Published 14 Sept 2022

SCO လို့ခေါ်တဲ့ ရှန်ဟိုင်းပူးပေါင်းဆောင်ရွက်ရေးအဖွဲ့ရဲ့ ၂၂ကြိမ်မြောက် နိုင်ငံခေါင်းဆောင်များကောင်စီအစည်းအဝေးမှာ ဘုံနားလည်မှုအသစ်တွေတည်ဆောက်ဖို့နျင့် ပူးပေါင်းဆောင်ရွက်ရေးကဏ္ဍသစ်ဖွင့်လှစ်ဖို့အတွက် နိုင်ငံတကာနှင့်ဒေသဆိုင်ရာ ပြဿနာတွေကိုကျယ်ကျယ်ပြန့်ပြန့်ဆွေးနွေးကြမှာဖြစ်တယ်လို့ SCO ရဲ့ အတွင်းရေးမှူးချုပ် ကျန်မင်းက ပြောပါတယ်။

ယခုနှစ်ထိပ်သီးအစည်းအဝေးကို ဥဘက်ကစ္စတန်နိုင်ငံ စမတ်ကန်မြို့မှာ ကြာသပတေးနေ့နှင့်သောကြာနေ့များမှာ ကျင်းပသွားမှာဖြစ်ပြီး ကိုဗစ်-၁၉ကြောင့်ဖြစ်ရတဲ့ နိုင်ငံတကာအခြေအနေရှုပ်ထွေးမှုတွေ၊ ယူကရိန်းအကျပ်အတည်း၊ စွမ်းအင်နှင့်စားနပ်ရိက္ခာလုံခြုံရေးကိစ္စတွေနှင့် တစ်ဖက်သတ်ကြီးစိုးမှုဝါဒတွေအကြောင်း ဆွေးနွေးကြပါလိမ့်မယ်။

“ရာသီဥတုပြောင်းလဲခြင်းဟာ SCO ရဲ့ ဆွေးနွေးပွဲတွေမှာ အမြဲအရေးကြီးတဲ့ ကိစ္စတစ်ရပ်ဖြစ်ပါတယ်။ ထိုနည်းတူ ပြီးခဲ့တဲ့ နစ်များက ကမ္ဘာလုံးဆိုင်ရာ ထောက်ပို့ကွင်းဆက်ရဲ့ လုံခြုံရေးကို ဆက်လက်ထိန်းသိမ်းဖို့ကိစ္စလည်းပါဝင်ပါတယ်။ ပြောင်းလဲမှုအသစ်တွေနှင့် စိန်ခေါ်မှုအသစ်တွေကို SCO ခေါင်းဆောင်တွေဟာ အပြည့်အဝသတိမူမိကြလိမ့်မယ်လို့ ကျွန်တော်ယုံကြည်ပါတယ်။ ဒီကိစ္စရပ်တွေကို ဒီနှစ်ထိပ်သီးအစည်းအဝေးမှာ သူတို့ဆွေးနွေးကြပါလိမ့်မယ်” လို့ အတွင်းရေးမှူးချုပ်ကျန်မင်းက ပြောပါတယ်။

“၂၀၀၁ခုနှစ်တည်ထောက်ပြီးကတည်းက ဒီအဖွဲ့ဟာ တင်းပြည့်အဖွဲ့ဝင် (၈)နိုင်ငံ၊ လေ့လာသူအဖြစ် (၄)နိုင်ငံနှင့် ဆွေးနွေးဖက် နိုင်ငံတွေအများကြီးရှိပါတယ်။ ကမ္ဘာ့ငြိမ်းချမ်းရေးနှင့်လုံခြုံရေးအတွက် တောင့်တင်းတဲ့ မဏ္ဍိုင်ကြီးတစ်ခုသာမကဘဲ ဒေသဆိုင်ရာ စီးပွာရေးနှင့်ကုန်သွယ်ရေး ပူးပေါင်းဆောင်ရွက်မှုမြှင့်တင်ပေးတဲ့ အရေးကြီးတဲ့အင်အားတစ်ခုလည်းဖြစ်ပါတယ်” လို့သူကပြောပါတယ်။

“ခါးပတ်နှင့် လမ်းကြောင်း ဦးစီးဦးရွက်အစီအစဉ် BRI ရဲ့အောက်မှာ သိသာထင်ရှားတဲ့ စီးပွားရေးတိုးတက်ဖြစ်ထွန်းမှုတွေ၊ ပြည်သူတွေရဲ့ ဘဝတွေအကြီးအကျယ်တိုးတက်လာတာတွေနှင့် အချင်းချင်းပိုမိုနီးကပ်လာကြတာတွေကို  SCO အဖွဲ့ဝင်နိုင်ငံတွေ မျက်ဝါးထင်ထင်တွေ့မြင်ခဲ့ကြပြီးဖြစ်ပါတယ်” လို့လည်း သူကဆက်ပြောပါတယ်။

“ BRIနှင့်ချိတ်ဆက်မှုသဘောက ပူးပေါင်းဆောင်ရွက်မှုနှင့်ဗဟုဝါဒပဲဖြစ်တယ်။အဲဒါဟာ SCO ရဲ့ရည်ရွယ်ချက်တွေနှင့် လည်းထပ်တူဖြစ်နေတယ်။ ရလာဒ်အားဖြင့် SCO နိုင်ငံတွေအကြားမှာ BRI ဟာ ကောင်းမွန်စွာ အကောင်အထည်ဖော်နိုင်နေပါတယ်။ ကုန်သွယ်ရေးတိုးတက်တာ၊ရထားလမ်းနှင့်ကားလမ်းသယ်ယူပို့ဆောင်ရေး တွေကောင်းမွန်လာတာတွေ၊ပြီးတော့ ထောက်ပို့စွမ်းဆောင်ရည်မြင့်မားလာတာတွေသာမကဘဲ ယဉ်ကျေးမှုဖလှယ်ခြင်းနှင့် ခရီးသွားလုပ်ငန်းဖွံ့ဖြိုးရေးတွေမှာလည်း မြင့်မားလာတာ တွေ့ကြရပါတယ်” လို့ သူကပြောပါတယ်။

SCO ကို ၂၀၀၁ခုနှစ်မှာ တရုတ်နိုင်ငံ ရှန်ဟိုင်းမြို့မှာ ဖွဲ့စည်းတည်ထောင်ခဲ့ပါတယ်။ ဒီအဖွဲ့ဟာ နိုင်ငံတွေအကြား နိုင်ငံရေး၊စီးပွားရေးနှင့်လုံခြုံရေးဆိုင်ရာ အမြဲတမ်းအဖွဲ့တစ်ခုဖြစ်ပါတယ်။ လက်ရှိမှာ တရုတ်၊ကာဇက်စတန်၊ကာဂျစ္စတန်၊ရုရှား၊တာဂျစ်ကစ္စတန်၊ဥဘက်ကစ္စတန်၊အိန္ဒိယနှင့် ပါကစ္စတန်နိုင်ငံ ၈နိုင်ငံဟာ တင်းပြည့်အဖွဲ့ဝင်နိုင်ငံတွေဖြစ်ကြပါတယ်။

ဒီအဖွဲ့ကြီးဟာ ယူရိုးရှားတိုက်ကြီးရဲ့ ငါးပုံသုံးပုံခြုံလွှမ်းထားပါတယ်။ ကမ္ဘာ့လူဦးရေရဲ့ တစ်ဝက်နီးပါးမျှရှိပါတယ်။ ထို့အပြင် ၂၀၂၁ခုနှစ်စာရင်းဇယားများအရ ကမ္ဘာ့ဂျီဒီပီရဲ့ ၂၀ရာခိုင်နှုန်းလည်းကိုယ်စားပြုထားတာဖြစ်ပါတယ်။

Source CCTV+

#SCO

#Shanghai_Cooperation_Organization

#China_Russia_India_SOC

#Local_News
Published_ 14 September 2022

မြန်မာနိုင်ငံက အသက်ကြီးတဲ့သူတွေမှာ ရင်သားကင်ဆာ၊ ဆီးကျိတ်ကင်ဆာနဲ့ အစာအိမ်ဟောင်းနှင့် အူလမ်းကြောင်းကင်ဆာ၊ အဆုတ်ကင်ဆာတွေအဖြစ်အများဆုံးတွေ့နေရတယ်လို့ ရွှေရောင်နှင်းဆီကင်ဆာဖောင်ဒေးရှင်းဥက္ကဌ၊ ကင်ဆာအထူးကုသမားတော်ကြီး ပါမောက္ခဒေါ်ရင်ရင်ထွန်းက ပြောပါတယ်၊၊

#Yangon_Media_Group

#Local_News
Published - 14 September 2022

ဒီနေ့ စက်တင်ဘာလ ၁၄ ရက်မှာ ရွှေဈေးနှုန်းဟာ တစ်ကျပ်သားကို ကျပ် ၂၉ သိန်း ၇ သောင်း ဝန်းကျင်ထိ ပြန်လည်ကျဆင်းလာတယ်လို့ ပြည်တွင်းရွှေဈေးကွက်ကနေ သိရပါတယ်။

#Yangon_Media_Group

#Local_News
Published-14 Setember 2022

ငရုပ်အစို ဝယ်ယူမှုများနေတာကြောင့် ငရုပ်ဈေးနှုန်းတွေဟာ ကျဆင်းလာခြင်းမရှိပဲ စံချိန်တင်မြင့်တက်လာခဲ့တယ်လို ဘုရင့်နောင်ကုန်စည်ဒိုင်ကနေ သိရပါတယ်။

#Yangon_Media_Group

#DailyNews
Published _ 14 September 2022

၁။ ငရုပ်အစိုဈေးနှုန်း စံချိန်တင်မြင့်တက်လာ

၂။ ရွှေဈေးနှုန်း ပြန်လည်ကျဆင်း

၃။ အသက်ကြီးသူများတွင် ရင်သားကင်ဆာနှင့် ဆီးကျိတ်ကင်ဆာများ အဖြစ်အများဆုံးတွေ့နေ

၄။ IS စစ်သွေးကြွများ၏ဖျက်ဆီးခြင်းကိုခံခဲ့ရသည့် အီရတ်ရှေးဟောင်းအပျက်အစီးနေရာအား ခရီးသွားဧည့်သည်များအတွက်ဖွင့်လှစ်လိုက်ပြီ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published _14 September 2022

ထိုင်းနိုင်ငံမှာ ပြောင်းဆန်ထွက်တဲ့ ရာသီဖြစ်တာကြောင့် မြန်မာ့ပြောင်းဆန်ကို ဗီယက်နမ်နိုင်ငံကို ပို့နေတယ်လို့ ပြောင်းလုပ်ငန်းရှင်တွေက ပြောပါတယ်။

#Yangon_Media_Group

#Local_News
Published _14 September 2022

ရွှေဈေးဆက်တိုက်ကျဆင်းသွားမည်ကိုစိုးရိမ်၍ ဈေးကွက်အတွင်း လာရောက်ရောင်းချသူများနေကြောင်း ရန်ကုန်တိုင်းဒေသကြီး ရွှေအရောင်းအဝယ် ပြုလုပ်သူများက ပြောသည်။

"ကမ္ဘာ့ဈေးက ကျတယ်။ ပြည်တွင်းဒေါ်လာဈေးလည်းကျတယ်။ လာရောင်သူတွေများတယ်။ နောက်ထပ်ဈေးကျလာမှာ စိုးလိုရောင်းတာ။လာမယ့်ဒီဇင်ဘာဆိုရင် တွင်းတွေက လှိုင်လှိုင်ထွက်ပြီလေ ရွှေက၊ ရွှေဈေးက ပြုကျမှာ။ အခုကလည်း ဒေါ်လာကစားတဲ့သူတွေကြောင့် ရွှေဈေးက တင်းနေတာလေ။ အခုကျတော့ အစိုးရက ဒေါ်လာထုတ်ရောင်းတဲ့အခါကျတော့ ဒေါ်လာဈေးကျတယ်။ အစိုးရက ရောင်းတဲ့ ရွှေဒင်္ဂါးပြားကလည်း ကမ္ဘာ့ဈေးအတက်အကျအပေါ်မှာပဲ မူတည်ပြီးရောင်းတာလေ"ဟု ရန်ကုန်တိုင်းဒေသကြီး ရွှေလုပ်ငန်းရှင်များအသင်း ဥက္ကဌ ဦးမျိုးမြင့်က YMG ကို ပြောပြသည်။

ယနေ့ စက်တင်ဘာလ ၁၄ ရက်တွင် ရန်ကုန်တိုင်းဒေသကြီး ရွှေလုပ်ငန်းရှင်များအသင်းက အကယ်ဒမီ မီးလင်းရွှေ တစ်ကျပ်သားလျှင် ကျပ် ၁၉၉၆၀၀၀ ကျပ်ဖြင့် အရောင်းပိတ်ခဲ့သော်လည်း ပြင်ပတွင်မူ ၂၉ သိန်း ခန့် ရှိနေကြောင်း၊ ကမ္ဘာ့ဈေးမှာ တစ်အောင်စလျှင် အမေရိကန် ၁၇၀၃ ဒေါ်လာ ရှိသောကြောင့် စက်တင်ဘာလ လဆန်းပိုင်းနှင့် နှိင်းယှဉ်ပါက သိသိသာသာ ကျဆင်းသည့် ဈေးမဟုတ်ကြောင်း၊စက်တင်ဘာလ ၅ ရက် က တစ်အောင်စ လျှင် ၁၇၁၉ ဒသမ ၅ နှင့် နှိင်းယှဉ်ပါက အနည်းငယ်ကျသည်ဟုဆိုနိုင်ကြောင်း၊ သို့သော်လည်း ကမ္ဘာ့ဈေးအတက်အကျကိစ္စမှာ ပြည်တွင်းရွှေ ပြင်ပပေါက်ဈေးအပေါ် သက်ရောက်မှု မရှိဟုလည်း ဆိုနိုင်ကြောင်း ရွှေအရောင်းအဝယ်ပြုလုပ်သူတစ်ဦးက YMG ကို ပြောသည်။

"ရွှေဒင်္ဂါးပြားတွေကို ကမ္ဘာ့ရွှေဈေးအပေါ်မှာ အခြေခံပြီးတော့ တွက်တယ်၊လက်ခံလိုရတယ်။ လက်ရှိ YGEA က သတ်မှတ်ဈေးနဲ့ ပြင်ပ ပေါက်တာနဲ့က ကွာနေတယ်၊ ဒါက ဘယ်လိုမျိုး ဖြစ်ရတာလဲကို ပြောမတတ်ပါဘူးခင်ဗျ။ ဒီနေ့ဆိုရင် ပြင်ပရွှေ တစ်ကျပ်သားကို ၂၉ သိန်း ကနေ ၂၉ သိန်း ခွဲ ဝန်းကျင်လောက် ရှိနေတယ်။ ဒေါ်လာက အပြင်မှာ အရောင်းကို ၃၂၅၀ လောက် ရှိပြီးတော့ အဝယ်ကို ၃၄၀၀ စွန်းစွန်း ရှိနေတယ်။ဒါတွေကြောင့် ဈေးကွက်က မငြိမ်မသက် ဖြစ်နေတဲ့ အနေအထားလိုပဲ သုံးသပ်လို ရပါတယ်"ဟု အဆိုပါ ပုဂ္ဂိုလ်က ပြောသည်။

#ymg/mt
#Yangon_Media_Group

#Local_News
Published-14 Setember 2022

မြန်မာ-တရုတ် နယ်စပ်ကုန်သွယ်ရေးမှ ကန်ဒေါ်လာ ၁ ဒသမ ၁ ဘီလီယံခန့် ကုန်သွယ်မှုပြုလုပ်ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ စာရင်းများအရသိရသည်။

အဆိုပါ နယ်စပ်ကုန်သွယ်ရေးစခန်းများမှ ကုန်သွယ်ပမာဏအရ မူဆယ်နယ်စပ်ဂိတ်တွင် ကန်ဒေါ်လာ သန်း ၈၆၀ ကျော်၊ လွယ်ဂျယ်နယ်စပ်ဂိတ်တွင် ကန်ဒေါ်လာ ၆၄ သန်းခန့်၊ ချင်းရွှေဟော်နယ်စပ်ဂိတ်တွင် ကန်ဒေါ်လာ ၄၈ သန်းခန့်၊ ကံပိုက်တီနယ်စပ်ဂိတ်တွင် ကန်ဒေါ်လာ ၄၁ သန်းခန့်နှင့် ကျိုင်းတုံနယ်စပ်ဂိတ်တွင် ကန်ဒေါ်လာ ၅ သန်းခန့်နီးပါး ကုန်သွယ်မှုပြုလုပ်ခဲ့ပြီး မူဆယ်နယ်စပ်ဂိတ်တွင် အများဆုံးကုန်သွယ်မှု ပြုလုပ်ခဲ့ခြင်းဖြစ်သည်။

နှစ်နိုင်ငံနယ်စပ်ကုန်သွယ်မှု စာရင်းအရ ပြီးခဲ့သည့်နှစ် ကာလတူနှင့်နှိုင်းယှဉ်ပါက ပို့ကုန်တန်ဖိုး ကန်ဒေါ်လာ ၁၀၆ ဒသမ ၅၇၀ သန်းတင်ပို့မှုလျော့ကျခဲ့ပြီး သွင်းကုန်တန်ဖိုးမှာလည်း ၁၇၂ ဒသမ ၀၆၄ သန်းလျော့ခဲ့ကာ တန်ဖိုးအားဖြင့် ကန်ဒေါ်လာ ၂၇၈ ဒသမ ၆၃၄ သန်းလျော့ကျခဲ့ကြောင်း စာရင်းများအရ သိရသည်။

လက်ရှိတွင် မြန်မာ-တရုတ်နယ်စပ်ကုန်သွယ်ရေးသည် ၅၀ ရာခိုင်နှုန်းသာ လည်ပတ်မှုရှိနေကြောင်း၊ ကုန်ကားများအနေဖြင့် နေ့စဉ်အစီးရေ ၄၀ ခန့်တရုတ်ပြည်ဘက်သို အဝင်ရှိသလို တရုတ်ပြည်ဘက်မှလည်း နေ့စဉ်အစီးရေ ၄၀ခန့် ပြန်လည်ဝင်ရောက်လာကြောင်း မူဆယ်နယ်စပ်ကုန်စည်ဒိုင်၏ ပြောပြချက်အရ သိရသည်။

မြန်မာဘက်မှ ဆန်၊ ဆန်ကွဲ၊ ရေထွက်ပစ္စည်း၊ ရော်ဘာ၊ ကွမ်းသီးခြောက်၊ စားသောက်ကုန်စသည့် ကုန်ပစ္စည်းများ တင်ပို့သလို တရုတ်ပြည်ဘက်မှ ဆောက်လုပ်ရေးပစ္စည်း၊ လျှပ်စစ်ပစ္စည်း၊ ဓာတ်မြေသြဇာ၊ ဆေးဝါးပစ္စည်းများကို ပြန်လည်တင်သွင်းကြောင်း သိရသည်။

#Ymg/STH
#Yangon_Media_Group

#Local_News
Published_ 14 September 2022

မြန်မာနိုင်ငံရှိ နွမ်းပါးသည့်မိခင်နှင့်ကလေးငယ်များကို ကူညီရန်အတွက် နေ့စဉ်ကျောင်း(အစိုးရကျောင်းများ)၌ အခမဲ့နေ့လယ်စာကျွေးသည့် စီမံကိန်းတစ်ခုကို တရုတ်နိုင်ငံကျေးလက်ဖွံ့ဖြိုးတိုးတက်ရေးဖောင်ဒေးရှင်း (CFRD)(မူလတရုတ်နိုင်ငံ ဆင်းရဲနွမ်းပါးမှုလျှော့ချရေးဖောင်ဒေးရှင်း)မှ ဖော်ဆောင်လျက်ရှိကြောင်း သိရသည်၊၊

ယင်းဖောင်ဒေးရှင်း၏ မြန်မာနိုင်ငံရုံးခန်းဝန်ထမ်းများက ရန်ကုန်တိုင်း လှိုင်သာယာမြို့နယ်မှ အစိုးရမူလတန်းကျောင်း (၂၃)ကျောင်းအား လေ့လာအကဲဖြတ်ရာ ကျောင်းသားကျောင်းသူပေါင်း (၇၀)% ခန့်သည် နေ့လယ်စာမစားနိုင်ဘဲ အချို့သောကလေးများက ယင်းအတွက်ကြောင့် ကျောင်းထွက်ကာ အလုပ်လုပ်ကိုင်နေရသည်ကို တွေ့ရှိရကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်များအရ သိရသည်၊၊

အဆိုပါ ကလေးများငတ်မွတ်သည့် ပြဿနာကို ကူညီဖြေရှင်းပေးရန်အတွက် ၂၀၂၀ ပြည့်နှစ်တွင် CFRD ကမြန်မာနိုင်ငံတွင် Smiling Children စီမံကိန်းကို စတင်ဖော်ဆောင်ခဲ့ခြင်းဖြစ်သည်။ ကပ်ရောဂါကြောင့် Smiling Children စီမံကိန်းသည် စားနပ်ရိက္ခာအိတ်ပေးဝေသည့်နည်းလမ်းဖြင့် ကျောင်းသားကျောင်းသူများအား နေ့လယ်စာထောက်ပံ့ပေးကြောင်း သိရသည်၊၊

၂၀၂၂ ခုနှစ် ဇူလိုင်လ(၄)ရက်တွင် Smiling Children စီမံကိန်းသည် မြန်မာနိုင်ငံအထည်ချုပ် စက်ရုံများ စုစည်းရာ ရန်ကုန်တိုင်းလှိုင်သာယာမြို့နယ်ရှိ ကျောင်းပေါင်း (၁၀)ကျောင်းအား ရွေးချယ်အတည် ပြုပြီး ကျောင်းအနီးတဝိုက်မှ ဆင်းရဲနွမ်းပါးသော အမျိုးသမီးအယောက် (၆၀)ကို စုစည်း၍ ၎င်းတို့အတွက် လေ့ကျင့်ရေးနှင့်လစာများပေးကာ ၎င်းတို့ဖြင့်ဖွဲ့စည်းထားသော 'မေမေအုပ်စု'က ကျောင်းသား ကျောင်းသူများအတွက် နေ့လယ်စာချက်ပြုတ်ပေးခဲ့သည်ဟု ဆိုသည်၊၊

အဆိုပါ စီမံကိန်းသည် ကျောင်းသား ကျောင်းသူပေါင်း (၄၅၀၀)နီးပါး နေ့စဉ်ကျောင်း၌အခမဲ့ နေ့လယ်စာစားသုံးခွင့်ရစေခဲ့ပြီး အနာဂတ်တွင် စီမံကိန်းကအကျိုး အမြတ်ခံစားခွင့်ရသော လူဦးရေကို တစ်ဆင့်ချင်းတိုးချဲ့၍ ငတ်မွတ်မှုကြောင့် ကျောင်းထွက်ရသော ကလေးသူငယ်များကို ကျောင်းပြန်တက်စေပြီး တစ်ချိန်တည်းတွင် ပိုများသည့် မြန်မာနိုင်ငံဆင်းရဲနွမ်းပါးသောမေမေများ တည်ငြိမ်သည့်ဝင်ငွေရရှိကာ အနာဂတ်မျှော်လင့်ချက် လင်းရောင်ခြည်များရရှိစေရန်မျှော်မှန်းထားကြောင်း ထုတ်ပြန်ချက်တွင် ရေးသားဖော်ပြထားသည်၊၊

#ymg/tthl
#Yangon_Media_Group

#Local_News
Published_ 14 September 2022

အခုရက်ပိုင်းအတွင်းနေပြည်တော်ဇမ္ဗူသီရိမြို့နယ်နှင့် ရန်ကုန်တိုင်း လှိုင်သာယာမြို့နယ်၊ မင်္ဂလာဒုံမြို့နယ်များတွင် ကိုဗစ်ပိုးတွေ့လူနာများအများဆုံးတွေ့နေရကြောင်း ကျန်းမာရေးဝန်ကြီးဌာန၏ ထုတ်ပြန်ချက်များအရ သိရသည်၊၊

စက်တင်ဘာလ(၁၁)ရက်မှ(၁၃)အထိ ထုတ်ပြန်ချက်များအရ အဆိုပါမြို့နယ်များတွင် ကိုဗစ်ပိုးတွေ့လူနာ အများဆုံးတွေ့နေရကြောင်း သိရခြင်းဖြစ်သည်၊၊

စက်တင်ဘာလ(၁၁)ရက်ထုတ်ပြန်ချက်တွင် စုစုပေါင်း ကိုဗစ်လူနာ(၂၆၂)ဦးအနက် မြို့နယ်အလိုက်တွေ့ရှိမှု အနေဖြင့် နေပြည်တော်ဇမ္ဗူသီရိမြို့နယ်တွင် ပြည်တွင်းကူးစက်မှုအနေနဲ့ ကိုဗစ်ပိုးတွေ့သူ(၃၀)ဦး၊ ရန်ကုန်တိုင်း မင်္ဂလာဒုံမြို့နယ်တွင်(၁၅)ဦး၊ လှိုင်သာယာမြို့နယ်(၁၃)ဦးဖြင့် ကိုဗစ်ပိုးတွေ့လူနာအများဆုံးတွေ့ရသည့် မြို့နယ်များဖြစ်ခဲ့သည်၊၊

စက်တင်ဘာလ(၁၂)ရက်ထုတ်ပြန်ချက်တွင် ကိုဗစ်လူနာ စုစုပေါင်း(၁၈၉)ဦးအနက် မြို့နယ်အလိုက်တွေ့ရှိမှုအနေဖြင့်နေပြည်တော် ဇမ္ဗူသီရိမြို့နယ်တွင် ပြည်တွင်းကူးစက်မှုအနေနဲ့ ကိုဗစ်ပိုးတွေ့သူ(၁၉)ဦး၊ ရန်ကုန်တိုင်း မင်္ဂလာဒုံမြို့နယ်တွင် ပြည်ပကူးစက်မှုအနေဖြင့်(၁၉)ဦး၊ လှိုင်သာယာမြို့နယ်တွင် ပြည်တွင်းကူးစက်မှုအနေဖြင့်(၃၆)ဦးဖြင့် ကိုဗစ်ပိုးတွေ့လူနာအများဆုံးတွေ့ရသည့် မြို့နယ်များဖြစ်ခဲ့သည်၊၊

စက်တင်ဘာလ(၁၃) ထုတ်ပြန်ချက်တွင် ကိုဗစ်လူနာ စုစုပေါင်း(၂၀၄)ဦးအနက် မြို့နယ်အလိုက်တွေ့ရှိမှုအနေဖြင့် နေပြည်တော်ဇမ္ဗူသီရိမြို့နယ်တွင် ပြည်တွင်းကူးစက်မှုအနေနဲ့ ကိုဗစ်ပိုးတွေ့သူ(၂၀)ဦး၊ရန်ကုန်တိုင်း မင်္ဂလာဒုံမြို့နယ်တွင်(၁၄)ဦး၊ လှိုင်သာယာမြို့နယ်(၁၀)ဦးဖြင့် ကိုဗစ်ပိုးတွေ့လူနာအများဆုံးတွေ့ရသည့် မြို့နယ်များဖြစ်ခဲ့သည်၊၊

အခုရက်ပိုင်းအတွင်းတွင် လူများ ဖျားနာ၊ ချောင်းဆိုခြင်းများ ဖြစ်ပွားနေကြပြီး ရိုးရိုးတုတ်ကွေးကြောင့် ဖျားနာကြတာလား ကိုဗစ်ကြောင့် ဖျားနာတာလား မသဲကွဲသဖြင့် ကိုဗစ်သံသရှိပါက စစ်ဆေးရန်လိုအပ်ကြောင်းနှင့် ဘတ်စ်ကားများ လူထူထပ်သောနေရာများတွင် မဖြစ်မနေ Mask တပ်ကြရန် ပြည်သူ့ကျန်းမာရေး ဖောင်ဒေးရှင်းဥက္ကဌ ဒေါက်တာသန်းစိန်က အကြံပြုပြောထားသည်၊၊

#ymg/tthl
#Yangon_Media_Group

#Local_News
Published-14 Setember 2022

ယနေ့ စက်တင်ဘာလ ၁၄ ရက်နေ့တွင် ပြည်တွင်းစက်သုံးဆီဈေးနှုန်းမှာ တစ်လီတာ ကျပ် ၁၂၀ ကျော်အထိ ထပ်မံမြင့်တက်လာကြောင်း စက်သုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်မှုကော်မတီမှ သိရသည်။

စက်တင်ဘာလ ၁၃ ရက်နေ့တွင် 92 တစ်လီတာ ၂၄၂၀ ကျပ်၊ 95 တစ်လီတာ ၂၄၇၀ ကျပ်၊ ဒီဇယ်တစ်လီတာ ၃၀၂၀ ကျပ်နှင့် ပရီမီယံဒီဇယ်တစ်လီတာကို ၃၁၀၅ ကျပ်ရှိခဲ့ရာမှ ယနေ့တွင် 92 တစ်လီတာ ၂၄၈၅ ကျပ်၊ 95 တစ်လီတာ ၂၅၇၅ ကျပ်၊ ဒီဇယ်တစ်လီတာ ၃၀၆၅ ကျပ်၊ ပရီမီယံဒီဇယ်တစ်လီတာ ၃၁၅၀ ကျပ်မြင့်တက်လာခြင်းဖြစ်သည်။

ရန်ကုန်၊ မန္တလေးအပါအဝင် နေပြည်တော်၊ တိုင်းဒေသကြီးနှင့်ပြည်နယ်များတွင် ရည်ညွှန်းလက်လီဈေးနှုန်းဖြင့် ရောင်းချပေးနေကြောင်း စက်သုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်မှုကော်မတီမှ သိရသည်။

ယင်းအပြင် စက်သုံးဆီဈေးနှုန်းမှာ အတက်အကျမမှန်သည့်အတွက် အဓိက အငှားယာဉ်မောင်းများအနေဖြင့် အခက်အခဲများရှိနေပြီး ပြေးဆွဲမှုကို ရပ်နားထားရကြောင်းလည်း သိရသည်။

ပြည်တွင်းစက်သုံးဆီဈေးနှုန်းသည် နေ့စဉ်နှင့်အမျှ အတက်အကျအပြောင်းအလဲဖြစ်ပေါ်နေပြီး အမြင့်ဈေးတွင် ဆက်လက်ရှိနေသည့်အတွက်ကြောင့် စက်သုံးဆီအသုံးပြုလုပ်ကိုင်ရသည့် လုပ်ငန်းများ ထိခိုက်မှုရှိလာပြီး ကုန်တင်ယာဉ်များအပေါ်တွင်လည်း ဂယက်ရိုက်ခတ်မှုရှိလာသည့်အတွက် အခြေခံစားသောက်ကုန် ကုန်စည်ဈေးနှုန်းမှာလည်း မြင့်တက်လာခြင်းဖြစ်ကြောင်း သိရသည်။

#Ymg/STH
#Yangon_Media_Group

#World_Politics
Published 14 September 2022

ထိုင်ဝမ်ကို တရုတ်တို့ကျူးကျော်ဖို့ ကြိုးပမ်းနေခြင်းကို ဝင်ရောက်နှောင့်ယှက်တဲ့အနေနဲ့ အမေရိကန်က တရုတ်အပေါ် စီးပွားရေးပိတ်ဆို့မှုများပြုလုပ်ရန် စဉ်းစားသုံးသပ်နေကြပြီး ထိုင်ဝမ်ကလည်း တရုတ်ကို ထိုကဲ့သို့အရေးယူပိတ်ဆိုရန် ဥရောပသမဂ္ဂကို သံတမန်ရေးအရ ဖိအားပေးနေကြောင်း နီးစပ်တဲ့သတင်းအရင်းအမြစ်မှ သိရှိရပါတယ်။

အမေရိကန်နဲ့ ထိုင်ဝမ်တို့မှ အီးယူသံတမန်များက ထိုကိစ္စဆွေးနွေးရာမှာ အစောပိုင်းအဆင့်ရောက်ရှိနေကြပြီဖြစ်ပြီး ထိုင်ဝမ်ရေလက်ကြားမှာ တရုတ်နဲ့ စစ်ရေးတင်းမာမှုမြင့်တက်လာမှုအကြား ကျူးကျော်လာနိုင်တဲ့အခြေအနေကို တုံ့ပြန်တဲ့သဘော ဖြစ်ပါတယ်။

အနောက်နိုင်ငံမှ ဒဏ်ခတ်ပိတ်ဆို့မယ့်အကြံအစည်ထဲမှာ ကွန်ပျူတာဆားကစ်တွေနဲ့ ဆက်သွယ်ရေးပစ္စည်းများကဲ့သို့ နည်းပညာပိုင်းပစ္စည်းများအား တရုတ်နဲ့ကုန်သွယ်ရင်းနှီးမြှုပ်နှံမှုကို တားမြစ်ရန်ဖြစ်ပါတယ်။

သတင်းအတိအကျ မသိရသေးပေမယ့် ကမ္ဘာ့ဒုတိယမြောက်စီးပွားရေးအတောင့်တင်းဆုံးနဲ့ ကမ္ဘာ့ကုန်ကြမ်းပစ္စည်းထောက်ပံ့ရေး ကွင်းဆက်မှာ အကြီးမားဆုံးတစ်နိုင်ငံဖြစ်တဲ့ တရုတ်ကို ပိတ်ဆို့မှုတွေပြုလုပ်မှာလားဆိုတဲ့ ဖြစ်နိုင်ချေတွေ ပေါ်ထွက်လာပါတယ်။

"တရုတ်ကို ပိတ်ဆို့မှုချမှတ်ရတာက ရုရှားထက် ပိုပြီးရှုပ်ထွေးပါတယ်၊ အမေရိကန်နဲ့ မဟာမိတ်တွေက တရုတ်စီးပွားရေးနဲ့ နက်နက်နဲနဲ ပါဝင်ပတ်သက်နေကြပါတယ်"လို့ အမေရိကန်ကူးသန်းရောင်းဝယ်ရေးဌာနမှ အကြီးတန်းအရာရှိဟောင်း'နာဇက်ခ်နီကက်ထာ'က ပြောပြသွားပါတယ်။

တရုတ်က ထိုင်ဝမ်ကို သူတို့ပိုင်ဆိုင်တယ်လို့ ဆိုထားကာ ပြီးခဲ့တဲ့လက အမေရိကန်အောက်လွှတ်တော်ဥက္ကဌ'နန်စီပယ်လိုစီ' ထိုင်ဝမ်ကို လာရောက်လည်ပတ်ပြီးနောက် တရုတ်တို့က စစ်ရေးပြသခဲ့ကြပြီး တရားမဝင်ရေပြင်နေရာမှာ စစ်သင်္ဘောများလွှင့်ပြခဲ့ပါတယ်။

တရုတ်သမ္မတ'ရှီကျင့်ဖင်'က ဒီမိုကရက်တစ်အုပ်ချုပ်နေတဲ့ ထိုင်ဝမ်ကို တရုတ်လက်အောက်သို့ သိမ်းသွင်းရန်စိတ်ပိုင်းဖြတ်ထားပြီး အင်အားသုံးလာနိုင်တယ်လို့ ဆိုခဲ့ပါတယ်။

ထိုင်ဝမ်အစိုးရကတော့ တရုတ်ရဲ့အချုပ်အခြာအာဏာအောက်မှာ မရှိစေရန် အပြင်းအထန်ငြင်းဆန်ထားပါတယ်။

ယူကရိန်းကို ရုရှားကျူးကျော်ပြီးခါမှ အမေရိကန်တိုက ဒဏ်ခတ်ပိတ်ဆို့ဖို့ ဆွေးနွေးလာကြပေမယ့် အခုတရုတ်ရဲ့တုံ့ပြန်ပုံကြောင့် တရုတ်ကိုအရေးယူဖို့ အရေးပေါ်ဆွေးနွေးနေကြပြီလို့ သိရှိရပါတယ်။

ဇန်နဝါရီလတုန်းက နေတိုး(NATO)မဟာမိတ်များရဲ့ ကူညီမှုနဲ့ အမေရိကန်က ရုရှားကို ဒဏ်ခတ်ပိတ်ဆို့မယ့်အကြောင်း ခြိမ်းခြောက်ခဲ့ပေမယ့် ယူကရိန်းကို မကျူးကျော်နိုင်အောင် ရုရှားသမ္မတ'ဗလာဒီမာပူတင်'ကို မတားဆီးနိုင်ခဲ့ပါဘူး။

ဥရောပနဲ့အာရှမှ နိုင်ငံများပူးပေါင်းကာ ထိုကိစ္စအပေါ်အရေးစိုက်ရန်နဲ့ တရုတ်ကို ရန်သွားမစမိဖို့ အရာရှိတစ်ဦးက သတိပေးလိုက်ပါတယ်။

အရေးယူ ပိတ်ဆို့မှုဆွေးနွေးပွဲမှာတော့ ထိုင်ဝမ်ကိုမကျူးကျော်နိုင်အောင် တရုတ်ကို နည်းပညာများရယူခွင့်များအား ပိတ်ပင်တားဆီးဖို့အကြောင်း ပါဝင်နေပါတယ်။

တရုတ်တို့ရဲ့စစ်ရေးကစားပွဲနဲ့ ထိုင်ဝမ်၊ အမေရိကန်၊ ဥရောပဒေသတွေမှာ တရုတ်ရဲ့စိန်ခေါ်လာမှုများအကြောင်း ဆွေးနွေးခဲ့ကြတယ်လို့ ထိုင်ဝမ်နိုင်ငံခြားရေးဝန်ကြီးဌာနက ဆိုပါတယ်။

အမေရိကန်မှာရှိတဲ့ တရုတ်နိုင်ငံခြားရေးဝန်ကြီးဌာနနဲ့ တရုတ်သံရုံးတို့ကတော့ ဒီကိစ္စများအကြောင်း မှတ်ချက်ပြုပြောကြားဖို့ တောင်းဆိုခဲ့ရာမှာ ဖြေကြားခြင်းမရှိခဲ့ပါဘူး။

Source: Reuters
#Yangon_Media_Group