#Local_News
Published_ 16 February 2023

ထိုင်းနိုင်ငံမဲဆောက်တွင် MOU လုပ်သား ၄၅ ဦးကို တင်ဆောင်၍ ဘန်ကောက်သို့ မောင်းနှင်စဉ် ယာဉ်တိမ်းမှောက်မှုဖြစ်စဉ်မှ သေဆုံးခဲ့သော မြန်မာ MoU လုပ်သားများအတွက်လျော်ကြေး သိန်းတစ်ထောင်ခန့်ရရှိခဲ့ကြောင်း မြန်မာရွှေ့ပြောင်းအလုပ်သမားများ အရေးလုပ်ဆောင်နေသူများထံမှ သိရသည်။

ထိုင်းနိုင်ငံ၊ တတ်ပြည်နယ်၊ ဒေါက်လွတ်၊ မဲဆောက်လမ်းတွင် နိုဝင်ဘာလ ၂၉ ရက် ည ၉နာရီခန့်အချိန်က တိမ်းမှောက်ခြင်းဖြစ်ပြီး အများအပြားဒဏ်ရာ ရခဲ့ကြကြောင်း၊ ယင်းတွင် သေဆုံးခဲ့သည့်ပအိုဝ်တိုင်းရင်းသား ၂ ဦးအတွက် မော်တော်ယာဉ် အာမခံနစ်နာကြေးမှ အသက်ဆုံးရှုံးမှုဖြင့် ထိုင်းငွေ 1050000 ဘတ် (မြန်မာငွေ ကျပ်သိန်း ၁၀၀၀ ခန့်) ရရှိခဲ့ခြင်းဖြစ်ကြောင်း သိရသည်။

သေဆုံးသည့် မိသားစုဝင်များက ရှမ်းပြည်နယ် ပင်လောင်းမြို့နယ်မှ တစ်ဆင့် မြဝတီသို့လာရောက်ကာ ဖေဖော်ဝါရီလ ၁၄ ရက်က မြဝတီ အမှတ် ၁- တံတား၌ နယ်စပ်ဖြတ်ကျော် Border Pass စာအုပ် လျှောက်ကာ ဖေဖော်ဝါရီလ ၁၅ ရက် နေ့လယ်ပိုင်းက တံတားအဝင်ပေါက်၌ ကိုဗစ်ကာကွယ်ဆေးထိုးနှံ၍ မဲဆောက်သို့ ထွက်ခွာသွားခဲ့ခြင်း ဖြစ်ကြောင်း သိရသည်။

#ymg/mt
#Yangon _Media_Group

#Local_News
Published_ 16 February 2023

နစက အစိုးရတာဝန်ယူနေတဲ့ ကာလအတွင်းမှာ လူသတ်မီးရှို့ဖောက်ခွဲရေးဖြစ်စဉ်တွေဟာ သိသိသာသာကျဆင်းလာတာမရှိသေးဘူးလို့ နစက ဥက္ကဌက မြန်မာ့အသံနှင့် ရုပ်မြင်သံကြား ၇၇ နှစ်မြောက် အခမ်းအနားမှာ ပြောဆိုလိုက်ပါတယ်။

ဒီလိုလုပ်ရပ်တွေကြောင့် လူငယ်တွေလမ်းမှား မရောက်စေဖို့နဲ့ အတွေးအခေါ်မှန်ကန်လာစေဖို့ ပြန်ကြားရေးဝန်ကြီးဌာနအနေနဲ့လုပ်ဆောင်ဖို့ သူကတိုက်တွန်းထားပါတယ်။

ဒီလိုလုပ်ရပ်တွေက တိုင်းပြည်တည်ငြိမ်အေးချမ်းမှု စည်းလုံးညီညွှတ်မှုကို မလိုလားတဲ့ ပြည်ပနိုင်ငံကြီးတွေရဲ့ သွေးထိုးလုပ်ဆောင်မှုကြောင့်ဖြစ်တယ်လို့လည်း ဆိုပါတယ်။

ပြည်တွင်းမှသစ္စာဖောက်တွေနဲ့ ပြည်ပြေးတွေဟာ နိုင်ငံတော်အလုံးစုံပျက်ဆီးအောင် ဆောင်ရွက်နေဆဲဖြစ်တယ်လို့ ဆိုပါတယ်။

တိုင်းရင်းသားလက်နက်ကိုင်အဖွဲ့တွေကိုလည်း တစ်ဖတ်သတ်အပစ်အခတ်ရပ်စဲပေးထားပြီး NCA လမ်းကြောင်းပေါ်ကနေ တွေ့ဆုံဆွေးနွေးရေးလုပ်ဆောင်ရန် ဖိတ်ခေါ်ထားတာတွေလည်း ရှိပါတယ်။

ဒါ့ကြောင့် နိုင်ငံပိုင်ရုပ်သံတွေအနေနဲ့ လူငယ်တွေလမ်းမှားမရောက်စေဖို့ အသိပညာပေးအစီစဉ်တွေ လုပ်ဆောင်ဖို့နစကဥက္ကဌက တိုက်တွန်းထားပါတယ်။

အကြမ်းဖက်လုပ်ရပ်တွေကြောင့် စိုးရိမ်ပူပန်ပြီးရှောင်တိမ်းနေကြတဲ့ပြည်သူတချို့ကိုလည်း ပြန်လာဖို့ဖိတ်ခေါ်ကြောင်း တိုက်တွန်းထားပါတယ်။

#ymg/ynzw
#Yangon_Media_Group

#Local_News
Published_ 16 February 2023

၂၀၂၂ _ ၂၀၂၃ ခုနှစ်အတွင်း ကျေးလက်အမျိုးသမီးများအတွက်အသက်မွေးကျောင်းလုပ်ငန်းများ ပြန်လည်ထူထောင်ဖို့ဆောင်ရွက်နေတယ်လို့ လူမှုဝန်ထမ်းကယ်ဆယ်ရေးနဲ့ပြန်လည်နေချထားရေးဝန်ကြီးဌာနပြည်ထောင်စုဝန်ကြီး ဒေါ်သက်သက်ခိုင်ကပြောပါတယ်။
နေပြည်တော်ကောင်စီနယ်မြေနဲ့ရခိုင်ပြည်နယ်အတွင်း Quick Win Projet အနေနဲ့ဆောင်ရွက်ထားတာဖြစ်တယ်လို့ဆိုပါတယ်။

မြန်မာနိုင်ငံနိုင်ငံလုံးဆိုင်ရာ အမျိုးသမီးများကော်မတီအနေနဲ့ အမျိုးသမီးများ ဖွံ့ဖြိုးတိုးတက်ရေးဆိုင်ရာအမျိုးသားအဆင့် မဟာဗျူဟာကိုရေးဆွဲရန် လုပ်ငန်းအစီစဉ်များချမှတ်ထားတယ်လို့လည်း ဆိုပါတယ်။

မြန်မာနိုင်ငံဟာ အမျိုးသမီးများနည်းမျိုးစုံခွဲခြားဆက်ဆံမှုပပျောက်ရေးဆိုင်ရာ ကုလသမဂ္ဂကွန်ဗန်းရှင်းကို ၁၉၉၇ ခုနှစ်က လက်မှတ်ရေးထိုးထားပြီး အစီရင်ခံစာတွေ ပေးပို့ထားပါတယ်။ အမျိုးသမီးများကိုအကြမ်းဖက်မှုပပျောက်စေဖို့အတွက် Hotline နံပတ် 1566 ကို ဆက်သွယ်တိုင်ကြား နိုင်ပါတယ်။

#ymg/ynzw
#Yangon_Media_Group

#World_Health
Published 16 February 2023

အမေရိကန်မှာ ကလေးတွေအသုံးပြုလေ့ရှိတဲ့ မိတ်ကပ်တွေနဲ့ အသားအရေထိန်းသိမ်းရေးပစ္စည်းတွေထဲမှာ ခဲနဲ့ အက်စ်ဘတ်စ်တို့စ်လိုမျိုး ကင်ဆာဖြစ်စေတဲ့ ဓာတုပစ္စည်းများပါဝင်ကြောင်း အမေရိကန်ကိုလံဘီယာတက္ကသိုလ်မှ လေ့လာချက်အသစ် တွေ့ရှိခဲ့ပါတယ်။

Environmental Research and Public Health ဂျာနယ်မှ စစ်တမ်း ၂၀၀ ကျော်ကောက်ယူခဲ့ရာ ၇၉ ရာခိုင်နှုန်းသောမိဘတွေက သူတို့ရဲ့ အသက် ၁၂ နှစ်နဲ့အောက်ကလေးတွေဟာ ကလေးအတွက်ကြော်ငြာထားတဲ့ မိတ်ကပ်နဲ့ အလှကုန်ပစ္စည်းများကို အသုံးပြုကြကြောင်း ဖြေကြားခဲ့ကြပါတယ်။

ဒီပစ္စည်းတွေထဲမှာ ခဲ, asbestos, PFAS, phthalates နဲ့ formaldehyde တို့လို အဆိပ်အတောက်ဓာတုပစ္စည်းများပါဝင်ကြောင်း အစောပိုင်းလေ့လာမှုတွေမှာလည်း သတိပေးထားပြီးဖြစ်ပါတယ်။

ထိုအဆိပ်သင့်ဓာတုပစ္စည်းတွေဟာ ကလေးငယ်များအတွက် အန္တရာယ်များ လှပါတယ်။

ထိုဓာတုပစ္စည်းတွေကို ဘယ်လိုပဲထည့်သွင်းထားသည်ဖြစ်စေ ကင်ဆာ၊ အာရုံကြောဆိုင်ရာပြဿနာများ၊ အခြားပြင်းထန်သော ကျန်းမာရေးအကျိုးဆက်များနဲ့ ဆက်စပ်နေပါတယ်။

မိတ်ကပ်နဲ့ အလှကုန်ပစ္စည်းများ အသုံးပြုခြင်းအတွက် ဖြစ်လာနိုင်တဲ့ အန္တရာယ်များကိုသိရှိစေရန် အရေးကြီးတယ်လို့ သုတေသီများ ရေးသားခဲ့ကြပါတယ်။

လေ့လာမှုပြုလုပ်ခဲ့တဲ့ ကလေးတွေထဲမှာ ၅၄ ရာခိုင်နှုန်းက မိတ်ကပ်ကို အနည်းဆုံးလစဉ်အသုံးပြုကြပါတယ်။

၁၂ ရာခိုင်နှုန်းက နေ့စဉ်လိမ်းခြယ်ကြပြီး ၂၀ ရာခိုင်နှုန်းကတော့ လိမ်းတဲ့အခါတိုင်း ၈ နာရီထက်ပိုကြာမြင့်စွာ လိမ်းထားရပါတယ်။

ကလေး ၃ ပုံ ၁ ပုံလောက်က အလှကုန်ပစ္စည်းကို မတော်တဆမျိုချမိတာမျိုးရှိကြောင်း သိရပါတယ်။

အရေပြားထိတွေ့မှုအပြင် လက်ကနေ ပါးစပ်ကိုထိမိတဲ့အနေအထားမျိုးတွေမှာ မတော်တဆမျိုချမိတတ်ကြောင်း၊ ကလေးရဲ့အရွယ်အစား၊ ကြီးထွားမှုနှုန်း၊ ကိုယ်ခံအားစနစ်တို့ကြောင့် ဒီအဆိပ်အတောက်တွေကို ပိုပြီးခံစားရတတ်ကြောင်း လူထုကျန်းမာရေးသိပ္ပံပရော်ဖက်ဆာ'ဂျူလီဟာ့စ်မန်း'က ပြောပြခဲ့ပါတယ်။

အဆိပ်သင့်ဓာတုပစ္စည်းတွေပါဝင်နေတာတောင် ကလေးတွေအတွက် အလှကုန်ပစ္စည်းများကို ရောင်းချခွင့်ရနေပါတယ်။

ဒီလေ့လာတွေ့ရှိမှုကနေ အလှကုန်လုပ်ငန်းတွေအနေနဲ့ ကလေးတွေကို အဆိပ်သင့်ဓာတုပစ္စည်းတွေကနေ ကာကွယ်ပေးဖို့လုပ်ဆောင်ရာမှာ အကူအညီဖြစ်စေရန် မျှော်မှန်းရပါမယ်။

Source: The Jerusalem Post
#Yangon_Media_Group

#World_Health
Published 16 February 2023

သွေးတိုးရောဂါဆိုတာက နှလုံးရောဂါအဖြစ်နိုင်ဆုံးအန္တရာယ်တွေထဲက တစ်ခုဖြစ်ပေမယ့် ကာကွယ်လို့လည်းရနေပါတယ်။

ကမ္ဘာတဝှမ်းမှာ သွေးတိုးရောဂါခံစားနေရသူ ၁ ဘီလီယံကျော်ရှိနေပါတယ်။

အပေါ်သွေး ၁၃၀ မီလီမီတာမာကျူရီနဲ့အထက်၊ အောက်သွေး ၈၀ မီလီမီတာမာကျူရီနဲ့အထက်ရှိခြင်းကို သွေးတိုးတယ်လို့ သတ်မှတ်ပါတယ်။

ACE inhibitor လို ဆေးတွေနဲ့ သွေးပေါင်ချိန်လျော့ကျအောင် သုံးစွဲကြပေမယ့် စားသောက်နေထိုင်မှုပုံစံ ပြုပြင်ပြောင်းလဲခြင်းဖြင့်လည်း သွေးပေါင်ချိန်ကို ပုံမှန်အတိုင်းဖြစ်အောင် ထိန်းသိမ်းပေးပြီး နှလုံးရောဂါဖြစ်နိုင်ချေကို လျှော့ချပေးနိုင်ပါတယ်။

သွေးပေါင်ချိန်ကို အကောင်းဆုံးလျှော့ချထိန်းသိမ်းနိုင်ရန် ကျန်းမာရေးနဲ့ညီညွတ်တဲ့ အစားအစာတွေက မရှိမဖြစ်လိုအပ်ပါတယ်။

အထူးသဖြင့် ပိုတက်ဆီယမ်နဲ့ မဂ္ဂနီဆီယမ်တို့လို အာဟာရဓာတ်များပါဝင်တဲ့ အစားအစာတွေဟာ သွေးပေါင်ချိန်ကို လျှော့ချပေးနိုင်ပါတယ်။
သွေးတိုးဝေဒနာရှင်တွေအတွက် အသင့်တော်ဆုံးအစားအစာတွေကို ဖော်ပြပေးလိုက်ပါတယ်။

(၁) အချဉ်ဓာတ်ပါသောအသီးများ

(၂) ဆော်လ်မွန်နှင့် အဆီဓာတ်ပါသောငါးများ

(၃) ဆွစ်ဇာလန်ဟင်းရွက်စိမ်း

(၄) ဖရုံစေ့

(၅) ပဲအမျိုးမျိုး

(၆) ဘယ်ရီသီးများ

(၇) စိတ်ကူးယဉ်မညှိုးပန်း

(၈) အစိမ်းဖျော့ရောင်အခွံမာသီး

(၉) မုန်လာဉနီ

(၁၀) တရုတ်နံနံ

(၁၁) ခရမ်းချဉ်သီး

(၁၂) ပန်းဂေါ်ဖီစိမ်း

(၁၃) ဂရိဒိန်ချဉ်

(၁၄) ဆေးဖက်ဝင်ဟင်းခတ်ပစ္စည်းများ

(၁၅) ချီယာစေ့နှင့်နှမ်းကြတ်စေ့

(၁၆) သကြားမုံလာ

(၁၇) ဟင်းနုနွယ်

နေထိုင်မှုပုံစံများအပြင် ကျန်းမာရေးနဲ့ညီညွတ်စွာ စားသောက်ခြင်းဖြင့် သွေးပေါင်ချိန်လျှော့ချနိုင်ပြီး နှလုံးရောဂါဖြစ်နိုင်ချေကို နည်းပါးစေပါတယ်။

Source: healthline
#Yangon_Media_Group

Published 16 Feb 2023

ဟောလီဝုဒ်ရဲ့ လိင်ဆွဲဆောင်မှုပြင်းသော ကာလသားကြိုက် မင်းသမီးအဖြစ်ထင်ရှားခဲ့တဲ့ ရေကွယ်ဝဲချ်ဟာ ဗုဒ္ဓဟူးနေ့က အသက် ၈၂ နှစ်အရွယ်မှာ ကွယ်လွန်ခဲ့ပြီဖြစ်ပါတယ်။

သူမရဲ့ လော့အင်ဂျိလိအခြေစိုက် မန်နေဂျာ  ဂျိန်းမက်နိုက်က သူမဟာ နာမကျန်းခဏဖြစ်ပြီး ကွယ်လွန်သွားတာဖြစ်တယ်လို့ သတင်းထုတ်ပြနပေးပါတယ်။

သူမဟာ ၁၉၆၀ပြည့်နှစ်များနှင့် ၁၉၇၀ပြည့်နှစ်စောစောပိုင်းများမှာ "Bedazzled" ၊"Bandolero!" ၊"100 Rifles," ၊"Myra Breckinridge"နှင့်  "Hannie Caulder ရုပ်ရှင်ကားတွေမှာ နာမည်အလွန်ကြီးခဲ့ပါတယ်။

သူမဟာ ချီကာဂိုမှာမွေးဖွားခဲ့ပြီး ဖခင်မှာ ဘိုလစ်ဗီးယားက လေကြောင်းအင်ဂျင်နီယာတစ်ဦးဖြစ်ပါတယ်။ သူမငယ်ရွယ်စဉ်မှာ မိသားစုဟာ ကာလီဖိုနီးယားကိုပြောင်းရွှေ့လာခဲ့ပြီး သူမဟာ အလှမယ်ရွေးပွဲတွေ ဝင်မပြိုင်ခင် ဘဲလေးအကသင်ယူခဲ့ပါတယ်။

သူမဟာ ရာစုနှစ်တစ်ဝက်ကျော်နီးပါး ရုပ်ရှင်နှင့်အသက်မွေးခဲ့ပြီး ဇာတ်ကားပေါင်း ၃၀ကျော်နှင့် ရုပ်သံစီးရီးပေါင်း ၅၀ကျော်မှာ သရုပ်ဆောင်ခဲ့ပါတယ်။

Source Reuters

#Raquel_Welch

#Raquel_Welch_died

#Local_News
Published_ 15 February 2023

ပြည်တွင်းမှု လက်မှုပညာပန်းတိမ်နဲ့ ပြုလုပ်ထားတဲ့ ရွှေအချောထည်တွေကို ဂျာပန်နိုင်ငံကဝယ်ယူဖို့ကမ်းလှမ်းထားပြီး ပြည်တွင်းရွှေကွက်အခြေအနေနဲ့ နိုင်ငံ့အခြေအနေကို ဂျပန်နိုင်ငံကရွှေလုပ်ငန်းရှင်တချို့လာရောက် လေ့လာခဲ့ပါတယ်လို့ ရန်ကုန်ရွှေအသင်းဥက္ကဌက ပြောပါတယ်။

#Yangon_Media_Group

#World_Records
Published 15 February 2023

အသက် ၂၃ နှစ်အရွယ် ချီဟွာဟွာခွေးဟာ ကမ္ဘာ့အသက်အကြီးဆုံးသက်ရှိခွေးအဖြစ် ဂင်းနစ်ကမ္ဘာ့မှတ်တမ်းက ကြေညာပြီး ၂ ပတ်အကြာမှာပဲ သူ့ထက်အသက်အများကြီးပိုကြီးတဲ့ ခွေးတစ်ကောင်ထွက်ပေါ်လာပါတယ်။

#Yangon_Media_Group

#Local_News
Published_ 15 February 2023

ပြည်တွင်းမှာ ကြက်သွန်နီဈေးနှုန်းတည်ငြိမ်စွာနဲ့ ပြည်ပနိုင်ငံများသို့တင်ပို့နိုင်ရေးအတွက် ညှိနှိုင်းဆွေးနွေးနေတယ်လို့ စီးပွားရေးနဲ့ကူးသန်းရောင်းဝန်ရေးဝန်ကြီးဌာနက သိရပါတယ်။

#Yangon_Media_Group

#Local_News
Published_ 15 February 2023

လတ်တလောမှာ YBS ယာဉ်တွေအနေနဲ့ CNG အခက်အခဲကြောင့် CNG တန်းစီရတဲ့ အချိန်တွေများနေပြီး ပြေးဆွဲပေးရတဲ့ အချိန်နည်းနေတယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ YRTC မှ သိရပါတယ်၊၊

#Yangon_Media_Group

#Local_News
Published_ 15 February 2023

ဖေဖော်ဝါရီလ ၁၅ ရက်နေ့ မနက်ပိုင်းမှာ ကမ္ဘာ့ရွှေဈေး တစ်အောင်စကို ၁၈၅၄ ဒေါ်လာအထိ ဈေးပြန်ကျလာပြီး ဈေးအနည်းငယ်တည်ငြိမ်နေပါတယ်။ ကမ္ဘာ့ရွှေဈေးဟာ အနည်းငယ်ပြန်ကျလာတဲ့အတွက် ပြည်တွင်းရွှေဈေးဟာလည်း အကယ်ဒမီ အခေါက်ရွှေ ၂၁ သိန်း ၈သောင်းကျော် သတ်မှတ်ထားပါတယ်။

#Yangon_Media_Group

#DailyNews
Published_ 15 February 2023

၁။ ပြည်တွင်းရွှေတွင်းတွေ ရွှေအထွက်များနေပြီး ရွှေအထည်ပြတ်တွေရောင်းချမှုများလာ

၂။ YBSယာဉ်များ CNG အခက်အခဲကြောင့် ပြေးဆွဲပေးရသည့်အချိန်နည်းနေ

၃။ မြန်မာ့ကြက်သွန်နီကို ပြည်ပနိုင်ငံများသို့ တိုးမြှင့်တင်ပို့နိုင်ရေးဆောင်ရွက်မည်

၄။ ကမ္ဘာ့အသက်အကြီးဆုံး သက်ရှိခွေးအဖြစ်ဂင်းနစ်ကမ္ဘာ့မှတ်တမ်းဝင်ခဲ့သည့် အသက်(၃၀)နှစ်အရွယ်ခွေးဘိုဘီ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group