Published 18 October 2023

ရန်ကုန်တိုင်းဒေသကြီး လှိုင်သာယာ မြို့နယ် (အရှေ့ပိုင်း) ကစင်ကျေးရွာ အနီး လှိုင်မြစ် အတွင်းရေဆင်းကူးရာမှ လူငယ်တစ်ဦး ရေနစ်သေဆုံမှု ဖြစ်ပွားခဲ့ကြောင်း မေတ္တာပါရမီအသင်း(လှိုင်သာယာ) ထံ မှ သိရသည်။

အောက်တိုဘာ ၁၆ ရက် နေ့လည် ပိုင်း ကစင်ကျေးရွာ ၊ကစင် ဘုန်းတော်ကြီးကျောင်း အနီး လှိုင်မြစ် ကမ်း တွင် လူငယ် သုံးဦး ရေဆင်း ကူးရာမှ တစ်ဦးမှာ ရေနစ်ပျောက်ဆုံး သွားတာကြောင့် လူမှုကူညီရေး အသင်းများ ထံ အကူ ညီတောင်းလာ သဖြင့် ရှာဖွေပေးခဲ့ရာ အောက်တိုဘာ ၁၇ ရက် ညနေ ၄နာရီ တွင် ပြန်လည် တွေ့ရှိခဲ့ကြောင်း သိရသည်။

'' ၁၅နှစ် ၁၆ နှစ် ဝန်းကျင် ရှိတဲ့ ကလေးသုံးယောက် လှိုင်မြစ် ထဲ ရေဆင်းကူးကျတာ တစ်ယောက်ကရေနစ် သွားလို့ဆို ပြီး ကျွန်တော်တို့ အသင်း ကို ၁၆ရက်နေ့ ညနေ ၄နာရီ လောက် အကူညီတောင်း လာတယ် အဲ့နေ့ ညနေ ကတည်း က ရှာတာ မတွေ့ဘူး ၁၇ ရက် နေ့ ညနေ ပိုင်းလောက်မှာ ယခင် ကမ်း ပျိုပြီး စေတီ ပါသွားတဲ့ နေရာမှာအလောင်း ပြန်တွေ့တယ် ''ဟုမေတ္တာပါရမီအသင်း(လှိုင်သာယာ) မှ ကိုအောင်ခိုင် က ပြောသည်။

ရေနစ်သေဆုံးခဲ့သည့် လူငယ်မှာ အသက် ၁၆ နှစ် ရှိပြီ ဖြစ်ပြီး လှိုင်သာယာ အရှေ့ပိုင်း မြို့နယ်ကစင်ကျေးရွာ တွင် နေထိုင်သူ ဖြစ်ကြောင်း သိရသည်။
Yangon_Times/LW
#Local_News
#Published_ 18 October 2023
#YMG #Yangon_Times #Yangon_Media_Group

Published_ 18 October 2023

ပြီးခဲ့သည့်(၂၄)နာရီအတွင်း ဒေသ(၁၁)ခု၌မိုးရေချိန်များခဲ့ပြီး အောက်တိုဘာလ(၁၉)ရက်အပါအဝင်လာမည့် ရက်များတွင်ဒေသအချို့မှာတော့ မိုးထစ်ချုန်းရွာနိုင်သေးကြောင်းမိုးလေဝသနှင့်ဇလဗေဒညွှန်ကြားမှုဦးစီး ဌာနမှသိရသည်။

မှတ်သားဖွယ်ရာ မိုးရေချိန်များမှာ ဓနုဖြူမြို့တွင် (၂.၈၀)လက်မ၊ အင်္ဂပူမြို့တွင် (၁.၇၄)လက်မ၊ လေးမျက်နှာ မြို့တွင် (၁.၆၀)လက်မ၊ ဖြူးမြို့တွင် (၁.၅၇)လက်မ၊ ရန်ကုန်(မင်္ဂလာဒုံမြို့နယ်)တွင် (၁.၅၃) လက်မ၊ နမ့်စန်မြို့တွင် (၁.၄၂)လက်မ၊ ဟင်္သာတမြို့နှင့် ကျောင်းကုန်းမြို့တို့တွင် (၁.၂၆)လက်မစီ၊ သာပေါင်းမြို့တွင် (၁.၂၀)လက်မ၊ ဂွမြို့နှင့် ထားဝယ် မြို့တို့တွင် (၁.၁၄)လက်မစီတို့ရှိခဲ့ခြင်းဖြစ်သည်။

အောက်တိုဘာလ(၁၉)ရက်တွက် တနင်္သာရီတိုင်း၌ နေရာအနှံ့အပြား၊ ရှမ်းပြည်နယ်(တောင်ပိုင်း)နှင့် မွန်ပြည်နယ်တို့တွင် နေရာစိပ်စိပ်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ကယားပြည်နယ်နှင့် ကရင်ပြည်နယ်တို့တွင် နေရာကျဲကျဲနှင့် နေပြည်တော်၊ မန္တလေးတိုင်း၊ မကွေးတိုင်း၊ ရှမ်းပြည်နယ်(မြောက်ပိုင်းနှင့် အရှေ့ပိုင်း)နှင့် ရခိုင်ပြည်နယ်တို့တွင် နေရာကွက်ကျား မိုးထစ်ချုန်း ရွာမည်ဖြစ်သည်ဟုဆိုသည်။

နောက်(၂)ရက်အတွက်ခန့်မှန်းချက်အဖြစ် ပဲခူးတိုင်း ၊ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာနိုင်ကြောင်း သိရသည်။
Yangon_Times/tthl
#Local_News
#Published_ 18 October 2023
#YMG #Yangon_Times #Yangon_Media_Group

လက်ဖက်အထွက်နှုန်း ကျဆင်းခြင်းကြောင့် လက်ဖက်ခြောက်ဈေးနှုန်း ထက်ဝက်‌ကျော်အထိ မြင့်တက်

' ‌‌‌အခုနှစ်နွေရာသီက ပုံမှန်ထက်နေပူရှိန်ပြင်းတာနဲ့ အခုနှစ်မိုးရာသီ‌မှာ ပုံမှန်ထက်နေပူရက်နဲပါးပြီး ‌လက်ဖက်ပင်အစာချက်လုပ်ဖို့ နေရောင်ခြည်လုံလုံလောက်လောက်‌ မရရှိဘဲအညွန့် ကောင်းကောင်းမထွက်နိုင်လို့ အထွက်နှုန်းကျဆင်းတာ။ ' ပင်းတယမြို့နယ်ကလက်ဖက်လုပ်ငန်းလုပ်ကိုင်သူ ဦးခန်းချောဝင်း
Yangon_Times/NN
#Local_News
#Published_ 18 October 2023
#YMG #Yangon_Times #Yangon_Media_Group

ဘီလူးချောင်းရေကြီး၍ နေအိမ်အချို့ရေဝင်၊ချောင်းဘေးရှိ ကျေးရွာ၊ရပ်ကွက်နေထိုင်သူများ ကြိုပြောင်းသင့်

‘ ဘီလူးချောင်းဘေးရှိ အနိမ့်ပိုင်းနေအိမ်တွေကို အိမ်ထဲရေဝင်တာတွေရှိပြီး သက်ကြီးရွယ်နဲ့ သွားလာရတဲ့ ခက်ခဲသူအချို့ကို ရွှေ့ပြောင်းပေးထားပြီး ချောင်းဘေးနေအိမ်တွေ ပြောင်းရွှေ့ဖို့ အသင့်ပြင်ဆင်ထားသင့်တယ်။ မိုးဗြဲဆည်အပေါ်မူတည်တယ်’ ရွှေလွိင်ကော်လူမှုကူညီရေးအသင်းမှ တာဝန်ရှိသူတစ်ဦး
Yangon_Times/tthl
#Local_News
#Published_ 18 October 2023
#YMG #Yangon_Times #Yangon_Media_Group

ရွှေကုန်ကြမ်း ပေါများချိန်ဖြစ်သောကြောင့် ကမ္ဘာ့ရွှေဈေးနှုန်း အတက်အကျနည်းပါးပါက မြန်မာ့ရွှေဈေး ဆက်လက်ကျဆင်းနိုင်

' ကမ္ဘာ့ရွှေဈေးက တခြားဘာအနှောင့်အယှက်မှ မရှိရင် သီတင်းကျွတ်တန်ဆောင်တိုင်မှာ မြန်မာ့ရွှေဈေး အကျဆုံးအခြေအနေရောက်ပြီး တည်ငြိမ်တဲ့ရွှေဈေးနဲ့ ဆက်သွားမယ် ' မြန်မာနိုင်ငံရွှေလုပ်ငန်းရှင်များအသင်း မှတွဲဖက်အတွင်း
ရေးမှူး ဦးကြည်စိန်
Yangon_Times/NN
#Local_News
#Published_ 18 October 2023
#YMG #Yangon_Times #Yangon_Media_Group

ဇီဝဇိုးဌက်သိုက် ဈေးကောင်း ရရှိတာကြောင့် မွေးမြူရေးခြံများတွင် ငှက်သိုက် ခိုးခံရမှုများရှိလာ

ဇီဝဇိုးဌက်သိုက် ဈေးကောင်း ရရှိတာကြောင့် စီးပွားဖြစ် မွေးမြုသူများလာသလို မွေးမြူရေး ခြံတွေမှာလဲ ငှက်သိုက်ခိုးခံရမှုတွေလည်း ရှိလာတယ်လို့ ဇီဝဇိုးငှက် မွေး မြူ သူတွေထံက သိရပါတယ်။
Yangon_Times/LW
#Local_News
#Published_ 18 October 2023
#YMG #Yangon_Times #Yangon_Media_Group

သီတင်းကျွတ်ပိတ်ရက်တွင် ပုဂံ၊ ချောင်းသာ၊ ငွေဆောင်၌ ဘိုကင်များပြည့်နေ

‘ အရင်နှစ်တွေက ပြည်ပခရီးစဉ်တွေကို သွားတဲ့သူတွေကလည်း ငွေလဲနှုန်းတွေကြောင့် ပြည်တွင်းခရီးစဉ် တွေကို ပိုမိုရွေးချယ်လာတဲ့အတွက် ပုဂံ၊ချောင်းသာ၊ငွေဆောင်မှာဘိုကင်တွေနဲ့ပြည့်နေတယ်’ မြန်မာနိုင်ငံခရီးသွားလုပ်ငန်းရှင်များအသင်းဥက္ကဌ ဦးနောင်းနောင်းဟန်
Yangon_Times/tthl
#Local_News
#Published_ 18 October 2023
#YMG #Yangon_Times #Yangon_Media_Group

Published_ 18 October 2023

ပဲခူးတိုင်းဒေသကြီးတွင် အောက်တိုဘာလ ပထမအပတ်မှစတင်၍ မိုးသည်ထန်စွာ အဆက်မပြတ် ရွာသွန်းခဲ့မှုကြောင့် ပဲခူးမြိုနယ်၌ အောက်တိုဘာ(၁၇)ရက်အထိ မိုးစပါး စိုက်ဧက ၈၇၀၁၂ ဧက ရေကြီးနစ်မြှုပ်ခဲ့ပြီး ပြန်ပေါ်ဧက ၇၇၈၅၄ ဧကအနက် ၃၆၂၅၉ ဧက ထိခိုက်ခဲ့ကာ ၄၇၁၆ ဧက ပျက်စီးခဲ့ကြောင်း သိရပါတယ်။

ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းသည် အောက်တိုဘာ ၁၇ ရက်က ရေကြီးနစ်မြှုပ်ခဲ့တဲ့ မိုးစပါးစိုက်ခင်းများအား ထိခိုက်ပျက်စီးမှု လျော့နည်းသက်သာစေရေး ရိတ်သိမ်းခြွေလှေ့စက်များဖြင့် မိုးစပါးရိတ်သိမ်းနေမှုကို ကြည့်ရှုအားပေးခဲ့ပါတယ်။

တိုင်းဒေသကြီးဝန်ကြီးချုပ်သည် ပဲခူးမြိုနယ်၊ ရှမ်းရွာကြီးကျေးရွာအုပ်စုသို ရောက်ရှိ ခဲ့ပြီး တိုင်းဒေသကြီးအစိုးရအဖွဲ့အစီအစဉ်ဖြင့် ရေကြီးနစ်မြှုပ်ခဲ့သည် မိုးစပါးစိုက်ဧကများ ထိခိုက်ပျက်စီးမှုလျော့နည်းစေရေး ရိတ်သိမ်းခြွေလှေ့စက်များဖြင့် မိုးစပါးရိတ်သိမ်းနေမှု အား ကြည့်ရှုခဲ့ပြီး တစ်နှစ်(၃)သီး စိုက်ပျိုးနိုင်ရေး DY-6 ရေပေးမြောင်းမကြီးမှ ရေသွယ် မြောင်း ဖောက်လုပ်နိုင်ရေး တွက်ချက်တင်ပြရန် တာဝန်ရှိသူများကို မှာကြားခဲ့ပါတယ်။

ပဲခူးမြိုနယ်၊ ကလိကျေးရွာအုပ်စု၊ ဥဿာစိုက်ပျိုး မွေးမြူရေးနှင့် ကုန်ထုတ် သမဝါယမအသင်း လီမိတက်သို့ ရောက်ရှိခဲ့ရာ ငါးမွေးတောင်သူများ၏ ထိခိုက်နစ်နာခဲ့မှု ကို ပြန်လည်ကုစားပေးနိုင်ရေး ဈေးကွက်ရှိပြီး စားသုံးမှုများပြားသည့် ငါးမြစ်ချင်း၊ ငါးမုတ်၊ ငါးတန် (၂) လက်မအရွယ်ငါးမျိုးများ ပြန်လည်စိုက်ထည့်ပေးနိုင်ရေး ပေါင်းစပ်ညှိနှိုင်းပေး ခဲပြီး ရေနစ်မြှုပ်ခဲ့တဲ့ ငါးကန်များကို ကြည့်ရှုစစ်ဆေးခဲ့ပါတယ်။

ထို့နောက် ပဲခူးမြိုနယ်၊ အိုးဘိုကျေးရွာအုပ်စုနှင့် သနပ်ပင်မြိုနယ်၊ ဖရဲကျေးရွာအုပ်စု တို့ရှိ ရေကြီးနစ်မြှုပ်ခဲ့တဲ့ စပါးစိုက်ခင်းများအား ရိတ်သိမ်းခြွေလှေ့စက်များ အသုံးပြုကာ မိုးစပါးရိတ်သိမ်း နေမှုအား ကြည့်ရှုစစ်ဆေးခဲ့ပြီး ဆောင်းသီးနှံပဲတီစိမ်းစိုက် တောင်သူများ ပန်းတိုင်ရည်မှန်းချက် ပြည့်မီစေရေးအတွက် မျိုးကောင်းမျိုးသန့်ရရှိရေး၊ နည်းစနစ်မှန်ကန် စေရေး၊ မိုးမွှားရောဂါကင်းရှင်းစေရေး အသိပညာပေးခြင်းလုပ်ငန်းများ စဉ်ဆက်မပြတ် ဆောင်ရွက်ဖို့ တိုက်တွန်းပြောကြားခဲ့ ပါတယ်။

ပဲခူးမြို့နယ်၌ ယခင်နှစ်ကာလတူနှိုင်းယှဉ်ချက်အရ မိုးရေချိန်(၃၈)လက်မ ပိုမို ရွာသွန်းခဲ့တာကြောင့် ရေကြီးရေလျှံမှုများ ဖြစ်ပေါ်ခဲ့ကာ စိုက်ပျိုးရေးနှင့်မွေးမြူရေး လုပ်ငန်းများ ရေနစ်မြုပ်ခဲ့ပြီး သယ်ယူပို့ဆောင်ရေးလုပ်ငန်းများလည်း ခေတ္တရပ်နားခဲ့ရ ပါတယ်။
ymg_mnn
#Local_News
#YMG #Yangon_Times
#Yangon_Media_Group

၁၈ အောက်တိုဘာ ၂၀၂၃

ဂါဇာဆေးရုံမှာ ပေါက်ကွဲကြီးတစ်ခုဖြစ်ပွားခဲ့ပြီး လူရာချီသေဆုံးခဲ့ပြီးနောက် အမေရိကန်သမ္မတ ဂျိုးဘိုင်ဒင်နှင့် အာရပ်      ခေါင်းဆောင်တွေ ဂျော်ဒန်မှာ တွေ့ဆုံဆွေးနွေးကြမယ့် ထိပ်သီးအစည်းအဝေးအစီအစဉ်ကို အာရပ်ဘက်က ဖျက်သိမ်းပစ် လိုက်ပါတယ်။

အဲဒါကြောင့် အစ္စရေးဟာ ကိုယ့်ကိုကိုယ်ကာကွယ်ပိုင်ခွင့်ရှိတယ်ဆိုတဲ့ အပေါ်ရပ်တည်ပေးဖို့ ဘိုင်ဒင်ရဲ့ သံတမန်ရေးကြိုးပမ်း  မှုဟာ နှောင့်နှေးသွားပြီဖြစ်ပါတယ်။

ဂါဇာဆေးရုံတစ်ရုံပေါက်ကွဲမှာမှာ လူရာချီသေဆုံးခဲ့တဲ့အပေါ် ဟာမတ်စ်နှင့်အစ္စရေးတို့က တစ်ဖက်နှင့်တစ်ဖက် လွှဲချခဲ့ကြ ပါတယ်။

ဘိုင်ဒင်ဟာ ဒီကနေ့မှာ အစ္စရေးကိုထောက်ခံကြောင်းပြသဖို့ အစ္စရေးကိုရောက်လာဖို့ရှိနေပါတယ်။

ဗုဒ္ဓဟူးနေ့မှာ ဂျော်ဒန်နိုင်ငံ အာမန်မှာကျင်းပမယ့် ဘိုင်ဒင်နှင့် ထိပ်သီးအစည်းအဝေးကို ဖျက်သိမ်းလိုက်တယ်လို့ ဂျော်ဒန်  နိုင်ငံခြားရေးဝန်ကြီး အာမန်ဆာဖာဒီက ကြေညာခဲ့တာဖြစ်ပါတယ်။ အဆိုပါထိပ်သီးအစည်းအဝေးမှာ ဘိုင်ဒင်နှင့်အတူ ဂျော်ဒန်ဘုရင် အက်ဘ်ဒူလာ၊အီဂျစ်သမ္မတ အက်ဘ်ဒဲလ်ဖာတာ့ အယ်ဆီဆီနှင့် ပါလက်စတိုင်းသမ္မတ မာမွတ်အက်ဘားတို့ တွေ့ဆုံကြဖို့ စီစဉ်ထားတာဖြစ်ပါတယ်။

ဘိုင်ဒင်က လူပေါင်း ၁၃၀၀ကျော်သေဆုံးခဲ့ရတဲ့ အစ္စရေး-ဟာမတ်စ်စစ်ပွဲမှာ အစ္စရေးကို ထောက်ခံထားပါတယ်။

ဆော်ဒီအာရေဗျ၊ယူအေအီး၊ဘာရိန်း၊အီဂျစ်၊ဂျော်ဒန်နှင့် တူရကီတို့က ဂါဇာမှာရှိတဲ့ အယ်အာလီအာရပ်ဆေးရုံဗုံးပေါက်ကွဲမှု အတွက် အစ္စရေးကို စွပ်စွဲထားပါတယ်။ ဒါပေမယ့် အစ္စရေးဝန်ကြီးချုပ် ဘင်ဂျမင်နာတာညာဟုကတော့ ဒါဟာ ဂါဇာက အကြမ်းဖက်တွေမှာတာဝန်ရှိတယ်လို့ စွပ်စွဲထားတာဖြစ်ပါတယ်။

Source NDTV

Published 18 October 2023

ဂါဇာမြို့ဆေးရုံတစ်ခုမှ အင်္ဂါနေ့က ပေါက်ကွဲမှုကြီး ဖြစ်ပွားခဲ့ကာ လူပေါင်းရာချီ သေဆုံးခဲ့ကြောင်း ဂါဇာကျန်းမာရေးဝန်ကြီးဌာနမှ ပြောရေးဆိုခွင့်ရှိသူတစ်ဦးက ပြောကြားလိုက်ပါတယ်။

ထိုပေါက်ကွဲမှုနဲ့ ပတ်သက်ပြီး အစ္စရေးလ်နဲ့ ပါလက်စ်တိုင်းမှ အရာရှိများက အပြန်အလှန် အပြစ်တင်နေကြကာ အနောက်ကမ်းပါးနဲ့ အရှေ့အလယ်ပိုင်းတို့မှာ ဆန္ဒပြမှုများ ဖြစ်ပေါ်လာပါတယ်။

ဟားမတ်စ်တို့ အုပ်စိုးရာ ဂါဇာကမ်းမြောင်မှ ကျန်းမာရေးအာဏာပိုင်များကတော့ အစ္စရေးလ်တို့ရဲ့ လေကြောင်းတိုက်ခိုက်မှုများကြောင့် ပေါက်ကွဲမှု ဖြစ်ခဲ့တာဖြစ်တယ်လို့ ဆိုနေကြကာ အစ္စရေးလ်စစ်တပ်ဘက်ကတော့ ပါလက်စ်တိုင်း အစ္စလာမ်ဂျီဟဒ် စစ်သွေးကြွအဖွဲ့မှ ပစ်လိုက်တဲ့ဒုံးကျည် ပျက်ကျခဲ့တာကြောင့် ဖြစ်တယ်လို့ ဆိုလိုက်ပါတယ်။

လူပေါင်းရာချီ သေဆုံးခဲ့ပြီး ကယ်ဆယ်ရေးများက အပျက်အစီးများကြားမှ အလောင်းများကို ဖယ်ထုတ်နေကြဆဲ ဖြစ်တယ်လို့ ကျန်းမာရေးဝန်ကြီးဌာနမှ ပြောရေးဆိုခွင့်ရှိသူက ဆိုပါတယ်။

ပေါက်ကွဲမှုဖြစ်ပြီး ခဏအကြာမှာပဲ လူ ၃၀၀ ခန့် သေဆုံးခဲ့တယ်လို့ ဂါဇာအရပ်ဘက်ကာကွယ်ရေး အကြီးအကဲက ဆိုခဲ့ကာ ကျန်းမာရေးဝန်ကြီးဌာနကတော့ ၅၀၀ ခန့်ရှိတယ်လို့ ထုတ်ပြန်ခဲ့ပါတယ်။

အောက်တိုဘာ ၇ ရက်နေ့ ဟားမတ်စ် စစ်သွေးကြွများ အစ္စရေးလ်တောင်ပိုင်းသို့ ဝင်ရောက်သောင်းကျန်းခဲ့ပြီးနောက်ပိုင်း အစ္စရေးလ်ဘက်မှ ဗုံးကျဲတိုက်ခိုက်လာရာ ၁၁ ရက်ကြာမြင့်နေပြီဖြစ်ကာ အင်္ဂါနေ့ ယခုပေါက်ကွဲမှု မတိုင်ခင်အထိ အနည်းဆုံးလူပေါင်း ၃ ထောင် သေဆုံးထားတယ်လို့ ဂါဇာရှိကျန်းမာရေး အာဏာပိုင်များက ပြောကြားလိုက်ပါတယ်။

လူဦးရေ ၂.၃ သန်းနေထိုင်ရာ ဂါဇာဒေသဟာ ၄၅ ကီလိုမီတာ ရှည်လျားပြီး ၂၀၀၆ ခုနှစ်ကတည်းက အစ္စလာမ် ဟားမတ်စ်စစ်သွေးကြွများ အုပ်စိုးလာတာ ဖြစ်ပါတယ်။

မည်သည့်ဘက်ကြောင့် ပေါက်ကွဲမှုဖြစ်သည်ဖြစ်စေ အစ္စရေးလ်တိုက်ခိုက်မှုများကြောင့် လူနာများသေဆုံးကာ အိုးမဲ့အိမ်မဲ့ ဖြစ်ကုန်ကြပြီး ပဋိပက္ခကို ထိန်းသိမ်းရန် ပိုမိုရှုပ်ထွေးလာနိုင်တယ်လို့ ဟားမတ်စ်တို့က ဆိုလိုက်ပါတယ်။

ရာမယ်လာ အနောက်ကမ်းပါးမြို့မှာ ပါလက်စ်တိုင်းသမ္မတကို မကျေနပ်တဲ့သူတွေက ဆန္ဒပြနေကြရာ ပါလက်စ်တိုင်း လုံခြုံရေးတပ်ဖွဲ့ဝင်များက မျက်ရည်ယိုဗုံးများ အသုံးပြုပြီး လူစုခွဲခဲ့ရပါတယ်။

အဆိုပါ ပေါက်ကွဲမှုကြောင့် အာရပ်နိုင်ငံတွေမှာ ရှုတ်ချပြစ်တင်ခြင်းများ ဖြစ်ပေါ်လာကာ တူရကီနဲ့ ဂျော်ဒန်ရှိ အစ္စရေးလ်သံရုံး၊ လက်ဘနွန်ရှိ အမေရိကန်သံရုံးအနီးတို့မှာလည်း ဆန္ဒပြမှုများ ဖြစ်ပေါ်ခဲ့ကာ လုံခြုံရေးတပ်များက လူစုခွဲခဲ့ရပါတယ်။

အစ္စရေးလ်နဲ့ ပါလက်စ်တိုင်းတို့မှ အရာရှိများက ပေါက်ကွဲမှုနဲ့ပတ်သက်ပြီး အပြန်အလှန် အပြစ်တင်ပြောဆိုနေကြပါတယ်။

ဟားမတ်စ်တို့ဘက်မှ အစ္စရေးလ်ကို ပြစ်တင်မှုပြုလုပ်ပြီးနောက်မှာ အာရပ်နိုင်ငံများ၊ အီရန်၊ တူရကီတို့က ချက်ချင်းဆိုသလို ပြစ်တင်ရှုတ်ချခဲ့ပါတယ်။
Source: Reuters
#World_News
#YMG #Yangon_Times #Yangon_Media_Group

Published 18 October 2023

အလုပ်ခွင်မှာ ညဆိုင်းအလုပ်လုပ်ရသူတွေရဲ့ ကျန်းမာရေးကို နှောင့်ယှက်ထိခိုက်စေတဲ့ ဖြစ်စဥ်တွေကို သိပ္ပံပညာရှင်များ ဖော်ထုတ်နိုင်ခဲ့ဟန် ရှိပါတယ်။

ခန္ဓာကိုယ်တွင်း လည်ပတ်မှုစက်ဝန်းကို ဆန့်ကျင်ပြီး အလုပ်လုပ်နေရတာဟာ ကိုယ်အလေးချိန်တက်ခြင်း၊ ဆီးချို၊ ကင်ဆာ၊ စိတ်ဓာတ်ကျခြင်း၊ နှလုံးကျန်းမာရေးတို့ ဖြစ်လာစေနိုင်ကြောင်း လေ့လာချက်တွေမှာ တွေ့ရှိထားပါတယ်။

စားသောက်တဲ့အချိန်နဲ့ ကျန်းမာရေးအပေါ် သက်ရောက်မှုတို့ကြား ဆက်စပ်ပုံတွေကို သုတေသနအသစ်မှာ ဖော်ပြထားပါတယ်။

ကြွက်တွေနဲ့ စမ်းသပ်ရာမှာ အိပ်စက်နိုးကြားခြင်းစက်ဝန်းနဲ့ နေ့ညဖြစ်စဥ်များ အစီအစဥ်မကျတဲ့အခါ အစာစားချင်စိတ် အနေအထား ပြောင်းလဲနိုင်ဖွယ်ရှိတာကို တွေ့ရှိခဲ့ပါတယ်။

ကြွက်တွေရဲ့ အိပ်စက်နိုးကြားခြင်းစက်ဝန်းနဲ့ ပတ်သက်နေတဲ့ ဟော်မုန်းများနဲ့ နေ့စဥ်စားသုံးခြင်းအလေ့အထတို့ကြား ဆက်စပ်မှုကို ဘရစ္စတိုလ်တက္ကသိုလ်မှ သိပ္ပံပညာရှင်များအဖွဲ့က လေ့လာခဲ့ပါတယ်။

၂၄ နာရီစက်ဝန်းအတိုင်း ရုပ်ပိုင်းစိတ်ပိုင်းဆိုင်ရာနဲ့ အပြုအမူပိုင်း စည်းချက်လုပ်ဆောင်ချက်တွေအပေါ် ထိခိုက်ခြင်းဟာ ကြွက်တွေရဲ့ စားသောက်မှုပုံစံကို သိသိသာသာ သက်ရောက်နေတယ်လို့ တွေ့ရှိခဲ့ကြပါတယ်။

ကြွက်တွေရဲ့ သဘာဝစက်ဝန်းလှုပ်ရှားမှုကို နှောင့်ယှက်တဲ့အနေဖြင့် ကော်တီကိုစတီရုန်း ဟော်မုန်းများကို ထည့်သွင်းလိုက်ပါတယ်။

ပုံမှန်အိပ်ရမယ့်အချိန်မှာ တစ်နေ့တာစားသောက်မှုရဲ့ တဝက်နီးပါးခန့်ကို စားသောက်ခဲ့ကြပါတယ်။

နေ့နဲ့ညစက်ဝန်းမှာ ကော်တီကိုစတီရုန်းနဲ့ ဆက်စပ်မှုကို နှောင့်ယှက်လိုက်တဲ့အခါ မျိုးရိုးဗီဇပုံမှန်မဟုတ်တာမျိုးနဲ့ ပုံမှန်အိပ်ရမယ့်အချိန်မှာ စားချင်စိတ်ဖြစ်တာမျိုး တွေ့ရှိခဲ့တယ်လို့ ဘရစ္စတိုလ်တက္ကသိုလ်မှ အာရုံကြောသိပ္ပံပညာရှင်နဲ့ စာတမ်းပြုစုသူ စတက်ဖို့ဒ်လိုက်မန်းက ရှင်းပြသွားပါတယ်။
Source: WION
#World_Health
#YMG #Yangon_Times #Yangon_Media_Group

အုပ်စု A - ကာတာ၊ အိန္ဒိယ၊ ကူဝိတ်၊ အာဖဂန်နစ္စတန်

အုပ်စု B - ဂျပန် - ဆီးရီးယား၊ မြောက်ကိုးရီးယား၊ မြန်မာ

အုပ်စု C - တောင်ကိုးရီးယား၊ တရုတ်၊ ထိုင်း၊ စင်ကာပူ

အုပ်စု D - အိုမန်၊ ကာဂျစ္စတန်၊ မလေးရှား၊ ထိုင်ဝမ်

အုပ်စု E - အီရန်၊ ဥဇဘက်ကစ္စတန်၊ တာ့ခ်မင်နစ္စတန်၊ ဟောင်ကောင်

အုပ်စု F - အီရတ်၊ ဗီယက်နမ်၊ ဖိလစ်ပိုင်၊ အင်ဒိုနီးရှား

အုပ်စု G - ဆော်ဒီအာရေဗျ၊ ဂျော်ဒန်၊ တာဂျစ်ကစ္စတန်၊ ပါကစ္စတန်

အုပ်စု H - ယူအေအီး၊ ဘာရိန်း၊ ယီမင်၊ နီပေါ

အုပ်စု I - သြစတြေးလျ၊ ပါလက်စတိုင်း၊ လက်ဘနွန်၊ ဘင်္ဂလားဒေ့ရှ်

နိုဝင်ဘာ ၁၆ ရက်နေ့တွင် အုပ်စုအဖွင့်ပွဲယှဥ်ပြိုင်ကစားရပါမယ်။
၂၀၂၆ကမ္ဘာ့ဖလားခြေစစ်ပွဲဒုတိယအဆင့်ကန်ရမယ့်အသင်းတွေထဲက အုပ်စု ၉ ခုရဲ့ ပထမ၊ ဒုတိယ ရတဲ့ ၁၈ သင်းက ၂၀၂၆ကမ္ဘာ့ဖလား တတိယအဆင့်ကိုရောက်မှာဖြစ်သလို ၂၀၂၇အာရှဖလားကိုတိုက်ရိုက်အောင်ပါမယ်။
#Local_Support
#Published_ 18 October 2023