#World_Health
Published_ 20 May 2023

လူတစ်ယောက် သွေးပေါင်ချိန်မြင့်တက်လာတာကို သွေးတိုးရောဂါလို့သတ်မှတ်ပါတယ်။

ပုံမှန်သွေးပေါင်ချိန်က ၉၀/၆၀ မီလီမီတာမာကျူရီနဲ့ ၁၂၀/၈၀ မီလီမီတာမာကျူရီကြားရှိကာ ၁၄၀/၉၀ ထက်များရင်တော့ သွေးပေါင်ချိန်တိုးတယ်လို့ သတ်မှတ်ပါတယ်။

သွေးပေါင်ချိန်ကို ပုံမှန်အတိုင်း မထိန်းချုပ်နိုင်ခြင်းကြောင့် နှလုံးဖောက်ခြင်း၊ လေဖြတ်ခြင်းစတဲ့ နှလုံးသွေးကြောရောဂါများ အဓိကဖြစ်ပွားနေရပါတယ်။

သွေးကြောများကျဉ်းသွားတာကြောင့် စီးဆင်းရပိုမိုခက်ခဲလာကာ သွေးပေါင်ချိန်တက်လာပါတယ်။

ဒီကနေ သွေးကြောများထိခိုက်စေကာ နှလုံးဖောက်ခြင်း၊ ဦးနှောက်သွေးကြောပြတ်ခြင်း၊ ကျောက်ကပ်ထိခြင်း၊ အာရုံကြောထိခြင်းတို့ဖြစ်ပေါ်နိုင်ကြောင်း ဖော်တစ်အက်စ်ကော့ဆေးရုံ နှလုံးဌာနမှညွှန်ကြားရေးမှူး ဒေါက်တာ'ဆန်ဂျေးကူမာ'က ဆိုပါတယ်။

သွေးတိုးရောဂါဖြစ်ရတဲ့ အဓိကအကြောင်းအရင်းတွေကတော့ ဆေးလိပ်အလွန်အကျွံသောက်ခြင်း၊ အရက်သောက်ခြင်း၊ ကိုယ်လက်လှုပ်ရှားမှုနည်းပါးခြင်း၊ ကျန်းမာရေးနဲ့မညီညွတ်တဲ့ နေထိုင်စားသောက်မှုပုံစံများကြောင့် ဖြစ်တတ်ပါတယ်။

များသောအားဖြင့် ရောဂါလက္ခဏာမပြတတ်ဘဲ ညနေခင်းမှာ ခေါင်းကိုက်ခြင်း၊ အားစိုက်ရတဲ့အခါ အသက်ရှူကျပ်ခြင်း၊ အရေးအပေါ်အခြေအနေတို့ ဖြစ်တတ်ပါတယ်။

သွေးတိုးရောဂါထိန်းချုပ်နိုင်မယ့် နည်းလမ်းတွေကတော့...

- အငန်လျှော့စားပါ
တစ်နေ့ကို ဆား ၂.၅ - ၃.၀ ဂရမ်အထိ လျှော့ချစားသုံးသင့်တယ်လို့ ဒေါက်တာဆန်ဂျေကူမာက ပြောပြပါတယ်။

- ကိုယ်လက်လှုပ်ရှားပြုလုပ်ပါ
တစ်နေ့တာအတွင်း ခန္ဓာကိုယ်လှုပ်ရှားသွားလာပြီး တက်ကြွအောင်နေထိုင်သင့်ပါတယ်။
တစ်နေ့ကို မိနစ် ၃၀ မျှ လေ့ကျင့်ခန်းလုပ် လမ်းလျှောက်ခြင်းဖြင့် သွေးပေါင်ချိန်ထိန်းသိမ်းထားနိုင်ပါတယ်။

- လုံလောက်စွာအိပ်စက်ပါ
တစ်နေ့ကို ၈ နာရီအိပ်စက်ခြင်းဖြင့် နှလုံးကိုကျန်းမာစေပြီး လေဖြတ်ခြင်းအန္တရာယ်ကိုလျှော့ချပေးပါတယ်။

- အဆင့်ဆင့်ထုပ်ပိုးထားသောစားစရာများ ရှောင်ရှားပါ
ဒီလိုအစားအစာတွေမှာ နှလုံးသွေးကြောရောဂါများဖြစ်စေနိုင်တဲ့ ဆားနဲ့သကြားပါဝင်မှုမြင့်မားပါတယ်။
အချိန်ကြာကြာကြော်ထားတဲ့စားစရာတွေဟာလည်း ဆားနဲ့သကြားတို့ဟာ နေ့စဉ်လိုအပ်ချက်ထက်ပိုမိုများပြားစွာပါဝင်နေပါတယ်။

- ကိုယ်အလေးချိန် ပုံမှန်စစ်ဆေးပါ
ကိုယ်အလေးချိန်တက်လာတာနဲ့အမျှ သွေးပေါင်ချိန်တက်လာနိုင်တာကြောင့် ပုံမှန်လေးစစ်ဆေးသွားဖို့အကြံပြုပါတယ်။

- စိတ်ဖိစီးမှုကိုလျှော့ချပါ
စိတ်ဖိစီးမှုဖြစ်ရခြင်းဟာ နှလုံးရောဂါဖြစ်ခြင်းရဲ့ အဓိကသော့ချက်ပါပဲ။
နှလုံးခုန်နှုန်းရုတ်တရုတ်မြင့်တက်ပြီး သွေးဖိအားများစေပါတယ်။
ဖိစီးမှုနာတာရှည်ဖြစ်လာရင်တော့ သွေးတိုးရောဂါဖြစ်လာစေပါတယ်။

အိမ်မှာပဲမိမိဘာသာ သွေးပေါင်ချိန်တိုင်းတာမယ်ဆိုရင် ကဖင်း၊ အဖျော်ယမကာများ မသောက်ထားရမှာဖြစ်သလို ဆေးလိပ်သောက်ခြင်း၊ မတိုင်းတာခင် မိနစ် ၃၀ အလိုမှာ လေ့ကျင့်ခန်းပြုလုပ်ခြင်းတို့ ရှောင်ရှားရမှာဖြစ်ပါတယ်။
Source: India Today
#World_Health #သွေးပေါင်ချိန်များခြင်း #ဘယ်လိုထိန်းချုပ်ကြမလဲ
#YMG #Yangon_Media_Group

#World_Health
Published_ 20 May 2023

သတင်းဆိုးများသာ ကြည့်ရှုနေရသူတွေထက်စာရင် စိတ်ညစ်စရာသတင်းများ မြင်တွေ့ပြီးနောက် ကြည်နူးစရာသတင်းကောင်းများ မြင်တွေ့ရတဲ့အခါ မကောင်းတဲ့ခံစားချက်များ ပြေလျော့စေပြီး လူသားချင်းစာနာမှုအကျိုးတရားအကြောင်း ပိုမိုယုံကြည်လာစေတယ်လို့ သုတေသီများတွေ့ရှိခဲ့ကြပါတယ်။

စမ်းသပ်ပါဝင်သူပေါင်း ၁,၈၀၀ ကို အဖွဲ့အမျိုးမျိုးခွဲခြားလိုက်ပါတယ်။

အဖွဲ့အားလုံးကို ၁ မိနစ်မှ ၃ မိနစ်ကြားရှိ အမျိုးမျိုးသော သတင်းဆိုး သတင်းကောင်းတွေကို ကြည့်ရှုစေခဲ့ပါတယ်။

သတင်းဆိုးတွေချည်းသာ ကြည့်ရှုရတဲ့သူတွေဟာ မကောင်းတဲ့စိတ်ခံစားချက် သိသိသာသာမြင့်မားလာသလို ကောင်းမွန်တဲ့စိတ်ခံစားချက်တွေ သိသိသာသာလျော့နည်းလာကာ လူ့ဘောင်အဖွဲ့အစည်းအပေါ် အပျက်သဘောခံယူချက် ပိုများလာစေပါတယ်။

သတင်းဆိုးနဲ့ သတင်းကောင်းကြည့်ရတဲ့သူတွေကတော့ မကောင်းတဲ့စိတ်ခံစားချက် အတော်အသင့်လျော့နည်းစေကာ ကောင်းမွန်တဲ့စိတ်ခံစားချက် သိသိသာသာ မြင့်တက်လာစေပါတယ်။
ဒါ့အပြင် လူတွေအပေါ် အပြုသဘောဆောင်တဲ့ အမြင်များသိသိသာသာများလာစေကြောင်းလည်း ဖော်ပြခဲ့ပါတယ်။

စိတ်ပျက်စရာသတင်းတွေကြောင့် စိတ်ခံစားချက်နဲ့ စိတ်ကျန်းမာရေးအပေါ် ဆိုးကျိုးများသက်ရောက်နိုင်ပုံကို သုတေသီများမှတ်တမ်းတင်နိုင်ခဲ့ပါတယ်။

ကိုဗစ်ရောဂါနဲ့ပတ်သက်တဲ့ သတင်းတွေကြောင့် စိတ်ကျန်းမာရေးထိခိုက်စေကာ ပူပန်မှု၊ မျှော်လင့်ချက်ကင်းမဲ့မှု၊ စိုးရိမ်မှု၊ စိတ်ဓာတ်ကျမှုတို့ ဖြစ်စေနိုင်ကြောင်း အကြိမ်ကြိမ်လေ့လာထားပါတယ်။

သတင်းကောင်းတွေက သတင်းဆိုးကြောင့်ခံစားရတာတွေကို သက်သာစေနိုင်တယ်လို့ ယူဆလို့ရနေပါတယ်။

ရယ်မောစရာသတင်းထက်စာရင် ကြင်နာတဲ့လုပ်ရပ်သတင်းတွေဟာ သူများတွေရဲ့ကောင်းကျိုးနဲ့ပတ်သက်ပြီး ယုံကြည်မှုဖြစ်စေတယ်လို့ စမ်းသပ်သူများမှာ တွေ့ရှိရပါတယ်။

သတင်းမီဒီယာတွေအနေနဲ့ အရေးကြီးကိစ္စရပ်များအတွက် ပိုပြီးတော့ အပြုသဘောဆောင်ပြီး ဖြေရှင်းပေးဖို့ဦးတည်နေတဲ့ အသုံးအနှုန်းများဖြင့် ထည့်သွင်းဖော်ပြဖို့မျှော်လင့်ကြောင်း သုတေသီများကဆိုပါတယ်။

အဆိုးထဲကနေ ကောင်းတာတွေကို ရွေးထုတ်နိုင်မယ့် သတင်းတွေဖော်ပြခြင်းဖြင့် ကမ္ဘာကြီးနဲ့လူသားတွေက အခြေခံအားဖြင့် ကောင်းမွန်တယ်လို့ သိရှိစေကာ ဒါဟာစိတ်ကျန်းမာရေးကောင်းမွန်ဖို့အတွက် အရေးကြီးတဲ့အစိတ်အပိုင်းဖြစ်နေပါတယ်လို့ နိဂုံးချုပ်ဖော်ပြသွားပါတယ်။
Source: The Jerusalem Post.
#YMG #Yangon_Media_Group

#Local_News
Published_ 19 May 2023

မိုခါမုန်တိုင်းဒဏ်သင့်ခဲ့တဲ့ ရခိုင်ပြည်နယ်ကို လေကြောင်းခရီးစဉ်တွေ ပုံမှန်ပြန်လည်ပြေးဆွဲနေပြီဖြစ်တယ်လို့ နစကရဲ့ သတင်းထုတ်ပြန်ချက်အရ သိရပါတယ်။

#Local_News #မိုခါမုန်တိုင်းဒဏ်သင့်ခဲ့တဲ့ရခိုင်ဒေသ #လေကြောင်းခရီးစဉ်များ
#YMG #Yangon_Media_Group

#World_Exhibition
Published_ 19 May 2023

ကမ္ဘာကြီးပူနွေးလာမှု အန္တရာယ်များကို နားလည်စေချင်ရုံသာမက တစ်ဦးချင်းစုပေါင်းလုပ်ဆောင်ရမယ့်အရာများကို သိရှိစေမည့် ရာသီဥတုအရေးပေါ်ပြခန်းအသစ်ကို ပဲရစ်မြို့ရှိ ဆီတဲဒက်စ်ဆိုင်းယန့်စ်မှာ အင်္ဂါနေ့က ဖွင့်လှစ်လိုက်ပါတယ်။

#World_Exhibition #ရာသီဥတုပြောင်းလဲမှု #ရာသီဥတုအရေးပေါ်ပြခန်းကြီး# ပဲရစ်တွင်ဖွင့်လှစ်ပြသ #YMG #Yangon_Media_Group

#Local_News
Published_ 19 May 2023

မိုခါမုန်တိုင်းကြောင့် ထိခိုက်ပျက်စီးမှုတွေကိုထပ်မံစစ်ဆေးခဲ့ရာမေလ(၁၈)ရက်အထိစာရင်းတွေအရ ဒေသ(၁၁)ခုတွင် ဒေသခံပြည်သူ(၅၄)ဦးသေဆုံးခဲ့ပြီးရခိုင်ပြည်နယ်မှာသေဆုံးသူ(၁၄၅)ဦးအထိရှိလာသလို လူနေအိမ်နဲ့အဆောက်အဦ(၁)သိန်း(၈)သောင်း (၆)ထောင်ကျော်ထိခိုက်ပျက်စီးခဲ့တယ်လိုနစကရဲ့ထုတ်ပြန်ချက်အရသိရပါတယ်၊၊

#Local_News #မိုခါမုန်တိုင်း #ဒေသခံပြည်သူ #လူနေအိမ်နှင့်အဆောက်အဦး
#YMG #Yangon_Media_Group

#Local_News
Published_ 19 May 2023

ကျန်းမာရေးဝန်ကြီးဌာနရဲ့ မေ ၁၈ရက်နေ့ည၈နာရီထုတ်ပြန်ချက်အရ ပြည်တွင်းမှာ ဓာတ်ခွဲနမူနာ ၈၄၂၃ ဦးကိုဓာတ်ခွဲစစ်ဆေးခဲ့ရာ ကိုဗစ်(၁၉)လူနာသစ် ၁၃၃ ဦး ထပ်မံတွေ့ရှိခဲ့ကြောင်း ထုတ်ပြန်ချက်အရသိပါတယ်။

#Local_News #ကိုဗစ်လူနာသစ်၁၃၃ ဦး
#YMG #Yangon_Media_Group

#Local_New
Published_ 19 May 2023

ယခု တစ်ပတ်ဈေးကွက်အတွင်း စက်သုံးဆီဈေးမှာ နှုန်းထားတစ်ရာဝန်းကျင် ပြန်ဈေးတက်လာပြီး ၉၂တစ်လီတာလျှင် ၁၉၈၅အထိ ရောက်ရှိလာကြောင်း ယနေ့ဈေးနှုန်း ထုတ်ပြန်ချက်များအရ သိရပါတယ်။

#Local_New #စက်သုံးဆီဈေးနှုန်း #၂၀၀၀ဝန်းကျင်
#YMG #Yangon_Media_Group

#Daily_News
Published_ 19 May 2023

၁။ စက်သုံးဆီဈေးနှုန်း ၂၀၀၀ဝန်းကျင်သို့ ပြန်တက်လာ

၂။ မြန်မာတွင် ကိုဗစ်လူနာသစ် ၁၃၃ ဦး ထပ်တွေ့ရှိ

၃။ မိုခါမုန်တိုင်းကြောင့် ဒေသ(၁၁)ခုတွင်ဒေသခံပြည်သူ(၅၄)ဦးသေဆုံး၊လူနေအိမ်နှင့်အဆောက်အဦး(၁)သိန်း(၈)သောင်းကျော် ထိခိုက်ပျက်စီးခဲ့ ၊ရခိုင်တွင်သေဆုံးသူ(၁၄၅)ဦးအထိရှိလာ

၄။ ရာသီဥတုပြောင်းလဲမှုကို နားလည်စေရန် နှင့် ထိန်းသိမ်းနိုင်ရန် ရည်ရွယ်သည့် ရာသီဥတုအရေးပေါ်ပြခန်းကြီးအား ပဲရစ်တွင်ဖွင့်လှစ်ပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 19 May 2023

ကမ္ဘာ့ရွှေပေါက်စျေးဟာ မေလ ၁၉ရက်နေ့ မနက်ပိုင်းမှာ တစ်အောင်စကို ၁၉၆၇ ဒေါ်လာပေါက်စျေးရှိနေပြီး စျေးအနည်းငယ်ကျဆင်းလာတယ်လို ရန်ကုန်ရွှေလုပ်ငန်းရှင်တွေကပြောပါတယ်။ရန်ကုန်တိုင်းရွှေအသင်းကတော့ ၂၃သိန်း၁သောင်းကျော်ရည်ညွှန်းသတ်မှတ်ထားပါတယ်။

#Local_News #ကမ္ဘာ့ရွှေစျေး #ဒေါ်လာပေါက်စျေး #ပြင်ပရွှေပေါက်စျေး
#YMG #Yangon_Media_Group

#Local_News
Published_ 19 May 2023

တောင်ငူထောင်(သီးသန့်) တရားရုံး၌ရုံးထုတ်စစ်ဆေးစဉ်အချုပ်သားများက သေနတ် ၂ လက်လုယူထွက်ပြေးမှု ဖြစ်ပွားခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ချက်အရ သိရသည်။

မေလ ၁၈ ရက် ညညနေ ၃ နာရီချိန်ခန့်တွင် တောင်ငူမြို့အမှတ်(၇)ရပ်ကွက် တောင်ငူအကျဉ်းထောင်ဝင်ပေါက်၏တောင်ဘက် လမ်းတစ်ဖက်ခြမ်းရှိ(သီးသန့်) တရားရုံး၌ လုံခြုံရေးတပ်ဖွဲ့ဝင်အစောင့်အရှောက်များလိုက်ပါလျက် အမျိုးသား ၃၄ ဦး၊ အမျိုးသမီး ၇ ဦးတို့အား ရုံးထုတ်စစ်ဆေးစဉ် ယင်းအထဲမှ အမျိုးသား ၉ ဦးနှင့် အမျိုးသမီး ၁ ဦးတို့က ယာယီအချုပ်ခန်းတံခါးကို တွန်းဖွင့်ကာ လုံခြုံရေးအဖွဲ့ထံမှ သေနတ် ၂ လက် လုယူထွက်ပြေးသွားခဲ့ခြင်း ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ယခုအခါ လုံခြုံရေးတပ်ဖွဲ့ဝင်များက ပိတ်ဆို့ရှာဖွေခြင်းများဆောင်ရွက်လျက်ရှိကြောင်း နစက သတင်းထုတ်ပြန်ရေးအဖွဲ့က ထုတ်ပြန်ရာတွင် ဖော်ပြထားသည်။
#ymg/pl
#YMG #Yangon_Media_Group

#Local_News
Published_ 19 May 2023

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ထံ မြန်မာနိုင်ငံဆိုင်ရာကမ္ဘောဒီးယားနိုင်ငံသံအမတ်ကြီး သံအမတ်ခန့်အပ်လွှာကို ပေးအပ်ခဲ့ကြောင်း သိရသည်။

ယနေ့ မေလ ၁၉ ရက် နံနက်က ယနေပြည်တော်ရှိ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး၊ သံတမန်ဆောင်ဧည့်ခန်းမ၌ မြန်မာနိုင်ငံဆိုင်ရာ ကမ္ဘောဒီးယားနိုင်ငံအမတ်ကြီးအဖြစ် ခန့်အပ် ရန် သဘောတူညီပြီးဖြစ်သော သံအမတ်ကြီး H.E. Mr. CHUM Angvichet က ၎င်း၏သံအမတ်ခန့်အပ်လွှာကို ပေးအပ်ခဲ့ခြင်း ဖြစ်ကြောင်း သိရသည်။

ကမ္ဘောဒီးယားနိုင်ငံအနေဖြင့် မြန်မာနိုင်ငံဘက်မှရပ်တည်နေမှုနှင့် မြန်မာနိုင်ငံ၏ တည်ငြိမ်အေးချမ်းရေး ဖော်ဆောင်နေမှုအပေါ် ကမ္ဘောဒီးယားနိုင်ငံမှ ယုံကြည်မှုရှိသည့်အခြေအနေများ၊ နှစ်နိုင်ငံသံတမန် ဆက်ဆံရေး၊ ချစ်ကြည်ရင်းနှီးမှု နှင့် ပူးပေါင်းဆောင်ရွက်မှုများ တိုးမြှင့်ဆောင်ရွက်သွားမည့် ကိစ္စများ၊ မြန်မာနိုင်ငံ တွင်ကိုဗစ် - ၁၉ ရောဂါ ဖြစ်ပွားချိန်၌ ကမ္ဘောဒီးယားနိုင်ငံမှ အကူအညီများပေးခဲ့မှုနှင့် ကိုဗစ်- ၁၉ ကာကွယ်ဆေးများ ထပ်မံပေးအပ်သွားမည့် အခြေအနေ၊ နှစ်နိုင်ငံခရီးသွား လုပ်ငန်းများ ဖွံ့ဖြိုးတိုးတက်ရေးအတွက် လေကြောင်းတိုက်ရိုက်ပျံသန်းပြေးဆွဲမှုတိုးချဲ့ ရေးကိစ္စ၊ သာသနာရေး၊ ပညာရေးနှင့် ကုန်သွယ်မှုကဏ္ဍများတွင် ပူးပေါင်း ဆောင်ရွက်မှုများ မြှင့်တင်ဆောင်ရွက်သွားမည့် ကိစ္စရပ်များကိုလည်း ဆွေးနွေးခဲ့ကြကြောင်း သိရသည်။
ymg/pl
#YMG #Yangon_Media_Group

#Local_News
Published_ 19 May 2023

ဆိုင်ကလုန်းမုန်တိုင်း မိုခါ သဘာဝဘေးအန္တရာယ်သင့်ခဲ့သည့် ဒေသများရှိ ပြည်​ပြည်သူများအတွက် ဂျပန်နိုင်ငံရောက် မြန်မာနိုင်ငံသားများနှင့် စေတနာရှင်များက စုပေါင်းလှူဒါန်းငွေ ယန်း ၂၁၃၈၅၀၀(ယန်း ၂သန်း ၁သိန်း ၃သောင်း ၈ထောင့်ငါးရာ)ကို နိုင်ငံခြားရေးဝန်ကြီးဌာနမှတစ်ဆင့်ပေးပို့လှူဒါန်းသွားမည်ဖြစ်ကြောင်း တိုကျိုမြို့ မြန်မာသံရုံးက သိရသည်။

အလွန့်အလွန်အားကောင်းသော ဆိုင်ကလုန်းမုန်တိုင်း မိုခါ (Mocha) သည် မြန်မာနိုင်ငံ အတွင်းသို့ ရခိုင်ပြည်နယ်၊ စစ်တွေမြို့အနီးမှ ဖြတ်ကျော်ဝင်ရောက်ခဲ့သဖြင့် ထိခိုက်ပျက်စီး ဆုံးရှုံးမှုများ ဖြစ်ပေါ်ခဲ့ကာ ရခိုင်ပြည်နယ်အတွင်းရှိ မြို့နယ် ၁၇ မြို့နယ်၊ ချင်းပြည်နယ်အတွင်းရှိ မြို့နယ် ၄ မြို့နယ်ကို သဘာဝဘေးအန္တရာယ် ကျရောက်သော ဒေသများအဖြစ် သတ်မှတ် ကြေညာထားသည်။

အဆိုပါသဘာဝဘေးအန္တရာယ်သင့်ခဲ့ရသည့် ဒေသများရှိ ပြည်သူများအတွက် ကူညီ ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် မြန်မာသံရုံး၊ တိုကျိုမြို့ရှိ သံအမတ်ကြီးနှင့် သံရုံးဝန်ထမ်းများ၊ နာဂိုယာမြို့နှင့် ကိုဘေးမြို့များရှိ မြန်မာ ဂုဏ်ထူးဆောင်ကောင်စစ်ဝန်များ၊ ဂျပန်စီးပွားရေးကုမ္ပဏီများ၊ ဂျပန်နိုင်ငံရောက် မြန်မာ နိုင်ငံသား စေတနာရှင်များ၊ ဂျပန်နိုင်ငံသားစေတနာရှင်များ၊ ဂျပန်နိုင်ငံရှိတက္ကသိုလ်အသီးသီး တွင် ပညာသင်ကြားနေကြသော အစိုးရပညာတော်သင်များမှ စုပေါင်းလှူဒါန်းငွေ ယန်း ၂,၁၃၈,၅၀၀ (ယန်း နှစ်သန်းတစ်သိန်း သုံးသောင်းရှစ်ထောင့်ငါးရာ) အား အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီသို့ နိုင်ငံခြားရေးဝန်ကြီးဌာနမှတစ်ဆင့် ပေးပို့ လှူဒါန်းသွားမည် ဖြစ်ကြောင်း သံရုံးထုတ်ပြန်ချက်တွင်ပါရှိသည်။
 
ယင်းအ​ပြင်စေတနာရှင်များ၏ ထပ်မံထည့်ဝင်လှူဒါန်းငွေများ ရရှိလာပါကလည်း ဆက်လက်ပေးပို့ လှူဒါန်းသွားမည် ဖြစ်ကြောင်းလည်း ပါရှိသည်။
#ymg/pl
#Yangon-Media-Group