#Local_News
Published_ 15 May 2023

မကွေးတိုင်းအတွင်း ဆိုင်ကလုန်းမုန်တိုင်းမိုခါကြောင့် ရေမျောအဖိုးအိုနှင့် သစ်ပင် နေအိမ်ပိသူများအပါအဝင် သဘာဝဘေးကြုံတွေ့သူများအား မြန်မာနိုင်ငံကြက် ခြေနီအသင်းမှကူညီကယ်ဆယ်ခဲ့ကြောင်းသိရသည်၊၊

၂၀၂၃ ခုနှစ်၊ မေလ (၁၄) ရက်နေ့က မကွေးတိုင်းဒေသကြီးတွင်းသို့ ဆိုင်ကလုံးမုန်တိုင်းမိုခါဝင်ရောက် ခဲ့မှုကြောင့် ထိခိုက်ခံစားရသော ရပ်ရွာလူထုအား မြို့နယ်အသီးသီးရှိ ကြက်ခြေနီစေတနာ လုပ်အားရှင်များက ကူညီကယ်ဆယ်ရေးလုပ်ငန်းများနှင့် ဘေးလွတ်ရာသို့ရွှေ့ပြောင်းပေးခြင်း လုပ်ငန်း များကို ကူညီဆောင်ရွက်ခဲ့ကြသည်ဟုဆိုသည်၊၊

ဆင်ဖြူကျွန်းမြို့၊ ရမ်းဘိုကုန်းရွာတွင် မုန်တိုင်းတိုက်ခတ်မှုကြောင့် နေအိမ်ပြိုကျ၍ သစ်ပင်ပေါ်တွင် နေရသော သားအမိ (၂) ဦးအား ဘေးလွတ်ရာသို့ ကူညီကယ်ဆယ်ပေးခဲ့ကြောင်း၊အလားတူ စကုမြို့တွင် မိုခါတိုက်ခတ်မှုကြောင့် အသက် (၈၂) နှစ်အရွယ်ယာခင်းစောင့် အဖိုးအိုတစ်ဦး မန်ချောင်းရေလည်သို့ မျောပါသွားရာ လူမှုရေးအသင်းအဖွဲ့များနှင့်အတူ သွားရောက်ကယ်ဆယ်ပေးနိုင်ခဲ့ကြောင်း မြန်မာနိုင်ငံကြက်ခြေနီအသင်းမှထုတ်ပြန်ထားသည်၊၊
ymg/tthl
#Local_News #မကွေးတိုင်း #မုန်တိုင်းမိုခါ # ရေမျောအဖိုးအို #ကူညီကယ်ဆယ်
#YMG #Yangon_Media_Group

#Local_News
Published_ 15 May 2023

ဆိုက်ကလုန်းမုန်တိုင်းမိုခါဖြတ်သန်းတိုက်ခတ်မှုကြောင့် ထိခိုက်ဆုံးရှုံးမှုများဖြစ်ပေါ်ခဲ့သည့် ရခိုင်ပြည်နယ်ရှိ မြို့နယ်(၁၇)ခုအား သဘာဝဘေးအန္တရာယ်ကျရောက်သောဒေသများအဖြစ် နစကမှမေလ(၁၅)ရက်တွင်ကြေညာလိုက်ကြောင်း သိရသည်၊၊

အဆိုပါမြို့နယ်များကို သဘာဝဘေးအန္တရာယ်ဆိုင်ရာစီမံခန့်ခွဲမှုဥပဒေပုဒ်မ၁၁အရ သဘာဝဘေးအန္တရာယ်ကျရောက်သောဒေသများအဖြစ်ကြေညာလိုက်ခြင်းဖြစ်သည်၊၊

သဘာဝဘေးအန္တရာယ်ကျရောက်သောဒေသများအဖြစ်ရခိုင်ပြည်နယ်ရှိ ကျောက်ဖြူ၊မာန်အောင်၊ရမ်းဗြဲ၊အမ်း၊စစ်တွေ၊ပေါက်တော၊ပုဏ္ဏားကျွန်း၊ရသေ့တောင်၊ဂွ၊တောင်ကုတ်၊သံတွဲ၊မောင်တော၊ဘူးသီးတောင်၊ကျောက်တော်၊မင်းပြား၊မြောက်ဦး၊မြေပုံမြို့နယ်များပါဝင်ကြောင်းသိရသည်၊၊
ymg/tthl
#Local_News #ရခိုင်ပြည်နယ် #သဘာဝဘေးအန္တရာယ် #မြို့နယ်(၁၇)ခု #ကျရောက်သောဒေသမျာ #YMG #Yangon_Media_Group

#Local_News
Published_ 15 May 2023

ကမ္ဘောဒီးယားနိုင်ငံက အိမ်ရှင်အဖြစ် လက်ခံကျင်းပလျက်ရှိသည့် (၃၂) ကြိမ်မြောက် ဆီးဂိမ်းပြိုင်ပွဲတွင် မြန်မာအမျိုးသမီး ဘောလုံးအသင်း ပထမ ဆုရရှိပါက ကန်ဒေါ်လာ တစ်သိန်း ဆုချီးမြှင့်မည်ဟု နစက ဥက္ကဌ က ပြောကြားထားတယ်လို့သိရပါတယ်။

အကယ်၍ ဒုတိယဆုသာ ရရှိပါကလည်း ကန်ဒေါ်လာ ၅ သောင်း ချီးမြှင့်မည် ဖြစ်ကြောင်း ၊ အလားတူ မြန်မာအမျိုးသားဘောလုံးအသင်း အနေဖြင့် တတိယ ဆုရရှိလျှင် ကန်ဒေါ်လာ ၅ သောင်း ချီးမြှင့်သွားရန် အသီးသီး စီစဉ်ထားကြောင်း သိရပါတယ်။

ယနေ့ မေလ (၁၅) ရက် မြန်မာစံတော်ချိန်ည (၇) နာရီတွင် ကမ္ဘောဒီးယားနိုင်ငံ National Olympic Stadium ၌ မြန်မာအမျိုးသမီး ဘောလုံးအသင်းနှင့် ဗီယက်နမ်အမျိုးသမီး ဘောလုံးအသင်းတို့ ဗိုလ်လုပွဲစဉ်ကို ယှဉ်ပြိုင်ကစားကြမှာဖြစ်ပါတယ်။

ymg/pl
#Local_News #မြန်မာအမျိုးသမီးဘောလုံးအသင်း #ကန်ဒေါ်လာတစ်သိန်းဆုချီးမြှင့်
#YMG #Yangon_Media_Group

Published 15 May 2023

မုန်တိုင်းဒဏ်သင့်ဒေသများတွင် ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများအမြန်ဆုံးဆောင်ရွက်ဖို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က အစိုးရအဖွဲ့ဝင်များနှင့်တပ်မတော်မှ ထိပ်တန်းအရာရှိကြီးတွေကို မှာကြားခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

မိုခါဆိုင်ကလုန်းမုန်တိုင်း ဝင်ရောက်ခဲ့ပြီးဖြစ်သည့် မြို့၊ ရွာများနှင့် မုန်တိုင်း ဆက်လက်ရွေ့လျားရာ လမ်းကြောင်း  တစ်လျှောက်၌  လိုအပ်သည့် အရေးပေါ်စီမံခန့်ခွဲ ခြင်း၊ တုံ့ပြန်ခြင်း၊ ကယ်ဆယ်ရေးနှင့် ပူးပေါင်းဆောင်ရွက်ခြင်း၊ အသင့်ပြင်ဆင်စုဖွဲ့ထားရှိခြင်းနှင့် ပြန်လည်ထူထောင်ရေးဆိုင်ရာ ကိုယ်စီလုပ်ငန်းတာဝန်များပြုလုပ်ခြင်းတို့ကို ဆောင်ရွက်ပေးနိုင်ရေးအတွက် သဘာဝဘေးအန္တရာယ်   ဆိုင်ရာ စီမံခန့်ခွဲရေးအရေးပေါ် အစည်းအဝေးကို ယနေ့နံနက်ပိုင်းတွင်နစက ဥက္ကဋ္ဌ ဦးဆောင်၍ ကာကွယ်ရေး ဦးစီးချုပ်ရုံး၊ စုဝေး  ခန်းမ၌ ကျင်းပပြုလုပ်ရာမှာ ဗိုလ်ချူပ်မှူးကြီးက ယင်းကဲ့သို့ မှာကြားခဲ့ခြင်းဖြစ်ပါတယ်။

အစည်းအဝေးတွင် စစ်ထောက်ချုပ် ဒုတိယဗိုလ်ချုပ်ကြီး ကျော်စွာလင်းက မုန်တိုင်းဒဏ်ကြောင့် ထိခိုက်ခဲ့သည့်နေရာများ၌ သွပ်နှင့် လျှပ်စစ်ဓာတ်အားများလိုအပ်လျက်ရှိမှု၊ မုန်တိုင်းသင့် ဒေသများတွင် အရေးပေါ်ကူညီကယ်ဆယ်ရေးဆောင်ရွက်ရန်အတွက် ဖွဲ့စည်းထားသည့် ယာဉ်အစုအဖွဲ့များမှ ကူညီကယ်ဆယ်ရေးအဖွဲ့များအနေဖြင့် ကူညီကယ်ဆယ်ရေးလုပ်ငန်းများ ဆောင်ရွက်ပေး လျက်ရှိမှုနှင့် ထပ်မံစေလွှတ်နိုင်ရေး ပြင်ဆင်ဆောင်ရွက်လျက်ရှိမှု တို့ကို တင်ပြခဲ့ပါတယ်။

ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်ကလည်း မုန်တိုင်း တိုက်ခတ်မှု အခြေအနေများ၊ မိုးရွာသွန်းမှုအခြေအနေများ၊ ရခိုင်ပြည်နယ်အတွင်း မုန်တိုင်းဒဏ်ကြောင့် ထိခိုက်ပျက်စီးခဲ့မှုအခြေအနေများ၊ ဆိုင်ကလုန်းမုန်တိုင်း မြန်မာ နိုင်ငံအတွင်းသို့ ဝင်ရောက်  နိုင်မှုအခြေအနေများကို သုံးသပ်၍ နစကဥက္ကဋ္ဌ၊ နိုင်ငံတော်ဝန်ကြီးချုပ်၏ လမ်းညွှန်မှာကြားချက်များအရ မုန်တိုင်းဖြတ် သန်းဝင်ရောက်နိုင်မည့် လမ်းကြောင်းပေါ်ရှိ မြို့ရွာများကို ဆက်သွယ်မှု မပြတ်တောက် စေရေး ဆောင်ရွက်ခဲ့သည့် အခြေအနေများနှင့် ယခုမုန်တိုင်း ဖြတ်ကျော်ဝင်ရောက် ခဲ့ပြီးသည့် မြို့၊ ရွာများ၌လည်း ကြိုတင်ပြင်ဆင်ပြောင်းရွေ့ခြင်းများနှင့် အခြားလိုအပ် သည်များကို တပ်မတော်နှင့် ဌာနဆိုင်ရာဝန်ထမ်းများ၊ ပြည်သူများ၏ ဝိုင်းဝန်းစုပေါင်း၍ ကြိုတင်ပြင်ဆင်ခြင်း၊ ရွှေ့ပြောင်းခြင်းများ ဆောင်ရွက်နိုင်ခဲ့သောကြောင့် လူများ သေကြေ ထိခိုက်မှု အနည်းဆုံးအခြေအနေဖြင့် ကျော်လွှားနိုင်ခဲ့မှုအခြေအနေတို့ကို လည်း   ကောင်း ရှင်းလင်းတင်ပြခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

အဆိုပါတင်ပြချက်တွေနှင့်ပတ်သက်ပြီး တပ်မတော်စစ်အင်ဂျင်နီယာတပ်ဖွဲ့အနေဖြင့် ရခိုင်ပြည်နယ်အတွင်းရှိ မုန်တိုင်း ဒဏ် သင့်ဒေသများ၌ ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ကြိုတင် စုပုံထားရှိသည့် သွပ်နှင့်ဆောက်လုပ်ရေး   သုံးပစ္စည်းများကို လေယာဉ်များ၊ မော်တော်ယာဉ် များ၊ တပ်မတော်စစ်ရေယာဉ်များဖြင့် အမြန်ဆုံးပို့ဆောင်ပေးရန်၊ လျှပ်စစ် ဓာတ်အား လိုင်းများပြန်လည်ပြုပြင်တည်ဆောက်ရေးအတွက်လည်း စစ်အင်ဂျင်နီယာ တပ်ဖွဲ့ဝင်များကို အမြန်ဆုံးစေလွှတ်ပေးရန်၊ အလားတူ စားသောက်ဖွယ်ရာများနှင့် လူသုံးကုန်ပစ္စည်းများကိုလည်း ပို့ဆောင်ပေးရန်၊ မုန်တိုင်းသင့် ဒေသများသို့ စားသောက်ဖွယ်ရာများနှင့် လူသုံးကုန်ပစ္စည်းများ ရောက်ရှိရာတွင် ထိခိုက် ပျက်စီးဆုံးရှုံးမှုများ မဖြစ်ပေါ်စေရေး စုပုံထားရှိသည့်အချိန်၌ ယာယီတဲများဖြင့် ထားရှိ နိုင်ရေး ဆောင်ရွက်ရန်နှင့် မုန်တိုင်းဒဏ်သင့်ဒေသများသို့ ကူညီရေးပစ္စည်းများ ပေးပို့ လှူဒါန်းလိုသည့် အလှူရှင်များ လှူဒါန်းနိုင်ရေး ဆောင်ရွက်၍ အမြန်ဆုံးပို့ဆောင်ပေးကြရန် ဗိုလ်ချူပ်မှူးကြီးက ပြန်လည်မှာကြားခဲ့တယ်လို့သိရပါတယ်။

အဲဒီနောက်ပြည်ထောင်စုဝန်ကြီးများ၊ ရန်ကုန်တိုင်းဒေသကြီးဝန်ကြီးချုပ်၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ ရန်ကုန်တိုင်းစစ်ဌာနချုပ်တိုင်းမှူးတို့က မုန်တိုင်းသင့်ဒေသများသို့ ပို့ဆောင်နိုင်ရန်အတွက် ဒေသအလိုက်စုပုံထားရှိသည့် အရန် ဆန်များကိုအမြန်ဆုံးပို့ဆောင်နိုင်ရေးဆောင်ရွက်လျက်ရှိမှု၊ ကူညီကယ်ဆယ်ရေး ပစ္စည်း များပေးပို့နိုင်ရေးအတွက် တပ်မတော် လေယာဉ်၊ ရဟတ် ယာဉ်များကို အသင့်ပြင်ဆင် ထားရှိပြီး အချိန်နှင့်တပြေးညီ ပို့ဆောင်ပေးနိုင်ရေး အသင့်ပြုလုပ်ထားရှိမှု၊ အသင့်စား ခေါက်ဆွဲခြောက်များနှင့် ရေသန့်များ အပါအဝင် စားသောက်ဖွယ်ရာများ၊ ကူညီကယ်ဆယ်ရေးပစ္စည်းများ၊ လူသုံးကုန်ပစ္စည်းများနှင့် သွပ်နှင့်သွပ်မှိုများ အပါအဝင် ဆောက်လုပ်ရေးသုံး ပစ္စည်းများကို အသင့်ပြင်ဆင်၍ အမြန်ဆုံးပေးပို့နိုင်ရေး ဆောင်ရွက်လျက်ရှိမှု၊ ရခိုင် ပြည်နယ်အတွင်း ဆက်သွယ်မှု ပြတ်တောက်ခဲ့သည့် မုန်တိုင်းသင့်ဒေသများ၌ ဆက်သွယ်ရေးလိုင်းများ ပြန်လည်ကောင်းမွန်စေရေး ဆောင်ရွက်ပေးလျက်ရှိမှု၊ မုန်တိုင်းသင့်ဒေသများ၌ လိုအပ်သည့် ကျန်းမာရေးစောင့်ရှောက်မှု လုပ်ငန်းများဆောင်ရွက်ပေးနိုင်ရေး  အတွက် တပ်မတော်ဆေးဝန်ထမ်းတပ်ဖွဲ့ဝင်များကို စေလွှတ်လျက်ရှိမှုနှင့် ထပ်မံစေလွှတ်နိုင်ရေး အသင့်ပြင်ဆင်ထားရှိမှု၊ ပုဂံရှေး  ဟောင်းယဉ်ကျေးမှု နယ်မြေရှိ စေတီပုထိုးအချို့ ထိခိုက်ပျက်စီးမှု၊ မုန်တိုင်းဒဏ်သင့်ဒေသများတွင် ရေဝင်ရောက်မှုကြောင့် ဝမ်းရောဂါ  များဖြစ်ပွားလာနိုင်သဖြင့် သောက်သုံးရေများသန့်ရှင်းမှုရှိစေရေး ရေသန့်စင်မှုလုပ်ငန်းများကို ဆောင်ရွက်ပေးရန်လိုအပ်မှု၊ မုန်တိုင်းနှင့်   ပတ်သက်သည့် သတင်းများ၊သတိပေးထုတ်ပြန်ချက်များနှင့် မုန်တိုင်းကြောင့် ထိခိုက်ပျက်ဆီးမှုအခြေ အနေများကို အချိန်နှင့်တပြေး   ညီ သတင်းထုတ်ပြန်မှုများဆောင်ရွက်လျက်ရှိမှုအခြေ အနေတွေကိုရှင်းလင်းတင်ပြခဲ့ကြတယ်လို့သတင်းထုတ်ထားပါတယ်။

ရှင်းလင်းတင်ပြမှုတွေနှင့်ပတ်သက်ပြီး ဗိုလ်ချူပ်မှူးကြီး က မိမိတို့အနေဖြင့် မုန်တိုင်းအန္တရာယ်သတိပေးချက်များကို အချိန်နှင့် တပြေးညီထုတ်ပြန်ပေးနိုင်ခဲ့မှုများကြောင့် မုန်တိုင်းတိုက်ခိုက်ချိန်တွင် လူ့အသက် အန္တရာယ် ထိခိုက်မှုများကို အနည်းဆုံးအခြေ  အနေ   ဖြင့်ကျော်လွှားနိုင်ခဲ့ကြောင်း၊ မုန်တိုင်းဒဏ်သင့်ဒေသများ၌ ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများဆောင်   ရွက်နိုင်ရန် ကြိုတင်စုဖွဲ့ထားသည့် ကယ်ဆယ်ရေးအဖွဲ့များကို အမြန်ဆုံးစေလွှတ်ခြင်းနှင့် စားသောက်ဖွယ်ရာများ၊ ရေသန့်များ၊ လူသုံး   ကုန်ပစ္စည်းများ၊ ဆောက် လုပ်ရေးသုံးပစ္စည်းကိုလည်း အမြန်ဆုံးပို့ဆောင်ပေးရန်လိုကြောင်း၊ ဆက်သွယ်မှုပြတ်တောက်ခဲ့   သည့်  ဒေသများတွင် ဆက်သွယ်မှုကွန်ရက်များ ပြန်လည်ကောင်းမွန်စေရေး အမြန်ဆုံး ပြန်လည်ပြုပြင်ပေးရန်လိုကြောင်း၊  မုန်တိုင်း    ဆက်လက်ဖြစ်ပေါ်နေသည့် သတင်းအချက်အလက်များကိုလည်း အချိန်နှင့်တပြေးညီ ထုတ်ပြန်ပေးနိုင်ရေး တာဝန်ရှိသူများအနေဖြင့် ဆောင်ရွက်ရန်လိုကြောင်း၊ ပျက်ဆီးမှုဖြစ်ပေါ်ခဲ့သည့် ပုဂံရှေးဟောင်း ယဉ်ကျေးမှုနယ်မြေရှိ စေတီပုထိုးများကိုလည်း ပြုပြင်ထိန်းသိမ်း ရန်လိုကြောင်းဖြင့် မှာကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ဆိုင်ကလုန်းမုန်တိုင်း(Cyclonic Storm) သတိပေးချက်များအရ ချင်းပြည်နယ်၊ မတူပီမြို့အနီးမှ ကုန်းတွင်းပိုင်းသို့ ရွေ့လျားဝင်ရောက် ခဲ့သည့် အားကောင်းသော ဆိုင်ကလုန်း မုန်တိုင်း (Severe Cyclonic Storm) "မိုခါ"(MOCHA)သည် မြောက်-အရှေ့ မြောက်ဘက်သို့ ရွေ့လျားခဲ့ပြီး ဆိုင်ကလုန်းမုန်တိုင်း  (Cyclonic Storm) "မိုခါ"(MOCHA) အဖြစ်သို့ အားလျော့သွားခဲ့ကာ စစ်ကိုင်းတိုင်းဒေသကြီး အထက်ပိုင်း၊ ကသာမြို့အနီးမှ မြောက်-အရှေ့မြောက်ဘက်သို့ ဆက်လက်ရွေ့လျားလျက်ရှိကြောင်း သိရှိရပါတယ်။

-ymg/knl

#YangonMediaGroup

#Mocha_Cyclone_Myanmar

#မိုခါဆိုင်ကလုန်း_မြန်မာ

#Local_News
Published_ 15 May 2023

စစ်တွေ ဆိပ်ကမ်းကိုအခြေပြု၍ စစ်တွေ အထူးစီးပွားရေးဇုန်တစ်ခုလည်း ပေါ်ပေါက်လာမည့် အလားအလာကောင်းများ ရှိနေပြီ ဟု မေလ ၁၄ ရက်က အမျိုးသားကဇတ်ရုံ၌ ပြုလုပ်သည့် မြန်မာ-အိန္ဒိယနှစ်နိုင်ငံချစ်ကြည်ရေးနှင့် သံတမန်ဆက်ဆံခြင်း(၇၅)နှစ်ပြည့် စိန်ရတုအထိမ်းအမှတ်အခမ်းအနားတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင် က ပြောကြားခဲ့သည်။

ယင်းက နှစ်နိုင်ငံ လူမှုစီးပွားဖွံ့ဖြိုးမှုလုပ်ငန်းများဖြစ်သည့် ကုလားတန်မြစ်ကြောင်း ဘက်စုံဖွံ့ဖြိုးရေးစီမံကိန်းနှင့် အိန္ဒိယ-မြန်မာ-ထိုင်း သုံးနိုင်ငံ အဝေးပြေးလမ်းမစီမံကိန်း တို့ကိုလည်း ပူးပေါင်း ဆောင်ရွက်လျက်ရှိရာ ယင်း ဘက်စုံ ဖွံ့ဖြိုးရေးစီမံကိန်းအနေဖြင့် ကုလားတန်မြစ်ကြောင်းတစ်လျှောက် စစ်တွေဆိပ်ကမ်းမှ အိန္ဒိယ နိုင်ငံအရှေ့မြောက်ဒေသ မီဇိုရမ်ပြည်နယ်အထိ ဆက်သွယ်ပေးမည်ဖြစ်၍ ရခိုင် ပြည်နယ်နှင့် ချင်းပြည်နယ်မှ ပြည်သူများအတွက် အလုပ်အကိုင်အခွင့်အလမ်းများ ပိုမို ကောင်းမွန်လာနိုင်သည့်အပြင် ဒေသတွင်းဖွံ့ဖြိုး တိုးတက်ရေးအတွက် အဓိကကျသည့် စီမံကိန်းတစ်ခုဖြစ်လာကာ ကုလားတန်စီမံကိန်းတွင် ပါဝင်သည့် စစ်တွေ ဆိပ်ကမ်းကို အခြေပြုပြီး စစ်တွေ အထူးစီးပွားရေးဇုန်တစ်ခုလည်း ပေါ်ပေါက်လာမည့် အလားအလာကောင်းများ ရှိနေပြီ ဖြစ်ကြောင်း ပြောကြားခဲ့ခြင်း ဖြစ်သည်။

အလားတူ ကာကွယ်ရေး၊ စိုက်ပျိုးရေး၊ မွေးမြူရေး၊ ရေလုပ်ငန်း၊ ကျေးလက် ဒေသဖွံ့ဖြိုးရေး၊ စွမ်းအင်၊ အစားအစာနှင့် အဝတ်အထည်ချုပ်လုပ်ငန်းများ၊ နည်းပညာ၊ ကျန်းမာရေး၊ ပညာရေးနှင့်ကျွမ်းကျင်မှုသင်တန်း၊ ခရီးသွားလုပ်ငန်း၊ ဝန်ဆောင်မှု လုပ်ငန်းများ၊ ပြည့်ဖြိုးမြဲစွမ်းအင်ကဏ္ဍ၊ ဘဏ်နှင့် ငွေရေးကြေးရေးလုပ်ငန်းတို့ အပေါ် တွင် မြန်မာနိုင်ငံနှင့် အိန္ဒိယနိုင်ငံတို့ စိတ်ဝင်စားမှု ထပ်တူညီသည့်အတွက် နှစ်နိုင်ငံ ပူးပေါင်း၍ အကောင်အထည်ဖော်ဆောင်ရွက်သွားနိုင်မည် ဖြစ်ကြောင်းလည်း ၎င်းက ပြောသည်။

မြန်မာနိုင်ငံနှင့် အိန္ဒိယနိုင်ငံတို့၏ သံတမန် ဆက်ဆံရေးကို ၁၉၄၈ ခုနှစ်၊ ဇန်နဝါရီလ ၄ ရက်တွင် မြန်မာနိုင်ငံလွတ်လပ်ရေး ရသည့် နေ့၌ပင် စတင်ထူထောင်ခဲ့ခြင်းဖြစ်သည့်အတွက် ယခုအခါ (၇၅)နှစ်မြောက် စိန်ရတုတိုင် ခဲ့ပြီဖြစ်ကြောင်း သိရသည်။

မြန်မာနိုင်ငံနှင့် အိန္ဒိယနိုင်ငံတို့သည် ၁၉၅၁ ခုနှစ်၊ ဇူလိုင်လ ၇ ရက်တွင် “ငြိမ်းချမ်း ရေးနဲ့ ချစ်ကြည်ရေးစာချုပ်” (Treaty of Peace and Friendship) ကို ချုပ်ဆိုခဲ့ကြပြီး ၁၉၅၅ ခုနှစ်တွင်အင်ဒိုနီးရှားနိုင်ငံ၊ ဘန်ဒေါင်းမြို့၌ ကျင်းပခဲ့သည့် ဘန်ဒေါင်း ညီလာခံတွင် “ငြိမ်းချမ်းစွာ အတူယှဉ်တွဲနေ ထိုင်ရေးမူကြီး (၅)ချက် (Five Principles of Peaceful Coexistence) ” ၌ အတူတကွ ပါဝင်လက်မှတ်ရေးထိုးခဲ့ကြကြောင်းလည်း သိရသည်။

လွန်ခဲ့သော ၁၉၅၄ ခုနှစ်က မြန်မာနိုင်ငံအနေဖြင့် စီးပွားရေးအကျပ်အတည်းများနှင့် ရင်ဆိုင်ခဲ့ ရစဉ် အိန္ဒိယနိုင်ငံက ဆန်တန်ချိန် (၉)သိန်း ရောင်းချပေး ခဲ့ကြောင်း၊၁၉၇၀ ပြည့်နှစ်တွင် မြန်မာ-အိန္ဒိယ ကုန်သွယ်မှု သဘောတူညီချက်ကို လက်မှတ် ရေးထိုးပြီးနောက်ပိုင်း နှစ်နိုင်ငံ ကုန်သွယ်မှုသည် တစ်ဖြည်းဖြည်း တိုးတက်လာခဲ့ကာ အခုအခါ အိန္ဒိယနိုင်ငံအနေဖြင့် မြန်မာနိုင်ငံ၏ ပဉ္စမမြောက် အကြီးဆုံး ကုန်သွယ်ဖက်နိုင်ငံ၊ ပို့ကုန်တင်ပို့မှုတွင် စတုတ္ထမြောက်နှင့် သွင်းကုန်တင်သွင်းမှုမှာ ဆဋ္ဌမ မြောက် အများဆုံးနိုင်ငံဖြစ်ကြောင်းသိရသည်။

လက်ရှိတွင် မြန်မာနိုင်ငံက ပဲနှင့် အခြားထွက်ကုန်များကို အိန္ဒိယ ကို တင်ပို့နေခြင်းဖြစ်သကဲ့သို့ အိန္ဒိယနိုင်ငံကလည်း မြန်မာနိုင်ငံကို ဆေးဝါးနှင့် စက်မှုပစ္စည်းများတင်သွင်းမှုအပြင် နည်းပညာ အထောက်အပံ့များလည်း ပေးအပ်လျက် ရှိကြောင်း။

လူမှုရေးအကူအညီများအဖြစ် ၂၀၁၆ ခုနှစ်တွင် ငလျင်ဒဏ်ခံခဲ့ရသည့် ပုဂံဘုရား များကို ပြုပြင်ရာတွင် အိန္ဒိယအစိုးရက လှူဒါန်းမှုများ ပြုလုပ်ခဲ့သကဲ့သို့ လက်ရှိကမ္ဘာ တစ်ဝန်း ကြုံတွေ့နေရသည့် ကိုဗစ်-၁၉ ကပ်ရောဂါ ကာကွယ်ရေးအတွက် အိန္ဒိယ နိုင်ငံထုတ် ကိုဗစ်-၁၉ ရောဂါကာကွယ်ဆေး Covishield (၁၃ ဒသမ ၄) သန်းကို ရောင်းချ ပေးသည့်အပြင် Sasakawa ဖောင်ဒေးရှင်းက Covaxin (၂)သန်းနှင့် အိန္ဒိယအစိုးရက Covaxin (၁)သန်းတို့ကိုပေးအပ်လှူဒါန်းခဲ့သည့်အတွက် အထူးကျေးဇူးတင်ရှိကြောင်းလည်း နစက ဥက္ကဌ ကပြောကြားခဲ့ကြောင်း သိရသည်။

ymg/pl
#Local_News #စစ်တွေဆိပ်ကမ်း #စစ်တွေအထူးစီးပွားရေးဇုန် #အလားအလာကောင်းများ #နစကဥက္ကဌ
#YMG #Yangon_Media_Group

#World_Health
Published 15 May 2023

YouTube ယူကျုမကြာခဏကြည့်တတ်သူတွေဟာ အထီးကျန်ခြင်း၊ စိုးရိမ်ပူပန်ခြင်း၊ စိတ်ဓာတ်ကျခြင်းတို့ ခံစားရနိုင်ချေမြင့်မားကြောင်း လေ့လာတွေ့ရှိထားပါတယ်။

သုတေသီများက ယူကျုကြည့်တဲ့အချိန်မှာ စိတ်ကျန်းမာရေးအခြေအနေရဲ့ ကောင်းကျိုးနဲ့ဆိုးကျိုးနောက်ဆက်တွဲတွေကို နားလည်ရန်ရည်ရွယ်ခဲ့ပါတယ်။

ယူကျုကနေ အခြားလူတွေရဲ့ဘဝအကြောင်းအရာတွေကို ပုံမှန်ကြည့်ရှုလေ့ရှိတဲ့ အသက် ၂၉ နှစ်အောက်လူတွေဟာ ဆိုးကျိုးအခံစားရဆုံးလူတွေဖြစ်နေပါတယ်။

ဗီဒီယိုဖန်တီးသူတွေက သူတို့ဖော်လိုဝါတွေနဲ့ ဆက်ဆံရေးတည်ဆောက်ပုံကို ဒေါက်တာ'လုခ်ဘယ်ကွန်ဘီ'က စိုးရိမ်မိကြောင်းဖော်ပြလိုက်ပါတယ်။

အွန်လိုင်းကနေ ဆက်ဆံရေးတည်ဆောက်ရာမှာ လူမှုစိုးရိမ်ပူပန်မှုအတွက် ကွက်လပ်ဖြည့်ဆည်းနိုင်သလိုရှိပေမယ့် မျက်နှာချင်းဆိုင်အပြန်အလှန်ပြောဆိုမှုများ မပါဝင်တာကြောင့် ယင်းပြဿနာတွေကို ပိုမိုဆိုးရွားစေနိုင်ကြောင်း ရှင်းပြထားပါတယ်။

နဂိုကတည်းက စိတ်ကျခြင်း၊ စိုးရိမ်ပူပန်ခြင်း၊ အထီးကျန်ခြင်းတို့ ဖြစ်လွယ်တဲ့လူတွေဟာ ယူကျုကြောင့်ပိုမိုထိခိုက်နိုင်တယ်လို့ သုတေသီများတွေ့ရှိခဲ့တာဖြစ်ပါတယ်။

AI ၊ ဒီဂျစ်တယ်စိတ်ကျန်းမာရေးတိုင်းတာခြင်းများအသုံးပြုခြင်းဖြင့် စိတ်ကျန်းမာရေးလိုအပ်ချက်တွေ မြှင့်တင်ပေးနိုင်မယ့် ဖြေရှင်းချက်ကိုရရှိစေနိုင်တယ်လို့ ဆိုပါတယ်။

ယူကျုအသုံးပြုချိန်ကို လျှော့ချကန့်သတ်ဖို့နဲ့ အခြားလူမှုပေါင်းသင်းရေးတို့ကို ရှာဖွေကျင့်သုံးဖို့ ဒေါက်တာက အကြံပြုထားပါတယ်။

မိဘများအနေဖြင့် သူတို့ရဲ့ကလေးများ ယူကျုကိုကြာမြင့်စွာ မသုံးမိစေဖို့နဲ့ အကျိုးရှိတဲ့ဗီဒီယိုများကိုသာ ကြည့်ရှုမိစေဖို့ စောင့်ကြည့်သင့်ကြောင်းလည်း အကြံပြုထားပါတယ်။

ယူကျုအယ်ဂိုရစ်သမ်တွေကြောင့် သတ်သေခြင်းနဲ့ပတ်သက်တဲ့ အကြောင်းအရာများကို တုန့်ပြန်ဖို့မလုံလောက်သေးဘူးလို့လည်း သုတေသီများဆိုကြပါတယ်။

အကြောင်းအရာတွေက မိမိကိုယ်ကိုသတ်သေခြင်းနဲ့ ပတ်သက်တယ်လို့ မတွေ့ရသေးပေမယ့် လက်ရှိအယ်ဂိုရစ်သမ်က စိုးရိမ်စရာဖြစ်နေတယ်လို့ ဖော်ပြနေကြပါတယ်။

ထိခိုက်လွယ်တဲ့ ကလေးငယ်များဆယ်ကျော်သက်များအတွက် AI များမှတဆင့် စောင့်ကြည့်ဆောင်ရွက်နိုင်ရင်တော့ အကျိုးရှိနိုင်တယ်လို့ ဒေါက်တာက ဆိုပါတယ်။

Source: The Jerusalem Post #World_Health #YouTube #စိတ်ဓာတ်ကျခြင်းကိုဖြစ်စေသလား #YMG #Yangon_Media_Group

#World_Health
Published 15 May 2023

အခွံမာသီးတွေဟာ စားသမျှထဲမှာ အာဟာရအရှိဆုံးအရာတွေဖြစ်ပါတယ်။

ကျန်းမာရေးနဲ့ညီညွတ်တဲ့ အဆီတွေပါဝင်ကာ နှလုံးအတွက်မရှိမဖြစ်ဖြစ်တဲ့အပြင် မကောင်းတဲ့ကိုလက်စ်ထရောလ်ကိုလျှော့ချပေးပြီး ဆံပင်ဖွံ့ဖြိုးခြင်းနဲ့ အသားအရည်အားဖြည့်ခြင်းတို့အတွက် အထောက်အပံ့ဖြစ်စေပါတယ်။

အားအင်ကုန်ခမ်း ပင်ပန်းနွမ်းနယ်တာဟာ သံဓာတ်နည်းပါးနေတာကြောင့် ဖြစ်နိုင်ပါတယ်။

အာယုဗေဒဆရာဝန် ဒေါက်တာ'ဒီဆာဘက်ဗ်ဆာဆာဗာလီယာ'က ခန္ဓာကိုယ်ထဲက သံဓာတ်ကိုတိုးများစေကာ တစ်နေ့လုံးအားအင်ရှိစေမယ့် အခွံမာသီးတွေအကြောင်း အင်စတာဂရမ်မှာ ဝေမျှခဲ့ပါတယ်။

- ဗာဒံစေ့

ဗာဒံစေ့မှာ ပရိုတိန်း၊ အမျှင်ဓာတ်၊ ဗိုက်တာမင်-အီး၊ ကယ်လ်စီယမ်၊ ကြေးနီ၊ မဂ္ဂနီဆီယမ်၊ ရိုင်ဘိုဖလေဗင်၊ သံဓာတ်၊ ပိုတက်ဆီယမ်၊ ဇင့်၊ ဗိုက်တာမင်-ဘီတို့ ကြွယ်ဝစွာပါဝင်ပါတယ်။

ကိုလက်စ်ထရောလ်လျှော့ချပေးခြင်း၊ သွေးပေါင်ချိန်ထိန်းညှိပေးခြင်း၊ သွေးတွင်းသကြားဓာတ်ကိုထိန်းသိမ်းကာ မှတ်ဉာဏ်တိုးတက်စေခြင်း၊ ကင်ဆာကာကွယ်ပေးခြင်းတို့ ပြုလုပ်ပေးပါတယ်။

- စွန်ပလွံ

စွန်ပလွံတွေက ဆယ်လီနီယမ်၊ မန်ဂန်နိစ်၊ မဂ္ဂနီဆီယမ်၊ ကြေးနီစတဲ့ အာဟာရဓာတ်များကြွယ်ဝပါတယ်။

ချက်ချင်းအားဖြည့်ပေးခြင်း၊ အသားအရည်ကောင်းမွန်စေခြင်း၊ အိပ်မပျော်ခြင်းကိုသက်သာစေခြင်း၊ အရိုးအတွက်ကောင်းစေခြင်းတို့ ပေးစွမ်းနိုင်ပါတယ်။

- အစိမ်းဖျော့ရောင်အခွံမာသီး

ကျန်းမာရေးနဲ့ညီညွတ်တဲ့အဆီ၊ အမျှင်ဓာတ်၊ ပရိုတိန်း၊ ဗိုက်တာမင်-ဘီ၆၊ သိုင်ယာမင်းတို့ ကြွယ်ဝစွာပါဝင်ပါတယ်။

အိပ်စက်ခြင်း၊ မျက်လုံးကျန်းမာရေး၊ အူလမ်းကြောင်းကျန်းမာရေးတို့အတွက် ကောင်းမွန်စေကာ အူမကြီးကင်ဆာဖြစ်နိုင်ချေကို လျှော့ချပေးနိုင်ပါတယ်။

- သစ်ကြားသီး

ဓာတ်တိုးဆန့်ကျင်ပစ္စည်းများကြွယ်ဝကာ ရောင်ရမ်းခြင်းကိုလျှော့ချပေးပြီး အူလမ်းကြောင်းကျန်းမာရေးနဲ့ မှတ်ဉာဏ်ကိုတိုးတက်စေတဲ့ အိုမီဂါ၃ဖက်တီးအက်ဆစ်များစွာ ပါဝင်ပါတယ်။

အမြဲတမ်းလေ့ကျင့်ခန်းပြုလုပ်ပြီး ကျန်းမာသန်စွမ်းနေတဲ့လူဆိုရင် အခွံမာသီးကြေညက်နေစေဖို့အတွက် နေ့စဉ်လက်တစ်ဆုပ်စာ စားပေးသင့်တယ်လို့ ဖော်ပြထားပါတယ်။

အလွန်အကျွံစားသုံးရင်တော့ အစာမကြေဖြစ်နိုင်ပြီး ဝမ်းဗိုက်မအီမသာဖြစ်ခြင်း၊ နှလုံးပြဿနာ၊ ဝမ်းပျက်ခြင်း၊ ကိုယ်အလေးချိန်တက်ခြင်းတို့ ဖြစ်နိုင်ပါတယ်။

Source: India Today #World_Health #သံဓာတ်မြှင့်တင်ပေးနိုင်မည့်အခွံမာသီး(၅)မျိုး
#YMG #Yangon_Media_Group

#Local_News
Published_ 14 May 2023

၂၀၂၃-၂၀၂၄ ခုနှစ်၏ ဘဏ္ဍာနှစ်အစဖြစ်သည့် ဧပြီလအတွင်း CMP လက်ခစားချုပ်ပြီး အထည်များ ပြည်ပနိုင်ငံများသို့ တင်ပို့မှုမှ ပို့ကုန်ဝင်ငွေ ကန်ဒေါ်လာ ၃၈၄ သန်းရရှိထားတယ်လို့ မြန်မာနိုင်ငံအထည်ချုပ်လုပ်ငန်းရှင်များအသင်းက သိရပါတယ်။

#Local_News #အထည်တင်ပို့မှုဝင်ငွေကန်ဒေါ်လာ၃၈၄သန်းရရှိ
#YMG #Yangon_Media_Group

#TV Yangon Times Matters အစီအစဉ်
Published_ 14 May 2023

အစီအစဉ်တင်ဆင်သူ ဆရာဟိန်းလတ်က (သရုပ်ဆောင်) နန်းဝေဝေမြင့်နှင့်အတူ

တာလီချိတ်မှာအယောက် (၆၀ )ဆရာဖြစ်သင်တန်းတက်‌ရောက်ခဲ့ပြီး သင်တန်းဆင်းပြီးကတည်းက ကလေးတွေကိုသင်ကြားပေးခဲ့တာဖြစ်ပြီး ဓမ္မစကူးလ်ဆရာမလေးအဖြစ် လူသိများလာခဲ့ရတာဖြစ်ကြောင်း

ဓမ္မစကူးလ်ဆရာမအနေနဲ့ ဘာသာရေးသင်တန်းပို့ချတဲ့အပြင် ကြက်ခြေနီသင်တန်းနည်းပြအဖြစ်ကူညီဆောင်ရွက်ပေးဖြစ်နေတဲ့အကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(သရုပ်ဆောင်) နန်းဝေဝေမြင့်
#YMG #Yangon_Media_Group

#Local_News
Published_ 14 May 2023

မုန်တိုင်းသက်ရောက်နိုင်ခြေများတဲ့ ရန်ကုန်မှာပင်လယ်ဝနဲ့အနီးဆုံးဖြစ်တဲ့ကျောက်တန်းမြို့နယ်မှာ သဘာဝဘေးအတွက် ကြိုတင်ပြင်ဆင်မှုတွေဆောင်ရွက်ထားတယ်လို့ ရန်ကုန်တိုင်းဒေသကြီး အစိုးရအဖွဲ့ထံမှ သိရပါတယ်၊၊

#Local_News #ပင်လယ်ဝနှင့် အနီးဆုံးကျောက်တန်းမြို့ #သဘာဝဘေးအတွက်ကြိုတင်ပြင်ဆင်မှုများဆောင်ရွက်
#YMG #Yangon_Media_Group

#TV Yangon Times Matters အစီအစဉ်
Published_ 14 May 2023

အစီအစဉ်တင်ဆင်သူ ဆရာဟိန်းလတ်က (သရုပ်ဆောင်) နန်းဝေဝေမြင့်နှင့်အတူ

တာလီချိတ်မှာအယောက် (၆၀ )ဆရာဖြစ်သင်တန်းတက်‌ရောက်ခဲ့ပြီး သင်တန်းဆင်းပြီးကတည်းက ကလေးတွေကိုသင်ကြားပေးခဲ့တာဖြစ်ပြီး ဓမ္မစကူးလ်ဆရာမလေးအဖြစ် လူသိများလာခဲ့ရတာဖြစ်ကြောင်း

ဓမ္မစကူးလ်ဆရာမအနေနဲ့ ဘာသာရေးသင်တန်းပို့ချတဲ့အပြင် ကြက်ခြေနီသင်တန်းနည်းပြအဖြစ်ကူညီဆောင်ရွက်ပေးဖြစ်နေတဲ့အကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(သရုပ်ဆောင်) နန်းဝေဝေမြင့်
#YMG #Yangon_Media_Group

Published 14 May 2023

မြန်မာနိုင်ငံသူ မြန်မာနိုင်ငံသားအားလုံးကို တစ်ဦးတစ်ယောက်မျှမကျန်အောင်ကူညီဆောင်ရွက်ပေးဖို့ နှင့် ထိခိုက်မှုအနည်းဆုံးဖြင့် မုန်တိုင်းအန္တရာယ်အောင်မြင်စွာကျော်လွှားနိုင်ရေး မိမိကိုယ်တိုင် မျက်ခြည်မပြတ် စောင့်ကြည့်ပြီး အချိန်နှင့်တစ်ပြေးညီလိုအပ်ချက်တွေဖြည့်ဆည်းဆောင်ရွက်နေတယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ယနေ့ မေလ ၁၄ ရက်မနက်က ပြုလုပ်တဲ့ သဘာဝ  ဘေးအန္တရာယ်    စီမံခန့်ခွဲရေး အရေးပေါ်အစည်းအဝေးမှာ ပြောကြားပါတယ်။

သဘာဝဘေးအန္တရာယ် မကျရောက်မီနှင့် ကျရောက်ပြီးချိန်များတွင် လိုအပ်သည့် အရေးပေါ် စီမံခန့်ခွဲခြင်း၊ တုံ့ပြန်ခြင်း၊ ကယ်ဆယ်ရေးနှင့် ပူးပေါင်းဆောင်ရွက်ခြင်း၊ အသင့်ပြင်ဆင်စုဖွဲ့ထားရှိခြင်းနှင့် ပြန်လည်ထူထောင်ရေးဆိုင်ရာ ကိုယ်စီလုပ်ငန်း တာဝန် များပြုလုပ်ခြင်း တို့ကို ဆောင်ရွက်ပေးနိုင်ရေးအတွက် သဘာဝဘေးအန္တရာယ်ဆိုင်ရာ စီမံ ခန့်ခွဲရေး အရေးပေါ်အစည်းအဝေးကို ယနေ့နံနက်ပိုင်းတွင် နစက ဥက္ကဋ္ဌ ဦးဆောင်၍ ကာကွယ်ရေးဦးစီးချုပ်ရုံး၊ စုဝေးခန်းမ၌ ကျင်းပပြုလုပ်ခဲ့ရာမှာ ဗိုလ်ချုပ်မှူးကြီးက အထက်ပါအတိုင်း ပြောကြားခဲ့တာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

ရှေးဦးစွာကာကွယ်ရေးဦးစီးချုပ်(ရေ) ဗိုလ်ချုပ်ကြီးမိုးအောင်က ဘင်္ဂလားပင်လယ်အော်အရှေ့တောင်ပိုင်း  နှင့် ယင်းနှင့်ဆက်စပ်လျက်ရှိသော ကပ္ပလီပင်လယ်ပြင်တောင်ပိုင်း တွင် ဖြစ်ပေါ်လျက်ရှိသည့် လေဖိအား နည်းရပ်ဝန်းကြောင့် မိုခါမုန်တိုင်းတိုက်ခတ်မှု ဖြစ်ပေါ်လျက်ရှိပြီး အားအလွန်ကောင်းသော ဆိုင်ကလုန်း မုန်တိုင်းအဖြစ်ပြောင်းလဲလာမှု၊ မုန်တိုင်းလမ်းကြောင်းဖြတ်သန်းမှုတစ်လျှောက်တွင် ထိခိုက်မှုများဖြစ်ပေါ်ခဲ့မှု၊ မိမိတို့နိုင်ငံ အတွင်းသို့ မုန်တိုင်းဝင်ရောက်နိုင်သည့် လမ်းကြောင်းနှင့် လေတိုက်နှုန်းမြင့်တက်လာမှု ကြောင့် ရခိုင်ကမ်းရိုးတန်းသို့ခန့်မှန်းအချိန်ထက် နာရီပိုင်းစော၍ ဝင်ရောက်လာနိုင်မှု ထိခိုက်မှုများဖြစ်ပေါ်နိုင်မှုတို့နှင့် ပတ်သက်၍ ရှင်းလင်းတင်ပြခဲ့ပါတယ်။

ရှင်းလင်းတင်ပြမှုအပေါ် နစကဥက္ကဋ္ဌ နိုင်ငံတော် ဝန်ကြီးချုပ်က ပြီးခဲ့သည့်ရက်ပိုင်းအတွင်းမှစ၍ မုန်တိုင်း  သတိပေးချက်များကို ထုတ်ပြန် ဆောင်ရွက်ပေးလျက်ရှိကြောင်း၊ ခန့်မှန်းချက်များအရ မြန်မာ့ကမ်းရိုးတန်းသို့ မုန်တိုင်း ဝင်ရောက်ရန် ဖြစ်နိုင်ခြေမြင့်တက်လာ၍ လွန်ခဲ့သည့် ၃ ရက်ခန့်ကတည်းက အနီရောင် အဆင့် မုန်တိုင်းသတိပေးချက်ကို ဆောလျှင်စွာထုတ်ပြန်ဆောင်ရွက်ခဲ့ကြောင်း၊  ကြိုတင် ပြင်ဆင်ရန်လိုအပ်ချက်များကို ဆောလျှင်စွာပြင်ဆင်စေခဲ့ကြောင်း၊ ကမ်းရိုးတန်း ဒေသများ တွင်သာမက ကုန်းတွင်းသို့မုန်တိုင်းဝင်ရောက်ပြီး မုန်တိုင်းဖြတ်သန်းရာ ဒေသ များ၌လည်း ထိခိုက်ဆုံးရှုံးမှုနည်းနိုင်သမျှနည်းအောင် ဆောင်ရွက်ရမည်ဖြစ်ကြောင်း၊ မုန်တိုင်းဝင်ရောက်နိုင်သည့်ဒေသများတွင် မိုးရွာသွန်းမှုများ ပိုမိုများပြားနိုင်သည်ကိုတွေ့ ရှိရကြောင်း၊ ထို့ကြောင့် မုန်တိုင်းဒဏ်သင့် ဒေသများတွင် ထိခိုက်ပျက်စီးမှုများ ဖြစ်ပေါ်ပါက အချိန်နှင့်တစ်ပြေးညီ ကူညီကယ်ဆယ် ရေးလုပ်ငန်းမျာဆောင်ရွက်နိုင်ရန် ကြိုတင်ပြင်ဆင်ထားရမည်ဖြစ်ကြောင်းပြောကြားခဲ့တယ်လို့ သတင်း ထုတ်ပြန်ချက်မှာဖော်ပြထားပါတယ်။

အဲဒီနောက် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနပြည်ထောင်စု ဝန်ကြီး ဦးအောင်နိုင်ဦး၊ မြန်မာ့စီးပွားရေးဦးပိုင်အများနှင့်သက်ဆိုင်သော ကုမ္ပဏီ လီမိတတ် ဥက္ကဋ္ဌ ဒုတိယဗိုလ်ချုပ်ကြီး ဆန်းဦး၊ မြန်မာစီးပွားရေးကော်ပိုရေးရှင်း ဥက္ကဋ္ဌ ဒုတိယဗိုလ်ချုပ်ကြီး ညိုစောနှင့် စစ်ထောက်ချုပ် ဒုတိယဗိုလ်ချုပ်ကြီး ကျော်စွာလင်းတို့က မုန်တိုင်းဒဏ်ကြောင့် ထိခိုက်မှုဖြစ်ပွားခဲ့သည့် ဒေသများသို့ ပေးပို့နိုင်ရေးအတွက် အရန်ဆန်များဒေသအလိုက် ကြိုတင်စုဆောင်းထားရှိမှု၊ တပ်မတော်မှ ရိက္ခာများနှင့် အမိုးသွပ်များ ကြိုတင်စုဆောင်းထားရှိမှု၊ ခေါက်ဆွဲခြောက်နှင့် ရိက္ခာခြောက်များ၊ စားသုံးဆီများ၊ လူသုံးကုန်ပစ္စည်းများနှင့် ဆောက်လုပ်ရေးသုံးပစ္စည်းများ စုဆောင်း ထားရှိမှုအခြေအနေများနှင့်ပတ်သက်၍ ရှင်းလင်းတင်ပြခဲ့ကြပါတယ်။

ရှင်းလင်းတင်ပြမှုအပေါ် ဗိုလ်ချူပ်မှူးကြီးကမုန်တိုင်းဒဏ်သင့်ဒေသများအတွက် ဆန်နှင့်ရိက္ခာများကို ကြိုတင်စုဆောင်း ထားရှိပြီး အချိန်နှင့်တစ်ပြေးညီပေးပို့နိုင်ရေး တပ်မတော်လေယာဉ်များ၊ ရေယာဉ်များ၊ မော်တော်ယာဉ်များပေါ်သို့ တင်ဆောင်၍ အသင့်ပြင်ဆင်ထားရှိရန်လိုကြောင်း၊ ယနေ့မှ စ၍ ယာဉ်တင်အသင့်ဆောင်ရွက်မှုကို စတင်ပြုလုပ်ထားရန်လိုကြောင်း၊ အရေးပေါ် ရိက္ခာဖြန့်ဝေရာတွင် လျှင်မြန်ထိရောက်မှုရှိစေရေး ရိက္ခာများဖြန့်ဖြူးပေးမှု အဆင်ပြေ စေရေး ထုတ်ပိုးမှုများကို လွယ်ကူစွာသယ်ဆောင်နိုင်သည့် ထုတ်ပိုးမှုများဖြစ်အောင် ပြင်ဆင်ထားရန်လိုကြောင်း၊ အလားတူ ဘုန်းတော်ကြီးကျောင်းများသည် မြို့၊ ရွာများ၏ အစွန်းအဖျားနေရာများတွင် တည်ရှိကြခြင်းကြောင့် လေပြင်းများတိုက်ခတ်ပြီး ပျက်စီးမှု များဖြစ်ပေါ်ခဲ့ပါက ပြင်ဆင်ပေးနိုင်ရေး ဆောင်ရွက်ပေးရန်လိုကြောင်း၊ မုန်တိုင်းဒဏ်ထိ ခိုက်သည့် ဒေသများ၌ ပြင်ဆင်မှုများ ဆောင်ရွက်ပေးရာတွင် ဘုန်းတော်ကြီးကျောင်း များနှင့် စာသင်ကျောင်းများကို ဦးစားပေးအနေဖြင့် ဆောင်ရွက်ပေးရမည်ဖြစ်ကြောင်း မှာကြားခဲ့တယ်လို့သိရှိရပါတယ်။

အဲဒီနောက်စစ်ရေးချုပ် ဒုတိယဗိုလ်ချုပ်ကြီး စိုးမင်းဦး က တပ်မတော်မှ ဆေးဝါး များနှင့် ဆေးဝန်ထမ်းတပ်ဖွဲ့များ ကြိုတင်ပြင်ဆင်ဆောင်ရွက်ထားရှိမှုနှင့်ပတ်သက်၍ ရှင်းလင်းတင်ပြခဲ့ပါတယ်။

            ရှင်းလင်းတင်ပြမှုအပေါ်နစက ဥက္ကဋ္ဌက ထိခိုက်မှုဖြစ်ပွားခဲ့သည့် ဒေသများရှိ ပြည်သူများကို ကျန်းမာရေးစောင့် ရှောက်မှုလုပ်ငန်းများဆောင်ရွက်ပေးနိုင်ရေး ဆေးဝါးများကို ကြိုတင်ပြင်ဆင်ဆောင် ရွက်ထားရှိရန်လိုကြောင်း၊ ဆေးဝန်ထမ်းတပ်ဖွဲ့များကို ကြိုတင်ဖွဲ့စည်းဆောင်ရွက်ထား ရန်လိုသကဲ့သို့ တပ်မတော်ပင်လယ်သွားဆေးရုံရေယာဉ်များကိုလည်း ယနေ့မှစတင်၍ အသင့်ပြင်ဆင်ထားရှိရန်လိုကြောင်း၊ ၎င်းရေယာဉ်များအပေါ်၌ အရေးပေါ် စားနပ်ရိက္ခာ များနှင့် လူသုံးကုန်ပစ္စည်းများကိုလည်း အသင့်တင်ဆောင်ထားရှိရန်လိုကြောင်း၊ ဆေးဝန် ထမ်းတပ်ဖွဲ့များ ဖွဲ့စည်းစေလွှတ်ရာတွင် မုန်တိုင်းဒဏ်၊ ရေလွှမ်းမိုးမှုဒဏ်တို့ကြောင့် ဖြစ်ပေါ်လာနိုင်သည့် နောက်ဆက်တွဲရောဂါများကို ကုသပေးနိုင်ရေး ဖွဲ့စည်းစေလွှတ်ရန်လိုကြောင်းပြန်လည်မှာကြားခဲ့ပါတယ်။

အဲဒီနောက် ကာကွယ်ရေးဦးစီးချုပ်(လေ) ဗိုလ်ချုပ်ကြီးထွန်းအောင်၊ စစ်ထောက် ချုပ် ဒုတိယဗိုလ်ချုပ်ကြီး ကျော်စွာလင်းနှင့် စစ်အင်ဂျင်နီယာညွှန်ကြားရေးမှူး ဗိုလ်မှူးချုပ် ဇော်နိုင်ဦး တို့က အရေးပေါ်ကူညီကယ်ဆယ်ရေးလုပ်ငန်းများနှင့် လိုအပ် သည့် အသုံးအဆောင်ပစ္စည်းများကို အချိန်နှင့်တစ်ပြေးညီပို့ဆောင်နိုင်ရေး လေယာဉ် ၊ ရဟတ်ယာဉ်များ အသင့်ပြင်ဆင်ထားရှိမှု၊ လေယာဉ်၊ ရဟတ်ယာဉ်များ၏စွမ်းဆောင်နိုင်မှု နှင့်လိုအပ်ချက်များ၊ မုန်တိုင်းဒဏ်ကြောင့် ထိခိုက်ခဲ့သည့် ဒေသများတွင် ပြောင်းရွှေ့ ရေးလုပ်ငန်းများဆောင်ရွက်ရန် အရေးပေါ်ကယ်ဆယ်ရေး ပစ္စည်းများ၊ ဆေးဝန်ထမ်း တပ်ဖွဲ့များ၊ အင်ဂျင်နီယာတပ်ဖွဲ့ဝင်များ၊ သတင်းထုတ်ပြန်ရေး အဖွဲ့ဝင်များ ပါဝင်သည့် မော်တော်ယာဉ်အစုအဖွဲ ၁၀ ဖွဲ့ ဖွဲ့စည်း ထားရှိပြီး စေလွှတ်ဆောင်ရွက်နေမှု၊ လမ်းပန်း ဆက်သွယ်ရေးမပြတ်တောက်စေရန်အတွက် အရေးပေါ်သုံး၊ စစ်သုံးဘေလီတံတားများ ကြိုတင်ပြင်ဆင်စုဖွဲ့ထားရှိမှု၊ အရေးပေါ်ရဟတ်ယာဉ် ကွင်းများတည်ဆောက်နိုင်ရေး Helipad များ ပြင်ဆင်ပို့ဆောင်ထားရှိမှု၊ ရေသန့်ယာဉ်များ၊ မီးစက်များဆောင် ရွက်ထား ရှိမှုအခြေအနေများကို ရှင်းလင်းတင်ပြခဲ့ကြပါတယ်။

ရှင်းလင်းတင်ပြမှုများအပေါ် ဗိုလ်ချူပ်မှူးကြီးမင်းအောင်လှိုင်က မုန်တိုင်းတိုက်ခတ်နေချိန်အတွင်း လေယာဉ်၊ ရဟတ်ယာဉ်များ ပျံသန်း ခြင်းမပြုလုပ်နိုင်သော်လည်း မုန်တိုင်းဝင်ရောက်ပြီးချိန်တွင် အချိန်နှင့် တစ်ပြေးညီ ကူညီကယ်ဆယ်ရေးပစ္စည်းများပို့ဆောင်နိုင်ရေး စစ်တွေလေယာဉ်ကွင်းအား ညအချိန်တွင်ပါ ဆင်းသက်နိုင်ရန် ပြေးလမ်းမီးများအပါအဝင် အခြားလိုအပ်သည်များကို ကြိုတင်ပြင် ဆင်ထားရှိရန်လိုကြောင်း၊  အရေးပေါ်ကူညီကယ်ဆယ်ရေး ယာဉ်အစုအဖွဲ့ ၁၀ ဖွဲ့ အပြင် အဖွဲ့ ၂ ဖွဲ့ကိုလည်းထပ်မံ ဖွဲ့စည်းထားရှိရန်လိုကြောင်း၊ လိုအပ်သည့်နေရာသို့ လိုအပ် သည့်အချိန်တွင် ကူညီကယ်ဆယ်ရေးပစ္စည်းများ အချိန်မီပို့ဆောင်နိုင်ရေး ကြိုတင် တွက်ချက်ဆောင်ရွက်ထားရန်လိုကြောင်းမှာကြားခဲ့တယ်လို့ သတင်းထုတ်ပြန် ချက်မှာဖော်ပြထားပါတယ်။

အဲဒီနောက်ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်း နှင့် ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေးညွှန်ကြားရေးမှူး ဗိုလ်ချုပ် ဇော်မင်းထွန်း တို့က ဒေသအလိုက် ဖြစ်ပွားနေသည့် မုန်တိုင်းနှင့်သက်ဆိုင်သည့်အခြေအနေများကို အမြဲမပြတ်သတင်းရရှိရေးနှင့် ထုတ်လွှင့်နိုင်ရေး ကျောပိုးဂြိုလ်တု ဆက်သွယ်ရေးစနစ်ဖြင့် ဆောင်ရွက်နေမှု၊ မုန်တိုင်းအသိပေးချက်နှင့် သတိပေးချက်များ၊ အချိန်နှင့်တစ်ပြေးညီ ပြောင်းလဲလျက်ရှိသည့်  မုန်တိုင်းသတင်းများနှင့်ပတ်သက်၍ ပြည်သူများအချိန်နှင့် တစ်ပြေးညီ သိရှိနိုင်ရေး ရုပ်မြင်သံကြားအစီအစဉ်များ၊ ရေဒီယိုအသံလွှင့်အစီအစဉ်များနှင့် Website များ၌ အမြဲမပြတ် ထုတ်လွှင့်ဆောင်ရွက်ပေးလျက်ရှိမှုအခြေအနေများကိုရှင်းလင်းတင်ပြရာ ဗိုလ်ချူပ်မှူးကြီးက   မုန်တိုင်းဝင်ရောက်နိုင်သည့် ကမ်းရိုးတန်းဒေသများပါမက မုန်တိုင်း သက်ရောက်နိုင်သည့် ကုန်းတွင်း ပိုင်းဒေသများသည်လည်း ရေကြီးခြင်း၊ မြေပြို ခြင်း စသည့် အန္တရာယ်များအတွက် သတိစေရေး လှုံ့ဆော်   ပြန်ကြားဆောင်ရွက်သွားရမည်ဖြစ်ကြောင်း၊ မုန်တိုင်းသတိပေးချက် လှုံ့ဆော်မှုများကို မည်သူတစ်ဦး   တစ်ယောက်မျှ မကျန် ရှိစေဘဲသိရှိစေရေး နည်းလမ်းမျိုးစုံဖြင့်ဆောင်ရွက်သွားရမည်ဖြစ်ကြောင်း၊ သတင်းများ အချိန်နှင့် တစ်ပြေးညီရရှိရေးအတွက်လည်း ဆောင်ရွက်နေရန်လိုကြောင်းပြောကြားခဲ့ပါတယ်။

ယင်းနောက် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာ ကံဇော်က မုန်တိုင်းဒဏ်ကြောင့်ဖြစ်ပွားမည့် သဘာဝဘေးဒဏ်သင့် ဒေသများ တွင် သဘာဝဘေးအန္တရာယ် ကူညီကယ်ဆယ်ရေးအတွက် နိုင်ငံတကာအဖွဲ့အစည်း များနှင့် ပူးပေါင်းဆောင်ရွက်လျက်ရှိမှု  အခြေအနေတွေ ကို  ရှင်းလင်းတင်ပြခဲ့ပါတယ်။

ရှင်းလင်းတင်ပြမှုများအပေါ် နစကဥက္ကဋ္ဌက လုပ်ငန်းများဆောင်ရွက်ရာတွင် နိုင်ငံခြားရေးဝန်ကြီးဌာန၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနနှင့် လူမှုဝန်ထမ်းကယ်ဆယ်ရေး နှင့်ပြန်လည် နေရာချ  ထားရေးဝန်ကြီးဌာနတို့အနေဖြင့် အချိန်နှင့်တစ်ပြေးညီ ပူးပေါင်း ဆောင်ရွက် သွားရန်လိုကြောင်း၊ (AHA Center) နှင့် ပူးပေါင်းဆောင်ရွက်ရေးကိုလည်း ဆောင်ရွက် လျက်ရှိကြောင်းပြောကြားခဲ့ပါတယ်။

အဲဒီနောက် ဗိုလ်ချူပ်မှူးကြီးက သဘာဝဘေးအန္တရာယ်ကယ်ဆယ်ရေး လုပ်ငန်းများနှင့်ပတ်သက်၍ ပြည်ထောင်စု ဝန်ကြီးများ၊ရန်ကုန်တိုင်းဒေသကြီးဝန်ကြီးချုပ်နှင့် တပ်မတော်အရာရှိကြီးများကို တစ်ဦး ချင်း လိုအပ်ချက်များ၊ အကြံပြုချက်များကိုမေးမြန်းပြီး ကူညီကယ်ဆယ်ရေးပစ္စည်းများ၊ အရေးပေါ်သုံးပစ္စည်းများ၊ စားနပ်ရိက္ခာပစ္စည်းများကို လျှင်မြန်ထိရောက်စွာ ပို့ဆောင် နိုင်ရေး  လေယာဉ် ယာဉ်ပေါ်အသင့်၊ ရေယာဉ် ယာဉ်ပေါ်အသင့်၊ မော်တော်ယာဉ် ယာဉ်ပေါ်အသင့်ဖြစ်စေရေး ကြိုတင်ဆောင်ရွက်ထားရန်လိုကြောင်း၊ ကူညီကယ်ဆယ်ရေး လုပ်ငန်းများ၊ ပြန်လည်ထူထောင်ရေးလုပ်ငန်းများ ဆောင်ရွက်ရာတွင် သက်ဆိုင်ရာ ဝန်ကြီးဌာနများ၊ တိုင်းဒေသကြီးနှင့် ပြည်နယ်အစိုးရအဖွဲ့များ၊ တပ်မတော်(ကြည်း၊ ရေ၊လေ)နှင့် တိုင်းစစ်ဌာနချုပ်များ အားလုံးတက်ညီလက်ညီဖြင့် ပူးပေါင်း ဆောင်ရွက်ရန်လိုကြောင်း၊

 မြန်မာနိုင်ငံသူ၊ မြန်မာနိုင်ငံသားအားလုံး မည်သူတစ်ဦး တစ်ယောက်မှ ကျန်ရှိမှု မရှိစေရေး ကူညီဆောင်ရွက်ပေးသွားရန်လိုကြောင်း၊ ထိခိုက်မှု အနည်းဆုံးဖြင့် မုန်တိုင်း အန္တရာယ်ကို အောင်မြင်စွာကျော်လွှားနိုင်ရေး မိမိကိုယ်တိုင် မျက်ခြည်မပြတ်စောင့် ကြည့်ပြီး အချိန်နှင့် တစ်ပြေး  ညီ  လိုအပ်ချက်များကို ဖြည့်ဆည်းပေးနိုင်ရေး ဆောင်ရွက် လျက်ရှိကြောင်းဖြင့်ပြောကြားခဲ့တယ်လို့ နစကရဲ့   သတင်းထုတ်ပြန်ချက်မှာဖော်ပြထားပါတယ်။

Ymg/knl

#ဗိုလ်ချူပ်မှူးကြီးမင်းအောင်လှိုင်

#မိုခါဆိုင်ကလုန်းမုန်တိုင်း

#YangonMediaGroup