#Local_News
Published – 15 October 2022

ဈေးကွက်အတွင်း စားအုန်းဆီဈေးနှုန်းမှာ တစ်ပိဿာ ၆၀၀၀ ဝန်းကျင်အထိကျဆင်းလာကြောင်း ရောင်းသူ၊ ဝယ်သူများထံမှ သိရသည်။

ယင်းအပြင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီမှ အခြေခံလက်ကားရည်ညွှန်းဈေးကို တစ်ပါတ်တစ်ကြိမ်ထုတ်ပြန်ပေးနေပြီး ယခုတစ်ပါတ်တွင် ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာကို ၃၈၈၀ ကျပ် သတ်မှတ်ထုတ်ပြန်ပေးထားသည်။

အောက်တိုဘာလ ပထမပတ်အတွင်း ပြည်ပမှ စားအုန်းဆီတန်ချိန်ပေါင်း၂၇၉၃၈ တန် တင်သွင်းခဲ့ပြီး ဈေးကွက်အတွင်း၌လည်း အခြေခံစားသောက်ကုန်အချို့မှာ ဈေးနှုန်းကျဆင်းလာကြောင်း သိရသည်။

ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဟု အသိပေးထုတ် ပြန်ထားသည်။

ပြည်တွင်း၌ စားအုန်းဆီသုံးစွဲမှုမှာ တစ်နှစ်လျှင် တန်ချိန်၁၀ သိန်းကျော်အထိရှိသည့်အတွက် နှစ်စဉ်တန်ချိန် ၆ သိန်းမှ ၇ သိန်းကြားကို မလေးရှားနိုင်ငံနှင့် အင်ဒိုနီးရှားနိုင်ငံကနေ အဓိထားတင်သွင်းနေရကြောင်း သိရသည်။

#ymg/STH
#Yangon_Media_Group

#Local_News
Published-15 October 2022

ပြီးခဲ့သည့် အောက်တိုဘာ (၁၂) ရက်ကနေစပြီး တစ်ကျပ်သားကို ကျပ် ၂၅ သိန်းဖြင့် ရောင်းချပေးနေသည့် မီးလင်းရွှေအတုံးအခဲ (၁၃) ပိဿာကျော်ကို ရောင်းချပြီးဖြစ်ကြောင်း ရန်ကုန်တိုင်းရွှေလုပ်ငန်းရှင်များအသင်းက ဥက္ကဋ္ဌ ဦးမျိုးမြင့် ကပြောသည်။

ရန်ကုန်တိုင်းရွှေလုပ်ငန်းရှင်များအသင်းမှ မီးလင်းရွှေအတုံးအခဲတွေကို ထုတ်ရောင်းပေးနေခြင်းကြောင့် ပြီးခဲ့သည့် ရက်တွေက ဝယ်လိုအားများခဲ့ပြီး နောက်ပိုင်းတွင် ဈေးကွက်အတွင်း အရောင်းအဝယ်အေးနေကြောင်း သိရသည်။

ယနေ့(အောက်တိုဘာ ၁၅ ရက်) ကမ္ဘာ့ရွှေဈေးမှာ တစ်အောင်ကို အမေရိကန်ဒေါ်လာ ၁၆၄၃ ထိကျဆင်းလာပြီး ပြင်ပရွှေဈေးကွက်အတွင်းမှာလည်း ရွှေဈေးနှုန်းသည် ၂၆ သိန်းကျော်ဖြင့် ဈေးငြိမ်နေကြောင်း သိရသည်။ ယနေ့အကယ်ဒမီ မီးလင်းရွှေအဖွင့်ဈေးနှုန်းမှာ ၁၉၃၇၀၀၀ ဖြစ်ပြီး အဆိုပါ ဈေးနှုန်းသည် ကြမ်းခင်းဈေးသာ သတ်မှတ်ပေးထားတာဖြစ်ပြီး ကြိုက်ရောင်းကြိုက်ဝယ်ဈေးနှုန်းဖြင့် အရောင်းအဝယ်ပြုလုပ်ခွင့်ပေးထားကြောင်း ၎င်းက ဆိုသည်။

ယင်းအပြင် ရောင်းချပေးနေသည့် ရွှေတုံး/ရွှေခဲတွေကို နေ့စဉ် ရွှေပေါက်ဈေးထက် လျှော့ချရောင်းချပေးတာဖြစ်ပြီး ရွှေလုပ်ငန်းရှင်များအသင်းက ရောင်းချပေးသည့်ရွှေကို သက်ဆိုင်ရာ တံဆိပ်အတိုင်း ရွှေဆိုင်များတွင် ပြန်လည်ရောင်းချနိုင်ကြောင်း သိရသည်။

#ymg/sth
#Yangon_Media_Group

Published 15 Oct 2022

မလေးရှားနိုင်ငံက တင်သွင်းတဲ့ ကြက်ဥအချို့မှာ ဆယ်မွန်နီလာ ဘက်တီးရီးယားပိုးတွေတွေ့တဲ့အတွက် ပြန်လည်သိမ်းဆည်းနေတယ်လို့ စင်္ကာပူအစားအစာ အေဂျင်စီကပြောတဲ့အကြောင်း Channel News Asia ကသတင်းပေးပို့ပါတယ်။

အဲဒီကြက်ဥတွေဟာ မလေးရှားနိုင်ငံ Teo Seng Layer Farm 1က တင်သွင်းခဲ့တာတွေဖြစ်ပြီး ဆယ်မွန်နီလာ အင်တာရီတီဒစ် Salmonella Enteritidis တွေ့ရှိထားတဲ့ ကြက်ဥတွေကို CEJ027 တံဆိပ်ရိုက်နှိပ်ပေးထားပါတယ်။

သွင်းကုန်လုပ်ငန်းခြောက်ခုစလုံးကို အဲဒီမသန့်ရှင်းတဲ့ကြက်ဥတွေပြန်သိမ်းဆည်းဖို့ အေဂျင်စီက ညွှန်ကြားထားပါတယ်။

မွေးမြူရေးခြံ သင်္ကေတအမှတ် CEJ027 ပါဝင်တဲ့ ကြက်ဥတွေသာ သိမ်းဆည်းခိုင်းတာဖြစ်ပြီး ကျန်ကြက်ဥတွေက  သက်ရောက်မှုမရှိဘူးလို့လည်း အေဂျင်စီကပြောပါတယ်။

ဆယ်မွန်နီလာ အင်တာရီတီဒစ်ဟာ အပူနှင့်တွေ့လျှင် ပျက်စီးသွားတဲ့အတွက် သေသေချာချာချက်ပြုတ်စားသောက်ရင် အန္တရာယ်မရှိပါဘူး။ ဒါပေမယ့်ကြက်ဥအစိမ်းနှင့် သေသေချာချာချက်ပြုတ်မထားတဲ့ကြက်ဥတွေမှာတော့ ဆက်ရှိနိုင်ပါတယ်။ အဲဒါကိုစားသုံးမိရင် အစာအဆိပ်သင့်တာဖြစ်တဲ့ ဝမ်းပျက်ဝမ်းလျောတာ၊ ဗိုက်အောင့်တာ၊ဖျားနာ အော့အန်တာ၊မအီမသာဖြစ်တာတွေ ခံစားရနိုင်ပါတယ်။

Source: Channel News Asia

#Salmonella_ Enteritidis

#eggs_recall

#Singapore_FSA

#World_Health
Published 15 October 2022

ဗီဒီယိုဂိမ်းကစားခြင်းက ရောဂါဖြစ်နိုင်ချေရှိတဲ့ ကလေးတွေမှာ အသက်အန္တရာယ်ကို ခြိမ်းခြောက်နိုင်သည်အထိ နှလုံးခုန်မမှန်ခြင်းမျိုး ဖြစ်ပေါ်နိုင်ကြောင်း ဆေးပညာဂျာနယ် Heart Rhythm မှာ သုတေသနဖော်ပြချက်ကို တင်ပြထားပါတယ်။

ဒီကလေးတွေက နှလုံးခုန်မမှန်တဲ့ရောဂါရှိနေမှန်း မသိကြပါဘူး။

ဂိမ်းကစားနေရင်း ရုတ်တရက်သတိလစ်သွားခဲ့တဲ့ ဖြစ်ရပ်တွေကို သုတေသီများက ပြန်လည်သုံးသပ်ခဲ့ကြပါတယ်။

သတိလစ်သွားခဲ့တဲ့ကလေး ၂၂ ယောက်အဖြစ်ကို ရှာတွေ့ခဲ့ရာမှာ ၆ ယောက်က နှလုံးရပ်ခြင်းခံစားခဲ့ကြပြီး ၄ ဦးသေဆုံးခဲ့ပါတယ်။

သုတေသီတွေကတော့ ဒါဟာ ဂိမ်းကစားခြင်းကြောင့် စိတ်ပိုင်းဆိုင်ရာ လွန်လွန်ကဲကဲဖြစ်ရတာကြောင့်လို့ ရှင်းပြခဲ့ပါတယ်။

"အချို့ကလေးတွေက ယှဉ်ပြိုင်ရတဲ့ဂိမ်းမျိုးဆော့တဲ့အခါ နှလုံးရောဂါအခြေအနေဖြစ်ပေါ်နိုင်တာကို သိပြီးဖြစ်ပေမယ့် အချို့ကတော့ ဂိမ်းကစားစဉ်အတွင်း အသက်အန္တရာယ်ရှိလောက်အောင် သတိမေ့လဲသွားတာမျိုး အံ့အားသင့်ဖွယ်တွေ့ရှိရပါတယ်" လို့ သုတေသီတစ်ဦးဖြစ်သူ'ခရစ်ရှန်တာနာ'က ဆိုပါတယ်။

"ဒါဟာ အရေးကြီးတဲ့ တွေ့ရှိချက်ဖြစ်ပြီး ဒီလိုအနေအထားမျိုးမှာ သတိမေ့လဲတာမျိုး ဖြစ်တယ်ဆိုရင် စစ်ဆေးမှုလုပ်သင့်ပါပြီ" လို့ ပြောကြားခဲ့တာဖြစ်ပါတယ်။

ဒီဖြစ်ရပ်ဟာ ပုံမှန်မဟုတ်တာကြောင့် အနာဂတ်မှာလည်း ပိုမိုဖြစ်နိုင်ဖွယ်ရှိနေပါတယ်။

"နှလုံးခုန်မမှန်တဲ့ ကလေးတွေကိုလေ့လာရာမှာ ၂၅ ကျော်တိုင်အောင် လေ့လာခဲ့ပြီးနောက် ဒီအခြေအနေက ဘယ်လောက်ဆိုးရွားလာသလဲဆိုတာနဲ့ အသက်သေဆုံးတဲ့အထိ ဖြစ်တာကိုတော့ အံ့ဩမိပါတယ်" လို့ သုတေသီ'ဂျိုနသန်စကင်နာ'က ပြောပြပါတယ်။

ဒီဖြစ်ရပ်ကို ကမ္ဘာပေါ်ကလူအားလုံး သိရှိစေရန်နဲ့ ကလေးတွေကို ကာကွယ်ရမှာဖြစ်ကြောင်း ပြောပြခဲ့ပါတယ်။

Source: The Jerusalem Post
#Yangon_Media_Group

#World_Crime
Published 15 October 2022

အမေရိကန်ပြည်ထောင်စု ရာလေမြို့အတွင်း အသက် ၁၅ နှစ်အရွယ်ယောက်ျားလေးတစ်ယောက် သေနတ်ပစ်ခတ်ခဲ့ရာ လူ ၅ ဦး သေဆုံးပြီး ၂ ယောက်ဒဏ်ရာရရှိခဲ့ကြောင်း ရဲတပ်ဖွဲ့က ထုတ်ပြန်လိုက်ပါတယ်။

ကြာသပတေးနေ့ညနေပိုင်း ပစ်ခတ်မှုဖြစ်ပွားခဲ့ပြီး နာရီပိုင်းအကြာမှာ တရားခံကောင်လေးကို ဖမ်းမိခဲ့ကြောင်း ရာလေရဲချုပ်'အက်စ်တဲလာပတ်တာဆန်'က ပြောပြပါတယ်။

အဖမ်းခံရပြီးနောက် ယောက်ျားလေးက အရေးပေါ်အခြေအနေဖြစ်ခဲ့ကာ ဆေးရုံတင်ခဲ့ရပေမယ့် ဘယ်လိုဒဏ်ရာရခဲ့လဲဆိုတာတော့ အာဏာပိုင်များ မပြောသွားခဲ့ပါဘူး။

ဒါ့အပြင် အခုလိုပစ်ခတ်ရတဲ့ အကြောင်းအရင်းကိုလည်း မဆုံးဖြတ်ရသေးပါဘူး။

အပစ်ခတ်ခံရတဲ့ သူတွေမှာ လူမျိုးပေါင်းစုံဖြစ်ပြီး အသက် ၁၆ နှစ်မှ ၅၀ ဝန်းကျင်အထိ ပါဝင်ပါတယ်။

နစ်နာသူမိသားစုဝင်များနဲ့ သူငယ်ချင်းများရဲ့ပြောကြားချက်အရ အပစ်ခံရသူတွေမှာ တစ်နေ့တာပုံမှန်လှုပ်ရှားမှုများ ပြုလုပ်နေစဉ် အပစ်ခံခဲ့ရတာဖြစ်တယ်လို့ သိရပါတယ်။

တာဝန်ကျရာနေရာသို့ သွားနေတဲ့ရဲအရာရှိတစ်ဦး၊ အိမ်နီးချင်းနဲ့ စကားပြောနေတဲ့ အမျိုးသမီးတစ်ဦး၊ ခွေးကျောင်းနေတဲ့ အမျိုးသမီးတစ်ဦး၊ လေ့ကျင့်ခန်းလုပ်သူတစ်ဦးတို့ သေဆုံးခဲ့တာဖြစ်ပါတယ်။

ဒီဖြစ်ရပ်က ဒေါသထွက်စရာကောင်းသလို ကြေကွဲစရာလည်းကောင်းကြောင်း အုပ်ချုပ်ရေးမှူး'ရွိုင်းကူးပါး'က ဆိုပါတယ်။

လူနေထိုင်မှု ပတ်ဝန်းကျင်အတွင်း ဘယ်သူကမှ ဒီလိုထိတ်လန့်မှုမျိုး မကြုံတွေ့သင့်ပါဘူးလို့ ပြောပြပါတယ်။

ကြာသပတေးနေ့ညနေ ၅ နာရီဝန်းကျင်မှာ ရာလေမြို့အရှေ့မြောက်ဘက်အနီး သေနတ်ပစ်ခတ်မှုဖြစ်ပွားကာ ဆယ်ကျော်သက်ယောက်ျားလေးက အနီးနားလျှောက်လမ်းကနေ ထွက်ပြေးသွားခဲ့ပြီး ဆက်လက်ပစ်ခတ်နေခဲ့တယ်လို့ မြို့တော်ဝန်'မယ်ရီအန်းဘောလ်ဝင်း'က ပြောပြခဲ့ပါတယ်။

ရဲတွေက ချက်ချင်းအတည်မပြုနိုင်သေးခင်မှာ ဆယ်ကျော်သက်က အခင်းဖြစ်ပွားရာနေရာကနေ ၂ မိုင်ဝေးတဲ့အထိ နာရီအချို့ကြာအောင် ရှောင်တိမ်းနေခဲ့ပြီး နောက်ဆုံးအိမ်တစ်အိမ်မှာ ချောင်ပိတ်မိပြီးတော့ အဖမ်းခံခဲ့ရပါတယ်။

သမ္မတ'ဂျိုးဘိုင်ဒင်'နဲ့ သမ္မတကတော်'ဂျေးလ်ဘိုင်ဒင်'တို့ သောကြာနေ့ကထုတ်ပြန်ရာမှာ နစ်နာသူမိသားစုဝင်များနဲ့အတူ ဝမ်းနည်းပူဆွေးမိကြောင်း၊ မြို့တော်ဝန်နဲ့ပူးပေါင်းကာ စုံစမ်းစစ်ဆေးနေကြောင်း ထုတ်ပြန်ခဲ့ပါတယ်။

တရားဥပဒေရှေ့နေများက အသက် ၁၆ နှစ်အရွယ်တရားခံ'သွမ်ဆန်'ကို အရွယ်ရောက်ပြီး တစ်ဦးအနေနဲ့ အမှုစွဲသွားမှာ ဖြစ်ပါတယ်။

ယခုပစ်ခတ်မှုဟာ ၂၀၂၂ ခုနှစ်အတွင်း ၂၅ ကြိမ်မြောက်ပစ်ခတ်မှုဖြစ်ခဲ့ပါတယ်။

#Source: AP News
#Yangon_Media_Group

#Health_Tips
Published 15 October 2022

ဝက်ခြံတွေက ကိုယ့်ကိုယ်ကို သတိမထားမိတဲ့အချိန်မှာပဲ နေ့တွင်းညတွင်းကြီး ထွက်လာတတ်ပါတယ်။

အရေးကြီးတဲ့ပွဲတွေ၊ အစည်းအဝေးတွေ၊ အင်တာဗျူးသွားရမယ့် ရက်တွေမှာဆိုရင် အမြဲထွက်လာတတ်တယ်မဟုတ်လား။

စိတ်ဖိစီးမှု၊ အစားအသောက်မမှန်ခြင်း၊ ညစ်ညမ်းမှုများကြောင့်လည်း ထွက်တတ်ပါတယ်။

ဝက်ခြံသက်သာစေဖို့ သဘာဝအတိုင်းပြုလုပ်နိုင်မယ့် နည်းလမ်း ၃ မျိုးကိုဖော်ပြလိုက်ပါတယ်။

(၁) လက်ဖက်ပင်အဆီ

ဩစတြေးလျမှထွက်ရှိတဲ့ လက်ဖက်ပင်အဆီမှာ ပိုးသေစေနိုင်တဲ့ ဂုဏ်သတ္တိရှိပါတယ်။

ဝက်ခြံဖြစ်တဲ့နေရာမှာ တို့ပေးခြင်းဖြင့် ခြောက်သွားစေပြီး အရေပြားကိုသန့်စင်ပေးပါတယ်။

အသုံးမပြုခင် မျက်နှာသစ်ပြီးတော့ ပြီးတဲ့အခါ သန့်ရှင်းသောဂွမ်းစဖြင့် လက်ဖက်အဆီကိုယူကာ ဝက်ခြံထွက်တဲ့နေရာတိုင်းကို တို့ပေးရပါတယ်။

အလျင်အမြန်ခြောက်သွေ့စေချင်ရင် တစ်နေ့ကို ၆ ကြိမ်ခန့် အသုံးပြုနိုင်ပါတယ်။

(၂) ခရမ်းချဉ်သီး

ခရမ်းချဉ်သီးက အန်တီအောက်ဆီဒင့်နဲ့ ရေဓာတ်ကြွယ်ဝပြီး အဆီထွက်ခြင်း၊ ချွေးပေါက်ပိတ်ခြင်းတို့ကို ထိန်းညှိပေးပါတယ်။

ခရမ်းချဉ်သီးကို ထက်ပိုင်းလှီးကာ ဝက်ခြံနေရာမှာ ထားရပါတယ်။

ထွက်လာတဲ့အရည်ကိုလည်း လက်ဖြင့်ပွတ်သပ်ပေးကာ ရေနွေးနွေးဖြင့် ဆေးချနိုင်ပါတယ်။

(၃) ပျားရည်

ပျားရည်က ပိုးသတ်နိုင်ခြင်း၊ အရေပြားသန့်စင်စေခြင်းစတဲ့ အကျိုးများရှိပါတယ်။

အရေးကြီးတဲ့နေ့မတိုင်ခင်တစ်ရက်မှာ ဝက်ခြံထွက်လာတယ်ဆိုရင် ပျားရည်က အသုံးဝင်နိုင်ပါတယ်။

ပျားရည် လက်ဖက်ရည်ဇွန်း ၂ ဇွန်းနဲ့ မုန့်ဖုတ်ဆိုဒါ တစ်ဇွန်းကိုရောပြီးတော့ ဖြစ်တဲ့နေရာပေါ်မှာ အနည်းငယ်ကြာအောင် လိမ်းပေးပြီး ရေဆေးချရပါတယ်။

လိမ်းတဲ့နေရာမှာ စက်ဝိုင်းပုံလိမ်းခြင်းဖြင့် အရေပြားအတွင်းထဲထိ စိမ့်ဝင်သွားနိုင်ပါတယ်။

Source: Soo Healthy
#Yangon_Media_Group

Published 14 Oct 2022

ကမ္ဘောဒီးယားနိုင်ငံ မဲခေါင်မြစ်အတွင်းမှာ ကျောင်းကနေ အိမ်အပြန် ကျောင်းသူကျောင်းသားတွေတင်ဆောင်လာတဲ့ ဝန်ပိုဖြစ်နေတဲ့ ကူးတို့လှေတစ်စီးနစ်မြုပ်သွားတဲ့အတွက် ကလေးငယ်တွေ အနည်းဆုံး ၁၄ ဦးသေဆုံးခဲ့ရတယ်လို့ အာဏာပိုင်တွေက ပြောပါတယ်။

မြို့တော်ဖနွမ်းပင်ရဲ့ အရှေ့တောင်ဘက် ၅၃ ကီလိုမီတာအကွာမှာရှိတဲ့ ကန်ဒယ်ပြည်နယ်မှာ  ကြာသပတေးနေ့က လှေနစ်မြုပ်ပြီးနောက်  ကယ်ဆယ်ရေးအဖွဲ့ဟာ ကျောင်းသူကျောင်းသားတွေကို ရှာဖွေခဲ့ကြတယ်လို့ ပြည်နယ်ရဲချုပ် ချဟိုအမ်ဆိုချက်က ရိုက်တာသတင်းဌာနကိုပြောပါတယ်။

သေဆုံးတဲ့ကလေးတွေဟာ အသက် ၁၁နှစ်နှင့် ၁၄နှစ်အကြား ဖြစ်တယ်လို့ သူက ဖြည့်စွက်ပြောပါတယ်။

“နစ်မြုပ်ရတဲ့အကြောင်းရင်းက လှေပိုင်ရှင်ဟာ ဝန်ပိုတွေတင်လာလို့၊ ဂရုမစိုက်မှုတွေကြောင့်ဖြစ်တယ်။ လှေပေါ်မှာ အသက်အန္တရာယ်ကာကွယ်ရေးအတွက် အသက်ကယ်ဂျာကင်တွေလည်း မရှိဘူး” လို့ သူကဆိုရှယ်မီဒီယာပို့စ်ထဲမှာ ပြောထားပါတယ်။

ကလေးနှစ်ယောက်နှင့် လှေသမားလူကြီးနှစ်ဦးတို့ အသက်ရှင်ကျန်ရစ်တယ်လို့ အေအက်ဖ်ပီ သတင်းအရသိရပါတယ်။

ဝန်ကြီးချုပ် ဟွန်ဆန်က ဆိုရှယ်မီဒီယာပေါ်မှာ ဝမ်းနည်းကြောင်း ပြောဆိုပါတယ်။ ကွယ်လွန်သူတွေရဲ့မိသားစုတွေကို ကူညီစောင့်ရှောက်ကြဖို့ အာဏာပိုင်တွေကိုမှာထားပါတယ်။

“ပြည်သူတွေ အထူးသဖြင့် မြစ်နားချောင်းနာနေသူတွေ ရေကြီးတာတွေက များသည်ထက်များလာလို့ သတိထားကြပါ” လို့လည်း သူကပြောပါတယ်။

 Source Channel News Asia

#Cambodia

#Mekong_River

#Boat_Sinking

Published 14 Oct 2022

နစကဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် အောက်တိုဘာ ၁၄ရက်က ပြင်ဦးလွင်မြို့၊ တပ်မတော် နည်းပညာတက္ကသိုလ်၌ ပြုလုပ်သည့် တပ်မတော်နည်းပညာတက္ကသိုလ် ဗိုလ်လောင်းသင်တန်း အမှတ်စဉ်(၂၅) စစ်လက်ရုံးရွေးချယ်ပွဲသို့ တက်ရောက်စိစစ်ရွေးချယ်ခဲ့ကြောင်း သတင်းထုတ်ပြန်ချက်အရ သိရပါတယ်။

အဆိုပါရွေးချယ်ပွဲမှာ နည်းပညာဘာသာရပ်ပိုင်းဆိုင်ရာများနှင့် လေ့ကျင့်ရေးပိုင်းဆိုင်ရာတို့တွင် နှစ်အလိုက် ထူးချွန်ထက်မြက်မှု၊ စည်းကမ်းလိုက်နာမှု၊ ကြိုးစားအားထုတ်မှုနှင့် ၎င်းတို့စိတ်ပါဝင်စားမှုများ အပေါ်မူတည်၍ သင့်လျော်သည့် တပ်မတော် (ကြည်း၊ ရေ၊ လေ) စစ်လက်ရုံး အသီးသီးအတွက် စိစစ်ရွေးချယ်ပေးကြတာဖြစ်ကြောင် သတင်းထုတ်ပြန်ချက်မှာဖော်ပြထားပါတယ်။

အဲဒီနောက် ဗိုလ်ချူပ်မှူးကြီးနှင့် အဖွဲ့ဝင်တွေဟာ  ပညာတန်ဆောင် ဗိုလ်လောင်းစားရိပ်သာ၌ သင်တန်းသားဗိုလ်လောင်းများနှင့်အတူ နေ့လယ်စာကို အတူတကွသုံးဆောင်ခဲ့ကြပြီး ဗိုလ်လောင်းများအား ရင်းရင်းနှီးနှီး လိုက်လံနှုတ်ဆက်၍ အားပေးစကားပြောကြားခဲ့ကြောင်းသိရှိရပါတယ်။

ဗိုလ်ချူပ်မှူးကြီးဟာ ပြင်ဦးလွင်မှာရောက်ရှိနေပြီး  တပ်မတော်အတွက် စစ်လက်ရုံးရွေးချယ်ပွဲတွေကို တက်ရောက်နေလျက်ရှိရာမှာ စစ်တက္ကသိုလ်ဗိုလ်လောင်းသင်တန်းအမှတ်စဉ်(၈၅)ရဲ့ စစ်လက်ရုံးရွေးချယ်ပွဲတွေကိုလည်း ပြီးခဲ့တဲ့ရက်တွေက တက်ရောက်ရွေးချယ်ပေးခဲ့ပါတယ်။

-ymg/knl

#Local_News
Publidhed_14 October 2022

ဒေသတွင်းငြိမ်းချမ်းမှုမရှိတာကြောင့် စစ်ကိုင်းတိုင်းဒေသကြီး၊ ကယားပြည်နယ်၊ ချင်းပြည်နယ်နဲ့ ရခိုင်ဒေသတို့ကို ပြည်ပခရီးသည်ဝင်ရောက်ခွင့်မပြုထားဘူးလို့ Myanmar Voyages International Tourism ကုမ္ပဏီလီမိတက် အုပ်ချုပ်မှုဒါရိုက်တာ ဦးသက်လွင်တိုးက ပြောပါတယ်။

#Yangon_Media_Group

#World_Event
Published 14 October 2022

My Neighbour Totoro နဲ့ အော်စကာဆုရ'Spirited Away'တို့ကို ဖန်တီးခဲ့တဲ့ စတူဒီယိုဂီဘလီမှ ဇာတ်လမ်းနောက်ခံပြု ဥယျာဉ်အသစ်ကို ဗုဒ္ဓဟူးနေ့က မီဒီယာများလေ့လာခွင့်ရခဲ့ပါတယ်။

#Yangon_Media_Group

#Local_News
Published _ 14 October 2022

ဆိပ်ဖြူမြို့ ကြက်သွန်နီ ကုန်စည်ဒိုင်ဆီ စက်တင်ဘာလ (စတုတ္ထ)ပတ်အတွင်း ကြက်သွန်နီပင်စိုက်အသစ်တွေဟာ ဆိပ်ဖြူမြို့နယ်ဒေသ နေရာအနှံအပြားကနေ နေ့စဉ်ဝင်ရောက်နေတယ်လို့ သိရပါတယ်။

#Yangon_Media_Group

Published 14 Oct 2022

ဩစတြေလျနိုင်ငံ အရှေ့တောင်ပိုင်းမှာ ရာပေါင်းများစွာသော အိမ်တွေဟာ ရေလွှမ်းမိုးခံနေရတဲ့ အတွက် ရေဘေးကြုံနေရတဲ့ ဒေသခံတွေဟာ အပျက်အစီးတွေ ဘယ်လောက်ရှိလာမယ်ဆိုတာကိုသိရအောင် စိတ်ပူစွာနှင့် စောင့်ဆိုင်းနေကြရပါတယ်။

ဩစတြေလျရဲ့ ဒုတိယမြောက်လူဦးရေအထူထပ်ဆုံး ဗစ်တိုရီးယားပြည်နယ်ဟာ အကြီးအကျယ် ရေလွှမ်းမိုးမှု အရေးပေါ်အခြေအနေ ကြေညာထားလိုက်ပါပြီ။ လျင်မြန်စွာမြင့်တက်လာနေတဲ့ရေတွေဟာ မဲလ်ဘုန်းဆင်ခြေဖုံး မာယီဘရွန်နောင်းအရပ် ကလေူတွေကို မဖြစ်မနေ ဘေးကင်းရာကိုရွှေ့ပြောင်းနေကြရပါတယ်။

လမ်းတွေပေါ်ထားရစ်ခဲ့ရတဲ့ ကားတွေဟာ ရေတွေရဲ့အောက်ကို လုံးလုံးနစ်မြုပ်လုနီးပါးဖြစ်လာနေပါတယ်။ အချို့သော ကျန်ရစ်ခဲ့တဲ့လူတွေကို လေမှုတ်လှေတွေနှင့် ကယ်တင်ပေးနေကြပါတယ်။

ပြည်နယ်ဝန်ကြီးချုပ် ဒန်နီယယ်အင်ဒရူးက ဗစ်တိုရီးယားပြည်နယ်က အိမ်၅၀၀လောက်ဟာ ရေလွှမ်းမိုးခံနေရပြီး အခြားအိမ်၅၀၀ခန့်ဟာရေတွေဝိုင်းနေတယ် လို့ သတင်းထောက်တွေကိုပြောခဲ့ပါတယ်။

ဒီအရေအတွက်ဟာ သေချာပေါက်ဆက်တိုးနေဦးမှာဖြစ်တယ်လို့လည်း သူကပြောပါတယ်။

မဲလ်ဘုန်းဒေသခံ ဘက်တီရစ်စတာဗက်စကီကလည်း “ အခု အနည်းငယ်စိတ်ပူလာပြီ။ ရေတွေက ပိုပိုနီးလာပြီ အခု ကျွန်မအရှေ့တောင်ရောက်လာပြီ။ ရေတွက် ဆက်တိုက်တက်နေတယ်” လို့ပြောပါတယ်၊

သောကြာနေ့မနက်နှောင်းပိုင်းကျရင်တော့ မိုးတွေအသည်းဆုံးဖြစ်လာလိမ့်မယ်လို့ ပြည်နယ်အရေးပေါ်ဌာနက သတိပေးထားပါတယ်။ ရေတွေက မိုးရေခံရေတိမ်မြစ်တွေထဲ စီးဆင်းနေတာမို့ ရေလွှမ်းမိုးမှုပိုဆိုးလာနိုင်တယ်လို့ ပြောပါတယ်။

ဒါပေမယ့် ဗစ်တိုးရီးယားရဲ့‌နေရာတော်တော်များများမှာတော့ လာမယ့်ရက်တွေမှာ အကြီးအကျယ်ရေကြီးစရာမရှိပါဘူး လို့ အရေးပေါ်ကယ်ဆယ်ရေးဌာန ပြောရေးဆိုခွင့်ရသူ တင်မ် ဝိုင်ဘုရှ်က သတင်းထောက်တွေကိုပြောပါတယ်။

မဲလ်ဘုန်းရဲ့ နောက်ထပ်ဒေသခံတစ်ဦးဖြစ်တဲ့ ရောဘတ်စထရက်ပါဇွန်ကလည်း “ အခု နည်းနည်းလေးပဲချီတုံချတုံရှိပါတော့တယ်။ မိုးတွေက ထပ်မရွာတော့ဘူးလို့ ယုံနေတယ်။ ဖြည်းဖြည်းချင်းစဲသွားမှာပါ’ လို့ပြောပါတယ်။

မဲလ်ဘုန်းရဲ့မြောက်ဘက် နှစ်နာရီခရီးအကွာမှာရှိတဲ့ ရှက်ပါတွန်မှာ အိမ်ခြေ ၄၀၀၀လောက်ရေလွှမ်းမိုးခံရနိုင်တယ်လို့ သူက သတိပေးထားပါတယ်။

ဩစတေလျစစ်တပ်က သဲအိတ်တွေဖို့ပေးပြီး ကယ်ဆယ်ရေးလုပ်ငန်းတွေလုပ်ဖို့ သွားရောက်ကူညီနေတယ်လို့လည်း အရေးပေါ်စီမံခန့်ခွဲမှု ကော်မရှင်မင်းကြီး အင်ဒရူးခရစ်က ပြောပါတယ်။

ဒါဟာ ဗစ်တိုးရီးယားမှာ အကြီးအကျယ်ရေလွှမ်းမိုးမှု အရေးပေါ်အခြေအနေဖြစ်တယ်လို့လည်းသူကပြောပါတယ်။

ရာသီဥတုပြောင်းလဲခြင်းက လာနီညာအဆင့်မရောက်ပေမယ့် ပူနွေးတဲ့လေက ရေငွေ့တွေကိုပိုစုပ်ယူလို့ ရေကြီးရေလျှံမှုတွေ အလွန်အမင်းဖြစ်စေနိုင်တယ်လို့ သိပ္ပံပညာရှင်တွေက လက်ခံယူဆထားကြပါတယ်။

Source AFP

#Flood_ Australia

#Melbourne

#Climate_Change