Published 26 Sept 2022

ကံပန်းရောင် Fortune Pink လို့ အမည်ပေးထားတဲ့ အင်မတန်မှာရှားပါးလှတဲ့  ကျောက်မျက်ကြီးတစ်လုံးကို  နိဝင်ဘာလကျရင် ဂျနီဗာမြို့မှာ လေလံတင်ရောင်းချပါတော့မယ်။ အဲဒီ ရှားပါး ပန်းရောင်စိန်ပွင့်ကြီးကို ဒေါ်လာ ၃၅ သန်းအထိ ရရှိလိမ့်မယ်လို့ လေလံတင်သူတွေက မျှော်လင့်ထားကြတယ်လို့ ပြောပါတယ်။

၁၈ ကာရက်ရှိတဲ့ အရောင်စိုနေတဲ့ အဲဒီကျောက်မျက်ရတနာကြီးဟာ  လေလံတင်ရောင်းချသမျှ ပန်းရောင်စိန်တွေထဲမှာ  အရည်အသွေးအရရော အရွယ်အစားအရပါ အကောင်းဆုံးနှင့် အကြီးဆုံးဖြစ်ပါတယ်လို့ ခရစ်စတီး လေလံအိမ်က ပြောပါတယ်၊

နိုဝင်ဘာ ၈ရက်မှာ ဈေးပြိုင်စနစ်နှင့်လေလံတင်မယ့် စိန်ကြီးကို ဒေါ်လာ ၂၅သန်းကနေ ၃၅ သန်းအထိ ရရှိလိမ့်မယ်လို့ ခရစ်စတီးလေံလံအိမ်က မျှော်လင့်ထားပါတယ်။

တောက်ပြောင်နေတဲ့ ပန်းရောင် မျက်ရည်စက်ပုံစံ စိန်ကြီးဟာ အလေးချိန်အတိအကျပြောရရင် ၁၈.၁၈ ကာရက်ရှိပါတယ်။

ဒီနံပါတ်ဟာ အာရှအတွက် ကံကောင်းတဲ့ နံပါတ်ဖြစ်တယ်။ ဒီစိန်ပွင့်ကြီးကို ကမ္ဘာအနှံ့ကစုဆောင်းသူတွေ စိတ်ဝင်စားကြလိမ့်မယ်လို့ ခရစ်စတီးရဲ့ အကြီးတန်း လက်ဝတ်ရတနာ ကျွမ်းကျင်သူ အိန်ဂျယ်လာ ဘာဒန်က ပြောပါတယ်။   နံပါတ်က မင်္ဂလာရှိတဲ့ ၁၈.၁၈ကာရက်ဖြစ်လို့  ဒီအလေးချိန်ဟာ ပိုင်ရှင်အသစ်အတွက် ကံကောင်းခြင်တွေကို ယူဆောင်လာပေးလိမ့်မယ်လို့လည်း သူမကပြောပါတယ်။

“သိပ်လှတဲ့ကျောက်တစ်ပွင့်ပဲ။ ဒီအရွယ်အစားနှင့် စိုတောက်နေတဲ့ ပန်းရောင်ရှိတဲ့  ပန်းရောင်စိန်တစ်ပွင့်ဆိုတော အတော်ရှားရှားပါးပါး ရှာတွေ့တာမျိုးပါ” လို့လည်း သူကပြောပါတယ်။

ဒီကျောက်ရဲ့ အရောင်ပြည့်ဝမှုဟာ သဘာဝအတိုင်း အတော်ရှာတွေ့ဖို့ခက်ပါတယ်။ ဒီလို အရွယ်အစား ဒီလို အရောင်မျိုးနှင့် ဒီလို အရည်အသွေးသန့်မှုနှင့်ဆိုတာ ရှားပါး ကျောက်ပဲဖြစ်တယ်” လို့ သူမကပြောပါတယ်။

၂၀၁၈ခုနှစ်တုန်းက ခရစ်စတီးဟာ Winston Pink Legacy  ဆိုတဲ့ အလေးချိန် ၁၈.၉၆ ရှိ စိန်ပွင့်ကြီးကို ဒေါ်လာ သန်း၅၀ကျော်နှင့် ရောင်းခဲ့ပါတယ်။အဲဒီတုန်းက ဒီလိုကျောက်အမျိုးအစားတွေထဲမှာ တစ်ကာရက်မှာ ဈေးအများဆုံးရခဲ့တာပါ။ မနှစ်တုန်းက ၃၇.၃ ကာရက်ရှိတဲ့  Raj Pink ရာ့ချ်ပင့် စိန်ပွင့်ကြီးကို  ဆောက်သဘီလေလံကုမ္ပဏီက လေလံတင်ရောင်းချခဲ့ပေမယ့် ရောင်းမထွက်ခဲ့ပါဘူး။ အဲဒီတုန်းက အဲဒီစိန်ကြီးကို ဒေါ်လာ သန်း၃၀အထိရလိမ့်မယ်လို့‌ မျှော်မှန်းခဲ့ကြတာဖြစ်ပါတယ်။

Source AFP

#The_Fortune_Pink

#Rare_pink_diamond

#Christie's_auction

#Local_News
Published-26 September 2022

ပြည်တွင်းလုပ်ငန်းရှင်တွေအနေနဲ့ သကြားကို တရုတ်နိုင်ငံသို့ တရားဝင်တင်ပို့နိုင်ဖို့အတွက် နှစ်နိုင်ငံအစိုးရအကြား G to G သဘောတူစာချုပ်ချုပ်ဆိုနိုင်ရေးအတွက် တင်ပြထားတယ်လို့ မြန်မာနိုင်ငံသကြားနှင့် ကြံထွက်ပစ္စည်းလုပ်ငန်းရှင်များအသင်းကနေ သိရပါတယ်။

#Yangon_Media_Group

#Local_News
Published_ 26 September 2022

သွားလာစရိတ်တွေတိုးလာတဲ့အတွက် ရန်ကုန်မြို့အတွင်းမှာ စက်ဘီးနဲ့ရုံးသွားရုံးပြန်လုပ်မယ့်သူတွေ တိုးလာနိုင်ပြီး ဘေးအန္တရာယ်ကင်းကင်းစီးနှင်းနိုင်ဖို့ သိသင့်သိထိုက်တာတွေသိထားဖို့ လိုအပ်တယ်လို့ Bicycle Network မှ တာဝန်ရှိသူတစ်ဦးက ပြောပါတယ်၊၊

#Yangon_Media_Group

#Local_News
Published _ 26 September 2022

ယနေ့ စက်တင်ဘာ ၂၆ ရက်တွင် အကယ်ဒမီ မီးလင်းရွှေေဈေးနှုန်းမှာ တစ်ကျပ်သားလျှင် ၂၉ သိန်း ၃သောင်း လေးထောင် ကျပ်ဖြစ်တယ်လို့ ရန်ကုန်တိုင်းရွှေလုပ်ငန်းရှင်များအသင်းချုပ်ရဲ့ မနက်ပိုင်းအဖွင့်ဈေးအရ သိရပါတယ်။

#Yangon_Media_Group

#DailyNews
Published _ 26 September 2022

၁။ အကယ်ဒမီမီးလင်းရွှေဈေး တစ်ကျပ်သားလျှင် ၂၉သိန်းကျော်ဖြင့် ဈေးငြိမ်နေပြီး ပြင်ပဈေးကွက်တွင် ဈေးကစားမှုများရှိနေ

၂။ စက်ဘီးဖြင့် ရုံးသွားရုံးပြန်လုပ်မည့်သူများတိုးလာနိုင်၊ ဘေးကင်းစွာစီးနင်းရန်လိုဟုဆို

၃။ တရုတ်နိုင်ငံသို့ သကြားတင်ပို့နိုင်ရန် နှစ်နိုင်ငံအစိုးရအကြား G to G သဘောတူစာချုပ်ချုပ်ဆိုနိုင်ရေးအတွက် တင်ပြထား

၄။ လျှပ်စစ်ဓာတ်အားပြတ်တောက်မှုကြောင့် ရထားဖြင့် သွားလာရခက်ခဲနေသူတွေအတွက် ဆိုလာစွမ်းအင်သုံးရထားအား တောင်အာဖရိကဆယ်ကျော်သက်များ တီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Pubblished- 26 September 2022

ကမ္ဘာ့စားအုန်းဆီ ထုတ်လုပ်တင်ပို့တဲ့နိုင်ငံတွေရဲ့ ဈေးကွက်နဲ့ ဈေးနှုန်းဖြစ်ပေါ်မှုများအရ စက်တင်ဘာလ ၂၆ ရက်ကနေ အောက်တိုဘာလ ၂ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၄၆၆၀ ကျပ် ထုတ်ပြန်ကြေညာထားပါတယ်။

#Yangon_Media_Group

#Local_News
Published-26 Setember 2022

ပြည်တွင်းဆန်ဈေးကွက်တွင် ဆန်သစ်ပေါ်လာချိန်နီးလာသော်လည်း ဆန်ဟောင်းဈေးနှုန်းမှာ ကျဆင်းလာခြင်းမရှိပဲ အမြင့်ဈေးတွင်ဆက်ရှိနေကြောင်း ဆန်ရောင်းချသူ ဦးဝင်းနိုင်က ပြောသည်။

ဆန်ဈေးကွက်တွင် ပြည်တွင်းစားသုံးသည့် ဆန်ဟောင်းများမှာ အမြင့်ဈေးတန်းတွင်တည်ငြိမ်နေပြီး အရောင်းအဝယ်ထိုင်းနေကြောင်း၊ လာမည့် နိုဝင်ဘာနှင့် ဒီဇင်ဘာလများတွင် ဆန်ဈေးကွက်တွင် ဆန်သစ်များပေါ်လာမည်ဖြစ်၍ ဆန်ဟောင်းများ အရောင်းအဝယ် ပြန်သွက်လာနိုင်ပြီး ဈေးမြင့်တက်လျှင်လည်း အနည်းငယ်သာမြင့်တက်နိုင်ကြောင်း ယင်းက ပြောသည်။

“ဆန်ဈေးက ကျလည်းမကျဘူး။ အမြင့်ဈေးမှာပဲရှိနေတယ်။ အဟောင်းကလည်း ၉ လနဲ့ ၁၀ လပိုင်းဆိုကုန်ပြီ။ ဆန်ဟောင်းရောင်းကောင်းမယ်။ ဈေးတက်ရင်လည်း ပါးပါးပဲဖြစ်နိုင်တယ်” ဟု ယင်းက ပြောသည်။

လာမည့် သီတင်းကျွတ်၊ တန်ဆောင်မုန်းတွင် ပဲခူး၊ ဧရာဝတီတိုင်းတို့မှ ဆန်အသစ် ပေါ်လာမည်ဖြစ်ရာ ယင်းမတိုင်ခင်အထိ လက်ရှိ ဆန်ဈေးနှုန်း အလားအလာသည် ခန့်မှန်းရခက်မည်ဖြစ်ကြောင်း၊ ယင်းအပြင် ပြည်တွင်း စားသုံးမှု အများဆုံးဖြစ်သော ဆန်ချော အမျိုးအစားများမှာ ရွှေဘိုဘေးကြား (ရွှေဘိုပေါ်ဆန်း)၊ ရန်ကုန် ပေါ်ဆန်း၊ ဧရာမင်း၊ မဂျမ်းတော၊ ဧရာပဒေသာ၊ မနောသုခ၊ ရွှေသွယ်၊ နွေဇီယာ စသည်တို့ ဖြစ်ပြီး ယင်းတို့အနက် ရွှေဘိုဘေးကြား ဆန်အမျိုးအစားသည် ဝယ်လိုအား အကောင်းဆုံးနှင့် ဈေးအမြင့်ဆုံး ဖြစ်ကြောင်း သိရသည်။

ပြည်ပတင်ပို့မှုအနေဖြင့် ယခင်ကနယ်စပ်ကနေ တရုတ်နိုင်ငံသို့ အဓိကတင်ပို့ခဲ့ပြီး ကိုဗစ်-၁၉ ကြောင့် တရုတ်ကိုတင်ပို့သည့်ဆန်မှာ လျော့ကျသွားခဲ့ကာ ပင်လယ်ရေကြောင်းကုန်သွယ်မှုမှတစ်ဆင့် ပုံမှန်တင်ပို့လျက်ရှိကြောင်း သိရသည်။

#Ymg/STH
#Yangon_Media_Group

#Local_News
Published - 26 September 2022

ဒေါ်အောင်ဆန်းစုကြည်ရင်ဆိုင်နေရသော အမှုများထဲမှ ရဟတ်ယာဉ်အမှုများကို ယနေ့ စက်တင်ဘာလ ၂၆ ရက်က နေပြည်တော်အကျဉ်းထောင် အထူးတရားရုံး၌ ဆက်လက်စစ်ဆေးခဲ့ကြောင်း တရားရုံးနှင့် နီးစပ်သည့် အသိုင်းအဝိုင်းက သိရသည်။

ပြီးခဲ့သည့် စက်တင်ဘာလ ၂၀ ရက်က ဒေါ်အောင်ဆန်းစုကြည် ရင်ဆိုင်နေရဆဲ ဖြစ်သော ရဟာတ်ယာဉ်အမှုကိစ္စနှင့်ပတ်သက်၍ အမှုအမှတ် ၄၇ နှင့် ၄၈ တို့အတွက် တရားလိုပြသက်သော ယခင်လူကယ်ပြန်က ဒုတိယအမြဲတမ်းအတွင်းဝန် ဦးနေဝင်းအား စစ်ဆေးခဲ့ကာ ယနေ့တွင်လည်း ဦးနေဝင်းအားထပ်မံ စစ်ဆေးခဲ့ခြင်း ဖြစ်ကြောင်း သိရသည်။

"ဒီနေ့က ရဟတ်ယာဉ်နဲ့ ပတ်သက်တဲ့ အမှုအမှတ် ၄၉ နဲ့ ၅၀ ကို စစ်တယ်။လိုပြသက်သေ ဦးနေဝင်း ကို စစ်တယ်။ မနက်ဖြန်မှာတော့ လိုပြသက်သေ နောက်တစ်ယောက်ကို စစ်မှာပါ။ ဦးနေဝင်းကို စစ်တာပြီးသွားပြီ"ဟု တရားရုံးနှင့် နီးစပ်သူက YMG ကို ပြောသည်။

လာမည့် စက်တင်ဘာလ ၂၉ ရက်တွင် သြစတေးလျနိုင်ငံသား မစ္စတာ ရှောင်တာနယ်နှင့် ပူးတွဲအမှုဖြစ်သည့် အစိုးရလျှို့ဝှက်ချက်များအက်ဥပဒေပုဒ်မ ၃ (၁) (ဂ)/၉ (အားပေးကူညီမှု) နှင့် ပတ်သက်၍လည်းအမိန့်ချမည်ဖြစ်ကြောင်း သိရသည်။

လက်ရှိတွင် ဒေါ်အောင်ဆန်းစုကြည်အနေဖြင့် သူရင်ဆိုင်နေရသော အမှုများထဲမှ တရားရုံးကစစ်ဆေးအမိန့်ချပြီးသည့်အမှုများအတွက် စုစုပေါင်းထောင်ဒဏ် နှစ် ၂၀ ကို ချမှတ်ခံထားရပြီး ဖြစ်သည်။

#ymg/mt
#Yangon_Media_Group

#Local_News
Published _ 26 September 2022

ထမင်းဟင်းချက်သည့်အခါ အသုံးပြုသော ဂက်စ်ဘူးတစ်ဘူးကို ဆိုင်တွင် ၁၀၀၀ကျပ်နဲ့ ဝယ်ရပြီး ဂက်စ်တစ်ပိသာကို ၆၃၀၀ကျပ် ဖြင့် အရောင်းအဝယ်ပြုလုပ်နေလျှက်ရှိကြောင်း ရန်ကုန်မြို့တွင်းရှိ gas အရောင်းဆိုင် အချို့ထံမှ သိရသည်။

ပြီးခဲ့သည့် ဇူလိုင်လ ၁၈ရက်က အိမ်သုံး gas တွေ ပြတ်လုနီးပါးထိကြုံတွေ့ခဲ့ရပြီး တစ်ဦးကို ဂတ်စ် ၅၀သါးသာ ရောင်းချပေးခဲ့နိုင်ကာ ၃ပိသာတစ်အိုးလျှင် ငွေကျပ် ၂၀၀၀၀ ကျပ်အထိဈေးမြင့်တက်ခဲ့များနှင့် ကြုံတွေ့ခဲ့ရသည်။

ဒါကြောင့် အခုလက်ရှိဈေးကွက်အနေအထားက အနည်းငယ်ပြန်ကျနေပြီး သတ်မှတ်ချက်များဖြင့် ရောင်းချတာမျိုးတွေလည်း မရှိသေးကြောင်း မိုးကုတ် gas ဆိုင်ပိုင်ရှင် ဦးအောင်ခင်ထွန်းက YMG ကိုပြောသည်။

"အခုကတော့ ပုံမှန်ပြန်ဖြစ်နေပါပြီ၊ တစ်ပိသာကို ၆၃၀၀နဲ့ ၆၂၀၀ကြားပေါ့နော်၊ အဲ့လောက်ဈေးရှိတယ်။ ပြီးတော့ ဗူးသေးတစ်ဗူးကို ၁၀၀၀ပေါ့၊ နောက်ပြီးတော့ အရင်ကလိုမျိုး လူတစ်ဦးကိုဘယ်လောက်ပဲ ထည့်လိုရမယ်ဆိုတဲ့ပုံမျိုးတွေ၊ သတ်မှတ်တာမျိုးတွေလည်းမရှိတော့ပါဘူး။ ဈေးကွက်ထဲမှာလည်း Gas ကပုံမှန်အရောင်းအဝယ်အနေအထားမျိုးပြန်ဖြစ်နေပါပြီ၊ လာပို့တဲ့အခါတွေလဲ အရင်လိုလမ်းကြောင်းကြပ်တာမျိုးတွေမရှိတော့ပါဘူး" ဟု ၎င်းကဆိုသည် ။

ရန်ကုန်မြို့ရှိ လူအတော်များများဟာ ထမင်းဟင်းချက်ရာ၌ လွယ်ကူ၍ ကုန်ကျစရိတ်နည်းသည့်အတွက် ဂက်စ်မီးဖိုများကို အသုံးများကြပြီး စားသောက်ဆိုင်လုပ်ငန်းများ၌လည်း ပိုမိုလျှင်မြန်မှုကြောင့် Gas ကိုအသုံးပြုမှုများရခြင်းဖြစ်သည်။

ပြည်တွင်း၌ ရောင်းချနေသည့် Gas တွေကို ထိုင်းနိုင်ငံမှ အဓိကထားတင်သွင်းလျှက်ရှိနေကြောင်းလည်း သိရှိရသည်။

#Ymg/NN
#Yangon_Media_Group

#Local_News
Published_ 26 September 2022

သဗ္ဗညုဘုရားကြီး ပြန်လည်ပြုပြင်ထိန်းသိမ်းရန် လျာထားကာလမှာ ၁၀ နှစ်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲမှ ညွှန်ကြားရေးမှူးရဲ့ ပြောကြားချက်အရ သိရပါတယ်။

ငလျင်ဒဏ်ကြောင့် ထိခိုက်ခဲ့သည့် သဗ္ဗညုဘုရား ပြန်လည်ပြုပြင်နိုင်ရေး ကြိုတင်ဆောင်ရွက်မှုများ ရှင်းလင်းတင်ပြမှု အခမ်းအနားကို စက်တင်ဘာ ၂၆ ရက် နေ့လယ် (၂) နာရီက ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲ၊ ရှေးဟောင်း သုတေသန ပြတိုက်တွင် ပြုလုပ်ခဲ့တာ ဖြစ်ပါတယ်။

၂၀၁၆ ခုနှစ်၊ သြဂုတ်(၂၄)ရက်ကလှုပ်ခတ်ခဲ့တဲ့ မြေငလျင်ကြောင့် ထိခိုက်ပျက်စီးမှုကို ပြန်လည်ပြုပြင် ထိန်းသိမ်းရန်အတွက် သဗ္ဗညုဘုရား ပြုပြင်ထိန်းသိမ်းရေး စာချွန်လွှာကို တရုတ်နိုင်ငံနှင့် ၂၀၁၈ ခုနှစ် စက်တင်ဘာ ၂၂ ရက်တွင် လက်မှတ်ရေးထိုးခဲ့တာ ဖြစ်ပါတယ်။

၂၀၂၀ ပြည့်နှစ် စက်တင်ဘာလတွင် ထိန်းသိမ်းရေးလုပ်ငန်းများ ဆက်လက် ဆောင်ရွက်ရန် လျာထားခဲ့သော်လည်း ကိုဗစ်-၁၉ ကပ်ရောဂါကြောင့် ၂၀၂၂ ခုနှစ်၊ ဇန်နဝါရီ (၈) ရက်နေ့မှသာ သဗ္ဗညုဘုရားပြုပြင်ထိန်းသိမ်းရေး စီမံကိန်းဖွင့်ပွဲ အခမ်းအနား ကျင်းပခဲ့ပြီးပြုပြင် ထိန်းသိမ်းရန်အတွက် ကြိုတင်ပြင်ဆင်မှု လုပ်ငန်းများဆောင်ရွက်နေတာ ဖြစ်ပါတယ်။

တရုတ်ပညာရှင်အဖွဲ့က သဗ္ဗညုဘုရား ပြုပြင်ထိန်းသိမ်းရေးအတွက် ဆောင်ရွက်နေမှုများကို ရှင်းလင်းတင်ပြခဲ့ပြီး ကြွရောက်လာသော ဆရာတော်ကြီးများမှ နိုင်ငံတော် ဗဟိုသံဃာ့ဝန်ဆောင်ဆရာတော်၊ မြို့နယ်သံဃနာယကဆရာတော်၊ သဗ္ဗညု ဩဝါဒ ဆရာတော်တို့က ဩဝါဒစကားများ အသီးသီးမိန့်ကြားခဲ့ကြောင်း သိရပါတယ်။

#ygm_mnn
#Yangon_Media_Group

#Local_News
Published _26 September 2022

အမြန်လမ်းတွင် ယနေ့ စက်တင်ဘာလ ၂၆ ရက် နံနက် ၅ နာရီကျော်အချိန်က ခရီးသည်တင်ယာဉ်တစ်စီး လမ်းလယ်ကျွန်းကို ဝင်တိုက်မိသောကြောင့် ယာဉ်နောက်လိုက်ဒဏ်ရာရသွားကြောင်း အမြန်လမ်း ရဲတပ်ဖွဲ့က သိရသည်။

ရန်ကုန်-မန္တလေးအမြန်လမ်းမကြီး မိုင်တိုင်အမှတ်(၁၅၁/၁-၂)ဖာလုံကြားတွင် နေပြည်‌တော်ဘက်မှရန်ကုန်ဘက်သို့ မောင်းနှင့်လာသော Express ခရီးသည်တင်ယာဉ်တစ်စီး၏ နောက်ဝဲဘက် ဘီးပေါက်ကာလမ်းလယ်ကျွန်းရှိ ဘာရီယာတုံးများကို ဝင်တိုက်မိကာ Unber Pass တံတားပေါ်၌ ကန်လန့်ဖြတ်ရပ်တန့်သွားခဲ့ခြင်း ဖြစ်ကြောင်း သိရသည်။

ယင်းအခင်းဖြစ်နေရာသို့ ဗောဓိကုန်းအမြန်လမ်းနယ်မြေ မီးသတ်စခန်း၊ဇီးပင်သာအမြန်လမ်းမကြီးရဲစန်းတို့မှ ကူညီကယ်ဆယ်ရေးလုပ်ငန်းများလုပ်ကိုင်ပေးခဲ့ရကြောင်း၊ ယာဉ်ပေါ်ပါခရီးသည်များ ဘေးကင်းကြကာ ဒဏ်ရာရသွားသည့် ယာဉ်နောက်လိုက် အမျိုးသားအား တောင်ငူပြည်သူဆေးရုံသို့ ပို့ဆောင်ထားကြောင်း သိရသည်။

#ymg/mt
#Yangon_Media_Group

Published 26 Sept 2022

အက်ပဲလ်ကုမ္ပဏီက ယင်းတို့ရဲ့ နောက်ဆုံးထုတ် iPhone 14 ကို အိန္ဒိယနိုင်ငံမှာ ထုတ်လုပ်မယ်လို့ ကြေညာလိုက်ပါတယ်။ ဒါဟာ နည်းပညာကုမ္ပဏီကြီးရဲ့ သူ့ရဲ့ ထုတ်လုပ်မှုလုပ်ငန်းတွေကို တရုတ်ကနေ အချို့ ဖယ်ခွာလာတာဖြစ်ပါတယ်။

ကုမ္ပဏီဟာ အထင်ကရ အိုင်ဖုန်းဖြစ်တဲ့ iPhone 14 စတင်ဖြန့်ချိမှုအခမ်းအနားကို ဒီလစောစောပိုင်းမှာာကျင်းပခဲ့ပါတယ်။ အဲဒီမှာ သူတို့ဟာ မျက်စေ့နောက်စရာကောင်းလှတဲ့ နည်းပညာအသစ်တွေထက်  လုံခြုံရေးတိုးမြှင့်တာကို အာရုံစိုက်ထားပါတယ်။

“ iPhone 14 lineup အသစ်ဟာ အမိုက်စား နည်းပညာအသစ်တွေနှင့်အတူ အရေးကြီးလှတဲ့ လုံခြုံရေးစွမ်းဆောင်ရည် တွေပါ ထည့်သွင်းထားပါတယ်။ အဲဒီ iPhone 14 ကို အိန္ဒိယမှာ ကျွန်တော်တို့ထုတ်လုပ်ရတာ စိတ်လှုပ်ရှားပါတယ်” လို့ အက်ပဲလ်က သတင်းထုတ်ပြန်ပါတယ်။

ဂျေပီ-မော်ဂန်ရဲ့သုံးသပ်မှုမှာတော့ အက်ပဲလ်ဟာ ၂၀၂၂နှစ်ကုန်ပိုင်းလောက်မှာ iPhone 14 ထုတ်လုပ်မှုအားလုံးရဲ့ ၅ ရာခိုင်နှုန်းခန့်  အိန္ဒိယကိုရွှေ့နိုင်တယ်လို့ဆိုပါတယ်။ အိန္ဒိယဟာ တရုတ်ပြီးရင် ကမ္ဘာပေါ်မှာ ဒုတိယမြောက် အကြီးဆုံးစမတ်ဖုန်း ဈေးကွက်ဖြစ်ပါတယ်။

၂၀၂၅ အရောက်မှာ အက်ပဲလ်ဟာ အိုင်ဖုန်း လေးလုံးတိုင်းမှာ တစ်လုံးကို အိန္ဒိယမှာ ထုတ်လုပ်သွားနိုင်တယ်လို့ ဂျေပီမော်ဂန်ကပြောပါတယ်၊

Source Reuters

#iphone14

#India_iPhone_producer

#Apple