#Local_News
Published_30 April 2023

တာချီလိတ်လေဆိပ်သို့ လေယာဉ်ကြီးများ ဆင်းသက်နိုင်သည်အထိ ဆက်လက်အဆင့်မြှင့်တင် တိုးချဲ့ဆောင်ရွက်ရန် နစက ဥက္ကဌက ဧပြီလ ၂၉ ရက် တာချီလိတ်ခရီးစဉ်အတွင်း ပြောကြားခဲ့ကြောင်း သိရသည်။

တည်ဆောက်မှုလုပ်ငန်းများများကိုလည်း သတ်မှတ်ချိန်အတွင်းပြီးစီးနိုင်ရေး ၊လေယာဉ်ကွင်းသန့်ရှင်း ရေးအတွက် ခြုံနွယ်များခုတ်ထွင်ရှင်းလင်းခြင်းကို အမြဲမပြတ်ဆောင်ရွက်နေစေရေးအတွက်လည်း ယင်းက ပြောကြားခဲ့ကြောင်း၊၎င်းအပြင် တာချီလိတ်မြို့အတွင်းရှိလမ်းများကို သတ်မှတ်ထားသည့် လမ်းညွှန်အမှတ်အသားများ ပြည့်စုံစွာပြုလုပ်ထားရန်၊ယာဉ်စည်းကမ်း ထိန်းသိမ်းမှုများကိုလည်း စနစ်တကျဆောင်ရွက်ရန်၊သတ်မှတ်ထားသည့် ယာဉ်နံပါတ်များတပ်ဆင်ရေး ပညာပေးကာလကုန်ဆုံးသွားပြီဖြစ်သဖြင့် ယာဉ် နံပါတ်များစနစ်တကျတပ်ဆင်စေကာ ယာဉ်စည်းကမ်းများနှင့်အညီ ဆောင်ရွက်ရန် လိုကြောင်းတို့ကို ပြောကြားခဲ့ကြောင်းလည်း သိရသည်။

အလားတူ တာချီလိတ်မြို့ သန့်ရှင်းသာယာလှပရေး၊သောက်သုံးရေလုံလောက်စွာ ရရှိရေး၊ ဒေသတွင်း အသား၊ ငါးများ လုံလောက်စွာရရှိရေး ၊ပို့ကုန်များ တင်ပို့နိုင်မှုများကို မှတ်တမ်းတင်ထားပြီး သုတေသန ပြုဆောင်ရွက်၍ ကုန်သွယ်မှုလုပ်ငန်းများ တိုးတက်စေရေဒ၊တာချီလိတ်မြို့သို့ မော်တော် ယာဉ်၊ လေယာဉ်များဖြင့် ပြင်ပမှ ဝင်ရောက်လာသူများအား စနစ်တကျမှတ်တမ်း တင်ရန်ထားရေး တို့ကိုလည်း ပြောကြားခဲ့ကြောင်း သိရသည်။

ပြီးခဲ့သည့် မတ်လနှင့်ဧပြီလအတွင်း ရှမ်းပြည်နယ်(အရှေ့ပိုင်းဒေသ)တွင် တောင်ယာများမီးရှို့ခြင်းမှ ထွက်ပေါ်လာသည့် မီးခိုးငွေ့များကြောင့် တာချီလိတ်လေဆိပ်ကို ရက် ၂၀ ကျော်ကြာ ပိတ်ခဲ့ရသောကြောင့် တောင်ယာများမီးရှို့ခြင်းနှင့် လယ်ယာများ၌ ကောက်ရိုးများမီးရှို့ ခြင်းမရှိစေရေး ထိန်းသိမ်းကြပ်မတ်ရန်၊ ရွှေ့ပြောင်းတောင်ယာ စိုက်ပျိုးမှု စနစ်ပပျောက်အောင်ဆောင်ရွက်ရန်နှင့် တောင်ယာများ၌ ကုန်းမြင့်လယ်စိုက်ပျိုးမှု စနစ်ကို ဖော်ဆောင်ပေးရန်တို့ကိုလည်း ဒေသအစိုးရအဖွဲ့အနေဖြင့် ကြပ်မတ်လုပ်ဆောင်ရန်း နစက ဥက္ကဌက ပြောကြားခဲ့ကြောင်း သိရသည်။

ymg/pl
#Local_News #တာချီလိတ်လေဆိပ် #လေယာဉ်ကြီးများဆင်းသက်နိုင်
#YMG #Yangon_Media_Group

#Local_News
Published_ 30 April 2023

မန္တလေးမြို့၊ချမ်းအေးသာစံမြို့နယ်၊အပေါ်ကမ်းနားလမ်းနှင့် ၃၄လမ်းအနီး အမြောက်ကြီး နှစ်လက်ဆိပ်ကမ်းမှ ဧရာဝတီမြစ် အတွင်း ရေဆင်းကူးခဲ့သူ အမျိုးသားတစ်ဦးရေနစ်သေဆုံးမှု ဧပြီလ ၂၉ ရက် ညနေ ၅ နာရီခွဲခန့်က ဖြစ်ပွားခဲ့ကြောင်း သိရသည်။

ဧရာဝတီမြစ်အတွင်း အုပ်စုလိုက် ရေဆင်းကူးကြရာမှ ရေစီးဖြင့် မျောပါသွားသည့် အသက်၂၅ နှစ်ခန့် အရွယ် အမျိုးသားမှာ ရေနစ်သေဆုံးခဲ့ခြင်း ဖြစ်ကြောင်း နိဗ္ဗာန် သုခလူမှုကူညီရေးအသင်း (မန္တလေး)က သိရသည်။

ယင်းကြောင့် သေဆုံးသူ၏ ရုပ်အလောင်းကို နယ်မြေခံမီးသတ်တပ်ဖွဲ့နှင့် ရေငုတ် လုပ်သားများက ပူးပေါင်းဆယ်ယူခဲ့ကြကာနိဗ္ဗာန် သုခလူမှုကူညီရေးအသင်း (မန္တလေး)၏ အသင်းကားဖြင့် မန္တလေးပြည်သူ့ဆေးရုံကြီး ရင်ခွဲရုံကို ပို့ဆောင်ပေးခဲ့ကြကြောင်းသိရသည်။

ymg/pl
#Local_News
#ဧရာဝတီမြစ် #အမျိုးသားတစ်ဦးရေနစ်သေဆုံး
#YMG #Yangon_Media_Group

#Local_News
Published_30 April 2023

နေပြည်တော်၊ ဒက္ခိဏသီရိမြို့နယ် ၊ ဗုဒ္ဓဥယျာဉ်တော် အတွင်း တည်ဆောက် ပူဇော်လျက်ရှိသည့် မာရဝိဇယဗုဒ္ဓရုပ်ပွားတော်မြတ်ကြီးအား မကွေးမြို့၊ သံဃာရာမကျောင်းတိုက်မှ နိုင်ငံတော်သြဝါဒစရိယ ဆရာတော်ဘဒ္ဒန္တ စိန္တသာရဦးဆောင်လျက် ပင့်ဖိတ်ထားသော ဆရာတော်၊ သံဃာတော်စုစုပေါင်း သံဃာအပါး (၁၀၀)က ဧပြီလ ၂၉ ရက် နံနက်ပိုင်းတွင် လေ့လာဖူးမြှော်ကြည်ညိုခဲ့ကြကြောင်း သိရသည်။

ဆရာတော်၊ သံဃာတော်ကြီးများအား ကာကွယ်ရေး ဦးစီးချုပ်ရုံး(ကြည်း)မှ စစ်ထောက်ချုပ် ဒုတိယဗိုလ်ချုပ်ကြီး ကျော်စွာလင်းက မာရဝိဇယဗုဒ္ဓရုပ်ပွားတော်မြတ်ကြီးအား တည်ထား ကိုးကွယ်ရသည့် ရည်ရွယ်ချက်၊ တည်ထားကိုးကွယ်ရန် စကျင်ကျောက်တုံးတော်ကြီးများအား အဆင့်ဆင့်တူးဖော် ခြင်းနှင့် ရေလမ်းကြောင်း၊ ကုန်းလမ်းကြောင်းများဖြင့် ပင့်ဆောင်ခဲ့ရမှု၊ ရုပ်ပွား တော်မြတ်ကြီး၏ ဆင်းတုတော် အပိုင်း(၁/၂/ ၃/ ၄)တို့အား ထုဆစ်ခြင်း၊ ပလ္လင်တော်အထက်သို့ ပင့်ဆောင်နိုင်ရန် သံမဏိမျှော်စင် ဝန်ချီစက် တည်ဆောက် ခြင်း၊ ရုပ်ပွားတော်မြတ်ကြီးအား ပင့်ထောင်ခြင်းနှင့် ပင့်ဆောင်နေရာ ချထားခြင်း လုပ်ငန်းအဆင့်ဆင့် ဆောင်ရွက်နေမှုအခြေအနေများ၊ မာရဝိဇယ ဗုဒ္ဓဥယျာဉ် တော်ကြီးနှင့် သာသနိကအဆောက်အဦ စိမ်းလန်းစိုပြေသာယာလှပ စေရေး အတွက် သစ်ပင်၊ ပန်းမန်များစိုက်ပျိုးဆောင်ရွက်နေမှု၊ သာသနိက အဆောက်အဦ များ ဆောက်လုပ်နေမှုနှင့် အဆင့်ဆင့်တိုးတက်လာမှု အခြေအနေများကို ရှင်းလင်း လျှောက်ထားခဲ့ကြကြောင်း သိရသည်။

ပင့်ဖိတ်ထားသော ဆရာတော်၊ သံဃာတော်ကြီးများက မာရဝိဇယဗုဒ္ဓရုပ်ပွားတော်မြတ်ကြီးနှင့် ပလ္လင်တော် တည်ဆောက်ပြီးစီးမှု၊ ဗုဒ္ဓဥယျာဉ်တော်ကြီးအတွင်းရှိ သာသနိကအဆောက်အဦများ တည်ဆောက် ပြီးစီးမှုနှင့် ဆက်လက်တည်ဆောက်နေမှု အခြေအနေများကိုလည်း လှည့်လည်ကြည့်ရှုခဲ့ကြကြောင်း သိရသည်။

မာရဝိဇယဗုဒ္ဓရုပ်ပွားတော်မြတ်ကြီး တည်ဆောက်ပူဇော်နေမှုများအား မိထ္ထီလာမြို့၊ အသောကာရုံ ရေလည်ကျောင်းတိုက် နိုင်ငံတော်သြဝါဒစရိယ ဆရာ တော် ဘဒ္ဒန္တလာဘာဝတနှင့် ကျောက်ဆည်မြို့၊ ဧရာဝတီပရိယတ္တိ စာသင်တိုက် နိုင်ငံတော်သြဝါဒစရိယဆရာတော် ဘဒ္ဒန္တပါမောက္ခဘိဝံသတို့ ဦးဆောင်လျက် ပင့်ဖိတ်ထားသော ဆရာတော်၊ သံဃာတော် စုစုပေါင်းသံဃာ(၁၀၃)ပါးတို့က ဧပြီလ ၂၈ ရက်တွင်လည်းကောင်း၊ ကြာနီကန်စာသင်တိုက် နိုင်ငံတော်ဩဝါဒစရိယ ဘဒ္ဒန္တသူရိယ ဦးဆောင် သော ပဲခူးတိုင်းဒေသကြီး၊ တောင်ငူမြို့မှပင့်ဖိတ်ထားသည့် စာသင်တိုက်(၄၈)ခုမှ ဆရာတော်၊ သံဃာတော် စုစုပေါင်း(၆၀)ပါးတို့က ဧပြီလ ၂၇ ရက်တွင်လည်းကောင်း၊နိုင်ငံတော်ဩဝါဒစရိယ ဆရာတော်ကြီးများဖြစ်ကြသည့် ဘဒ္ဒန္တသုဇနပိယ၊ ဘဒ္ဒန္တသာဂရဘိဝိံသ တို့ဦးဆောင်သော မန္တလေးတိုင်းဒေသကြီးမှ ပင့်ဖိတ်ထားသည့် ဆရာတော်၊ သံဃာတော် စုစုပေါင်း (၁၅၅) ပါးတို့က ဧပြီလ ၂၆ ရက်တွင် လည်းကောင်း အသီးသီး လေ့လာဖူးမြော်ကြည်ညိုခဲ့ကြပြီး ဖြစ်ကြောင်းလည်း သိရသည်။

ymg/pl
#Local_News #မာရဝိဇယဗုဒ္ဓရုပ်ပွားတော်မြတ်ကြီး #မကွေးမြို့ #ဆရာတော်ကြီး
#YMG #Yangon_Media_Group

#World_Science
Published 30 April 2023

နက္ခတ္တဗေဒပညာရှင်များဟာ ဂြိုဟ်အသစ်တစ်ခုကို ရှာဖွေတွေ့ရှိရန်အတွက် လူလုပ်အသိဉာဏ်(AI)စနစ်ကိုအသုံးပြုခဲ့ကြပါတယ်။

ဂျော်ဂျီယာတက္ကသိုလ်မှ သုတေသီများက ဒီနည်းပညာကိုအသုံးပြုပြီး နေအဖွဲ့အစည်းအပြင်ဘက်က မသိရှိခဲ့ကြတဲ့ ဂြိုဟ်များရှိနေကြောင်း အတည်ပြုခဲ့ပါတယ်။

ဒီနည်းပညာဟာ နယ်ပယ်ပေါင်းစုံက အစွမ်းထက်ကိရိယာအဖြစ် တည်ဆောက်ထားတာဖြစ်ပြီး နက္ခတ္တဗေဒနဲ့ ဂြိုဟ်တုရှာဖွေရေးလောကမှာ AI ကနဦးခြေလှမ်းဖြစ်ပါတယ်။

သမားရိုးကျနည်းစနစ်များဖြင့် ဂြိုဟ်ကိုအတည်ပြုခဲ့တာဖြစ်ပေမယ့် ဂြိုဟ်တည်ရှိနေနိုင်တဲ့နေရာကို ပြသခဲ့တယ်လို့ UGA ဖရန်ကလင်အနုပညာနဲ့သိပ္ပံကောလိပ်မှ 'ဂျေဆန်တယ်ရီ'က ဖော်ပြခဲ့ပါတယ်။

ရှာဖွေတွေ့ရှိမှုအသစ်အရ နေအဖွဲ့အစည်းအပြင်ဘက်မှာ တွေ့ရတဲ့ ဂြိုဟ်သိမ်ပေါင်း ၅ ထောင်ကျော်ကို စာရင်းထဲထည့်ခဲ့ပါတယ်။

AI နဲ့ စက်ပစ္စည်းလေ့လာသင်ယူခြင်းတို့က ဂြိုဟ်စနစ်များဖွဲ့စည်းခြင်းနဲ့ ဆင့်ကဲဖြစ်စဉ်များကို နောက်ခံပြုထားတဲ့ လုပ်ငန်းစဉ်အသစ်များကို ပြသခဲ့တာဖြစ်ပါတယ်။

AI ကတွေ့ရှိခဲ့တဲ့ ဂြိုဟ်ဟာ အရင်က နက္ခတ္တဗေဒပညာရှင်များ ခွဲခြမ်းစိတ်ဖြာခဲ့ဖူးပြီး သတိမပြုမိဘဲရှိနေခဲ့တာဖြစ်ပါတယ်။

AI စနစ်က အချိန်တစ်နာရီတည်းဖြင့် အချက်အလက်တွေ ပိုက်စိပ်တိုက်ရှာဖွေကာ ဂြိုဟ်အသစ်တစ်ခုကို နေရာတစ်ခုမှာ အခိုင်အမာတွေ့ရှိခဲ့တာဖြစ်ပါတယ်။

AI အသုံးပြုတဲ့ပုံစံက စကြဝဠာအစိတ်အပိုင်းတစ်ခုမှာ ဂြိုဟ်တစ်ခုတည်ရှိနေတယ်လို့ သိရှိစေတာဖြစ်ပါတယ်။

စက်ပစ္စည်းကိုအသုံးပြုပြီး ဂြိုဟ်မွှားတွေတွေ့ရှိနိုင်မယ်လို့ သိရှိထားခဲ့ကြောင်း၊ အမျိုးအစားသစ်များလည်း တွေ့ရှိနိုင်မယ်လို့ သိထားကြောင်း UGA Exoplanet and Planet Formation Research Group မှ စစ်ဆေးရေးမှူးချုပ်'ကာဆန်ဒရာဟောလ်'က ပြောပြခဲ့ပါတယ်။

Source: India Today
#YMG #Yangon_Media_Group

#Local_News
Published_ 29 April 2023

သရုပ်ဆောင်ဦးဝင်းနိုင်(အနုပညာ)ဧပြီလ(၂၉)ရက်မနက်ပိုင်းမှာ ကွယ်လွန်သွားတယ်လို့ မြန်မာနိုင်ငံရုပ်ရှင်အစည်းအရုံးမှ သိရပါတယ်၊၊

#Local_News #အနုပညာရှင် #ကွယ်လွန်ခြင်း
#YMG #Yangon_Media_Group

#Local_News
Published_ 29 April 2023

သင်္ကြန်ကာလအပြီးကတည်းက တရိပ်ရိပ်တက်လာတဲ့ ပြည်တွင်းစားဆန်ချောဈေးဟာမေလ ၄ ရက်ဝန်းကျင်မှာ ပြန်လည်ကျဆင်းနိုင်တယ်လို့ မြန်မာနိုင်ငံဆန်စပါးကုန်သည်များအသင်းကပြောပါတယ်။

#Local_News #မေလဆန်း #ဆန်ဈေးပြန်ကျ #ဆန်ကုန်သည်အသင်းခန့်မှန်း
#YMG #Yangon_Media_Group

#Asia_Development
Published 29 April 2023

ဧပြီ ၂၆ ရက်မှ ၂၈ ရက်အတွင်း ပေကျင်းမှာကျင်းပနေတဲ့ ၁၅ ကြိမ်မြောက် တရုတ်နိုင်ငံတကာနျူကလီးယားစွမ်းအင်ပြပွဲမှာ တရုတ်နိုင်ငံမှဖန်တီးတဲ့ နျူကလီးယားဓာတ်ပေါင်းဖိုအကြီးစားပုံစံက အဓိကနေရာယူထားပါတယ်။

#Asia_Development #ပေကျင်း #နျူကလီးယားစွမ်းအင်ပြပွဲ
#YMG #Yangon_Media_Group

Published 29 April 2023

နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်သည်  ဇနီးဒေါ်ကြူကြူလှနှင့် အဖွဲ့ဝင်များလိုက်ပါပြီး ဗန်းမော်ဆရာတော်ဘုရားကြီးနှင့် နဂါးနှစ်ကောင်ဆရာတော်ဘုရားကြီးတို့ကို ယနေ့ ဧပြီလ ၂၉)ရက်က သွားရောက်ဖူးမျှော်ကြည်ညိုပြီး ကျန်းမာရေးဆိုင်ရာကိစ္စတွေ မေးမြန်း လျှောက်ထားခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီးနှင့်အဖွဲ့သည် မန္တလေးမြို့၊ အထွေထွေရောဂါကုဆေးရုံကြီးတွင် တက်ရောက် ဆေးကုသမှု ခံယူလျက်ရှိသည့် နိုင်ငံတော်သံဃမဟာနာယကအဖွဲ့ဥက္ကဋ္ဌ၊ မန္တလေးမြို့၊ ဗန်းမော် ကျောင်းတိုက်ဆရာတော်၊ အဂ္ဂမဟာပဏ္ဍိတ အဂ္ဂမဟာဂန္ထဝါစကပဏ္ဍိတ အဘိဓဇမဟာ ရဋ္ဌဂုရု အဘိဓဇအဂ္ဂမဟာသဒ္ဓမ္မဇောတိက ဘဒ္ဒန္တ ကုမာရာဘိဝံသ အား  ယနေ့ဧပြီလ(၂၉)ရက် နံနက်ပိုင်းတွင် သွားရောက်ဖူးမြော်ကြည်ညိုခဲ့ပါတယ်။

အဲဒီနောက် ကျန်းမာရေးအခြေအနေများကို မေးမြန်းလျှောက်ထားပြီး ဆေးဝါးကုသမှုပေးထားသည့် အခြေအနေများနှင့် ဆွမ်းကိစ္စ များ အဆင်ပြေစေရေးအတွက် ဆောင်ရွက်ပေးထားသည်များကို ဆေးရုံအုပ်ကြီးနှင့် တာဝန်ရှိသူများအား မေးမြန်းကာ လိုအပ်သည်များ ဖြည့်ဆည်းဆောင်ရွက်ပေးရန် မှာကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ထို့အပြင် ရှမ်းပြည်နယ် (အရှေ့ပိုင်း)၊ တာချီလိတ်မြို့၊ နဂါးနှစ်ကောင်ကျောင်းတိုက်ပဓာန နာယက နိုင်ငံတော်ဩဝါဒါစရိယ အဘိဓဇမဟာရဋ္ဌဂုရု အဘိဓဇအဂ္ဂမဟာ သဒ္ဓမ္မ ဇောတိက အဂ္ဂမဟာပဏ္ဍိတ ဒေါက်တာ ဘဒ္ဒန္တဓမ္မသီရိ အား ကျန်းမာရေးစောင့်ရှောက် မှုပေးထားသည့် အခြေအနေများကိုလည်း ဗိုလ်ချုပ်မှူးကြီးမင်းအောင်လှိုင်သည် ဇနီးဒေါ်ကြူကြူလှနှင့် တာဝန်ရှိသူများလိုက်ပါ၍ ယနေ့နံနက်ပိုင်းတွင် သွားရောက် ကြည့်ရှုခဲ့ပါတယ်။

ဗိုလ်ချူပ်မှူးကြီးနှင့်အဖွဲ့သည် ဆရာတော်ကြီးအား ဖူးမြော်ကြည်ညို၍ ကျန်းမာရေး စောင့်ရှောက် မှုဆောင်ရွက်ပေးထားသည့် အခြေအနေများကိုကြည့်ရှုရာ တာဝန်ရှိသူများက ဆရာတော်ကြီး၏ ကျန်းမာရေးအခြေအနေများကို ရှင်းလင်းတင်ပြခဲ့ကြပါတယ်။ တင်ပြမှုတွေအပေါ် နစက ဥက္ကဋ္ဌက ဆရာ တော်ကြီး၏ ကျန်းမာရေးအခြေအနေများကို မပြတ်စောင့်ကြည့်၍ လိုအပ်သည်များကို ဖြည့်ဆည်းဆောင်ရွက်ပေးရန်၊ ကိုယ်ခံစွမ်းအားရှိစေရေး၊ တစ်ကိုယ်ရည် သန့်ရှင်းရေး တို့ အတွက်ကိုလည်း ဆောင်ရွက်ပေးရန်နှင့် အခြားလိုအပ်သည်များကို အလေးထား မှာကြားခဲ့တယ်လို့ သိရှိရပါတယ်။

#ymg/knl

#ဗန်းမော်ဆရာတော်ဘုရားကြီး

#ဗိုလ်ချူပ်မှူးကြီးမင်းအောင်လှိုင်

#နဂါးနှစ်ကောင်ဆရာတော်ဘုရားကြီး

#Health_Matters
Published_ 29 April 2023

- ဆယ်ကျော်သက်ကိုယ်ဝန်ဆောင်မှုကြီးမားလာနေတာကို ဘယ်လိုဟန့်တားကာကွယ်နိုင်မလဲဆရာ??

#Health_Matters #ဆယ်ကျော်သက်ကိုယ်ဝန်ဆောင်
#Dr.KML #YMG #Yangon_Media_Group

#Local_News
Published_ 29 April 2023

ပြည်တွင်းရွှေဈေးကို ဈေးကစားဖို့ရည်ရွယ်ပြီး သိန်း ၃၀ ကျော်နဲ့ အရောင်းအဝယ်ပြုလုပ်ပါ စသုံးလုံးဌာနက စုံစမ်းအရေးမယ်လို့ ဧပြီလ ၂၈ရက်နေ့ မနက်ပိုင်းရန်ကုန်တိုင်းရွှေအသင်းကပြောဆိုအပြီး ညနေပိုင်းမှာ ရွှေဈေးဟာ ၂၉သိန်းအောက်ကိုပြန်ကျသွားတယ်လို့ ရန်ကုန်ရွှေဈေးကွက်ထဲမှ သိရပါတယ်။

#ရွှေဈေး #အရောင်းအဝယ် #စသုံးလုံးဌာန #အရေးယူမယ်
#YMG #Yangon_Media_Group

#World_Health
Published 30 April 2023

ပြည်နယ်အများအပြားမှာ အပူလှိုင်းများမြင့်တက်လာတာနဲ့အမျှ ကျန်းမာရေးအတွက် သင့်လျော်တဲ့အာဟာရရရှိဖို့ မဖြစ်မနေဂရုစိုက်ရမှာဖြစ်ပါတယ်။

ရေဓာတ်ပြည့်ဝစေတဲ့ အစားအစာတွေက ခန္ဓာကိုယ်မှ အီလက်ထရိုလိုက်ပမာဏကို ထိန်းညှိပေးကာ အပူလျှပ်ခြင်းကင်းဝေးအောင် ကူညီပေးနိုင်ပါတယ်။

ဖရဲသီး၊ သရက်သီးတွေလို ရာသီစာအသီးအနှံတွေ များများစားခြင်းဖြင့် အစာချေလွယ်ခြင်း၊ ရေဓာတ်ထိန်းသိမ်းပေးခြင်း၊ ဇီဝကမ္မဖြစ်စဉ်မြှင့်တင်ပေးခြင်းတို့ကို ကူညီပေးပါတယ်။

သရက်သီးနဲ့ပတ်သက်ပြီး ဘယ်အချိန်မှာ ဘယ်လောက်စားသင့်လဲဆိုတာ မေးစရာတွေရှိပါတယ်။

စားသောက်ပြီးတဲ့အခါ သရက်သီးစားခြင်းဖြင့် အကျိုးကျေးဇူးများစွာရှိနေပါတယ်။

အာဟာရပညာရှင်'မန်ပရိကယ်လ်ရာ'က နေ့လယ်စာစားအပြီးမှာ သရက်သီးစားသင့်တဲ့အကြောင်း အင်စတာဂရမ်မှာ ဖော်ပြထားပါတယ်။

"အစာစားတဲ့အခါ အစာအိမ်ထဲရောက်ကာ အစာချေခြင်းဖြစ်စေပါတယ်။ အဲဒီမှာ သည်းခြေရည်၊ အစာချေအင်ဇိုင်း၊ အစာအိမ်အက်ဆစ်တို့ဖြင့် အစာကိုချေဖျက်ပါတယ်။ တစ်ခါတရံမှာ အစာချေအင်ဇိုင်းတွေ ပုံမှန်မထုတ်လုပ်နိုင်တော့ဘဲ အစာမကြေဖြစ်ကာ ဗိုက်ပွခြင်းဖြစ်စေပါတယ်" လို့ ပြောပြခဲ့ပါတယ်။

သရက်သီးထဲမှာ အမိုင်လေ့စ်၊ ပရိုတီအေ့စ်၊ လိုင်ပေ့စ်တို့လို အစာချေအင်ဇိုင်းများပါဝင်ကာ ကာဗိုဟိုက်ဒရိတ်၊ ပရိုတိန်း၊ အဆီဓာတ်တို့ကို ဖြိုခွဲပေးကာ အစာမကြေခြင်းကို ကာကွယ်ပေးပါတယ်။

ဒါ့အပြင် အူလမ်းကြောင်းလှုပ်ရှားမှုနဲ့ သွေးတွင်းသကြားဓာတ်ကို ထိန်းညှိပေးကာ ဝမ်းချုပ်ခြင်းကိုကာကွယ်ပေးတဲ့ အမျှင်ဓာတ်တွေ ပါဝင်ပါတယ်။

ဗိုက်တာမင်၊ သတ္တုဓာတ်၊ ဓာတ်တိုးဆန့်ကျင်ပစ္စည်းများကြွယ်ဝကာ ဆီးချိုကာကွယ်ပေးနိုင်တဲ့အပြင် ကိုယ်ခံအားမြှင့်တင်ပေးတဲ့ အာဟာရဓာတ်များလည်းပါဝင်ပြီး နှလုံးနဲ့မျက်လုံးကျန်းမာရေးကို ထောက်ပံ့ပေးပါတယ်။

Source: India Today
#YMG#Yangon_Media_Group

#Local_News
Published_ 29 April 2023

ကုမ္ပဏီတစ်ခုတွင် မန်နေဂျာလုပ်ကိုင်နေသည့် အငြိမ်းစား တပ်မတော်အရာရှိတစ်ဦး ယနေ့ ဧပြီလ ၂၉ ရက် နံနက်က သေနတ်ဖြင့် ပစ်ခတ်သတ်ဖြတ်ခံခဲ့ရကြောင်း သိရသည်။

ယင်းမှာ ရန်ကုန်တိုင်းဒေသကြီး၊ ဗဟန်းမြို့နယ်၊ကျိုက္ကဆံရပ်ကွက်ရှိ ငမောက်လမ်းနှင့် မဟူရာလမ်းထောင့်တွင် ဖြစ်ပွားခဲ့ကြောင်း၊ ယင်း၏ နေအိမ်မှ SUZUKI SWIFT ကားဖြင့် ထွက်လာစဉ် လူငယ် ၂ ဦးက သေနတ်ဖြင့် လေးချက်ပစ်ခတ်သတ်ဖြတ်သွားခြင်းဖြစ်ကြောင်း သိရသည်။

သေဆုံးသူမှာ စစ်တက္ကသိုလ်အပတ်စဉ် (၃၁) မှ အသက် ၅၅ နှစ်အရွယ် အငြိမ်းစား တပ်မတော်အရာရှိ ဦးရဲမင်းသန်း ဆိုသူ ဖြစ်ကြောင်း၊သေနတ်ဖြင့် ပစ်ခတ်ခဲ့သောကြောင့် ကားရှေ့မှန်တွင် ကျည်ဖောက်ရာ ၂ ချက်၊ ကားဘေးမှန်တွင် ကျည်ဖောက်ရာ ၂ ချက်ကို တွေ့ရပြီး ဦးရဲမင်းသန်း၏လက်ယာဘက်ရင်ဘတ်တွင် ကျည်ဖောက်ဝင်ဒဏ်ရာရကာ သေဆုံးခဲ့ကြောင်း သိရသည်။

#ymg/pl
#Yangon_Media_Group