#LocalNews
Published - 22 June 2022

လန်ချန်း-မဲခေါင် ပူးပေါင်းဆောင်ရွက်မှုအဖြစ်အထွက်နှုန်းမြင့် အရည်အသွေးမြင့် မြန်မာ့ဆန်စပါးမျိုးစိတ်သစ်နှစ်ခုအား မှတ်ပုံတင်ပြီးဖြစ်ကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်လိုက်သည်၊၊

လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ၏ ပံ့ပိုးမှုဖြင့် မြန်မာ့ဆန်စပါးအရည်အသွေးမြင့် မျိုးစိတ်စိုက်ပျိုးရေးနှင့် အရည်အသွေးမြင့်စိုက်ပျိုးမှု စီမံကိန်းကို ဖော်ဆောင်ခဲ့ခြင်းဖြစ်သည်၊၊

တရုတ်နိုင်ငံဖူကျန့်စိုက်ပျိုးရေးနှင့်သစ်တော တက္ကသိုလ်၊ မြန်မာနိုင်ငံမော်လမြိုင်တက္ကသိုလ်နှင့် ဒဂုံတက္ကသိုလ်တို့အတူ ဖော်ဆောင်ခဲ့ကြခြင်းဖြစ်သည်၊၊

နှစ်ဦးနှစ်ဖက်၏ နှစ်နှစ်ကျော်ကြာ ကြိုးပမ်းအားထုတ်မှုကြောင့် အဆိုပါစီမံကိန်းသည် အောင်မြင်မှုများ ရရှိခဲ့သည်ဟုဆိုသည်၊၊

လက်ရှိတွင် အထွက်နှုန်းမြင့် အရည်အသွေးမြင့် မြန်မာ့ဆန်စပါးမျိုးစိတ်သစ်နှစ်ခုအား မှတ်ပုံတင်ပြီးဖြစ် ကြောင်းမြန်မာနိုင်ငံဆိုင်ရာ တရုတ်သံရုံးက ထုတ်ပြန်ချက်တွင် ဖော်ပြပါရှိသည်၊၊

အဆိုပါ စီမံကိန်းသည် မြန်မာနိုင်ငံတွင် စိုက်ပျိုးရေးနည်းပညာ ဆန်းသစ်တီထွင်မှုကို မြှင့်တင်ပေးပြီး စားနပ်ရိက္ခာထုတ်လုပ်မှုကို မြှင့်တင်ပေးကာ တောင်သူများ၏ ဝင်ငွေတိုးရေးနှင့် စိုက်ပျိုးရေး ဖွံ့ဖြိုးတိုးတက်ရေးတိုအတွက် ပံ့ပိုးကူညီခဲ့ကြောင်း သိရသည်၊၊

ymg/tthl
#Yangon_Media_Group

#LocalNews
Published_22 June 2022

မြန်မာ့ထွက်ကုန်တွေကို သင်္ဘောနဲ့ ဘင်္ဂလားဒေ့ရှ်ကို တိုက်ရိုက်တင်ပို့နိုင်ဖို့ စီစဉ်နေကြပါတယ်။

#Yangon_Media_Group

#LocalNews
Published - 22 June 2022

တောင်ကိုရီးယားနိုင်ငံသို့ ခြောက်လအတွင်း မြန်မာအလုပ်သမားစုစုပေါင်း ၁၆၁၉ ဦး တရားဝင်ပို့ဆောင်ထားပြီးဖြစ်ကြောင်း ဆိုးလ်မြို့ရှိ မြန်မာသံရုံးက သိရသည်။

တောင်ကိုရီးယားနိုင်ငံ အစိုးရအနေဖြင့် ကိုဗစ်-၁၉ ကူးစက်ရောဂါပြန့်ပွားခြင်းကို ကာကွယ်ထိန်းချုပ်ရန်အတွက် ၂၀၂၀ ပြည့်နှစ်၊ ဇွန်လ ၁ ရက်ကစ၍ ပြည်ဝင်ခွင့် ပိတ်ထားခဲ့ပြီး ၂၀၂၁ ခုနှစ် ဒီဇင်ဘာလ ၃၀ ရက်တွင် မြန်မာနိုင်ငံမှ အလုပ်သမားများ ပြန်လည်ခေါ်ယူခဲ့ကာ ၂၀၂၂ ခုနှစ် ဇန်နဝါရီလ ၁၀ ရက်ကစ၍ မြန်မာအလုပ်သမား ၆၄ ဦးကို ပထမအကြိမ် တရားဝင်စေလွှတ်ခဲ့ခြင်း ဖြစ်သည်။

ပြီးခဲ့သည့် ဇန်နဝါရီလတွင် ၁၂၃ ဦး၊ ဖေဖော်ဝါရီလတွင် ၁၀၅ ဦး၊ ဧပြီလတွင် ၃၁၇ ဦး၊ မေလတွင် ၆၂၂ ဦး၊ ဇွန်လတွင် ၃၈၈ ဦးတရားဝင်စေလွှတ်ခဲ့ပြီး ဖြစ်ကြောင်း ဆိုးလ်မြို့ရှိ မြန်မာသံရုံး၏ ထုတ်ပြန်သည့် အချက်အလက်များအရ သိရသည်။

တောင်ကိုးရီးယားသို့သွားရောက် အလုပ်လုပ်ကိုင်နေသည့် မြန်မာအလုပ်သမားများအနေဖြင့် စိုက်ပျိုးရေးနှင့် မွေးမြူရေးလုပ်ငန်းများ၊ ဆောက်လုပ်ရေးလုပ်ငန်းများနှင့် ကုန်ထုတ်လုပ်ငန်းများတွင် အများဆုံးလုပ်ကိုင်နေခြင်း ဖြစ်ကြောင်း သိရသည်။

ymg/sth
#Yangon_Media_Group

#Local_News
Published_ 22 June 2022

အာဆီယံစီးပွားရေး အသိုက်အဝန်း ၂၀၂၅ အောက်ရှိ “စားနပ်ရိက္ခာ၊ စိုက်ပျိုးရေးနှင့် သစ်တောကဏ္ဍလုပ်ငန်းကော်မတီ" အနေဖြင့် ရေရှည်တည်တံ့သော စားနပ်ရိက္ခာ၊ စိုက်ပျိုးရေးနှင့် သစ်တောကဏ္ဍတို့ကို ကမ္ဘာ့စီးပွားရေးနှင့် ချိတ်ဆက်ဆောင်ရွက်နိုင်ရေး မျှော်မှန်းဆောင်ရွက်လျက်ရှိကြောင်း သိရပါတယ်။

အဆိုပါကော်မတီရဲ့ ပထမအကြိမ် အစည်းအဝေးကို ယနေ့မွန်းလွဲပိုင်းက နေပြည်တော်ရှိ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၌ ကျင်းပခဲ့ရာ လုပ်ငန်းကော်မတီဥက္ကဋ္ဌ ဒုတိယဝန်ကြီး ဒေါက်တာအောင်ကြီးနှင့် လုပ်ငန်းကော်မတီ အဖွဲ့ဝင်များ၊ ဌာနဆိုင်ရာ ကိုယ်စားလှယ်များ တက်ရောက်ခဲ့ကြပါတယ်။

အာဆီယံအသိုက်အဝန်း၏ မဏ္ဏိုင်ကြီး(၃)ခုအနက် အာဆီယံစီးပွားရေး အသိုက်အဝန်း လမ်းပြမြေပုံ(၂၀၂၅)တွင် ပါရှိသောလုပ်ငန်းများ ဆောင်ရွက်နိုင်ရန် လုပ်ငန်းကော်မတီ ၂၂ ခုကို သက်ဆိုင်ရာ ကဏ္ဍအလိုက် ဖွဲ့စည်းထားရှိရာ “စားနပ်ရိက္ခာ၊ စိုက်ပျိုးရေးနှင့် သစ်တောဆိုင်ရာ လုပ်ငန်းကော်မတီ”ကလည်း တစ်ခုအပါအဝင် ဖြစ်ပါတယ်။

အာဆီယံ လယ်ယာစိုက်ပျိုးရေးနှင့် သစ်တောဆိုင်ရာ အဆင့်မြင့်အရာရှိများ အစည်းအဝေးများနှင့် ဝန်ကြီးများအစည်းအဝေးများကို နှစ်စဉ်ကျင်းပလျက်ရှိကာ အဆိုပါ အစည်းအဝေးများတွင် သက်ဆိုင်ရာ လုပ်ငန်းအဖွဲ့များက တင်ပြလာသော နှစ်စဉ်ဆောင်ရွက်မယ့် ကဏ္ဍအလိုက် ဦးစားပေးလုပ်ငန်းများကို အတည်ပြုပြီး အာဆီယံအဖွဲ့ဝင် နိုင်ငံအသီးသီးက နိုင်ငံအလိုက် အကောင်အထည်ဖော် ဆောင်ရွက်နေတာဖြစ်ပါတယ်။

၂၀၂၁ ခုနှစ်အတွင်း စားနပ်ရိက္ခာ၊ စိုက်ပျိုးရေးနှင့် သစ်တောကဏ္ဍအတွက် အတည်ပြုပြီးသော ကဏ္ဍအလိုက် ဦးစားပေးလုပ်ငန်း ၁၁ ခုရှိပြီး ၂၀၂၂ ခုနှစ်တွင် ဆောင်ရွက်ဆဲကဏ္ဍအလိုက် ဦးစားပေးလုပ်ငန်း ၁၉ ခုကို အောက်တိုဘာလအတွင်း ကျင်းပမည့် အာဆီယံလယ်ယာစိုက်ပျိုးရေးနှင့် သစ်တောဆိုင်ရာ ဝန်ကြီးများအစည်း အဝေးသို တင်ပြအတည်ပြုချက် ရယူသွားမည်ဖြစ်ကြောင်း သတင်းရရှိပါတယ်။

ymg-mnn
#Yangon_Media_Group

#Local_News
Published_22 June 2022

ရိုးရာလက်ဝှေ့အားကစားသမားတွေရဲ့ စားဝတ်နေရေး အဆင်မပြေကြဘူးလို့ လက်ဝှေ့ ချန်ပီယံ ထွန်းထွန်းမင်းက ပြောပါတယ်။

#Yangon_Media_Group

#LocalNews
Published_22 June 2022

မန္တလေးတိုင်းဒေသကြီး၊ ချမ်းမြသာစည်မြို့နယ်၊ (၇၃x၇၄)လမ်းကြား၊ (၁၀၁)သိပ္ပံလမ်းတွင် ဖွင့်လှစ်ထားသည့် နိုဘယ်လ်စင်တင် တေးဂီတဆိုင်တွင် ယနေ့ ဇွန်လ ၂၂ ရက်၊ မွန်းလွဲပိုင်းက မီးလောင်ကျွမ်းမှုဖြစ်ပွားခဲ့ကြောင်း မြန်မာနိုင်ငံ မီးသတ်တပ်ဖွဲ့က သိရသည်။

မီးလောင်မှု ဖြစ်ပွားရာသို့ Level 2 ယာဉ်အုပ်စုများ ထွက်ခွာငြှိမ်းသတ်ခဲ့ရကြောင်းနှင့် မည်သည့်အကြောင်းကြောင့် မီးလောင်မှုဖြစ်ပွားသည်ကို မသိရသေးကြောင်း မြန်မာနိုင်ငံ မီးသတ်တပ်ဖွဲ့ တာဝန်ရှိသူက ပြောသည်။

ymg/mt
#Yangon_Media_Group

#DailyNews
Published - 22 June 2022

၁။ မြန်မာ့ထွက်ကုန်များကို ဘင်္ဂလားဒေ့ရှ်သို့ သင်္ဘောဖြင့် တိုက်ရိုက်တင်ပို့နိုင်ရန်စီစဉ်

၂။ သွေးလန့်လက္ခဏာများ ပေါ်လာပါကဆေးရုံကို အချိန်မီသွားရန်လိုဟုဆို

၃။ နေ့စဉ်မိုးလေဝသသတင်း။

၄။ ပေကျင်းရှိ နှစ်ပေါင်း(၃,၅၀၀)သက်တမ်းရှိ ထင်းရှူးပင်အိုကြီးကို ထိန်းသိမ်းစောင့်ရှောက်နေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#LocalNews
Published - 22 June 2022

စက်သုံးဆီဈေးများ မြင့်တက်လာသည့်အတွက် ရန်ကုန်ရှိ လူမှုကူညီရေးပရဟိတအသင်းများ ရပ်တည်နိုင်ရန် ခက်ခဲနေသည့်အတွက် ၄င်းတို့ဆောင်ရွက်နိုင်သည့်လုပ်ငန်းများကို စုပေါင်းလုပ်ကိုင်ကြပြီး ရရှိသည့်ငွေကြေးများဖြင့် ပရဟိတအလုပ်များ ဆက်လက်ဆောင်ရွက်လျက်ရှိကြောင်းသိရသည်၊၊

ရွှေလောင်းလှေပရဟိတ ဖောင်ဒေးရှင်းအနေဖြင့် အသင်းရဲ့စေတနာ့ဝန်ထမ်းများ ကျောတစ်ခင်းစာ နေထိုင်စားသောက်ရန်လိုအပ်ချက်ရှိတဲ့အတွက် ပြင်ဦးလွင်ခြံထွက် နာနတ်သီးများကိုတစ်လုံးကို ကျပ် ၅၀၀ ဖြင့် ရောင်းချနေသည်ဟုဆိုသည်၊၊

ပုလဲအရန်မီးသတ်တပ်ဖွဲ့အနေဖြင့်လည်း ပရဟိတ အလုပ်များ ရှေ့ဆက်လုပ်ကိုင်နိုင်ဖို့ ကားရေဆေးခြင်း လုပ်ငန်းကိုဆောင်ရွက်လျက်ရှိကြောင်း ကိုထင်လင်းအောင်ထံမှ သိရသည်၊၊

လက်ရှိတွင် လူမှုကူညီရေးပရဟိတအသင်းများ အနေဖြင့် စက်သုံးဆီဈေးကြီးမြင့်ခြင်းက တစ်ကြောင်း၊ စားဝတ်နေရေးခက်ခဲသဖြင့် အလှူရှင်များနည်းပါးလာသည်က တစ်ကြောင်းကြောင့် လူမှုကူညီမှုအလုပ်များကို ဆက်လက်လုပ်ကိုင်နိုင်ဖို့ ကြိုးပမ်းဆောင်ရွက်နေရကြောင်းသိရသည်၊၊

ymg/tthl
#Yangon_Media_Group

#LocalNews
Published - 22 June 2022

ပြည်တွင်း စက်သုံးဆီဈေးနှုန်း တစ်လီတာလျှင် ကျပ် ၁၀၀ ကျော် ပြန်လည်မြင့်တက်လာကြောင်း စက်သုံးဆီဆိုင်များ၏ ထုတ်ပြန်ထားသည့်ဈေးနှုန်းများအရ သိရသည်။

ယမန်နေ့တွင် စက်သုံးဆီအရောင်းဆိုင်များ၏ ထုတ်ပြန်ထားသည့် ဈေးနှုန်းမှာ ၉၂ တစ်လီတာလျှင် ၂၁၄၅ ကျပ် ၊ ၉၅ တစ်လီတာလျှင် ၂၂၅၀ ကျပ်၊ ဒီဇယ်တစ်လီတာလျှင် ၂၅၉၀ ကျပ်၊ ပရီမီယံ ဒီဇယ်တစ်လီတာလျှင် ၂၆၂၀ ကျပ် ရှိခဲ့ပြီး ယနေ့ စက်သုံးဆီဈေးနှုန်းမှာ ၉၂ တစ်လီတာလျှင် ၂၂၇၅ ကျပ်၊ ၉၅ တစ်လီတာလျှင် ၂၃၇၅ ကျပ်၊ ဒီဇယ် တစ်လီတာလျှင် ၂၆၉၀ ကျပ်၊ ပရီမီယံ ဒီဇယ်တစ်လီတာလျှင် ၂၇၂၀ ကျပ် အထိ မြင့်တက်လာကြောင်း ဈေးနှုန်းများအရ သိရသည်။

ရန်ကုန်မြို့နှင့် မန္တလေးမြို့တို့တွင် ရည်ညွှန်းလက်ကားဈေးနှုန်းများနှင့် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီဈေးနှုန်းများဖြင့်လည်း ရောင်းချပေးနေကြောင်း စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သိရသည်။

"ကားဆီဖြည့်ရတာ အခက်အခဲအများကြီးရှိပါတယ်။ ဆီကရချင်တဲ့ဆိုင်က ရတယ်။ မရချင်တဲ့ဆိုင်ကမရဘူး။ ပြီတော့ တန်းစီရတယ်။ အချိန်ကြာတယ်။ ငွေကုန်တယ်။ ဆီဝယ်ရတာဆက်ပြီးခက်ခဲနေမှာပါ"ဟု ကိုယ်ပိုင်ယာဉ်မောင်းသူ ကိုအောင်အောင်က ပြောသည်။

ymg/sth
#Yangon_Media_Group

#LocalNews
Published - 22 June 2022

အစိုးရဆေးရုံများတွင် ဆရာဝန်အခက်အခဲကြောင့် ဆေးကုသခွင့်မရရှိဘဲ ပုဂ္ဂလိကဆေးရုံသို့ သွားရောက်ကုသရသည့်ဖြစ်စဉ်မျိုးရှိပါက အသိပေးပြောကြားနိုင်ကြောင်း ကျန်းမာရေးဝန်ကြီးဌာန၏ ပြောရေးဆိုခွင့်ရှိသူ ဒေါက်တာသန်းနိုင်စိုးက YMG ကို ပြောသည်။

"ဒီလိုကိစ္စမျိုးက Case by case သွားတာပဲကောင်းပါတယ်။ ဒါမျိုးဖြစ်စဉ်တွေရှိခဲ့ဖူးရင် သိချင်ပါတယ်။ ကျွန်တော်တို့ဒီဘက်က ဆရာဝန်အင်အားနည်းတာမှန်ပေမဲ့ အတတ်နိုင်ဆုံးကြိုးစားပြီးဆောင်ရွက်နေတယ်။ ကိုဗစ်ကာလတုန်းကတော့ ဒါမျိုးတွေဖြစ်နိုင်ပါတယ်။ ပြီးတော့ အရေးကြီးလူနာကို ဦးစားပေးရတာပေါ့။ ဒီလူနာကဆေးရုံလာတယ် ချက်ခြင်းခွဲစိတ်ဖို့လိုတယ်ဆိုရင် လုပ်ပေးတယ်။ ပြီးတော့ လူနာအပေါ်လည်းမူတည်တယ်။ သူကစောင့်နိုင်လား၊ မစောင့်နိုင်တဲ့ လူနာလားဆိုတာပေါ့။ အမှန်တကယ် ဆေးရုံတွေမှာ ဒါမျိုးဖြစ်စဉ်တွေအမှန်တကယ်ဖြစ်ခဲ့တယ်ဆိုရင် သိချင်ပါတယ်။ ဒါမျိုးကိုကျွန်တော်တို့ ဦးစားပေးကိုင်တွယ်သွားမှာပါ"ဟု ယင်းကပြောသည်။

အစိုးရပြည်သူ့ဆေးရုံကြီးများတွင် နည်းပါးနေသည့်အတွက် လူနာများဆေးကုသခွင့်ရရန် အချိန်ကြာမြင့်စွာ စောင့်ဆိုင်းနေရကြောင်း လူနာရှင်အချို့ပြောပြချက်အရ သိရသည်။

ပြီးခဲ့သည့် ဇွန်လ ဒုတိယပတ်က ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်အတွင်းနေထိုင်သည့် မအေးသီတာ(နာမည်လွှဲ) တွင် အူအတက်ရောင်ရောဂါဖြစ်၍ ခွဲစိတ်ရန် မြောက်ဥက္ကလာပ ဆေးရုံသို့ သွားရောက်ခဲ့ရာ ခွဲစိတ်လူနာများနေ၍ စောင့်ဆိုင်းရမည်ဖြစ်ကြောင်း ပြောသည့်အတွက် သူ့အနေဖြင့် ပုဂ္ဂလိက ဆေးရုံတစ်ခုတွင် ခွဲစိတ်ကုသခဲ့ရကြောင်း YMG ကို ပြောသည်။

"မြောက်ဥက္ကလာဆေးရုံကို ဆေးကုဖို့သွားတယ်။ ခွဲစိတ်ဖိုပေါ့။ အပြင်မှာဆိုရင်ဈေးကြီးတယ် မတတ်နိုင်ဘူး။ ဒါကြောင့် အစိုးရဆေးရုံကို သွားတာပါ။ ဒါပေမဲ့ တစ်လကျော်နှစ်လလောက်စောင့်ရမယ်ဆိုတော့ အဆင်မပြေဘူး။ နောက်ဆုံးပုဂ္ဂလိကဆေးရုံမှာပဲ ခွဲစိတ်လိုက်ရတယ်။ ပိုက်ဆံမတတ်နိုင်တဲ့ အခြေခံလူတန်းစားတွေဆိုရင်ဘယ်လိုလုပ်မလဲ"ဟု မအေးသီတာက ပြောသည်။

ymg/sth
#Yangon_Media_Group

#LocalNews
Published - 22 June 2022

ပရဆေးဥယျာဉ်ရှိပရဆေးပင်မျိုးစိတ်များထိန်းသိမ်းရန်နှင့် တိုင်းရင်းဆေးသမားတော်များ ညီလာခံပြန်လည်ကျင်းပရန် ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းက တိုက်တွန်းပြောကြားလိုက်ပါသည်၊၊

ပြည်ထောင်စုဝန်ကြီး ဒေါက်တာသက်ခိုင်ဝင်းက "တိုင်းရင်းဆေးပညာဦးစီးဌာနတွင် ပရဆေးဥယျာဉ် (၉)ခုရှိပြီး အဖိုးတန်ပရဆေးမျိုးစိတ်များ မပျောက်မပျက်အောင် ထိန်းသိမ်းရမည်ဖြစ်ကြောင်းနှင့် တိုင်းရင်းဆေးသမားတော်များ ညီလာခံနှင့်တိုင်းရင်းဆေးသုတေသန စာတမ်းဖတ်ပွဲများ ပြန်လည်ကျင်းပ နိုင်ရေးဆောင်ရွက်သွားမည်ဖြစ်ကြောင်း"ပြောကြားသည်၊၊

ဇွန်လ (၂၀)ရက်ကနေပြည်တော်၌ကျင်းပခဲ့သည့် အစည်းအဝေးတွင် ထည့်သွင်းပြောခဲ့ခြင်းဖြစ်သည်၊၊

ကိုဗစ်ဖြစ်ပွားမှုများကြောင့် မကျင်းပဖြစ်တော့သည့် တိုင်းရင်းဆေးသမားတော်များ ညီလာခံနှင့်တိုင်းရင်းဆေးသုတေသန စာတမ်းဖတ်ပွဲများကို ပြန်လည်ကျင်းပနိုင်ရန် တိုက်တွန်းခဲ့ခြင်းဖြစ်သည်၊၊

ဒီ့အပြင် တိုင်းရင်းဆေးလောက ဖွံ့ဖြိုးတိုးတက်စေရေးအတွက် တိုင်းရင်းဆေးတက္ကသိုလ်၏ သင်ရိုးညွှန်တမ်းများအား နိုင်ငံတကာစံချိန်မီအောင် တိုင်းရင်းဆေးကောင်စီ၊ တိုင်းရင်းဆေးပညာရပ်ဆိုင်ရာ အကြံပေးအဖွဲ့၊ တိုင်းရင်းဆေးပညာဦးစီးဌာန၊ တိုင်းရင်းဆေးတက္ကသိုလ်တို့နှင့် ဟန်ချက် ညီညီပူးပေါင်းဆောင်ရွက်ကြရမှာဖြစ်ကြောင်း၊ နိုင်ငံတကာနှင့် ပူးပေါင်းဆောင်ရွက်သည့် အခန်းကဏ္ဍတွင်လည်း အိန္ဒိယနိုင်ငံ၊ တရုတ်နိုင်ငံတို့နှင့် ပူးပေါင်းဆောင်ရွက်ခြင်းအားဖြင့် နှစ်ဦးနှစ်ဖက်အကျိုးရှိအောင် တိုင်းရင်းဆေးပညာဦးစီးဌာနနှင့် တိုင်းရင်းဆေးတက္ကသိုလ်တို့မှ ဆောင်ရွက်သွားကြရမှာဖြစ်ကြောင်း၊ ကိုဗစ်-၁၉ ရောဂါကို ကာကွယ်၊ ထိန်းချုပ်၊ ကုသရာတွင် တိုင်းရင်းဆေးပညာရပ်ဖြင့် အားတက်သရော ပူးပေါင်းဆောင်ရွက်ခဲ့ကြသဖြင့် ဝမ်းမြောက် ဂုဏ်ယူမိပါကြောင်း၊ လူ့စွမ်းအားအရင်း အမြစ် လိုအပ်ချက်ကို ဖြည့်ဆည်းရန်အတွက် တိုင်းရင်းဆေးပညာဘွဲ့ရများကို ခန့်အပ်သွားမည်ဖြစ်ကြောင်း၊ ကျေးလက်နေပြည်သူလူထု အများစုသည် မြန်မာ့တိုင်းရင်းဆေးကို အားကိုးကြသည့်အတွက် တိုင်းရင်းဆေးခန်းများကို တိုးချဲ့ဖွင့်လှစ်သွားရမည် ဖြစ်ကြောင်း ထည့်သွင်းပြောကြားခဲ့ပါသည်။

ymg/tthl
#Yangon_Media_Group

#LocalNews
Published _ 22 June 2022

ရန်ကုန်တိုင်းဒေသကြီးတွင် ယခုနှစ်မိုးရာသီ၌ မိုးစပါးဧကပေါင်း ဆယ့်တစ်သိန်းခြောက်သောင်းလေးထောင့်ငါးရာ စိုက်ပျိုးရန် မျှော်မှန်းထားကြောင်း ရန်ကုန်တိုင်းဒေသကြီး စိုက်ပျိုးရေးဦးစီးဌာမှ သိရသည်။

လက်ရှိတွင် မြို့နယ်အချို့၌ ဧကပေါင်း ၁ သိန်းကျော်ခန့် စိုက်ပျိုးပြီးစီးနေကြောင်း၊ တိုက်ကြီး၊ ခရမ်း၊ ကျောက်တန်းမြို့နယ်များတွင် ပြီးခဲ့တဲ့ မေလမှ စတင်၍ မိုးကြိုအခြောက်ကျဲ စနစ်ဖြင့် စိုက်ပျိုးခဲ့ကြပြီး နောက်ပိုင်းတွင် တွံတေး၊ ကော့မှူး၊ လှည်းကူး၊ မှော်ဘီစသည့် မြို့နယ်တွေမှာ အစိုကျဲစနစ်ဖြင့် စိုက်ပျိုးလျက်ရှိကြောင်း သိရသည်။

ရန်ကုန်တိုင်း‌‌ဒေသကြီးအတွင်း မိုးစပါးကို စက်တင်ဘာလ လယ်တွင် ၉၀ ရာခိုင်နှုန်း ပြီးစီးသည်အထိ စိုက်ပျိုးကြပြီး ကျန်ရှိနေသည့် ၁၀ ရာခိုင် နှုန်းကို နိုဝင်ဘာလကုန်အထိ စိုက်ပျိုးကြကြောင်း သိရသည်။

ယခုနှစ် မိုးစပါးရာသီတွင် စပါးအမျိုးအစားပေါင်း ၃၅မျိုး စိုက်ပျိုးနေပြီး ရွှေဝါထွန်း၊ မနောသုခ၊ ဆင်းသွယ် စသည့် ပြည်ပသို့တင်ပိုရန် အရည်အသွေးမြင့် စပါးမျိုးများနှင့် ပြည်တွင်းစားသုံးရန် ပေါ်ဆန်းမွှေး၊ ဧရာ၊ မှော်ဘီသုံး စသည့် စပါးမျိုးများကို တိုးချဲ့စိုက်ပျိုးလာကြကြောင်း သိရသည်။

ymg/NN
#Yangon_Media_Group