#Ukraine_Crisis
Published 8 February 2023

ရုရှားတို့က အသစ်စုဆောင်းထားတဲ့ တပ်သားသောင်းချီခေါ်ဆောင်လာကာ ယူကရိန်းအရှေ့ဘက်ပိုင်းမှာ ဆောင်းတွင်းတိုက်ခိုက်မှုတွေ အပြင်းအထန်ဆောင်ရွက်လာပါတယ်။

ရုရှားက ယူကရိန်းအရှေ့မြောက်ဘက်နဲ့ တောင်ဘက်တို့ကို တိုက်ခိုက်လာမယ်လို့ ယူကရိန်းတို့ကခန့်မှန်းထားပါတယ်။

၂၄ နာရီအတွင်းမှာပဲ ရုရှားတပ်သား ၁,၀၃၀ သေဆုံးခဲ့ကြောင်း ယူကရိန်းစစ်တပ်က အင်္ဂါနေ့မှာပြောကြားလိုက်ပါတယ်။

ဒါကို ပြင်ပကနေသီးသန့်အတည်ပြုနိုင်ခြင်း မရှိသေးသလို ရုရှားတို့ကလည်း ပြီးခဲ့တဲ့သီတင်းပတ်များအတွင်း ယူကရိန်းဘက်မှ ၆,၅၀၀ ခန့် အသေအပျောက်ရှိခဲ့ကြောင်း ဆိုလိုက်ပါတယ်။

ရုရှားတို့က ယူကရိန်းအရှေ့မြောက်ဘက်ခါကိဗ် ဒါမှမဟုတ် တောင်ဘက်ဇာပိုရစ်ဇီယာတို့ကို ပစ်မှတ်ထားတိုက်ခိုက်လာနိုင်ကြောင်း၊ သူတို့ဘယ်လောက်အထိ အောင်မြင်မလဲဆိုတာက ယူကရိန်းအပေါ်မူတည်ကြောင်း ယူကရိန်းနိုင်ငံတော်လုံခြုံရေးအကြီးအကဲ 'အိုလက်ဆီဒန်နီလော့ဗ်'က အင်္ဂါနေ့အင်တာဗျူးမှာ ပြောကြားခဲ့ပါတယ်။

ခါကိဗ်ရှိ မြို့ရွာပေါင်း ၃၀ ကျော်နဲ့ ဇာပိုရစ်ဇီယာရှိ ရပ်ကွက် ၂၀ ခန့် မီးလောင်စွဲခဲ့ကြောင်း ယူကရိန်းလက်နက်ကိုင်တပ်တွေက အင်္ဂါနေ့ညနေခင်းမှာ ‌ပြောကြားခဲ့ပါတယ်။

ယူကရိန်းသမ္မတ'ဗိုလိုဒီမီယာဇယ်လန်စကီ' အပါအဝင်ထိပ်သီးအရာရှိများက ပြောကြားရာမှာ ရုရှားက သူတို့လူမျိုးတွေရှေ့မှာ ကြီးကြီးမားမားလုပ်ပြချင်နေကြောင်း၊ ဖေဖော်ဝါရီ ၂၄ ရက်နေ့ ကျူးကျော်မှုတစ်နှစ်ပြည့်အထိမ်းအမှတ်အဖြစ် အသစ်ခေါ်ယူထားတဲ့တပ်တွေနဲ့ နောက်ထပ်တိုက်ခိုက်မှုကြီးတစ်ရပ် ပြုလုပ်ဖို့ကြိုးစားလာမှာဖြစ်ကြောင်း ဆိုပါတယ်။

မနှစ်က ယူကရိန်းမြို့‌တော်ကို ရုရှားတို့မသိမ်းပိုက်နိုင်ခဲ့ဘဲ ၂၀၂၂ ဒုတိယနှစ်ဝက်မှာလည်း မြေပြင်ဆုံးရှုံးလာခဲ့တာကြောင့် ဒုတိယကမ္ဘာစစ်နောက်ပိုင်း ပထမဆုံးအကြိမ်အဖြစ် တပ်သားခေါ်ယူခဲ့ကာ တပ်သားပေါင်းသိန်းသောင်းချီ အသုံးပြုလာမှာဖြစ်ပါတယ်။

ရရှားဘက်က ထောင်ပေါင်းများစွာ သေဆုံးထားပေမယ့် ယူကရိန်းရဲ့ အဓိကနေရာကြီးတွေ တစ်ခုမှမသိမ်းပိုက်နိုင်ခဲ့ပါဘူး။

ရုရှားတို့က ယင်းတို့ပိုင်နယ်မြေလို့ သတ်မှတ်ထားတဲ့ ဒိုနက်စ်နဲ့ လူဟန့်စ်ဒေသတွေကို အလိုရှိနေဆဲဖြစ်တယ်လို့ ခန့်မှန်းရပါတယ်။

Source: Reuters
#Yangon_Media_Group

#World_Health
Published 8 February 2023

'မွန်တေနာဟန်နီလိုင်ယွန်'ငယ်စဉ်က သူ့အမေဟာ ဆေးဖက်ဝင်အကြမ်းခြောက်ရည်အိုး ပုံမှန်ကြိုချက်ပေးလေ့ရှိပြီး အဲဒီထဲမှာ ပူဒီနာအဓိကပါဝင်တဲ့အတွက် အအေးမိနှာစေးခြင်းကို သက်သာစေပါတယ်။

ငယ်စဉ်တုန်းကတော့ မကြိုက်ပေမယ့် ဆယ်ကျော်သက်အရွယ်ရောက်တဲ့အခါ စတင်ကြိုက်နှစ်သက်လာပြီး သူငယ်ချင်းတွေနဲ့အတူ အမေလုပ်ပေးတဲ့ ဆေးဖက်ဝင်အကြမ်းခြောက်ရည်တွေ ထိုင်သောက်နေခဲ့ကြောင်း၊ ဆေးခန်းသွားရတာ အလွန်ရှားပါးကြောင်း ပြောပြခဲ့ပါတယ်။

နောက်ပိုင်းမှာတော့ ဆေးဖက်ဝင်အပင်သိပ္ပံပိုင်းမှာ ဘွဲ့ရဖို့ကြိုးစားခဲ့ပြီး ဆေးဖက်ဝင်ပန်းပင်များထုတ်လုပ်တဲ့ Warrior Peak Botanicals ကိုယ်ပိုင်လုပ်ငန်း စလုပ်ခဲ့ပါတယ်။

ဆေးဖက်ဝင်ပန်းပင်များနဲ့ အသုံးဝင်ပုံများကိုလည်း သင်တန်းပေးသင်ကြားနေပါတယ်။

ဆေးဖက်ဝင်ပြီး စားလို့ရတဲ့ပန်းတွေအမျိုးမျိုးကို လူတွေသိပ်မသိကြပါဘူးလို့ ဝါရှင်တန်မှာနေထိုင်တဲ့ ဟန်နီလိုင်ယွန်က ဆိုပါတယ်။ စားသုံးနိုင်တဲ့ပန်းတွေက ကျန်းမာရေးအကျိုးကျေးဇူးရှိကြောင်း အများအပြားလက်ခံလာကြပါတယ်။

၂၀၂၀ လေ့လာချက်တစ်ခုအရ အချို့သောပန်းတွေဟာ နေ့စဉ်လိုအပ်တဲ့ အမျှင်ဓာတ်နဲ့ ပရိုတိန်းဓာတ်တွေရရှိနိုင်ကြောင်း သိရပါတယ်။

ဒါ့အပြင် ရောင်ရမ်းမှုကိုလျှော့ချပေးခြင်း၊ အစာအိမ်အကာအကွယ်ပေးခြင်း၊ ဆီးချိုဆန့်ကျင်ပေးခြင်း၊ ပိုးသေစေခြင်းစတဲ့ အစွမ်းသတ္တိများရရှိစေပါတယ်။

ဒါပေမဲ့လည်း ကြုံတွေ့ရနိုင်တဲ့ ဘေးထွက်ဆိုးကျိုးတွေကို နားလည်ပြီး ဘေးကင်းစွာစားသုံးနိုင်ရန် ကျွမ်းကျင်ပညာရှင်များနဲ့ တိုင်ပင်ခြင်းက အကောင်းဆုံးဖြစ်ပါတယ်။

တရုတ်၊ အရှေ့အလယ်ပိုင်း၊ အိန္ဒိယအပါအဝင် နေရာအချို့မှာ ပန်းတွေကို ဆေးဘက်ဆိုင်ရာရော စားစရာအဖြစ်ပါ အသုံးပြုကြပါတယ်။

ဆေးပင်တိုင်းရှိ အစေ့၊ ပင်စည်၊ အရွက်၊ ပန်းပွင့်၊ အမြစ်၊ အခေါက်တို့မှာ အစွမ်းသတ္တိအမျိုးမျိုးရှိကြကြောင်း အာယုဗေဒပညာရှင်'နစ်ခီတာရှီယာ'က ပြောပြပါတယ်။

Purearth အလှကုန်ကုမ္ပဏီတည်ထောင်သူ 'ကာဗီတာခိုဆာ'က ငယ်စဉ်မှာ ခြံထဲမှာကျနေတဲ့ မိုရင်ဂါပန်းတွေကိုကောက်ပြီး ဒိန်ချဉ်၊ ဇီရာမှုန့်တို့ထဲ ထည့်စားရင် အစာခြေခြင်းကို အထောက်အကူဖြစ်စေတယ်လို့ ဆိုပါတယ်။

အာယုဗေဒဆေးပညာအရ ပဲလက်ရှ်အရွက်နဲ့ ပန်းပွင့်တွေက ဝက်ခြံလို အရေပြားပြဿနာတွေ ထိန်းညှိပေးကာ အစာခြေခြင်းကို အထောက်အကူဖြစ်စေပါတယ်။

စားသုံးနိုင်တဲ့ပန်းတွေက အစားအစာထဲမှာ သဘာဝအရောင်အသွေး၊ သွင်ပြင်၊ အနံ့အရသာတို့ကို ပေးစွမ်းနိုင်ပါတယ်။

အသုတ်၊ စွပ်ပြုတ်၊ အကြော်အလှော်၊ အချိုပွဲတို့ထဲမှာ ဆီ၊ ဗင်နီဂါ၊ အရက်တို့စမ်းပြီး စားသုံးနိုင်ပါတယ်။

ပန်းအများစုမှာ လိုအပ်တဲ့ဗိုက်တာမင်နဲ့ သတ္တုဓာတ်၊ ဖလေဗိုနွိုက်၊ ဓာတ်တိုးဆန့်ကျင်ပစ္စည်း၊ ဆဲလ်ပျက်စီးခြင်းကို ကာကွယ်ပေးတဲ့ဇီဝဒြပ်ပေါင်းများ ပါဝင်ပါတယ်။

Source: South China Morning Post
#Yangon_Media_Group

#World_Health
Published 8 February 2023

သဘာဝအသားရေထိန်းသိမ်းရေး အလှကုန်ကုမ္ပဏီ ZAZA & CRUZ က စကော့တလန်နိုင်ငံ အဘားဒင်းမြို့ ရောဘတ်ဂေါ်ဒွန်တက္ကသိုလ်မှ သုတေသီများရဲ့ ကျွမ်းကျင်မှုဖြင့် ဝီစကီမှရရှိတဲ့ ဓာတ်တိုးဆန့်ကျင်ပစ္စည်းများကို အသုံးပြုပြီး အသားရေထိန်းသိမ်းရေးအလှကုန်များကို ထုတ်လုပ်နေကြပါတယ်။

ဒါဟာ ဝီစကီထဲကပစ္စည်းကိုအသုံးပြုပြီး ဆဲလ်တွေမှာ ဓာတ်တိုးဆန့်ကျင်နိုင်စွမ်းကို ပထမဆုံးအကြိမ်လေ့လာတာဖြစ်ကြောင်း တက္ကသိုလ်ကဆိုပါတယ်။

ZAZA & CRUZ က သဘာဝပါဝင်ပစ္စည်းများကို အသုံးပြုပြီး ဆဲလ်များပျက်စီးခြင်းနဲ့ အိုမင်းရင့်ရော်ခြင်းတို့ကို ကာကွယ်ပေးကာ အသားရေကို အစိုဓာတ်ထိန်းသိမ်းပေးတဲ့ ပစ္စည်းတွေကို ထုတ်လုပ်လျက်ရှိပါတယ်။

ဝီစကီမှရရှိတဲ့ ပိုလီဖီနောလ်နဲ့ အဟာရဓာတ်များက ရောင်ရမ်းမှုကိုလျှော့ချခြင်း၊ နီမြန်းမှုကိုသက်သာစေခြင်း၊ အသားရေပျက်စီးမှုမှကာကွယ်ပေးခြင်းတို့ကို အကူအညီပေးနိုင်ကြောင်း သုတေသီများက ပြောပြပါတယ်။

အလှကုန်ပစ္စည်းတွေမှာ ဝီစကီထဲကပစ္စည်းတွေ အသုံးပြုရတဲ့အကြံဉာဏ်က ၁၉၇၀ ပြည့်နှစ်တွေမှာ ဂျပန်ကုမ္ပဏီက ဆာကေးကစော်ဖောက်ခြင်းကနေ အသားရေအတွက် အကျိုးရှိစေကြောင်း တွေ့ရှိခဲ့ခြင်းကနေ ရရှိခဲ့တာဖြစ်ပါတယ်။

RGU ၊ Interface တို့နဲ့လက်တွဲလုပ်ဆောင်ခြင်းကြောင့် အနာဂတ်မှာ လုပ်ငန်းကိုအထောက်အကူဖြစ်စေရန် အကူအညီပေးကြောင်း၊ ပံ့ပိုးမှုတွေပေးခဲ့တဲ့ စကော့တလန်အခြေစိုက်လုပ်ငန်းအနေနဲ့ အဖွဲ့ကို ကျေးဇူးတင်မဆုံးကြောင်း ZAZA & CRUZ တည်ထောင်သူ'ရေဘက်ကာဟေစ်တင်'က ပြောကြားခဲ့ပါတယ်။

ဟိုက်လန်းနဲ့ အိုက်လန်းအင်တာပရိုက်စ်တို့မှာ ရေဘက်ကာနဲ့ တွေ့ဆုံစဉ်က ယှဉ်တွဲမှုအကြောင်း၊ သူမရဲ့ဆန်းသစ်တီထွင်မှုအကြောင်း ဆွေးနွေးနိုင်ခဲ့တယ်လို့ Interface မှ စီးပွားရေးအမှုဆောင်'ကီယာစတီဘူချာနန်'က ပြောပြခဲ့ပါတယ်။

Source: The Jerusalem Post
#Yangon_Media_Group

#Local_News
Published_ 7 February 2023

ညောင်ဦးမြို့ရှိ ပလင်းကမ်းသာယာဆင်စခန်းကို ဆင်စာကျွေးသူတွေ၊ ဆင်စခန်းမှာ လာရောက်အပန်းဖြေပြီး အနားယူသူတွေများပြားလာတယ်လို့ ပလင်းကမ်းသာယာဆင်စခန်းမှ သိရပါတယ်၊၊

#Yangon_Media_Group

#World_Culture
Published 7 February 2023

လွန်ခဲ့တဲ့ ဆယ်စုနှစ်အတွင်း တိုင်းပြည်မငြိမ်မသက်ဖြစ်ခဲ့တဲ့ လစ်ဗျားနိုင်ငံက ဂါဒိမ်းစ်အိုအေစစ်မြို့မှာ မိန်းကလေးငယ်များက ရောင်စုံအဝတ်အစားများ၊ ရိုးရာရတနာများဝတ်ဆင်ကာ ပွဲတော်ဖျော်ဖြေခဲ့ကြပြီး ခရီးသွားဧည့်သည်များကို ဆွဲဆောင်နိုင်ရန် ရည်ရွယ်ထားကြပါတယ်။

#Yangon_Media_Group

#Local_News
Published_ 7 February 2023

ပြည်တွင်းဈေးကွက်မှာ စားအုန်းဆီကိုဈေးကစားဖို့ရည်ရွယ်ပြီးသိုလှောင်မူတွေရှိပါက အရေးကြီးကုန်စည်နှင့်ဝန်ဆောင်မှု ဥပဒေအရအရေးယူမယ်လို့ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီကဖေဖော်ဝါရီလ ၆ ရက်နေ့က သတင်းထုတ်ပြန်ထားပါတယ်။

#Yangon_Media_Group

#Local_News
Published_ 7 February 2023

အခုရက်ပိုင်းအတွင်း အေးခဲတဲ့ ကချင်ပြည်နယ်၊ ခေါင်လံဖူးဒေသနေဒေသခံတိုင်းရင်းသား(၅၀၀)ကျော်အတွက် အနွေးထည်တွေ၊အဝတ်အထည်တွေနဲ့ သနပ်ခါးဗူးတွေလှူခဲ့ဒါန်းနိုင်ခဲ့တယ်လို့ အကြီးကိုကိုဖောင်ဒေးရှင်းဥက္ကဌ စာရေးဆရာအကြီးကိုကိုက ပြောပါတယ်၊၊

#Yangon_Media_Group

#Local_News
Published_ 7 February 2023

မန္တလေးရွှေချည်ထိုးလုပ်ငန်းအကြောင်း၊ ရေစက်သွန်းဓလေ့နဲ့ထိန်းမြန်းမင်္ဂလာဓလေ့တွေ အကြောင်းကို သုတေသနပြုလုပ်ထားပြီး သမိုင်းသုတေသနစာတမ်းဖတ်ပွဲကျင်းပသွားဖို့ရှိတယ်လို့ သမိုင်းသုတေသနနှင့် အမျိုးသားစာကြည့်တိုက်ဦးစီးဌာနမှ သိရပါတယ်၊၊

#Yangon_Media_Group

#DailyNews
Published_ 7 February 2023

၁။ မန္တလေးရွှေချည်ထိုးလုပ်ငန်းနှင့် ရေစက်သွန်းဓလေ့များအကြောင်းသုတေသနပြုစာတမ်းဖတ်မည်

၂။ အေးခဲသည့် ခေါင်လံဖူးဒေသနေ ဒေသခံ(၅၀၀)ကျော်အတွက် အနွေးထည်များလှူဒါန်းခဲ့

၃။ စားအုန်းဆီကို ဈေးကစားဖို့ ရည်ရွယ်ချက်နှင့်သိုလှောင်ထားပါက ဥပဒေအရအရေးမည်

၄။ လစ်ဗျားနိုင်ငံတွင် ပဋိပက္ခများရန်မှ ငြိမ်းချမ်းလာသည့် အိုအေစစ်မြို့တွင် ရိုးရာလက်မှုပစ္စည်းများပြသရောင်းချ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 7 February 2023

ထိုင်း-မြန်မာနယ်စပ်အနီး တာ့ခ်ခရိုင်ထဲမှာနေတဲ့ မြန်မာမိသားစုထဲက အသက် ၁ နှစ် ၇ လ အရွယ် မြန်မာကလေးငယ်တစ်ယောက်ဟာ အဝီစိတွင်းထဲကို ပြုတ်ကျသွားခဲ့ပါတယ်။

#Yangon_Media_Group

#Local_News
Published_ 7 February 2023

မက္ကဒေးမီးယားကို စိုက်ပျိုးရာတွင် ဓာတုပစ္စည်းများ၊ ပိုးသတ်ဆေး ပေါင်းသတ်ဆေးများအသုံးမပြုဘဲ အော်ဂင်းနစ်စနစ်ဖြင့်စိုက်ပျိုးပါက ကမ္ဘာ့ဈေးကွက်အထိ မြန်မာ မက္ကဒေးမီးယားသည် ယှဉ်ပြိုင်ထိုးဖောက်နိုင်မည်ဖြစ်ကြောင်း တာဝန်ရှိသူတစ်ဦး၏ ပြောကြားချက်အရ သိရပါတယ်။

မြန်မာနိုင်ငံသည် မက္ကဒေးမီးယားစိုက်ပျိုးနိုင်သည့် ဒေသရာသီဥတုနှင့် ကိုက်ညီသော မြေယာများစွာရှိသည့်အတွက် ရှမ်းပြည်နယ်မြောက်ပိုင်း၊ ရှမ်းပြည်နယ်တောင်ပိုင်းနှင့် အရှေ့ပိုင်း၊ ကယားပြည်နယ်၊ ကရင်ပြည်နယ်၊ မန္တလေးတိုင်းဒေသကြီး၊ ကချင်ပြည်နယ်နှင့် စစ်ကိုင်းတိုင်းဒေသကြီးတို့တွင် မက္ကဒေးမီးယားစိုက်ပျိုးမှုများကို တိုးချဲ့ စိုက်ပျိုးလျက်ရှိတယ်လို့ဆိုပါတယ်။

မဲခေါင် - လန်ချန်း ဒေသရှိ မက္ကဒေးမီးယားခြံငယ်ရှင်များ၏ စိုက်ပျိုးထုတ်လုပ်မှုနှင့် နည်းပညာဖွံ့ဖြိုး တိုးတက်ရေးစီမံကိန်းအထောက်အပံ့ဖြင့် မဲခေါင် - လန်ချန်း ပူးပေါင်း ဆောင်ရွက်ရေး အထူးရန်ပုံငွေအစီအစဉ်ဖြင့် မြန်မာမက္ကဒေးမီးယားပြပွဲ (Myanmar Macadamia Fair) ကို ဖေဖော်ဝါရီ ၇ ရက် နံနက်ပိုင်းက ပြင်ဦးလွင် မြို့တော်ခန်းမ၌ ကျင်းပခဲ့တာ ဖြစ်ပါတယ်။

မြန်မာမက္ကဒေးမီးယားပြပွဲတွင် မက္ကဒေးမီးယားကဏ္ဍဖွံ့ဖြိုးတိုးတက်ရေးဆောင်ရွက်ချက်များ စာတမ်းဖတ်ကြားခြင်း အစီအစဉ်များလည်း ထည့်သွင်းထားပြီး မြန်မာ မက္ကဒေးမီးယားစိုက်ပျိုးစိုက်ပျိုးထုတ်လုပ် ရောင်းချသူများ၏ ပြခန်းများ၊ မက္ကဒေးမီးယား ထုတ်ကုန်ပြခန်းများ၊ မက္ကဒေးမီးယား အခြောက်ခံစက်ပြခန်းများ စုံလင်စွာခင်းကျင်းပြသ ရောင်းချလျက်ရှိကြောင်း သိရပါတယ်။

မြန်မာမက္ကဒေးမီးယားပြပွဲသို့ ပြင်ဦးလွင်ခရိုင်နှင့် မြို့နယ်စီမံအုပ်ချုပ်ရေး အဖွဲ့ဝင်များ၊ စိုက်ပျိုးရေးဦးစီးဌာနမှ တာဝန်ရှိသူများ၊ ကချင်ပြည်နယ်နှင့် ရှမ်းပြည်နယ်မှ တောင်သူများ၊ မက္ကဒေးမီးယားစိုက်ပျိုးထုတ်လုပ်ရောင်းချသူများ၊ မက္ကဒေးမီးယား စိုက်ပျိုးထုတ်လုပ်မှုနှင့် ပတ်သက်၍ စိတ်ဝင်စားသူပြည်သူများ တက်ရောက်လေ့လာခဲ့ကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published_ 7 February 2023

ဖေဖော်ဝါရီလ မနက်ပိုင်းက မီးလောင်ကျွမ်းမှုကြောင့် ပြည်တွင်း ဆက်သွယ်ရေးအော်ပရေတာတစ်ခုဖြစ်တဲ့ MPT ရဲ့ MPT mobile data၊ MPT Wifi တွေ ပြတ်တောက်နေတာပါ။

အခုလိုဆက်သွယ်ရေးလိုင်းတွေ အင်တာနက်လိုင်းတွေပြတ်တောက်မှုတွေကို အရင်အတိုင်းပြန်လည် အချိတ်ဆက်မိဖို့အတွက် မြန်မာ့ဆက်သွယ်လုပ်ငန်းကတာဝန်ရှိသူတွေ လုပ်ဆောင်နေပြီး အမြန်ဆုံးပြန်လည် ကောင်းမွန်စေဖို့လုပ်ဆောင်နေတယ်လို့ MPT ဆက်သွယ်ရေးအော်ပရေတာရဲ့တရားဝင်လူမူကွန်ယက်စာမျက်နှာမှာ ထုတ်ပြန်ထားပါတယ်။

အဆိုပါ မီးလောင်မှုကြောင့် ရန်ကုန်တိုင်းကအတွင်းက MPT ဆက်သွယ်ရေးကွန်ယက်အသုံးပြုသူတွေ အင်တာနက်တွေ ပြတ်တောက်နေတာပါ။

#ymg/ynzw
#Yangon_Media_Group