်။

ကုန်းမြေနဲ့ချိတ်ဆက်တည်ရှိနေတဲ့ ရေခဲပြင်တွေဟာ ရေခဲတောင်တန်းတွေကို ထောက်ပံ့ဖို့ နှစ်ပေါင်းထောင်နဲ့ချီပြီး အချိန်ယူရကာ ထိုကဲ့သို့မချိတ်ဆက်ဘူးဆိုရင် သမုဒ္ဒရာထဲကိုမျောပြီး ပင်လယ်ရေမျက်နှာပြင်မြင့်တက်လာမှာ ဖြစ်ပါတယ်။

ရေခဲပြင်တွေတည်ငြိမ်နေတဲ့အခါ ရေခဲအရည်ပျော်ခြင်းနဲ့ ရေခဲပြန်လည်ဖွဲ့စည်းခြင်းတို့က သဘာဝအတိုင်းအလှည့်ကျဖြစ်ပေါ်နေမှာပါ။

ဂြိုဟ်တုဖြင့် တိုင်းတာချက်များအရ လတ်တလောဆယ်စုနှစ်များအတွင်း သမုဒ္ဒရာများပူနွေးလာကာ တစ်နှစ်ကို ရေခဲဆုံးရှုံးမှုတန်ချိန် ၁၄၉ သန်းရှိခဲ့ကြောင်း မှတ်တမ်းတင်ထားပါတယ်။

ရေခဲအရည်ပျော်ခြင်းက ရေခဲပြန်လည်ဖြစ်ပေါ်ခြင်းထက် မြန်လွန်းနေတဲ့အတွက် အန္တာတိကတိုက်အနေနဲ့ ၂၀၀၀ ခုနှစ်မတိုင်မီ ရေခဲပြင်အခြေအနေကို ပြန်လည်ရောက်ရှိနိုင်ဖွယ်မရှိပါဘူး။

ပူနွေးတဲ့ သမုဒ္ဒရာနဲ့နီးစပ်နေတဲ့ အန္တာတိကအနောက်ဘက်အပိုင်းမှာ ရေခဲအရည်ပျော်ခြင်းနဲ့ ပါးလွှာခြင်း ပိုမိုဖြစ်ပေါ်တယ်လို့သိထားပေမယ့် အန္တာတိကအရှေ့ဘက်အပိုင်းမှာပါ ရေခဲဆုံးရှုံးမှုတွေ ဖြစ်ပေါ်နေကြောင်း 'ဂရင်း'ကဆိုပါတယ်။

ကာဗွန်ဒိုင်အောက်ဆိုဒ်ဓာတ်ငွေ့ထုတ်လွှတ်မှုကို မလျှော့ချနိုင်ဘူးဆိုရင် လာမယ့်ရာစုနှစ်အနည်းငယ်အတွင်း ပင်လယ်ရေမျက်နှာပြင်များစွာ မြင့်တက်လာဖွယ်ရှိနေပါတယ်။

Source: Reuters
#Yangon_Media_Group

#LocalNews
Published_14 August 2022

ရှေးဟောင်းသမိုင်းဝင် ဒလသင်္ဘောကျင်းကို ပြုပြင်ထိန်းသိမ်းသွားမည်ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန က သိရသည်။

"ပြုပြင်ထိန်းသိမ်းတဲ့လုပ်ငန်းကိုလုပ်တဲ့အခါ သင်္ဘောကျင်းမှာရှိတဲ့ အလုပ်ရုံတွေ ၊အဆောက်အအုံတွေကိုလည်း ပြုပြင်ရမှာဖြစ်ပါတယ်၊ ဒါကြောင့် စက်ပစ္စည်းနဲ့ စက်ယန္တရားတွေကိုဖြည့်ပြီးတော့ လုပ်ငန်းများလည်ပတ်နိုင်ရေးနဲ့ စနစ်တကျ ပြုပြင်ထိန်းသိမ်းတဲ့ လုပ်ငန်းတွေကိုလုပ်ဆောင်ဖို့ စီစဉ်နေပါတယ်"ဟု အဆိုပါဝန်ကြီးဌာန တာဝန်ရှိသူကပြောသည်။

ဒလသင်္ဘောကျင်းသည် နှစ်ပေါင်း ၁၅၀ ခန့်သက်တမ်းရှိ မြန်မာနိုင်ငံ၏ ပထမဆုံးသင်္ဘောကျင်းဖြစ်ပြီး လက်ရှိတွင် သင်္ဘောကျင်းအတွက်လိုအပ်သည့် အင်ဂျင်နီယာများ ဖြည့်ဆည်းဆောင်ရွက်ရန်၊သင်္ဘောများကို ခေတ်နှင့်လျော်ညီစွာ တည်ဆောက်နိုင်ရန်၊ သင်္ဘောကျင်းအဆင့်မြှင့်တင်ရေးအတွက် ခေတ်မီတည်ဆောက်ရေးလုပ်ငန်းများကို ဆောင်ရွက်ရန် လုပ်ဆောင်နေကြောင်းလည်း သိရသည်။

ymg/mt
#Yangon_Media_Group

#Local_News
Published_13 August 2022

ရှမ်းပြည်နယ်၊ ကျိုင်းတုံမြိုနယ်၊ ယန်းခကျေးရွာမှာ သြဂုတ်လ (၁၃)ရက်ကတောင်ကျရေကြောင့် လူတစ်ဦးသေဆုံးပြီးတစ်ဦးပျောက်ဆုံးနေတဲ့အတွက် ရှာဖွေကယ်ဆယ်ရေးတွေဆက်လက်ဆောင်ရွက်နေတယ်လို့ မြန်မာနိုင်ငံမီးသတ်တပ်ဖွဲ့ဌာနချုပ်၊ ညွှန်ကြားရေးမှူး ဦးသိန်းထွန်းဦးက YMG ကို ပြောပါတယ်၊၊

#Yangon_Media_Group

#Local_News
Published _ 13 August 2022

သြဂုတ်လ ဒုတိယအပတ်ကစပြီး ပြန်လည်မြင့်တက်လာတဲ့ စက်သုံးဆီဈေးတွေကြောင့် လူမှုကူညီကယ်ဆယ်ရေးတွေ ပြုလုပ်နေတဲ့ ပရဟိတ အသင်းအဖွဲ့တွေအနေနဲ့ အခက်အခဲတစ်ချို့နဲ့ ရင်ဆိုင်နေရတယ်လို့ သိရပါတယ်။

#Yangon_Media_Group

#Local_News
Published_13 August 2022

ရန်ကုန်တိုင်းဒေသကြီးထဲမှာ ငါးစားသုံးသူတွေ အဆင်ပြေစေဖို့ အခုနှစ်တစ်နှစ်တာပတ်လုံးမှာ ငါးအကောင်ရေသိန်း(၂၆၀)ကို သဘာဝရေပြင်အတွင်း လွှတ်ဖို့ရှိတယ်လို့ ရန်ကုန်တိုင်းဒေသကြီး ငါးလုပ်ငန်းဦးစီးဌာန ဒုတိယတိုင်းဦးစီးဌာနမှူး ဦးတင့်လွင်က ပြောပါတယ်၊၊

#Yangon_Media_Group

#Local_News
Published_13 August 2022

လေဖိအားနည်းရပ်ဝန်း(Low Pressure Area)၏ အရှိန်ကြောင့် ဒေသအလိုက် မိုးကြီးခြင်းနှင့် နေရာကွက်၍ မိုးကြီးခြင်းများဖြစ်ပေါ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက သတိပေးချက်ထုတ်ပြန်ထားသည်၊၊

လေဖိအားနည်းရပ်ဝန်း(Low Pressure Area)၏ အရှိန်ကြောင့် သြဂုတ်လ(၁၃)ရက်မှသြဂုတ်လ(၁၅)ရက်အတွင်း နေပြည်တော်၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ ဒေသအလိုက်မိုးကြီးခြင်း၊ နေရာကွက်၍ မိုးကြီးခြင်းများဖြစ်ပေါ်နိုင်ကြောင်း ဖော်ပြထားသည်၊၊

မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တိုတွင် ရံဖန်ရံခါ မိုးသက်လေပြင်းများကျရောက်ပြီးလှိုင်းကြီးမည်။ မိုးသက်လေပြင်းကျစဉ် ရေပြင်/ မြေပြင်လေသည် တစ်နာရီလျှင် မိုင်(၄၀)အထိတိုက်ခတ်နိုင်ကာလှိုင်းအမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၉)ပေမှ (၁၃) ပေခန့် ရှိနိုင်သည်ဟုဆိုသည်၊၊

ဒီ့အပြင် ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်း(Low Pressure Area) တစ်ခုဖြစ်ပေါ်နေပါသည်။ အဆိုပါ လေဖိအားနည်းရပ်ဝန်း(Low Pressure Area)သည် အနောက်-အနောက်မြောက်ဘက်သို ရွေ့လျားပြီးပိုမိုအားကောင်းလာနိုင်ကာ၊ နောက်(၂၄)နာရီအတွင်းမုန်တိုင်းငယ်(Depression) အဖြစ်သို ရောက်ရှိနိုင်သည်ဟု ခန့်မှန်းထားကြောင်းသိရသည်၊၊

မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်သဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှုအန္တရာယ်နှင့် မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုနိုင်ပါရန်နှင့် ပြည်တွင်းလေကြောင်းပျံသန်းရေး၊ မြစ်ဝကျွန်းပေါ်၊ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိကမ်းနီး၊ ကမ်းဝေး ငါးဖမ်းရေယာဉ်များ၊‌ သင်္ဘောများအနေဖြင့်လည်း ကြိုတင်သတိပြုရန် အသိပေးနှိုးဆော်ထားကြောင်း သိရသည်၊၊

ymg/tthl
#Yangon_Media_Group

#World_Tradition
Published 13 August 2022

ဆူဒန်နိုင်ငံ ဟာဒါရီယာတိုင်းရင်းသားလူမျိုးစုတွေမှာ မျက်နှာကို ဓားဖြင့်မွှန်းပြီး အမာရွတ်ပြုလုပ်လေ့ရှိတဲ့ ရှေးဟောင်းအလေ့အထတစ်ခုရှိခဲ့ပါတယ်။

#Yangon_Media_Group

#Health_Matters
Published - 13 August 2022

- တန်ဆေးလွန်ဘေး မဖြစ်ရအောင် အများပြည်သူတွေ ဘာတွေလိုက်နာသင့်ပါသလဲ??

#Yangon_Media_Group

#Local_News
Published - 13 August 2022

စက်သုံးဆီဈေးနှုန်းတွေ မြင့်တက်လာတာကြောင့် အဝေးပြေးကုန်စည်ပို့ဆောင်ရေးလုပ်ငန်း အနေနဲ့ အခက်အခဲများစွာကို ရင်ဆိုင်နေရတယ်လို့ မြန်မာနိုင်ငံအဝေးပြေးကုန်စည်ပို့ဆောင်ရေးလုပ်ငန်းရှင်များအသင်းကနေ သိရပါတယ်။

#Yangon_Media_Group

TV Yangon Times Matters အစီအစဉ်
Published - 14 August 2022

အစီအစဉ်တင်ဆင်သူ ဆရာဟိန်းလတ်က ဦးစိုင်းဝဏ္ဏ (ခေါ် )ဦးလှအေး(အကောက်ခွန်ဝန်ဆောင်မှုလုပ်ငန်းရှင်များအသင်း)နှင့်အတူ

-"Mahar Nine ကုမ္ပဏီအနေနဲ့ အကောက်ခွန်ဝန်ဆောင်မှုလုပ်ငန်းများအပြင် ရေကြောင်းလေကြောင်း ပို့ကုန်သွင်းကုန်ဝန်ဆောင်မှုလုပ်ငန်းများလည်း ဆောင်ရွက်ပေးလျက်ရှိကြောင်း

- စီးပွားရေးလုပ်ငန်းရှင်တွေက သေချာမှုကိုကြိုက်တယ် သေချာမြတ်မယ်ထင်ပြီး လုပ်လိုက်တဲ့အလုပ်တွေ ရှုံးတာမျိုးဖြစ်လာ‌တော့ ဝေဝါးတဲ့အခြေအနေကြုံတွေ့နေရကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 13 August 2022

ကပ်ရောဂါဘေးကြောင့် လွန်ခဲ့တဲ့ (၂)နှစ်ကတည်းက မကျင်းပဖြစ်ခဲ့တဲ့ ပန်းကော်ဇောပွဲတော်ကို ဘယ်လ်ဂျီယမ်နိုင်ငံ ဘရပ်ဆဲ လ်မြို့ မှာ ပြန်လည် ကျင်းပနေပါတယ်။  ဘရပ်ဆဲလ်ရဲ့ ပန်းကော်ဇောပွဲတော်ဟာ ထင်ရှားကျော်ကြားတဲ့ (၂)နှစ်တစ်ကြိမ်ကျင်းပတဲ့ ပွဲတော် တစ်ခုဖြစ်ပါတယ်။ဘယ်လ်ဂျီယမ်နိုင်ငံတစ်လွှားက လုပ်အားပေးတွေဟာ ပွဲတော်ကျင်းပရာ ဘရပ်ဆဲလ်မြို့ရဲ့ သမိုင်းဝင် ဂရင်းပဲလေ့စ် Grand Palace ကို စုရုံးရောက်ရှိလာပြီး ပွဲတော်ကိုဆင်နွှဲလေ့ရှိကြပါတယ်။ 

ဒီနှစ် ပွဲတော်ကို  နှစ်(၅၀)မြောက်ပွဲတော်အဖြစ်  ဆင်ယင်  ကျင်းပနေကြပါတယ်။  ဘရပ်ဆဲလ် ပန်းကော်ဇောပွဲတော်ကို ၁၉၇၁နှစ်မှာ စတင်ခဲ့ကြပါတယ်။ပထမဆုံးပန်းကော်ဇော်ကို ဖန်တီးခဲ့သူက မြေယာအလှပြုပြင်ဗိသုတာတစ်ဦးဖြစ်တဲ့ အီး-စတော့မင်းဆိုသူဖြစ်ပါတယ်။ Mexican မက္ကဆီကန် ပန်းချီဆရာမ ရိုဆာ အော်ဂူလာ အော်ဂါဒိုက ပထမဆုံးလက်ရာကို ပြန်လည်ခံစား ဖန်တီးခဲ့ပါတယ်။

“ ဒီကိုလာရတာ ကြီးကျယ်တဲ့ အခွင့်အလမ်းတစ်ခုပါ။ ဒီဇိုင်းလက်ရာဖန်တီးရတာဟာ အားကစားသမားတစ်ဦးအတွက် အိုလံပစ်ပွဲတော်ကို သွားရတာနှင့် တူလိုက်တာလို့ သူမက တင်စားပြောခဲ့ပါတယ်။ ဒီပန်းကော်ဇောဟာ တကယ့်ကို မူရင်း တစ်ခုဖြစ်ပြီး အလှပဆုံးကော်ဇောတစ်ချပ်ပါ။ ဒီပွဲတော်ကို နေရာအနှံ့က လူတွေလာကြတယ်။ ဒီပွဲတော်မှာပါဝင်ရတာ ပီတိ ဖြစ်ရတယ်” လို့ ဒီနှစ်ပန်းကော်ဇောကို ဒီဇိုင်းဖန်တီးတဲ့ အန်နာရိုစာအော်ဂူလာက ပြောပါတယ်။

ဂျပန်က လာတဲ့ လုပ်အားပေးစေတနာရှင်တစ်ဦးဖြစ်တဲ့ ယာဆူးဖူဂျီကာဝါကလည်း “ လန်းဆတ်တဲ့ပန်းတွေ။ တစ်ကမ္ဘာလုံးက ငြိမ်းချမ်းရေးလုပ်တယ်။ စစ်ပွဲမရှိဘူး။ ကျွန်တော်တို့  လူတစ်ရာလောက် ဒီကိုလာကြတယ်။ တစ်ယောက် အကြောင်း တစ်ယောက်သိပ်မသိလည်း အတူတကွ လက်တွဲလုပ်ကြတယ်။ ပန်းတွေမှာ နယ်စည်းမရှိဘူး။ဒါဟာ အရေးကြိးတယ်။ ပန်းတွေဟာ လူတွေကို ပြုံးစေတယ်” လို့ပြောပါတယ်။

အမေရိကန်က ခရီးသွားတစ်ဦးဖြစ်တဲ့ ဟဲလ် ဂျင်ဆင်ကလည်း “ ဒါဟာ သူမတူပဲ။ အဲဒါကြောင့်လည်း ဒါကိုကြည့်ရှရုသက်သက်အတွက် အမေရိကန်ကနေ ဘရပ်ဆဲလ်အထိ ကျွန်တော်တို့လာချင်တာပေါ့ လို့ပြောပါတယ်။

အရင်တုန်းကတော့ ပန်းတွေကိုဖြတ်ပြီး ကော်ဇောဖန်တီးခဲ့ကြပေမယ့် ဒီနှစ်မှာတော့ အပူဒဏ်ကိုပိုခံနိုင်အေင် ပန်းအိုးတွေ ကိုပါကြားညှပ်ထည့်ပြီး အလှဆင်ခဲ့ကြပါတယ်။

ဒီနှစ်မှာ  စတုရန်းပေပေါင်း တစ်သောင်းရှစ်ထောင့်ရှစ်ဆယ် ရှိတဲ့ ပန်းကော်ဇောကြီး ကို ပန်းပွင့်ပေါင်း လေးသိန်းနှင့် အလှဆင်ဖန်တီးခဲ့ကြတယ်လို့ ပွဲတော်စီစဉ်သူတွေက ပြောပါတယ်။

Source: AFP

#Brussels_Flower_Carpet

#Grand_palace_Brussels

#Flower_Carpet_Event

#Health_Matters
Published - 13 August 2022

- ဆေးဝါးတွေ လွယ်လွယ်ကူကူဝယ်လို့ရတာ ကျန်းမာရေးစောင့်ရှောက်မှုအတွက် တစ်ဖက်ကကောင်းပေမယ့် လွယ်လွယ်ရ လွယ်လွယ်သောက်နေတဲ့ ဆိုးကျိုးတွေက ဘယ်လောက်ရှိနေပါသလဲ??

#Yangon_Media_Group