#Local_News
Published_ 18 May 2023

သီပေါမြေငလျင်စခန်းမှ အရှေ့မြောက်ဘက် (၉၄) မိုင်ခန့်အကွာ၊ မြန်မာနိုင်ငံ ပြည်တွင်း (ကွမ်းလုံမြို့၏ အနောက်တောင်ဘက် (၉) မိုင်ခန့်အကွာ) မြောက်လတ္တီတွဒ် (၂၃.၂၉) ဒီဂရီ၊ အရှေ့လောင်ဂျီတွဒ် (၉၈.၅၉)ဒီဂရီ၊ အနက် (၉) ကီလိုမီတာကို ဗဟိုပြု၍ အင်အားရစ်(ခ်) တာစကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်းမိုးဇလကထုတ်ပြန်ထားပါတယ်။

#Local_News #ကွမ်းလုံမြို့ #ငလျင်လှုပ်ခတ်
#YMG #Yangon_Media_Group

#Local_News
Published_ 18 May 2023

ဟောင်ကောင်တွင်ကျင်းပမည့်အာဆီယံရုပ်ရှင်ပွဲတော်Asean Film Festival၌ပါဝင်ရန် မြန်မာရုပ်ရှင်ဖန်တီးထုတ်လုပ်သူများကိုဖိတ်ခေါ်ထားကြောင်း မြန်မာနိုင်ငံရုပ်ရှင်အစည်းအရုံးမှသိရသည်၊၊

ယင်းပွဲတော်ကို ဟောင်ကောင်အထူးအုပ်ချုပ်ရေး ဒေသ၌၂၀၂၃ဇွန်လမှသြဂုတ်လအတွင်း တစ်လကြာ ကျင်းပမည်ဖြစ်သည်၊၊

အဆိုပါအစီအစဉ်တွင် မြန်မာနိုင်ငံမှရုပ်ရှင်ဇာတ်ကားများ၊ဇာတ်လမ်းတိုရုပ်ရှင်များ ပါဝင်ပြသခြင်းဖြင့် တရုတ်-ဟောင်ကောင်နှင့်အာဆီယံဒေသအကြား မျှဝေခံစားခြင်းနှင့် ယဉ်ကျေးမှုဖလှယ်ခြင်းတို့ကို တိုးမြှင့်နိုင်မည်ဖြစ်သကဲ့သို့ မြန်မာရုပ်ရှင်ဖန်တီးသူများ အတွက်လည်း ဈေးကွက်ချိတ်ဆက်ထိုးဖောက်ရန် အလွန်ကောင်းမွန်သောအခွင့်အလမ်းဖြစ်ကြောင်း သိရသည်၊၊

ဟောင်ကောင် အာဆီယံဖောင်ဒေးရှင်းသည် အာဆီယံဒေသတွင်းနိုင်ငံများမှ ဖန်တီးထားသည့် အကြောင်းအရာအမျိုးမျိုး ရုပ်ရှင်ဇာတ်ကားများပြသခြင်း၊ထင်ရှားသူများပါဝင်သည့် ရုပ်ရှင်စကားဝိုင်းများ၊ ရုပ်ရှင်ပွဲဦးထွက်ပြသခြင်းများ၊VIP Screening များပါဝင်ကျင်းပသွားမည်ဖြစ်သည်၊၊

ဟောင်ကောင်တွင်ကျင်းပမည့် Asean Film Festival သို့ပါဝင်ဆင်နွဲရန်စိတ်ဝင်စားသည့် မြန်မာရုပ်ရှင်ဖန်တီးထုတ်လုပ်သူများသည် မြန်မာနိုင်ငံရုပ်ရှင်အစည်းအရုံး၊နိုင်ငံတကာဆက်ဆံရေးကော်မတီသို့ ဇွန်လ(၁၀)ရက်နောက်ဆုံးထားပြီး စာရင်းပေးဆက်သွယ်ကြရန်အသိပေးကြေညာထားကြောင်း သိရသည်၊၊
ymg/tthl
#YMG #Yangon_Media_Group

#Local_News
Published_ 18 May 2023

မေလ(၁၈)ရက်မှစပြီးရန်ကုန် - စစ်တွေ - ရန်ကုန် ပုံမှန်လေကြောင်းခရီးစဉ်ကို မြန်မာအမျိုးသားလေ ကြောင်းနှင့် အပြည်ပြည်ဆိုင်ရာမြန်မာလေကြောင်းတို့မှ ပြေးဆွဲပေးလျက်ရှိကြောင်း သိရသည်၊၊

ရခိုင်ပြည်နယ်အတွင်းရှိ သံတွဲ၊ ကျောက်ဖြူ၊ အမ်း လေဆိပ်များသို့လည်း လေကြောင်းလိုင်းများက ပုံမှန်ခရီးစဉ်များ ပြေးဆွဲပေးလျက်ရှိသည်ဟုဆိုသည်၊၊

မိုခါမုန်တိုင်းတိုက်ခတ်မှုကြောင့် ပျက်စီးဆုံးရှုံးမှုများ ဖြစ်ပေါ်ခဲ့သည့် ရခိုင်ပြည်နယ်သို့ ကူညီကယ်ဆယ်ရေး ပစ္စည်းများ ပေးပို့နိုင်ရေး၊ ပြန်လည်ထူထောင်ရေးလုပ်ငန်းများ ဆောင်ရွက်ရာတွင် အထောက်အပံ့ဖြစ်စေရေးနှင့် ပြည်သူများ ခရီးသွားလာမှု လွယ်ကူချောမွေ့စေရေးအတွက် ပျက်စီးဆုံးရှုံးမှုများစွာရှိခဲ့သည့် စစ်တွေလေဆိပ်ကို မေ ၁၅ ရက်တွင် ဌာနအကြီးအကဲနှင့်အတူ တာဝန်ရှိသူများ စေလွှတ်၍ လိုအပ်သည်များ အမြန်ဆုံး ပြန်လည်ပြင်ဆင်စေခဲ့ပြီး မေလ(၁၈)ရက်တွင် ပုံမှန်ပြန်လည်ပြေးဆွဲပေးလျက်ရှိကြောင်းသိရသည်၊၊
ymg/tthl
#Local_News #ရခိုင်ပြည်နယ် #လေကြောင်းခရီးစဉ် #ပုံမှန်ပြေးဆွဲလျက်ရှိ
#YMG #Yangon_Media_Group

#Asia_Politics
Published_ 18 May 2023

နိုင်ငံတော်မှ ဒေါ်လာဘီလီယံဝက်ကျော်ဆုံးရှုံးမှု ဖြစ်စေခဲ့တဲ့ အကျင့်ပျက်ခြစားမှုစွဲချက်ဖြင့် အကြီးတန်းအစိုးရဝန်ကြီးတစ်ဦးကို အင်ဒိုနီးရှားအာဏာပိုင်များက မေလ ၁၇ ရက်နေ့မှာ ဖမ်းဆီးခဲ့ပါတယ်။

ယခုစွဲချက်တင်ခံရတဲ့ 'ဂျွန်နီဂျီပလိတ်'ဟာ သမ္မတ'ဂျိုကိုဝီဒိုဒို'အစိုးရလက်ထက်မှာ အကျင့်ပျက်ခြစားမှုဖြင့် တရားစွဲဆိုခံရတဲ့ ၅ ဦးမြောက်ဝန်ကြီးဖြစ်လာပါတယ်။

မကြာသေးမီ ၂၀၂၁ က လူမှုဝန်ကြီးနဲ့ ငါးမွေးမြူရေးဝန်ကြီးတို့ဟာလည်း အဂတိမှုဖြင့် ထောင်ဒဏ်ကျခံခဲ့ရပါတယ်။

ဂျွန်နီရဲ့ဝန်ကြီးဌာနက ကျေးရွာပေါင်းထောင်ချီဆီသို့ အင်တာနက်ရောက်ရှိစေရမယ်လို့ ၂၀၂၀ ကဆိုခဲ့ကာ ဆက်သွယ်ရေးတာဝါတိုင်ထောင်ချီတည်ဆောက်ရေးအတွက် လိုအပ်တဲ့ပစ္စည်းကိရိယာများဝယ်ယူမှုမှာ ပါဝင်ပတ်သက်နေတဲ့အတွက် ဂျွန်နီကိုဖမ်းဆီးခဲ့တာဖြစ်ကြောင်း ရှေ့နေချုပ်ရုံး(AGO)က ပြောကြားခဲ့ပါတယ်။

ဂျွန်နီဟာ ဝန်ကြီးတစ်ဦးအနေနဲ့ အသုံးစရိတ်သုံးစွဲသူအဖြစ် ဖမ်းဆီးခံခဲ့ရကြောင်း AGO အရာရှိ'ကွန်တာဒီ'က ပြောကြားခဲ့ပါတယ်။

ဝန်ကြီးဟာ အမြင့်ဆုံးပြစ်ဒဏ်အဖြစ် ထောင်ဒဏ်တစ်သက်တစ်ကျွန်း ကျစေနိုင်တဲ့ အင်ဒိုနီးရှားအကျင့်ပျက်ခြစားမှုဥပဒေကို ချိုးဖောက်တယ်လို့ စွပ်စွဲခံရတာဖြစ်ကြောင်း နောက်ထပ်အရာရှိတစ်ဦးဖြစ်တဲ့ 'ကတွတ်စူမယ်ဒါနာ'က ပြောပြလိုက်ပါတယ်။

ဖမ်းဆီးမှုနဲ့ပတ်သက်ပြီး ဆက်သွယ်ရေးဝန်ကြီးဌာနက တရားစီရင်ရေးလုပ်ငန်းစဉ်များအတိုင်း လိုက်နာဆောင်ရွက်မှာဖြစ်ပြီး ဒီကိစ္စကြောင့် အများပြည်သူဝန်ဆောင်မှုများကို အနှောင့်အယှက်ဖြစ်စေမှာမဟုတ်ကြောင်း ထုတ်ပြန်လိုက်ပါတယ်။

ဒီဖမ်းဆီးမှုနဲ့ပတ်သက်ပြီး မထင်မှတ်ထားခဲ့ကြောင်း သမ္မတရုံးကပြောကြားလိုက်ပါတယ်။

"သမ္မတက အရာရှိတွေအနေနဲ့ ဂရုတစိုက်လုပ်ကိုင်ဆောင်ရွက်ကြဖို့ မကြာခဏ သတိပေးလေ့ရှိတယ်" လို့ သမ္မတရုံးမှ အရာရှိတစ်ဦးကဆိုပါတယ်။

ဝန်ကြီးရဲ့ရှေ့နေတစ်ဦးကတော့ ဒီကိစ္စနဲ့ပတ်သက်ပြီး မှတ်ချက်ပြုခြင်းမရှိသေးပါဘူး။

ယခုစွပ်စွဲထားတဲ့ အကျင့်ပျက်ခြစားမှုမှာ နိုင်ငံတော်အတွက် ၈ ထရီလီယံရူပီး (ဒေါ်လာ ၅၄၄ သန်း)ဆုံးရှုံးမှုရှိခဲ့ကြောင်း AGO က ထုတ်ဖော်ခဲ့ပါတယ်။

ကမ္ဘာလုံးဆိုင်ရာအဂတိလိုက်စားမှု စောင့်ကြည့်ရေးအဖွဲ့ Transparency International ရဲ့အဆိုအရ အင်ဒိုနီးရှားဟာ ပြီးခဲ့တဲ့နှစ်က အကျင့်ပျက်ခြစားမှုညွှန်းကိန်း ၄ မှတ်ကျဆင်းသွားပြီး နိုင်ငံပေါင်း ၁၈၀ မှာ ၁၁၀ နေရာအထိ ရောက်ရှိလာပါတယ်။
Source: CNA
#Asia_Politics #အင်ဒိုနီးရှားဆက်သွယ်ရေးဝန်ကြီး #အဂတိလိုက်စားမှု
#YMG #Yangon_Media_Group

#Local_News
Published_ 18 May 2023

 လူမရှိတဲ့အိမ်ထဲ သံတိုသံစဝင်ကောက်တဲ့ အမျိုးသား ၁ဦး ဓာတ်လိုက်သေဆုံးမှု မန္တလေးမှာ ဖြစ်ပွားခဲ့တယ်လို့ လောကပါလလူမှုကူညီအသင်းက ပြောပါသည်။

မန္တလေး၊ ပြည်ကြီးတံခွန်မြို့နယ်၊ ၆၃ လမ်း၊ ၁၃၃ လမ်းနဲ့ ၁၃၄ လမ်းကြားက၊ လူနေထိုင်ခြင်းမရှိတဲ့ အိမ်တစ်အိမ်ထဲမှာ မေလ ၁၇ရက်နေ့က ဖြစ်ပွါးခဲ့သည်။

လူမရှိသောနေအိမ်တစ်အိမ်အတွင်းတွင် လူတစ်ဦးသေဆုံးနေကြောင်း အကြောင်းကြားလာသဖြင့် လောကပါလအသင်းမှ သွားရောက်ခဲ့ရာ သေဆုံးသူမှာ သံတိုသံစဝင်ကောက်ရာမှ ဓာတ်လိုက်သေဆုံးခြင်းဖြစ်ပြီး အိမ်ပိုင်ရှင်မှ အမှုမဖွင့်တော့သဖြင့် ၎င်းအား နေအိမ်သို့ ပို့ဆောင်ကူညီခဲ့တယ်လို့ သိရပါသည်။
ymg/ppk
#YMG #Yangon_Media_Group

#Local_News
Published_ 18 May 2023

မိုခါမုန်တိုင်းသင့် ရခိုင်ပြည်နယ်မြောက်ပိုင်းတစ်ခုလုံး မေလကုန်တွင် လျှပ်စစ်ဓာတ်အား ပြန်လည်ရရှိနိုင်ရေး လုပ်ဆောင်နေကြောင်း လျှပ်စစ်စွမ်းအားဝန်ကြီးဌာနက သိရသည်။

ယခုအခါ မိုခါမုန်တိုင်းကြောင့် ပျက်စီးသွားခဲ့သည့် လျှပ်စစ်ဓာတ်အားလိုင်းများကို ပြန်လည်ပြုပြင်ရန်ကျွမ်းကျင်ဝန်ထမ်း တစ်ထောင် ကျော် စေလွှတ်၍ ဆောင်ရွက်လျက်ရှိကြောင်း၊ရခိုင်ပြည်နယ် မြို့တော် စစ်တွေမြို့၌ ရခိုင်ပြည်နယ်မြောက်ပိုင်း ဒေသများသို့ လျှပ်စစ်ဓာတ်အားပို့လွှတ်ပေးနေသည့် ပျက်စီးသွားသော၂၃၀ ကေဗွီ အမ်း-မြောက်ဦး- ပုဏ္ဏားကျွန်း မဟာဓာတ်အားလိုင်းတာဝါတိုင် (၁၂) တိုင် အပါအဝင် လျှပ်စစ်ဓာတ်အား ဖြန့်ဖြူးရေးလိုင်း ပျက်စီးမှုများအတွက် ပြုပြင်နေကြပြီ ဖြစ်ကြောင်း သိရသည်။

ယင်းအပြင် မဟာဓာတ်အားလိုင်းများ ပြန်လည်တည်ဆောက်ခြင်း လုပ်ငန်းများကို ကျွမ်းကျင် ဝန်ထမ်းအင်အား ၄၂၀ က စစ်တွေ ၊ မြောက်ဦး၊ ပုဏ္ဏားကျွန်းမြို့နယ် အသီးသီးဖြန့်ခွဲ၍လည်းကောင်း၊ရှမ်းပြည်နယ် (တောင်ပိုင်း) ၊ ရှမ်းပြည်နယ် (မြောက်ပိုင်း) ၊ နေပြည်တော် ၊ ရန်ကုန် ၊ မန္တလေး ၊ မကွေး ၊ ဧရာဝတီ တိုင်းဒေသကြီးများမှ စုဖွဲ့ထားသော ကျွမ်းကျင်ဝန်ထမ်း အင်အား ၆၀၀ ဖြင့် စစ်တွေမြို့အတွင်း ပြန်လည်တည်ဆောက်ခြင်း လုပ်ငန်းများကို လည်းကောင်း အသီးသီး ဆောင်ရွက်လျက်ရှိကြောင်း သိရသည်။

ပြင်ဆင်ခြင်း လုပ်ငန်းများကို အချိန်မီ ပြုပြင် ပြင်ဆင်ရာတွင် လိုအပ်သော ထရန် စဖော်မာများ၊ ဓာတ်အားခွဲရုံသုံး ဆက်စပ်ပစ္စည်းများဖြစ်သည့် တန်ချိန် (၆၉) တန်ရှိ တာဝါ သံဘောင်များ ၊ ကွန်ကရစ်တာဝါတိုင် (၃၅၀၀) တိုင် နှင့် အိမ်မိုးသွပ် (၁၅၀၀) ချပ် ၊ မီးစက်များ ၊ စက်သုံးဆီများ အား တပ်မတော်ရေယာဉ်များဖြင့် လည်းကောင်း ၊ မင်းပြားဒေသရှိ ကွန်ကရစ်တိုင် (၂၀၀၀)ကို စစ်တွေဒေသသို့ မော်တော်ယာဉ်များဖြင့် လည်းကောင်း ၊ အခြားဆက်စပ် အသုံးပြုရန် လိုအပ်သည့် ထရန်စဖော်မာများ ၊ ကြိုးများ ၊ ကြွေသီးများ ၊လိုင်းဆွဲသားရာတွင် အသုံးပြုသည့် ယန္တရားများကို မော်တော်ယာဉ် (၁၂)စီးဖြင့် လည်းကောင်း အသီးသီးပို့ဆောင်ပေးလျက်ရှိကြောင်း သိရသည်။

၎င်းအပြင် ကျန်ရှိသော ပစ္စည်းများကိုလည်း မော်တော်ယာဉ်များဖြင့် ဆက်လက်ပို့ဆောင်လျက်ရှိကြောင်း လျှပ်စစ်စွမ်းအား ဝန်ကြီးဌာနက သိရသည်။

ymg/pl
#Local_News #မိုခါမုန်တိုင်း #ရခိုင်ပြည်နယ်မြောက်ပိုင်း #လျှပ်စစ်ဓာတ်အား
#YMG #Yangon_Media_Group

#World_Science
Published_ 18 May 2023

အင်္ဂါဂြိုဟ်ဟာ နီမြန်းတဲ့အသွင်ရှိရုံမက တစ်ချိန်က လှုပ်ရှားသက်ဝင်ခဲ့တဲ့မီးတောင်များလည်း ရှိခဲ့ဖူးပါတယ်။

ကမ္ဘာပေါ်က အမြင့်ဆုံးဧဝရတ်တောင်ထက် ပိုမိုမြင့်မားတဲ့ အရာတစ်ခုကို ဥရောပမှ Mars Express က စူးစမ်းခဲ့ပါတယ်။

အင်္ဂါဂြိုဟ်မှ ဒုတိယအမြင့်ဆုံးမီးတောင်ဖြစ်တဲ့ Ascraeus Mons ရဲ့ပုံရိပ်တွေကို အရည်အသွေးမြင့်ရုပ်သံကင်မရာဖြင့် European Space Agency (ESA) က ရိုက်ကူးပုံဖော်ခဲ့ပါတယ်။

Ascraeus Mons မီးတောင်က အမြင့် ၁၈ ကီလိုမီတာမြင့်ကာ ဆင်ခြေလျှောတိမ်ကာ ၇ ဒီဂရီမျှစောင်းသွားပါတယ်။

Ascraeus ထက် မြင့်တဲ့မီးတောင်ဆိုလို့ စကြဝဠာတစ်ခုလုံးမှာ အမြင့်ဆုံးဖြစ်တဲ့ Olympus Mons သာရှိပါတယ်။

ထိုမီးတောင်မှာ ချော်ရည်စီးဆင်းမှု၊ ပေါက်ကွဲဝများ၊ လမ်းကြောင်းများ၊ ကြီးမားတဲ့အက်ကွဲကြောင်းများ ရှိနေပါတယ်။

အဝိုင်းပုံသဏ္ဍာန်ကျင်းများ ပေါင်းစည်းသွားကာ ချော်ရည်လမ်းကြောင်းများ ခြောက်သွေ့သွားတာကို တွေ့မြင်ခဲ့ရပါတယ်။

မျက်နှာပြင်အောက် ပုန်းကွယ်နေတဲ့ မြေသားများမတည်မငြိမ်ဖြစ်စေကာ ပြိုကျစေပြီး တွင်းတစ်ခုလိုမျိုးပြိုကျစေမယ်လို့ ဘူမိဗေဒပညာရှင်များက ယုံကြည်နေကြပါတယ်။

ထိုမြေသားတွေ ဘယ်လိုဖြစ်ပေါ်လဲဆိုတာ သေချာမသိရပေမယ့် ချော်ရည်၊ ပြာမှုန့်၊ ရေတို့ ပါဝင်နိုင်ကြောင်း ESA က ဖော်ပြခဲ့ပါတယ်။

Mars Express ဟာ ၂၀၀၃ ခုနှစ်ကတည်းက ဂြိုဟ်နီကို လှည့်ပတ်နေခဲ့ပြီး မျက်နှာပြင်ပုံဖော်ခြင်း၊ သတ္တုဓာတ်များရှာဖွေခြင်း၊ လေထုဖွဲ့စည်းမှုနဲ့ လည်ပတ်မှုတို့ဖော်ထုတ်ခြင်း၊ ဂြိုဟ်နီအပေါ်ယံလွှာအောက်ရှိ စူးစမ်းလေ့လာခြင်းတို့ လုပ်ဆောင်ခဲ့ပါတယ်။
Source: India Today
#World_Science #အင်္ဂါဂြိုဟ် #ဧဝရတ်တောင် #ဒုတိယအမြင့်ဆုံးမီးတောင်
#YMG #Yangon_Media_Group

#World_Health
Published_ 18 May 2023

ရေခဲမုန့်က ချိုမွှေးပြီးအရသာရှိပေမယ့် အဆီနဲ့သကြားဓာတ်များစွာ ပါဝင်ပါတယ်။
အချို့လူတွေက ရေခဲမုန့်ဟာ ကျန်းမာရေးအတွက်သင့်တော်စေတဲ့ အချိုပွဲလို့ သတ်မှတ်နေကြပါတယ်။

ရေခဲမုန့်နဲ့ ဆီးချိုရောဂါတို့အကြောင်း အမေရိကန်ပြည်သူ့ကျန်းမာရေးပညာရှင် 'ဒေးဗစ်မယ်ရစ်ဂျွန်စ်'က စတင်လေ့လာခဲ့ပါတယ်။

ထိုလေ့လာချက်အရ တစ်နေ့ကို ရေခဲမုန့်တစ်ခွက်စားသုံးတဲ့ ဆီးချိုရောဂါရှင်တွေဟာ နှလုံးရောဂါဖြစ်နိုင်ချေကို လျှော့ချနိုင်ခဲ့ပါတယ်။

ထပ်ပြီးလေ့လာခဲ့ရာမှာတော့ ဒီတွေ့ရှိချက်ဟာ အမှန်တကယ်သက်သေပြနိုင်လောက်တဲ့အထိ စိတ်မချရပါဘူး။

အခြားနို့ထွက်ပစ္စည်းတွေက အာနိသင်မရှိပေမယ့် ဒိန်ချဉ်များများစားတဲ့အခါမှာ ဆီးချိုရောဂါဒုတိယအမျိုးအစား ဖြစ်နိုင်ချေနည်းပါးကြောင်း တွေ့ရှိခဲ့ပါတယ်။

ရေခဲမုန့်က ကျန်းမာရေးနဲ့မညီညွတ်ဘူးဆိုတဲ့ အယူအဆရှိပေမယ့် သူ့မှာ အဆီဓာတ်၊ ပရိုတိန်း၊ ဗိုက်တာမင်တို့ပါဝင်ကာ ပေါင်မုန့်ထက် ပိုမိုကောင်းမွန်ကြောင်း တက်ဖ်စ်တက္ကသိုလ်မှ 'ဒဲရီယပ်ရှ်မိုဇာဖာရီယန်'က ပြောပြခဲ့ပါတယ်။

ဒီသုတေသနနဲ့ပတ်သက်ပြီး ရေခဲမုန့်ပြေးစားမှာတော့မဟုတ်ဘူးလို့ ကွင်းမယ်ရီလန်ဒန်တက္ကသိုလ်မှ စာသင်ကြားသူ'ဂျွန်ဖော့'က ရှင်းပြခဲ့ပါတယ်။

ရေခဲမုန့်စားသုံးရတဲ့ အကြောင်းအရင်းအမျိုးမျိုးကတော့ လမ်းလျှောက်ခြင်း လေ့ကျင့်ခန်းပြုလုပ်ခြင်းပြီးတဲ့နောက် အမောပြေစားကြသလို အချိုပွဲအဖြစ် အခြားအဆီများတဲ့အစားအစာတွေထက် ရေခဲမုန့်ကို ရွေးချယ်ကြပါတယ်။

ရေခဲမုန့်မှာပါဝင်တဲ့ အာဟာရအချို့က အကျိုးဖြစ်ထွန်းစေပြီး အထူးသဖြင့် ကယ်လ်စီယမ်ပါဝင်ကာ ဂလူးကို့စ်ညွှန်းကိန်းလျော့နည်းပါတယ်။

နောက်ဆုံးချုံကြည့်တဲ့အခါမှာတော့ ရေခဲမုန့်ဟာ ကျန်းမာရေးအတွက်သင့်တော်တယ်လို့ မယူဆသင့်ဘဲ အနည်းငယ်စားသုံးတာကတော့ ကျန်းမာရေးအတွက် အကျိုးရှိစေတယ်လို့ အာဟာရပညာရှင်'ဒူအန်မယ်လာ'က ပြောပြခဲ့ပါတယ်။
Source: The Jerusalem Post
#YMG #Yangon_Media_Group

#Local_News
Published_ 18 May2023

ငါးပေကျော်နက်သည့်  ကွန်ကရစ်ရေလှောင်ကန်ထဲ အမျိုးသားတစ်ဦး အောက်ဆီဂျင်ပြတ်၍ သေဆုံးမှု ယနေ့ (မေလ ၁၇ ရက်) နံနက်က မန္တလေးမြို့၊ အောင်မြေသာစံမြို့နယ်တွင်ဖြစ်ခဲ့ကြောင်း နန်းတော်ရှေ့လူမှုကယ်ဆယ်ရေးအဖွဲ့ကသိရသည်။

ဖြစ်စဥ်မှာ ယနေ့နံနက်၉နာရီအချိန်က  ၂၃ လမ်း၊ ၆၃ လမ်းနဲ့ ၆၄ လမ်းကြား၌ရှိသည့် ဆောက်လုပ်ရေးလုပ်ငန်းခွင်မှ ကွန်ကရစ်ရေလှောင်ကန်ထဲဆင်းပြီး ဘုတ်ပြားများကို ဆင်းဖြုတ်ချိန် ပန်းရံလုပ်သား၁ဦးအောက်ဆီဂျင်ပြတ်၍သတိလစ်မှုဖြစ်ခဲ့သဖြင့် ဆင်းကယ်ရာတွင် ဆင်းကယ်သူအမျိုးသားမှာလည်း သတိလစ်မှုဖြစ်ခဲ့ပြီးနောက် သေဆုံးခဲ့ကြောင်းသိရသည်။

" ရေကန်က ၅ပေကျော်လောက်ပဲနက်တာ။အဲဒါကို အဖုံးဖွင့်ပြီး ချက်ချင်းဆင်းတော့ ကန်အတွင်းထဲ ပြင်ပအောက်ဆီဂျင်မရသေးတာကြောင့် ဖြစ်ရရတာပါ။ ကန်ထဲဆင်းတဲ့အခါ ပထမ တစ်ယောက်ကသတိလစ်လို့ နောက်တစ်ယောက်ကဆင်းကယ်ရာမှာ နောက်ဆင်းကယ်တဲ့သူက သေတာပါ။ဆေးရုံကို ပို့ပေးခဲ့တယ်။ သတိပြန်မရလာတော့ဘူး"ဟု ယင်းပရဟိတအသင်းမှတာဝန်ရှိသူက ပြောကြားသည်။

ရေကန်ထဲဆင်း၍ ပထမဆုံးမူးလဲသူအမျိုးသားမှာ အောက်ဆီဂျင်ပေးထား၍ အသက်အန္တရာယ်
စိုးရိမ်ရန်မလိုတော့ကြောင်းလည်းသိရသည်။

#ymg/pl
#Local_News #ငါးပေကျော်အနက်ရေကန် #သတိလစ်နေသူ #ဆင်းကယ်သူအမျိုးသား
#YMG #Yangon_Media_Group

#Local_News
Published_ 17 May 2023

ပြည်တွင်း ဖုန်းအော်ပရေတာများဖြစ်တဲ့ MPTနဲ့အော်ရီဒူးက မုန်တိုင်းသင့်ဒေသရခိုင်ပြည်နယ်မှာရှိတဲ့ ပြည်သူတွေအတွက် အခမဲ့ဖုန်းခေါ်ဆိုခွင့်တွေ ပေးအပ်တယ်လို့ ကြေငြာထားပါတယ်။

#Local_News ##MPTနှင်အော်ရီဒူး #ရခိုင်မုန်တိုင်းသင့်ဒေသ #ဖုန်းခေါ်ဆိုခွင့်နဲ့ဒေတာများသုံးစွဲခွင့်ပေးထား
#YMG #Yangon_Media_Group

#Asia_Business
Published_ 17 May 2023

တရုတ်နိုင်ငံမှ ပန်းသီးစိုက်တောင်သူတစ်ဦးရဲ့ ရက်ပ်ဗီဒီယို အင်တာနက်မှာပျံ့နှံသွားပြီးနောက် တရုတ်အနောက်မြောက်ဘက်ရှိ ရှန်ဆီပြည်နယ်မှဝေးလံတဲ့ရွာတစ်ရွာမှာ ပန်းသီးရောင်းအားမြင့်တက်လာပါတယ်။

#Asia_Business #တရုတ်ကျေးရွာတစ်ခု #ပန်းသီးများ #အွန်လိုင်းမှတိုက်ရိုက်ထုတ်လွှင့်ရောင်းချ #စီးပွားဖြစ်ထွန်းလျက်ရှိ
#YMG #Yangon_Media_Group

#Local_News
Published_ 17 May 2023

ကမ္ဘာ့ရွှေပေါက်စျေးဟာ မေလ ၁၇ရက်နေ့ မနက်ပိုင်းမှာ တစ်အောင်စကို ၁၉၉၁ ဒေါ်လာပေါက်စျေးရှိနေပြီး စျေးအနည်းငယ်ကျဆင်းလာတယ်လို့ ရန်ကုန်ရွှေလုပ်ငန်းရှင်တွေကပြောပါတယ်။

#Local_News #ပြင်ပရွှေပေါက်စျေး #ကမ္ဘာ့ရွှေစျေး၁၉၉၁ဒေါ်လာ
#YMG #Yangon_Media_Group