Published_ 22 August 2023

အ​မေရိကန်နဲ့ ​တောင်ကိုရီးယားတို့ကြား နှစ်စဉ်စစ်ေရးလေ့ကျင့်မှုများကို မြောက်ကိုရီးယားတို့က အင်္ဂါနေ့က ရှုံချလိုက်ကာ ကမ့်ဒေးဗစ်မှာ ပြုလုပ်ခဲ့တဲ့ အမေရိကန်၊ တောင်ကိုရီးယားနဲ့ ဂျပန်နိုင်ငံတို့မှ ခေါင်းဆောင်များကြား ဆက်ဆံရေး ပိုမိုနက်ရှိိုင်းစေမယ့် ၃ နိုင်ငံသဘောတူညီချက်ကြောင့် သာမိုနျူကလီးယားစစ်ပွဲ ဖြစ်လာနိုင်ချေရှိကြောင်း သတိပေးလိုက်ပါတယ်။

မြောက်ကိုရီးယားရဲ့ နျူကလီးယားနဲ့ ဒုံးကျည်ခြိမ်းခြောက်မှုတို့ကို ပူးပေါင်းတုန့်ပြန်ခြင်းကို မြှင့်တင်တဲ့ အနေနဲ့ အမေရိကန်နဲ့ တောင်ကိုရီးယားတို့က အူလ်ချီဖရီးဒမ်ရှီးလ်ဆမ်းမားလေ့ကျင့်မှုများကို တနင်္လာနေ့က စတင်ပြုလုပ်ခဲ့ပါတယ်။

မြောက်ကိုရီးယားတို့က အဆိုပါစစ်ရေးလေ့ကျင့်မှုများကို စစ်ပွဲအတွက် ကြိုတင်ပြင်ဆင်နေတာ ဖြစ်တယ်ဆိုပြီး ရှုံ့ချနေတာကြာပါပြီ။

တောင်ကိုရီးယား၊ ဂျပန်၊ အမေရိကန်တို့ ကမ့်ဒေးဗစ်မှာ ကျင်းပတဲ့ ထိပ်သီးအစည်းအဝေးဟာ နျူကလီးယားစစ်ပွဲ ပေါ်ပေါက်လာအောင် ရည်ရွယ်နေတယ်လို့ မြောက်ကိုရီးယားက ပြောကြားလိုက်ကြောင်း နိုင်ငံပိုင်မီဒီယာ KCNA က ဖော်ပြလိုက်ပါတယ်။

ကမ့်ဒေးဗစ်မှာ ပြုလုပ်တဲ့ သဘောတူညီချက်တွေက စစ်ပွဲအတွက် လေ့ကျင့်ပြင်ဆင်နေတဲ့ သဘောရောက်နေရင် ကိုရီးယားကျွန်းဆွယ်မှာ သာမိုနျူကလီးယားစစ်ပွဲ ဖြစ်ပွားနိုင်ချေက လက်တွေ့ဖြစ်လာနိုင်ကြောင်း ဖော်ပြထားပါတယ်။

အမေရိကန်၊ ဂျပန်၊ တောင်ကိုရီးယားမှ ခေါင်းဆောင်များသာ တွေ့ဆုံတဲ့ ပထမဆုံးအစည်းအဝေးပွဲမှာ ထို ၃ နိုင်ငံက အင်အားကြီးထွားလာတဲ့ တရုတ်နဲ့ မြောက်ကိုရီးယားတို့ရဲ့ နျူကလီးယားခြိမ်းခြောက်မှုတို့ကို ပူးပေါင်းရင်ဆိုင်ရန် ရည်ရွယ်ကာ စစ်ရေးနဲ့ စီးပွားရေး ပူးပေါင်းဆောင်ရွက်မှုများကို ပိုမိုနက်နဲစွာ လုပ်ဆောင်ဖို့ သဘောတူညီခဲ့ကြပါတယ်။

မြောက်ကိုရီးယားတို့က ဩဂုတ် ၂၄ ရက်နဲ့ ၃၁ ရက်နေ့ကြားမှာ ဂြိုဟ်တုတစ်ခုကို ပင်လယ်ဝါနဲ့ အရှေ့တရုတ်ပင်လယ်တို့ဘက် ဦးတည်ကာ လွှင့်တင်သွားမှာဖြစ်ကြောင်း ပြောကြားလိုက်ပါတယ်။

၃ နိုင်ငံ သဘောတူညီချက်နဲ့ စစ်ရေးလေ့ကျင့်မှုတွေကို ကန့်ကွက်တဲ့အနေနဲ့ မြောက်ကိုရီးယားတို့ဟာ တိုက်ချင်းပစ်ဒုံးကျည် စမ်းသပ်ပစ်လွှတ်ခြင်း၊ အခြားစစ်ရေးလုပ်ဆောင်မှုများ ပြုလုပ်ခြင်းတို့ ဆောင်ရွက်နိုင်ဖွယ်ရှိကြောင်း တောင်ကိုရီးယား ဥပဒေပြုလွှတ်တော်အမတ်များက ဆိုလိုက်ပါတယ်။
Source: Reuters.
#World_News
#(၃)နိုင်ငံသဘောတူညီချက်များ #သာမိုနျူကလီးယားစစ်ပွဲ #မြောက်ကိုရီးယားသတိပေး
#YMG #Yangon_Times

အာရှအားကစားပြိုင်ပွဲတွင် မြန်မာပိုက်ကျော်ခြင်းအသင်း ပြိုင်ပွဲအမျိုးအစားလေးမျိုး ယှဉ်ပြိုင်မည်

မြန်မာနိုင်ငံအနေဖြင့် ပိုက်ကျော်ခြင်းမှာ အမျိုးသားပြိုင်ပွဲနှစ်မျိုး၊ အမျိုးသမီးပြိုင်ပွဲနှစ်မျိုးတို့မှာ ယှဉ်ပြိုင်ရန် စီစဉ်ထား
Yangon_Times/MY
#Local_News
#Published_ 22 August 2023
#YMG #Yangon_Times

မလေးရှားအစိုးရက မြန်မာအပါအဝင် နိုင်ငံခြားသား လုပ်သားသစ် ခေါ်ယူဖို့ ခွင့်မပြုသေးဟုဆို

ပြည်တွင်းမှ သွားရောက် လုပ်ကိုင်လိုသူ များနေတာကြောင့် အလုပ်ရရှိမည်ဟုဆိုကာ လိမ်လည် ခံရမှုများလဲ ရှိနေတယ်လို့ သိရပါတယ်
Yangon_Times/LW
#Local_News
#Published_ 22 August 2023
#YMG #Yangon_Times

တန်ခိုးကြီးဘုရားများတွင် ဒစ်ဂျစ်တယ်လမ်းညွှန်များထားရှိရန်ရှိ

‘‘ပထမအဆင့်အနေဖြင့် ရွှေတိဂုံ၊ ရွှေဆံတော်(ပြည်)၊ ရွှေမော်ဓောဘုရား(ပဲခူး)၊ မြသလွန်ဘုရား (မကွေး)၊ မဟာမြတ်မုနိ(မန္တလေး)၊ ကျိုက်ထီးရိုးဘုရား၊ ဥပ္ပါတသန္တိ၊ အာနန္ဒာ၊ ရွှေစည်းခုံ၊ မြောက်ဦးမှ သျှစ်သောင်းပုထိုးတော်တို့ကို Pagoda Digital Directory ဆောင်ရွက်ဖို့လျာထားတယ်’’ ဒေါ်နုမြဇံ(ဒုတိယဝန်ကြီး၊သာသနာရေး နှင့်ယဉ်ကျေးမှုဝန်ကြီးဌာန)
Yangon_Times/tthl
#Local_News
#Published_ 22 August 2023
#YMG #Yangon_Times

၂၂ ဩဂုတ် ၂၀၂၃

ထိုင်းဝန်ကြီးချုပ်ဟောင်း သက်ဆင် ရှင်နာဝပ်ထရာသည် ထိုင်းနိုင်ငံ ဘန်ကောက်မြို့တော်ရှိ ဒွန်မောင်းလေဆိပ်သို့ အင်္ဂါနေ့ (ယနေ့ ဩဂုတ် ၂၂ ရက်နေ့) မနက်မှာပြန်လည်ရောက်ရှိလာပါတယ်။

သက်ဆင်ဟာ သူ့သမီး ပေထုန်တန်ရှင်နာဝပ်လိုက်ပါလျက် ကိုယ်ပိုင်ဂျက်လေဆိပ်ခန်းမမှာရှိတဲ့  ထိုင်းဘုရင်မင်းမြတ်နှင့် မိဖုရားတို့ရဲ့ ပုံကြီးရှေ့မှာ အရိုအသေပြုကန်တော့ပါတယ်။

သူ့ကို ထိုင်းနိုင်ငံရဲ့ တရားရုံးချုပ် ရာဇဝတ်မှုခင်းဌာနသို့ ခေါ်ဆောင်မသွားခင် ဆွေမျိုးတွေ မီဒီယာတွေနှင့် ၁၀ မိနစ်တွေ့ဆုံခွင့်ပေးခဲ့ပါတယ်။ အဲဒီတရားရုံးမှာ သူ့အပေါ်စွဲဆိုထားတဲ့ပြစ်မှုတွေကို ကြားနာမှာဖြစ်ပါတယ်။

သက်ဆင်ကို အဲဒီကနေ ဘန်ကောက်မြို့ ချက်တူချက်ခရိုင်က ရမန်အကျဉ်းထောင်ကို ခေါ်ဆောင်သွားမှာဖြစ်ပါတယ်။

ယခုအသက် ၇၄နှစ်ရှိပြီဖြစ်တဲ့သက်ဆင်ဟာ သူ့ကိုစွဲဆိုထားတဲ့ အဂတိအမှုလေးမှုနှင့် ထောင်ဒဏ်၁၀နှစ်အထိကျခံရမှာကို ရှောင်တိမ်းတဲ့အနေနှင့် ၂၀၀၈ခုနှစ်မှာ ထိုင်းနိုင်ငံက ထွက်ပြေးသွားခဲ့တာဖြစ်ပါတယ်။

Source: Nation

Published_ 22 August 2023

သာမန်အတိုင်း အာလုတ်ကျင်းခြင်းဖြင့် လူတစ်ယောက်မှာ နှလုံးရောဂါဖြစ်နိုင်ချေကို ခန့်မှန်းနိုင်ကြောင်း လေ့လာချက်တစ်ခုကို Frontiers in Oral Health မှာ ဖော်ပြခဲ့ပါတယ်။

ခံတွင်းကျန်းမာရေးနဲ့ နှလုံးသွေးကြောရောဂါတို့ကြား ဆက်စပ်မှုများကို စတင်မြင်တွေ့လာရတယ်လို့ အွန်တယ်ရီယိုညအနောက်ပိုင်းတက္ကသိုလ်မှာ သွားနဲ့ခံတွင်းပညာရပ်ကို လေ့လာနေတဲ့ ကာယွန်ဟောင်က ပြောကြားခဲ့ပါတယ်။

သွားဖုံးရောင်ရမ်းခြင်းကနေ သွားဖုံးရောဂါဖြစ်လာနိုင်ကာ နှလုံးသွေးကြောရောဂါ ဖြစ်လာနိုင်ပြီး တံတွေးနမူနာဖြင့်ပင် နှလုံးရောဂါအစောပိုင်း လက္ခဏာများကို တွေ့ရှိနိုင်မယ်လို့ သိပ္ပံပညာရှင်များ ယုံကြည်ထားကြပါတယ်။

နှလုံးသွေးကြောရောဂါများ ရှာဖွေဖို့ သာမန်အာလုတ်ကျင်းခြင်းဖြင့်ပင် သွေးဖြူဥပမာဏကို တွေ့နိုင်ပါတယ်။

သုတေသီများက အသက် ၁၈ နှစ်မှ ၃၀ နှစ်ကြား ဆေးလိပ်မသောက်သူများကို လေ့လာခဲ့ပါတယ်။

ပါဝင်စမ်းသပ်ခံသူတွေကို စမ်းသပ်ခန်းသို့မလာမီ ၆ နာရီကြာအောင် အစာမစားခိုင်းဘဲ ရေဖြင့် ပါးစပ်ကိုဆေးခိုင်းခဲ့ပါတယ်။

ဒီနောက် နှလုံး၊ သွေးဖိအား၊ သွေးကြောချဲ့ထွင်ခြင်း၊ သွေးကြောတောင့်တင်းမှု စတာတွေကို တိုင်းတာစစ်ဆေးခဲ့ကြပါတယ်။

ထိုအခါမှာ သွေးဖြူဥများခြင်းက သွေးကြောကျန်းမာရေးမကောင်းတာကို ညွှန်ပြနေပါတယ်။

သွေးဖြူဥများခြင်းက သွေးကြောကျဉ်းခြင်းအပေါ် များစွာ သက်ရောက်နေကြောင်း ကလိဗ်လန်းဆေးခန်းက ဆိုပါတယ်။

ခံတွင်းသန့်စင်ခြင်းကို ဆေးခန်းမှာ နှစ်စဉ်ပုံမှန်ပြုလုပ်သင့်ကြောင်း တိုရွန်တိုတက္ကသိုလ်မှ ဒေါက်တာ'မိုက်ကယ်ဂလိုဂါ'က ပြောကြားခဲ့ပါတယ်။

ခံတွင်းရောဂါ အမျိုးမျိုးရှိသူတွေမှာ နှလုံးသွေးကြောရောဂါပေါ် သက်ရောက်နေပုံများကို ပိုမိုနားလည်နိုင်ရန် မျှော်လင့်ထားကြောင်း ပြောပြသွားပါတယ်။
Source: New York Post
#World_Health
#YMG #Yangon_Times

Published_ 22 August 2023

လူတွေဟာ ဆေးခန်းတွေသွားပြီး ကာကွယ်ဆေးအမျိုးမျိုး ထိုးကြပေမယ့် လက်မောင်းတစ်ဖက်တည်းမှာပဲ ထိုးသင့်သလား၊ နှစ်ဖက်စလုံးမှာ ထိုးသင့်သလား ဆိုတာကိုတော့ ဆရာဝန်တွေရော သူနာပြုတွေရော မသိကြပါဘူး။

ဂျာမနီနိုင်ငံ ဆာလန်းတက္ကသိုလ်မှ ပရော်ဖက်ဆာ 'မာတီနာဆက်ဆတာ'နဲ့ သူ့ရဲ့ကျောင်းသူ 'လော်ရာဇီဂလာ'တို့က ကာကွယ်ဆေးတွေရဲ့ ထိရောက်ပုံကို စိတ်ဝင်စားခဲ့ကြပြီး ကာကွယ်ဆေးတွေက ခန္ဓာကိုယ်ထဲမှာ ဘယ်လိုသွားလာသလဲ၊ အလိုရှိနေတဲ့နေရာသို့ တိုက်ရိုက်သွားသလား သွယ်ဝိုက်သွားသလား၊ သွားရာလမ်းတလျှောက် သာမန်ဆဲလ်တွေကို ထိခိုက်စေသလား ဆိုတာတွေကို သိချင်ခဲ့ကြပါတယ်။

ကာကွယ်ဆေးတွေကို လက်မောင်းတစ်ဖက်တည်းမှာ ထိုးခြင်းနဲ့ နှစ်ဖက်စလုံးမှာ ထိုးခြင်းတို့က ကိုယ်ခံအားမြှင့်တင်ပေးနိုင်ပေမယ့် ဒုတိယအကြိမ် အားဖြည့်ကာကွယ်ဆေး ထိုးတဲ့အခါမှာတော့ မူလလင့်နုတ်တွေ စီးဆင်းရာလမ်းကြောင်းအတိုင်း ထိုးသွင်းပါက ပိုပြီးထိရောက်စေကြောင်း၊ လေ့လာချက်များအရ လက်မောင်းတစ်ဖက်တည်း ထိုးခြင်းက ကိုယ်ခံအားစနစ်ကို ပိုမိုမြှင့်တင်ပေးနိုင်ကြောင်း အသက် ၂၃ နှစ်ရှိ ဇီဂလာက ပြောပြခဲ့ပါတယ်။

ကိုဗစ်ကာလအစကတည်းက ဂျာမနီနိုင်ငံရဲ့ ကာကွယ်ရေးထိုးနှံရေးမှာ အဓိကအသုံးပြုခဲ့တဲ့ ဘိုင်အိုအင်တက်ခ် mRNA ကာကွယ်ဆေးထိုးနှံခဲ့တဲ့ လူ ၃၀၃ ဦးထံမှ အချက်အလက်များကို ရယူခဲ့ပါတယ်။

တိုးမြှင့်ကာကွယ်ဆေး ထိုးပြီး ၂ ပတ်အကြာမှာ killer T ဆဲလ်တွေက လက်မောင်းတစ်ဖက်တည်း ကာကွယ်ဆေးထိုးသူတွေမှာ သိသိသာသာ ပိုမိုများပြားနေကြောင်း တွေ့ရှိခဲ့ပါတယ်။

ဒါကြောင့် SARS-CoV-2 ရောဂါပိုး ဝင်ရောက်တဲ့အခါ လက်မောင်းတစ်ဖက်ထဲမှာပဲ ကာကွယ်ဆေးထိုးတဲ့သူတွေက ကာကွယ်နိုင်စွမ်း ပိုမိုမြင့်မားကြောင်း ကောက်ချက်ချနိုင်ပါတယ်။

ဒါ့အပြင် ကိုယ်ခံအားပဋိပစ္စည်းတွေဟာလည်း လက်မောင်းတစ်ဖက်ထဲ ကာကွယ်ဆေးထိုးတဲ့သူတွေမှာ ပိုပြီးအကျိုးသက်ရောက်နေပါတယ်။

ထိုအချက်အလက်တွေဟာ ဘိုင်အိုအင်တက်ခ် ကာကွယ်ဆေးထိုးထားတဲ့ လူ ၃၀၃ ဦးထံမှသာ လေ့လာထားတာကြောင့် ကောက်နုတ်ချက်ကို သတိထားဖို့ လိုနေသေးတယ်လို့ ဆိုပါတယ်။

ရာသီအလိုက် ကာကွယ်ဆေးတွေနဲ့ တုပ်ကွေးကာကွယ်ဆေး ထိုးရာမှာလည်း ဒီလိုမျိုး သက်ရောက်နိုင်သလား ဆိုတာကိုသိရဖို့ နောက်ထပ်လေ့လာချက်တွေ လိုအပ်နေပါတယ်။

ဒါပေမဲ့ အချို့သောကာကွယ်ဆေးတွေဟာ လက်မောင်းတစ်ဖက်တည်း ထိုးတဲ့အခါ ကိုယ်ခံအား ပိုမိုအလုပ်လုပ်တယ်ဆိုတာ ဖြစ်နိုင်ချေရှိကြောင်း ပြောပြသွားပါတယ်။
Source: The Jerusalem Post
#World_Health
#YMG #Yangon_Times

ဂါဇာကမ်းမြောင်ဒေသမှ ကြောင်ကဖေးတစ်ခုဟာ ပါလက်စတိုင်းမှ ဒေသခံများကို အားတက်စေပြီး ပိတ်ဆိုခံထားရတဲ့ နယ်မြေထဲက နေ့စဉ်ဘဝရုန်းကန်မှုများကနေ လွတ်မြောက်စေဖို့ ရည်ရွယ်ထားပါတယ်။
#World_Business
#Published_ 21 August 2023
#YMG #Yangon_Times

#Daily_News
Published_ 21 August 2023

၁။ ‘ဝါကျွတ်ချိန်နီးလာလို့ ဆင်ချိုးရွှေချည်ထိုးတွေ ရောင်းအားတက်လာ

၂။ ပြည်ပထွက်ခွာမည့်လုပ်သားများအတွက် ဒေသဆိုင်ရာလမ်းညွှန်သင်တန်း၂နာရီသာ တတ်ရတော့မည်

၃။ ၂၀၂၃ ခုနှစ်ဘောလုံးရာသီ မြန်မာအမျိုး သမီးလိဂ်ပြိုင်ပွဲတွင် မြဝတီအမျိုးသမီးအသင်း အနိုင်ရရှိ

၄။ စစ်ပွဲဒဏ်ခံခဲ့ရသော ဂါဇာကမ်းမြှောင်တွင် စိတ်ချမ်းမြေ့စရာ ပေးစွမ်းမည့်ကြောင်ကဖေး .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

မြန်မာဇာတ်ကားများ ပြင်ပတွင် ရောင်းခွင့် ပြသခွင့်ရှိဟုဆို

"လိပ်ပြာစံအိမ်ဇာတ်ကား Netfixမှာ ပြသခွင့်ရ‌‌နေတာကို မြန်မာနိုင်ငံရုပ်ရှင်အစည်းအရုံးအနေနဲ့ မသိရှိ‌‌‌သေးသော်လည်း မိမိထုတ်လုပ်တဲ့ဇာတ်ကားတွေကို ထုတ်လုပ်ရေးတွေက ပြင်ပမှာ ရောင်း၀ယ်ပြသခွင့်ရှိတယ်" ဦးအေးကြူလေး(ဒုဥက္ကဌ/မြန်မာနိုင်ငံရုပ်ရှင်အစည်းအရုံး)
Yangon_Times/tthl
#Local_News
#Published_ 21 August 2023
#YMG #Yangon_Times

Published_ 21 August 2023

ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၇၇/၅)နှင့်(၇၇/၆)ကြားတွင် Express ကား ၁-စီး အရှိန်မထိန်းနိုင်ဘဲ လမ်းဘေးမြောင်းထဲထိုးကျ၍ အမျိုးသား ၁-ဦးသေဆုံး၍ ထိခိုက်ဒဏ်ရာရရှိသူ (၁၅)ဦးရှိခဲ့ကြောင်း မြန်မာနိုင်ငံမီးသတ်တပ်ဖွဲ့ကသိရသည်။

ယနေ့ သြဂုတ်လ ၂၁ရက် ညနေ ၃နာရီ ၄၀မိနစ်အချိန်ခန့်က မိုင်တိုင်အမှတ် (၇၇/၅)နှင့်(၇၇/၆)ကြားတွင် လူဦးရေ (၁၆)ဦး တင်ဆောင်လာသည့်အဖြူရောင် Express တစ်စီးသည် အရှိန်မထိန်းနိုင်ဘဲ လမ်းဘေး မြောင်းထဲထိုးကျမှုဖြစ်ပွားခဲ့ခြင်း ဖြစ်ကြောင်းသိရသည်။

အဆိုပါဖြစ်စဉ်ကြောင့် ယာဉ်ပေါ်ပါလာသူ အမျိုးသား (၁၀)ဦး၊ အမျိုးသမီး (၅)ဦး နှင့် ကလေး(၁)ဦး၊ စုစုပေါင်း (၁၆)ဦးအနက် အမျိုးသား (၁)ဦးသေဆုံးခဲ့ပြီး အမျိုးသမီး (၁)ဦးမှာ စိုးရိမ်ရထိခိုက်ဒဏ်ရာများရရှိခဲ့ကာ ကျန်(၁၄)ဦးမှာ(မစိုးရိမ်ရ)ထိလိုက်ဒဏ်ရာရရှိခဲ့ကြောင်းသိရသည်။

ယာဉ်တိုက် မှုသတင်းရရှိ၍ ဥသျှစ်ကုန်းအမြန်လမ်းမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ပြီး သေဆုံးသူနှင့်ထိခိုက်ဒဏ်ရာရရှိသူများကို ၁၉၂လူနာ တင်ယာဉ်၊ ရှင်သန်မှုလူမှုကူညီရေးအသင်းယာဉ်နှင့် Light Truck ယာဉ်တို့ဖြင့် မြို့ချောင်းတိုက်နယ်ဆေးရုံသို့ ပို့ဆောင်ပေး ခဲ့ကြောင်းသိရသည်။
#Yangon-Times/PP
#Local_News
#YMG #Yangon_Times

Published_ 21 August 2023

မလေးရှား နိုင်ငံသို့ တရားမဝင် သွားရောက် အလုပ်လုပ်ကိုင်သည့် မြန်မာလုပ်သား အများစုအနေဖြင့် အလုပ်အကိုင်မရရှိဘဲ နေထိုင်စားသောက်ရေးအတွက် အခက်အခဲများစွာကြုံတွေ့နေရကြောင်း မလေးရှား နိုင်ငံရှိမြန်မာလူမှုကူညီရေးအသင်းများ ထံမှသိရသည်။

တရားမဝင်ပြည်ပလုပ်သားများဖမ်းဆီးမှုများလာခြင်းအပြင် မလေးရှားနိုင်ငံအတွင်း  အလုပ်အကိုင်ရှား ပါးလာသောကြောင့် အထက်ပါအတိုင်း အခက်အခဲ ကြုံရခြင်း ဖြစ်သည်။

"ကိုဗစ်ဖြစ်ပြီးနောက်ပိုင်းမှာ မလေးရှားမှာလည်း စီးပွားရေးကျဆင်းလာတယ်။

တရားဝင် အလုပ်လာလုပ်တဲ့သူ တွေတောင် အချိန်ပို ရလာတာ နည်းလာတယ်။

တရားမဝင် လုပ်သားကပိုဆိုးတာပေါ့။ အခုဆို အလုပ်ရှာပေး မယ်ဆိုပြီး ပွဲစားကပိုက်ဆံတွေလွှဲခိုင်းပြီးဖုန်းကိုဘလော့သွားတာတို့၊ စက်ရုံလိုက်ပို့တယ်ပြီး လမ်းမှာထားခဲ့တာတွေ  အော်ပရာစီဝင်လို့ ဖမ်းခံရတဲ့သူတွေ ဒုက္ခရောက်နေတဲ့ တရားမဝင်မြန်မာလုပ်သားတွေ အကြောင်း နေ့တိုင်းနီးပါးလိုကြားနေရတယ်။

နေဖို့စားဖို့အခက်ခဲဖြစ်လို့ လူမှုရေးအသင်းတွေထံ အကူညီတောင်းကြ တာတွေလဲရှိတယ်"ဟု ကပ်ပုန်း ၇ ရက်သားသမီးနာရေးကူညီမှုအသင်း(မလေးရှား)မှအဖွဲ့ဝင်တစ်ဦးက Yangon Times ကိုပြောသည်။

  မလေးရှားနိုင်ငံသို့ တရားမဝင် မြန်မာလုပ်သားဝင်ရောက်လာမှုမှာ လက်ရှိ ၂၀၂၃ ခုနှစ်တွင် ပိုမိုများပြား လာကြောင်း၊ မလေးရှားအစိုးရအနေဖြင့်လည်း တရားမဝင် ပြည် ပလုပ်သားများအတွက် အသိအမှတ်ပြု အထောက်အထားပါမစ်ကတ်ကို ၂၀၂၃ ခုနှစ် (၁၂) လပိုင်းအထိ ပြုလုပ်ပေးနေသော်လည်း ၂၀၂၂ ခုနှစ် (၁၀)လပိုင်းအတွင်း မလေးရှားနိုင်ငံသို့ရောက်ရှိနေသူများကိုပြုလုပ်ပေးခြင်းဖြစ်ကြောင်းသိရသည်။
YMG/LW
#Local_Times
#YMG #Yangon_Times