#Local_News
Published - 11 July 2022

စားအုန်းဆီ အခြေခံကာလက်ကားရည်ညွှန်းဈေးနှုန်း တစ်ပိဿာ ၄၆၅၀ ကျပ်သတ်မှတ်ထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ထုတ်ပြန်ကြေညာထားသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ အခြေခံလက်ကားရည်ညွှန်းစျေး ၄၆၀၀ ကျော်သတ်မှတ်ထားသော်လည်း စျေးကွက်တွင် တစ်ပိဿာ ၈၆၀၀ ကျပ်ဖြစ်ကြောင်း ဝယ်ယူသုံးစွဲသူများထံမှ သိရသည်။

စားအုန်းဆီကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်းတွင် ဖြစ်သင့်ဖြစ်ထိုက်သည့် ဈေးနှုန်းများဖြစ် ပေါ်ရေးကို ထိန်းကျောင်းဆောင်ရွက်နေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ဆိုသည်။

ကော်မတီအနေဖြင့် စားအုန်းဆီအဓိကထုတ်လုပ်တင်ပို့သည့် မလေးရှားနိုင်ငံနှင့် အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျစရိတ်၊ ဘဏ်စရိတ်၊ အခွန် အခများ ထည့်သွင်းတွက်ချက်၍ ပြည်တွင်းဈေးကွက်တွင် ရောင်းဝယ်ဖောက်ကားရမည့်အခြေခံလက်ကားရည် ညွှန်းဈေးနှုန်းကို ထုတ်ပြန်ပေးနေခြင်းဖြစ်ကြောင်း သိရသည်။

ဇူလိုင် ၁၁ ရက်မှ ၁၇ ရက်အထိ အခြေခံလက်ကားရည်ညွှန်းဈေးနှုန်းမှာ တစ်ပိဿာလျှင် ၄၆၅၀ ကျပ်အဖြစ် သတ်မှတ်ထုတ်ပြန်ထား ခြင်းဖြစ်သည်။

စားအုန်းဆီများနှင့်ပတ်သက်၍ ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများပြုလုပ်ပါက ဥပဒေအရ အရေးယူသွားမည်ဟု နစကဘက်မှ ထုတ်ပြန်ပြောဆိုထားသော်လည်း ပြည်သူများမှာ စားအုန်းဆီကို ဈေးနှုန်းမြင့်မားစွာဖြင့် ဝယ်ယူစားသုံးနေရခြင်းဖြစ်သည်။

ymg/sth
#Yangon_Media_Group

#WorldInnovation
Published 11 July 2022

သွားတိုက်တံတွေနေရာမှာ အီလက်ထရစ်သွားတိုက်တံများဖြင့် အစားထိုးသုံးစွဲလာကြသလို အခုဆိုရင်စက်ရုပ်ငယ်ဖြင့် ခံတွင်းသန့်ရှင်းရေးလုပ်နိုင်တော့မှာ ဖြစ်ပါတယ်။

သိပ္ပံပညာရှင်တွေက ပုံသဏ္ဍာန်ပြောင်းလဲနိုင်တဲ့ စက်ရုပ်လေးတွေကိုအစုလိုက်ဖန်တီးပြီး ခံတွင်းထဲမှာ သွားတိုက်ခြင်း၊ ပလုတ်ကျင်းခြင်း၊ သွားကြားထိုးခြင်းတို့ကို တပြိုင်တည်း ပြုလုပ်ပေးနိုင်ပါတယ်။

ပန်ဆယ်လ်ဗေးနီးယားတက္ကသိုလ်မှ သုတေသီများရဲ့ ဖော်ပြချက်အရ ထိုပစ္စည်းဟာ လက်နဲ့ကိုင်ထားစရာမလိုတဲ့အပြင် သွားပိုးစားခြင်းကိုဖြစ်စေတဲ့ ဘက်တီးရီးယားတွေကိုလည်း ဖယ်ရှားကုသပေးနိုင်ပါတယ်။

ဒီပစ္စည်းဟာ ကိုယ်တိုင်ခံတွင်းသန့်ရှင်းရေး မလုပ်နိုင်တဲ့သူတွေအတွက် အလွန်အသုံး ဝင်နိုင်ပါတယ်။

အဆိုပါ စက်ရုပ်လေးတွေကို အိုင်းယွန်းအောက်ဆိုဒ်နာနိုအမှုန်များဖြင့် ပြုလုပ်ထားပြီး ဓာတ်ပြောင်းလဲခြင်းနဲ့ သံလိုက်လှိုင်းလှုပ်ရှားမှုများ ပါဝင်ပါတယ်။

သံလိုက်လှုပ်ရှားမှုအရ သွားချေးတွေကိုဖယ်ရှားဖို ပုံစံပြောင်းလဲလာသလို သွားကြားထဲ သန့်ရှင်းဖို့အတွက်လည်း ပြောင်းလဲပေးနိုင်ပါတယ်။

ဓာတ်ပြောင်းလဲခြင်းလှုပ်ရှားမှုဖြင့် ခံတွင်းထဲက အန္တရာယ်ပေးနိုင်တဲ့ ဘက်တီးရီးယားတွေကို ဖယ်ရှားပေးပါတယ်။

သုတေသီအဖွဲ့က သွားအစစ်တွေနဲ့စမ်းသပ်ရာမှာလည်း စက်ရုပ်လေးတွေက ပုံသဏ္ဍာန်ပြောင်းလဲသွားပြီး သွားနဲ့ခံတွင်းရောဂါတွေဖြစ်စေတဲ့ သွားဂျိုးတွေကိုလည်း သန့်ရှင်းပေးနိုင်တာကို တွေ့ခဲ့ရပါတယ်။

လူတွေက သွားတိုက်တယ်၊ သွားကြားထိုးတယ်၊ ပလုတ်ကျင်းကြပါတယ်။

ဒါတွေကို ကိုယ်တိုင်ကိုယ်ကျ တဆင့်ချင်းပြုလုပ်ကြပါတယ်။

တီထွင်လိုက်တဲ့စက်ရုပ်လေးကတော့ လက်ကကိုင်ထားစရာမလိုဘဲ ထိုလုပ်ငန်းစဉ်တွေကို အလိုအလျောက်တပြိုင်တည်း ပြုလုပ်ပေးပါတယ်။

ထုတ်လုပ်ထားတဲ့နည်းပညာတွေကတော့ အရင်ကနဲ့ကွာခြားသွားတာမဟုတ်ပါဘူး။

အိုင်းယွန်းအောက်ဆိုဒ်နာနိုအမှုန်တွေကို FDA အသိအမှတ်ပြုပြီးဖြစ်ပြီး စမ်းသပ်ချက်များအရ သွားဖုံးတစ်ရှူးတွေကို မထိခိုက်စေပါဘူး။

သွားတွေရဲ့ ပုံသဏ္ဍာန်အမျိုးမျိုးအတိုင်း စက်ရုပ်လေးတွေက အလိုက်သင့် လှုပ်ရှားပွတ်တိုက်နိုင်အောင် ဖန်တီးထားတာဖြစ်ပါတယ်။

အထူးသဖြင့် မသန်စွမ်းတဲ့သူတွေမှာ အကူအညီရစေမှာဖြစ်ပြီး ခံတွင်းကျန်းမာရေးကောင်းမွန်စေမှာ ဖြစ်ပါတယ်။

Source: DailyMail
#Yangon_Media_Group

Published 10 July 2022

အမေရိကန်နိုင်ငံခြားရေးဝန်ကြီး အန်တိုနီဘလင်ကန်ဟာ တရုတ်နှင့် အဓိက ယှဉ်ပြိုင်နေတဲ့ နယ်ပယ်တစ်ခုဖြစ်တဲ့ အရှေတောင်အာရှမှာ  အမေရိကန်ရဲ့ အသစ်တဖန်ပြန်လည်တွန်းအားပေးမှုအပေါ် ထိုင်းနိုင်ငံရဲ့ အခန်းကဏ္ဍကို ချီးကျူးဂုဏ်ပြုလိုက်ပါတယ်။  ဘလင်ကန်ဟာ သူ့ရဲ့ အရှေ့တောင်အာရှခရီးစဉ်မှာ မြန်မာနိုင်ငံ ဒီမိုကရေစီပြန်လည်ရောက်ရှိနေရေး စိတ်ကူးအကြံဉာဏ်သစ်တွေကိုလည်း ရှာဖွေမှာဖြစ်ပါတယ်။

ဘလင်ကန်ဟာ အမေရိကန်နှင့်ထိုင်း နှစ်နိုင်ငံ ဆက်ဆံရေးတိုးချဲ့ရေး လက်မှတ်ရေးထိုးရင်း အာရှအတွက် အမေရိကန်ဦးဆောင်တဲ့စီးပွားရေးအစီအစဉ်နှင့် ရာသီဥတုပြောင်းလဲခြင်းများအပေါ် ထိုင်းနိုင်ငံရဲ့ လက်ခံယုံကြည်ဆောင်ရွက်မှုကိုလည်း ဘလင်ကန်က ထောက်ပြခဲ့ပါတယ်။

ဒေသအတွင်းမှာ ကျွန်တော်တို့အတွက် အရေးပါတဲ့ အင်ဒိုပစိဖိတ်လိုနေရာမှာ မဟာမိတ်နှင့် ပါတနာတစ်ဦးရှိနေတဲ့ ဒီအချိန် ထိုင်းနိုင်ငံကို ကျွန်တော်ရောက်ရှိတာ အထူးကျေနပ်မိပါတယ်. အာရှပစိဖိတ်ဟာ ၂၁ ရာစုရဲ့ အနာဂတ်အလားအလာကို နေ့စဉ်နှင့်အမျှ ပုံသွင်းပေနေပါတယ် လို့ ဘလင်ကန်က နှစ်နိုင်ငံနိုင်ငံခြားရေးဝန်ကြီးတွေ တွေ့ဆုံအပြီးမှာ သတင်းထောက်တွေကို ပြောပါတယ်။

ကျွန်တော်တို့နိုင်ငံတွေဟာ ပန်းတိုင်တူကြပါတယ်.. လွတ်လပ်ပွင့်လင်းပြီး အချင်းချင်းချိတ်ဆက်ကာ ချမ်းသာကြွယ်ဝ၊ ဒူပေနာပေခံပြီး လုံခြုံမှုရှိတဲ့ အင်ဒိုပစိတ်ဖိတ်ဒေသဖြစ်ဖို့ပါ။ ပြီးခဲ့တဲ့ နှစ်များအတွင်း  ဒီမျှော်မှန်းမှုကိုရှေ့ရှုပြီး ပိုပြီး အနီးကပ် ပူးပေါင်းဆောင်ရွက်ခဲ့ကြပါတယ် လို့သူက ဆက်ပြောပါတယ်။

အင်ဒိုပစိဖိတ် စီးပွားရေးမူဘောင်မှာ ကျွန်တော်တို့နှင့်အတူ စတင်ဆောင်ရွက်တဲ့ ထိုင်းရဲ့ မိတ်ဖက်ဖြစ်မှုကို ကျွန်တော်တို့ ကျေးဇူးတင်ပါတယ်။ ဒါဟာ မိသားစုဝင်တွေကို ကူညီပေးမယ့် ပိုပြီးအားကောင်းမျှတပြီး ဒူပေနာပေခံတဲ့ စီးပွားရေးတစ်ရပ် ဖန်တီးရာမှာ အကူအညီဖြစ်စေပါလိမ့်မယ်.. အလုပ်သမားတွေကိုလည်းကူညီမယ် ဒေသတစ်လျောက် စီးပွားရေးလုပ်ငန်းတွေကိုလည်း ကူညီမှာပါလို့ သူကပြောပါတယ်။

ထိုင်းနိုင်ငံခြားရေးဝန်ကြီး ဒွန်ပရာမူဒွင်နိုင်းက ယနေ့မှာ ကျွန်တော်တို့ သဘောတူညီချက်လက်မှတ်ရေးခဲ့ကြပါတယ်.. ထိုင်း-အမေရိကန် ကြေညာချက်တစ်ခု လက်မှတ်ရေးထိုးထုတ်ပြန်ခဲ့ပါတယ်..ထိုင်း-အမေရိကန် မဟာဗျူဟာမြောက်မဟာမိတ်နှင့်မိတ်ဖက် သဘောတူ ကြေညာချက်ဟာ ကျွန်တော်တို့ရဲ့ ပိုမိုနီးကပ်တဲ့ မဟာမိတ်နှင့် ချစ်ကြည်ရင်းနှီးမှု ရေရှည်ဆံဆက်ရေးတို့ရဲ့ သက်သေတစ်ခုပါ။ ထိုင်းဟာ အာရှကို အမေရိကန်ရဲ့ တွန်းအားပေးမှုမှာ ကူညီနေပါတယ်လို့‌ ပြောပါတယ်။

ထိုင်းဟာ အမေရိကန်ရဲ့ ရှေးအကျဆုံး အာရှမဟာမိတ်နိုင်ငံတစ်နိုင်ငံဖြစ်ပါတယ်။ ပြည်တွင်းစစ်ပွဲအတွင်းမှာ အီဘရာဟမ် လင်ကွန်းကို ဆင်တွေလှူခဲ့တာ နာမည်တွင်ကျန်ခဲ့ပါတယ်။ အဲဒီအပြင် တိုးတက်နေတဲ့ တရုတ်နှင့်လည်း အတူတကွလုပ်ဆောင်မှုတွေ တိုးမြှင့်နေတာဖြစ်ပါတယ်။

Source: AFP

TV Yangon Times Matters အစီအစဉ်
Published - 10 July 2022

အစီအစဉ်တင်ဆင်သူ ဆရာဟိန်းလတ်က ထက်အောင်(ပန်းဆက်လမ်း စာအုပ်ထုတ်ဝေဖြန့်ချိရေး)နှင့်အတူ

-"အရင်ကစာအုပ်ကိုDeli မမှာချင်ကြဘူး အခုနောက်ပိုင်း စာဖတ်သူတွေက Online Page နဲ့Website တွေကဝယ်ရတာကို သဘောကျလာကြတယ်ဆိုတဲ့အကြောင်း

-Online ကဝယ်တဲ့စာအုပ်တွေ မကောင်းဘူးမဖြစ်ရလေအောင် စာဖတ်သူကိုသတင်းအချက်အလက် မှန်မှန်ကန်ကန်ပေးတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

TV Yangon Times Matters အစီအစဉ်
Published - 10 July 2022

အစီအစဉ်တင်ဆင်သူ ဆရာဟိန်းလတ်က ထက်အောင်(ပန်းဆက်လမ်း စာအုပ်ထုတ်ဝေဖြန့်ချိရေး)နှင့်အတူ

-"အရင်ကစာအုပ်ကိုDeli မမှာချင်ကြဘူး အခုနောက်ပိုင်း စာဖတ်သူတွေက Online Page နဲ့Website တွေကဝယ်ရတာကို သဘောကျလာကြတယ်ဆိုတဲ့အကြောင်း

-Online ကဝယ်တဲ့စာအုပ်တွေ မကောင်းဘူးမဖြစ်ရလေအောင် စာဖတ်သူကိုသတင်းအချက်အလက် မှန်မှန်ကန်ကန်ပေးတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 10 July 2022

တောင်အာဖရိကနိုင်ငံ ဂျိုဟန်စဘတ်မြို့ရဲ့ ဆိုဝီတိုမြို့နယ်က အရက်ဆိုင်တစ်ဆိုင်မှာ အစုလိုက်အပြုံလိုက် သေနတ်နှင့် ပစ်သတ်မှုတစ်ခုဖြစ်ပွားခဲ့ရာ လူ ၁၅ ဦးသေဆုံးပြီး အခြားသူတွေလည်း စိုးရိမ်ရတဲ့အခြေအနေရှိတယ်လို့ ရဲကပြောပါတယ်။

တနင်္ဂနွေညသန်းခေါင်အလွန်မှာ  အမျိုးသားတစ်စုဟာ မီနီဘတ်စ်အငှားယာဉ်နှင့် အဲဒီဆိုင်ကိုရောက်ရှိလာကြပြီး ဆိုင်ထဲက အချို့သော စားသောက်နေသူတွေကို သေနတ်တွေနှင့်ပစ်ခတ်ခဲ့တာဖြစ်ပါတယ်။

ဒဏ်ရာရသူတွေကို ခရစ်ဟန်နီဘာရက်ဝန်နက်ဆေးရုံကို ပို့ဆောင်လိုက်ကြပါတယ်။

“ ကနဦးစစ်ဆေးချက်များအရ လူတွေဟာ လိုင်စင်ရ အရက်ဆိုင်မှာ သတ်မှတ်အချိန်အတွင်း ပျော်ရွှင်စွာ စားသောက်နေခဲ့ကြတာပါ” လို့ ဂါအူတန်ပြည်နယ် ရဲမင်းကြီး ဒုတိယဗိုလ်ချူပ်ကြီး အီလီယတ်စ် မာဝီလာကပြောပါတယ်။

ရုတ်တရက်သေနတ်သံကြားပြီးနောက် လူတွေဟာ ဆိုင်ထဲကနေ အပြင်ပေးထွက်သွားတာလောက်ပဲသိရပြီး အသေးစိတ်မသိကြရသေးပါဘူးလို့ သူကပြောပါတယ်။

ရိုင်ဖယ်နှင့် ၉ မမပစ္စတိုတို့ကို တိုက်ခိုက်ရာမှာသုံးခဲ့တာဖြစ်တယ်လို့ အမျိုးသားရဲတပ်ဖွဲ့ရဲ့ ပြောရေးဆိုခွင့်ရ အမျိုးသမီး ဒီမာကက်ဆိုဆီလိုကပြောပါတယ်။

ယခုဖြစ်ရပ်လိုပဲ စနေနေ့ညကလည်း ဆွိဝါတားမြို့နယ်ရဲ့ အရက်ဆိုင်တစ်ဆိုင်ထဲ အမည်မသိသေနတ်သမားတွေ ဝင်ပြီး သေနတ်နှင့်ပစ်လို့ လူလေးဦးသေဆုံးခဲ့ရသေးတယ်လို့လည်းသိရပါတယ်။

Source AP

TV Yangon Times Matters အစီအစဉ်
Published - 10 July 2022

အစီအစဉ်တင်ဆင်သူ ဆရာဟိန်းလတ်က ထက်အောင်(ပန်းဆက်လမ်း စာအုပ်ထုတ်ဝေဖြန့်ချိရေး)နှင့်အတူ

-"အရင်ကစာအုပ်ကိုDeli မမှာချင်ကြဘူး အခုနောက်ပိုင်း စာဖတ်သူတွေက Online Page နဲ့Website တွေကဝယ်ရတာကို သဘောကျလာကြတယ်ဆိုတဲ့အကြောင်း

-Online ကဝယ်တဲ့စာအုပ်တွေ မကောင်းဘူးမဖြစ်ရလေအောင် စာဖတ်သူကိုသတင်းအချက်အလက် မှန်မှန်ကန်ကန်ပေးတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published_10 July 2022

တောင်ကိုရီးယားအလုပ်အကိုင် အရည်အချင်းစစ်စာမေးပွဲ(EPS) လျှောက်လွှာများကို ပြန်လည်စိစစ်မည်ဖြစ်သောကြောင့် ယနေ့ ဇူလိုင်လ ၉ ရက် ညနေ ၃နာရီမှ ဇူလိုင်လ ၁၁ ရက် တနင်္လာနေ့ နံနက် ၁၀နာရီအထိ Application System ကို ခေတ္တပိတ်ထားမည် ဖြစ်ကြောင်း အစိုးရပြည်ပအလုပ်အကိုင်အေဂျင်စီက ထုတ်ပြန်လိုက်သည်။

စာမေးပွဲဖြေဆိုခွင့်လျှောက်ထားသူများအနေဖြင့် အကြိမ်ကြိမ်လျှောက်ထားခြင်းပြုလုပ်ကြသည့်အတွက် ပြန်လည်စိစစ်ခြင်းများပြုလုပ်ရခြင်းဖြစ်ကြောင်း၊လျှောက်လွှာအကြိမ်ကြိမ်တင်ပါက Payment No. နှင့် စာမေးပွဲခုံနံပါတ်မှန်ကန်စွာမရနိုင်ကြောင်း၊ယင်းကြောင့် စာမေးပွဲဖြေဆိုခွင့်လျှောက်ထားသူများအနေဖြင့် အကြိမ်ကြိမ်လျှောက်ထားခြင်းမပြုလုပ်ကြရန် အဆိုပါအေဂျင်စီက ထုတ်ပြန်ရာတွင် ဖော်ပြထားသည်။

တောင်ကိုရီးယားအလုပ်အကိုင် အရည်အချင်းစစ်စာမေးပွဲ(EPS)ဖြေဆိုခွင့်လျှောက်ထားခြင်းများကို ဇူလိုင်လ ၇ ရက်ကစ၍ ဇူလိုင်လ ၂၃ ရက်ထိ လက်ခံသွားမည်ဟု ထုတ်ပြန်ထားပြီး ဖြေဆိုမည့်သူ သုံးသောင်းကျော်ရှိနိုင်မည်ဟုလည်း ခန့်မှန်းထားကြောင်း သိရသည်။

ymg/mt
#Yangon_Media_Group

#LocalNews
Published_10 July 2022

မော်တော်ယာဉ်တင်သွင်းခွင့် ၊ မော်တော်ယာဉ်တပ်ဆင်ထုတ်လုပ်ခွင့်မူဝါဒများကို ပြန်လည်သုံးသပ်နေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာပွင့်ဆန်းက ယနေ့ ဇူလိုင်လ ၁၀ ရက်က ရန်ကုန်မြို့ရှိ မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်း၌ပြုလုပ်သည့် မြန်မာနိုင်ငံ ဆီစက်ပိုင်ရှင်များအသင်း၏ တတိယအကြိမ်မြောက် အသင်းသားစုံညီနှစ်ပတ်လည်အစည်းအဝေးတွင်ပြောသည်။

"နိုင်ငံခြားသုံးငွေနဲ့ပတ်သက်တဲ့အမိန့် ကြော်ငြာစာလာပြီးနောက်ပိုင်းမှာ ကိုယ့်ဘာသာကိုယ်နိုင်ငံခြားငွေလွဲခွင့်မရှိတော့ပါဘူး။နိုင်ငံခြားသုံး ငွေစီမံခန့်ခွဲရေးကြီးကြပ်ရေးကော်မတီရဲ့ ခွင့်ပြုမိန့်ရှိမှ လွှဲလို့ရတယ်။အဲ့ဒါကိုပြန်ပြီးတော့ ကျွန်တော်တို့ သုံးသပ်နေပါတယ်။ဒါကြောင့် မော်တော်ယာဉ်တင်သွင်းခွင့် မော်တော်ယာဉ်တပ်ဆင်ထုတ်လုပ်ခွင့်မူဝါဒတွေကို ပြန်သုံးသပ်နေပါတယ်"ဟု ယင်းကပြောသည်။

လက်ရှိတွင်သီလဝါအထူးစီးပွားရေးဇုန်ရှိ ဆူဇူကီးစက်ရုံအပါအဝင် မော်တော်ယာဉ်တင်သွင်းထုတ်လုပ်တပ်ဆင်သည့်လုပ်ငန်းများ အားလုံးရပ်ဆိုင်းနေကြောင်း မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်း ဥက္ကဋ္ဌဒေါက်တာစိုးထွန်း ကပြောသည်။

"အခုဆိုရင် မော်တော်ယာဉ်မူဝါဒကလည်း ပြင်နေတယ်ဆိုတာ ကျွန်တော်တို့သိရတယ်။အခုအနေအထားကတော့ Suzuki မှ မဟုတ်ဘူး ၊ အားလုံးက ရပ်နေတာ ၊ ပြီးခဲ့နှစ်အောက်တိုဘာလကတည်းကထုတ်တဲ့မူဝါဒနောက်ပိုင်းမှာပေါ့။

လောလောဆယ် ဘယ်ကားမှတင်သွင်းခွင့်မပြုဘူး ၊ကိုယ့်ပိုက်ဆံနဲ့ကိုယ်လည်းခွင့်မပြုဘူး"ဟု ယင်းကပြောသည်။

နိုင်ငံတော် စီမံအုပ်ချုပ်ရေးကောင်စီအနေဖြင့် ပြီးခဲ့သည့် ၂၀၂၁ ခုနှစ် အောက်တိုဘာလ ၁ ရက် မှစ၍ အမေရိကန်ဒေါ်လာလိုအပ်ချက်ရှိသည့်အတွက် ပြည်ပမှမော်တော်ယာဉ်တင်သွင်းခွင့်များကို စတင်ရပ်ဆိုင်းထားရာ ၂၀၂၂ ခုနှစ်ကားတင်သွင်းခွင့်မူဝါဒတွင် ကားအရောင်းစင်တာများအတွက် ကားသစ်တင်သွင်းခွင့် ပါဝင်မလာခဲ့တော့ခြင်းဖြစ်ကြောင်း သိရသည်။

ymg/mt
#Yangon_Media_Group

#LocalNews
Published_10 July 2022

စစ်ကိုင်းတိုင်းဒေသကြီး၊မုံရွာမြို့၊ရုံးကြီးရပ်ကွက်၊သလ္လာဝတီနယ်မြေ၊ချင်းတွင်းမြစ်ကမ်း၊ 929 ဆိပ်ကမ်းတွင် ဇူလိုင်လ ၁၀ ရက်နံနက် ၉နာရီ ၁၅ မိနစ်မှမွန်းလွဲ ၁၂ နာရီ ၄၀ မိနစ်အထိ စက်သုံးဆီပေပါတင်မော်တော်များ မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့က သိရသည်။

"အခု သိရတာကတော့ ဆီတင်မော်တော်ပေါ်မှာဆီလှယ်ရင်းကနေမီးလောင်တာတဲ့။မော်တော်သုံးစီးလောက် မီးလောင်သွားတယ်လိုပဲ သိရတယ်။ဆုံးရှုံးမှုကတော့ များနိုင်တယ်"ဟု မုံရွာမြို့ခံတစ်ဦးကပြောသည်။

အဆိုပါ မီးလောင်မှုဖြစ်ပွားရာနေရာသို့ မုံရွာခရိုင်မီးသတ်စခန်းမှ မီးသတ်ယာဉ်(၃)စီး၊ မုံရွာမြို့နယ်မီးသတ်စခန်းမှ မီးသတ်ယာဉ်(၁)စီး၊အရန်မီးသတ်တပ်ဖွဲ့များမှ မီးသတ်ယာဉ်များ၊သန္ဓေမီးသတ်တပ်ဖွဲ့ဝင်များနှင့် အရန်မီးသတ်တပ်ဖွဲ့ဝင်တို့မှ ထွက်ခွာမီးငြှိမ်းသတ်ခဲ့ရခြင်း ဖြစ်ကြောင်း သိရသည်။

အဆိုပါ စက်သုံးဆီပေပါတင်ရေယာဉ်မှာ ခန္တီးနှင့် ဟုမ္မလင်းနယ်ဘက်သို့ထွက်ခွာကာ ဆီသွားပိုမည့် ရေယာဉ်များဖြစ်ကြောင်းသိရသည်။

ymg/mt
#Yangon_Media_Group

#Local_News
Published_ 10 July 2022

လာမည့် ဘဏ္ဍာနှစ်မှစ၍ ဈေးကွက်သို့ ဆီပေပါများဖြင့် ဖြန့်ဖြူးနေခြင်းအစား Consumer Pack ဖြင့် ထုပ်ပိုးဖြန့်ဖြူး ရောင်းချသွားနိုင်ရေးကို လုပ်ငန်းရှင်များကို အသိပေးနှိုးဆော်ထားပြီးဖြစ်၍ ကြိုတင်ပြင်ဆင်ဆောင်ရွက်သွားရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနဝန်ကြီး ဒေါက်တာပွင့်ဆန်းက ပြောကြားခဲ့ပါတယ်။

ရန်ကုန်မြို့၊ ကမ်းနားလမ်းရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ရန်ကုန်တိုင်းဒေသကြီးရုံးခွဲ၊ အစည်းအဝေးခန်းမတွင် စားအုန်းဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေး ကော်မတီအဖွဲ့ဝင်များ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်အသင်းမှ တာဝန်ရှိသူများ၊ စားသုံးဆီတင်သွင်းသည့် လုပ်ငန်းရှင်များနှင့် တွေ့ဆုံစဉ်ပြောကြားခဲ့တာ ဖြစ်ပါတယ်။

ထို့ပြင်ဝန်ကြီးက ပြည်ပမှ တင်သွင်းသည့် စားအုန်းဆီများကို စနစ်တကျတင်သွင်း၊ ဖြန့်ဖြူးရောင်းချနိုင်ရေးကို ထိန်းကျောင်းဆောင်ရွက်လျက်ရှိတယ်လို့ ဆိုပါတယ်။

Consumer Pack ဖြင့် ထုပ်ပိုးဖြန့်ဖြူးရောင်းချရာတွင် သက်ဆိုင်ရာဌာနများက ညွှန်ကြားထားတဲ့ ကုန်အညွှန်းအမှတ်အသားများ ပြည့်စုံစွာဖော်ပြခြင်းအားဖြင့် သက်ဆိုင်ရာ ကုမ္ပဏီများအနေဖြင့် တာဝန်ခံမှု၊ တာဝန်ယူမှုရှိလာစေမည်ဖြစ်ပြီး စားသုံးသူများ၏ အခွင့်အရေးနှင့် အကျိုးစီးပွားများကို ကြိုတင်ကာကွယ်ရာရောက်မှာ ဖြစ်ပါတယ်။

ယခုအချိန်တွင် ပြည်တွင်း၌ နေကြာစိုက်ပျိုးထုတ်လုပ်မှုကို တိုးမြှင့်ဆောင်ရွက်နေတဲ့အတွက် အရည်အသွေးပြည့်မီသည့် နေကြာဆီထုတ်လုပ်တဲ့စက်ရုံများ ပေါ်ပေါက်လာစေရေးအတွက် ချေးငွေများပေးအပ်နိုင်ရန် နိုင်ငံတော်အနေဖြင့် စီစဉ်နေတယ်လို့ ပြောကြားခဲ့ပါတယ်။

လက်ရှိစားအုန်းဆီကြမ်း ထုတ်လုပ်လျက်ရှိရာမှ အဆင့်မြင့်စားအုန်းဆီ ထုတ်လုပ်နိုင်ရေးအတွက်ကိုလည်း ဆောင်ရွက်သွားကြရမည်ဖြစ်ပါကြောင်း၊ ပြည်ပမှ စားအုန်းဆီတင်သွင်းသူများအနေဖြင့် သတ်မှတ်ထားတဲ့ စည်းမျည်းစည်းကမ်းများနှင့်အညီ တင်သွင်းဖြန့်ဖြူးရောင်းချသွားရန် အသိပေးပြောကြားခဲ့ပါတယ်။

ဝန်ကြီးသည် ဇူလိုင် ၉ ရက် နံနက်ပိုင်းတွင် ရန်ကုန်မြို့ကမ်းနားလမ်းရှိ Six Winners Brothers ကုမ္ပဏီလီမိတက်၏ ဆီသိုလှောင်ကန်များ၌ စားအုန်းဆီသိုလှောင်ထားရှိမှု၊ ဖြန့်ဖြူးမှု၊ 18 Liter ပုံးများဖြင့် ဘူးသွင်းထုတ်လုပ်မှုအခြေအနေတို့ကို လှည့်လည် ကြည့်ရှုစစ်ဆေးခဲ့ပါတယ်။

ymg-mnn
#Yangon_Media_Group

Published 10 July 2022

မြန်မာနိုင်ငံရဲ့ သတင်းအချက်အလက်ဆက်သွယ်မှုနည်းပညာဖွံ့ဖြိုးတိုးတက်ဖို့နှင့် အဲဒီနယ်ပယ်မှာ ပါရမီရှိသူတွေပြုစုပျိုးထောင်ပေးဖို့အတွက် လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေအောက်နေ လွန်ခဲ့တဲ့ နှစ်များအတွင်း အကူအညီတွေပေးခဲ့ပါတယ်။

ခုနှစ်ကြိမ်မြောက် လန်ချန်း-မဲခေါင်ပူးပေါင်းဆောင်ရွက်ရေးနိုင်ငံခြားရေးဝန်ကြီးတွေ အစည်းအဝေးကို မြန်မာနိုင်ငံခြားရေးဝန်ကြီးနှင့် တရုတ်နိုင်ငံခြားရေးဝန်ကြီးတို့ ပူးတွဲသဘာပတိအဖြစ်ဆောင်ရွက်ကာ မြန်မာနိုင်ငံမှာ အောင်မြင်စွာကျင်းပခဲ့ပြီးဖြစ်ပါတယ်။

အဲဒီအစည်းအဝေးမှာ နယ်ပယ်အသီးသီးမှာ လက်တွေ့ပူးပေါင်းဆောင်ရွက်မှုကို ဘယ်လိုနက်ရှိုင်းစွာဆောင်ရွက်မယ်ဆိုတာဟာ အရေးကြီးတဲ့ ခေါင်းစဉ်တစ်ခုဖြစ်ခဲ့ပါတယ်။  လန်ချန်း-မဲခေါင် အထူးရန်ပုံငွေဖြင့် ပြုလုပ်တဲ့ ရာပေါင်းများစွာသော အစီအစဉ်တွေထဲမှာ ပရောဂျက်တစ်ခုစီတိုင်းကို သက်ဆိုင်ရာနိုင်ငံတစ်နိုင်ငံချင်းစီရဲ့ အဓိကနယ်ပယ်အတွက် ဒီဇိုင်းလုပ်ထားတာပါ။

မြန်မာနိုင်ငံရဲ့ သတင်းအချက်အလက်နှင့်ဆက်သွယ်ရေးနည်းပညာလုပ်ငန်းတွေမှာ ကျွမ်းကျင်ထူးချွန်သူတွေ မလုံလောက်တဲ့အတွက် ယှဉ်ပြိုင်နိုင်စွမ်းနည်းပါးနေရတာကြောင့် လန်ချန်း-မဲခေါင် အထူးရန်ပုံငွေဖြင့် စီမိံကန်းနှစ်ခုကို လုပ်ဆောင်ခဲ့ပါတယ်။ ၂၀၁၉ ဇူလိုင်လမှာ အိုင်စီတီဖွံ့ဖြိုးတိုးတက်ရေးအင်စတီကျူ တစ်ခုကို အဲဒီရန်ပုံငွေနှင့် ဖွင့်လှစ် နိုင်ခဲ့ပါတယ်။  အဲဒီနောက် သုတေသနအင်စတီကျုကို ဆော့ဝဲနှင့် ဟတ်ဒ်ဝဲ ဖွံ့ဖြိုးတိုးတက်မှုမြင့်မားလာဖို့နှင့် ပညာရှင်တွေ လေ့ကျင့်သင်တန်းပေးဖို့ ရင်းနှီးမြှပ်နှံမှုမြှင့်တင်ရာမှာလည်း ရန်ပုံငွေက ကူညီခဲ့ပါတယ်။

Source CCTV+