Published 22 May 2023

စင်္ကာပူဝန်ကြီးချုပ် လီရှန်လွန်းဟာ မကြာသေးခင်က တောင်အာဖရိကနှင့်ကင်ညာနိုင်ငံတွေ ကပြန်လာပြီးနောက် ကိုဗစ်-၁၉ ကူးစက်ခံရတယ်လို့သိရပါတယ်။

“ ဒီမနက်မှာ ကျွန်တော်ဟာ ပထမဆုံးအနေနှင့် ကိုဗစ်-၁၉ကူးစက်ခံရပါတယ်” လို့ မေ၂၂ ရက် ဒီကနေ့မှာ သူဟာ သူ့ရဲ့ ဖေ့စ်ဘုတ်ခ်ကနေ ကြေညာခဲ့ပါတယ်။

“ မကြာသေးခင်က ကျွန်တော်ခရီးကပြန်လာပြီး ကိုဗစ်တွေ့တာပါ။ ပုံမှန်အားဖြင့် ကျွန်တော်နေရထိုင်ရ အဆင် ပြေပါတယ်။ ဒါပေမယ့် ကျွန်တော့်ဆရာဝန်ကတော့ ရောဂါလက္ခဏာတွေမပြတော့တဲ့အထိ ကျွန်တော် တစ်ဦးတည်းနေဖို့ အကြံပြုထားပါတယ်” လို့ သူကပြောပါတယ်။

အသက်၇၁နှစ်အရွယ်ရှိပြီဖြစ်တဲ့ သူ့ကို သူ့အသက်အရွယ်အရ ဗိုင်းရပ်စ်တိုက်ဖျက်ဆေး Paxlovid ကို ဆရာဝန်က ပေးထားတယ်လို့ သူကပြောပါတယ်။ သူဟာ ပြီးခဲ့တဲ့ နိုဝင်ဘာကမှ အားဖြည့်ကာကွယ်ဆေးတစ်လုံးထပ်   ထိုးထားသေး  တယ်လို့လည်း သူကဖြည့်စွက်ပြောပါတယ်။

မစ္စတာလီဟာ တောင်အာဖရိက ကိတ်တောင်းမြို့တော်ကို မေ၁၄မှ ၁၆ရက်အထိနှင့် ကင်ညာနိုင်ငံ နာရိုဘီမြို့တော်ကို မေ ၁၇ မှ ၁၉ ထိ ခရီးသွားခဲ့တာဖြစ်ပါတယ်။

စင်္ကာပူမှာ ကိုဗစ်ကူးစက်မှုလှိုင်းထပ်ကြုံနေရပြီး ဧပြီလမှာ ကူးစက်မှုအမြင့်ဆုံးဖြစ်ခဲ့တာပါ

Source Channel News Asia

READ HERE ..⏭⏭⏭

✅Website>>>>

✅Telegram>>>>>

#YangonMediaGroup

#စင်္ကာပူဝန်ကြီးချုပ်_ကိုဗစ်ကူးစက်ခံရ

#စင်္ကာပူ_ကိုဗစ်-၁၉

#World_Climate
Published_ 22 May 2023

ကမ္ဘာလုံးဆိုင်ရာအပူချိန်တွေက လာမယ့် ၅ နှစ်အတွင်း စံချိန်တင်မြင့်တက်လာနိုင်ပြီး ထိုထဲကအနည်းဆုံးတစ်နှစ်ဟာ စံချိန်တင်ပူနွေးလာနိုင်ကြောင်း ကုလသမဂ္ဂမိုးလေဝသအေဂျင်စီက မေလ ၁၇ ရက်နေ့မှာ ဖော်ပြလိုက်ပါတယ်။

၂၀၂၃ နဲ့ ၂၀၂၇ ကြား နှစ်စဉ်ပျမ်းမျှမျက်နှာပြင်အနီးရှိ ကမ္ဘာ့အပူချိန်ဟာ စက်မှုမတိုင်မီခေတ်ကပမာဏထက် အနည်းဆုံး ၁.၅ ဒီဂရီစင်တီဂရိတ် ကျော်လွန်နိုင်ရန် ၆၆ ရာခိုင်နှုန်းရှိနေကြောင်း ဖော်ပြခဲ့ပါတယ်။

ဒီလိုမျိုးစံချိန်တင် အပူချိန်မြင့်တက်တာဟာ ဖန်လုံအိမ်ဓာတ်ငွေ့တွေနဲ့ သဘာဝအတိုင်းဖြစ်ပေါ်တဲ့ အယ်လ်နီညိုရာသီဥတုတို့ ပေါင်းစပ်ပြီး ဖြစ်ပေါ်တာကြောင့်လို့ ယူဆနေကြပါတယ်။

ကျန်းမာရေး၊ စားနပ်ရိက္ခာ၊ ရေစီမံခန့်ခွဲခြင်း၊ ပတ်ဝန်းကျင် အစစအရာရာအတွက် အဆင်သင့်ပြင်ထားဖို့လိုအပ်ပြီး လာမယ့် ၅ နှစ်အတွင်း တစ်နှစ်နှစ်မှာ အပူချိန်စံချိန်တင်မြင့်မားနိုင်ချေ ၉၈ ရာခိုင်နှုန်းသေချာနေပါတယ်။

၂၀၁၆ ခုနှစ်က စံချိန်တင်အပူချိန်ရှိခဲ့တာဟာ အလွန်ပြင်းထန်တဲ့အယ်လ်နီညိုကြောင့် ဖြစ်ပါတယ်။

ဒါပေမဲ့ အပူချိန်က ကန့်သတ်ချက်ကိုကျော်ပြီး ကြာမြင့်စွာရှိနေမှာမဟုတ်ကာ ဘာကြောင့်လဲဆိုတော့ ၂၀၁၅ ပဲရစ်ရာသီဥတုသဘောတူညီချက်အရ နိုင်ငံတိုင်းက ဖန်လုံအိမ်ဓာတ်ငွေ့ထုတ်လွှတ်မှု သိသိသာသာလျှော့ချရေးအတွက် လမ်းညွှန်ပေးထားတာကြောင့် ဖြစ်ပါတယ်။

ဒီလိုအခြေအနေတွေကို မခံစားရသူမရှိမှာဖြစ်ပြီး ကမ္ဘာတဝှမ်းမှာ ရေလျှံခြင်းများ၊ မိုးခေါင်ခြင်းများ၊ လူအများအပြားရွှေ့ပြောင်းနေထိုင်ခြင်းများ ဖြစ်ပွားနေတယ်လို့ ဗြိတိန်မှ ရာသီဥတုသိပ္ပံပညာရှင် 'လီယွန်ဟာမန်ဆန်'က ပြောကြားခဲ့ပါတယ်။

အပူချိန် ၁.၅ ဒီဂရီစင်တီဂရိတ်မြင့်တက်တာဟာ ယာယီသဘောဖြစ်ပေမယ့် မကြာခဏကြုံတွေ့ရနိုင်ကြောင်း၊ အခုထက်ထိ ပူနွေးလာမှုကို မထိန်းချုပ်နိုင်ဘဲ ဦးတည်ရာလမ်းမှားနေကြောင်း ပြောကြားခဲ့ပါတယ်။

အယ်လ်နီညိုရာသီဥတုပေါ်ပေါက်ပြီးနောက် ကမ္ဘာ့အပူချိန်မြင့်တက်လာပါတယ်။
၂၀၂၄ မှာဆိုရင် အလယ်ပိုင်းနဲ့ အရှေ့ပိုင်းပစိဖိတ်သမုဒ္ဒရာ အီကွေတာနေရာတွေမှာ အပူချိန်မြင့်တက်လာနိုင်ပါတယ်။
Source: WION
#World_Climate #ကမ္ဘာလုံးဆိုင်ရာ #အပူချိန်စံချိန်တင်မြင့်မားလာနိုင်
#YMG #Yangon_Media_Group

#World_Health
Published_ 22 May 2023

နားအပြင်ဘက်နေရာမှာ ဖောက်ခြင်းဖြင့် အစာစားချင်စိတ်ကို လျှော့ချပေးကာ ကိုယ်အလေးချိန်ကျစေပြီး BMI လျော့ကျစေနိုင်ကြောင်း ဂျပန်မှသုတေသီများက ဆိုပါတယ်။

ဒီလေ့လာမှုမှာ နားကိုအပ်ဖြင့်ဖောက်တာမဟုတ်ဘဲ သတ္တုစေ့လေးတွေကို ခွဲစိတ်ရေးတိပ်ဖြင့် နားအပြင်ဘက်မှာ ကပ်ရတာဖြစ်ပါတယ်။

စားချင်စိတ်ကိုထိန်းချုပ်ပေးတဲ့ အာရုံကြောတွေ အင်္ဂါတွေကို လှုံ့ဆော်ပေးတဲ့ နားအပြင်ဘက်ရှိ အမှတ်အသား ၆ နေရာမှာ သတ္တုအစေ့လေးတွေကို ကပ်ရတာဖြစ်ပြီး ထူးထူးခြားခြားကျွမ်းကျင်မှုတွေမလိုအပ်ဘူးလို့ တိုကျိုရှိ Clinic F မှ ဒေါက်တာ'တာကာဟီရိုဖူဂျီမိုတို'က ပြောကြားခဲ့ပါတယ်။

ဂျပန်မှာ ဒီလိုနည်းလမ်းဖြင့် ကိုယ်အလေးချိန်ချလာကြတာ နှစ်ပေါင်း ၃၀ ကျော်လာပြီဖြစ်ပါတယ်။

ကိုယ်အလေးချိန်များလွန်းတဲ့ အမျိုးသား ၈၁ ဦးကို လေ့လာခဲ့ကြရာ နားနှစ်ဖက်စလုံးမှာ သတ္တုအစေ့လေးတွေကပ်ထားရုံမက အစားအသောက်မှတ်တမ်းပြုစုရကာ တဝက်လျှော့ချစားသုံးရပါတယ်။

၃ လကြာပြီးနောက် အမျိုးသားတွေဟာ ခါးအတိုင်း ပျမ်းမျှအားဖြင့် ၄ လက်မလျော့ကျသွားပြီး ခန္ဓာကိုယ်အဆီ ၄ ရာခိုင်နှုန်းလျော့ကျသွားပါတယ်။

ဒါ့အပြင် BMI ကတော့ ပျမ်းမျှအားဖြင့် ၃ မှတ်နီးပါးကျဆင်းသွားခဲ့ပါတယ်။

ဒါဟာ အဆိုပါကုထုံးကြောင့် ကိုယ်အလေးချိန်ကျသွားတယ်ဆိုတာတော့ အတိအကျသက်သေမပြနိုင်ပါဘူး။

စားသောက်မှု၊ လေ့ကျင့်ခန်းပြုလုပ်ခြင်းတို့နဲ့ တွဲလုပ်ပါက နားဖောက်ကုသခြင်းက ကိုယ်အလေးချိန်ကျစေဖို့ အကူအညီဖြစ်စေနိုင်ကြောင်း၊ စားချင်စိတ်ထိန်းချုပ်ခြင်း၊ အစာကြေခြင်း၊ ဇီဝဖြစ်စဉ်မှုမြှင့်တင်ခြင်းတို့ ဖြစ်ပေါ်စေနိုင်ကြောင်း ဖူဂျီမိုတိုကပြောပြခဲ့ပါတယ်။

နားမှာသတ္တုစေ့ကပ်ခြင်းဖြင့် ဟော်မုန်းစနစ်ထိန်းညှိပေးခြင်း၊ စားချင်စိတ်လျှော့ချပေးခြင်း၊ ဇီဝဖြစ်စဉ်ဖြစ်ပျက်မှုနှုန်းထိန်းညှိပေးခြင်းတို့မှာ အကူအညီဖြစ်စေပါတယ်။

အပ်စိုက်ခြင်းနည်းလမ်းကို အာရှမှာ ရာစုနှစ်တွေကြာအောင် အသုံးပြုလာပြီးဖြစ်ကာ အစာခြေရောဂါ၊ လိင်မှုပြဿနာ၊ ဆေးစွဲခြင်း၊ အဆစ်အမြစ်နာခြင်း၊ ခေါင်းကိုက်ခြင်းနဲ့ အခြားပြဿနာများအတွက် အသုံးပြုကြပါတယ်။

ထိုနည်းလမ်းဖြင့် လိင်စွမ်းအင်ကုန်ခန်းနေတဲ့အမျိုးသမီးများ၊ ကိုဗစ်ဝေဒနာခံစားနေရသူများကို သက်သာစေကာ ငိုက်မျဉ်းနေသူများအတွက် အမြန်ဆုံးနိုးကြွမှုပေးနိုင်ပါတယ်။
Source: NY Post.
#World_Health ##နားအပြင်ဘက်နေရာ #သတ္တုအစေ့ငယ်ကပ်ခြင်း #ကိုယ်အလေးချိန်လျှော့ချနိုင်ဖွယ်ရှိ
#YMG #Yangon_Media_Group

Published 21 May 2023

တရုတ်နိုင်ငံ  ရှန်စီတီးမှာ ကျင်းပခဲ့တဲ့ တရုတ်နှင့် အလယ်အာရှထိပ်သီးဆွေးနွေးပွဲမှာ တရုတ်နိုင်ငံနှင့် အလယ်အာရှနိုင်ငံ (၅)နိုင်ငံတို့ဟာ ကြေညာစာတမ်းတစ်ခုကိုလက်မှတ်ရေးထိုးလိုက်ကြပြီး ကျယ်ပြန့်တဲ့ဆက်ဆံရေးတွေမြှင့်တင်ကြဖို့ သဘောတူခဲ့ကြတယ်လို့သိရပါတယ်။

တရုတ်သမ္မတရှီကျင့်ဖျင်နှင့် အလယ်အာရှ(၅)နိုင်ငံက သမ္မတတွေဟာ တရုတ်နိုင်ငံအနောက်မြောက်ပိုင်းက ရှန်ရှီပြည်နယ် မြို့တော်မှာ ကျင်းပတဲ့ တရုတ်-အလယ်အာရှထိပ်သီးအစည်းအဝေးအပြီးမှာ ရှန်ကြေညာစာတမ်းကို လက်မှတ် ရေးထိုးခဲ့ကြတာဖြစ်ပါတယ်။

တရုတ်နှင့် အလယ်အာရှနိုင်ငံတွေအကြား ပူးပေါင်းဆောင်ရွက်မှုဟာ ဘက်ပေါင်းစုံအကျိုးဖြစ်ထွန်းမှုရှိတယ်လို့ ကြေညာ စာတမ်းမှာ ဂုဏ်ပြုဖော်ပြထားပါတယ်။ ခေါင်းဆောင်တွေဟာ နှစ်ဘက်အကြား တူညီမျှဝေတဲ့အနာဂတ်တစ်ခုအတွက် အသို်ကအဝန်းတစ်ခုတည်ထောင်ဖို့ သဘောတူခဲ့ကြပါတယ်။

Source CCTV+

#YangonMediaGroup

#တရုတ်-အလယ်အာရှထိပ်သီးအစည်းအဝေး

#တရုတ်နိုင်ငံရေး

[ Album ]

#TV Yangon Times Matters အစီအစဉ်
Published_ 21 May 2023

အစီအစဉ်တင်ဆင်သူ ဆရာဟိန်းလတ်က (လူရွှင်တော်) ပိန်ပိန်စာရေးဆရာအယ်ဒီတာနှင့်အတူ

ပိန်ပိန်ဆိုတဲ့နာမည်ကို ကျွန်တော့်ဆရာတစ်ယောက်ကပေးခဲ့တာဖြစ်ပြီး ယနေ့အချိန်ထိဒီနာမည်နဲ့ပဲ အနုပညာအလုပ်တွေဆက်လုပ်ဖြစ်နေတာဖြစ်ကြောင်း

တက္ကသိုလ်ကျောင်းသားကျောင်းသူတွေစုစည်းပြီးဖွဲ့ထားဖြစ်တဲ့ "မိုးနတ်သူဇာ"အငြိမ့်အဖွဲ့အကြောင်းယခုအထိလည်းအဆိုပါအငြိမ့်အဖွဲ့ဆက်လက်ရှင်သန်နေဆဲအကြောင်း

ငွေတာရီမဂ္ဂဇင်း၊မိုးသောက်ပန်းဂျာနယ် တို့တွင်တာဝန်ခံအယ်ဒီတာအဖြစ်ဆောင်ရွက်ခဲ့တဲ့အကြောင်း၊ကလောင်နာမည် (၄)ခုဖြင့်စာအုပ်(၄)အုပ်ရေးသားထုတ်ဝေခဲ့တဲ့အကြောင်..."စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #လူရွှင်တော်ပိန်ပိန်စာရေးဆရာအယ်ဒီတာ
#YMG #Yangon_Media_Group

#Local_News
Published_ 20 May 2023

ကမ္ဘာ့ရွှေပေါက်ဈေးဟာ မေလ ၂၀ ရက်နေ့ မနက်ပိုင်းမှာ တစ်အောင်စကို ၁၉၇၇ ဒေါ်လာပေါက်ဈေးရှိနေပါတယ်။ရန်ကုန်တိုင်းရွှေအသင်းကတော့ အကယ်ဒမီ မီးလင်းရွှေကိုဘတ်၂၃သိန်း၂သောင်းကျော် ရည်ညွှန်းသတ်မှတ်ထားပါတယ်။

#Local_News #ကမ္ဘာ့ရွှေဈေး #ရန်ကုန်ရွှေအသင်း #ရည်ညွှန်းဈေး
#YMG #Yangon_Media_Group

[ Album ]
#TV Yangon Times Matters အစီအစဉ်
Published_ 21 May 2023

အစီအစဉ်တင်ဆင်သူ ဆရာဟိန်းလတ်က (လူရွှင်တော်) ပိန်ပိန်စာရေးဆရာအယ်ဒီတာနှင့်အတူ

ပိန်ပိန်ဆိုတဲ့နာမည်ကို ကျွန်တော့်ဆရာတစ်ယောက်ကပေးခဲ့တာဖြစ်ပြီး ယနေ့အချိန်ထိဒီနာမည်နဲ့ပဲ အနုပညာအလုပ်တွေဆက်လုပ်ဖြစ်နေတာဖြစ်ကြောင်း

တက္ကသိုလ်ကျောင်းသားကျောင်းသူတွေစုစည်းပြီးဖွဲ့ထားဖြစ်တဲ့ "မိုးနတ်သူဇာ"အငြိမ့်အဖွဲ့အကြောင်းယခုအထိလည်းအဆိုပါအငြိမ့်အဖွဲ့ဆက်လက်ရှင်သန်နေဆဲအကြောင်း

ငွေတာရီမဂ္ဂဇင်း၊မိုးသောက်ပန်းဂျာနယ် တို့တွင်တာဝန်ခံအယ်ဒီတာအဖြစ်ဆောင်ရွက်ခဲ့တဲ့အကြောင်း၊ကလောင်နာမည် (၄)ခုဖြင့်စာအုပ်(၄)အုပ်ရေးသားထုတ်ဝေခဲ့တဲ့အကြောင်..."စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #လူရွှင်တော်ပိန်ပိန်စာရေးဆရာအယ်ဒီတာ
#YMG #Yangon_Media_Group

#Local_News
Published_ 21 May 2023

အညာဒေသမှာ သင်္ကြန်မတိုင်ခင်ကာလကတည်းက တက်ဈေးမှာရှိနေတဲ့ ပဲမျိုးစုံနဲ့နှမ်းဈေးနှုန်းတွေက မုန်တိုင်းတိုက်ခတ်ပြီးနောက် ဈေးတွေ ပိုမိုမြင့်တက်လာခဲ့တယ်လို မကွေးကုန်စည်ဒိုင်ဈေးနှုန်းတွေအရ သိရပါတယ်။

#Local_News #မိုခါမုန်တိုင်း #နှမ်းခင်းတွေဆုံးရှုံး #ပဲမျိုးစုံနဲ့နှမ်းဈေးတက်လာ
#YMG #Yangon_Media_Group

[ Album ]
#TV Yangon Times Matters အစီအစဉ်
Published_ 21 May 2023

အစီအစဉ်တင်ဆင်သူ ဆရာဟိန်းလတ်က (လူရွှင်တော်) ပိန်ပိန်စာရေးဆရာအယ်ဒီတာနှင့်အတူ

ပိန်ပိန်ဆိုတဲ့နာမည်ကို ကျွန်တော့်ဆရာတစ်ယောက်ကပေးခဲ့တာဖြစ်ပြီး ယနေ့အချိန်ထိဒီနာမည်နဲ့ပဲ အနုပညာအလုပ်တွေဆက်လုပ်ဖြစ်နေတာဖြစ်ကြောင်း

တက္ကသိုလ်ကျောင်းသားကျောင်းသူတွေစုစည်းပြီးဖွဲ့ထားဖြစ်တဲ့ "မိုးနတ်သူဇာ"အငြိမ့်အဖွဲ့အကြောင်းယခုအထိလည်းအဆိုပါအငြိမ့်အဖွဲ့ဆက်လက်ရှင်သန်နေဆဲအကြောင်း

ငွေတာရီမဂ္ဂဇင်း၊မိုးသောက်ပန်းဂျာနယ် တို့တွင်တာဝန်ခံအယ်ဒီတာအဖြစ်ဆောင်ရွက်ခဲ့တဲ့အကြောင်း၊ကလောင်နာမည် (၄)ခုဖြင့်စာအုပ်(၄)အုပ်ရေးသားထုတ်ဝေခဲ့တဲ့အကြောင်..."စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #လူရွှင်တော်ပိန်ပိန်စာရေးဆရာအယ်ဒီတာ
#YMG #Yangon_Media_Group

#Local_News
Published_ 21 May 2023

ပြည်ထောင်စုရွေးကောက်ပွဲ ကော်မရှင်၊ ဒုတိယညွှန်ကြားရေးမှူးချုပ် ဦးစိုင်းကျော်သူအားလုပ်ကြံခဲ့သူများကို လက်နက်ခဲယမ်းများနှင့်အတူ ဖမ်းမိခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

ပြီးခဲ့သည့် ဧပြီလ ၂၂ ရက် နေ့လယ်ပိုင်းက ဇနီးဖြစ်သူအား “အောင်ရတနာ” အထူးကုဆေးရုံသို့ မော်တော်ယာဉ်ဖြင့် ပို့ဆောင်ပြီး ပြန်အလာ သင်္ဃန်းကျွန်းမြို့နယ်၊ (၁၆/၂)ရပ်ကွက်၊ ဝေဇယန္တာလမ်း၊ အမှတ်(၁၆)လမ်းဆုံအနီးသို့ ရောက်ရှိစဉ် အမျိုးသား နှစ်ဦးက မော်တော်ယာဉ်ရှေ့၌ ပိတ်ရပ်၍ ပစ္စတို ၂ လက်ဖြင့် ပစ်ခတ်လုပ်ကြံခဲ့ခြင်း ဖြစ်၍ သေဆုံးခဲ့ ရခြင်း ဖြစ်သည်။

သတင်းပေးပို့သူများပေးပို့သည့် သတင်းအရ မေလ ၁၂ ရက် နံနက်ပိုင်းတွင် ဦးစိုင်းကျော်သူအား လုပ်ကြံ သတ်ဖြတ်ရာတွင် စက်ဘီးဖြင့် အခြေအနေကြည့်ရှုပေးသူ အာကာထက်ကျော် (ခ)အောင်သုခ ကို Glock ပစ္စတို ၁ လက်၊ ၉ မမ ကျည် ၂၀ တောင့် တို့နှင့်အတူ စမ်းချောင်းမြို့နယ်၊ လင်းလွန်းမြောက်ရပ်ကွက်၊ ဇလွန်လမ်း၊ (၅)လွှာ(A)၊ အိမ်အမှတ် (၃၅)၌ ဖမ်းဆီးရမိခဲ့ရာ ယင်း၏ ထွက်ဆိုချက် အရ မြောက်ဥက္ကလာပမြို့နယ်၊ အမှတ်(၁)ရပ်ကွက်၊ သုမိတ္တာ (၁၀)လမ်း၊ အိမ်အမှတ်(၄၀၇)၌ ရဲကျော်ပိုင်(ခ)မောင်ကြီး ကို လက်လုပ်သေနတ် ကိုယ်ထည် ၁ ခု၊ လက်ပစ်ဗုံး ၁ လုံး၊ ၅.၅၆ ကျည် ၁၀ တောင့်၊ ပွိုင့် ၃၈၀ ကျည် ၁၀ တောင့်၊ ၁၂ ဗို့ကျည် ၅ တောင့်၊ ကျည်ကာအင်္ကျီ ၈ ထည်၊ လက်ကိုင်ဖုန်း ၂ လုံးတို့ဖြင့် လည်းကောင်း၊ ဒဂုံမြို့သစ်(တောင်ပိုင်း)မြို့နယ်၊ အမှတ်(၆၃)ရပ်ကွက်၊ ရွှေတောင်ကြား (၅)လမ်း၊ အိမ်အမှတ်(၉၆၄၀)၌ ငြိမ်းမောင်(ခ)ငြိမ်းချမ်းအောင် ကို Laptop ၁ လုံး၊ လက်ကိုင်ဖုန်း ၂ လုံး၊ ကွမ်းခြံကုန်းမြို့နယ်၊ ဒရယ်လူးကျေးရွာနှင့် ကော့ဒွန်း ကျေးရွာ အုပ်ချုပ်ရေးမှူးတံဆိပ်တုံး ၂ ခု၊ ရပ်ကွက်အုပ်ချုပ်ရေးမှူးတံဆိပ်တုံး ၂ ခု တို့ဖြင့်လည်းကောင်း ဖမ်းဆီးရမိခဲ့ကြောင်း သိရသည်။

ငြိမ်းမောင်(ခ)ငြိမ်းချမ်းအောင်၏ ထွက်ဆိုချက်အရ ဦးစိုင်းကျော်သူအား ပစ္စတိုဖြင့် ပစ်ခတ်လုပ်ကြံသတ်ဖြတ် ခဲ့သူများဖြစ်သည့် ဇင်မျိုးဦး(ခ)Flash(ခ)သားငယ် ကို ကမာရွတ်မြို့နယ်၊ အင်းစိန်လမ်းနှင့် ဦးထွန်းလင်းခြံလမ်းဆုံတွင် လည်းကောင်း၊ စိုးသူ(ခ)Red(ခ) ကောင်းဝေ ကို မြောက်ဥက္ကလာပမြို့နယ်၊ ရွှေပေါက္ကံမြို့သစ်၊ အမှတ်(၁၁)ရပ်ကွက်၊ ပုလဲ ရွှေဝါလမ်းသွယ်(၂)၊ အိမ်အမှတ်(၆၂၀)တွင် Sig Sauer ပစ္စတို ၁ လက်၊ ၉ မမ ကျည် ၁၁ တောင့်တို့ဖြင့် လည်းကောင်း၊ ဦးစိုင်းကျော်သူကိုလုပ်ကြံသတ်ဖြတ်ရာတွင် စက်ဘီးဖြင့် အခြေအနေကြည့်ရှုပေးသူ မင်းဆက်(ခ)အောင်သူဟန် ကို မြောက်ဥက္ကလာပ မြို့နယ်၊ ရွှေပေါက္ကံမြို့သစ်၊ အမှတ်(၁၁)ရပ်ကွက်၊ ပုဂံလမ်းပေါ်တွင် လည်းကောင်း ထပ်မံဖမ်းဆီးရမိခဲ့ကြောင်း အဆိုပါ ထုတ်ပြန်ချက်တွင် ဖော်ပြထားသည်။

ဇင်မျိုးဦး(ခ)Flash(ခ)သားငယ် ၏ ထွက်ဆိုချက်အရ ဆက်စပ်တရားခံများဖြစ်သည့် ချစ်ကိုကို ကို ဒလမြို့နယ်၊ အံ့ကြီးအနောက်ရပ်ကွက်၊ အနော်ရထာလမ်းမကြီး၊ အိမ်အမှတ်(၇၁၆)တွင် လည်းကောင်း၊ ကျော်လွင်ဦး ကို ဒလမြို့နယ်၊ အံ့ကြီးအရှေ့ရပ်ကွက်၊ ဖိုးရာဇာလမ်း၊ အိမ်အမှတ် (၂၉၉)တွင် လည်းကောင်း အသီးသီး ဖမ်းဆီးရမိခဲ့ကြောင်း၊ထို့အပြင် ဖမ်းဆီးရမိ သူ အာကာထက်ကျော်(ခ)အောင်သုခ၏ ထွက်ဆိုချက် အရ မေလ ၁၄ ရက်တွင် ဆက်စပ်သူပန်းအေး(ခ)ကိုမျိုးကို ရွှေပြည်သာ မြို့နယ်၊ အမှတ်(၁၆)ရပ်ကွက်၊ ရန်ပြေမာန်ပြေသာမဏေစာသင်တိုက်၌ လည်းကောင်း၊ မေလ ၁၆ ရက်တွင် ဆက်စပ်သူ လပြည့်အိမ်(ခ)ကိုရှိုင်းကို မြောက်ဥက္ကလာပ မြို့နယ်၊ (ဃ)ရပ်ကွက်၊ အဝိုင်းမှတ်တိုင်အနီး၌ လည်းကောင်း ထပ်မံဖမ်းဆီးရမိခဲ့ကြောင်း သိရသည်။

ယင်း ဖြစ်စဉ်တွင် ကျူးလွန်ခဲ့သူ ၁၀ ဦးမှာ Yangon Revolution ForceYRF. အဖွဲ့ဝင်များဖြစ်ကြောင်း သတင်းတွင်ဖော်ပြထားပြီး ထိုသူများကို ပစ္စတို ၂ လက်၊ လက်လုပ်သေနတ် ကိုယ်ထည် ၁ ခု၊ လက်ပစ်ဗုံး ၁ လုံး၊ ကျည်မျိုးစုံ ၅၆ တောင့်၊ ကျည်ကာအင်္ကျီ ၈ ထည်၊ ကျေးရွာ အုပ်ချုပ်ရေးမှူးတံဆိပ်တုံး ၂ ခု၊ ရပ်ကွက်အုပ်ချုပ်ရေးမှူးတံဆိပ်တုံး ၂ ခု၊ Laptop ၁ လုံး၊ လက်ကိုင်ဖုန်း ၄ လုံး တို့နှင့်အတူ ဖော်ထုတ်ဖမ်းဆီးရမိခဲ့ခြင်း ဖြစ်ကြောင်း သိရသည်။
အဆိုပါအဖွဲ့သည် ရန်ကုန်မြို့အတွင်း အပြစ်မဲ့ပြည်သူများအား ဒလန်ဟုစွပ်စွဲ၍ လုပ်ကြံသတ်ဖြတ်မှု ၈ ကြိမ် ကျူးလွန်ခဲ့ကြောင်းလည်းသတင်းတွင်ဖော်ပြထားသည်။ ထိုအထဲတွင် ၂၀၂၁ ခုနှစ်၊ နိုဝင်ဘာလ ၄ ရက်တွင် ဇင်မျိုးဦး(ခ)Flash(ခ)သားငယ်သည် ဖမ်းဆီးရန်ကျန်တရားခံများဖြစ်သည့် ဥက္ကာလင်းယံ နှင့် Jameတို့၏စေခိုင်းမှုဖြင့် … မရမ်းကုန်းမြို့နယ်၊ အမှတ်(၇)ရပ်ကွက်၊တေးနုယဉ် လမ်းနေ Mytel ရုံးချုပ်မှ အထွေထွေမန်နေဂျာဦးသိန်းအောင် နှင့် ဇနီးဖြစ်သူ ဒေါ်သိမ့်အောင်သူ တို့အားပစ္စတိုဖြင့် ပစ်ခတ်လုပ်ကြံ သတ်ဖြတ်ခဲ့ကြောင်းလည်း သတင်းထုတ်ပြန်ချက်အရသိရှိရသည်။
ymg/pl
Yangon_Media_Group

Published 21May 2023

မြန်မာနိုင်ငံရဲ့ မိုခါ ဆိုင်ကလုန်းဒဏ်ခံစားနေရတဲ့ ပြည်သူတွေအတွက် အာဆီယံအဖွဲ့ကြီးရဲ့ ပထမဦးဆုံးသော အရေးပေါ်တုန့်ပြန် အကူအညီတွေဟာ မြန်မာနိုင်ငံကို လေယာဉ်နှင့်ရောက်ရှိလာမယ်လို့ အင်ဒိုနီးရှားနိုင်ငံခြားရေးဝန်ကြီးဌာနကပြောတယ်လို့ ခမာတိုင်းမ်သတင်းဌာနက သတင်းဖော်ပြထားပါတယ်။

အင်ဒိုနီးရှားနိုင်ငံခြားရေးဝန်ကြီးဌာနက ထုတ်ပြန်တဲ့ အဆိုပါသတင်းထုတ်ပြန်ချက်မှာ အကူအညီတွေအားလုံးပြင်ဆင်ပြီးဖြစ်လို့ အာဆီယံရဲ့ သဘာဝဘေးအန္တရာယ်အရေးပေါ်ထောက်ပို့စနစ်အောက်က သိုလှောင်ရုံတွေထဲ အဆင်သင့်ရှိနေပြီလို့ဖော်ပြထားပါတယ်။ အဆိုပါသိုလှောင်ရုံတွေထဲမှာ မလေးရှားနိုင်ငံ ဆူဘန်နှင့် ထိုင်းနိုင်ငံ ချိုင်နတ်တို့လည်းပါဝင်ပါတယ်။

“ နောက်ထပ်အကူအညီတွေကို မေ၂၂ ဒါမှမဟုတ် ၂၃မှာ အင်ဒိုနီးရှား၊စင်္ကာပူနှင့် ထိုင်းစစ်တပ်တွေရဲ့ စစ်လေယာဉ်တွေနှင့် ပေးပို့မှာဖြစ်ပါတယ်” လို့ သတင်းထုတ်ပြန်ချက်မှာဖော်ပြထားပါတယ်။

လူသားချင်းဆိုင်ရာအကူအညီနှင့် ဘေးအန္တရာယ်ကူညီကယ်ဆယ်ရေးအကူအညီတွေကို အာဆီယံတပ်မတော်  အဆင်သင့်အုပ်စုကနေတစ်ဆင့် အာဆီယံအဖွဲ့ဝင်နိုင်ငံတွေရဲ့ စစ်လေယာဉ်တွေအသုံးပြုပေးပို့သွားမှာဖြစ်တယ်လို့ လည်းသိရပါတယ်။

ဒီကူညီမှုဟာ အာဆီယံ၂၀၂၃ရဲ့ ဥက္ကဋ္ဌအနေနှင့် အင်ဒိုနီးရှားရဲ့ကတိကဝတ်နှင့်ညီညွတ်ပြီး အာဆီယံနိုင်ငံခြားရေးဝန်ကြီးတွေရဲ့ “ တစ်ခုတည်းသောအာဆီယံ၊တစ်ခုတည်းသောတုန့်ပြန်မှု” ဆိုတဲ့ချည်းကပ်မှုကနေတစ်ဆင့်  မြန်မာနိုင်ငံကို လူသားချင်းစာနာမှုအကူအညီတွေ ပေးအပ်ဖို့ ဆန္ဒတွေကို ဆောင်ကြဉ်းတာဖြစ်တယ်လို့လည်း ဆိုပါတယ်။

အာဆီယံလူသာချင်းစာနာမှုအကူအညီနှင့် သဘာဝဘေးအန္တရာယ်စီမံခန့်ခွဲမှု ညိနှိုင်းဆောင်ရွက်ရေးစင်တာ ((AHA Centre) ရဲ့ အမှုဆောင်ညွှန်ကြားရေးမှူးနှင့် အင်ဒိုနီးရှား၊ဘရူးနိုင်း၊ဖိလစ်ပိုင်၊စင်္ကာပူနှင့်ထိုင်နိုင်ငံတို့က ကိုယ်စားလှယ်တွေဟာ အာဆီယံ အရေပေါ်တုန့်ပြန်မှုနှင့် အကဲဖြတ်အဖွဲ့(ASEAN-ERAT) ၊အာဆီယံ အတွင်းရေးမှူးအဖွဲ့တို့ဟာ အရေးပေါ်တုန့်ပြန်မှုတွေဆောင်ရွက်နိုင်ဖို့ မြန်မာနိုင်ငံကို ရောက်ရှိနေကြပြီလို့လည်း သတင်းမှာဖော်ပြထားပါတယ်။

သူတို့ဟာ မြေပြင်မှာ သတင်းအချက်အလက်တွေကောက်ယူနေပြီး လက်ငင်းအမြန်လိုအပ်တာတွေဘာတွေလဲဆိုတာ အကဲဖြတ်နေကြတယ်လို့လည်း အင်ဒိုနီးရှားနိုင်ငံခြားရေးဝန်ကြီးဌာနကပြောပါတယ်။

#YangonMediaGroup

#Myanmar_Mocha_Cyclone

#မြန်မာ_မိုခါ_ဆိုင်ကလုန်း_အာဆီယံ

#Local_News
Published_ 21 May 2023

အမျိုးသမီး နှစ်ဦးကိုသတ်၍ အလောင်းဖျောက်ဖျက်ခဲ့သည့် စုံတွဲ တစ်တွဲကို မေလ ၂၀ ရက် က ဖမ်းမိပြီဖြစ်ကြောင်း ရဲတပ်ဖွဲ့နှင့် နီးစပ်သည့် အသိုင်းအဝိုင်းက သိရသည်။

လွန်ခဲ့သော ၂၀၂၂ ခုနှစ် အောက်တိုဘာလ ၈ ရက် နံနက်တွင် နေအိမ်မှပျောက်ဆုံးနေသောဧရာဝတီတိုင်းဒေသကြီး၊ဖျာပုံမြို့နယ်၊ဒေါ်ညိမ်းကျေးရွာအုပ်စု၊ဒေါ်ညိမ်းနယ်မြေ၊သရက်တောကျောင်းလမ်း၊အမှတ်(၃)ရပ်ကွက်နေ အသက် ၃၉ နှစ်အရွယ်
မသန်းသန်းမြင့် နှင့် ၂၀၂၂ ခုနှစ် ဒီဇင်ဘာလ ၂၉ ရက်က နံနက်ကပင် ပျောက်ဆုံးနေခဲ့သော ဧရာဝတီတိုင်းဒေသကြီး၊ဖျာပုံမြို့နယ်၊မြို့ကုန်းကျေးရွာအုပ်စု၊ကံစုကျေးရွာတွင်နေထိုင်သည့် အသက် ၂၄ နှစ်အရွယ် မဇင်မျိုးသူ တို့ကို သတ်၍ အလောင်းဖျောက်ကာ လက်ဝတ်လက်စားများကို ယူထားသည့် အမှု မှ ကျူးလွန်သူများကို အထက်ပါအတိုင်း ဖမ်းမိခဲ့ခြင်း ဖြစ်ကြောင်း သိရသည်။

အသက် ၃၉ နှစ်အရွယ် မသန်းသန်းမြင့် ပျောက်ဆုံးနေကြောင်း ခင်ပွန်းဖြစ်သူဦးထွန်းကျော်က ဒေါ်ညိမ်းနယ်မြေရဲစခန်းသို့လူပျောက်တိုင်တန်းခဲ့သည့်အတွက် ဒေါ်ညိမ်းနယ်မြေရဲစခန်းလူပျောက်အမှတ်စဉ်၂/၂၀၂၃အရအမှုဖွင့်လှစ်ကာအခင်းဖြစ်နေအိမ်စစ်ဆေးခြင်း၊မြေပုံကြမ်းရေးဆွဲခြင်း၊မှတ်တမ်းပုံရိုက်ကူးခြင်း၊ပျောက်ဆုံးသူနှင့်အတူ ပါသွားသည့် ရွှေထည်ပစ္စည်းများကိုစစ်မေးခြင်းများပြုလုပ်၍ ဒေါ်ညိမ်းနယ်မြေရဲစခန်းက (ပ)၂၇/၂၀၂၃ ၊ ရာဇသတ်ကြီးဥပဒေပုဒ်မ ၃၀၂အရအမှုရေးဖွင့်စုံစမ်းခဲ့ခြင်း ဖြစ်ကြောင်းသိရသည်။

အလားတူ အသက် ၂၄ နှစ်အရွယ် မဇင်မျိုးသူ ပျောက်ဆုံးနေခဲ့ကြောင်း ဒေါ်ညိမ်းနယ်မြေရဲစခန်းသို့လာရောက်အမှုဖွင့်လှစ်ခဲ့ရာ ဒေါ်ညိမ်းနယ်မြေရဲစခန်းလူပျောက်အမှတ်စဉ်၃/၂၀၂၂ အရစုံစမ်းရှာဖွေလျက်ရှိရာ မဇင်မျိုးသူတွင်လည်း ၎င်းနှင့်အတူပါသွားသောလက်ဝတ်လက်စားများဝတ်ဆင်ထားသည့်အတွက် ယင်းပစ္စည်းများပါ ပျောက်ဆုံးကြောင်း ဒေါ်ညိမ်းနယ်မြေရဲစခန်း(ပ)၂၈/၂၀၂၃ရာဇသတ်ကြီး ပုဒ်မ ၃၀၂ အရအမှုရေးဖွင့်စုံစမ်းခဲ့ခြင်းကြောင်းသိရသည်။

အဆိုပါ အမှု နှစ်ခုလုံးကို စုံစမ်းနေစဉ် မသင်္ကာဖွယ်ရာ များ ဖြစ်ကြသော ဖျာပုံမြို့နယ်၊ဒေါ်ညိမ်းကျေးရွာအုပ်စု၊ခါးပြတ်ကျေးရွာနေသူ အသက် ၂၇ နှစ်အရွယ်ရှိ မျိုးညွန့် ဆိုသူနှင့် ရန်ကုန်တိုင်းဒေသကြီး၊စမ်းချောင်းမြို့နယ်၊ဟုမ်းလမ်းရပ်ကွက် နေ အသက် ၃၆ နှစ်အရွယ် နန်းအေးခမ်း တို့ကို့ဖမ်းဆီးခဲ့ကြောင်းသိရသည်။

အမှုများနှင့် ပတ်သက်၍ စစ်ဆေးမေးမြန်းကြရာတွင် ၂၀၂၂ ခုနှစ် အောက်တိုဘာလ ၈ ရက်က ဒေါ်ညိမ်းကျေးရွာအုပ်စု၊ ဒေါ်ညိမ်းကျေးရွာ(၃)ရပ်ကွက်၊ သရက်တောကျောင်းလမ်း တွင် နေထိုင်ပြီး ဒေါ်ညိမ်းအုပ်စု၊ ခါးပြတ်ကျေးရွာအတွင်း ငါးများလိုက်လံရောင်းချနေသည့် ဒေါ်မြင့်မြင့်သန်း အား နန်းအေးခမ်းမှ ငါးဝယ်မည်ဟု ပြော၍ နေအိမ် အတွင်း ခေါ်ဆောင်ခဲ့ကြောင်း သိရသည်။

ယင်းနောက် နေအိမ်တံခါးပိတ်၍ မျိုးညွန့်မှ မမြင့်မြင့်သန်း ပါးစပ်ပိတ်ချုပ်ကိုင်ထား ပြီး နန်းအေးခမ်းက ဓါးမြှောင်ဖြင့် မမြင့်မြင့်သန်း၏ ဝမ်းဗိုက်၊ ရင်အုံနှင့် လည်ပင်းတို့ကို ထိုးသတ် ၍ ပီနံအိတ်အတွင်းထည့်သွင်းလျက် နေအိမ်နောက်ဖေးခြံဝင်းအတွင်း မြေကျင်းတူး၍ ပစ်ချမြေဖို့ မြှုပ်နှံဖျောက်ဖျက်ထားခဲ့ကြောင်း၊ ယင်းအပြင် မမြင့်မြင့်သန်း၏ ခန္ဓာကိုယ်တွင် ဝတ်ဆင်ထားသည့် ရွှေဆွဲကြိုး၊ ရွှေလက်စွပ်နှင့် ရွှေနားကပ်တို့ကို ဖြုတ်ယူရောင်းချခဲ့ကြောင်း စစ်ဆေးပေါ်ပေါက်၍ ယမန်နေ့ မေလ ၂၀ ရက် နံနက် ၁၀ နာရီ မိနစ် ၅၀ ခန့်က အလောင်းကို ပြန်လည် တူးဖော်ခဲ့ကြောင်း သိရသည်။

အလောင်းပြန်လည် တူးဖော်ရာတွင်ဖျာပုံမြို့နယ်တွဲဘက်တရားသူကြီး(၂)၊ ဒေါ်ခိုင်မွန်အောင်၊ ဒေါ်ညိမ်း တိုက်နယ်ဆရာဝန် ဒေါက်တာငုဝါနိုင်၊ ဖျာပုံမြို့နယ်ရဲတပ်ဖွဲ့မှူး၊ ယာယီရဲမှူး ဌေးနိုင်ဦး၊ ဖျာပုံမြို့ နယ်ထွေအုပ် ဒုဦးစီးမှူး ဦးသီဟန်ထွန်းနှင့်သက်သေ ဒေါ်ညိမ်းကျေးရွာနေ ရာအိမ်မှူး ၊ ခါးပြတ်ကျေးရွာတာဝန်ခံတို့ပါဝင်ခဲ့ကြကြောင်း သိရသည်။

တူးဖော်စစ်ဆေးခဲ့ရာ မမြင့်မြင့်သန်း၏ အလောင်းကို ပီနံအိတ်အတွင်း ထည့်သွင်းထားကြောင်း၊လည်ပင်းထိုးသွင်းဒဏ်ရာ(၂)ချက်၊ ဝဲဘက်ရင်အုံထိုးသွင်းဒဏ်ရာ(၂)ချက်၊ ယာဘက်ရင်အုံ ထိုးသွင်းဒဏ်ရာ(၁)ချက်နှင့် ဝမ်းဗိုက်ထိုးသွင်းဒဏ်ရာ(၁)ချက်တို့ကို စစ်ဆေး တွေ့ရှိရကြောင်း သက်သေ ဦးထွန်းကျော်မှ အလောင်းကို ၎င်း၏ ဇနီး ဒေါ်မြင့်မြင့်သန်းဖြစ်ကြောင်းအတည်ပြုခဲ့ကြောင်း သိရသည်။

ယင်းကြောင့် မျိုးညွန့်နှင့်နန်းအေးခမ်းတိုနှစ်ဦးကို ဒေါ်ညိမ်းနယ်မြေရဲစခန်း(ပ)၂၇/၂၀၂၃ရာဇသတ်ကြီးဥပဒေပုဒ်မ၃၀၂/၃၉၂/၂၀၁/၃၄အရအမှုဖွင့်လှစ်စစ်ဆေးနေကြောင်းသိရသည်။

အလားတူ ပျောက်ဆုံးနေသော မဇင်မျိုးသူ အမှု နှင့် ပတ်သက်၍ မျိုးညွန့် ဆိုသူနှင့် မဇင်မျိုးသူ တို့မှာ သမီးရည်းစားဖြစ်ခဲ့ကြောင်း၊၂၀၂၂ ခုနှစ် ဒီဇင်ဘာလ ၂၉ ရက်က ဒေါ်ညိမ်းနယ်မြေ၊အေးကုန်းကျေးရွာသချိုင်းအနီးချိန်းတွေ့ကြကြောင်း၊နန်းအေးခမ်း က မျိုးညွန့်၏အမအဖြစ်ဟန်ဆောင်ကာလူစောင့်ကြည့်ပေးရန်မနီးမဝေးတွင်ရှိနေကြောင်း၊၎င်းနောက်နန်းအေးခမ်းကမျိုးညွန့်ကိုမျက်စိတစ်ဖက်မှိတ်ပြစဉ်မျိုးညွန့်ကမဇင်မျိုးသူ၏ပါးစပ်ကိုလက်နှင့်ပိတ်ကာသိုင်းချုပ်ထားပြီးနန်းအေးခမ်းကအသင့်ယူဆောင်လာသည့်ဓားမြှောင်နှင့်မဇင်မျိုးသူ၏လည်ပင်း၊ရင်အုံနှင့်ဝမ်းဗိုက်တို့ကိုထိုးသတ်ခဲ့ကြောင်း၊မဇင်မျိုးသူ၏အလောင်းကိုအနီးရှိမြေကျင်းအဟောင်းသို့ပစ်ချမြှပ်နှံကာမဇင်မျိုးသူဝတ်ဆင်ခဲ့သောရွှေဆွဲကြိုးနှင့်ရွှေနားကပ်တို့ကိုဖြုတ်ယူခဲ့ကြောင်း၊စစ်ဆေးပေါ်ပေါက်ခဲ့ကြောင်းလည်း သိရသည်။

ယင်းကြောင့် ယမန်နေ့ မေလ ၂၀ ရက် ညနေ ပိုင်းတွင် ဖျာပုံမြို့နယ်တရားသူကြီး(၂)၊ဒေါ်ညိမ်းတိုက်နယ်ဆရာဝန်၊မြို့နယ်ရဲတပ်ဖွဲ့မှုး၊မြို့နယ်ထွေအုပ်ဒုဦးစီး၊စခန်းမှုးနှင့်သက်သေအချို့လိုက်ပါလျက်မဇင်မျိုးသူ၏အလောင်းကိုတူးဖော်ရာအလောင်းမှာယိရွဲပုပ်ပွနေကြောင်း၊လည်ပင်းအရှေ့မှနောက်အထိထိုးသွင်းဒဏ်ရာများတွေ့ရကြောင်း၊ သွားတက်နှင့်အနီရောင်ကတီပါညှပ်ဖိနပ်နှင့်ဝတ်ဆင်ထားသောအဝတ်ကိုမှတ်မိသဖြင့် မဇင်မျိုးသူဖြစ်ကြောင်းအတည်ပြုကာ လူသတ်ပြီးအလောင်းဖျောက်ဖျက်ကာရွှေထည်ပစ္စည်းများယူဆောင်သူမျိုးညွန့်နှင့်နန်းအေးခမ်းတို့ကိုဥပဒေအရအရေးယူပေးပါရန်တိုင်တန်းခဲ့ကြောင်းသိရသည်။

ယခုအခါ ဒေါ်ညိမ်းနယ်မြေရဲစခန်းတွင် (ပ)၂၈/၂၀၂၃ရာဇသတ်ကြီးဥပဒေပုဒ်မ၃၀၂/၃၉၂/၂၀၁/၃၄အရအမှုရေးဖွင့်ကာအမှုစစ်က တရားလိုနှင့် သက်သေများစစ်ဆေးခြင်း၊ သက်သေခံ ပစ္စည်းသိမ်းဆည်းရန်ဆောင်ရွက်ခြင်း၊ အလောင်းတူးဖော်စစ်ဆေးခြင်း၊ မှတ်တမ်းဓါတ်ပုံရိုက်ယူခြင်း၊ အခင်းဖြစ်ရပ်စစ်ဆေးခြင်းမြပုံကြမ်း ဆွဲခြင်း ပြုလုပ်ကာ အမြန်စွဲတင်ပို့သွားရန် လုပ်ဆောင်နေကြကြောင်း သိရသည်။
ymg/pl
Yangon_Media_Group