#Local_News
Published - 15 Oct 2023

စစ်တောင်းမြစ်ရေသည် တောင်ငူမြို့၏စိုးရိမ်ရေအမှတ်ကိုရောက်ရှိနေပြီး ဆက်လက်မြင့်တတ်လာနိုင်ကြောင်းမိုးလေဝသနှင့်ဇလဗေဒညွှန်ကြားမှု ဦးစီးဌာနကသတိပေးထုတ်ပြန်သည်။

အောက်တိုဘာ ၁၅ ရက် နံနက် ၆ နာရီခွဲ တိုင်းတာချက်အရ စစ်တောင်းမြစ်ရေသည်တောင်ငူမြို့၏ စိုးရိမ်ရေမှတ်ကိုရောက်ရှိနေပြီးလာမည့် ၂၄နာရီအတွင်း စိုးရိမ်ရေအမှတ်ထက် ၂လက်မ ခန့်ပိုမြင့်လာမည်ဟု ထုတ်ပြန်ထားသည်။

ထို့ကြောင့် တောင်ငူမြို့နယ် အတွင်းရှိမြစ်ကမ်းအနီးနှင့် မြေနိမ့်ပိုင်းနေထိုင်သူများအနေဖြင့်အထူးသတိပြုနေထိုင်ကြရန် အတွက် အကြံပြုထားသည်။

ပြီးခဲ့သည့် တပတ်က စံချိန်တင်မြင့်တတ်ခဲ့သည့် ပဲခူးမြစ်ရေသည် ယနေ့နံနက်တိုင်းတာချက်အရ စိုးရိမ်ရေမှတ်အောက် ၉၀ စင်တီမီတာလျော့ကျလာကြောင်း သိရသည်။

#Local_News #စိုးရိမ်ရေမှတ်ကိုရောက်ရှိ #မိုးဇလသတိပေး #YMG/NN

#Local_News
Published-15 Oct 2023

ပဲခူးတိုင်း၊ ပဲခူးမြို့နယ်အတွင်း၌ပြီးခဲ့သည့် ရက်ပိုင်းကရေကျော်ပျက်စီးခဲ့သည့် ရန်ကုန်_မော်လမြိုင်ရထားခရီးစဉ်များအား ယ‌‌နေ့မှစတင်၍ ပြန်လည်ပြေးဆွဲနေပြီဖြစ်ကြောင်း မြန်မာ့မီးရထားမှသိရသည်။

အဆိုပါပြန်လည်ပြေးဆွဲသွားမည့်ရထားမှာ ရန်ကုန်မှမော်လမြိုင်သို့ အောက်တိုဘာ ၁၅ ရက် နံနက် ၆း၃၀ အချိန်အမှတ် ၁ စင်္ကြန်မှ ထွက်ခွာခဲ့ပြီး အမှတ်(၈၂)အစုန် မော်လမြိုင်-ရန်ကုန် ရထားမှာလည်းမော်လမြိုင်ဘူတာမှ နံနက် ၈ နာရီခွဲတွင် စတင်ထွက်ခွာမည်ဖြစ်ပြီး ရန်ကုန်ဘူတာကြီးသို့ ည ၆ နာရီတွင် ဆိုက်ရောက်မည်ဖြစ်ကြောင်း သိရသည်။

"ရန်ကုန် - မော်လမြိုင်အမှတ် ၈၁ အဆန် လေအိတ်အမြန်ရထားရန်ကုန် မှ မော်လမြိုင် ကိုဒီမနက်စထွက်ပါတယ်။ မော်လမြိုင်ကလည်းဒီနေ့ပဲထွက်မှာပါ"ဟု မြန်မာ့မီးရထားမှ တာဝန်ရှိသူတစ်ဦးက ပြောသည်။

ပြီးခဲ့သည့်ရက်ပိုင်းအတွင်းက မိုးသည်းထန်စွာရွာသွန်းမှုကြောင့် ရေကြီးမှုများဖြစ်ပေါ်ခဲ့ရာ ရန်ကုန်-မော်လမြိုင် ရထားလမ်းပိုင်းတွင်လည်း ရေကျော်ခဲ့သဖြင့် ရထားလမ်းပိုင်းနေရာအချို့တွင် ပျက်စီးမှုများဖြစ်ပေါ်ခဲ့သည်။

ထိုသို့ ရထားလမ်းပိုင်းပျက်စီးမှုကြောင့် ပြန်လည်ပြင်ဆင်မှုများပြုလုပ်ရန် မော်လမြိုင်-ရန်ကုန် ရထားခရီးစဉ်များအား ပြေးဆွဲမှုယာယီရပ်နားခဲ့ကြောင်း သိရသည်။

ထို့ကြောင့် ပျက်စီးမှုများအားရေပြန်လည်ကျဆင်းသွားချိန်တွင် မြန်မာ့မီးရထားမှဝန်ထမ်းများကပြန်လည်ပြင်ဆင်မှုများပြုလုပ်ခဲ့ကြရာ ပြီးစီးသွားပြီဖြစ်၍ ယာယီရပ်နားထားခဲ့သည့် ရန်ကုန်_မော်လမြိုင် ရထားခရီးစဉ်များကို အောက်တိုဘာ ၁၅ ရက်မှစတင်၍ ပုံမှန်အတိုင်းပြန်လည်ပြေးဆွဲပေးသွားမည်ဖြစ်ကြောင်း သိရသည်။

ရထားခရီးစဉ်များ ပြန်လည်ပြေးဆွဲရာ၌လိုက်ပါစီးနင်းမည့်သူများအနေဖြင့် အောက်တိုဘာ ၁၅ ရက်အတွက် ရိုးရိုးတန်း/အထက်တန်းလက်မှတ်များကို ရန်ကုန်နှင့်မော်လမြိုင်ဘူတာကြီး၏ ရက်ကြိုလက်မှတ်ရုံတွင် အောက်တိုဘာ ၁၄ ရက်နံနက် ၉ နာရီမှစတင်၍ ရောင်းချပေးခဲ့ကြောင်း သိရသည်။

#Local_News #ရန်ကုန်_မော်လမြိုင် #ရထားခရီးစဉ်များပြန်လည်ပြေးဆွဲ #YMG/NN

#Local_News
Published - 15 Oct 2023

တရုတ်ဝယ်လိုအားမရှိချိန် ပြည်တွင်းဈေးကွက်အားထားနေသောကြောင့် ဖရဲဈေးနှုန်းများကျဆင်းနေကြောင်း ဖရဲစိုက်ပျိုးရောင်းချသူများထံမှ သိရသည်။

လတ်တလောတွင် ဖရဲစိုက်ပျိုးရာဒေသများမှ ရန်ကုန်အပါအဝင်မြို့ကြီးအချို့သို့တင်ပို့‌နေပြီးရန်ကုန်ဈေးကွက်သို့မန္တလေးတိုင်း၊ စစ်ကိုင်းတိုင်း၊ နေပြည်တော်စသည့်ဒေသများမှ ဖရဲကားများဝင်ရောက်မှုရှိနေကြောင်း သိရသည်။

"တရုတ်ဘက်ကထွက်နေတဲ့အချိန်လည်း ဖြစ်တယ်။ နောက်တခါ ဒီနှစ်စိုက်တာလည်းများတော့ ရောင်းလိုအားကများနေတယ်။ အဝင်များပြီးအဝယ်ကျတော့ ဈေးတွေပါကျကုန်တာပေါ့"ဟု မိတ္တီလာမှ ဖရဲစိုက်ပျိုးသူ ဦးဇော်မင်းကပြောသည်။

ယခုရက်ပိုင်းအတွင်း ရန်ကုန်ဈေးကွက်သို့ တစ်ရက်လျှင် ဖရဲကားစီးရေ ၃၀ ခန့်ဝင်ရောက်နေသော်လည်းဝယ်လိုအားမှာမူ သုံးစီးခန့်သာရောင်းချနိုင်သောကြောင့် ကျပ် ၄၅ သိန်းပေါက်ဈေးရရှိသည့် ဖရဲ ၁၂ ဘီးကား တစ်စီးလျှင်ကျပ်သိန်း ၂၀ကျော်အထိသာ ဈေးနှုန်းရရှိနေကြောင်း သိရသည်။

ပြည်တွင်း၌ ဆောင်းဖရဲကိုအောက်တိုဘာလအတွင်း၌ စတင်စိုက်ပျိုးကာ တရုတ်နိုင်ငံသို့ဒီဇင်ဘာလမှ မေလအထိတင်ပို့လေ့ရှိပြီး လတ်တလောတွင် တရုတ်နိုင်ငံ၌ ဖရဲထွက်ရှိချိန်ဖြစ်သောကြောင့် ပြည်တွင်းဈေးကွက်ကိုသာ အားပြုနေခြင်းဖြစ်ကြောင်း သိရသည်။

#Local_News #ပြည်တွင်းဈေးကွက် #ဖရဲဈေးနှုန်းများကျဆင်းနေ #YMG/NN

#World_Health
Published 15 October 2023

သမီးမိန်းကလေးရှိတဲ့ ဖခင်တွေဟာ သမီးမရှိတဲ့ ဖခင်တွေနဲ့ယှဥ်ရင် ပိုမိုသက်ရှည် ကျန်းမာလေ့ရှိကြောင်း မကြာသေးမီက လေ့လာချက်တစ်ခုမှာ တွေ့ရှိခဲ့ပါတယ်။
ကလေးမွေးဖွားမှုတွေက ဖခင်ရဲ့ ကျန်းမာရေးနဲ့ သက်ရှည်ခြင်းအပေါ် သက်ရောက်နေမှုကို လေ့လာခဲ့ကြတာ ဖြစ်ပါတယ်။

ကလေးမွေးဖွားမှုက ဖခင်တွေရဲ့ ပျမ်းမျှသက်တမ်းအပေါ် သက်ရောက်နေပုံကို ဂျာဂျယ်လိုနီယန်တက္ကသိုလ်မှ သုတေသီများက လေ့လာခဲ့ကြပါတယ်။

မိဘပေါင်း ၄,၃၁၀ ဦးထံမှ အချက်အလက်များကို ခွဲခြမ်းစိတ်ဖြာခဲ့ကြပါတယ်။

သားယောက်ျားလေးနဲ့ သမီးမိန်းကလေး အရေအတွက်ကို ခွဲခြားလေ့လာခဲ့ရာ ယောက်ျားလေး အရေအတွက် ဒါမှမဟုတ် ကလေးစုစုပေါင်း အရေအတွက် ဆိုတာတွေက ဖခင်တွေရဲ့ ပျမ်းမျှနေထိုင်သက်တမ်းအပေါ် သက်ရောက်မှုမရှိခဲ့ပါဘူး။

ဒါပေမဲ့ သမီးမိန်းကလေး အရေအတွက်နဲ့ ဖခင်သက်ရှည်ကျန်းမာမှုကြား ဆက်စပ်မှုကတော့ သိသာထင်ရှားနေပါတယ်။

လေ့လာချက်ရဲ့ အဓိကတွေ့ရှိချက်တွေကတော့ သမီးရှိတဲ့ ဖခင်တွေဟာ ပိုပြီးသက်ရှည်စွာ နေထိုင်ရကာ သမီးအရေအတွက် ပိုများလေ ပိုပြီးအသက်ရှည်လေ ဖြစ်နေပါတယ်။

အချက်အလက်အရဆိုရင် သမီးတစ်ယောက် မွေးဖွားတိုင်း ဖခင်ရဲ့သက်တမ်းက ၇၄ ပတ်ပိုများလာပါတယ်။

ဖခင်အတွက် ဒီလိုအကျိုးတွေရှိပေမယ့် ကလေးရှိခြင်းက မိခင်တွေအတွက်တော့ ခြားနားနေပါတယ်။

ယောကျ်ားလေးဖြစ်ဖြစ် မိန်းကလေးပဲဖြစ်ဖြစ် မိခင်ရဲ့ ကျန်းမာရေးကို ထိခိုက်စေကာ ပျမ်းမျှနေထိုင်သက်တမ်းကို လျော့နည်းစေကြောင်း Human Biology အမေရိကန်ဂျာနယ်မှာ ဖော်ပြထားပါတယ်။

တနည်းဆိုရရင် အမျိုးသမီးများ တစ်ဦးတည်းနေခြင်းဖြင့် ပိုမိုပျော်ရွှင်လာကြတာကို လတ်တလောကာလမှာ မြင်တွေ့နေရပါတယ်။

နောက်ထပ်သုတေသနကတော့ ကွဲပြားစွာ တွေ့ရှိခဲ့ပြီး ဘယ်လိုကလေးပဲဖြစ်ဖြစ် မိဘတွေရဲ့ သက်ရှည်ကျန်းမာမှုကို အထောက်အကူ ဖြစ်စေတယ်လို့ တွေ့ရှိထားပါတယ်။  

#World_Health #ပိုမိုသက်ရှည် #သမီးမိန်းကလေးရှိသည့်ဖခင် #Source: WION

‘လှည်းကူးမြို့နယ်ထဲက သွားလာရေးခက်ခဲတဲ့ ကျေးရွာ(၃၀)ကျော်ကရေဘေးသင့်ပြည်သူနှစ်သောင်းခန့်ကို နေ့စဉ်မနက်၊ ညပုံမှန်စားသောက်နိုင်ရန်ရှင်သန်ရေးကူညီမှုအသင်း၊ ရန်ကုန်တိုင်းလူမှုကူညီရေးအဖွဲ့ဝင်တွေနဲ့ အလှူရှင်တွေက ဆောင်ရွက်ပေးလျက်ရှိတယ်’ ရန်ကုန်တိုင်းလူမှုကူညီကယ်ဆယ်ရေးအဖွဲ့(YRO)မှဦးထွန်းထွန်းဦး
Published_ 15 October 2023
#Local_News
#လှည်းကူးမြို့နယ် #ရေဘေးသင့်ပြည်သူများ
#tthl #Yangon_Times

#World_Health
Published 15 October 2023

အအေးမိဖျားနာ၊ တုပ်ကွေး၊ အဆုတ်ရောင်နဲ့ အခြားအသက်ရှူလမ်းကြောင်း ပြဿနာများဖြစ်တဲ့ လူတွေမှာ ရောဂါလက္ခဏာများ ဆက်လက်ကျန်ရှိနေနိုင်ကာ ကိုဗစ်-၁၉ နောက်ဆက်တွဲလက္ခဏာတွေလိုမျိုး ဖြစ်ကြောင်း မကြာသေးမီက တွေ့ရှိထားပါတယ်။

လန်ဒန် ကွင်းမယ်ရီတက္ကသိုလ်မှ သုတေသီများ စမ်းသပ်ခဲ့ကြရာ အသက်ရှူလမ်းကြောင်း ရောဂါလက္ခဏာဖြစ်တဲ့သူတွေဟာ ကူးစက်ပြီးနောက် အနည်းဆုံး သီတင်းပတ် ၄ ပတ်ကြာတဲ့တိုင်အောင် ရောဂါလက္ခဏာများ ဆက်လက်ကျန်ရှိနေပါတယ်။

ထိုလက္ခဏာထဲမှာ ချောင်းဆိုးခြင်း၊ အစာအိမ် မအီမသာဖြစ်ခြင်း၊ ဝမ်းလျှောခြင်းတို့ ပါဝင်ပါတယ်။

ကိုဗစ်ရောဂါ ကူးစက်ဖူးသူတွေရာ အအေးမိဖျားနာ လက္ခဏာကြာရှည်နေသူတွေရောဟာ ယခင်ကူးစက်ခံရဖူးပါက ရောဂါလက္ခဏာ ပိုမိုပြင်းထန်ကြောင်း သိရပါတယ်။

ယူကေမှ လူပေါင်း ၁ သောင်းကျော်ကို ၂၀၂၁ ဇန်နဝါရီလနဲ့ ဖေဖော်ဝါရီလအတွင်း မေးခွန်းများမေးမြန်းပြီး သုတေသန လုပ်ခဲ့ကြကာ ကိုဗစ်နောက်ဆက်တွဲနဲ့ ပတ်သက်တဲ့ လက္ခဏာ ၁၆ မျိုးကို လေ့လာခဲ့ကြပါတယ်။

ဆက်လက်ကြန့်ကြာနေတဲ့ ရောဂါလက္ခဏာတွေဟာ ယခင်က မတွေ့ဖူးပေမယ့် လက္ခဏာရပ် များပြားကျယ်ပြန့်တာကြောင့် သတိမထားမိတတ်ကြပါဘူး။

ယင်းတို့ရဲ့ တွေ့ရှိချက်တွေက အသက်ရှူလမ်းကြောင်း ရောဂါတစ်မျိုး ကူးစက်ပြီးနောက် ရောဂါလက္ခဏာများ ဆက်လက်ကျန်ရှိသူတွေ ခံစားရတာတွေနဲ့ ဆက်စပ်နေတယ်လို့ ကွင်းမယ်ရီတက္ကသိုလ်မှ ပရော်ဖက်ဆာ အက်ဒရီယန်မာတီနော့က ပြောပြသွားပါတယ်။

အဆိုပါသုတေသနက နောက်ဆက်တွဲ လက္ခဏာကျန်ရှိသူတွေမှာ သင့်လျော်တဲ့ စောင့်ရှောက်ကုသမှု ဖော်ထုတ်ပေးတဲ့နေရာမှာ အကူအညီ ဖြစ်စေနိုင်မယ်လို့ ဆိုသွားပါတယ်။

#World_Health #ကိုဗစ်နောက်ဆက်တွဲလက္ခဏာ #အအေးမိဖျားနာ #Source: India Today

အောက်တိုဘာ၁၄၊၂၀၂၃

အိန္ဒိယနိုင်ငံ အနေဖြင့် မြန်မာနိုင်ငံငြိမ်းချမ်းရေးအတွက် ဆက်လက်ကူညီ ဆောင်ရွက်သွားမည့် အခြေအနေ များနှင့် NCA အပေါ်အပြည့်အဝယုံကြည်လျက်ရှိကြောင်း  နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် အိန္ဒိယနိုင်ငံ၊ ဒုတိယအမျိုးသား လုံခြုံရေးဆိုင်ရာအကြံပေးပုဂ္ဂိုလ် Mr. Vikram Misriတို့ နေပြည်တော်တွင် ယနေ့ တွေ့ဆုံဆွေးနွေးခဲ့တယ်လို့ နစကရဲ့သတင်းထုတ်ပြန်ချက်အရသိရှိရပါတယ်။

အောက်တိုဘာ ၁၅ ရက်နေ့တွင် ကျင်းပမည့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) (၈)နှစ်မြောက် နှစ်ပတ်လည်နေ့ အခမ်းအနားသို့တက်ရောက်ရန် ရောက်ရှိနေသည့် အိန္ဒိယနိုင်ငံ၊ ဒုတိယအမျိုးသား လုံခြုံရေးဆိုင်ရာအကြံပေးပုဂ္ဂိုလ် H.E. Mr. Vikram Misri ဦးဆောင်သော ကိုယ်စား လှယ်အဖွဲ့က ယနေ့ အောက်တိုဘာ ၁၄ ရက်နေ့တွင် နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ လာရောက်တွေ့ဆုံစဉ် အဆိုပါကိစ္စဆွေးနွေးခဲ့တာဖြစ်ပါတယ်။

ဗိုလ်ချုပ်မှူးကြီးက အိန္ဒိယနိုင်ငံအစိုးရကိုယ်စား  Mr. Vikram Misri က မြန်မာနိုင်ငံအတွက်အရေးကြီးသည့် ငြိမ်းချမ်းရေးနှစ်ပတ်လည်နေ့အခမ်းအနားကို လာရောက်တက်ရောက် သည့်အတွက် ကျေးဇူးတင်ရှိပါကြောင်း ပြောကြားခဲ့တယ်လို့သတင်းထုတ်ပြန်ချက်မှာဖော်ပြပါရှိပါတယ်။

ဗိုလ်ချုပ်မှူးကြီးနှင့် Mr. Vikram Misri တို့သည် နိုင်ငံဖွံ့ဖြိုးတိုးတက်ရေးနှင့် တည်ငြိမ်အေးချမ်း ရေးအတွက်ဆောင်ရွက်လျက်ရှိမှု၊ ဒီမိုကရေစီနှင့်ဖက်ဒရယ်ကိုအခြေခံသည့် ပြည်ထောင်စု တည်ဆောက်ရေး ဆောင်ရွက်လျက်ရှိမှု၊ နိုင်ငံတော်အစိုးရနှင့် တပ်မတော်အနေဖြင့် ပြည်တွင်းငြိမ်းချမ်းရေးရရှိအောင် ကြိုးပမ်း ဆောင်ရွက်လျက်ရှိမှု၊ မြန်မာနိုင်ငံငြိမ်းချမ်းရေးအတွက် အိန္ဒိယနိုင်ငံအနေဖြင့် တစ်ဖက်တစ်လမ်းမှ  ကူညီဆောင်ရွက် ပေးလျက်ရှိမှု၊  နယ်စပ်ဒေသတည် ငြိမ်အေးချမ်းရေးအတွက် ပူးပေါင်းဆောင်ရွက်လျက်ရှိမှု၊ နှစ်နိုင်ငံ ချစ်ကြည်ရေးနှင့် ပူးပေါင်းဆောင်ရွက်မှုများ တိုးတက်ကောင်းမွန်လျက်ရှိမှု၊ နှစ်နိုင်ငံ အပြန်အလှန်ကုန်သွယ်မှုများနှင့် ရင်းနှီးမြှုပ်နှံမှုများ ယခုထက်ပိုမိုတိုးတက်ကောင်းမွန် စေရေးဆောင်ရွက်ရန်လိုအပ်လျက်ရှိမှုတို့ကို‌ဆွေးနွေးခဲ့တယ်လို့လည်း နစကသတင်း ထုတ်ပြန်ရေးအဖွဲ့က သတင်းထုတ်ပြန်ပါတယ်။

ယင်းအပြင် နိုင်ငံတော်အစိုးရနှင့်တပ်မတော်အနေဖြင့် NCA လမ်းကြောင်းပေါ်၌ ခိုင်မာစွာရပ်တည်  လျှောက်လှမ်းလျက်ရှိမှုနှင့် ပါတီစုံဒီမို ကရေစီ လမ်းကြောင်းပေါ်၌ ခိုင်ခိုင်မာမာဖြင့် ဆက်လက်လျှောက်လှမ်းလျက်ရှိမှု၊ အိန္ဒိယနိုင်ငံ အနေဖြင့်လည်း မြန်မာနိုင်ငံငြိမ်းချမ်းရေးအတွက် ဆက်လက်ကူညီ ဆောင်ရွက်သွား မည့် အခြေအနေများ    နှင့် NCA အပေါ်အပြည့်အဝယုံကြည်လျက်ရှိမှု နှင့် မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုများနှင့်ပတ်သက်၍ ရင်းနှီးပွင့်လင်းစွာဖြင့် အမြင်ချင်းဖလှယ်ခဲ့ကြတယ်လို့ သတင်းထုတ်ပြန်ချက်မှာဆက်လက်ဖော်ပြထားပါတယ်။

တွေ့ဆုံပွဲသို့ ဗိုလ်ချုပ်မှူးကြီးနှင့်အတူကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ကောင်စီ အဖွဲ့ဝင် ပြည်ထဲရေးဝန်ကြီးဌာန ပြည်ထောင်စုဝန်ကြီး အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ ဥက္ကဋ္ဌ  ဒုတိယဗိုလ်ချုပ်ကြီး ရာပြည့် တို့ တက်ရောက်ကြပြီး  အိန္ဒိယနိုင်ငံ၊ ဒုတိယ အမျိုးသား လုံခြုံရေးဆိုင်ရာ အကြံပေး ပုဂ္ဂိုလ်နှင့်အတူ မြန်မာနိုင်ငံ ဆိုင်ရာ အိန္ဒိယနိုင်ငံသံအမတ်ကြီး H.E. Mr. Vinay Kumar နှင့်တာဝန်ရှိသူများ တက်ရောက်ကြကြောင်းသတင်းရရှိပါတယ်။

တရုတ်နိုင်ငံရဲ့ ရပ်ဝန်းတစ်ခု လမ်းကြောင်းတစ်သွယ် စီမံကိန်း(BRI) အစီအစဥ်တစ်ခုဖြစ်တဲ့ မလေးရှားမြို့တော် ကွာလာလမ်ပူမှ Imperial Lexis ဟိုတယ်ဟာ အဆင့်မြင့်နည်းပညာ အများအပြား အသုံးပြုထားပြီး မြို့တွင်းမှာ ဖန်သားဖြင့်ပြုလုပ်ထားတဲ့ အမြင့်ဆုံးလျှောက်လမ်းနေရာ ပါဝင်ပါတယ်။

Published_ 14 October 2023
#Asia_Development
#ကွာလာလမ်ပူ #အဆင့်မြင့်နည်းပညာ
#Yangon_Times #YMG

#Daily_News
Published_ 14 October 2023

၁။ ဘဏ်လမ်းကြောင်းမှ ငွေလွှဲသည့် သင်္ဘောသားများနှင့် ပြည်ပလုပ်သားများကို EVကား၊ EV ဆိုင်ကယ်တင်သွင်းခွင့်ပြု

၂။ ပြင်ဦးလွင်၌ ကော်ဖီပင်များ ပင်စည်ဖောက်ပိုးကျရောက်ခဲ့သောကြောင့် အထွက်နှုန်း၂၅ ရာခိုင်နှုန်းခန့်လျော့ကျနိုင်

၃။ လာမည့်ဆောင်းတွင်းတွင် ရန်ကုန်အပါအဝင်ဒေသ(၆)ခုတွင် အအေးပေါ့ပြီး ပိုပူမည်

၄။ ကွာလာလမ်ပူတွင် မိုးမျှော်လျှောက်လမ်းပါဝင်မည့် ဟိုတယ်ကြီးဆောက်လုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

မနက်ဖြန် အောက်တိုဘာလ ၁၅ ရက်နေ့မှာ ပြုလုပ်မယ့် NCA ၈ နှစ်ပြည့်အခမ်းအနားအလွန်မှာ နိုင်ငံရေးဆွေးနွေးမှု အခွင့်အလမ်းပိုမိုရလာနိုင်ဖို့ တိုင်းရင်းသားတွေက မျှော်လင့်နေကြပါတယ်။
Published_ 14 October 2023
#Local_News
#NCA #နိုင်ငံရေးဆွေးနွေးမှု
#Yangon_Times

#Local_News
Published_ 14 October 2023

ခရီးသွားငါးယောက်အဖွဲ့၏ တေးသံရှင်၊ တေးဂီတဟာမိုနီအဖွဲ့ Everglades Harmony Group ၏ မန်ဘာဝင် တစ်ဦးဖြစ်သည့် ကိုမောင်မောင်သန့်သည် အောက်တိုဘာလ (၁၄)ရက်တွင်ကွယ်လွန်သွားကြောင်း Everglades Harmony Groupမှသိရသည်။

Everglades Harmony Group၏ လူမှုကွန်ရက်စာမျက်နှာပေါ်တွင် ‘‘ကျွန်မတို့ချစ်သော( Everglades Harmony Group & ခရီးသွားငါးယောက် တေးသံရှင် )ကိုမောင်မောင်သန့် ယနေ့ ၁၄.၁၀.၂၀၂၃ နံနက် ၅:၁၀ အချိန်မှာ ယေရှုရင်ခွင်သို့ ဘုန်းတော်ဝင်စားသွားပြီဖြစ်ပါတယ်။

ချစ်သော ကိုမောင်မောင်သန့် ဘုရားရှင်ရင်ခွင်မှာ ငြိမ်းချမ်းစွာအိပ်စက်နေပါပြီ။ ရင်ထဲမှာဖေါ်မပြနိုင်အောင် ဝမ်းနည်းလှပါတယ်။ တစ်နေ့ပြန်ဆုံမယ် မောင်သန့်ရေ ၊ဒို့တွေ အားလုံး မင်းကို အရမ်းချစ်တယ်နော်။

ဒို့ Everglades Harmony မောင်နှမတွေ ၂၅နှစ်ကျော် အတူလက်တွဲလုပ်ဆောင်ခဲ့ကျတာ အခု မင်းမရှိတော့ အမှတ်တရတွေများစွာနဲ့ လွမ်းဆွတ်နေဦးမှာပါ ”ဟု ခရီးသွားငါးယောက်တေးသံရှင်တစ်ဦးလည်းဖြစ်သလို Everglades Harmony Groupမန်ဘာဝင်လည်းဖြစ်သည့် Vocal Coach Tracy အပါအဝင် Zaw Win Myint ,Jayne ,Git Get တို့မှ ဝမ်းနည်းမှတ်တမ်းရေးသားဖော်ပြထားသည်။

ကိုမောင်မောင်သန့်သည် ခရီးသွားငါးယောက်အဖွဲ့ဝင်တေးသံရှင်တစ်ဦးဖြစ်သလို တေးသီချင်းများ၊Myanmar Idolအပါအဝင်တေးဂီတဖျော်ဖြေပွဲများတွင် ဟာမိုနီများဆောင်ရွက်ပေးသည့်Everglades Harmony Group၌ လည်းတေးဂီတနှင့်ပတ်သက်ပြီးနှစ်ပေါင်းများစွာလက်တွဲလုပ်ကိုင်ခဲ့သူတစ်ဦးလည်း ဖြစ်ကြောင်းသိရသည်။

#Local_News #ခရီးသွားငါးယောက် #မောင်မောင်သန့်ကွယ်လွန်
#tthl #Yangon_Times

#Local_News
Published_ 14 October 2023

မန္တလေးပဲနှမ်းဈေးကွက်သို့ စမုံနှမ်းနက်အသစ်များဈေးကွက်အတွင်း ဝင်ရောက်‌ နေသော်လည်းအဝယ်သွက်နေသောကြောင့် ဈေးရနေကြောင်း ပဲနှမ်းကုန်သည်များထံမှ သိရသည်။

ထိုသို့ဈေးကောင်းရာတွင်တစ်ပတ်တာအတွင်း အမျိုးအစားအလိုက်နှမ်း တစ်အိတ်လျှင်ကျပ် ၅,၀၀၀ မှ ၂၀,၀၀၀ကျပ်အထိ ဈေးနှုန်းအသီးသီးမြင့်တက်နေကြောင်း သိရသည်။

"လက်ရှိဈေးကွက် အခြေအနေကတော့တရုတ်ကလည်း အဝယ်လိုက်နေတဲ့အတွက်ဈေးတက်လာတယ်။ အသစ်ထွက်နေချိန်မှာဈေးလေးရတော့စိုက်သူတွေအတွက်မဆိုးဘူးလို့ပြောရမယ်။ မနှစ်ကဆိုဒီအချိန်စမုံနက်နှမ်းတစ်အိတ်ကိုသုံးသိန်းပဲရတယ်"ဟုမန္တလေးမြို့မှ ပဲနှမ်းကုန်သည်ဦးကြည်ဝင်းက ပြောသည်။

ပြီးခဲ့သည့်နှစ်ကာလတူက အရည်အသွေးကောင်းမွန်သည့် စမုံနှမ်းနက်တစ်အိတ်လျင်ကျပ်သုံးသိန်းအထိသာ ဈေးနှုန်းရရှိပြီး လက်ရှိတွင် ကျပ် ၃၈၅၀၀၀ အထိဈေးနှုန်းရရှိနေကြောင်း သိရသည်။

လတ်တလောတွင် ၄၅ ပိသာဝင်နှမ်းနက်စမုံတစ်အိတ်လျှင်အရည်အသွေးအလိုက်ကျပ်၂၉၀,၀၀၀ မှ ၃၆၅,၀၀၀ကျပ်၊ နှမ်းဖြူတစ်အိတ်လျှင် အရည်အသွေးအလိုက်ကျပ် ၃၈၅,၀၀၀ မှ ၃၉၀,၀၀၀ကျပ်၊ နှမ်းညိုတစ်အိတ်လျှင် အရည်အသွေးအလိုက်ကျပ်၂၈၅,၀၀၀ မှ ၂၉၀,၀၀၀ကျပ်၊ နှမ်းနီတစ်အိတ်လျှင် အရည်အသွေးအလိုက်ကျပ် ၃၁၅,၀၀၀မှ၃၂၀,၀၀၀ကျပ်၊ ပန်းနှမ်းတစ်အိတ်လျှင်အရည်အသွေးအလိုက်ကျပ်၁၉၅,၀၀၀ မှ၂၀၀,၀၀၀ ကျပ် အထိဈေးနှုန်းအသီးသီးရှိနေကြောင်း သိရသည်။

မြန်မာနိုင်ငံအလယ်ပိုင်းဒေသဖြစ်သည့်စစ်ကိုင်းတိုင်း မကွေးတိုင်းနှင့် မန္တလေးတိုင်းဒေသကြီးတို့၌ နှမ်းကိုအဓိကစိုက်ပျိုးပြီး သက်လျှင်သက်လတ်နှင့်သက်ကြီးမျိုးများအဖြစ်စိုက်ပျိုးလေ့ရှိကာ သက်တမ်းအားဖြင့်ရက် ၆၀ မှ ၁၅၀ ရက်အထိရှိကြောင်း သိရသည်။

နှမ်းလျင်ကိုမိုးကြို စိုက်အဖြစ်ဖေဖော်ဝါရီလမှမတ်လအတွင်းစိုက်ပျိုးလေ့ရှိပြီးမိုးစိုက်အဖြစ်မေနှင့်ဇွန်လများ၌ စိုက်ပျိုးလေ့ရှိကာ လယ်သီးထပ်အဖြစ် အော
က်တိုဘာနှင့် နိုဝင်ဘာလများ၌စိုက်ပျိုးလေ့ရှိကြောင်း သိရသည်။

နှမ်းသည် မျိုး၊ မြေ၊ စိုက်နည်းစနစ်၊ သွင်းအားစု၊ ပြုစုနိုင်မှုအပေါ် မူတည်၍ တစ်ဧကလျှင်(၃တင်းမှတင်း၂၀)အထိ ထွက်ရှိနိုင်ကြောင်း သိရသည်။

#Local_News #နှမ်းအသစ်များဈေးကွက် #အဝယ်သွက်၍ဈေးကောင်းရနေ #YMG/NN