Published_ 16 Aug 2022

ရုရှားနိုင်ငံမှ ဝယ်ယူထားသည့် စက်သုံးဆီများ ယခုလကုန်ပြီး မကြာမီ ဝင်ရောက် လာမည်ဖြစ်ပြီး ဆက်တိုက်ဝင်ရောက်လာမည်ဖြစ်ကြောင်း၊ ထိုကြောင့် စက်သုံးဆီနှင့် ပတ်သက်၍ စိုးရိမ်ပူပန်ရန်မလိုကြောင်း နစကဥက္ကဌ ဗိုလ်ချုပ်မှူးကြီးမင်းအောင်လှိုင်က နစက အစည်းအဝေး (၇/၂၀၂၂) တွင် ပြောကြားခဲ့ပါတယ်။

စက်သုံးဆီနှင့်ပတ်သက်၍ ယခုလကုန်အထိ လုံလောက်စွာရှိပြီးဖြစ်ကြောင်း၊ ဝယ်ယူထားပြီးဖြစ်တဲ့ စက်သုံးဆီတင်သင်္ဘောများလည်း မကြာမီဆိုက်ရောက်မည်ဖြစ်ကာ စက်သုံးဆီဈေးနှုန်း ပတ်သက်၍ ကုန်သည်များ ဈေးကစားနေခြင်းသာဖြစ်ကြောင်း၊ သတ်မှတ်ချက်အတိုင်း ရောင်းချပေးရန် ညွှန်ကြားထားပြီးဖြစ်တယ်လို့ ဆိုပါတယ်။

ပြည်တွင်းနိုင်ငံခြားငွေကြေး လဲလှယ်နှုန်းနှင့်ပတ်သက်၍ မြန်မာနိုင်ငံရှိ ဘဏ်အား လုံး၏ ဝင်ငွေထွက်ငွေအခြေအနေ၊ နိုင်ငံခြားကုန်သွယ်မှု ဝင်ငွေထွက်ငွေ အခြေအနေတို အပေါ်တွင်မူတည်ကာ ဗဟိုဘဏ်က တွက်ချက်သတ်မှတ်ခြင်း ဖြစ်တယ် လို့ ဆိုပါတယ်။

ဝိသမလောဘသားများ ဈေးကစားခြင်းကြောင့်ငွေကြေးတည်ငြိမ်မှုမရှိခြင်း ဖြစ်ကာ နိုင်ငံတကာတွင်လည်း စီးပွားရေးကျဆင်းမှုများ တွေ့ကြုံနေကြရပြီး အရန်ငွေကြေး နည်းပါးတဲ့ မိမိတိုနိုင်ငံအတွက်လည်း ထိခိုက်မှုများရှိကြောင်း၊ သို့သော် လက်ရှိကုန်သွယ်မှု စနစ်အရ ပြဿနာမရှိနိုင်ဘူးလို့ ဆိုပါတယ်။

ထို့ပြင် ငြိမ်းချမ်းရေးကိုလည်း ကြိုးပမ်းလုပ်ဆောင်လျက်ရှိကြောင်း၊ အားလုံး တက်ညီလက်ညီတွန်းအားဖြင့် ဆောင်ရွက်သွားရန်လိုကြောင်း၊ ကောင်စီဝင်များ အနေဖြင့်လည်း ရှုထောင့်မျိုးစုံမှ စွမ်းအားရှိသမျှ ပူးပေါင်းဆောင်ရွက်ပေးကြရန် တိုက်တွန်းပြောကြားခဲ့ပါတယ်။

ygm_mnn

#Yangon_Media_Group

#Local_News
Published_16 August 2022

လတ်တလောမှာ မွန်ပြည်နယ်မှာ မိုးသည်းထန်ပြီးမြို့နယ်၊ ရပ်ကွက်တော်တော်များများမှာ ရေနစ်မြုပ်နေတယ်လို့ မော်လမြိုင်မှာ လူမှုကူညီရေးတွေ ဆောင်ရွက်ပေးနေတဲ့ ကိုဇင်မိုးကပြောပါတယ်၊၊

#Yangon_Media_Group

#World_Record
Published 16 August 2022

ပါကစ္စတန်နိုင်ငံမှ ဂါရှာဘရမ်တောင်ကို အောင်မြင်စွာတက်ရောက်ခဲ့အပြီးမှာတော့ နော်ဝေးလူမျိုး တောင်တက်အမျိုးသမီး'ခရစ္စတင်ဟာရီလာ'ဟာ ကမ္ဘာအမြင့်ဆုံးတောင်ထိပ် ၁၄ ခု မှတ်တမ်းတင်စံချိန်ကို ချိုးဖျက်နိုင်ရန် တောင်ထိပ် ၃ ခုသာ တက်ရောက်ဖို့ ကျန်ပါတော့တယ်။

#Yangon_Media_Group

#Local_News
Published_16 August 2022

မြန်မာနိုင်ငံမှာ ကူးစက်မြန်အိုမီခရွန်ဗီဇပြောင်းပိုး BA.4 နှင့် BA.5 ကို ပြည်တွင်းကူးစက်မှုအနေနဲ့ တွေ့ရှိရတဲ့အတွက် လူစုလူဝေးများတဲ့ပွဲတွေ၊ အခမ်းအနားတွေကို ကိုဗစ်စည်းကမ်းချက်နှင့်အညီကျင်းပကြဖို့လိုအပ်တယ်လို့ ပြည်သူ့ကျန်းမာရေးဖောင်ဒေးရှင်း ဥက္ကဌဒေါက်တာသန်းစိန်က သတိပေးပြောကြားပါတယ်၊၊

#Yangon_Media_Group

Published 16 August 2022

ယူကရိန်းမှာ နျူကလီးယးလက်နက်သုံးဖို့ မော်စကိုမှာ အစီအစဉ်မရှိဘူးလို့ ရုရှား ကာကွယ်ရေးဝန်ကြီး ဆာဂေးရှိုအီဂုက ပြောပါတယ်။ သူက လုံခြုံရေးဆိုင်ရာ ကွန်ဖရင့်တစ်ခုမှာ ဩဂုတ် ၁၆ ရက်နေ့က ပြောကြားခဲ့တာပါ။ “စစ်ရေးအမြင်အရပြောရရင် ရည်မှန်းချက်တွေရရှိဖို့ ယူကရိန်းမှာ နျူကလီးယားလက်နက်သုံးဖို့ မလိုအပ်ပါဘူး” လို့ သူကပြောပါတယ်။

Source AFP

#Russia_Ukraine

#Russsia_Special_operation

#Nuclear_weapons

#Local_News
Published_16 August 2022

အမေရိကန်ဒေါ်လာဈေးကို ထိန်းချုပ်ကန့်သတ်ထားလေလေ မှောင်ခိုဈေးကွက် ကြီးစိုးလာလေလေ ဖြစ်တာကြောင့် ဗဟိုဘဏ်ရဲ့ ရည်ညွှန်းဈေးထက် ဈေးနှုန်းမြင့်တက်နေတာ ဖြစ်တယ်လို့ စီးပွားရေးလုပ်ငန်းရှင်တချို့က ဆိုကြပါတယ်။

#Yangon_Media_Group

#Local_News
Published _ 16 August 2022

ပြည်တွင်းရွှေဈေး ဒီနေ့ဩဂုတ် ၁၆ ရက်နေ့မှာ အခေါက်ရွှေ တကျပ်သားကို ၂၈ သိန်း ဈေးရှိနေပြီး အမေရိကန်ဒေါ်လာက အမြင့်ဆုံး တဒေါ်လာကို ၃၀၀၀ ကျော်အထိ ရှိနေတယ်လို့ ငွေကြေးဈေးကွက်ကနေ သိရပါတယ်။

#Yangon_Media_Group

#DailyNews
Published - 16 August 2022

၁။ ပြည်တွင်း ရွှေဈေး ပြင်ပပေါက်ဈေး ၂၈ သိန်းနီးပါးဖြစ်နေပြီး ဒေါ်လာ ၃၀၀၀ ကျော်အထိ မြင့်တက်နေ

၂။ ဒေါ်လာဈေးကို ထိန်းချုပ်ခြင်းကြောင့် မှောင်ခိုဈေးကွက်ကြီးလာခြင်း ဖြစ်ဟုဆို

၃။ ပြည်တွင်းတွင် အိုမီခရွန်ပိုးသစ်ကူးစက်မှုရှိနေသဖြင့် ပွဲများ၊အခမ်းအနားများကို ကိုဗစ်စည်းကမ်းချက်နှင့်အညီ ကျင်းပရမည်ဟုဆို

၄။ ကမ္ဘာ့အမြင့်ဆုံး တောင်ထိပ်များတက်ရောက်သည့်စံချိန်ကို နော်ဝေးတောင်တက်အမျိုးသမီးက ထပ်ချိုးရန်ကြိုးစား‌နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published - 16 August 2022

လိပ်ကျွန်းလူသတ်မှုနဲ့ ထောင်ဒဏ်တစ်သက် တစ်ကျွန်းကျခံနေရတဲ့ ဝင်းနဲ့ ဇော်ဟာ လွတ်ငြိမ်းချမ်းသာခွင့်မှာ မပါဝင်လာသေးဘူးလို့ အလုပ်သမားအရေးဆောင်ရွက်သူများဆီက နေသိရပါတယ်။

#Yangon_Media_Group

#LocalNews
Published_16 August 2022

အဖမ်းခံထားရသည့် မှတ်တမ်းရိုက်ကူးသူဂျပန်နိုင်ငံသားကို အမှုအားလုံးပြတ်မှ လုပ်သင့်သည်ကိုလုပ်မည်ဟု နစက က ယနေ့ သြဂုတ်လ ၁၆ ရက်က ထုတ်ပြန်လိုက်သည်။

ယင်းမှာ အသက် ၂၆ နှစ်အရွယ်မစ္စတာ Toru Kubota ဆိုသူဖြစ်ပြီး ဇူလိုင်လ ၃၀ ရက်က ရန်ကုန်တိုင်းဒေသကြီး ဒဂုံမြို့သစ်(တောင်ပိုင်း) City Max အနီး ဆန္ဒပြမှုတွင် အဖမ်းခံခဲ့ရခြင်းဖြစ်ကြောင်း သိရသည်။

လက်ရှိတွင် အဆိုပါ ဂျပန်နိုင်ငံသား မှတ်တမ်းရုပ်ရှင်ရိုက်ကူးသူ မစ္စတာ Toru Kubota ကို ဥပဒေအရ တရားစွဲဆိုအမှုဖွင့်ထားကြောင်း၊ သက်ဆိုင်ရာတရားရုံး၏ တရားစီရင်ချက်ကို စောင့်ရမည်ဖြစ်ပြီး အမှုအားလုံးပြီးပြတ်မှသာ လုပ်ဆောင်သင့်သည်များကို လုပ်ဆောင်နိုင်မည်ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ပြီးခဲ့သည့် ဩဂုတ်လ ၁၁ ရက်က နစက ဥက္ကဌ ဗိုလ်ချုပ်မှူးကြီး မင်းအောင်လှိုင်နှင့် ဂျပန်နိုင်ငံ၊ လစ်ဘရယ်ဒီမိုကရက်တစ်ပါတီ အောက်လွှတ်တော် အမတ် Mr. Hiromichi Watanabe တို့ တွေ့ဆုံရာတွင် မစ္စတာ Toru Kubotaတိုရုကူဘိုတာ၏ အမှုကိစ္စကိုလည်း ပြောဆိုခဲ့ကြသေးကြောင်း သိရသည်။

ymg/mt
#Yangon_Media_Group

#Local_News
Published_ 16 Aug 2022

ရုရှားနိုင်ငံမှ စက်သုံးဆီဝယ်ယူပြီး သိုလှောင်ဖြန့်ဖြူးရေး ဦးဆောင်ကော်မတီကို သြဂုတ် (၁) ရက် ရက်စွဲဖြင့် ဖွဲ့စည်းခဲ့ပြီး ဒုတိယဗိုလ်ချုပ်ကြီးညိုစောက ဥက္ကဋ္ဌအဖြစ် တာဝန်ယူကာ စုစုပေါင်း (၁၀) ဦး ပါဝင်ကြောင်း သိရပါတယ်။

ရုရှားနိုင်ငံမှ စက်သုံးဆီဝယ်ယူ သိုလှောင် ဖြန့်ဖြူးရေးဦးဆောင်ကော်မတီသည် နိုင်ငံတော်၏ မူဝါဒများ၊ စီးပွားရေးမူဝါဒ လုပ်ထုံး လုပ်နည်းများအတိုင်း နိုင်ငံတော်၏ လိုအပ်ချက် အပေါ်မူတည်၍ စက်သုံးဆီများမှာ ယူတင်သွင်း၍ သိုလှောင်ဖြန့်ဖြူးခြင်း ဆောင်ရွက်ရန်၊ အရည်အသွေးပြည့်မီ မှန်ကန်ပြီး စျေးနှုန်း သက်သာသည့် စက်သုံးဆီများ ဝယ်ယူတင် သွင်း၍ ပြည်တွင်းတွင် သိုလှောင်ဖြန့်ဖြူးနိုင်ရေး ဆောင်ရွက်ရန်ဟု အမိန့်ကြော်ငြာစာအမှတ် (၁၂၇/ ၂၀၂၂) တွင် ဖော်ပြထားပါတယ်။

ထို့ပြင် စက်သုံးဆီဝယ်ယူခြင်း၊ တင်သွင်းခြင်း၊ သယ်ယူခြင်းတို့အတွက် သက်ဆိုင်ရာ အစိုးရဌာနများ၊ ပုဂ္ဂလိကအဖွဲ့အစည်းများဖြင့် ညှိနှိုင်းဆောင်ရွက်ရန်၊ လစဉ်လိုအပ်သည့် နိုင်ငံခြားငွေကြေး ပမာဏအား နိုင်ငံတော်သို့ တင်ပြတောင်းခံရန်၊ စက်သုံးဆီတင်ဆောင်လာသည့် သင်္ဘောများ အချိန်မီရောက်ရှိရေး ဆက်သွယ်ကြပ်မတ် ဆောင်ရွက်ရန် ဖော်ပြထားပါတယ်။

စက်သုံးဆီတင်ဆောင်လာတဲ့ သင်္ဘောများ ရောက်ရှိလာချိန်တွင် အချိန်မီ အရည် အသွေး (စံချိန်စံညွှန်း) အရေအတွက်မှန်ကန်မှုရှိ မရှိ သက်ဆိုင်ရာ အဖွဲ့အစည်းများနှင့် စစ်ဆေးရန်နှင့် သိုလှောင်ထားသော စက်သုံးဆီများအား တပ်မတော်နှင့် ဝန်ကြီးဌာနများ အဖွဲ့အစည်းများအား ဖြန့်ဖြူးပေးနိုင်ရေး ဆောင်ရွက်ရန် အဆိုပါကော်မတီရဲ့ လုပ်ငန်း တာဝန်များမှာ ဖော်ပြထားပါတယ်။

တင်သွင်းသည့် ကုမ္ပဏီများအနေဖြင့် စီးပွားကူးသန်းဝန်ကြီးဌာနမှ ဖွဲ့စည်းထားသော စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီ၏ သတ်မှတ်ချက်များအတိုင်းလိုက် နာဆောင်ရွက်ရေးကြပ်မတ်ရန်၊ ဦးဆောင်ကော်မတီအနေဖြင့် ရုရှားနိုင်ငံမှ ထွက်ရှိသော စက်သုံးဆီနှင့် ရေနံထွက် ဓာတုဗေဒပ စ္စည်းများအပြင် အခြားလိုအပ်ချက်များကိုလည်း နစကရဲ့ ညွှန်ကြားချက်နှင့်အညီ အကောင်အထည်ဖော် ဆောင်ရွက်ရန်စတဲ့ အချက်များကို ဆောင်ရွက်သွားရမှာ ဖြစ်ပါတယ်။

ဦးဆောင်ကော်မတီရဲ့ ဥက္ကဌအဖြစ် ဒုတိယဗိုလ်ချုပ်ကြီးညိုစော၊ စွမ်းအင်ဝန်ကြီးဌာန ရေနံထွက်ပစ္စည်း ကြီးကြပ်စစ်ဆေးရေး ဦးစီးဌာနမှ ညွှန်ကြားရေးမှူးချုပ်က အတွင်းရေးမှူးနှင့် မြန်မာ့စီးပွားရေးကော်ပိုရေးရှင်း ထုတ်ကုန်များစျေးကွက်ရှာဖွေရေးနှင့် သုတေသနဌာနမှ အထွေထွေမန်နေဂျာက တွဲဖက်အတွင်းရေးမှူးအဖြစ် တာဝန်ယူ ဆောင်ရွက်မှာ ဖြစ်ပါတယ်။
အဖွဲ့ဝင်များအနေဖြင့် စွမ်းအင်ဝန်ကြီးဌာန ဒုတိယဝန်ကြီး၊ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန အမြဲတမ်း အတွင်းဝန်၊ Star High Co.,Ltd မှ အမှုဆောင် အရာရှိချုပ် ဦးလှဝင်း၊ Brighter Energy မှ ဒါရိုက်တာ ဦးဆန်းနောင်၊ Best Oil Co., Ltd မှ ဥက္ကဋ္ဌ ဦးဝင်းဆွေ၊ စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနမှ ညွှန်ကြားရေးမှူး ဦးတင်ရဲဝင်းနှင့် Yetagon Energy Trading Co., Ltd မှ အမှုဆောင်အရာရှိချုပ် ဦးမောင်မောင်နိုင်တို့ အဖွဲ့ဝင်အဖြစ် ပါဝင်ကြောင်း သိရပါတယ်။

ygm_mnn
#Yangon_Media_Group

#Local_News
Published - 16 August 2022

လျှောက်ထားသူဦးရေများခြင်းကြောင့် လျှောက်လွှာအရောင်း ခေတ္တရပ်နားထားခဲ့ရသည့်ဂျပန် JLPT စာမေးပွဲဖြေဆိုခွင့်လျှောက်ထားမှုကို ဩဂုတ်လ ၂၀ ရက်ကစပြီး အွန်လိုင်းစနစ်ဖြင့် ပြန်လက်ခံမည်ဖြစ်ကြောင်း စာမေးပွဲကျင်းပရေးကော်မတီက အသိပေးကြေညာထားသည်။

ဩဂုတ် ၂၀ ရက်မှ ၂၆ ရက်အထိ အွန်လိုင်းမှ လျှောက်လွှာလက်ခံမည်ဖြစ်ပြီး ပထမဆုံးရက်တွင် N-1 အဆင့်ဖြေဆိုခွင့်ကို စတင်လက်ခံမည်ဖြစ်ကြောင်း၊ အခြားအဆင့်တွေအတွက် အွန်လိုင်းလျှောက်လွှာလက်ခံမယ့်ရက်ကို ဩဂုတ်လ ၁၉ ရက်၌ ထပ်မံကြေညာပေးမယ်ဟု စာမေးပွဲကျင်းပရေးကော်မတီက အသိပေးထားသည်။

JLPT စာမေးပွဲဖြေဆိုခွင့် လျှောက်ထားမှုကို အွန်လိုင်းစနစ်ဖြင့် ပထမဆုံးအကြိမ် စတင်လက်ခံခြင်းဖြစ်ပြီး လျှောက်ထားသူများပြားပါက နည်းပညာချို့ယွင်းတာမျိုးရှိနိုင်ကြောင်းလည်း အသိပေးထားသည်။

JLPTစာ မေးပွဲလျှောက်လွှာကို ဩဂုတ်လဆန်းပိုင်းက ရန်ကုန်နှင့်မန္တလေးတွင် လူကိုယ်တိုင်ထုတ်ခွင့်ပြုခဲ့ရာမှာ လျှောက်ထားသူများပြားပြီး လူစုလူဝေးဖြစ်ပေါ်ခဲ့ခြင်းကြောင့် လျှောက်လွှာရောင်းချမှု ရပ်ထားခဲ့ခြင်းဖြစ်ကြောင်း သိရသည်။

ymg/sth
#Yangon_Media_Group