#Local News
Published_ 16 May 2023

ရန်ကုန်တိုင်းဒေသကြီး၊ ဒဂုံမြို့နယ်၊ ပြည်လမ်း၊ ပြည်သူ့ရင်ပြင်ရှေ့တွင် မေလ ၁၆ရက် (ယနေ့ ) မနက် ၁၀နာရီခန့်က YBS(၁)စီး မီးလောင်မှုဖြစ်ပွားကြောင်း
မြန်မာနိုင်ငံမီးသတ်တပ်ဖွဲ့ဌာနချုပ်မှသိရသည်။

အဆိုပါ YBS ဟာ OMINI FOCUS ကုမ္ပဏီပိုင်ကားဖြစ်ပြီး Foton အမျိုးအစား Aircon ကားဖြစ်ကြောင်းသိရသည်။

မီးလောင်ရသည့်အကြောင်းအရင်းကိုအသေးစိတ်မသိရှိရသေးသော်လည်း ကားနောက်အင်ဂျင်ခန်းကနေ အပူလွန်ကာစတင်လောင်ကျွမ်းခြင်းဖြစ်ကြောင်း ခရီးသည်တစ်ဦးကပြောသည်။

အဆိုပါYBS အနောက်ပိုင်းခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ ကျောက်တံတားမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး စမ်းချောင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ငြှိမ်းသတ်ခဲ့ရကြောင်း မီးသတ်တပ်ဖွဲ့မှသတင်းထုတ်ပြန်ထားသည်။
ymg/ynzw
#YMG #Yangon_Media_Group