#LocalNews
Published-15 February 2023

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ရေတွင်းကုန်းရပ်ကွက်၊ (၁၂၂)လမ်းတွင် ယနေ့ ဖေဖော်ဝါရီလ ၁၅ ရက် ညနေ ၃ နာရီခန့်အချိန်က မီးလောင်မှုဖြစ်ပွားခဲ့ရာ တိုက်ခန်းနေသူများ ကြောက်လန့်၍ တိုက်ခန်းများပေါ်မှ တွဲခိုဆင်းကြသည့် ပုံများ လူမှုကွန်ရက်တွင် ပျံ့နှံ့ခဲ့သည်။

အဆိုပါ မီးလောင်မှု ဖြစ်ရာနေရာသို့ Level 1 ယာဉ်အုပ်စု ထွက်ခွာ၍ ငြှိမ်းသတ်ခံရကာ ညနေ ၃ နာရီ ခွဲခန့်တွင် မီးငြိမ်းကြောင်း မြန်မာနိုင်ငံ မီးသတ်တပ်ဖွဲ့က ထုတ်ပြန်ထားသည်။

ယင်းမီးလောင်မှုကြောင့် ဒဏ်ရာရ လူနာ ၄ ဦး နှင့် အမျိုးသမီးတစ်ဦး မီးဟတ်ခံရကြောင်းလည်း ရန်ကင်းမြို့နယ် ပရဟိတလူငယ်များ ပရဟိတအသင်း က လူမှုကွန်ရက်တွင် ရေးသားထားသည်။

"မီးလောင်တာက နည်းပါတယ်။တိုက်ခန်းဖြစ်နေတော့ မီးခိုးတွေထွက်တာကြောင့် အသက်ရှုရခက်တာတွေတော့ ရှိခဲ့ကြတယ်လို့သိရတယ်။ဒါပေမဲ့ အန္တရာယ် ဖြစ်တာမျိုးထိ မီးခိုးမွှန်တာ မရှိခဲ့ဘူး။တိုက်ခန်းမှာနေတဲ့ လူတွေကတော့ကြောက်လန့်ပြီးတော့ ဝရံတာက ကျော်ချတာ၊တွဲဆင်းတာ၊လှေကားနဲ့ ဆင်းတာတွေ ရှိခဲ့တယ်။ဒါကလည်း အန္တရယ်ရှိတယ်၊မြန်မာနိုင်ငံမှာ ဒီလို သဘာဝဘေးတွေနဲ့ ပတ်သက်ရင် အများပြည်သူကို ပညာပေးတာတွေ လုပ်ထားသင့်တယ်လို့ မြင်ပါတယ်"ဟု ရပ်ကွက် နေသူတစ်ဦးကပြောသည်။

ymg/mt

#Yangon_Media_Group

#Local_News
Published_ 15 February 2023

ခရီးသွားပြည်သူတွေ ဘေးကင်းစေဖို့ရည်ရွယ်ပြီး ဘေးကင်းအောင်ဆောင်ရွက်ထားတဲ့ သဗ္ဗာန်တွေသာ ရန်ကုန်မြစ်ကြောင်းအတွင်း မောင်းနှင်ခွင့်ပြုတော့မယ်လို့ သဗ္ဗာန်သမားတွေထံမှ သိရပါတယ်၊၊

#Yangon_Media_Group

#Local_News
Published-15_February-2023

နေပြည်တော်ကောင်စီနယ်မြေ ပျဉ်းမနားမြို့၏ အရှေ့မြောက်ဘက် မိုင် ၂၀ ခန့်အကွာ ပေါင်းလောင်းမြစ်ပေါ်တွင်ရှိသော အလယ်ပေါင်းလောင်းရေအားလျှပ်စစ်စီမံကိန်းကို ယခုဖေဖော်ဝါရီလကုန်တွင် ပုဂ္ဂလိကသို့လုပ်ငန်းအပ်နှံတော့မည်ဖြစ်ကြောင်း လျှပ်စစ်စွမ်းအားဝန်ကြီးဌာန က သိရသည်။

ရေအားလျှပ်စစ်အကောင်အထည်ဖော်ရေး ဦးစီးဌာန အမှတ်(၁) တည်ဆောက်ရေးမှ အကောင်အထည်ဖော်တည်ဆောက်လျက်ရှိသော အဆိုပါ စီမံကိန်းဧရိယာအတွင်း ဆောက်လုပ်ရေးဝန်ကြီးဌာနမှ အပ်ငွေလုပ်ငန်းစနစ်ဖြင့် တာဝန်ယူတည်ဆောက်ပေးနေသည့်ပင်မတမံ မြေကြီး၊ ကျောက်သားတူးဖော်ခြင်းလုပ်ငန်း၊ ရေလွှဲစနစ်လုပ်ငန်း၊ ဓာတ်အားပေးစက်ရုံ တည်ဆောက်ရန် မြေကြီးကျောက်သား တူးဖော်ခြင်းလုပ်ငန်းနှင့် စီမံကိန်းအတွင်း အလယ်ပေါင်းလောင်းမြစ်ကူး တံတားတို့မှာ တည်ဆောက်ပြီးစီးနေပြီဖြစ်ကြောင်း သိရသည်။

ယင်းပြီးစီးမှုများမှာ စီမံကိန်းတစ်ခုလုံး၏ ရှစ်ရာခိုင်နှုန်းခန့် ဖြစ်ပြီး အဆိုပါ ရှစ်ရာခိုင်နှုန်းခန့်ပြီးစီးပါက ကျန်လုပ်ငန်းများကို IPP/BOT စနစ်ဖြင့် Pan Theingi Energy Co.,Ltd. အနေဖြင့် ဆက်လက်အကောင်အထည်ဖော် ဆောင်ရွက်သွားမည်ဖြစ်သောကြောင့် လုပ်ငန်းအပ်နှံရန် ရှိနေခြင်းဖြစ်ကြောင်း သိရသည်။

Pan Theingi Energy Co.,Ltd. အနေဖြင့် ယခုနှစ် ပွင့်လင်းရာသီလက်ကျန်ကာလအတွင်း ဆောင်ရွက်နိုင်မည့်လုပ်ငန်းများဖြစ်သည့် စီမံကိန်းချဉ်းကပ်လမ်း အဆင့်မြှင့်တင်ဖောက်လုပ်ခြင်းလုပ်ငန်း၊ ရေလွှဲရေထုတ်ပြွန် ဆက်လက်တည်ဆောက်ခြင်းလုပ်ငန်း၊ ပင်မတမံမြေကြီး၊ကျောက်သားတူးဖော်ခြင်းလုပ်ငန်းများ ကို အမြန်လုပ်ဆောင်ရမည် ဖြစ်ကြောင်း၊လာမည့် ၂၀၂၆-၂၀၂၇ ခုနှစ်တွင် စတင် ဓာတ်အားထုတ်လုပ်နိုင်ရေး စီမံဆောင်ရွက်လျက်ရှိကြောင်း သိရသည်။

#ymg/mt
#Yangon_Media_Group

#Local_News
Published-15_February-2023

ထိုင်းနိုင်ငံတွင်း ဒူးရင်းခြံတစ်ခုတွင် ဖေဖော်ဝါရီလ ၁၄ ရက်က မြန်မာရွှေ့ပြောင်းအလုပ်သမားနှစ်ဦး အသတ်ခံရကြောင်း ထိုင်းဒေသတွင်း သတင်းများအရ သိရသည်။

ယင်းတို့မှာ တံဗွန်ဗန်းနာမြို့နယ် ဆွမ်ဖွမ်ခရိုင် အိမ်ယာ 8 ဗန်နိုင်ငွန်ရွာ ရှိ ၂၅ ဧက ကျယ်ဝန်းသော ဒူးရင်းသီးခြံအလယ် မတ်စောက်သည့် တောင်ခြေရင်း ပျဉ်ထောင်တဲအိမ်ဖြင့် နေထိုင်သော သူများဖြစ်ကြောင်း သိရသည်။

သေဆုံးနေသူများတွင် ချွန်ထက်သောအရာဖြင့် ဝမ်းဗိုက်ကို ထိုးသွင်းဒဏ်ရာများ၊ ကျောကုန်းနှင့်လည်ပင်း၌ချွန်ထက်သောအရာဖြင့် ထိုးထားသည့်ဒဏ်ရာများ တွေ့ရကာ ပစ္စည်းပျောက်ရှမှု မရှိသောကြောင့် ပုဂ္ဂိုလ်ရေးမကျေနပ်ချက်ကြောင့် အသတ်ခံရခြင်း ဖြစ်နိုင်ကြောင်း ထိုင်းရဲက ကနဦးယူဆထားကြောင်း သိရသည်။

အဆိုပါ မြန်မာနှစ်ဦး သေဆုံးသည့် သတင်းကို ဒူးရင်းသီးခြံရှင်အား ခြံထဲရှိအလုပ်သမားတစ်ဦးလာရောက် သတင်းပေးခဲ့ခြင်း ဖြစ်ကြောင်း ၊ယင်း လူသတ်မှုမှာ မည်သူကျူးလွန်သည်ကိုမူ ထိုင်းရဲတပ်ဖွဲ့က စစ်ဆေးနေခြင်း ဖြစ်ကြောင်းလည်း သိရသည်။

#ymg/mt
#Yangon_Media_Group

#Local_News
Published_ 15 February 2023

ရန်ကုန်တိုင်းဒေသကြီး၊ မင်္ဂလာဒုံမြို့နယ်အမှတ် (၃)လမ်းမ ညောင်ပင်မှတ်တိုင်အနီးတွင် လူ(၂)ဦး သေဆုံး(၁)ဦး ထိခိုက်ဒဏ်ရာရရှိသွားကြောင်း ပုလဲအရန်မီးသတ်တပ်ဖွဲ့မှ သိရသည်၊၊

ယာဉ်တိုက်မှုဖြစ်စဉ်နှင့် ပတ်သက်၍ ပုလဲအရန် မီးသတ်တပ်ဖွဲ့မှတာဝန်ရှိသူတစ်ဦးက "မနေ့ကဖေဖော်ဝါရီ (၁၄)ရက် ည(၁၀)နာရီမှာ တက်စီကနေ Hiject နဲ့ တိုက်တယ် Hiject ကနေ လမ်းဘေးကဖယ်ရီကိုတိုက်တယ်၊၊ Hiject က ချည်းပဲအမျိုးသား(၂)ဦးသေဆုံးပြီး (၁)ဦးဒဏ်ရာရရှိပါတယ်၊၊ ကျန်တဲ့ကားတွေက ဘာမှမဖြစ်ဘူး"ဟု ပြောသည်၊၊

ပုလဲအရန်မီးသတ်တပ်ဖွဲ့အနေဖြင့် သေဆုံးသူနှစ်ဦးနှင့် ထိခိုက်ဒဏ်ရာရသူတစ်ဦးကို မေဓာဝီဆေးရုံကို ပို့ဆောင်အပ်နှံထားခဲ့ကြောင်း သိရသည်၊၊

#ymg/tthl
#Yangon_Media_Group

#Local_News
Published_ 15 February 2023

လာမယ့်နှစ်ရက်အတွင်း နေပြည်တော် ရန်ကုန် မန္တလေး ကရင်ပြည်နယ် ဧရာဝတီတိုင်း စတဲ့မြို့ကြီးတွေမှာ နေရာကွက်ကြားကနေ နေရာကျဲကျဲမိုးထစ်ချုန်းရွာနိုင်ခြေရှိတယ်လို့ မိုးလေဝသနဲ့ဇလဗေဒညွှန်ကြားမှုဦးစီးဌာနက ထုတ်ပြန်ကြေညာလိုက်ပါတယ်။

ဘဂ်လားပင်လယ်အော် တောင်ပိုင်းနဲ့ကပ်ပလီပင်လယ်ပြင်တောင်ပိုင်းတို့မှာ တိမ်အနည်းငယ်မှ တိမ်အတင့်သင့်ဖြစ်ထွန်းနေပြီး ကျန်ဘဂ်လားပင်လယ်အော်တို့မှာ အများအားဖြင့် သာယာနေတယ်လို့ မိုးလေဝသနဲ့ဇလဗေဒညွှန်ကြားမှု ဦးစီးဌာနက ဖေဖော်ဝါရီလ ၁၅ ကကြေညာထားပါတယ်။ တနင်္သာရီတိုင်းနဲ့ ကချင်ပြည်နယ်တို့မှာ ဒီနေ့ညနေအထိခန့်မှန်းချက်အရ နေရာကွက်ကြား မိုးအနည်းငယ်ထစ်ချုန်းရွာနိုငိပြီးရွာရန်ရာနှုန်း ၆၀ ရှိတယ်လို့လည်း ကြေညာထားပါတယ်။

ပြီးခဲ့တဲ့ ဖေဖော်ဝါရီလ ၁၃ရက်နေ့က မြန်မာနိုင်ငံအတွင်းမှာ အချိန်အခါမဟုတ် မိုးရွာမယ်လို့ မိုးဇလကထုတ်ပြန်ထားပါသေးတယ်။ အချိန်အခါမဟုတ်မိုးရွာခြင်းနှင့်အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုကြရန် သတိပေးချက်ထားပါတယ်။

#ymg/ynzw
#Yangon_Media_Group

#Local_News
Published_ 15 February 2023

ရုရှာနိုင်ငံနဲ့ အာဆီယံနိုင်ငံများရှိ တက္ကသိုလ်များ ပညာရေးဆိုင်ရာကျောင်းများ သုတေသနစင်တာတွေသာမက သုတေသနစီမံကိန်းများကိုပါ တိုးမြှင့်ဆောင်ရွက်နိုင်ရေး ပူးပေါင်းဆောင်ရွက်သွားမှာ ဖြစ်ပါတယ်။ အာဆီယံနိုင်ငံတွေမှာ နည်းပညာနှင့်တီထွင်ဆန်းသစ်မှုတိုးမြင့်လာစေဖို့ ရုရှားနိုင်ငံနဲ့ ပူးပေါင်းဆောင်ရွက်နေတာ ဖြစ်ပါတယ်။

ရုရှားနိုင်ငံက ဦးဆောင်ကျင်းပတဲ့ သိပ္ပံနဲ့နည်းပညာတီထွင်ဆန်းသစ်မှုဆိုင်ရာ အစည်းအဝေးကို ဖေဖော်ဝါရီလ ၁၄ ရက်နေ့က ပြုလုပ်ခဲ့ပြီး သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်က တက်ရောက်ခဲ့ပါတယ်။

အဲ့ဒီအစည်းအဝေးမှာ နိုင်ငံအလိုက် နည်းပညာတီထွင်မှုနယ်ပယ်များတွင် ဆောက်ရွက်နေမှုအခြေအနေများကို ဆွေးနွေးခဲ့ကြပြီး အသိပညာမျှဝေမှုတွေ လုပ်ဆောင်ခဲ့ကြပါတယ်။ အစည်းအဝေးကို သိပ္ပံနှင့် အဆင့်မြင့်ပညာရေးဝန်ကြီးဌာနဝန်ကြီးနှင့် အာဆီယံ အတွင်းရေးမှူးချုပ်ရုံးက တာဝန်ရှိသူတွေနဲ့အာဆီယံ အဖွဲ့ဝင်နိုင်ငံတွေ တက်ရောက်ခဲ့ကြပါတယ်။

#ymg/ynzw
#Yangon_Media_Group

#World_Disaster
Published 15 February 2023

တူရကီ-ဆီးရီးယားငလျင်အကြီးအကျယ်လှုပ်ခတ်ပြီး တစ်ပတ်ကျော်အကြာ အင်္ဂါနေ့မှာ အပျက်အစီးများကြားကနေ အသက်ရှင်ကျန်ရစ်သူ ၉ ဦးကို ကယ်ဆယ်ရရှိခဲ့ပါတယ်။

အခုဆိုရင် အအေးဒဏ်ခံနေရပြီး နေစရာမဲ့ စားစရာမလုံလောက်ဖြစ်နေတဲ့လူတွေကို ကူညီဖို့ အာရုံစိုက်ဆောင်ရွက်နေကြပါတယ်။

အဆိုပါငလျင်ကြောင့် တူရကီနဲ့ ဆီးရီးယားတို့မှာ မြို့များပျက်စီးခဲ့ပြီး သေဆုံးသူစာရင်း ၄၁,၀၀၀ ကျော်သွားပြီဖြစ်ကာ အေးခဲလုနီးပါးဆောင်းရာသီကာလအတွင်း အသက်ရှင်ကျန်ရစ်သူအများအပြား အိုးမဲ့အိမ်မဲ့ဖြစ်နေပါတယ်။

ပြင်းအား ၇.၈ အဆင့်ရှိငလျင်လှုပ်ခတ်စဉ်က ကနဦးတုန့်ပြန်ဆောင်ရွက်ရာမှာ အခက်အခဲတွေရှိခဲ့တယ်လို့ တူရကီသမ္မတ'တာယစ်အာဒိုဂန်'က ဝန်ခံခဲ့ပေမယ့် အခုတော့ အခြေအနေကို ထိန်းချုပ်ထားနိုင်ပြီလို့ ဆိုပါတယ်။

ဒါဟာ ဒီနိုင်ငံထဲမှာတင်မဟုတ်ဘဲ လူသားမျိုးရိုးသမိုင်းမှာပါ အပြင်းထန်ဆုံးသဘာဝဘေးအန္တရာယ်တစ်ခုဖြစ်ကြောင်း အန်ကာရာမြို့မှာ ရုပ်သံမိန့်ခွန်းပြောကြားခဲ့ပါတယ်။

အင်္ဂါနေ့က ကယ်ဆယ်တွေ့ရှိခဲ့သူတွေဟာ အပျက်အစီးတွေထဲမှာ နာရီပေါင်း ၂၀၀ ကျော်အောင် ရှိနေခဲ့တာဖြစ်ပြီး နောက်ထပ်ရှင်ကျန်သူတွေ ရှိနေနိုင်သေးတယ်လို့ ကယ်ဆယ်ရေးဝန်ထမ်းတစ်ဦးက ဆိုပါတယ်။

ကုလသမဂ္ဂအာဏာပိုင်တွေကတော့ ကယ်ဆယ်ရေးအစီအစဉ်တွေက အဆုံးသတ်တော့မှာဖြစ်ပြီး နေရေးထိုင်ရေး၊ စားစရာနဲ့ စာသင်ကြားရေးကိစ္စတွေဘက်သို့ အာရုံစိုက်နေပြီဖြစ်ကြောင်း ပြောကြားလိုက်ပါတယ်။

"လူတွေ အတော်လေးဒုက္ခခံနေရပါတယ်၊ နေစရာတဲ၊ အကူအညီတစ်ခုခုတောင်းခံထားပေမယ့် ဘာမှမရရှိသေးပါဘူး" လို့ တူရကီအရှေ့တောင်ပိုင်းမြို့ဂါဇန်တပ်ရှိ ကစားကွင်းတစ်ခုမှာ ခိုလှုံနေရတဲ့ ဒုက္ခသည်တစ်ဦးက ပြောပြသွားပါတယ်။

လိုအပ်ချက်တွေက အလွန်များပြားပြီး တဖြည်းဖြည်းတိုးလာကြောင်း၊ ၂ နိုင်ငံစလုံးမှ လူ ၂၆ သန်းခန့်ဟာ လူသားချင်းထောက်ထားစာနာမှုအကူအညီ လိုအပ်နေကြောင်း WHO ဥရောပဆိုင်ရာညွှန်ကြားရေးမှူး'ဟန်းစ်ဟင်နရီကလူဂေး'က ပြောကြားခဲ့ပါတယ်။

ချမ်းအေးတဲ့ရာသီဥတု၊ တစ်ကိုယ်ရည်သန့်ရှင်းမှု၊ ကူးစက်ရောဂါများနဲ့ ဆက်စပ်နေတဲ့ ကျန်းမာရေးပြဿနာများ အရေးပေါ်ကြုံတွေ့နေရပါတယ်။

လူပေါင်း ၂.၂ သန်းကျော်ဟာ အဆိုးရွားဆုံးထိခိုက်ခဲ့တဲ့နေရာတွေကနေ ထွက်ခွာလာရပြီး အဆောက်အအုံပေါင်းသိန်းချီပြီး နေထိုင်လို့မရတော့ပါဘူး။

Source: Reuters
#Yangon_Media_Group

#LocalNews
Published-15_February-2023

ကိုရီးယားသမ္မတနိုင်ငံသို့ ပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် မြန်မာလုပ်သား ၁၄၉ ဦးကို ဖေဖော်ဝါရီလ ၁၄ ရက်က စေလွှတ်ခဲ့ကြောင်း ဆိုလ်းမြို့ မြန်မာသံရုံးကသိရသည်။

EPS စနစ်ဖြင့် ကုန်ထုတ်လုပ်သားသစ် ၉၄ဦး၊ CBT ကုန်ထုတ်လုပ်သား ၈ဦး၊ စိုက်ပျိုးမွေးမြူရေးလုပ် သားသစ် ၄၇ ဦး၊ စုစုပေါင်း ၁၄၉ဦးကို ဖေဖော်ဝါရီလ ၁၄ ရက်တွင် ရန်ကုန်မြို့မှ အင်းချွန်အပြည်ပြည်ဆိုင်ရာလေဆိပ်သို့ရောက်ရှိခဲ့ကြောင်း သိရသည်။

ယင်းတို့ကို မြန်မာသံရုံး၊ ဆိုးလ်မြို့မှ အလုပ်သမားသံအရာရှိ က ကြိုဆို၍ အလုပ်သမားများ သိရှိလိုက်နာသင့်
သည့်အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်း သိရသည်။

ဖေဖော်ဝါရီလ ၉ ရက်ကလည်း EPS စနစ်ဖြင့် Re-entry ကုန်ထုတ်လုပ်သား ၄၁ဦး၊ Re-entry စိုက်ပျိုး‌မွေး
မြူရေးလုပ်သား ၁၀ဦး စုစု ပေါင်း ၅၁ ဦး စေလွှတ်ခဲ့ကြောင်း သိရသည်။

#ymg/mt

#Yangon Media Group

#World_Health
Published 15 February 2023

ကလေးငယ်များရဲ့ ကျန်းမာရေးမှတ်တမ်းများဖြင့် အယ်လ်ဂိုရစ်သမ်ဖန်တီးပြီး ပထမဆုံးလသားအရွယ်မှာပင် အထီးကျန်စိတ်ဝေဒနာ(အော်တစ်ဇင်)ဖြစ်နိုင်ချေ လက္ခဏာများကို တွေ့ရှိနိုင်မှာဖြစ်ကြောင်း အမေရိကန်ဒုခ်တက္ကသိုလ်က လေ့လာတွေ့ရှိထားပါတယ်။

အော်တစ်ဇင်ဖြစ်နိုင်ချေအတွက် ဆက်လက်စစ်ဆေးခံရမယ့် မွေးကင်းစကလေးတွေမှာ ကျန်းမာရေးစောင့်ရှောက်မှုပုံစံတွေ အတော်လေးကွဲပြားပါတယ်။

ကလေးဘဝရဲ့ အစောဆုံးရက်တွေမှာ အော်တစ်ဇင်ဖြစ်နိုင်ချေလက္ခဏာများ တွေ့တယ်ဆိုရင် ကလေးအထူးကုတွေနဲ့ ကလေးမိဘတွေ အထူးဂရုပြုမိပြီး လျင်မြန်စွာကုသနိုင်မှာဖြစ်ပါတယ်။

၂၀၀၆ နဲ့ ၂၀၂၀ အတွင်း ဒုခ်တက္ကသိုလ်ကျန်းမာရေးစနစ်မှ မွေးကင်းစကလေးငယ်ပေါင်း ၄၅,၀၀၀ ရဲ့ အီလက်ထရွန်နစ်ကျန်းမာရေးမှတ်တမ်းများကို အခြေခံလေ့လာခဲ့တာဖြစ်ပါတယ်။

ထိုမှတ်တမ်းတွေကို စက်ပစ္စည်းတွေကနေ လေ့လာသင်ယူမှတ်သားတဲ့ပုံစံပြုလုပ်ခဲ့ပါတယ်။

နောက်ဆုံးမှာတော့ သူတို့ရဲ့အယ်လ်ဂိုရစ်သမ်က အော်တစ်ဇင်ဖြစ်နိုင်ချေရှိတဲ့ကလေးတွေကို ခန့်မှန်းနိုင်ခဲ့ပါတယ်။

ဒီတွေ့ရှိချက်ကို ဆက်လက်လေ့လာပြီး အတည်ပြုနိုင်ရင် အခြားစမ်းသပ်ရေးကိရိယာတွေ၊ ဆေးစစ်ချက်တွေနဲ့အတူ အယ်လ်ဂိုရစ်သမ်ကို အသုံးပြုနိုင်မှာဖြစ်ပါတယ်။

အော်တစ်ဇင်က ဦးနှောက်ချို့ယွင်းတာသက်သက်မဟုတ်ဘဲ တစ်ကိုယ်လုံးရှိ အစာခြေစနစ်၊ အိပ်စက်ခြင်း၊ အာရုံကြော၊ အမြင်အာရုံပြဿနာတို့နဲ့ပါ သက်ဆိုင်နေပါတယ်။

အော်တစ်ဇင်ဝေဒနာက လူမှုပေါင်းသင်းဆက်ဆံပြောဆိုရေးတို့မှာ အခက်အခဲရှိပြီး အတွေးအခေါ် အပြုအမူများ အကန့်အသတ်ရှိခြင်း ထပ်တလဲလဲဖြစ်ခြင်း စတဲ့ အာရုံကြောလက္ခဏာများဖြစ်ကာ ကလေး ၃ နှစ်မှ ၄ နှစ်အတွင်းမှာ ရောဂါရှိကြောင်း တွေ့ရှိရတတ်ပါတယ်။

ရောဂါကို စောစီးစွာသိရှိပြီး ကုသမှုခံယူခြင်းဖြင့် အကျိုးကျေးဇူးရရှိနိုင်မှာဖြစ်ပါတယ်။

အော်တစ်ဇင်သုတေသီတွေက အသက် ၆ လအရွယ်ကလေးများမှာပင် ကုသကူညီနိုင်အောင် နည်းလမ်းများဖန်တီးနေပြီး ကလေးငယ်များ ပေါင်းသင်းဆက်ဆံတတ်ရန် မိဘတွေကို နည်းစနစ်တွေ သင်ပြပေးမှာဖြစ်ပါတယ်။

Source: South China Morning Post
#Yangon_Media_Group

#LocalNews
Published_ 15 February 2023

မြန်မာပြည်သူ့ဒီမိုကရက်တစ်ပါတီ (MPD) ၏ အမည်၊အလံ နှင့် တံဆိပ်တို့ကို တစ်ပတ်အတွင်း ကန့်ကွက်နိုင်ကြောင်း ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်လိုက်သည်။

အဆိုပါ ပါတီရုံးချုပ်မှာ ရန်ကုန်တိုင်းဒေသကြီး၊ ထောက်ကြန့်မြို့၊ ရန်ကုန်-ပဲခူးလမ်းမကြီး၊ အမှတ်(၈၃)တွင် တည်ရှိပြီး နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၂၅ အရ နိုင်ငံရေးပါတီအဖြစ် ဆက်လက်တည်ထောင် မှတ်ပုံတင်ခွင့်ပြုရန် ဖေဖော်ဝါရီလ ၈ ရက်က လျှောက်ထားခဲ့ခြင်းဖြစ်ကြောင်း သိရသည်။

ယင်းကြောင့် ယင်းအဖွဲ့အစည်းကအသုံးပြုမည့် ပါတီအမည်၊ အလံနှင့် တံဆိပ်တို့ကို ကန့်ကွက်လိုက ဖေဖော်ဝါရီလ ၁၄ ရက် မှ စ၍ (၇)ရက်အတွင်း ခိုင်လုံသောအထောက်အထားများဖြင့် ပြည်ထောင်စု ရွေးကောက်ပွဲကော်မရှင်ထံ ကန့်ကွက်နိုင်ကြောင်း၊ နိုင်ငံရေးပါတီများမှတ်ပုံတင်ခြင်း နည်းဥပဒေ ၁၄ (ဃ) အရ ကြေညာခြင်းဖြစ်ကြောင်း သိရသည်။

ymg/mt

#Yangon_Media_Group

#LocalNews
Published_ 15 February 2023

စစ်ကိုင်းတိုင်းဒေသကြီး၊ ကောလင်းမြို့နယ်နှင့် ဘုတလင်မြို့နယ်တို့ တွင် နစက ဆန့်ကျင်အဖွဲ့က ဗုံးပစ်လောင်ချာ၊လက်လုပ်စိန်ပြောင်းများဖြင့်ပစ်ခတ်ခဲ့၍ ကိုရင်ကြီး ၁ ပါး၊ ကိုရင် ၁ ပါး၊ကလေးငယ် ၂ ဦး ဒဏ်ရာရ ခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယင်းအဖွဲ့က ဖေဖော်ဝါရီလ ၁၃ ရက် မွန်းလွဲ ၁၂ နာရီ ၁၀ မိနစ်ခန့်တွင် ခေါပြင်ချောင်းတံတားအနီးမှနေ၍ ကောလင်းမြို့နယ်၊ ကျော်ဇေယျာ ရပ်ကွက်အတွင်းသို့ ဗုံးပစ်လောင်ချာများဖြင့် ရမ်းသမ်းပစ်ခတ်ခဲ့ရာ ဗုံးသီးမှာ ကျောင်းသား၊ ကျောင်းသူများ စာသင်ကြားနေသည့် သုနန္ဒာရာမ ဘုန်းကြီးကျောင်းအတွင်းရှိ သာသနာရေးဝန်ကြီးဌာန၊ အမှတ်(၂)ဘုန်းတော်ကြီးသင်ပညာရေးကျောင်း စာသင်ဆောင်ပေါ်သို့ ကျရောက်ပေါက်ကွဲခဲ့သောကြောင့် စာသင်ဆောင်အတွင်း စာသင်ကြားနေသည့် ကိုရင် ရှင်အာသဖ (၁၄)နှစ်၊ ဝါတော် ၂ ဝါ၊ မောင်ဇင်ဝဏ္ဏဖြိုး(၁၃)နှစ် နှင့် မောင်ဝေလင်းအောင် (၁၄)နှစ် တို့တွင် ဗုံးသီးစထိမှန်ဒဏ်ရာများရရှိခဲ့ကြောင်း သိရသည်။

ယင်းအပြင် မွန်းလွဲ ၃ နာရီခန့်တွင် ဘုတလင်မြို့နယ်၊ မြဝတီရပ်ကွက်နှင့် ခုံမင်းကြီးရပ်ကွက်များအတွင်းသို့ ရွှေတောင်ကျေးရွာအနီးနှင့် လွှဲတဲကျေးရွာဘက်မှနေ၍ လက်လုပ်စိန်ပြောင်းများဖြင့် ပစ်ခတ်တိုက်ခိုက်ခဲ့သဖြင့် စိန်ပြောင်းဗုံးသီးများသည် မြဝတီရပ်ကွက်ရှိ မြို့နယ်စည်ပင်ရုံး၊ ရပ်ကွက်ဘောလုံးကွင်း၊ မြို့မဈေးရှေ့ နှင့် ခုံမင်းကြီးရပ်ကွက်ရှိ ဆောင်တန်းကြီးဘုန်းကြီးကျောင်းအတွင်းသို့ ကျရောက်ပေါက်ကွဲခဲ့သောကြောင့် အဆိုပါဘုန်းကြီးကျောင်းရှိ ကိုရင်ကြီး ဥူးဝီရီယ(ခ) ဦးဝင်းအောင်သန်း(၄၀)နှစ် တွင် ဗုံးသီးစထိမှန် ဒဏ်ရာများ ရရှိခဲ့ကြောင်းသိရသည်။

ymg/mt

#Yangon_Media_Group