#Covid_Vaccine
Published 23 July 2022

ကိုဗစ်ရောဂါကာကွယ်ဆေးတွေက ဆေးရုံတက်ကုသခံယူခြင်းနဲ့ အသက်သေဆုံးခြင်းတို့မှ ကာကွယ်ပေးနိုင်ပေမယ့် လေ့လာတွေ့ရှိချက်အသစ်တစ်ခုမှာတော့ ကာကွယ်ဆေးထိုးပြီး ၃ လအကြာမှာ ပဋိပစ္စည်း (antibody) ပမာဏလျော့နည်းလာကြောင်း တွေ့ရှိခဲ့ပါတယ်။

အမျိုးသား ကျန်းမာရေးအဖွဲ့အစည်းရဲ့ စမ်းသပ်လေ့လာချက်ကို Cell Reports Medicine မှာ အင်္ဂါနေ့က ဖော်ပြခဲ့ပါတယ်။

အဓိကလေ့လာခဲ့တာကတော့ အိုမီခရွန် မျိုးဗီဇကွဲဖြစ်ပြီး ထိုမျိုးဗီဇကွဲက အရင်မျိုးဗီဇကွဲတွေလိုမဟုတ်ဘဲ ကာကွယ်ဆေးကြောင့်ရတဲ့ ကိုယ်ခန္ဓာက ရောဂါခုခံအားကို ရှောင်ရှားနိုင်ကာ ၂၀၂၁ နှစ်ကုန်ပိုင်းမှာ ကပ်ရောဂါပဥ္စမမြောက်လှိုင်းဖြစ်ခဲ့ပါတယ်။

စမ်းသပ်ချက်ပြုလုပ်ရာမှာ အရေးပေါ်ထိုးနှံခြင်းခွင့်ပြုချက်အတိုင်း ကိုဗစ်ကာကွယ်ဆေး မူလနှစ်ကြိမ်ထိုးနှံထားတဲ့ အမေရိကန်မှ အရွယ် ရောက်ပြီးသူတွေကို ကိုဗစ်အားမြှင့်ကာကွယ်ဆေး(booster)ထိုးနှံပေးခဲ့ပါတယ်။

အချို့လူတွေက ထိုးနှံရတဲ့ကာကွယ်ဆေးအမျိုးအစားတူညီသလို အချို့ကတော့ အမျိုးအစားမတူညီခဲ့ကြဘဲ သူတို့ရဲ့ကိုယ်ခံအားတုံ့ပြန်မှုကို အချိန်အတိုင်းအတာတစ်ခုအထိ စောင့်ကြည့်ခဲ့ကြပါတယ်။

ဆေးထိုးပြီး ၃ လအကြာမှာ အိုမီခရွန်ကိုကာကွယ်နိုင်မယ့် ပဋိပစ္စည်းကိုယ်ခံအားပမာဏက ၂.၄ ဆကနေ ၅.၃ ဆအထိ လျော့နည်းသွားခဲ့ပါတယ်။

အဆိုပါ တွေ့ရှိချက်ဟာ လက်တွေ့ထိုးနှံကာကွယ်ခြင်းတင်ပြချက်များအတိုင်းထပ်တူကျနေပြီး အိုမီခရွန်ကူးစက်လှိုင်းအတွင်း မူလကာကွယ်ဆေးအကြိမ်ရေနဲ့ အားမြှင့်ကာကွယ်ဆေးထိုးထားတဲ့သူတွေမှာပါ ရောဂါကာကွယ်နိုင်စွမ်းကျဆင်းသွားကြောင်း သုတေသီများကဖော်ပြထားပါတယ်။

ထိုတွေ့ရှိချက်များအရ အနာဂတ်ကာကွယ်ဆေးထိုးနှံခြင်း ကာလအပိုင်းအခြားနဲ့ မျိုးဗီဇကွဲကာကွယ်ဆေးလိုအပ်ခြင်းရှိ/မရှိ ဆုံးဖြတ်ချက်ချနိုင်မှာ ဖြစ်ပါတယ်။

အာနိသင်သက်တမ်းတိုးပေမယ့်လဲ ကိုရိုနာဗိုင်းရပ်စ်ကာကွယ်ဆေးက ခန္ဓာကိုယ်ထဲကရောဂါခုခံအားကို မြှင့်တင်ပေးနိုင်ပါတယ်။

ပြည်သူ့ကျန်းမာရေးယေးလ်တက္ကသိုလ်ရဲ့ လေ့လာချက်အရ mRNA ကာကွယ်ဆေးကရတဲ့ ပဋိပစ္စည်းပမာဏက သဘာဝအတိုင်းရောဂါကူးစက်ခြင်းကရတဲ့ ပမာဏထက်များတာကြောင့် ကာကွယ်ဆေးထိုးထားတဲ့သူတွေက ကာကွယ်ဆေးမထိုးထားတဲ့သူတွေနဲ့ ရောဂါမှသက်သာလာသူတွေထက် ရောဂါခုခံအား ပိုကောင်းပါတယ်။

အာနိသင်လျော့နည်းတာကြောင့် ကိုဗစ်အားမြှင့်ကာကွယ်ဆေးကို အချိန်မှန်ထိုးနေဖိုလည်းလိုအပ်ကြောင်း ယေးလ်တက္ကသိုလ်က ဆိုပါတယ်။

Source: The Jerusalem Post
#Yangon_Media_Group

#WorldAgriculture
Published 22 July 2022

အသက် ၈၀ ကျော်အိန္ဒိယလူမျိုး'ကာလင်းမ်အူလာခန်း'က မနက်အရုဏ်မိုးသောက်ချိန်တိုင်း အိပ်ရာထ၊ ဘုရားဝတ်ပြုကာ သက်တမ်းနှစ် ၁၂၀ ရှိတဲ့ သူ့ရဲ့သရက်ပင်ကြီးဆီကို ၁ မိုင်လောက်လမ်းလျှောက်ပြီး လာလေ့ရှိပါတယ်။

#Yangon_Media_Group

Published: 22 July 2022

တရုတ်နိုင်ငံရဲ့ ပထမဆုံး မောင်းသူမဲ့ သယ်ယူပို့ဆောင်ရေးလုပ်ငန်း စီးပွားဖြစ် ရှေ့ပြေးဇုန်ကို မြို့တော် ဘေဂျင်းမှာ ဗုဒ္ဓဟူးနေ့က တရားဝင်ဖွင့်လှစ်ပေးလိုက်ပါတယ်။

ရှေ့ပြေးဇုန်ဟာ ဘေဂျင်းရဲ့ စီးပွားရေးနှင့်နည်းပညာဖွံ့ဖြိုးတိုးတက်ရေးဧရိယာထဲမှာ ၆၀ စတုရန်းကီလိုမီတာ ကျယ်ဝန်းပါတယ်။ အဲဒီနေရာမှာ မောင်းသူမဲ့ ယာဉ် အစီး၃၀ ဟာ  ပုံမှန် သယ်ယူပို့ဆောင်ရေးလုပ်ငန်းတွေကို ဆောင်ရွက်ကြပါလိမ့်မယ်။

ပြီးခဲ့တဲ့ နှစ် ဧပြီလမှာ ဘေဂျင်း အလိုအလျောယာဉ်မောင်းဌာနက လမ်းပေါ် ခရီးသည်တင်ဆောင် စမ်းသပ်မောင်းနှင်ခွင့် လိုင်စင်ထုတ်ပေးပြီးကတည်းက လမ်းပေါ်စမ်းသပ်မောင်းနှင်မှုစုစုပေါင်း ကီလိုမီတာ သုံးသိန်းကျော်ရှိခဲ့ပြီး အော်ဒါမှာ စီးနင်းမှုပေါင်း လေးသိန်း သုံးသောင်း ကျော်ရှိခဲ့ပါတယ်။

စမ်းသပ်မောင်းနှင်ပြီးနောက် ပြုပြင်မွမ်းမံတာတွေ ဆက်တိုက်လုပ်ပြီးတဲ့နောက် မောင်းသူမဲ့ ယာဉ်တွေရဲ့ အမြန်နှုန်းနှင့် သက်သောင့်သက်သာရှိမှုတွေ ဖြည်းဖြည်းချင်းတိုးတက်လာခဲ့ပါတယ်။

“ ကျွန်တော်တို့ ပထမဆုံး ကားကို စီးတုန်းက အမြန်နှုန်းဟာ တစ်နာရီကို ၂၅ ကီလိုမီတာရှိခဲ့ပါတယ်။ အခုဆိုရင် အမြန်နှုန်းက တစ်နာရီကို ကီလိုမီတာ ၅၀ ကနေ ၆၀ အထိရလာပါပြီ” လို့ ဘေဂျင်းဒေသခံ မစ္စတာလျူက ပြောပါတယ်။

ဘေးအန္တရာယ်ကင်းရှင်းရေး စိတ်ချရစေဖို့အတွက် မောင်းသူမဲ့ ယာဉ်တွေတိုးမြှင့်သုံးစွဲလာနိုင်ရေး ဒေသအစိုးရတွေက အနာဂတ်မှာ မူဝါဒပိုင်းနှင့် ငွေကြေးပိုင်းကို ထောက်ပံ့ကူညီမှုတွေပြုလုပ်သွားမှာဖြစ်တယ်လို့သိရပါတယ်။

#Source_CCTV+

#China's_first_unmanned_transport_service

#China_selfdriving_taxi

#China_High_Tech

#Local_News
Published _ 22 July 2022

မြန်မာနိုင်ငံက ဆီစက်လုပ်ငန်းရှင်တွေကို ချေးငွေထုတ်ပေးဖို့ စီစဉ်နေတယ်လို့ မြန်မာနိုင်ငံ ဆီစက်လုပ်ငန်းရှင်များအသင်းက သိရပါတယ်။

#Yangon_Media_Group

#Local_News
Published _ 22 July 2022

Yangon Water bus တွေကို လာမယ့် အောက်တိုဘာလ ၁ရက်နေ့ကစတင်ပြီး နေရာ ၅ နေရာ သတ်မှတ်ကာ ပြန်လည်ပြေးဆွဲသွားတော့မယ်လို့ သိရပါတယ်။

#Yangon_Media_Group

#Local_News
Published _ 22 July 2022

ကျန်းမာရေးဝန်ကြီးဌာနလက်အောက်ရှိ ဌာနခွဲများနှင့် ဆေးရုံများ၊ သင်ကြားရေးဆေးရုံကြီးများ၌ ယခု၂၀၂၂-၂၀၂၃ ခုနှစ် ဘဏ္ဍာနှစ်မှစ၍ အလုပ်သင်ဆရာဝန်အဖြစ် နိုင်ငံတော်တာဝန်ထမ်းဆောင်သူများကို အလုပ်သင်ဆရာဝန်ချီးမြှင့်ငွေ တိုးမြှင့်ချီးမြှင့်ပေးသွားရန် နစကမှ ခွင့်ပြုပြီးဖြစ်ကြောင်း ကျန်းမာရေးဝန်ကြီးဌာနမှ သိရသည်။

အလုပ်သင်ဆရာဝန်ချီးမြှင့်ငွေများ မည်သည့်အတိုင်းတာအထိ တိုးမြှင့်ပေးသွားမည်ကို ကျန်းမာရေးဌာ၏ ထုတ်ပြန်ချက်၌ ဖော်ပြထားခြင်းမရှိပေ။

၂၀၂၂-၂၀၂၃ ခုနှစ်မှ ဝင်ရောက်၍ နိုင်ငံတော်တာဝန် စတင်ထမ်းဆောင်မည့် အလုပ်သင်ဆရာဝန်များအနေနှင့် ရန်ကုန်၊ မန္တလေး၊ မကွေးဆေးတက္ကသိုလ်များရှိ နောက်ဆုံးနှစ်သင်တန်းဆင်းသူ ၃၃၂ ဦးနှင့် ရန်ကုန်၊မန္တလေးသွားဘက်ဆိုင်ရာ ဆေးတက္ကသိုလ်များမှ နောက်ဆုံးနှစ်သင်တန်းဆင်းသူ ၆၆ ဦး စုစုပေါင်း အလုပ်သင်ဆရာဝန် ၃၉၈ဦးအား ကျန်းမာရေးဌာနလက်အောက်တွင် အလုပ်သင်ဆရာဝန်အဖြစ် သတ်မှတ်အချိန်အထိ တာဝန်ထမ်းဆောင်ရမည်ဖြစ်ကြောင်း သိရသည်။

အလုပ်သင်ဆရာဝန် အယောက် ၃၀၀ ကျော်ဟာ ဇူလိုင်လ ၁၈ရက်က စတင်၍ ၁နှစ်အကြာသည်အထိ ကျန်းမာရေးဝန်ကြီးဌာနလက်အောက်မှာ အလုပ်သင်အဖြစ် အလုပ်လုပ်ရမှာဖြစ်ပြီး တာဝန်ထမ်းဆောင်နေချိန်၌လည်း လုပ်သက်ကန့်သတ်ထားခြင်းမရှိဘဲ ဘာသာရပ်သင်ပညာရပ်(၁၁)ခု၏ ပါရဂူကျွမ်းကျင်သင်တန်းများကို ဆက်လက်တက် ရောက်နိုင်မှာဖြစ်ကြောင်း ကျန်းမာရေးဝန်ကြီးဌာနက အသိပေးထုတ်ပြန်ထားရှိသည်။

ymg/NN
#Yangon _ Media _Group

#Local_News
Published - 21 July 2022

၂၀၂၂-၂၀၂၃ ဘောလုံးရာသီ အင်္ဂလန်ပရီးမီးယားလိဂ် ပွဲစဉ်အားလုံးကို ဩဂုတ်(၆)ရက်နေ့ စနေနေ့မနက်(၁) နာရီခွဲမှ စတင်ပြီး SKYNET ရုပ်သံလိုင်းကနေ တိုက်ရိုက် (live) ကြည့်ရူနိုင်မှာဖြစ်တယ်လို့ သိရပါတယ်၊၊

#Yangon_Media_Group

#Local_News
Published _ 22 July 2022

မလေးရှားနိုင်ငံ၊ ပီနန်း ဘာတာဝပ်မြို့မှာ စွန့်ပစ်ပြာပုံပြိုကျပြီး မီးလောင်ခံရ၍ ဆေးကုသမှု ခံယူနေလျက်ရှိသည့် မြန်မာလုပ်သားတစ်ဦး ထပ်မံသေဆုံးသွားကြောင်း ယင်းအား ကူညီဆောင်ရွက်ပေးနေသည့် ဒါနကုသလနာရေးကူညီမှုအသင်းထံက သိရသည်။

ယင်းစွန်ပစ်ပြာပုံကို ဇွန်လ ၂၈ ရက်က မြန်မာလုပ်သားလေးဦးနှင့် ဘင်္ဂလားဒေ့ရှ် နိုင်ငံသားတစ်ဦးတို့ စုပုံနေစဉ် ရုတ်တရက်ပြိုကျပြီး အတွင်းမှာလှိုက်လောင်နေသည့် မီးပုံထဲကျသွားခဲ့ခြင်းဖြစ်ကြောင်း သိရသည်။

အဆိုပါ ဖြစ်ရပ်ကြောင့် အခင်းဖြစ်ရာ နေရာမှာတင် မြန်မာလုပ်သားတစ်ဦးနှင့် ဘင်္ဂလားဒေ့ရှ်နိုင်ငံသား သေဆုံးခဲ့ပြီး နောက်ထပ်မြန်မာလုပ်သားတစ်ဦး ဆေးကုသမှုခံယူနေစဉ် ယမန်နေ့က ထပ်မံသေဆုံးသွားကြောင်း သိရှိရသည်။

ယခု ထပ်မံသေဆုံးသွားသူဟာ ဧရာဝတီတိုင်းဒေသကြီး ညောင်တုန်းမြို့နယ် ပါလှဲကျေးရွာအုပ်စု၊ ကွမ်းခြံကုန်းရွာနေ အသက်(၃၀)အရွယ် ကိုဖြိုးဝေထွဋ် ဖြစ်ကြောင်း ဒါနကုသလနာရေးကူညီမူအသင်းက ထုတ်ပြန်ထားသည်။

သေဆုံးသွားသည့် ကိုဖြိုးဝေထွဋ်၏ ရုပ်ခန္ဒာကို ဇူလိုင်လ(၂၄)ရက်တွင် ဘာရပ်ပစ် သုသာန်မှာ သင်္ဂြုလ်သွားမည်ဟု မလေးရှားရောက်မြန်မာများကို အသိပေးထားရှိသည်။

ymg/NN
#Yangon_Media_Group

#Local_News
Published - 22 July 2022

ဆေးဝါးနှင့်ဆေးပစ္စည်းများ တင်သွင်းသော ကုမ္ပဏီများအနေဖြင့် ကုန်ပစ္စည်းပြတ်လပ်မှု မရှိစေရေးအတွက် နိုင်ငံခြားငွေဝယ်ယူခြင်းမပြုဘဲ ကုမ္ပဏီအစီအစဉ်ဖြင့် တစ်ဖက်ကုန်ရောင်းသူသို့ ငွေလွှဲမည်ဆိုပါက ကုမ္ပဏီဒါရိုက်တာ ကိုယ်တိုင်လက်မှတ်ရေးထိုးထားသော ဝန်ခံကတိပြုစာဖြင့် မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်းသို့ တင်ပြရမည်ဖြစ်ကြောင်း ထုတ်ပြန်ထားသည်။

ယင်းအပြင် ကုမ္ပဏီများအနေဖြင့် ဆေးဝါးနှင့်ဆေးပစ္စည်းများအား သွင်းကုန်လိုင်စင်လျှောက်ထားရန်အတွက် မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်းမှ တဆင့် ကျန်းမာရေးဝန်ကြီးဌာနသို့တင်ပြ၍ ကျန်းမာရေးဝန်ကြီးဌာနမှ စိစစ်ထားရှိပြီးသော ကုမ္ပဏီများအားနိုင်ငံခြားသုံးငွေ ကြီးကြပ်မှုကော်မတီသို့ တင်ပြဆောင်ရွက်ရကြောင်း သိရသည်။

ယခုရက်ပိုင်းအတွင်း သွင်းကုန်ပါမစ် အခက်အခဲများကြောင့် အချိန်မီတင်သွင်းရန် ကြန့်ကြာနေရပြီး ယင်းရဲ့ သက်ရောက်မှုကြောင့် ဈေးကွက်အတွင်း၌ ဆေးဝါးပစ္စည်းများ ဈေးတက်လာသလို ပစ္စည်းပြတ်လပ်မှုတွေပါ ဖြစ်ပေါ်နေကြောင်း သိရသည်။

ယင်းကြောင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနဘက်မှ သွင်းကုန်လိုင်စင် လျှောက်ထားရန်အတွက် မြန်မာနိုင်ငံဆေးနှင့် ဆေးပစ္စည်း လုပ်ငန်းရှင်များအသင်းမှတစ်ဆင့် ကျန်းမာရေးဝန်ကြီးဌာနထံ တင်ပြ စိစစ်ထားရှိပြီး နိုင်ငံခြားသုံးငွေကြီးကြပ်မှု ကော်မတီ တင်ပြထားသည့် သွင်းကုန်လိုင်စင်တွေကို ခွင့်ပြုပေးမည်ဖြစ်ကြောင်းလည်း သိရသည်။

ymg/sth
#Yangon_Media_Group

Published - 22 July 2022

အင်္ဂလန်ပရီးမီးယားလိဂ်ပွဲစဉ်များကို SKYNET မှ တရားဝင်တစ်ဦးတည်း မူပိုင်ထုတ်လွှင့်ခွင့်ရရှိခြင်း (၁၀)နှစ်ပြည့်အထိမ်းအမှတ်အခမ်းအနားကို ဇူလိုင်လ(၂၁)ရက်တွင် Lotte Hotel ၌ ကျင်းပခဲ့ပါသည်၊၊

၂၀၂၂-၂၀၂၃ ဘောလုံးရာသီ အင်္ဂလန်ပရီးမီးယားလိဂ်ပွဲစဉ်အားလုံးကို ဩဂုတ်(၆)ရက်နေ့စနေနေ့မနက်(၁) နာရီခွဲမှစတင်ပြီးSKYNET ရုပ်သံလိုင်းကနေ တိုက်ရိုက်(live) ကြည့်ရူနိုင်မည်ဖြစ်သည်၊၊

(၁၀)နှစ်ပြည့်အခမ်းအနားမြင်ကွင်းပုံများ

#Yangon_Media_Group

#DailyNews
Published - 22 July 2022

၁။ Yangon Water bus လာမည့် အောက်တိုဘာလတွင် ပြန်လည်ပြေးဆွဲသွားမည်

၂။ ဆီစက်လုပ်ငန်းရှင်များအား ချေးငွေထုတ်ပေးရန် စီစဉ်နေဟုဆို

၃။ နေ့စဉ်မိုးလေဝသသတင်း။

၄။ သရက်သီးမျိုးကွဲပေါင်း (၃၀၀) ကျော် ဖန်တီးခဲ့သည့် အိန္ဒိယအဘိုးအို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_22 July

မန္တလေးတိုင်းဒေသကြီး၊မန္တလေးမြို့၊ ပုသိမ်ကြီးမြို့နယ်တွင် ဗုံးနှစ်ကြိမ်ပေါက်ကွဲပြီး သံဃာတော်တစ်ပါးနှင့် လူနှစ်ဦး ထိခိုက်ဒဏ်ရာရခဲ့ကြောင်း သိရသည်။

ယနေ့ ဇူလိုင်လ (၂၂)ရက်၊ နံနက် ၉ နာရီခန့်က ပုသိမ်ကြီးမြို့နယ်၊ရန်ကင်းတောင်သွား ကားလမ်းဘေး၊ ဦးလှထွန်းကင်ဆာဖောင်ဒေးရှင်းအနီးဗုံးနှစ်ကြိမ်ပေါက်ကွဲခြင်းဖြစ်ပြီး သံဃာတစ်ပါးအပါအဝင် သုံးဦးထိခိုက်ဒဏ်ရာရရှိခဲ့ကြောင်း ဒေသခံသတင်းရင်းမြစ်များထံမှ သိရသည်။

အမည်မသိသူများက လျှပ်စစ်မီတာစစ်ဆေးရေးလုပ်ငန်းများဆောင်ရွက်နေသော EPC ဝန်ထမ်းများအား ဗုံးဖြင့်ပစ်ပေါက်ခဲ့ရာ ဗုံးပေါက်ကွဲမှုကြောင့် EPC စာရေးတစ်ဦး၏ငယ်ပါ မိုင်းစထိမှန်ဒဏ်ရာရရှိခဲ့သည့်အပြင် ပေါက်ကွဲမှုဖြစ်ပွားရာ နေရာအနီးတွင်ဖြတ်သန်းသွားသည့် သံဃာတော်တစ်ပါး၏ လက်၊ ခြေထောက်နှင့်ဦးခေါင်းတို့တွင် မိုင်းစထိမှန်ဒဏ်ရာများ ရရှိခဲ့ကြောင်း၊ ဒုတိယအကြိမ်ဗုံးပေါက်ကွဲမှုတွင် တပ်မတော်သားတစ်ဦး လက်မိုင်းစထိမှန်ဒဏ်ရာရရှိခဲ့ခြင်း ဖြစ်ကြောင်း၊ ဒဏ်ရာရရသူအားလုံးကို ဆေးရုံပို့ထားပြီးပြီ ဖြစ်ကြောင်းသိရသည်။

ymg/mt
#Yangon_Media_Group