#Local_News
Published_ 26 September 2022

သဗ္ဗညုဘုရားကြီး ပြန်လည်ပြုပြင်ထိန်းသိမ်းရန် လျာထားကာလမှာ ၁၀ နှစ်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲမှ ညွှန်ကြားရေးမှူးရဲ့ ပြောကြားချက်အရ သိရပါတယ်။

ငလျင်ဒဏ်ကြောင့် ထိခိုက်ခဲ့သည့် သဗ္ဗညုဘုရား ပြန်လည်ပြုပြင်နိုင်ရေး ကြိုတင်ဆောင်ရွက်မှုများ ရှင်းလင်းတင်ပြမှု အခမ်းအနားကို စက်တင်ဘာ ၂၆ ရက် နေ့လယ် (၂) နာရီက ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲ၊ ရှေးဟောင်း သုတေသန ပြတိုက်တွင် ပြုလုပ်ခဲ့တာ ဖြစ်ပါတယ်။

၂၀၁၆ ခုနှစ်၊ သြဂုတ်(၂၄)ရက်ကလှုပ်ခတ်ခဲ့တဲ့ မြေငလျင်ကြောင့် ထိခိုက်ပျက်စီးမှုကို ပြန်လည်ပြုပြင် ထိန်းသိမ်းရန်အတွက် သဗ္ဗညုဘုရား ပြုပြင်ထိန်းသိမ်းရေး စာချွန်လွှာကို တရုတ်နိုင်ငံနှင့် ၂၀၁၈ ခုနှစ် စက်တင်ဘာ ၂၂ ရက်တွင် လက်မှတ်ရေးထိုးခဲ့တာ ဖြစ်ပါတယ်။

၂၀၂၀ ပြည့်နှစ် စက်တင်ဘာလတွင် ထိန်းသိမ်းရေးလုပ်ငန်းများ ဆက်လက် ဆောင်ရွက်ရန် လျာထားခဲ့သော်လည်း ကိုဗစ်-၁၉ ကပ်ရောဂါကြောင့် ၂၀၂၂ ခုနှစ်၊ ဇန်နဝါရီ (၈) ရက်နေ့မှသာ သဗ္ဗညုဘုရားပြုပြင်ထိန်းသိမ်းရေး စီမံကိန်းဖွင့်ပွဲ အခမ်းအနား ကျင်းပခဲ့ပြီးပြုပြင် ထိန်းသိမ်းရန်အတွက် ကြိုတင်ပြင်ဆင်မှု လုပ်ငန်းများဆောင်ရွက်နေတာ ဖြစ်ပါတယ်။

တရုတ်ပညာရှင်အဖွဲ့က သဗ္ဗညုဘုရား ပြုပြင်ထိန်းသိမ်းရေးအတွက် ဆောင်ရွက်နေမှုများကို ရှင်းလင်းတင်ပြခဲ့ပြီး ကြွရောက်လာသော ဆရာတော်ကြီးများမှ နိုင်ငံတော် ဗဟိုသံဃာ့ဝန်ဆောင်ဆရာတော်၊ မြို့နယ်သံဃနာယကဆရာတော်၊ သဗ္ဗညု ဩဝါဒ ဆရာတော်တို့က ဩဝါဒစကားများ အသီးသီးမိန့်ကြားခဲ့ကြောင်း သိရပါတယ်။

#ygm_mnn
#Yangon_Media_Group

#Local_News
Published _26 September 2022

အမြန်လမ်းတွင် ယနေ့ စက်တင်ဘာလ ၂၆ ရက် နံနက် ၅ နာရီကျော်အချိန်က ခရီးသည်တင်ယာဉ်တစ်စီး လမ်းလယ်ကျွန်းကို ဝင်တိုက်မိသောကြောင့် ယာဉ်နောက်လိုက်ဒဏ်ရာရသွားကြောင်း အမြန်လမ်း ရဲတပ်ဖွဲ့က သိရသည်။

ရန်ကုန်-မန္တလေးအမြန်လမ်းမကြီး မိုင်တိုင်အမှတ်(၁၅၁/၁-၂)ဖာလုံကြားတွင် နေပြည်‌တော်ဘက်မှရန်ကုန်ဘက်သို့ မောင်းနှင့်လာသော Express ခရီးသည်တင်ယာဉ်တစ်စီး၏ နောက်ဝဲဘက် ဘီးပေါက်ကာလမ်းလယ်ကျွန်းရှိ ဘာရီယာတုံးများကို ဝင်တိုက်မိကာ Unber Pass တံတားပေါ်၌ ကန်လန့်ဖြတ်ရပ်တန့်သွားခဲ့ခြင်း ဖြစ်ကြောင်း သိရသည်။

ယင်းအခင်းဖြစ်နေရာသို့ ဗောဓိကုန်းအမြန်လမ်းနယ်မြေ မီးသတ်စခန်း၊ဇီးပင်သာအမြန်လမ်းမကြီးရဲစန်းတို့မှ ကူညီကယ်ဆယ်ရေးလုပ်ငန်းများလုပ်ကိုင်ပေးခဲ့ရကြောင်း၊ ယာဉ်ပေါ်ပါခရီးသည်များ ဘေးကင်းကြကာ ဒဏ်ရာရသွားသည့် ယာဉ်နောက်လိုက် အမျိုးသားအား တောင်ငူပြည်သူဆေးရုံသို့ ပို့ဆောင်ထားကြောင်း သိရသည်။

#ymg/mt
#Yangon_Media_Group

Published 26 Sept 2022

အက်ပဲလ်ကုမ္ပဏီက ယင်းတို့ရဲ့ နောက်ဆုံးထုတ် iPhone 14 ကို အိန္ဒိယနိုင်ငံမှာ ထုတ်လုပ်မယ်လို့ ကြေညာလိုက်ပါတယ်။ ဒါဟာ နည်းပညာကုမ္ပဏီကြီးရဲ့ သူ့ရဲ့ ထုတ်လုပ်မှုလုပ်ငန်းတွေကို တရုတ်ကနေ အချို့ ဖယ်ခွာလာတာဖြစ်ပါတယ်။

ကုမ္ပဏီဟာ အထင်ကရ အိုင်ဖုန်းဖြစ်တဲ့ iPhone 14 စတင်ဖြန့်ချိမှုအခမ်းအနားကို ဒီလစောစောပိုင်းမှာာကျင်းပခဲ့ပါတယ်။ အဲဒီမှာ သူတို့ဟာ မျက်စေ့နောက်စရာကောင်းလှတဲ့ နည်းပညာအသစ်တွေထက်  လုံခြုံရေးတိုးမြှင့်တာကို အာရုံစိုက်ထားပါတယ်။

“ iPhone 14 lineup အသစ်ဟာ အမိုက်စား နည်းပညာအသစ်တွေနှင့်အတူ အရေးကြီးလှတဲ့ လုံခြုံရေးစွမ်းဆောင်ရည် တွေပါ ထည့်သွင်းထားပါတယ်။ အဲဒီ iPhone 14 ကို အိန္ဒိယမှာ ကျွန်တော်တို့ထုတ်လုပ်ရတာ စိတ်လှုပ်ရှားပါတယ်” လို့ အက်ပဲလ်က သတင်းထုတ်ပြန်ပါတယ်။

ဂျေပီ-မော်ဂန်ရဲ့သုံးသပ်မှုမှာတော့ အက်ပဲလ်ဟာ ၂၀၂၂နှစ်ကုန်ပိုင်းလောက်မှာ iPhone 14 ထုတ်လုပ်မှုအားလုံးရဲ့ ၅ ရာခိုင်နှုန်းခန့်  အိန္ဒိယကိုရွှေ့နိုင်တယ်လို့ဆိုပါတယ်။ အိန္ဒိယဟာ တရုတ်ပြီးရင် ကမ္ဘာပေါ်မှာ ဒုတိယမြောက် အကြီးဆုံးစမတ်ဖုန်း ဈေးကွက်ဖြစ်ပါတယ်။

၂၀၂၅ အရောက်မှာ အက်ပဲလ်ဟာ အိုင်ဖုန်း လေးလုံးတိုင်းမှာ တစ်လုံးကို အိန္ဒိယမှာ ထုတ်လုပ်သွားနိုင်တယ်လို့ ဂျေပီမော်ဂန်ကပြောပါတယ်၊

Source Reuters

#iphone14

#India_iPhone_producer

#Apple

#World_Politics
Published 26 September 2022

၂၀၁၉ ခုနှစ်တုန်းက 'ဂျော်ဂျီယာမယ်လိုနီ'ဟာ မိန့်ခွန်းတစ်ခုပြောကြားခဲ့ပါတယ်။

"ကျွန်မနာမည် ဂျော်ဂျီယာပါ၊ အမျိုးသမီးတစ်ယောက်ဖြစ်တဲ့အပြင် ကလေးအမေတစ်ယောက်လည်းဖြစ်ပါတယ်၊ အီတလီလူမျိုးဖြစ်ပြီးတော့ ခရစ်ယာန်ဘာသာဝင်တစ်ဦးပါ၊ ကျွန်မနဲ့ပတ်သက်တဲ့ အကြောင်းအရာတွေကို ဘယ်သူကမှ ယူဆောင်သွားလို့ မရပါဘူး" လို့ ထောက်ခံသူတွေကို ပြောကြားခဲ့ပါတယ်။

အခုနောက် ၃ နှစ်အကြာမှာတော့ အဆိုပါအမျိုးသားရေးဝါဒီခေါင်းဆောင်ဟာ အီတလီနိုင်ငံရဲ့ ပထမဆုံးအမျိုးသမီးဝန်ကြီးချုပ် ဖြစ်လာရန်အသင့်ဖြစ်နေပါပြီ။

တနင်္ဂနွေနေ့ အထွေထွေရွေးကောက်ပွဲ ယာယီရလာဒ်များအရ မယ်လိုနီရဲ့ အီတလီသွေးချင်းညီအစ်ကိုများအဖွဲ့(FdI)က မဲ ၂၆ ရာခိုင်နှုန်းနီးပါးဖြင့် ထိပ်ဆုံးမှဦးဆောင်နေပြီး ပါလီမန်နှစ်ဖွဲ့စလုံးက လက်ယာနိုင်ငံရေးပါတီအဖွဲ့ရဲ့ လူများစုနေရာတွေကို ဖယ်ရှားခိုင်းဖို့ တွန်းအားပေးလာပါတယ်။

နောက်ဆုံး အထွေထွေရွေးကောက်ပွဲ ၂၀၁၈ ခုနှစ်တုန်းက FdI အဖွဲ့ဟာ မဲဆန္ဒ ၄.၃ ရာခိုင်နှုန်းသာ ရရှိခဲ့ပါတယ်။

ပါတီအဖွဲ့ကြီးရဲ့ ခေါင်းဆောင်အနေနဲ့ 'မယ်လိုနီ'ဟာ အစိုးရအသစ်ဖွဲ့ရန် နိုင်ငံ့အကြီးအကဲက ခွင့်ပြုဖို့သေချာသလောက်ရှိနေပြီး လောင်စာစွမ်းအင်ဈေးနှုန်းမြင့်တက်ခြင်း၊ ယူကရိန်းစစ်ပွဲစတဲ့ ပြဿနာများနဲ့ ရင်ဆိုင်သွားရမှာ ဖြစ်ပါတယ်။

"ဒီညကျော်သွားရင် ကျွန်မတို့မှတ်ထားရမှာက အဆုံးသတ်သွားတာမဟုတ်ပါဘူး၊ အခုမှစမှာပါ၊ မနက်ဖြန်ကစပြီး ကျွန်မတို့ရဲ့အရည်အချင်းကို သက်သေပြရမှာပါ" လို့ အသက် ၄၅ နှစ်ရှိ 'မယ်လိုနီ'က တနင်္လာနေ့မနက်အစောပိုင်းမှာ ပြောကြားသွားပါတယ်။

'မယ်လိုနီ'ဟာ ဖက်ဆစ်ရှေးရိုးစွဲများကို အငြင်းအခုံမလုပ်ဘဲ ဆန်းသစ်ခွဲထွက်လာကာ အီတလီသွေးချင်းညီအစ်ကိုများ အဖွဲ့အသွင်အနေဖြင့် ကူးပြောင်းလာပြီးနောက် အဓိကလမ်းကြောင်းပေါ် တက်ရောက်လာနိုင်ခဲ့တာဖြစ်ပြီး ဒါဟာ သူအောင်မြင်ကျော်ကြားလာတဲ့ အခြေအနေနဲ့ ဆက်စပ်နေပါတယ်။

'မယ်လိုနီ'အခုလို ထောက်ခံမှုတွေရလာတာဟာ သူ့ရဲ့ခိုင်မာပြတ်သားတဲ့ သန္နိဌာန်ကြောင့်ဖြစ်တယ်လို့ မိတ်ဆွေများနဲ့ ဝေဖန်သူများကသုံးသပ်ကြပါတယ်။

'မယ်လိုနီ'ဟာ အသက် ၂၁ နှစ်မှာ ဒေသတွင်းရွေးကောက်ပွဲမှာ ပထမဆုံးအနိုင်ရခဲ့ပြီး အသက် ၃၁ နှစ်မှာ အီတလီရဲ့အငယ်ဆုံးဝန်ကြီးဖြစ်လာကာ ၂၀၀၈ ခုနှစ် 'ဘာလူစကိုနီ'အစိုးရအဖွဲ့ရဲ့ လူငယ်အဖွဲ့ဝင်ဖြစ်လာပါတယ်။

Source: Reuters
#Yangon_Media_Group

#Local_News
Published_ 26 September 2022

၂၀၂၂ ခုနှစ်တွင် တရုတ်နိုင်ငံ၏ အဆင့်မြင့်တက္ကသိုလ်များမှ ဘွဲ့ရရှိခဲ့သည့် မြန်မာထူးချွန်ကျောင်းသားကျောင်းသူ (၄၄)ဦးအား ယခုနှစ်အတွက်'တရုတ်- မြန်မာချစ်ကြည်ရေးပညာရည်ချွန်ဆု'များချီးမြှင့်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်၊၊

Peking University ၊ Beijing Foreign Studies University ၊ Central China Normal University စသည့်တရုတ်နိုင်ငံ၏ အဆင့်မြင့်တက္ကသိုလ်များမှ ဘွဲ့ရရှိခဲ့သူများကို ပညာရည်ချွန်ဆုချီးမြှင့်ပေးအပ်ခဲ့ခြင်း ဖြစ်သည်၊၊

စက်တင်ဘာလ ၂၅ ရက်နေ့တွင် မြန်မာနိုင်ငံဆိုင်ရာတရုတ်သံရုံးမှအွန်လိုင်းမှတစ်ဆင့်“၂၀၂၂ ခုနှစ် တရုတ်-မြန်မာချစ်ကြည်ရေး ပညာရည်ချွန်ဆု”ချီး မြှင့်ပေးအပ်ခြင်းအခမ်းအနားပြုလုပ်ပြီး ချီးမြှင့်ပေးအပ်ခဲ့ခြင်းဖြစ်သည်၊၊

အခမ်းအနားတွင် တရုတ်-မြန်မာ ပညာရေးနှင့် ယဉ်ကျေးမှု ကူးလူးဖလှယ်ပူးပေါင်းဆောင်ရွက်မှုတိုးမြှင့်ဆောင်ရွက်ရေး အပြင် 'တရုတ်နိုင်ငံတွင်ပညာသင်ကြားသည့် မြန်မာကျောင်းသားကျောင်းသူများသမဂ္ဂထူထောင်ရန်'တို့နှင့် စပ်လျဉ်း၍ ပညာတော်သင်ကျောင်းသားကျောင်းသူများက တက်တက်ကြွကြွဆွေးနွေးခဲ့ကြောင်း ထုတ်ပြန်ချက်တွင် ဖော်ပြထားသည်၊၊

အခမ်းအနားတွင် ယဉ်ကျေးမှုသံမှူး Mr. Pan Feng က "တရုတ်-မြန်မာ ဆွေမျိုးပေါက်ဖော် ချစ်ကြည်ရေးသည် ရှည်လျားသောသမိုင်းကြောင်း ရှိကြောင်း၊ ပြည်သူချင်း အေးအတူပူအမျှ ချစ်ခင်ရင်းနှီးစွာ ထိတွေ့ဆက်ဆံကြပြီး ယဉ်ကျေးမှု၊ ပညာရေးဆိုင်ရာ ပူးပေါင်းဆောင်ရွက်မှုများ တည်ငြိမ်စွာ မြှင့်တင်ဖော်ဆောင်လျက်ရှိကြောင်း၊ တရုတ်နိုင်ငံအစိုးရပညာသင်ဆု၏ ပံ့ပိုးမှုဖြင့် မြန်မာနိုင်ငံမှ ပညာသင်ကျောင်းသားကျောင်းသူ ထောင်နှင့်ချီသည် တရုတ်နိုင်ငံ၌ ပညာသင်ယူမှု ပြီးမြောက်ခဲ့ပြီး တရုတ်-မြန်မာ ကဏ္ဍစုံဖွံ့ဖြိုးတိုးတက်ရေးအတွက် အကျိုးထမ်းရွက်လျက်ရှိကြောင်း" ပြောကြားသည်။

မြန်မာကျောင်းသားကျောင်းသူများ၏ ဇွဲလုံ့လဝီရိယရှိမှုကို သံမှူး Mr. Pan Feng က အပြည့်အဝ အသိအမှတ်ပြုပြီး မြန်မာနိုင်ငံ ဖွံ့ဖြိုးတိုးတက်ရေး၏ ကျောရိုးမဏ္ဍိုင်နှင့် တရုတ်-မြန်မာဆွေမျိုးပေါက် ဖော်ချစ်ကြည်ရေးကို အားကောင်းစွာ မြှင့်တင်သူ၊ ထိန်းသိမ်းစောင့်ရှောက်သူ ဖြစ်လာစေရန် အားပေးတိုက်တွန်းခဲ့ကြောင်း ထုတ်ပြန်ချက်တွင်ဖော်ပြပါရှိ သည်၊၊

ပညာရည်ချွန်ဆုရရှိသည့် ကျောင်းသားကျောင်းသူကိုယ်စားလှယ်က "တရုတ်နိုင်ငံသို့သွားရောက် ပညာသင်ကြားသည့် မြန်မာကျောင်းသားကျောင်းသူများကို တရုတ်သံရုံးမှ ပံ့ပိုးကူညီမှုနှင့် အားပေးမှုများ ပေးအပ်သည့်အတွက် ကျေးဇူးတင်ရှိကြောင်း၊ အနာဂတ်တွင် တရုတ်-မြန်မာဆက်ဆံရေး ချစ်ကြည်ရင်းနှီးစွာ ဖွံ့ဖြိုးတိုးတက်ရေးကို ဆက်လက်မြှင့်တင်သွားမည်ဖြစ်ကြောင်း "ပြောကြားပါသည်။

ထို့နောက် ပညာတော်သင်ကျောင်းသားကျောင်းသူများသည် တရုတ်နိုင်ငံ၌ ပညာသင်ကြားခဲ့သည့်အတွေ့အကြုံများကို မျှဝေခဲ့ကြပြီး တရုတ်-မြန်မာ ပညာရေးနှင့် ယဉ်ကျေးမှု ကူးလူးဖလှယ်ပူးပေါင်းဆောင်ရွက်မှုများကို မည်သို့တိုးမြှင့်ဆောင်ရွက်ရန်၊ တရုတ်နိုင်ငံတွင်ပညာသင်ကြားသည့် မြန်မာကျောင်းသားကျောင်းသူများသမဂ္ဂ ထူထောင်ရန် တို့နှင့်စပ်လျဉ်း၍ တက်တက်ကြွကြွ ဆွေးနွေးခဲ့ကြသည်။

#ymg/tthl
#Yangon_Media_Group

#World_Health
Published 26 September 2022

ရုရှားလင်းနိုတွေထံမှာရှိနေတဲ့ ကိုဗစ်လိုမျိုးဗိုင်းရပ်စ်ဟာ လူသားတွေထံ ကူးစက်လာနိုင်ကြောင်း သိပ္ပံပညာရှင်များက သတိပေးလိုက်ပါတယ်။

အမေရိကန်ဗိုင်းရပ်စ် ကျွမ်းကျင်ပညာရှင်တွေက Khosta-2 ခေါ့စ်တာ-၂ လို့ခေါ်တဲ့ ရောဂါပိုးအကြောင်း စမ်းသပ်လျက်ရှိရာ ကိုဗစ်ကပ်ရောဂါကာလအတွင်း ထိုးထားတဲ့ကာကွယ်ဆေးတွေကို ခံနိုင်ရည်ရှိကြောင်း တွေ့ရှိခဲ့ပါတယ်။

သူက ကိုဗစ်ဗိုင်းရပ်စ်ကဲ့သို့ လူသားဆဲလ်တွေကို အလွယ်တကူချိတ်တွယ်နိုင်ပါတယ်။

ရုရှားအစိုးရနဲ့ဆက်နွယ်နေတဲ့ ပညာရှင်များက ခေါ့စ်တာ-၂ ဗိုင်းရပ်စ်တည်ရှိနေတယ်လို့ ပြီးခဲ့တဲ့မေလက မှတ်ချက်ပြုလိုက်ပါတယ်။

အဆိုပါ လင်းနို့ဗိုင်းရပ်စ်တွေကို ၂၀၂၀ မတ်လမှ အောက်တိုဘာလအတွင်း ရရှိတဲ့နမူနာတွေမှာ စတင်တွေ့ရှိခဲ့တာဖြစ်ပါတယ်။

ရုရှားကျန်းမာရေးဝန်ကြီးဌာနအခွဲဖြစ်တဲ့ ဂါမာလယ်ယာအမျိုးသားသုတေသနစင်တာမှာရှိတဲ့ သုတေသီတွေက ဆိုချီအမျိုးသားဥယျာဉ်မှာနေထိုင်တဲ့ လင်းနို့တွေကို စောင့်ကြည့်ခဲ့ကြပါတယ်။

မြို့အစွန်မှာရှိတဲ့ ရာပေါင်းများစွာသော လှိုဏ်ဂူတွေထဲမှာ နေထိုင်တဲ့လင်းနို့တွေဖြစ်ပါတယ်။

ခေါ့စ်တာ-၂ ဗိုင်းရပ်စ်ကို ကိုရိုနာဗိုင်းရပ်စ်မျိုးရိုးဖြစ်တဲ့ ဆာဘီကိုဗိုင်းရပ်စ်အမျိုးအစားအဖြစ် သတ်မှတ်ထားပါတယ်။

ဝါရှင်တန်ပြည်နယ်တက္ကသိုလ်မှ သုတေသီများက ဗိုင်းရပ်စ်ကို စမ်းသပ်မှုများပြုလုပ်ဖို့ ဆုံးဖြတ်လိုက်ပါတယ်။

ခေါ့စ်တာ-၂ ဗိုင်းရပ်စ်ကလည်း ကိုရိုနာဗိုင်းရပ်စ်ကဲ့သို့ လူသားဆဲလ်တွေကို ကူးစက်နိုင်ကြောင်း စမ်းသပ်မှုများအရ တွေ့ရှိရပါတယ်။

စပိုက်ခ်ပရိုတိန်းကဲ့သို့ပင် ACE-2 ကို ဗိုင်းရပ်စ်က ချိတ်ဆက်တာဖြစ်ပါတယ်။

ဒါပေမဲ့လည်း ကိုရိုနာဗိုင်းရပ်စ်လောက်တော့ ကူးစက်မှုမြန်ဆန်မှုမရှိဘူးလို သိပ္ပံပညာရှင်များက ယူဆနေကြပါတယ်။

ဒါ့အပြင် ထိုဗိုင်းရပ်စ်ကို ကာကွယ်ဆေး ဒါမှမဟုတ် ဆေးများဖြင့် တိုက်ဖျက်နိုင်မလား၊ လူသားတွေဆီ ကူးစက်နိုင်မလားဆိုတာကိုလည်း လေ့လာခဲ့ကြပါတယ်။

Eli Lily ကထုတ်တဲ့ ပဋိပစ္စည်းဆေးတစ်မျိုးကိုတော့ ထိုဗိုင်းရပ်စ်က လုံးဝခံနိုင်ရည်ရှိနေပါတယ်။

ခေါ့စ်တာ-၂ ဗိုင်းရပ်စ်ဟာ မိုဒါနာနဲ့ ဖိုင်ဇာကာကွယ်ဆေးနှစ်မျိုးစလုံးကိုလည်း ခံနိုင်ရည်ရှိနေပြန်တယ်။

ရာနဲ့ချီတဲ့ ဆာဘီကိုဗိုင်းရပ်စ်အများစုဟာ လူတွေကိုမကူးစက်နိုင်ဘူးလို မှတ်ချက်ပြုထားပါတယ်။

ဒါပေမဲ့သူတို့ရဲ့တွေ့ရှိချက်အရ ဒီဗိုင်းရပ်စ်ဟာ ကမ္ဘာ့ကျန်းမာရေးကို ခြိမ်းခြောက်နိုင်ပြီး စွယ်စုံရကိုရိုနာဗိုင်းရပ်စ်ကာကွယ်ဆေးထုတ်လုပ်ဖို့ အရေးတကြီး လိုအပ်ကြောင်း ဖော်ပြခဲ့ပါတယ်။

Source: Daily Mail
#Yangon_Media_Group

#World_Health
Published 26 September 2022

ငှက်ပျောသီးက တစ်နှစ်ပတ်လုံးသီးတဲ့ အသီးမျိုးဖြစ်ပါတယ်။

ငှက်ပျောသီးနေ့တိုင်းစားလို့ ကျန်းမာရေးအတွက်သင့်တော်ပါ့မလား?
နေ့စဉ်ငှက်ပျောသီး ၂ လုံး ၃ လုံးစားရင် ဘာတွေဖြစ်နိုင်သလဲဆိုတာကို ဖော်ပြလိုက်ပါတယ်။

(၁) အားအင်ပြည့်ဖြိုးခြင်း

ငှက်ပျောသီးက အလွန်အားအင်ပြည့်ဖြိုးတဲ့ အသီးဖြစ်ပါတယ်။

အားဖြည့်အချိုရည်ကရတဲ့ ပမာဏလောက်ကို ရရှိနိုင်ပါတယ်။

အားဖြည့်အချိုရည်နဲ့ မတူညီတာက ငှက်ပျောသီးဟာ အဟာရဓာတ်လည်း ကြွယ်ဝတာကြောင့် ကျန်းမာရေးနဲ့ ညီညွတ်ပါတယ်။

အားကစားသမားတွေဆိုရင် တစ်နေ့ကို ငှက်ပျောသီး ၂ လုံး ၃ လုံးစားပေးပါက ကြွက်သားကြွက်တက်ခြင်း မဖြစ်စေနိုင်ပါဘူး။
ပိုတက်ဆီယမ်လည်းကြွယ်ဝတာကြောင့် အလျင်အမြန်သက်သာစေပါတယ်။

(၂) အစာကြေခြင်း

ငှက်ပျောသီးက အမျှင်ဓာတ်အလွန်ကြွယ်ဝပါတယ်။

တစ်နေ့ကို ၂ လုံး ၃ လုံးလောက်စားပေးရင် အစာချေနှုန်းကို ထိန်းညှိပေးပါတယ်။

ငှက်ပျောသီးက ဗိုက်ပြည့်ဝစေပါတယ်။

ဒါကြောင့် ငှက်ပျောသီးလုံလောက်စွာစားရင် ဝမ်းချုပ်ခြင်းပြဿနာကင်းစေပါတယ်။

(၃) ကိုယ်အလေးချိန်ကျခြင်း

ဝိတ်ကျချင်တယ်ဆိုရင် ငှက်ပျောသီးက အထောက်အကူဖြစ်စေပါတယ်။

ကိုယ်ခန္ဓာထဲကဆဲလ်တွေ အဆီစုပ်ယူခြင်းကို ကန့်သတ်ပေးပါတယ်။

ဒီကောင်းကျိုးရဖို့အတွက်ကတော့ သင့်တင့်မျှတတဲ့ အစားအစာစားပေးဖို့ လိုပါတယ်။

(၄) နှလုံးသွေးကြောများကောင်းမွန်စေခြင်း

အမျှင်ဓာတ်ကြွယ်ဝတဲ့ အစားအစာတွေက နှလုံးအတွက်လည်း ကောင်းမွန်ပါတယ်။

ပိုတက်ဆီယမ်က သွေးဖိအားကိုကောင်းမွန်စေသလို တစ်နေ့ကို ၂ လုံး ၃ လုံးစားသုံးပေးပါက နှလုံးသွေးကြောဆိုင်ရာရောဂါများ ကာကွယ်ပေးပါတယ်။

(၅) စိတ်အားအင်ကောင်းမွန်စေခြင်း

ငှက်ပျောသီးက မဂ္ဂနီဆီယမ်ကြွယ်ဝတာကြောင့် စိတ်အခြေအနေကောင်းမွန်စေပါတယ်။

စိုးရိမ်စိတ်၊ စိတ်ဖိအားတို့ကို သက်သာစေပြီး စိတ်ဓာတ်မြှင့်တင်ပေးပါတယ်။

ဒါ့အပြင် ညအိပ်တဲ့အခါမှာလည်း အိပ်ပျော်စေပါတယ်။

Source: Soo Healthy
#Yangon_Media_Group

Published 25 Sept 2022

တရုတ်နိုင်ငံဟာ ယင်းရဲ့ ပထမဆုံး ပြည်တွင်းထုတ် လေယာဉ်တင်သင်္ဘောကြီး လျောင်နင်း စတင်တာဝန်ထမ်းဆောင်ကတည်းက  ရေကြောင်း တိုက်ခိုက်ရေးစွမ်းရည်တွေဟာ သိသိသာသာတိုးတက်လာခဲ့တယ်လို့ တရုတ်အစိုးရ မီဒီယာတွေကပြောပါတယ်။

လျောင်နင်းကို ၂၀၁၂ခုနှစ် စက်တင်ဘာလမှာ တရုတ်ပြည်သူ့လွတ်မြောက်ရေးတပ်မတော် ထံ ပေးအပ်ခဲ့တာဖြစ်ပါတယ်။

လွန်ခဲ့တဲ့ ၁၀နှစ်ကျော်ကာလမှာ back-to-back (ဘက်တူဘက်) စနစ်ထိပ်တိုက်တွေ့မှုနှင့် လက်တွေ့တိုက်ပွဲလေ့ကျင့်ခန်း တွေကနေတစ်ဆင့် ပလက်ဖောင်းတစ်ခုမှသည်  တိုက်ပွဲဖွဲ့စည်းမှုအထိ၊ အသေးစားစနစ်လေ့ကျင့်မှုမှသည် အကြီးစားပူးတွဲစစ်ဆင်ရေးတွေအထိ လျောင်နင်းလေယာဉ်တင်စစ်သင်္ဘောကြီးရဲ့ ဖွဲ့စည်းပုံဟာ သင်္ဘောတွေ၊ရေငုပ်သင်္ဘောတွေနှင့် လေယာဉ်တွေကို  ကောင်းစွာ စုဖွဲ့ပေါင်းစပ်ပေးနိုင်ခဲ့တာဖြစ်ပါတယ်။  ဖွဲ့စည်းမှုရဲ့ တိုက်ပွဲစွမ်းရည်ဟာဆက်တိုက်တိုးတက်လာတယ်လို့လည်း ဆိုပါတယ်။

 လက်ရှိမှာ လျောင်နင်းဟာ ပစိဖိတ်အနောက်ပိုင်းသမုဒ္ဒရာမှာ လေ့ကျင့်ရေးလုပ်ငန်းတွေ လုပ်ဆောင်နေပါတယ်။  လျောင်နင်း လေယာဉ်တင်သင်္ဘောဖွဲ့စည်းမှုကနေ အရှိန်မြင့်မားစွာဖြင့် ပျံသန်းနေတဲ့အမျိုးအမည်မသိ လေယာဉ်အုပ်စုတွေကို ထောက်လှမ်းနိုင်ခဲ့ပါတယ်။ 

ဖွဲ့စည်းမှုဟာ မိနစ်အနည်းငယ်အတွင်းမှာပဲ တိုက်ပွဲအစီအစဉ်တွေနှင့် တုန့်ပြန်နိုင်စွမ်းရှိခဲ့ပါတယ်။   အမိန့်ပေးစစ်စခန်းကနေ တိုက်ခိုက်ဖို့ အမိန့်ပေးနိုင်ပါတယ်။ ပြီးတော့ J-15 တိုက်လေယာဉ်တွေ ပစ်မှတ် လေပိုင်နက်ထဲ ဦးတည်ပျံသန်းနိုင်ပါတယ်။  များစွာသော တိုက်ပွဲနည်းနာတွေကတစ်ဆင့် တင်းကြပ်တဲ့ တိုက်စစ်နှင့်ခံစစ်တွေကို ဖွဲ့စည်း တည်ဆောက်နိုင်ခဲ့ပါတယ်လို့ သတင်းထုတ်ပြန်ထားပါတယ်။

၂၀၁၇ခုနှစ်မှာ 901 အမျိုးအစား သမုဒ္ဒရာသွား ထောက်ပို့ ရေယာဉ် ဟူလန်ဟူကို အဆိုပါ ဖွဲ့စည်းမှုပုံစံအထဲ စတင်တာဝန်ပေးနိုင်ခဲ့ပါတယ်။ ပြီးခဲ့တဲ့နှစ်က  အနောက်ပိုင်းပစိတ်ဖိတ် သမုဒ္ဒရာမှာ ဟူလန်ဟူဟာ လျောင်နင်းလေယာဉ်တင်သင်္ဘောကို ရေကြောင်းဆိုင်ရာ ဖြည့်တင်းမှုအောင်မြင်စွာ ပြီးဆုံးခဲ့ပါတယ်။ ရန်သူတွေရဲ့ ခြိမ်းခြောက်မှုအောက်ကနေ အကြီးစားဖြစ်တဲ့ နေ့ ည ကာလရှည်ထောက်ပို့မှုတွေကို  ထူးခြားအောင်မြင်စွာ ဆောင်ရွက်နိုင်ခဲ့ကြပါတယ်။

တရုတ်ရဲ့ပထမဆုံး 055  ပုံစံ ပဲ့ထိန်းဒုံးဖျက်သင်္ဘော နန်ချန်းဟာလည်း ဖွဲ့စည်းမှုပုံစံထဲ ပူးပေါင်းပါဝင်ခဲ့ပါတယ်။

“ကျွန်တော်တို့ရဲ့ လေယာဉ်တင်သင်္ဘော ဖွဲ့စည်းမှုဟာ  မတူတဲ့ လုပ်ငန်းတာဝန်ပေါ်မူတည်လုပ်ဆောင်တာပါ။  တိုက်ပွဲ အုပ်စုဝင်တွေကို မစ်ရှင်ချက်ခြင်းစနိုင်အောင် ယာယီရွေးချယ်တာဝန်ပေးပါတယ်။  အဲဒါကြောင့် ကျွန်တော်တို့ဟာ  စံမှီတဲ့ အကဲဖြတ်ယန္တယားတစ်စုံကို မိတ်ဆက်နိုင်ခဲ့ပါတယ်။ ပြီးခဲ့တဲ့ (၂)နှစ်အတွင်း အရာရှိတွေနှင်စစ်သည်တွေ အကဲဖြတ်မှု ပိုမိုအောင်မြင်လာခဲ့ကြပါတယ်။ ကျွန်တော်တို့ဆီမှာ တာဝန်ပေးဖို့ ကြီးမားတဲ့ ရွေးချယ်မှုရှိပြီးဖြစ်ပါတယ်” လို့ လျောင်နင်း လေယာဉ်တင်သင်္ဘောရဲ့ ကပ္ပတိန် ချေးယွန်ဂန်ကပြောပါတယ်။

Source CCTV+

#Aircraft_carrier_Liaoning

#China_Navy

#China_Military_Power

#TV Yangon Times Matters အစီအစဉ်
Published - 25 Sep 2022

အစီအစဉ်တင်ဆင်သူ ဆရာဟိန်းလတ်က အသက် (၁၄)နှစ်အရွယ်သာရှိသေးတဲ့ ပန်းချီဆရာစွမ်းထက်နိုင်နှင့်အတူ

-"အသက် ၃ နှစ်သားလောက်က ပန်းချီစဆွဲခဲ့ပြီး အချိန်တိုအတွင်းမှာ ပန်းချီကားပေါင်း ၆၀‌ ကျော်ရေးဆွဲခဲ့ပြီးကြောင်း

-မော်ဒန်ပန်းချီဆိုတာ ဆန်းသစ်ပြီး ကိုယ်ဖန်တီးချင်တိုင်း ဖန်တီး၍ရသောကြောင့် မော်ဒန်ပန်းချီ‌ရေးဆွဲခဲ့တာဖြစ်ကြောင်း

-ပထမဆုံး တစ်ကိုယ်တော်ပန်းချီပြပွဲကို အောက်တိုဘာ ၁ ရက်နေ့မှ ၃ ရက်နေ့ထိလောကနတ်ပန်းချီပြခန်းတွင် ပြသသွားမည်ဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published_ 25 September 2022

လာမယ့်နိုဝင်ဘာလမှာ စာကြည့်တိုက်လှုပ်ရှားမှုအဖြစ် ကလေးစာပေပွဲတော်တွေ ပြန်လည်ပြုလုပ်သွားဖို့ရှိတယ်လို့ သမိုင်းသုတေသနနှင့်အမျိုးသားစာကြည့်တိုက်ဦးစီးဌာန၊ ညွှန်ကြားရေးမှူးချုပ် ဦးအောင်မြင့်ကပြောပါတယ်၊၊

#Yangon_Media_Group

#TV Yangon Times Matters အစီအစဉ်
Published - 25 Sep 2022

အစီအစဉ်တင်ဆင်သူ ဆရာဟိန်းလတ်က အသက် (၁၄)နှစ်အရွယ်သာရှိသေးတဲ့ ပန်းချီဆရာစွမ်းထက်နိုင်နှင့်အတူ

-"အသက် ၃ နှစ်သားလောက်က ပန်းချီစဆွဲခဲ့ပြီး အချိန်တိုအတွင်းမှာ ပန်းချီကားပေါင်း ၆၀‌ ကျော်ရေးဆွဲခဲ့ပြီးကြောင်း

-မော်ဒန်ပန်းချီဆိုတာ ဆန်းသစ်ပြီး ကိုယ်ဖန်တီးချင်တိုင်း ဖန်တီး၍ရသောကြောင့် မော်ဒန်ပန်းချီ‌ရေးဆွဲခဲ့တာဖြစ်ကြောင်း

-ပထမဆုံး တစ်ကိုယ်တော်ပန်းချီပြပွဲကို အောက်တိုဘာ ၁ ရက်နေ့မှ ၃ ရက်နေ့ထိလောကနတ်ပန်းချီပြခန်းတွင် ပြသသွားမည်ဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published-25 Setember 2022

၂၀၂၂-၂၀၂၃ ဘဏ္ဍာနှစ်ရဲ့ ခုနှစ်လတာကာလအတွင်းမှာ ကန်ဒေါ်လာ ၁၁၂၄၅ ဒသမ ၄၇၈ သန်း ကုန်သွယ်မှုပြုလုပ်နိုင်ခဲ့တယ်လို့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနရဲ့ ထုတ်ပြန်ထားတဲ့ စာရင်းတွေအရ သိရပါတယ်။

#Yangon_Media_Group