Published 11 July 2022

နော့ဒ်စီးကြောင်း-၁ လို့အမည်ပေးထားတဲ့ ရုရှားကနေ ဥရောပကို ဓာတ်ငွေ့ပို့လွှတ်တဲ့ အဓိက ပိုက်လိုင်းကို တစ်နှစ်တစ်ကြိမ်ပြုလုပ်တဲ့ ပြုပြင်ထိန်းသိမ်းရေးအတွက်ဆိုပြီး တနင်္လာနေ့က ပိတ်လိုက်ပြီး ပိုက်လိုင်းပိတ်တာ ၁၀ရက်ခန့်ကြာမြင့်နိုင်တယ်လို့ သိရပါတယ်။

အဲဒီလိုပိတ်လိုက်လို့ ဥရောပမှာ ဓာတ်ငွေ့မလုံလောက်မှု ပိုကြီးမားလာလိမ့်မှာကို စိုးရိမ်ပူပန်မှုတွေ မြင့်တက်လာနေပါတယ်။

အစိုးရဟာ ရုရှားရဲ့ ဓာတ်ငွေ့ထောက်ပံ့ပို့ဆောင်မှု အပြည့်အဝဖြတ်တောက်တာအတွက် အစီအစဉ်တွေလုပ်နေတယ်လို့ ပြင်သစ် ဘဏ္ဍာရေးဝန်ကြီး ဘရူနိုလေမာရီက ပြောပါတယ်။

ပြင်သစ်ရဲ့ ဓာတ်ငွေ့ရရှိမှုစုစုပေါင်းရဲ ၁၇ရာခိုင်နှုန်းခန့်ကို ရုရှားက တင်သွင်းနေရတာပါ။ ရုရှား-ယူကရိန်း ပဋိပက္ခစကတည်းက ဥရောပနိုင်ငံတွေဟာ ရုရှားကလွဲပြီး အခြားနိုင်ငံတွေထံမှ သဘာဝဓာတ်ငွေ တင်သွင်းမှုကို တိုးမြှင့်နေခဲ့ကြပါတယ်။

ဒါပေမယ့် ဖင်လန်နိုင်ငံရဲ့ စွမ်းအင်နှင့်သန့်စင်လေ သုတေသနစင်တာရဲ့ မကြာသေးခင်က ထုတ်ပြန်တဲ့ အစီရင်ခံစာမှာတော့ ပြင်သစ်ဟာ ရုရှားထံက ရေနံဓာတ်ငွေ့ရည်(LNG) ကို အများအပြားဝယ်ယူနေတုန်းပဲလို့ ဖော်ပြထားပါတယ်။

နှစ်ပတ်လည်ပြုပြင်မွမ်းမံမှုအပြီးမှာ နော့ဒ်စီးကြောင်း-၁ ပိုက်လိုင်းကို ရုရှားက ဆက်ပြီးပိတ်ထားမယ်ဆိုရင် ဖြစ်နိုင်ချေရှိနေတဲ့ ပြိုလဲကျမှုတွေကို ဂျာမနီကလည်း စိတ်ပူပန်နေပါတယ်။

ဂျာမနီဟာ နိုဝင်ဘာအထိ သူတို့ရဲ့သိုလှောင်နိုင်စွမ်းရဲ့ ၉၀ရာခိုင်နှုန်းအထိ စုဆောင်းရရှိထားဖို့ ရည်မှန်းထားပါတယ်။ ဒါပေမယ့် လက်ရှိမှာတော့ ၆၂.၆ ရာခိုင်နှုန်းပဲရှိနေပါတယ်။

စွမ်းအင်မလုံလောက်မှုတွေဟာ ဂျာမန်ကို နှစ်ပေါင်းမျာစွာ ရိုက်ခတ်နေလိမ့်မယ်လို့ ဂျာမန် အဓိပတိ အိုလက်ရှခိုးလ်က စနေနေ့တုန်းက သတိပေးလိုက်ပါတယ်။

စွမ်းအင်မလုံလောက်မှုတွေအတွက် ပြင်ဆင်ဖို့ ရေတိုအဆင့်တွေ အတော်များများကို အစိုးရက လုပ်ဆောင်ပြီးပါပြီလို့ သူကပြောပါတယ်။ ဂျာမနီဟာ ရေနံ၊ကျောက်မီးသွေးနှင့်သဘာဝဓာတ်ငွေ့တွေကို အမှီအခိုကင်းလာအောင်နှင့် ပြန်လည် ပြည့်ဖြိုးမြဲစွမ်းအင်တွေကို အချိုးအစားတိုးချဲ့ထုတ်လုပ်ဖို့ ရည်ရွယ်ထားတာဖြစ်ပါတယ်။

Source CCTV+

#Russia_Gas

#Nord_Stream_1

#Russia_Ukraine_war

Published 11 July 2022

လာမည့် ၂၀၂၃ခုနှစ်တွင် အိန္ဒိယနိုင်ငံဟာ တရုတ်နိုင်ငံကို ကျော်ဖြတ်ကာ ကမ္ဘာ့လူဦးရေအများဆုံးနိုင်ငံဖြစ်လာလိမ့်မယ်လို့ ကုလသမဂ္ဂက ပြောပါတယ်။ ကုလသမဂ္ဂရဲ့ စီးပွားရေးနှင့်လူမှုရေးရာဌာန၊လူဦးရေဌာနခွဲက ထုတ်ပြန်တဲ့ ကမ္ဘာ့လူဦးရေ   မျှော်မှန်းချက် ၂၀၂၂ မှာ အဲသလိုဖော်ပြထားတာဖြစ်ပါတယ်။

၂၀၂၂ခုနှစ်မှာ အိန္ဒိယနိုင်ငံရဲ့ ၁.၄၁၂ ဘီလျံရှိတဲ့ လူဦးရေဟာ တရုတ်နိုင်ငံရဲ့ ၁.၄၂၆ ဘီလျံရှိတဲ့ လူဦးရေထက် အနည်းငယ်မျှပဲ လျော့နည်းနေတာဖြစ်တယ်လို့ အစီရင်ခံစာအရ သိရပါတယ်။

ကုလသမဂ္ဂရဲ့ လူဦးရေခန့်မှန်းချက်ဟာ ၂၀၂၀ ဇူလိုင်မှာ ထုတ်ပြန်ခဲ့တဲ့ အိန္ဒိယအစိုးရရဲ့ အမျိုသားလူဦးရေကော်မရှင်ရဲ့ ခန့်မှန်းချက်နှင့်တော့ ကွာဟနေပါတယ်။ အဲဒီအစီရင်ခံစာအရ အိန္ဒိယနိုင်ငံမှာ ၂၀၂၃မှာ လူဦးရေ ၁.၃၉ ဘီလျံနှင့် ၂၀၂၅ အရောက်မှာ ၁.၄၁ ဘီလျံရောက်ရှိမယ်လို့ ခန့်မှန်းဖော်ပြထားတာဖြစ်ပါတယ်။

ဒါပေမယ့် အိန္ဒိယနိုင်ငံရဲ့ လူဦးရေဟာ လာမယ့်နှစ်မှာ တရုတ်ကို ကျော်ဖြတ်လိမ့်မယ်ဆိုတောကိုတော့  ထိုကော်မရှင်အဖွဲ့ဝင် တစ်ဦးဖြစ်တဲ့ အာမစ်တာကန်ဒူးက သဘောတူပါတယ်။ ဘာဖြစ်လို့လဲဆိုတော့ အိန္ဒိယဟာ လက်ရှိမှာ တရုတ်ထက် လူဦးရေ တိုးပွားနှုန်း အဆမတန်မြင့်မားနေလို့ဖြစ်တယ်လို့သူကပြောပါတယ်။

#World_Populations_Day

#India_Overtake_China-in_Population_2023

#India_Populations

Source Business Standard

#Local_News
Published - 11 July 2022

မြန်မာနိုင်ငံအနေနဲ့ ဆူနာမီနဲ့ပတ်သက်လို့ ရခိုင်ဘက်မှာအင်အားပြင်းငလျင်ကြောင့် ဆူနာမီလှိုင်းတွေဖြစ်ပေါ်ခဲ့ဖူးတဲ့အတွက် ဆူနာမီကိုလည်းသတိပြုဖို့ လိုအပ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ မြေငလျင်ဌာနခွဲ ဒုတိယညွှန်ကြားရေးမှူးဒေါက်တာယဥ်မျိုးမင်းထွေးက သတိပေးပြောပါတယ်၊၊

#Yangon_Media_Group

#Local_News
Published _ 11 July 2022

နိုင်ငံခြားငွေလိုအပ်ချက်အရ ပြည်ပကိုတင်ပို့ခွင့်ပိတ်ထားတဲ့ ဆီထွက်သီးနှံတွေ ပြန်လည်တင်ပို့ခွင့်ကို ပြီးခဲ့တဲ့ ဇူလိုင်လ ဒုတိယအပတ်က စီးပွားရေးနှင့်ကူးသန်းဝန်ကြီးဌာန၊ ကုန်သွယ်ရေးဦးစီးဌာနမှ ထုတ်ပြန်ထားပါတယ်။

#Yangon_Media_Group

#DailyNews
Published - 11 July 2022

၁။ဆီထွက်သီးနှံများကို ပြည်ပသို့တင်သွင်းခွင့်နှင့် လိုင်စင်များပြန်လည်ဖြေလျော့ပေးထား

၂။မြန်မာနိုင်ငံအနေဖြင့်လည်း ဆူနာမီကိုသတိပြုရန်လိုဟုဆို

၃။ နေ့စဉ်မိုးလေဝသသတင်း။

၄။ လွန်ခဲ့သောနှစ်သန်းပေါင်းတစ်ရာကျော်မှ ဒိုင်နိုဆောခြေရာများ တရုတ်တွင်တွေ့ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published _ 11 July 2022

လယ်ယာမြေများကို ခွင့်ပြုချက်မရရှိဘဲ အကွက်ရိုက်ရောင်းချလျင် လယ်ယာမြေဥပဒေအရ အမြင့်ဆုံး ထောင်ဒဏ် ၂နှစ်အထိ ချမှတ်နိုင်ကြောင်း နိုင်ငံတော်စီမံအုပ်ချုပ်ရေး ကောင်စီ၊ သတင်းထုတ်ပြန်ရေးအဖွဲ့မှ ထုတ်ပြန်ထားသည်။

လယ်ယာမြေလုပ်ကိုင်ခွင့်ပြုလက်မှတ် ပုံစံ (၇) ရရှိသူများအနေဖြင့် လယ်ယာမြေအား ခွင့်ပြုမိန့်မရဘဲ တခြားနည်းဖြင့် ကျူးလွန်အသုံးပြုလျင် လယ်ယာမြေဥပဒေ ပုဒ်မ (၁၉) အရ သက်ဆိုင်ရာ မြို့နယ်လယ်ယာမြေ စီမံခန့်ခွဲမှုအဖွဲ့အနေနှင့် သတ်မှတ်ဒဏ်ကြေးငွေ ပေးဆောင်စေခြင်း၊ သတ်မှတ် နည်းလမ်းအတိုင်း လယ်ယာမြေကိုဆောင်ရွက်ခြင်းနှင့် လယ်ယာမြေပေါ်မှ အပြီးနှင်ထုတ်ခြင်းများ ပြုလုပ်နိုင်ကြောင်း ပါရှိသည်။

ယင်းပြင် လယ်ယာမြေပေါ်၌ ခွင့်ပြုချက်မရှိဘဲ ဆောက်လုပ်ထားသည့် အဆောက်အအုံများကို ဖယ်ရှားခြင်းစသည့် အမိန့်တစ်ရပ် သို့မဟုတ် အမိန့်တစ်ရပ်ထက် ပိုချမှတ်နိုင်ကြောင်း ယင်း ထုတ်ပြန်ချက်တွင်ပါရှိသည်။

အဆိုပါ ပုဒ်မ (၁၉)အား လိုက်နာဆောင်ရွက်မှုမရှိလျင် လယ်ယာမြေဥပဒေ ပုဒ်မ (၂၀) အရ သက်ဆိုင်ရာ တရားရုံးမှာ ဦးတိုက်လျှောက်ထားတရားစွဲဆိုမည်ဖြစ်ပြီး ပြစ်မှုထင်ရှားစီရင်ခံရလျင် အနည်းဆုံး ထောင်ဒဏ်ခြောက်လမှ အများဆုံး ထောင်ဒဏ် နှစ်နှစ်ထိ ချမှတ်နိုင်ကြောင်း သိရသည်။

ငွေဒဏ်အနေနှင့် ကျပ်သုံးသိန်းမှ ကျပ်ငါးသိန်းအထိ ချမှတ်နိုင်ပြီး ထောင်ဒဏ်နှင့် ငွေဒဏ် နှစ်မျိုးလုံးလည်း ချမှတ်နိုင်ကြောင်း ပါရှိသည်။

မြေကွက်ဝယ်ယူသူများအနေဖြင့် ဂရန်၊ ဘိုးဘွားပိုင် နှင့် အစိုးရမှ တရားဝင်ချပေးထားသည့် မြေပေးမိန့်ရှိသော မြေများကိုသာ ဝယ်ယူကြရန်နှင့် လယ်ယာမြေများကို တခြားနည်းဖြင့် အသုံးပြုခွင့် ခွင့်ပြုမိန့် မရသေးလျင် ထိုမြေအား ဝယ်ယူခြင်း မပြုလုပ်ရန် ယင်းထုတ်ပြန်ချက်၌ ပါရှိသည်။

ymg/NN
#Yangon_Media_Group

#Local_News
Published - 11 July 2022

ကိုဗစ်-၁၉ ရောဂါထပ်မံကူးစက်မှုမရှိစေရန်အတွက် ထပ်ဆောင်းကာကွယ်ဆေးကို မဖြစ်မ နေထိုးရန်လိုအပ်ကြောင်း ကျန်းမာရေးဝန်ကြီးဌာနမှ ပြောရေးဆိုခွင့်ရှိသူ ဒေါက်တာသန်းနိုင်စိုးကပြောသည်။

"အဓိကတော့ ကာကွယ်ဆေးပဲပေါ့။ ထပ်ဆောင်းကာကွယ်ဆေးကို မဖြစ်မနေထိုးဖို ၁၈ နှစ်အထက်တွေ အားလုံးပေါ့။ ပြီးတော့ သူ့အုပ်စုအတိုင်း အကျုံးဝင်တဲ့သူတွေပေါ့ ၅ နှစ်ကနေ ၁၅ နှစ်အထိဆိုရင်လည်း အခြေခံပညာကျောင်းသားကျောင်းသူတွေပေါ့နော်။ ဘုန်းတော်ကြီးကျောင်း ပညာသင်တဲ့သူတွေ အားလုံးပါတာပေါ့။ ပညာရေးဝန်ကြီးဌာနရဲ့ လက်အောက်မှာရှိတဲ့ အခြေခံပညာကျောင်းတွေမှာ ထိုးပေးနေပြီ။ Booster လုံးတွေကိုလည်း ၁၈ နှစ်အထက်အကုန်ထိုးပေးနေပြီ။ ကာကွယ်ဆေးကမပျက်မကွက် ထိုးဖို့အရေးကြီးပါတယ်။ တစ်ကိုယ်ရည်ကာကွယ်ရေးနည်းလမ်းတွေကို ဆက်လုပ်ဖို့ လိုပါတယ်။ မျိုးပြောင်းက ပြည်ပနိုင်ငံကနေ ဝင်တာများတာပေါ့။ ပြည်ပကနေလာတယ်ဆိုတာကလည်း လမ်းကြောင်းအမျိုးမျိုးရှိတယ်။ အဲဒီအတွက်လည်း သတ်မှတ်ထားတာရှိတာပေါ့"ဟုယင်းကပြောသည်။

ယင်းအပြင် ကာကွယ်ဆေးအကြိမ်ပြည့် ထိုးနှံပြီးစီးသူ ၂၇၅၄၅၃၂၉ ဦးနှင့် ထပ်ဆောင်း ကာကွယ်ဆေး ထိုးနှံပြီးစီးသူ ၂၄၀၄၈၀၂ ဦး ရှိပြီဖြစ်ကြောင်းလည်း သိရသည်။

ကိုဗစ်-၁၉ ကာကွယ်ဆေး ထိုးနှံပြီးစီးမှုအနေဖြင့် လက်ရှိအချိန်ထိ ၂၉ သန်းကျော် ထိုးနှံပြီးဖြစ်ကြောင်း သိရသည်။

အိမ်နီးချင်း ထိုင်းနိုင်ငံတွင်လည်း ကိုဗစ်- ၁၉ ရောဂါပိုးတွေ့ရှိသူ များပြားလာပြီး သေဆုံးသူများလည်းရှိလာကြောင်း သိရသည်။

ymg/sth
#Yangon_Media_Group

#Local_News
Published _ 11 June 2022

ကရင်ပြည်နယ် ဘားအံခရိုင် လှိုင်းဘွဲ့မြို့နယ်၊ နောင်တိုင်ကျေးရွာတွင် လူငယ်လူရွယ်များ ကျောင်းသား၊ ကျောင်းသူများအနေဖြင့် အခြေခံဗုဒ္ဓတရားတော်များကို သိရှိပြီး ယဉ်ကျေးလိမ္မာစေရန်အတွက် ဗုဒ္ဓဘာသာ ယဉ်ကျေးလိမ္မာစင်တာ ဟိတဓရဖောင်ဒေးရှင်း(ခွဲ)နှင့် ဆရာတော်၊ သံတော်ကြီးများကဦးဆောင်၍ ယဉ်ကျေးလိမ္မာဓမ္မစကူးလ်သင်တန်းဖွင့်ပွဲကို ယမန်နေ့က နောင်တိုင်ကျေးရွာဘုန်းတော်ကြီးကျောင်း၌ ဆောင်ရွက်ခဲ့သည်။

အခမ်းအနားတွင် ကျေးရွာအတွင်း လူငယ်များ ယဉ်ကျေးလိမ္မာစေရန်အတွက် အခြေခံဗုဒ္ဓတရားများကို သင်ကြားပေးခြင်း၊ လူငယ်များအနေဖြင့် မိမိအနာဂတ်၊ မိမိကျေးရွာ အနာဂတ်အတွက် စွမ်းစွမ်းတမံ ဆောင်ရွက်ပေးပြီး လူတော်လူကောင်းများဖြစ်လာခြင်းနှင့် သင်တန်းဖွင့်လှစ်ရခြင်း၏ ရည်ရွယ် ချက်များကို ဩဝါဒစကားများ မြွက်ကြားခဲ့ကြပြီး ဓမ္မစကူးလ် သင်တန်း ဆရာ၊ ဆရာမများက သင်တန်းတွင် သင်ကြားမည့် အခြေခံဗုဒ္ဓတရားများ၊ ဘာသာရပ်များနှင့် လိုက်နာရမည့် စည်းကမ်းများကို ရှင်းလင်းပြောကြားခဲ့ကြောင်း သိရသည်။

အဆိုပါ ယဉ်ကျေးလိမ္မာဓမ္မစကူးလ် သင်တန်းကိုဗုဒ္ဓဝင် မင်္ဂလာတရားတော်၊ ဗုဒ္ဓ ဘာသာဝင်တို၏ လိုက်နာကျင့်သုံးရမည့် လုပ်ငန်းစဉ်များ၊ လူမှုကျင့်ဝတ်များ၊ ဗုဒ္ဓဝါဒ အဘိဓမ္မာ တရားတော်များ၊ အဆုံးအမတရားတော်များ၊ စသည့် အခြေခံဗုဒ္ဓတရားတော်များကိုကျောင်းသား၊ ကျောင်းသူများ၊ လူငယ်များ သိရှိနိုင်စေရန်အတွက် အပတ်စဉ် စနေ၊ တနင်္ဂနွေနေ့ရက်များတွင် ဖွင့်လှစ်သင်ကြားပေးသွားမည်ဖြစ်ကြောင်း သိရှိရသည်။

ymg/NN
#Yangon_Media_Group

#Local_News
Published - 11 July 2022

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ပြည်ပသို့ ဆီထွက်သီးနှံတင်ပို့ခွင့် ပြန်လည်ခွင့်ပြုပြီးနောက်ပိုင်းတွင်း နှမ်းနှင့် မြေပဲဈေးနှုန်းများ ဈေးမြင့်တက်လာကြောင်း ကုန်သည်များ၏ပြောပြချက်အရ သိရသည်။

ပြည်တွင်း၌ ဆီဈေးမြင့်တက်လာသည့်အတွက် ဝယ်ယူမှုများ မြင့်နေပြီး ပဲဈေးကွက်တွင် မြေပဲလုံးအနီဆံ တစ်ပိဿာ ၄,၅၀၀ ကနေ ၄,၇၀၀ ကျပ်ပေါက်ဈေးရှိပြီး တစ်ပိဿာ ၃၀၀ ကျပ်ဈေးတက်လာကြောင်း သိရသည်။

နှမ်းဖြူဈေးနှုန်းသည် တစ်အိတ်လျှင် ၂၂၀,၀၀၀ မှ ၂၄၀,၀၀၀ ပေါက်ဈေးရှိနေပြီး နှမ်းဖြူရိုးရိုးဈေးနှုန်းမှာ တစ်အိတ်လျှင် ၂၀၀,၀၀၀ ပေါက်ဈေးရှိကြောင်း၊နှမ်းညို ဈးနှုန်းသည် နှမ်းညို(သစ်) တစ်အိတ်လျှင် ၁၇၀,၀၀၀ မှ ၁၇၂,၀၀၀ ပေါက်ဈေးရှိကာတစ်အိတ်လျှင် ၂၀,၀၀၀ ကျပ်ဈေးတက်လာကြောင်း သိရသည်။

စားသုံးဆီ အဓိကတင်ပို့သည့် အင်ဒိုနီးရှားနိုင်ငံမှ တင်ပို့မှုရပ်ဆိုင်းလိုက် ခြင်းကြောင့် လယ်ယာထွက်ကုန်ပစ္စည်းများဖြစ်သည့် နှမ်းနက်မှလွဲ၍ မြေပဲနှင့်နှမ်းကို မေလ ၉ ရက်မှ စတင်ကာပြည်ပနိုင်ငံတွေထံ တင်ပို့ရောင်းချခွင့် ရပ်ဆိုင်းခဲ့ကြောင်း သိရသည်

ယင်းအပြင် နိုင်ငံခြားငွေလိုအပ်ချက်အရ ပြည်ပတင်ပို့ခွင့်ပိတ်ထားသည့် ဆီထွက်သီးနှံများကို ပြန်လည်တင်ပို့ခွင့်ပြုခဲ့ကြောင်း စီးပွားရေးနှင့်ကူးသန်းဝန်ကြီးဌာန၊ ကုန်သွယ်ရေးဦးစီးဌာန၏ ထုတ်ပြန်ချက်အရ သိရသည်။

ymg/sth
#Yangon_Media_Group

#Local_News
Published_11 July 2022

ရခိုင်ပြည်နယ် ၊ ကျောက်တော်မြို့ရှိ ကမ္ဘာ့ရတနာဘဏ်မန်နေဂျာ ဦးဝင်းနိုင်အား လက်နက်ကိုင်အဖွဲ့ တစ်ဖွဲ့က ဖမ်းဆီးသွားကြောင်း ဒေသခံများက အတည်ပြုပြောဆိုသည်။

ပြီးခဲ့သည့် ဇူလိုင်လ ၉ ရက်က ကျောက်တော်မြို့နယ်၊ အလယ်ရွာသို့ သွားရောက်လည်ပတ်စဉ် ယင်းအဖွဲ့က ဖမ်းဆီးသွားခြင်းဖြစ်ကြောင်း သိရသည်။

ဦးဝင်းနိုင်သည် ကျောက်တော်ကမ္ဘာ့ရတနာဘဏ်၏ မန်နေဂျာဖြစ်ပြီး စစ်မှုထမ်းဟောင်းအဖွဲ့ ဥက္ကဋ္ဌလည်း ဖြစ်ကြောင်း၊ ယင်းအနေဖြင့် လက်ရှိနိုင်ငံရေးကိစ္စများတွင်လည်း ပါဝင်ပတ်သက်ခြင်းမျိုးမရှိဘဲ ဆေးအေးဆေးဆေး နေတတ်သူတစ်ယောက် ဖြစ်ကြောင်းလည်း သိရသည်။

"ဒီကိစ္စနဲ့ပတ်သက်ရင် ကမ္ဘာ့ရတနာဘဏ်က စစ်တွေမန်နေဂျာကို မေးပါ။သူတို့က ဘယ်အကြောင်းပဲဖြစ်ဖြစ် မန်နေဂျာကိုဆက်သွယ်ပါလို့ ပြောထားတာရှိတယ်"ဟု ရခိုင်ပြည်နယ်အစိုးရအဖွဲ့ ဝန်ကြီးတစ်ဦးက YMG ကို ပြောသည်။

ယခုအခါ ဦးဝင်းနိုင်အား ဖမ်းဆီးသွားခြင်းမှာ မည်သည့်အကြောင်းကြောင့်ဆိုသည်ကို မည်သူမျှ မသိကြသေးပေ။

ymg/mt
#Yangon_Media_Group

#WorldCrime
Published 11 July 2022

ဂျပန်နိုင်ငံရဲ့ သက်တမ်းအကြာရှည်ဆုံးခေါင်းဆောင် ဝန်ကြီးချုပ်ဟောင်း'ရှင်ဇိုအာဘေး'ကို လုပ်ကြံပစ်သတ်ခဲ့တဲ့ တရားခံဟာ လုပ်ကြံရာမှာအသုံးပြုခဲ့တဲ့သေနတ်ပြုလုပ်ဖို့အတွက် ယူကျူ့ဘ်ကနေကြည့်ရှုခဲ့ကြောင်း စုံစမ်းရေးသတင်းအရင်းအမြစ်တွေကနေ တနင်္ဂနွေနေ့က ဖော်ပြခဲ့ပါတယ်။

အသက် ၄၁ နှစ်ရှိ'တက်ဆုယာယာမာဂါမီ'က သူမကျေမနပ်ဖြစ်နေတဲ့ ဘာသာရေးအဖွဲ့အစည်းတစ်ခုနဲ့ဆက်နွယ်နေတဲ့ စက်ရုံတစ်ခုမှာ လက်လုပ်သေနတ်တစ်ခုကို စမ်းသပ်ခဲ့တယ်လို့ ဝန်ခံခဲ့ကြောင်း သတင်းအရင်းအမြစ်တွေမှာ ဖော်ပြထားပါတယ်။

ထိုအဖွဲ့အစည်းဟာ 'အာဘေး'နဲ့လည်းဆက်စပ်နေပြီး 'ယာမာဂါမီ'ရဲ့အမေကလည်း အဆိုပါ အဖွဲ့အစည်းကို လှူဒါန်းမှုကြီးတစ်ခုပြုလုပ်ထားကြောင်း ဖွင့်ဟခဲ့ပါတယ်။

နာရာစီရင်စုနယ်ရဲတပ်ဖွဲ့က 'ယာမာဂါမီ'ဟာ ကြိုတင်စီစဉ်ထားတဲ့လုပ်ကြံမှုကိုမပြုလုပ်ခင်မှာ သေနတ်ကိုစမ်းသပ်ခဲ့တယ်လို့ ယူဆနေကြပါတယ်။

ရွေးကောက်ပွဲအတွက် မဲမပေးခင် ၂ ရက်အလို သောကြာနေ့မှာ ဂျပန်အနောက်ပိုင်းနာရာမြို့ရှိ မီးရထားဘူတာရုံအပြင်ဘက်၌ အသက် ၆၇ နှစ်ရှိ'အာဘေး'က အောက်လွှတ်တော်ရွေးကောက်ပွဲမိန့်ခွန်းပြောကြားနေစဉ် 'ယာမာဂါမီ'က ပစ်သတ်ခဲ့တာဖြစ်ပါတယ်။

လုပ်ကြံသတ်ဖြတ်ရတဲ့ ရည်ရွယ်ချက်က နိုင်ငံရေးလှုံ့ဆော်မှုအရ မဟုတ်ကြောင်း 'ယာမာဂါမီ'ကငြင်းဆန်ခဲ့ကာ လစ်ဘရယ်ဒီမိုကရက်တစ်ပါတီအဖွဲ့ရဲ့ အမှုဆောင်တစ်ဦးကို အစကပစ်မှတ်ထားခဲ့ပြီးနောက် ထိုအဖွဲ့ရဲ့ခေါင်းဆောင်ဟောင်းကို လုပ်ကြံရန်ကြိုးပမ်းခဲ့တာဖြစ်ကြောင်း ရဲတွေဆီမှာဝန်ခံခဲ့ပါတယ်။

စီရင်စုနယ်ရဲတပ်ဖွဲရဲ့ပြောကြားချက်အရ 'အာဘေး'ကိုလုပ်ကြံခဲ့တဲ့သေနတ်နဲ့အလားတူ လက်လုပ်သေနတ်များစွာကို 'ယာမာဂါမီ'ရဲ့အိမ်ကနေ သိမ်းဆည်းရမိခဲ့ပြီး ယူကျူ့ဘ်ကနေကြည့်ရှုကာ သေနတ်ပြုလုပ်နိုင်ဖို့အကြိမ်ကြိမ်ကြိုးစားခဲ့ရတဲ့ပုံစံမျိုး မြင်တွေ့ခဲ့ရပါတယ်။

'အာဘေး'ကို ပစ်ခတ်ခဲ့တဲ့သေနတ်က ကျည်ဆံ ၆ တောင့်ထည့်သွင်းပစ်ခတ်နိုင်တဲ့ သေနတ်ဖြစ်ပါတယ်။
သတ္တုပိုက်နှစ်ခုကို တိပ်ဖြင့်တွဲချည်ထားပြီး ပလတ်စတစ်ဘူးခွံထဲက ကျည်ဆံတွေက ပြောင်းနှစ်ခုစလုံးကနေထွက်နိုင်တာကြောင့် ပြောင်းချောအနီးပစ်သေနတ်နဲ့ဆင်တူကြောင်း ဖော်ပြထားပါတယ်။

သေနတ်စမ်းသပ်ရင်း အပေါက်တွေကျန်ခဲ့တယ်လို့ယူဆရတဲ့ ၁ စတုရန်းမီတာအရွယ်အစားရှိ သစ်သားပြားတွေကို 'ယာမာဂါမီ'ရဲ့ကားထဲကနေတွေ့ရှိခဲ့ပါတယ်။

ဒါ့အပြင် ယမ်းမှုန့်တွေအခြောက်ခံတဲ့နေရာမှာအသုံးပြုတဲ့ အလူမီနီယမ်အုပ်ဗန်းကိုလည်း တွေ့ခဲ့ရပါတယ်။

'ယာမာဂါမီ'က ဗုံးတစ်လုံးပြုလုပ်ရန်လည်းကြိုးပမ်းခဲ့ပေမယ့် စမ်းသပ်ရာမှာ အမှားအယွင်းတွေဖြစ်နေတာကြောင့် မအောင်မြင်ခဲ့ဘူးလို့ ဆိုခဲ့ပါတယ်။

ရေကြောင်းကာကွယ်ရေးတပ်သားဟောင်းတစ်ဦးဖြစ်တဲ့ 'ယာမာဂါမီ'ကို အမှုဖြစ်ပွားရာနေရာမှာပဲ ရဲတွေကဖမ်းဆီးရမိခဲ့ပြီး လူသတ်မှုဖြင့် အစိုးရရှေ့နေများထံ တနင်္ဂနွေနေ့က ပို့ဆောင်ခဲ့ပါတယ်။

'အာဘေး'ကတော့ ဘယ်ဘက်လက်မောင်းနဲ့ လည်ပင်းတိုမှာ သေနတ် ၂ ချက်ထိမှန်ခဲ့ပြီး သွေးထွက်လွန်ကာကွယ်လွန်သွားခဲ့ပါတယ်။

'အာဘေး'မိန့်ခွန်းမပြောခင်က ကင်တက်ဆုမီးရထားရဲ့ ယာမာတိုဆိုင်ဒိုင်ဂျီဘူတာရုံနားတဝိုက်မှာ လှည့်လည်သွားလည်ခဲ့တယ်လို့ ရဲတွေထံဝန်ခံခဲ့ပါတယ်။

လုံခြုံရေးကင်မရာမှာ ဖမ်းယူရရှိခဲ့တဲ့သက်သေများအရ ပစ်ခတ်မှုမဖြစ်ခင် တစ်နာရီခွဲအလို မနက် ၁၀ နာရီအချိန်မှာ ဘူတာရုံသို့ရောက်ရှိခဲ့ပြီး ဆိုင်အများအပြားကို ဝင်ထွက်သွားလာခဲ့ပုံတွေကိုလည်း ရိုက်ကူးမိခဲ့ပါတယ်။

Source: KYODO NEWS
#Yangon_Media_Group

#WorldNews
Published 11 July 2022

လေယာဉ်မှူးဖြစ်လာရန် အလုပ်သင်လေ့ကျင့်နေတဲ့ ဗြိတိန်အမျိုးသမီးငယ်တစ်ဦးဟာ ဘယ်လ်ဂျီယမ်ကိုရောက်ရှိနေစဉ် ခြင်ကိုက်ခံရပြီးနောက် သေဆုံးသွားခဲ့ကြောင်း ဗုဒ္ဓဟူးနေ့က ဖော်ပြခဲ့ပါတယ်။

‘အော်ရီယာနာပက်ပါ’ဟာ ၂၀၂၁ ဇူလိုင်လက အန်တွာ့ပ်မြို့ကိုရောက်နေစဉ် ခြင်ကိုက်ခံရပြီး ရောဂါပိုးဝင်ရောက်ကာ ဦးနှောက်သို့ကူးစက်သွားခဲ့ပါတယ်။

အသက် ၂၁ နှစ်အရွယ်အမျိုးသမီးဟာ ညာဘက်မျက်လုံးနားက အကိုက်ခံရတဲ့နေရာဟာ ဖူးရောင်လာသဖြင့် အရေးပေါ်သို့တက်ရောက်ခဲ့ရပါတယ်။

သူ့အတွက် ပိုးသတ်ဆေးများအသုံးပြုဖို့ ဆေးညွှန်းပေးလိုက်ပြီး အိမ်ပြန်လွှတ်လိုက်ပါတယ်။

ဒါပေမဲ့ နောက် ၂ ရက်မှာ လဲကျသွားခဲ့ပြီး ရည်းစားဖြစ်သူက ဆေးရုံသို့ပြန်ခေါ်လာခဲ့ပါတယ်။

ခြင်ကိုက်ခံရပြီး ၅ ရက်အကြာ ၂၀၂၁ ဇူလိုင် ၁၂ ရက်နေ့မှာ သေဆုံးခဲ့ပြီး အကြောင်းအရင်းကတော့ ရောဂါပိုးဝင်ကာ သွေးကြောပိတ်ဆို့ခြင်းကြောင့်ဖြစ်ပါတယ်။

မွေးရပ်မြေမှ မှုခင်းစုံစမ်းစစ်ဆေးရေးအရာရှိ’နိုင်ဂျယ်ပါ့စ်လေ’က သူမဟာ ခြင်ကိုက်ခံရပြီးနောက် ရောဂါပိုးက နဖူးအထိကူးစက်လာတာကြောင့်လို ရှင်းပြပါတယ်။

အရင်ကလည်း တစ်ခါမှမကြားဖူးကြောင်း၊ ဘဝရှေ့ရေးဖြောင့်ဖြူးနေတဲ့မိန်းကလေးတစ်ယောက် ကံမကောင်းအကြောင်းမလှဖြစ်ရတာဖြစ်ကြောင်း ပြောပြခဲ့ပါတယ်။

BBC ရဲ့ဖော်ပြချက်အရ ‘ပက်ပါ’ဟာ EasyJet ရဲ့ သီအိုရီစာမေးပွဲကို အလွယ်တကူအောင်မြင်ပြီး နောက်ထပ်လေ့ကျင့်မှုများပြုလုပ်ဖို့ ဘယ်လ်ဂျီယမ်သို့သွားခဲ့ပါတယ်။

ရည်းစားဖြစ်သူ’ဂျိမ်းစ်’က သူတို့နှစ်ယောက်အဲဒီကိုရောက်ရှိစဉ် ခဏခဏခြင်ကိုက်ခံရပေမယ့် ဒေသခံတွေကတော့ ဒါဟာပုံမှန်ရာသီချိန်ကြောင့်ဖြစ်ကြောင်း ဖြေကြားခဲ့ကြတယ်လို့ ဆိုပါတယ်။

‘ပက်ပါ’ရဲ့အဖေ’ထရစ်ရှ်တန်’က သူ့သမီးနဲ့အတူ လေယာဉ်ပျံသန်းရတာသဘောကျပြီး အစ်ကိုဖြစ်သူကလည်း အလုပ်သင်လေယာဉ်မှူးဖြစ်ပါတယ်။

“သမီးက သူချစ်တဲ့သူနဲ့လည်း တွေ့ထားပြီ၊ လေယာဉ်မှူးဖြစ်ဖို့လည်း လေ့ကျင့်နေပြီ၊ ဖြစ်ချင်တာတွေ ဖြစ်လာခဲ့တာပါ”လို့ အဖေကပြောကြားသွားပါတယ်။

Source: New York Post.
#Yangon_Media_Group