Published_ 23 August 2023

လာမည့်၂၀၂၄ခုနှစ်တွင်တက္ကသိုလ်ဝင်စာမေးပွဲဖြေဆိုမည့်သူများအတွက်တက္ကသိုလ်ဝင်စာမေးပွဲဖြေဆိုခွင့်လျှောက်လွှာများကိုစက်တင်ဘာလ(၁)ရက်မှစတင်ရောင်းချပေးမည်ဖြစ်ကြောင်း ပညာရေးဝန်ကြီးဌာနမှသိရသည်။

၂၀၂၄ ခုနှစ်၊ တက္ကသိုလ်ဝင်စာမေးပွဲဖြေဆိုခွင့်လျှောက်လွှာတစ်စောင်လျှင် (၂ဝဝိ/-) နှင့် စာမေးပွဲဝင်ကြေးအတွက် (၇ဝဝိ/-) တန်ဖိုးရှိ ပညာရေးဝန်ကြီးဌာန၊ ငွေသွင်းတံဆိပ်ခေါင်းတိုကို မြန်မာနိုင်ငံစာစစ်ဦးစီးဌာနတွင် ၂၀၂၃-ခုနှစ်၊ စက်တင်ဘာလ ၁ ရက်နေ့မှ စတင်၍ရောင်းချပေးမည် ဖြစ်သည်။

အခြေခံပညာအထက်တန်းကျောင်းများ၊ ကျောင်းခွဲများ၊ တွဲဖက် ကျောင်းများနှင့်ကိုယ်ပိုင်အထက်တန်း ကျောင်းများမှ ဖြေဆိုရန်လျှောက်လွှာတင်သွင်းမည့် ကျောင်းသား ကျောင်းသူများ၏ စာမေးပွဲဝင်ကြေးအတွက် ကျောင်းအုပ်ကြီးများသည် စာမေးပွဲဝင်ကြေး (၇၀ဝိ/-)ကျပ်တန် ငွေသွင်းတံဆိပ်ခေါင်းများ ဝယ်ယူပြီး၊ လျှောက်လွှာတစ်စောင်ချင်းတွင်ကပ်၍ စုပေါင်းပြီး မြန်မာနိုင်ငံစာစစ်ဦးစီးဌာနသို ၂၀၂၃ ခုနှစ်၊ စက်တင်ဘာလ ၁ ရက်နေ့မှ စက်တင်ဘာလ ၂၉ ရက်နေ့အတွင်း သတ်မှတ်ရက်အမီတင်သွင်းကြရမည် ဖြစ်သည်။

စနစ်ဟောင်း နဝမတန်း (Grade-10) အောင်မြင်ပြီး အကြောင်း အမျိုးမျိုးကြောင့် စနစ်ဟောင်း တက္ကသိုလ်ဝင်စာမေးပွဲ ဝင်ရောက်ဖြေဆိုခြင်း မရှိခဲ့သူများနှင့် စနစ်ဟောင်း ဒသမတန်း (Grade 11) တက္ကသိုလ် ဝင်စာမေးပွဲကျရှုူံးသူများကို ပြင်ပဖြေအဖြစ်ဖြေဆိုခွင့်ပြုမည် ဖြစ်သည်ဟုဆိုသည်။

ပြင်ပဖြေဆိုရန် လျှောက်လွှာတင်သွင်းသူများ၏ စာမေးပွဲဝင်ကြေးအတွက် သက်ဆိုင်ရာမြိုနယ်ပညာရေးမှူး ရုံးများတွင် စာမေးပွဲဝင်ကြေး (၇၀ဝိ/-) ကျပ်တန် ငွေသွင်းတံဆိပ်ခေါင်းများဝယ်ယူပြီး ဝင်ခွင့်လျှောက်လွှာ၏ လက်ဝဲဘက်ထိပ်ပိုင်းတွင်ကပ်၍မိမိတို အမှန်တကယ်နေထိုင်သည့် မြိုနယ်ပညာရေးမှူးရုံးတွင် ၂၀၂၃ ခုနှစ်၊ စက်တင်ဘာလ (၁)ရက်နေ့မှစက်တင်ဘာလ(၂၉)ရက်နေ့အတွင်း တင်သွင်းကြရမည် ဖြစ်သည်။

လျှောက်လွှာပုံစံများနှင့် ငွေသွင်းတံဆိပ်ခေါင်းများကို မြန်မာနိုင်ငံစာစစ်ဦးစီးဌာန(ရုံးချုပ်)၊ ရုံးအမှတ် (၅၂) ၊ နေပြည်တော်နှင့် မြန်မာနိုင်ငံစာစစ်ဦးစီးဌာန၊ ရန်ကုန်(ရုံးခွဲ)၊ ပါရမီလမ်း၊ ၁၂-ရပ်ကွက်၊ လှိုင်မြို့နယ်၊ ရန်ကုန်မြိုတွင် လာရောက်ဝယ်ယူနိုင်ကြောင်းသိရသည်။
Yangon_Time/tthl
#Local_News
#YMG #Yangon_Times

Published 23 August 2023

အမေရိကန်ကမ်းရိုးတန်းမှာ ရှားပါးအသားစား ဘက်တီးရီးယားတစ်မျိုးကြောင့် လူ ၈ ဦးသေဆုံးခဲ့ရာ အာဏာပိုင်များက ပင်လယ်ထဲ ရေကူးခြင်းနဲ့ အခွံမာငါးများ စားသုံးခြင်းကို ရှောင်ရှားရန် သတိပေးလိုက်ပါတယ်။

ဖလောရီဒါမှာ vibrio vulnificus ဘက်တီးရီးယားကြောင့် လူ ၅ ဦးသေဆုံးခဲ့ကာ နောက်ထပ် ၃ ဦးကတော့ လောင်းအိုင်လန်၊ နယူးယော့ခ်၊ ကွန်နက်တီကပ်တို့မှ ဖြစ်ပါတယ်။

အရေပြားမှာ ဒဏ်ရာရထားသူများ အနေနဲ့ ရောဂါကူးစက်ခြင်း မဖြစ်ရအောင် ပင်လယ်ရေနဲ့ ဝေးဝေးနေဖို့ ကျန်းမာရေးတာဝန်ရှိသူများက သတိပေးထားပါတယ်။

ကွန်နက်တီကပ်မှာ သေဆုံးတဲ့လူ ၂ နှစ်ဦးက အတ္တလန္တိတ်သမုဒ္ဒရာ ဒီရေမြစ်ဝကျွန်း လောင်းအိုင်လန်ဆောင်းမှာ ရေကူးခဲ့တယ်လို့ သိရပါတယ်။

နောက်တစ်ယောက်ကတော့ ကမာကောင်အစိမ်းများ စားပြီးနောက် ဆေးရုံတင်လိုက်ရတယ်လို့ သိရှိရပါတယ်။

vibrio ဘက်တီးရီးယားတွေက ရှားပါးပေမယ့် ကံဆိုးစွာနဲ့ ရောက်လာတတ်ပြီး အင်မတန်အန္တရာယ်များပါတယ်လို့ နယူးယော့ခ်အုပ်ချုပ်ရေးမှူး ကေသီဟိုချူလ်က ပြောကြားလိုက်ပါတယ်။

လိုအပ်တဲ့ ကာကွယ်ရေး အတိုင်းအတာများ ဆောင်ရွက်ရန်၊ အရေပြားဒဏ်ရာရထားသူများ အနေနဲ့ ပင်လယ်နဲ့ ဝေးဝေးနေရန်၊ ကိုယ်ခံအား မကောင်းသူများအနေနဲ့ အခွံမာငါးများ စားသုံးခြင်းကို ရှောင်ရှားရန် အရေးကြီးကြောင်း ထုတ်ပြန်ထားပါတယ်။

ဖလော်ရီဒါမှာ vibrio vulnificus ဘက်တီးရီးယား ကူးစက်မှုကြောင့် ပြီးခဲ့တဲ့နှစ် ဇန်နဝါရီလနောက်ပိုင်း ကူးစက်မှု ၇၄ ခုနဲ့ သေဆုံးသူ ၁၇ ဦးရှိထားပါတယ်။

ခန့်မှန်းချက်များအရ အမေရိကန်မှာ အဆိုပါဘက်တီးရီးယားကူးစက်မှုကြောင့် နှစ်စဥ်ကူးစက်ခံရသူ ၈ သိန်းခန့်နဲ့ သေဆုံးသူ ၁၀၀ ခန့်ရှိနေပြီး ကူးစက်မှုအများစုက ရာသီဥတုပူနွေးချိန် နွေရာသီဖြစ်ပါတယ်။

ကျက်အောင် မချက်ထားတဲ့ အခွံမာငါးမျိုးတွေ စားသုံးရာကနေ ကူးစက်ပါက အစာအိမ်အူလမ်းကြောင်း လက္ခဏာများအပြင် ဖျားနာခြင်း၊ ချမ်းတုန်ခြင်း၊ အော့အန်ခြင်းတို့ပါ ဖြစ်ပွားနိုင်ပါတယ်။
Source: The Telegraph
#World_Health
#အမေရိကန် #ရှားပါးအသားစားဘက်တီးရီးယားကူးစက်မှု #လူ(၈)ဦးသေဆုံ
#YMG #Yangon_Times

Published_ 23 August 2023

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် မြန်မာ ကုန်ထုတ်လုပ်သားသစ် (၁၄၂)ဦးကို သြဂုတ်လ ၂၂ ရက်တွင် ထပ်မံစေလွှတ်ခဲ့ကြောင်း ဆိုလ်းမြို့၊ မြန်မာသံရုံးကသိရသည်။

အဆိုပါ ကုန်ထုတ်လုပ်သားသစ် (၁၄၂)ဦးသည် ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ရာမြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက် နာသင့်သည့် အချက် များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းသိရသည်။

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် ကုန်ထုတ်လုပ်သား၊ စိုက်ပျိုးရေးနှင့်မွေးမြူရေးလုပ်သား စုစုပေါင်း(၄၂၈)ဦးကို သြဂုတ်လ(၁)ရက်၊ (၂)ရက်နှင့်(၈)ရက်က စေလွှတ်ခဲ့ကြောင်း ဆိုလ်းမြို့၊ မြန်မာသံရုံး၏ စာရင်းများအရ သိရသည်။
#Yangon-Times/PP
#Local_News
#YMG #Yangon_Times

Published_ 23 August 2023

စမ်းသပ်သန်းခေါင်စာရင်းကောက်ခံမှုကို ယခုနှစ်၊အောက်တိုဘာလ အတွင်း မြို့နယ် (၂၀) ရှိ စာရင်း ကောက်ကွက် (၁၀၀) တွင် စမ်းသပ်သန်းခေါင်စာရင်းကောက်ခံမှု ဆောင်ရွက်သွားမည် ဖြစ်ကြောင်း နစက ဒုတိယ ဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းက သြဂုတ်လ ၂၂ ရက်တွင် ပြုလုပ်သည့် ဗဟိုသန်းခေါင်စာရင်းကော်မရှင်၏ ဒုတိယအကြိမ် လုပ်ငန်းညှိနှိုင်းအစည်းအဝေးတွင်ပြောသည်။

ယင်းနောက် ပြည်လုံးကျွတ် လူဦးရေနှင့် အိမ်အကြောင်းအရာ သန်းခေါင်စာရင်း ကို လာမည့်၂၀၂၄ ခုနှစ်၊ အောက်တိုဘာလ (၁) ရက်မှ (၁၅) ရက်အထိ ကောက်ယူသွားမည်ဖြစ်ကြောင်း သိရသည်။

၂၀၂၄ ခုနှစ်တွင်ကောက်ယူမည့် လူဦးရေနှင့် အိမ်အကြောင်းအရာ သန်းခေါင် စာရင်းသည် ကိုယ့်အား ကိုယ် ကိုးစနစ်နှင့် နိုင်ငံတော်ဘတ်ဂျက်နှင့် မိမိတို့အစိုးရ ဝန်ကြီး ဌာနများအချင်းချင်း ပူးပေါင်းဆောင်ရွက်ရ မည်ဖြစ် သည့်အပြင် ယခင်သန်းခေါင် စာရင်းများကဲ့သို့ တိကျခိုင်မာပြီး အရည်အသွေးကောင်းမွန်ပြည့်စုံအောင် ဝိုင်းဝန်း ဆောင်ရွက်ရမည် ဖြစ်ကြောင်းလည်း ယင်းကပြောသည်။

၂၀၂၄ ခုနှစ်၊ သန်းခေါင် စာရင်းကောက်ယူမှုအတွက် နိုင်ငံတော် ဘဏ္ဍာ ရန်ပုံငွေကိုသာ သုံးစွဲမည် ဖြစ်ကြောင်း၊ သန်းခေါင်စာရင်းကောက် ယူရေးလုပ်ငန်း ဆောင်ရွက်ရာတွင် စိန်ခေါ်မှုအမျိုးမျိုး နှင့် လုံခြုံရေးပိုင်းဆိုင်ရာ က အစ အခြားမမျှော်မှန်းနိုင်သည့် အခက်အခဲများတွေ့ကြုံလာနိုင်သည့် အတွက် ယင်းကို ကျော်လွှား နိုင်ရန် ကြိုတင်စီမံဆောင်ရွက်သွားကြရမည်ဖြစ်ကြောင်းလည်း သိရသည်။

ကမ္ဘာ့နိုင်ငံအများစုတွင် (၁၀)နှစ်တွင် တစ်ကြိမ်သာ လူဦးရေသန်းခေါင်စာရင်းများကို ကောက်ယူလေ့ရှိကြရာ မြန်မာနိုင်ငံတွင် ၂၀၁၄ သန်းခေါင်စာရင်းအပြီး (၁၀) နှစ် အကြာ ၂၀၂၄ ခုနှစ်တွင် နောက်တစ်ကြိမ် မဖြစ်မနေ ကောက်ယူရမည်ဖြစ်ကြောင်း၊ယင်းမှာ ပါတီစုံဒီမိုကရေစီစနစ် ခိုင်မာစေရေးနှင့် ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စု တည်ဆောက်ရေး အတွက် အခြေခံအကျ ဆုံးဖြစ်သော တိကျမှန်ကန်သည့် လူဦး ရေနှင့် လူမှုစီးပွားရေး အခြေ အနေများကို အုပ်ချုပ်မှုဒေသ အသေးငယ်ဆုံးအဆင့်ထိ ရရှိနိုင်ရန် ဖြစ်ကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီအနေဖြင့် ဗဟိုသန်းခေါင်စာရင်းကော်မရှင်ကို ၂၀၂၃ ခုနှစ်၊ ဖေဖော်ဝါရီလ၂၅ ရက် က ပြင်ဆင် ဖွဲ့စည်းခဲ့ပြီးဖြစ်သည်။
Yangon_Times/PP
#Local_News
#YMG #Yangon_Times

Published_ 23 August 2023

ဆေးတစ်တောင့်ထဲမှာပဲ ဆေး ၃ မျိုးပေါင်းစပ်ပါဝင်တဲ့ ပိုလီဆေးလို့ခေါ်တဲ့ နှလုံးဆေးတစ်မျိုးကို WHO ရဲ့ မရှိမဖြစ်ဆေးဝါးများစာရင်းထဲမှာ ထည့်သွင်းလိုက်ပါတယ်။

နှလုံးရောဂါအခံနဲ့ နှလုံးဆက်စပ် ရောဂါရှိသူတွေမှာ နောက်ထပ် ထပ်မဖြစ်ပွားအောင် ရည်ရွယ်ထုတ်လုပ်တာ ဖြစ်ပါတယ်။

ဒါကို ဖန်တီးထုတ်လုပ်နိုင်ဖို့ လေ့လာချက်ပေါင်းများစွာဖြင့် အချိန် ၁၅ နှစ်ကြာသွားခဲ့ပါတယ်။

WHO ရဲ့ မရှိမဖြစ်ဆေးဝါးစာရင်းဟာ ပြည်သူ့ကျန်းမာရေးစောင့်ရှောက်မှု လိုအပ်ချက်များနဲ့ ကိုက်ညီပြီး ကျန်းမာရေးတိုးတက်ကောင်းမွန်စေနိုင်ကာ အသက်တွေကို ကယ်ဆယ်နိုင်မှာဖြစ်ကြောင်း ဖော်ပြထားပါတယ်။

ထိုပိုလီဆေးထဲမှာ လူနာများ ပထမဆုံးအကြိမ် နှလုံးဖောက်ပြီးနောက် ကုသလေ့ရှိတဲ့ဆေးများ ပါဝင်ပါတယ်။

ထိုဆေးဟာ အရင်က နှလုံးရောဂါနဲ့ ဆက်စပ်ဖြစ်ဖူးခဲ့တဲ့ နောက်ဆက်တွဲဆိုးကျိုးတွေကို ထိရောက်စွာ ကာကွယ်နိုင်ကြောင်း နယူးအင်္ဂလန် ဆေးဘက်ဆိုင်ရာဂျာနယ်မှာ ၂၀၂၂ ဩဂုတ်လက ဖော်ပြခဲ့ဖူးပါတယ်။

ထိုဆေးဟာ အရင်က နှလုံးဖောက်ခြင်းမျိုး ခံစားရဖူးသူတွေမှာ နှလုံးသွေးကြောရောဂါကြောင့် သေဆုံနိုင်ချေကို ၃၃ ရာခိုင်နှုန်း လျှော့ချနိုင်ကြောင်း တွေ့ရှိထားပါတယ်။

ထိုဆေး ၃ မျိုးထဲမှာ သွေးခဲခြင်းကို ကာကွယ်ပေးတဲ့ အက်ဆီတိုင်လ်ဆယ်လီစလစ်အက်ဆစ်၊ သွေးပေါင်ချိန်ချပေးတဲ့ ရာမီပရေးလ်၊ ကိုလက်စ်ထရောလ်ချပေးတဲ့ အေတိုဗာစတက်တင်တို့ ပါဝင်ပါတယ်။

လူနာတစ်ဦးဟာ ဆေး ၃ မျိုး ၃ စားကို နေ့စဥ်သောက်သုံးရန် မလွယ်ကူဘဲ ဆေးတစ်တောင့်တည်းဆိုရင် ပိုမိုအဆင်ပြေသွားမှာ ဖြစ်ပါတယ်။

နှလုံးကြွက်သားပုပ်ခြင်းမျိုး ခံစားရပြီးသူတွေမှာ နောက်တစ်ကြိမ် ထိရောက်စွာကာကွယ်နိုင်ဖို့ ထိုဆေးကို အသုံးပြုရန် အရေးကြီးကြောင်း သုတေသနအဖွဲ့က ဆိုပါတယ်။

ထိုဆေးကို Trinomia, Sincronium, Iltria အမှတ်တံဆိပ်များဖြင့် နိုင်ငံအလိုက် ရောင်းချပေးနေပါတယ်။

ပိုလီဆေးဟာ နိုင်ငံပေါင်း ၂၅ နိုင်ငံမှာ ရောင်းချနေပြီး အမေရိကန်မှာ အသုံးပြုဖို့အတွက်တော့ FDA က ခွင့်ပြုချက် မပေးသေးပါဘူး။
Source: New York Post
#World_Health
#YMG #Yangon_Times

ထိုင်းနိုင်ငံ ဝန်ကြီးချုပ်အသစ် ဆရက်သာ သာဗီဆင်က ထိုင်းဘုရင့်နိုင်ငံတော်ပြည်သူတွေအတွက် မမောမပမ်းအလုပ်လုပ်ပါမယ်လို့ ကတိပေးလိုက်ပါတယ်။ သူ့ကို ထိုင်းဝန်ကြီးချုပ်အသစ်အဖြစ် ပါလီမန်က အတည်ပြုပြီး သိပ်မကြာခင် သတင်းထောက်တွေကို သူကပြောခဲ့တာဖြစ်ပါတယ်။
ထိုင်းပြည်သူတွေရဲ့ ဘဝအရည်အသွေးတွေတိုးတက်မှုရရှိစေဖို့ ကျွန်တော့်အနေနှင့် အကောင်းဆုံး မမောမပမ်း အလုပ်လုပ်ပါမယ်လို့ သူက ထိုင်းနိုင်ငံ အာဏာရပါတီ ဖွေထိုင်း ဌာနချုပ်မှာ သတင်းထောက်တွေနှင့် တွေ့ဆုံပြောကြားခဲ့တာ ဖြစ်ပါတယ်။
Source AFP

လူငယ်သူရဲကောင်းဘဝမှ အရွယ်ရောက်သူများအဖြစ်သို့ ပြောင်းလဲသတ်မှတ်တဲ့ ကင်ညာရိုးရာပွဲ ယူနိုတိုမှာ မာဆိုင်းလူငယ်လေးတွေက ဓာတ်ပုံရိုက်ရင်း အလုပ်ရှုပ်နေကြပါတယ်။
#World_Culture
#Published_ 22 August 2023
#YMG #Yangon_Times

#Daily_News
Published_ 22 August 2023

၁။ ရွှေတိဂုံ၊ မဟာမြတ်မုနိ၊ ကျိုက်ထီးရိုး၊ သျှစ်သောင်းပုထိုးတော်ကြီးစသည့် တန်ခိုးကြီးဘုရားများတွင် ဒစ်ဂျစ်တယ်လမ်းညွှန်များ ထားရှိနိုင်ရန် ဆောင်ရွက်နေ

၂။ မလေးရှားအစိုးရက မြန်မာအပါအဝင် နိုင်ငံခြားသားလုပ်သားသစ် ခေါ်ယူဖို့ရန် ခွင့်မပြုသေးဟုဆို

၃။ အာရှအားကစားပြိုင်ပွဲတွင် မြန်မာပိုက်ကျော်ခြင်းအသင်း ပြိုင်ပွဲအမျိုးအစားလေးမျိုး ယှဉ်ပြိုင်မည်

၄။ ကင်ညာနိုင်ငံ၏ အရွယ်ရောက် လူပျို အပျိုဖြစ် ယူနိုတိုရိုးရာပွဲ မာဆိုင်းလူငယ်များဆင်နွှဲး .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#BreakingNews

မြဝတီ-ကော့ကရိတ် လမ်းပိုင်းပြုပြင်၍ ပြီးခါနီးပြီဖြစ်

‘မြဝတီ-ကော့ကရိတ် အာရှလမ်းမှာ အိမ်စီးကားတွေအပြင် ကုန်တင်ကားခြောက်ဘီးကန်ဒါတွေ ဖြတ်လို့ရနေပြီဖြစ်ပြီး ကုန်တင်ကားကြီး (၁၂)ဘီးကားတွေလည်း မကြာမီရက်ပိုင်းအတွင်းဖြတ်သန်းနိုင်တော့မှာဖြစ်ပြီး ကုန်သွယ်ရေးလမ်းကြောင်း ပြန်ပွင့်တော့မှာဖြစ်တယ်’ မြဝတီအခြေစိုက်လူမှုကူညီရေးအဖွဲတာဝန်ရှိသူတစ်ဦး
Yangon_Times/tthl
#Local_News
#Published_ 22 August 2023
#YMG #Yangon_Times

သုခဒဂုံပြည်သူ့အငှားအိမ်ရာ ငှားရမ်းနေထိုင်ခွင့် လာမည့် ဒီဇင်ဘာလအတွင်း ဒုတိယအကြိမ် လျောက်လွှာထပ်မံခေါ်ယူမည်

သုခဒဂုံပြည်သူ့အငှားအိမ်ယာစီမံကိန်းမှာ အဆောက်အဦးပေါင်း (၁၉၄)လုံး၊ အခန်းပေါင်း (၃၁၀၄)ခန်းနဲ့ ဆောက်လုပ်ထားတာဖြစ်
Yangon_Times/MY
#Local_News
#Published_ 22 August 2023
#YMG #Yangon_Times

Published_ 22 August 2023

ယခုနှစ်တွင် မြန်မာအပါအဝင်ကမ္ဘာ့နိုင်ငံများတွင်အယ်နီညိုသက်ရောက်မှုရှိမည်ဖြစ်သော်လည်း မြန်မာနိုင်ငံ‌အနေဖြင့် မိုးစပါးထွက်ပြီးချိန်‌ရောက်မှအယ်နီညိုသက်ရောက်မှုရှိမည်ဖြစ်၍ ဆန်စပါးထွက်ရှိမှုကို မထိခိုက်နိုင်ကြောင်း သိရသည်။

ယင်းကဲ့သို့ ထိခိုက်မှုမရှိကြောင်းကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊အမြဲတမ်းအတွင်းဝန်က(၂၂)ကြိမ်မြောက် နစက၏ သတင်းစာရှင်းလင်းပွဲတွင်ထည့်သွင်းပြောခဲ့ခြင်းဖြစ်သည်။

"မြန်မာနိုင်ငံဟာ အီကွေတာမြောက်ဘက်ခြမ်းမှာရှိတဲ့အတွက် အခုနှစ်မှာအယ်နီညိုရဲ့သက်ရောက်မှုဟာ အောက်တိုဘာလမှစတင်သက်‌‌ရောက်မှာဖြစ်လို့ မိုးစပါးထွက်ရှိပြီးချိန်မှသက်ရောက်မှာဖြစ်လို့ ဆန်စပါးထုတ်လုပ်မှုနဲ့မိုးစပါးထွက်ရှိတာကိုထိခိုက်နိုင်ခြေမရှိဘူးလို့ သုံးသပ်ထားပါတယ်"ဟု ၎င်းကပြောသည်။

လတ်တလောတွင်လည်း လက်ကျန်ဆန်တန်ချိန် ၃.၅သန်းကျော်ရှိနေသေးသည့်အတွက် နိုဝင်ဘာလ မိုးစပါးထွက်ချိန်အထိ ဆန်ဖူလုံမှုရှိကြောင်းလည်း ထည့်သွင်းပြောခဲ့သည်။
Yangon Times/tthl
#Local_News
#YMG #Yangon_Times