#World_Science
Published 4 July 2023

အိမ်မွေးကြောင်တွေရဲ့ ထူးခြားတဲ့အနံ့ခံနိုင်စွမ်းကို သိရဖို့အတွက် ရှုပ်ထွေးတဲ့ နှာခေါင်းလေပြွန်တည်ဆောက်ပုံကို လေ့လာမှုပြုလုပ်ခဲ့ကြပါတယ်။

ကြောင်ရဲ့နှာခေါင်းကို 3D သုံးဖက်မြင်ပုံစံ ပုံဖော်ပြီး အစာအနံ့အမျိုးမျိုးကို လေစီးကြောင်းကနေ သယ်ဆောင်ပုံကို ပုံဖော်ဖန်တီးခဲ့ကြပါတယ်။

ကြောင်နှာခေါင်းလမ်းကြောင်းရှိ လေဟာ စီးကြောင်း ၂ ခုအဖြစ် ကွဲပြားသွားကြောင်း ဖော်ပြခဲ့ပါတယ်။

စီးကြောင်းတစ်ခုက သန့်စင်ခြင်းနဲ့ စိုစွတ်ခြင်းကို ဖြတ်သန်းကာ နောက်တစ်ခုကတော့ အနံ့ကို အနံ့ခံနေရာသို့ ပို့ဆောင်ပေးပါတယ်။

ကြောင်နှာခေါင်းရဲ့ လုပ်ဆောင်ချက်တွေက ဓာတ်ခွဲခန်းတွေမှာ အသုံးပြုပြီး အလွန်ထိရောက်မှုရှိကာ နှစ်မျိုးသုံးဓာတ်ငွေ့ပုံဖော်တဲ့ ကိရိယာလိုမျိုး လုပ်ဆောင်နိုင်ပါတယ်။

ကြောင်ရဲ့ဦးခေါင်းနဲ့ မိကျောင်းကဲ့သို့ ရှည်လျားတဲ့နှာတံကြောင့် ရှုပ်ထွေးတဲ့ လေဝင်လေထွက်လမ်းကြောင်း အဖြစ် ပြောင်းလဲလာတာ ဖြစ်နိုင်ပါတယ်။

ဒီလိုမျိုးဖွဲ့စည်းပုံကြောင့် ကြောင်တွေဟာ မတူကွဲပြားတဲ့ ပတ်ဝန်းကျင်နဲ့ ပိုမိုထိရောက်စွာ လိုက်လျောညီထွေ နေနိုင်တာဖြစ်ပါတယ်။

နှာခေါင်းဖွဲ့စည်းပုံက နှေးကွေးတဲ့ အသက်ရှူလမ်းကြောင်းကို ကျော်သွားကာ အလျင်မြန်ဆုံးလမ်းကြောင်းကို ဖြတ်သန်းစေပြီး အနံ့ခံမှုကို အကောင်းဆုံးဖြစ်အောင် လုပ်ဆောင်ပေးကြောင်း သုတေသီများ တွေ့ရှိခဲ့ပါတယ်။

ရှုသွင်းလိုက်တဲ့လေက အနံ့ခွဲခြမ်းစိတ်ဖြာဖို့ အချိန်ကြာရှည်စွာ လှည့်ပတ်ပြီး အခြားကုန်းနေရေနေသတ္တဝါတွေရဲ့ နှာခေါင်းတွေနဲ့ နှိုင်းယှဉ်ရင် အနံ့ခံအာရုံက အဆ ၁၀၀ ကျော်ပိုပြီးထိရောက်ပါတယ်။

သုတေသနပြုလုပ်ချက်က နှာခေါင်းဖွဲ့စည်းပုံ ကွဲပြားပြောင်းလဲလာပုံနဲ့ လုပ်ဆောင်ချက်များအပေါ် ဦးတည်ခဲ့ပါတယ်။

အကြားအာရုံနဲ့ အမြင်အာရုံအကြောင်း အများအပြားသိပြီးသားဖြစ်ပေမယ့် ဒီလေ့လာချက်ကတော့ နှာခေါင်းအကြောင်းနဲ့ အနံ့ခံအာရုံမှာ အရေးပါပုံကို ပိုပြီးနားလည်လာစေပါတယ်။

နို့တိုက်သတ္တဝါများဟာ သားကောင်လိုက်ခြင်း၊ အန္တရာယ်အာရုံခံခြင်း၊ အစာရင်းမြစ်ရှာဖွေခြင်း၊ ပတ်ဝန်းကျင်စူးစမ်းခြင်းတို့အတွက် အနံ့ခံခြင်းက အလွန်အရေးပါနေကြောင်း လေ့လာချက်စာတမ်းပြုစုသူ 'ကိုင်ကျောင်'က ပြောကြားသွားပါတယ်။

ဒီလေ့လာချက်ကို ၂၀၂၃ ဇွန်လ ၂၉ ရက်နေ့မှာ PLOS Computational Biology မှာ ဖော်ပြခဲ့တာဖြစ်ပါတယ်။

Source: WION #World_Science #ကြောင်များ၏ အနံ့ခံအာရုံထူးခြား
#Yangon_Time #YMG

#Local_News
Published 4 July 2023

စစ်ကိုင်းတိုင်းဒေသကြီး၊ ကောလင်းမြို့အတွင်းသို့ ဇူလိုင် ၁ ရက် ညပိုင်းက လက်နက်ကြီးများဖြင့် ပစ်ခတ်လာခဲ့သောကြောင့် အသက် ၈ နှစ်အရွယ် ကလေးငယ် ၁ ဦးအပါအဝင် အရပ်သားပြည်သူ ၃ ဦးသေဆုံးပြီး ၁ ဦး ထိခိုက်ဒဏ်ရာ ရရှိခဲ့ကြောင်း နစက သတင်းထုတ်ပြန်ရေးအဖွဲ့ ထုတ်ပြန်လိုက်သည်။

ဖြစ်စဉ်မှာ ကောလင်းမြို့အတွင်းနှင့် ကျော်ဇေယျ(၁)ရပ်ကွက်ရှိ မြို့နယ် အထွေထွေ အုပ်ချုပ်ရေးမှူးရုံးကို PDF များက ဇူလိုင် ၁ ရက် ည ၁၂ နာရီ ၂၀ မိနစ်ခန့်တွင်မြို့၏ အနောက်ဘက် မီတာ ၅၀၀ ခန့်အကွာမှနေ၍ လက်နက်ကြီးများဖြင့် ပစ်ခတ်ခဲ့ရာ လက်နက်ကြီးကျည်များ ရုံး၏အနောက် တောင်ဘက် မီတာ ၁၅၀ ခန့်အကွာရှိ လူနေအိမ်တစ်လုံးပေါ်သို့ ကျရောက် ပေါက်ကွဲခဲ့သဖြင့် နေအိမ်အတွင်း အိပ်ပျော်နေသည့် အသက် ၈ နှစ်အရွယ်ကလေးငယ် ၁ ဦးအပါအဝင် အမျိုးသမီး ၃ ဦး လက်နက်ကြီးကျည်များ ထိမှန်သေဆုံးခဲ့ပြီး အမျိုးသား ၁ ဦး (စိုးရိမ်ရ) ထိခိုက်ဒဏ်ရာများ ရရှိခဲ့ကြောင်း ယင်းထုတ်ပြန်ချက်တွင် ဖော်ပြထားသည်။

ယင်းကြောင့် ယခုအခါ ဒဏ်ရာရရှိသူအား ကောလင်းမြို့ ပြည်သူ့ဆေးရုံသို့ ပို့ဆောင်ဆေးကုသမှုခံယူစေ လျက်ရှိကြောင်း သိရသည်။

#Local_News #အမျိုးသမီး၃ဦးသေဆုံးကာ အမျိုးသား၁ဦးဒဏ်ရာရ
#Yangon_Times/BM

#World_Health
Published 4 July 2023

ကလေးတွေရော လူကြီးတွေအပါအဝင် ကမ္ဘာ့လူဦးရေအများစုမှာ သွားပိုးစားခြင်း၊ သွားပေါက်ခြင်းတို့ကို ကြုံဖူးကြသလို ဘဝတစ်သက်တာ တစ်ချိန်ချိန်မှာ ကြုံလာရနိုင်ပါတယ်။

ဒီလိုမဖြစ်အောင် သွားတိုက်ဆေးများ၊ ခံတွင်းသန့်ဆေးများ၊ ပုံမှန်စစ်ဆေးမှုများ ပြုလုပ်နိုင်သလို သွားပိုးစားခြင်း၊ သွားဖုံးရောဂါ၊ သွားဆုံးရှုံးခြင်းတို့မှ ကာကွယ်ရန် ဒီထက်ပိုပြီးလုပ်ဆောင်နိုင်ပါတယ်။

ဘီစင်ဒိုးလ်လို့ခေါ်ပြီး သဘာဝအတိုင်းတွေ့ရတဲ့ DIM မော်လီကျူးဟာ အညစ်အကြေးနဲ့ သွားပေါက်များဖြစ်စေတဲ့ ဇီဝအလွှာများကို ၉၀ ရာခိုင်နှုန်းလျှော့ချနိုင်ကြောင်း ဘင်ဂူရီယန်တက္ကသိုလ်မှ သိပ္ပံပညာရှင်များ၊ စီချွမ်တက္ကသိုလ်နဲ့ စင်္ကာပူအမျိုးသားတက္ကသိုလ်တို့မှ ပညာရှင်များက တွေ့ရှိခဲ့ကြပါတယ်။

ထိုမော်လီကျူးမှာ ကင်ဆာဖြစ်စေနိုင်တဲ့ ဂုဏ်သတ္တိများရှိနေပါတယ်။

ခံတွင်းရောဂါပိုးဝင်ခြင်းအများစုက အဏုဇီဝပိုးမွှားများ မညီမျှခြင်းကြောင့်ဖြစ်ရပြီး လူတွေမှာ အဓိကကျန်းမာရေး ပြဿနာကြီးအဖြစ် ယူဆထားပါတယ်။

ပါးစပ်က S.mutans လိုမျိုး ဘက်တီးရီးယားများ ပေါက်ဖွားနေထိုင်ရာ နေရာဖြစ်ပြီး သွားအပေါက်ဖြစ်ရခြင်း အဓိကအကြောင်းအရင်း တစ်ခုဖြစ်တယ်လို့ ယူဆထားပါတယ်။

အစာစားပြီးနောက် သွားကိုဖုံးအုပ်ထားတဲ့ အလွှာမှာ စိုစွတ်ပြီး အချိုဓာတ်ရှိတဲ့အခြေအနေမှာ ပေါက်ဖွားတတ်ပြီး ကြွေလွှာတွေကို ဖျက်ဆီးကာ သွားအပေါက်များ ဖြစ်စေနိုင်ပါတယ်။

သွားပိုးစားခြင်းကို ဖြစ်စေတဲ့ အခြေအနေကို ကုသဖို့အသုံးအများဆုံးနည်းလမ်းက ကလိုဟက်ဆီဒင်း၊ ဖလိုရိုက်၊ ဆီတိုင်းလ်ပိုင်ရီဒီနီယမ်ကလိုရိုက်တို့လို ပိုးသတ်ဆေးများပါဝင်တဲ့ သွားတိုက်ဆေးများ၊ ခံတွင်းသန့်စင်ဆေးများဖြင့် အသုံးပြုခြင်းတို့ ပါဝင်ပါတယ်။

DIM မော်လီကျူးက ဘက်တီးရီးယားများ ပျံ့ပွားခြင်းကို ၉၀ ရာခိုင်နှုန်းကာကွယ်ပေးတယ်လို့ သိပ္ပံပညာရှင်များ တွေ့ရှိခဲ့ကြပါတယ်။

ခံတွင်းသန့်ရှင်းရေး သိသိသာသာတိုးတက်ရန်အတွက် သွားတိုက်ဆေးတွေနဲ့ ခံတွင်းသန့်စင်ဆေးတို့မှာ ထိုမော်လီကျူးကို ထည့်သွင်းအသုံးပြုနိုင်ပါတယ်။

ဒီစမ်းသပ်မှုကို ကုရှ်မယ်ရိုမှ ကျောင်းသား'ယီဖက်ဘာရုချ်'၊ ဒေါက်တာ'ကာရီနာဂိုလ်ဘာ့ဂ်'၊ စီချွမ်တက္ကသိုလ်မှ ပရော်ဖက်ဆာ'ရောဘတ်မာ့ခ်စ်'၊ စင်္ကာပူအမျိုးသားတက္ကသိုလ်မှ 'ကာရီနာယူဟောင်ဂျင်'တို့က ပြုလုပ်ခဲ့တာဖြစ်ပါတယ်။

Source: The Jerusalem Post

ဒိန်းမတ်ရဲများ အွန်လိုင်းဂိမ်းကစားရင်း အင်တာနက်ပေါ်တွင် ကင်းလှည့်စောင့်ကြည့်လျက်ရှိ

ဒိန်းမတ်ရဲဌာနချုပ်မှာ ရဲအရာရှိတွေက ကွန်ပျူတာရှေ့မှာထိုင်ပြီး လူကြိုက်များတဲ့ Counter-Strike ဂိမ်းကို ဆော့နေကြပေမယ့် ဒါဟာ အနားယူနေတာမဟုတ်ဘဲ အင်တာနက်ပေါ်က ရာဇဝတ်မှုတွေကို ခြေရာခံစောင့်ကြည့်နေတာ ဖြစ်ပါတယ်။

#World_News #အွန်လိုင်းဂိမ်းကစားရင်းအင်တာနက်ပေါ်တွင်ကင်းလှည့်စောင့်ကြည့်
#Yangon_Time #YMG

#Daily_News
Published_ 3 July 2023

၁။ သုခဒဂုံ ပြည်သူ့အငှားအိမ်ရာတွင် အမှန်တကယ်နေထိုင်ရေး အခက်အခဲရှိပြည်သူများ၊ အငြိမ်းစား ဝန်ထမ်းများနှင့် နိုင်ငံ့ဝန်ထမ်းများကို (၅)နစ်ကြာ ငှားရမ်းနေထိုင်ခွင့်ပြုသွားမည်

၂။ တစ်ဦးတည်းပိုင် ရော်ဘာခြံပိုင်ရှင်များကို ကျပ်သိန်းတစ်ထောင်စီထုတ်ချေးမည်

၃။ ရေနစ်ပျောက်ဆုံးသူများကို ကူညီကယ်ဆယ်ရန် ရေပေါ်ဆိုင်ကယ်ဝယ်ယူအားဖြည့်မည်

၄။ ဒိန်းမတ်ရဲများ အွန်လိုင်းဂိမ်းကစားရင်း အင်တာနက်ပေါ်တွင် ကင်းလှည့်စောင့်ကြည့်လျက်ရှိ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

#Local_News
Published_ 3 July 2023

အာဆီယံ-ကိုရီးယားပရော်ဂျက်ဖြင့် အာဆီယံဒေသတွင်းရှိ အမျိုးသမီး MSMEs လုပ်ငန်းရှင်များ ဒစ်ဂျစ်တယ်စီးပွားရေးလုပ်ငန်းများတွင် ပါဝင်မှုမြှင့်တင်ရန်ဆောင်ရွက်ရန်ရှိကြောင်း သိရသည်။

အာဆီယံ-ကိုရီးယားပူးပေါင်းဆောင်ရွက်လျက်ရှိသည့် ASEAN ROK Cooperation Projectဖြစ်သည့် ‘Enchancing Digital Economy Participation for ASEAN Women MSMEs’စီမံကိန်းအကောင်အထည်ဖော်ရန်အတွက် ဇူလိုင်လ(၃)ရက်မှ (၁၂)ရက်အထိ ကိုရီးယားနိုင်ငံ ဆိုလ်းမြို့တွင် Training of Trainers သင်တန်း ဖွင့်လှစ်မည်ဖြစ်သည်။

အဆိုပါ သင်တန်းကို မြန်မာနိုင်ငံ၏ Implementing Institution အဖြစ်ဆောင်ရွက်လျက်ရှိသည့်မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) မှ တွဲဖက်အတွင်းရေးမှူးများ၊ Head Trainer တို့ အပါအဝင် E Business Trainers (၁၄)ဦးတို့သည် ဇူလိုင်(၂)ရက်မှစပြီး တောင်ကိုရီးယားနိုင်ငံသို့သွားရောက်ပြီး သင်တန်းများတက်ရောက်လျက်ရှိကြောင်း သိရသည်။

#tthl
#Yangon_Time

ခရမ်း၊ သုံးခွနှင့်ကွမ်းခြံကုန်းနေသူများ သဘာဝဘေးသတိပြုသင့်

‘မိုးတွင်းမှာ ရန်ကုန်တိုင်းထဲမှာဆိုရင် ပင်လယ်ဝနဲ့နီးတဲ့ခရမ်း၊သုံးခွနဲ့ကွမ်းခြံကုန်းဒေသတွေမှာသဘာဝဘေးကြုံနိုင်ခြေရှိလို့ သတိပြုနေထိုင်သင့်ပါတယ်’ဦးထွန်းထွန်းဦး(ရှင်သန်ရေးကူညီမှုအသင်း၊ဥက္ကဌ)
#tthl
#Yangon_Time

မြန်မာ့လက်ရွေးစင် အမျိုးသမီး ယူ-၁၉ အသင်း ပြိုင်ပွဲဝင်ရန် အိမ်ရှင် အင်ဒိုနီးရှားနိုင်ငံသို့ထွက်ခွာ

ပြိုင်ပွဲကို အင်ဒိုနီးရှားနိုင်ငံ၊ ပလမ်ဘန်းမြို့မှာ ဇူလိုင်( ၅) ရက် ကနေ ဇူလိုင် (၁၇) ရက်နေ့ အထိ ကျင်းပပြုလုပ်သွားမည်ဖြစ်

#YMG/my
#Yangon_Times

သဘာ၀ဘေးနဲ့ ရေနစ်ပျောက်ဆုံးသွားသူများကို ကယ်တင်ရန် ရေပေါ်ဆိုင်ကယ်ဝယ်ယူအားဖြည့်မည်

သဘာ၀ဘေးအန္တရာယ် ကျရောက်ရင်ကူညီဖို့နဲ ရေနစ်ပျောက်ဆုံးသွားသူတွေကို ရှာဖွေကူညီဖို့ ရေပေါ်ဆိုင်ကယ်တစ်စီး ဝယ်ယူအားဖြည့်သွားမှာဖြစ်တယ် (ပုလဲအရန်မီးသတ်တပ်ဖွဲ့)
#Yangon_Time #YMG

ရော်ဘာခြံပိုင်ရှင်များကို ကျပ်သိန်း တစ်ထောင်စီ ထုတ်ချေးမည်

အစုအဖွဲ့ပိုင်လုပ်ငန်းရှင်တွေအတွက် ကျပ်သိန်း (၂၀၀၀) ထုတ်ချေးပေးမည်။

#YMG/my
#Yangon_Times

သုခဒဂုံ ပြည်သူ့အငှားအိမ်ရာတွင် အမှန်တကယ် နေထိုင်ရေးအခက်အခဲရှိသူများကို (၅) နှစ်ကြာ ငှားရမ်းနေထိုင်ခွင့်ပြုသွားမည်

ကနဉီး ငှားရမ်းခ သုံးလစာ ပေးသွင်းသွားရမည်

#Ygm/my
#Yangon_Time #YMG

#World_News
Published 3 July 2023

BRICS အဖွဲ့အစည်းရဲ့ လက်ရှိဥက္ကဌတာဝန်ယူထားတဲ့ တောင်အာဖရိကက အဖွဲ့အစည်းတိုးချဲ့ခြင်း အဓိကအစီအစဉ်အဖြစ် အစည်းအဝေးပွဲကြီးတစ်ခုကို ယခုရက်သတ္တပတ်အတွင်း အိမ်ရှင်အဖြစ် လက်ခံကျင်းပရန် စီစဉ်ထားပါတယ်။

BRICS Sherpa အစည်းအဝေးကို ဇူလိုင် ၄ ရက်နေ့မှ ၆ ရက်နေ့အထိ ဒါဘန်မှာ ကျင်းပသွားမှာဖြစ်ပြီး နိုင်ငံခြားရေးဝန်ကြီးများနဲ့ ခေါင်းဆောင်များ တင်ပြတဲ့ တိုးချဲ့စာတမ်းအပြီးသတ်ရန် အာရုံစိုက်သွားမှာ ဖြစ်ပါတယ်။

အစည်းအဝေးမှာ အဖွဲ့ဝင်နိုင်ငံများဟာ BRICS တိုးချဲ့ရေးအတွက် လမ်းညွှန်ချက်များ၊ လုပ်ထုံးလုပ်နည်းများ၊ စံနှုန်းများချမှတ်ရာမှာ ပူးပေါင်းဆောင်ရွက်သွားမှာ ဖြစ်ပါတယ်။

အဖွဲ့ထဲဝင်ရောက်ရန် တရားဝင်တောင်းဆိုထားတဲ့ နိုင်ငံ ၁၃ နိုင်ငံ၊ တရားမဝင်တောင်းဆိုထားတဲ့ ၆ နိုင်ငံ အပါအဝင် နိုင်ငံပေါင်း ၁၉ နိုင်ငံက BRICS ဖိုရမ်ရဲ့ အဖွဲ့ဝင်ဖြစ်လာရန် စိတ်ဝင်စားကြောင်း BRICS ခေါင်းဆောင်များထံ ဖော်ပြခဲ့ကြပါတယ်။

ဆော်ဒီအာရေဗီးယား၊ ယူအေအီး၊ အီဂျစ်၊ အယ်လ်ဂျီးရီးယား၊ အာဂျင်တီးနား၊ မက္ကဆီကို၊ နိုင်ဂျီးရီးယားနိုင်ငံများ အပါအဝင် နိုင်ငံအများအပြားက BRICS ထံ ပါဝင်ဖို့ စိတ်အားထက်သန်နေကြကြောင်း ထုတ်ဖော်ပြထားတယ်လို့ တောင်အာဖရိက နိုင်ငံခြားရေးဝန်ကြီး 'နာလေဒီပန်ဒေါ်'က WION နဲ့အင်တာဗျူးမှာ ထုတ်ဖော်သွားပါတယ်။

ပန်ဒေါ်က အဖွဲ့ဝင်ဖြစ်လာရန် တစ်ကမ္ဘာလုံးမှ စိတ်ဝင်စားမှုကို ဖော်ပြလိုက်ပြီး သင့်လျော်တဲ့စံနှုန်းများ ပုံဖော်ပြီးနောက် အဖွဲ့ဝင်အသစ်များအပေါ် ဆုံးဖြတ်ချက်ချသွားမှာဖြစ်ကြောင်း အလေးပေးပြောကြားခဲ့ပါတယ်။

ကိပ်တောင်းမှာ မကြာသေးမီက BRICS နိုင်ငံခြားရေးဝန်ကြီးများ တွေ့ဆုံမှုမှာ အာဖရိကနိုင်ငံများ၊ အီရန်၊ ဆော်ဒီအာရေဗျ၊ ယူအေအီးတို့ တက်ရောက်ခဲ့ကြပါတယ်။

BRICS ရဲ့ လက်လှမ်းမီမှု၊ ဩဇာလွှမ်းမိုးမှု ကျယ်ပြန့်လာစေရန် ဒီအစည်းအဝေးက ဖော်ပြနေပါတယ်။

၂၀၂၂ တရုတ် BRICS ထိပ်သီးအစည်းအဝေးမှာ အဖွဲ့ဝင်နိုင်ငံများက တိုးချဲ့လုပ်ဆောင်ရန် ကြိုးပမ်းခဲ့ကြပါတယ်။

Sherpas ချန်နယ်မှတဆင့် လုပ်ငန်းစဉ်ချဲ့ထွင်မှုအတွက် လမ်းညွှန်မှုများ၊ စံနှုန်းများ၊ စံသတ်မှတ်ချက်များ၊ လုပ်ထုံးလုပ်နည်းများ အပြည့်အစုံ တိုင်ပင်ဆွေးနွေးပြီး အများသဘောဆန္ဒအခြေခံကာ ရှင်းလင်းရန် လိုအပ်ကြောင်း အလေးပေးဖော်ပြကြောင်း ပူးတွဲထုတ်ပြန်ချက် ၇၃ မှာ ထုတ်ပြန်ထားပါတယ်။

၂၀၀၀ ခုနှစ်အစောပိုင်းများမှာ BRICS က ဘရာဇီးလ်၊ ရုရှား၊ အိန္ဒိယ၊ တရုတ်၊ တောင်အာဖရိကတို့ရဲ့ တက်သစ်စစီးပွားရေးနိုင်ငံများကို စုစည်းခဲ့ပါတယ်။

ထိုနိုင်ငံတွေဟာ ကမ္ဘာ့လူဦးရေ ၄၁ ရာခိုင်နှုန်းခန့် ပတ်သက်နေပြီး ကမ္ဘာ့ GDP ရဲ့ ၂၄ ရာခိုင်နှုန်း၊ ကမ္ဘာ့ကုန်သွယ်မှုမှာ ရှယ်ယာ ၁၆ ရာခိုင်နှုန်း သက်ဆိုင်နေပါတယ်။

နှစ်တွေတလျှောက် BRICS နိုင်ငံတွေဟာ ကမ္ဘာ့စီးပွားရေးတိုးတက်မှု မောင်းနှင်အားများအဖြစ် အရေးပါတဲ့အခန်းကဏ္ဍမှ ပါဝင်ခဲ့ပါတယ်။

Source: WION #World_News #အဖွဲ့ဝင်တိုးချဲ့ရေးကိစ္စဆွေးနွေး #BRICS
#Yangon_Time #YMG