#World_Health
Published 15 August 2023

ကမ္ဘာ့ကျန်းမာရေးအဖွဲ့အစည်း (WHO)က ဆိုဒီယမ်လျှော့ချသုံးစွဲရန် ပထမဆုံးအကြိမ် တင်ပြခဲ့ကာ ဆိုဒီယမ်အလွန်အကျွံ စားသုံးမိခြင်းသည် တစ်ကမ္ဘာတဝှမ်းမှာ ရောဂါဖြစ်ခြင်းနဲ့ အသက်သေဆုံးခြင်းတို့ရဲ့ အဓိကတရားခံ ဖြစ်နေပါတယ်။

ဆိုဒီယမ်ဟာ ခန္ဓာကိုယ်အတွက် အရေးပါဆုံး ဓာတ်တွေထဲက တစ်ခုဖြစ်သလို အလွန်အကျွံစားသုံးမိပါက နှလုံးရောဂါ၊ လေဖြတ်ခြင်း၊ အရွယ်မတိုင်ခင် သေဆုံးခြင်းတို့ ဖြစ်နိုင်ချေများပါတယ်။

ဆားမှာ ဆိုဒီယမ်အများအပြား ပါဝင်ပြီး အနည်းငယ်စားသုံးခြင်းဖြင့် ခန္ဓာကိုယ်အတွက် အကျိုးကျေးဇူး ရရှိစေနိုင်ပါတယ်။

ဆားအလွန်အကျွံစားခြင်းကြောင့် သွေးပေါင်ချိန်တိုးစေနိုင်ပြီး နှလုံးသွေးကြောပြဿနာများ ဖြစ်နိုင်ချေ များစေကြောင်း နာဗီမွမ်ဘိုင်း မက်ဒီကာဗာဆေးရုံမှ နှလုံးသိပ္ပံညွှန်ကြားရေးမှူး ဒေါက်တာ'ဘရာဂျက်ရှ်ကူမာကွန်မာ'က ပြောကြားခဲ့ပါတယ်။

- ဆိုဒီယမ်အမြောက်အများပါဝင်တဲ့ အဆင့်ဆင့်ထုပ်ပိုးစားစရာများ ရှောင်ရှားသင့်ပါတယ်။

- ထမင်းစားစားပွဲမှ ဆားနဲ့ အငန်ဓာတ်ပါတဲ့ အချဉ်ရည်များ ဖယ်ရှားသင့်ပါတယ်။

- အရသာအတွက် ဆားအသုံးပြုမယ့်အစား ဟင်းခတ်အမွှေးအကြိုင်များ၊ ဆေးရွက်ပင်များ၊ ကြက်သွန်ဖြူ၊ ရှောက်သီးတို့ကို အသုံးပြုသင့်ပါတယ်။

- အငန်ဓာတ်ပါတဲ့ အာလူးကြော်များ၊ ခရက်ကာများစတဲ့ မုန့်များ မစားသုံးသင့်ပါ။

- စားစရာဝယ်ယူတဲ့အခါ ဆိုဒီယမ်ပါဝင်မှု ပမာဏကို သေချာဖတ်ရှုစစ်ဆေးသင့်ပါတယ်။

ဆိုဒီယမ်မပါတဲ့ စားစရာဖြစ်ဖို့အတွက် အကောင်းဆုံးနည်းလမ်းက DASH လို့ခေါ်တဲ့ သွေးတိုးကင်းဝေးစေရန် စားစရာနည်းလမ်းပဲ ဖြစ်ပါတယ်။

ထိုစားသောက်ပုံစံက ဆိုဒီယမ်နည်းပါးခြင်း၊ မဂ္ဂနီဆီယမ် ပိုတက်ဆီယမ် မြင့်မားခြင်း၊ ပြည့်ဝဆီနည်းပါးခြင်းတို့ ပါဝင်ကာ ဟင်းသီးဟင်းရွက်၊ ပဲအမျိုးမျိုး၊ အသီးအနှံ၊ အဆီနည်းတဲ့နို့တို့မှာ ကြွယ်ဝစွာပါဝင်ပါတယ်။

ဆိုဒီယမ်စားသုံးမှုကန့်သတ်ချက်က တစ်နေ့ကို လက်ဖက်ရည်ဇွန်း ၁ ဇွန်း ၂,၃၀၀ မီလီဂရမ်အောက်သာ ရှိသင့်ပါတယ်။

ဒါကြောင့် ဆားစားသုံးမှု ရှောင်ရှားနိုင်ရန်အတွက် ဟမ်ဘာဂါ၊ ပီဇာ၊ အာလူးကြော်တို့လို အသင့်စား စားစရာများလျှော့ချစားသုံးခြင်း၊ အသင့်ထုပ်ပိုးပြီးသော စားစရာများ ရှောင်ရှားခြင်း၊ အချဉ်ရည် ဆော့စ်များရှောင်ရှားခြင်းတို့ ပြုလုပ်သင့်ပါတယ်။

Source: India Today
#World_Health #နှလုံးကျန်းမာရေး #ဆားအလွန်အကျွံစားသုံးခြင်း

#Local_sport
Published_ 15 August 2023

- ပီအက်စ်ဂျီတိုက်စစ်မှူးနေမာသည် ဆော်ဒီကလပ် အယ်လ်ဟီလယ်အသင်းသို့ပြောင်းရွှေ့ရန် ပုဂ္ဂိုလ်ရေး အချက်အလက်များသဘောတူညီမှုရရှိခဲ့သည်ဟုသိရသည်။

- အသက်၂၈နှစ်ရှိ ချယ်လ်ဆီး ရိုးသား ကီပါသည် ရီးရဲမက်ဒရစ်အသင်းသို့တစ်ရာသီအငှားစာချုပ်ဖြင့်ပြောင်းရွှေ့သွားပြီဖြစ်သည်။

- အာဆင်နယ်အသင်းက ပစ်မှတ်ထားခဲ့သောနာပိုလီတိုက်စစ်မှူး အိုဆီမင်သည် နာပိုလီနှင့် ၂၀၂၆ ခုနှစ်အထိသက်တမ်းရှိသောစာချုပ်သစ်တစ်ရပ်ကို လက်မှတ်ရေးထိုးခဲ့သည်။

- ပြီးခဲ့သည့်ရာသီက ချယ်လ်ဆီးအသင်းကြုံတွေ့ခဲ့သော ခက်ခဲ့သည့်ကာလများ ကျော်လွန်သွားခဲ့ပြီဖြစ်ကြောင်း ချယ်လ်ဆီးနည်းပြပိုချက်တီနိုကကြုံးဝါးပြောဆိုခဲ့သည်။

-လီဗာပူးလ်အသင်း ပရိသတ်များက ကွင်းလယ်လူ လာဗီယာ အား ပေါင်သန်း ၆၀ ပေး၍ခေါ်ယူခဲ့ရခြင်းအပေါ် စိတ်ပျက်နေသော်လည်း ကစားသမားမှာ ကောင်းမွန်သောခြေစွမ်းပြသနိုင်မည်ဟု ယုံကြည်နေကြသည်။

- တိုက်စစ်မှူးသစ်ဟွိုက်လန်း ဒဏ်ရာမှ ပြန်ကောင်းလာစေရန် အလျင်စလို လုပ်ဆောင်သွားမည် မဟုတ်ကြောင်း နှင့် ၎င်း၏ အနာဂတ် အပေါ်စိတ်လှုပ်ရှားကျေနပ်မိကြောင်းမန်ယူနည်းပြ တန်ဟက်က ဖွင့်ဟခဲ့သည်။

-ဆော်ဒီကလပ်များနှင့် ကောလာဟလများ ထွက်ပေါ်နေသော်လည်း နောက်ခံလူအဲရစ်ဒိုင်ယာမှာမိမိ၏ အနာဂတ်အစီအစဉ်များထဲတွင်ပါဝင်နေဆဲဖြစ်ကြောင်း စပါးနည်းပြပိုစတီကို ဂလူးက ပြောကြားခဲ့သည်။

- ဂီတာဖေးနှင့် ဘာစီလိုနာပွဲစဉ်ကိုကိုင်တွယ်ခဲ့သောဒိုင်များ၏စွမ်းဆောင်ရည်မှာ ရှက်ဖွယ်လိလိ ဖြစ်ကြောင်း ဘာစီလိုနာနည်း ပြဇာဗီက ပြစ်တင်ဝေဖန်ခဲ့သည်။

-အက်စတွန်ဗီလာ နောက်ခံလူ တိုင်ရွန်းမင်းစ်သည် နယူးကာဆယ် နင့်ပွဲစဉ်တွင် ရရှိခဲ့သောဒူးဒဏ်ရာခွဲစိတ်ကုသရမည်ဖြစ်သဖြင့် ကာလရှည်အနားယူရတော့မည်ဖြစ်သည်။

-ဘိုင်ယန်မြူးနစ်အသင်းသည်ဆီဗီက ဂိုးသမား ဘောင်နူးအား ခေါ်ယူရန်ဆန္ဒရှိသော်လည်း ပြောင်းရွှေ့ကြေးမြင့်မားစွာပေးလိုခြင်းမရှိဟု သိရသည်။
#Yangon_Times

#Local_sport #ကမ္ဘာ့ဘောလုံးထူးခြားသတင်းများ

#World_Health
Published 15 August 2023

လူတွေဟာ အသက်အရွယ် ကြီးလာတာနဲ့ ပိုပြီး အထီးကျန်ဆန်လာကာ အဆက်အသွယ် ပြတ်လာကြပါတယ်။

အထူးသဖြင့် ကိုဗစ်ကာလနဲ့ ဆိုရှယ်မီဒီယာ အလွန်အကျွန် အသုံးပြုလာကြခြင်းကြောင့် ပိုပြီးအထီးကျန်လာကြပါတယ်။

တစ်ယောက်တည်း အထီးကျန်ဆန်လာရတဲ့ ပြဿနာက ပြည်သူ့ကျန်းမာရေးအတွက် စိုးရိမ်စရာဖြစ်လာကြောင်း အမေရိကန်အထွေထွေခွဲစိတ်ရေးရုံးက ဖော်ပြလိုက်ပါတယ်။

အထီးကျန်ဆန်တာနဲ့ တစ်ယောက်တည်းဖြစ်နေရခြင်းတို့ကြား ကွဲပြားခြားနားတာကို နားလည်ထားရပါမယ်။

အထီးကျန်ဆန်ခြင်းဆိုတာက မိမိမျှော်မှန်းသလောက် လူမှုပေါင်းသင်းရေး မရှိတာကြောင့် ဝမ်းနည်းပူဆွေးရခြင်း ဖြစ်ပါတယ်။

နောက်တစ်မျိုးကတော့ ဘယ်သူမှ အနားမှာ မရှိဘဲ တစ်ယောက်တည်းဖြစ်နေခြင်း ဖြစ်ပါတယ်။

လူမှုအထီးကျန်ခြင်း မဖြစ်စေရန်အတွက် အထီးကျန်ခြင်းမခံစားရဖို့က အဓိကဖြစ်ပါတယ်။

လူမှုပေါင်းသင်းရေးမှာ ဆက်ဆံရေးပြတ်တောက်တဲ့အခါ စိုးရိမ်ကြောင့်ကြခြင်း၊ စိတ်ကျခြင်း၊ နှလုံးရောဂါ၊ လေဖြတ်ခြင်း၊ ဒီမန်ရှာတို့အပြင် တစ်ခုခုမှားယွင်းစွာ အသုံးပြုခြင်း၊ အရွယ်မတိုင်ခင် အသက်ဆုံးရှုံးခြင်း၊ အခြားပြဿနာများလည်း ဖြစ်နိုင်ချေများပါတယ်။

ဒါ့အပြင် သက်ကြီးရွယ်အိုတွေမှာ ချစ်ရသူဆုံးရှုံးခြင်း၊ အလုပ်အကိုင်ဆုံးရှုံးခြင်း၊ အငြိမ်းစားယူခြင်း စတဲ့ပြဿနာတွေ ဖြစ်လာနိုင်ပါတယ်။

ပေါင်းသင်းဆက်ဆံခြင်းဖြင့် စိတ်ဖိစီးမှုကိုလျော့ကျစေပြီး ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးတို့ ကောင်းမွန်စေကာ ပျော်ရွှင်ချမ်းသာရမှာ ဖြစ်ပါတယ်။

အချိန်နဲ့ ကြိုးစားအားထုတ်မှုကို ရင်းနှီးမြှုပ်နှံပြီး ဆက်ဆံရေးကို ပြုစုပျိုးထောင်ရပါမယ်။

တစ်ဦးတစ်ယောက်နဲ့ အချိန်ကောင်းကောင်း ရစေရန် နည်းလမ်းရှာဖွေရပါမယ်။

ဆိုရှယ်မီဒီယာ အလွန်အကျွံသုံးတာက အထီးကျန်စေနိုင်တာကြောင့် ဖုန်းကိုချထားပြီး မျက်နှာကြည့်စကားပြောပါ။

ကိုယ့်ထက် ဘဝမှာ ခက်ခဲကြမ်းတမ်းစွာ ဖြတ်သန်းခဲ့ရသူတွေနဲ့ ဆက်ဆံပြီး သူတို့ရဲ့အကြောင်းတွေကို နားထောင်ကြည့်ခြင်းဖြင့် မှတ်သားစရာတွေ ရရှိလာနိုင်ပါတယ်။

လူမှုပေါင်းသင်းရေး ရရှိဖို့ ခက်ခဲနေရတယ်ဆိုရင်တော့ စိတ်ကျန်းမာရေးဆရာဝန်နဲ့ ပြသသင့်ပါပြီ။

#World_Health #မိတ်ဖွဲ့ပေါင်းသင်းခြင်း #ကျန်းမာရေးပြဿနာ
Source: The Jerusalem Post
#Yangon_Times

၁၄ ဩဂုတ် ၂၀၂၃

ပြည်တွင်း၌ ဆေးဝါးမလုံလောက်မှုများကြောင့် ပြည်ပမှနှစ်စဉ်တင်သွင်းနေရသည့်အတွက် အများအသုံးပြုသည့် ဆေးဝါးတွေကို ပြည်တွင်း လုံလောက်မှုရှိအောင် ဆောင်ရွက်ကြရန် နစက ဥက္ကဋ္ဌက ပြောကြားပါတယ်။

ယနေ့ဩဂုတ် ၁၄ ရက် က မြန်မာ့ဆေးဝါးလုပ်ငန်း၊ ဆေးဝါးစက်ရုံ(အင်းစိန်)၌ ကျင်းပပြုလုပ်တဲ့  စက်မှုဝန်ကြီးဌာန၊ မြန်မာ့ဆေးဝါးလုပ်ငန်း BPI Pharmaceutical Museum နှင့်မြွေဆိပ်ဖြေဆေး အအေးခဲခြောက်ထုတ်လုပ်ရေးစက် Freeze Dryer Machine အသစ်ဖွင့်ပွဲအခမ်းအနားတွင် နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုုင်က အမှာစကား ပြောကြားရာမှာ ယခုလိုတိုက်တွန်းပြောကြားခဲ့တာဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီးက ပုဂ္ဂလိကဆေးဝါးထုတ်လုပ်မှုလုပ်ငန်းများမှ ဆေးဝါးများ ထုတ်လုပ်နိုင်ရေးအတွက် လည်း မြန်မာ့ဆေးဝါးလုပ်ငန်းမှကူညီဆောင်ရွက်ပေးရန်လိုတယ်လို့လည်း ဖြည့်စွက်မှာကြားခဲ့ပါတယ်။

မြန်မာ့ဆေးဝါးလုပ်ငန်း BPI သည် ရှေးယခင်နှစ်ပေါင်းများစွာကတည်းကပင် အရည်အသွေးပြည့်ဝ

သည့် ဆေးဝါးများကို ထုတ်လုပ်ခဲ့ပြီး ယခုအချိန်အထိ နာမည်ကောင်းဖြင့်ကျော်ကြားလျက်ရှိတယ်လို့လည်း ဗိုလ်ချုပ်မှူးကြီးက ပြောပါတယ်။

မြန်မာ့ဆေးဝါး လုပ်ငန်း BPI အနေဖြင့် ရှိပြီးဖြစ်သည့်အရည်အသွေးကောင်းများကို ဆက်လက် ထိန်းသိမ်းနိုင်ခြင်းမှာလည်း ယခင်တာဝန်ထမ်းဆောင်ခဲ့သည့် ဆေးဝါးပညာရှင်ကြီးများ၏ လက်ဆင့်ကမ်းမျှဝေမှု၊ မျိုးဆက်သစ်ဝန်ထမ်းများ၏ ကြိုးစားအားထုတ်မှုတို့ကြောင့်ဖြစ်တယ်လို့ ဗိုလ်ချူပ်မှူးကြီး မင်းအောင်လှိုင်က ချီးကျုးပြောဆိုတဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။ သမိုင်းကြောင်းကောင်းများရှိခဲ့သည့် ဆေးဝါး

စက်ရုံတစ်ခု အနေဖြင့် မှတ်တမ်းပြတိုက်ကို ဆောင်ရွက်၍ သမိုင်းကိုထိန်းသိမ်းနိုင်ခဲ့ခြင်းကြောင့် ဂုဏ်ယူတယ်လို့လည်း ဗိုလ်ချုပ်မှူးကြီးက ဆက်လက်ပြောဆိုခဲ့ပါတယ်။

နစက ဥက္ကဋ္ဌသည် BPI Pharmaceutical Museum အထိမ်းအမှတ်ကျောက်စာတိုင် နှင့်မြွေဆိပ်ဖြေဆေး အအေးခဲခြောက်ထုတ်လုပ်ရေးစက် Freeze Dryer Machineအသစ်တို့ကို အသီးသီး ဖွင့်လှစ်ပေးပြီးနောက် ပြည်ထောင်စုဝန်ကြီးများနှင့် ရန်ကုန်တိုင်းဒေသကြီးဝန်ကြီးချုပ်တို့ကလည်း “BPI ဆေးဝါးထုတ်လုပ်မှုသမိုင်းပြခန်း” BPI Pharmaceutical Museum ကိုဖွင့်လှစ်ပေးခဲ့ကြပါတယ်။

အဲဒီအပြင်စက်မှုဝန်ကြီး ဌာနပြည်ထောင်စုဝန်ကြီး ဒေါက်တာ ချာလီသန်းကလည်း စက်ရုံနှင့်ပတ်သက်သည့် အချက်အလက်များကို ရှင်းလင်းတင်ပြခဲ့ပါတယ်။

မြန်မာနိုင်ငံရဲ့မျှော်မှန်းသက်တမ်းမှာ အခြားနိုင်ငံများထက်နည်းပါးလျက်ရှိတဲ့အတွက် ပြည်သူများ၏ကျန်းမာရေးနှင့်

ပတ်သက်၍ ပညာပေးခြင်း၊ ကာကွယ်ခြင်းနှင့် ကုသခြင်းများကိုဆောင်ရွက်ပေးနိုင်ရန်အစွမ်းထက်သည့် ဆေးဝါးများကို အသုံးပြုနိုင်ရေး ဆောင်ရွက်ပေးရမည်ဖြစ်ကြောင်း၊ အစွမ်းထက် သည့်ဆေးဝါးများထုတ်လုပ် နိုင်ရေး ဆေးဝါးသုတေ သနလုပ်ငန်းများကို ပိုမိုဆောင်ရွက်ရန်လိုတယ်လို့လည်း နစက ဥက္ကဋ္ဌကပြောကြားခဲ့ပါတဘ်။

မြန်မာ့ဆေးဝါးလုပ်ငန်း BPI ကို ၁၉၅၄ ခုနှစ်၊ ဧပြီ ၂၃ ရက်တွင် နိုင်ငံတော်ဝန်ကြီးချုပ် ဦးနုက အထိမ်းအမှတ်ကျောက်တိုင်   ကို စိုက်ထူခဲ့ပြီး ၁၉၅၈ ခုနှစ်၊ ဧပြီ ၂၃ရက်တွင် နိုင်ငံတော်သမ္မတ ဦးဝင်းမောင်က ဗမာနိုင်ငံဆေးဝါး စက်ရုံ(Burma Pharmaceutical Industry, BPI) အမည်ဖြင့် ဖွင့်လှစ်ခဲ့ပြီး ဆေးဝါး(၄၁)မျိုးနှင့်ကပ်ရောက်ဂါကာကွယ်ဆေး(၆)မျိုးတို့ဖြင့် စတင်ထုတ်လုပ်ခဲ့ကြောင်းသိရှိရပါတယ်။

-ymg/knl

ရုပ်သံမှထုတ်လွှင့်တဲ့ အိန္ဒိယလက်မောင်းလှဲလိဂ်ပြိုင်ပွဲမှာ မယှဉ်ပြိုင်ခင် အားကစားသမားတွေက သူတို့ရဲ့လက်မောင်းတွေကို ကိုယ်ဟန်ပြနေကြပါတယ်။

Published_ 14 August 2023
#အိန္ဒိယမှလက်မောင်းလှဲ
#World_Sports
#Yangon_Times

#Daily_News
Published_ 14 August 2023

၁။ မြန်မာ့လက်ဝှေ့ကျော်ဒေဝ အနေဖြင့် လက်ဝှေ့လောကမှ အနားယူတော့မည်ဟု ဆိုထားသော်လည်း ရွှေရာမာန်ကစိန်ခေါ်ထား

၂။ မိုးတွင်းတွင် ကားစီးလုံးငှားပြီး ခရီးထွက်သူအချို့ရှိနေ၊ ပုဂံ၊ ညောင်ဦး၊ မန္တလေး၊ ရှမ်းပြည်နှင့်ကမ်းခြေသို့အသွားများ

၃။ မိုးရာသီကာလ လမ်းချော်ပြီး ယာဉ်တိုက်မှုမဖြစ်အောင် YBS ယာဉ်များ ကားဘီးနှင့်ဘရိတ်ကောင်းအောင်ကြီးကြပ်နေ

၄။ မျှော်လင့်ချက်များစွာဖြင့် အရှိန်ရနေသည့်အိန္ဒိယမှလက်မောင်းလှဲအားကစားပြိုင်ပွဲ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

စားအုန်းဆီ ပိဿာ(၁၁၀)နဲ့ ကြက်ဥ အလုံးရေ (၄၅၀၀)တို့ကိုရောင်းချပေး

Published_ 14 August 2023
#စားအုန်းဆီ #ကြက်ဥများရောင်းချပေး
#YMG/my
#Yangon_Times

#Local_News
Published -14 August 2023

မန္တလေးတိုင်း၊ ပြင်ဦးလွင်မြို့နယ်၌ ခြောက်ဘီးယာဥ်တစ်စီးဘရိတ်ပေါက်၍ လမ်းဘေးသစ်ပင်အားဝင်တိုက်မှုဖြစ်ခဲ့၍ အမျိုးသား ၁ဦး သေဆုံးခဲ့ကြောင်း သန္တိသုခအခမဲ့လူမှုကူညီရေးအသင်းမှသိရသည်။

ပြင်ဦးလွင်မြို့နယ်၊ ပြင်ဦးလွင် - မန္တလေးအဆင်းလမ်း၊ မိုင်တိုင်အမှတ်(၂၁) တွင် ပြင်ဦးလွင်မှမန္တလေးသို့မောင်းနှင်လာသော Canter အမျိုးအစား ၆ ဘီးကုန်တင်ယာဥ် တစ်စီး ဘရိတ်ပေါက်၍ လမ်းဘေးသစ်ပင်အား အရှိန်မထိန်းနိုင်ဘဲ ဝင်တိုက်မိခဲ့သဖြင့် ယာဥ်မောင်းအမျိုးသား သေဆုံးသွားခဲ့ပြီး ယာဥ်ပေါ်ပါ အမျိုးသားတစ်ဦးနှင့် ကလေးငယ်တစ်ဦး ထိခိုက်ဒဏ်ရာရရှိမှု ​ြသဂုတ်လ ၁၃ရက်က ဖြစ်ခဲ့သည်။

ယာဥ်တိုက်မှု​ဖြစ်စဥ်ကြောင့် ယာဥ်မောင်းအမျိုးသားမှာ ယာဥ်၏ခေါင်းခန်းအတွင်း ညပ်မိနေ၍ ထိခိုက်ဒဏ်ရာများပြင်း ထန်စွာရရှိကာ ယာဥ်ခေါင်းခန်းအတွင်းမှ ခက်ခက်ခဲခဲထုတ်ယူခဲ့ရပြီးသန္တိသုခ အခမဲ့လူမှုကူညီရေးအသင်းမှ ပြင်ဦးလွင်ပြည်သူ့ဆေးရုံကြီးသို့ ပို့ဆောင်စဥ်သေဆုံး သွားခဲ့ကြောင်းသိရသည်။

ယင်းအပြင် ကျန်အမျိုးသား ၁ဦးနှင့် ကလေးငယ် ၁ ဦးမှာလည်း ထိခိုက်ဒဏ်ရာများရရှိခဲ့၍ သီရိဎထန (ညောင်ပေါ)လူမှုကူညီရေးအသင်းမှ မန္တလေးပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း သိရသည်။

#Local_News #လမ်းဘေးသစ်ပင်အားဝင်တိုက် #ယာဥ်မောင်းသေဆုံး
#Yangon_Times/PP

‘ပဲခူးရှိရေဘေးသင့်ပြည်သူတွေကို ရန်ကုန်မှလူမှုကူညီရေးအဖွဲ့ဝင်လူအင်အား(၉၀)ဖြင့် သွားရောက်ကူညီပေးခဲ့ပါတယ်။ ရေဘေးသင့်သူတွေထဲမှ သက်ကြီးရွယ်အို၊နာမကျန်းဖြစ်နေသူနဲ့ ကလေးငယ်တွေကို လှေတွေ၊လူနာတင်ယာဉ်တွေ နဲ့ဘေးကင်းရာကိုရွေ့ပြောင်းနိုင်အောင် ကူညီပေးခဲ့တယ်။ ထမင်းထုတ်တွေလှူဒါန်းခဲ့ပါတယ်’ ရှင်သန်ရေးကူညီမှုအသင်း ဥက္ကဌ ဦးထွန်းထွန်းဦး
Published_ 14 August 2023

#ပဲခူးရေဘေးသင့်ပြည်သူ #ကူညီကယ်ဆယ်ပေးခဲ့
#tthl
#Yangon_Times

#Local_News
Published-14-8-2023

ပြည်ပသို့ထွက်ခွာမည့် မြန်မာနိုင်ငံသားအတွက် နှစ်လကျော်ကာလအတွင်း (၂၉၅၆)ဦးအား နိုင်ငံခြားငွေများ ရောင်းချပေးနိုင်ခဲ့ကြောင်း ဗဟိုဘဏ်၏ထုတ်ပြန်ချက်အရ သိရသည်။

ယင်းသို့ ရောင်းချရာတွင် နေ့စဉ်ဈေးကွက်၏ ပျမ်းမျှငွေလဲလှယ်နှုန်းအပေါ်မူတည်၍ အမေရိကန်တစ်ဒေါ်လာလျှင် (၂၅၀၀) ကျပ်မှ(၂၆၀၀ )ကျပ်နှင့် ထိုင်းဘတ်တစ်ဘတ်လျှင် (၇၅ )ကျပ်မှ (၈၅)ကျပ် အတွင်း ရောင်းချပေးခဲ့ကြောင်း သိရှိရသည်။

နိုင်ငံခြားငွေများရောင်းချပေးမှုအား  ယခုနှစ်မေ(၅)ရက်နေ့မှ ဩဂုတ် (၁၀) ရက်နေ့အထိ လူဦးရေ (၂,၆ဝ၃)ဦးအတွက် အမေရိကန်ဒေါ်လာ (၇၈၉,၈၀၆)ကို လည်းကောင်း၊ လူဦးရေ (၃၀၁) ဦးအတွက် ထိုင်းဘတ်(၂,၄၅၄,၅၅၀)ကို လည်းကောင်း၊ လူဦးရေ (၂၇) ဦးအတွက် စင်္ကာပူဒေါ်လာ (၉,၈၆၁) ကို လည်းကောင်း၊ လူဦးရေ (၂၀ )ဦးအတွက်  မလေးရှားရင်းဂစ် (၁၆,၇၃၈)ကို လည်းကောင်း၊ လူဦးရေ (၅) ဦးအတွက် ယူရို (၁,၄၅၀)ကို လည်းကောင်း အသီးသီးရောင်းချပေးခဲ့ပြီးဖြစ်ကြောင်း သိရသည်။

မြန်မာနိုင်ငံသားများ ပြည်ပသို့ထွက်ခွာရာ၍ အလုပ်လုပ်ကိုင်မည့်သူ၊ ဆေးကုသရန် သွားရောက်မည့်သူနှင့် ပညာသင်သွားရောက်မည့်သူများအား အသေးသုံး နိုင်ငံခြားငွေသား ဆောင်ယူသွားနိုင်နှင့် ဈေးကွက်အတွင်း လွယ်ကူစွာဝယ်ယူနိုင်ရန်ရည်ရွယ်၍ ဆောင်ရွက်ပေးသည့်အစီအစဉ်တစ်ခုလည်းဖြစ်သည်။

အဆိုပါ အစီအစဉ်ကို ဗဟိုဘဏ်က ယခုနှစ် မေလ ၂၆ ရက်တွင် AD လိုင်စင်ရဘဏ်များအနေဖြင့်ရောင်းချပေးရန်ထုတ်ပြန်ခဲ့ပြီး၊ မေလ ၃၁ ရက်တွင် စတင်ရောင်းချပေးခဲ့ခြင်းဖြစ်သည်။

အဆိုပါအစီအစဉ်တွင် CB Bank PCL (CB) ၊ ကမ္ဘောဇဘဏ်လီမိတက် (KBZ) ၊ AYA Bank PCL (AYA) ၊ ဧရာဝတီတောင်သူလယ်သမားများ ဖွံ့ဖြိုးရေးဘဏ်လီမိတက် (A bank) ၊ မြန်မာ့ရှေ့ဆောင်ဘဏ်လီမိတက် (MAB) ၊ ရိုးမဘဏ်လီမိတက် (Yoma) ၊ ယူအေဘီဘဏ်လီမိတက်(uab)၊ အာရှစိမ်းလန်းမှုဖွံ့ဖြိုးရေးဘဏ်လီမိတက် (AGD) ၊ မြန်မာအရှေ့တိုင်းဘဏ်လီမိတက် (MOB)၊ ကမ္ဘာ့ရတနာဘဏ်လီမိတက် (GTB) ၊ ထွန်းကော်မာရှယ်ဘဏ်လီမိတက် (TCB) ၊ ရွှေ (ကျေးလက် နှင့် မြို့ပြ) ဖွံ့ဖြိုးတိုးတက်ရေးဘဏ်လီမိတက် (Shwe ) ၊ ပထမပုဂ္ဂလိကဘဏ်လီမိတက် (FPB) ၊ အင်းဝဘဏ်လီမိတက် (Innwa) ၊ မြန်မာနိုင်ငံသားများဘဏ်လီမိတက် (MCB) တို့မှ ပါဝင်ရောင်းချပေးလျက်ရှိပြီး ဝယ်ယူရရှိနိုင်သည့် ကောင်တာများအား သက်ဆိုင်ရာဘဏ်၏ Website နှင့် Facebook Page များတွင် ကြေညာပေးခဲ့ကြောင်း သိရသည်။

#Local_News #နိုင်ငံခြားငွေ #ပြည်ပသို့ထွက်ခွာ
#YMG/my
#Yangon_Times

‘မိုးကာလမှာ YBS ယာဉ်တွေ လမ်းမချော်အောင်တာယာပန်းကောင်းတဲ့ကားဘီးတွေသာ အသုံးပြုပြေးဆွဲဖို့ ညွှန်ကြားထားသလို အရှိန်လွန်ပြီး တိုက်မိတာမျိုးမဖြစ်အောင် ဘရိတ်တွေကောင်းအောင် ပြုပြင်ထားဖို့လည်း ညွှန်ကြားထားတယ်။လက်ကိုင်ကွင်းတွေလည်းတပ်ဆင်ပေးထားရမယ်’ YRTCတွဲဖက်အတွင်းရေးမှူးဦးလျန်ကျင့်မာန်
Published_ 14 August 2023

#YBS ယာဉ် # YRTCတွဲဖက်အတွင်းရေးမှူး
#tthl
#Yangon_Times

#Local_Sport
Published_ 14 August 2023

ပရီးမီးယားလိဂ်ကလပ် စပါးအသင်းဟာ အသင်းက ထွက်ခွာသွားတော့မယ့် ဟူရိလိုရစ်ရဲ့ နေရာမှာ ဆွန်ဟောင်မင်းကို အသင်းခေါင်းဆောင်သစ်အဖြစ်ခန့် အပ်ခဲ့ပါတယ်။

တိုက်စစ်မှူး ဟယ်ရီကိန်းကရာသီကြိုခြေစမ်းပွဲတွေမှာအသင်းခေါင်းဆောင် အဖြစ်ပါဝင်ကစားခဲ့ပြီး သူ့ကို ကပ္ပတိန်ခန့် အပ်ဖို့ နည်းဖြစ်တဲ့ ပို့စတီကိုဂလူး ကရည်ရွယ်ခဲ့ပေမယ့်ကိန်းဟာ ဘိုင်ယန်မြူးနစ်ကို ပြောင်းရွှေ့ သွားခဲ့တာပါ။

ဒါကြောင့် အခုအချိန်မှာ စပါးကို၂၀၁၅ ခုနှစ်မှာရောက်ရှိလာခဲ့ပြီး ပွဲစဉ်ပေါင်း ၃၇၂ပွဲမှာ ၁၄ ၅ရိုးအထိ သွင်းယူထားတဲ့ ဆွန်ဟောင်မင်ကို အသင်း ခေါင်းဆောင်အဖြစ်ခန့်အပ်တာဝန်ပေးခဲ့တာဖြစ်ပါတယ်။ အခုနှစ်မှအသင်းကိုရောက်ရှိလာတဲ့မက်ဒီဆင်နဲ့ အာဂျင်တီးနား နောက်ခံလူ ရိုမဲရိုးတို့ကို ဒုတိယအသင်းခေါင်းဆောင်တွေအဖြစ် နည်းပြကခန့်အပ်ခဲ့တယ်လို့လည်းသိရပါတယ်။

အသက် ၃၁နှစ်ရှိ ဆွန်ဟာတောင်ကိုရီးယား လက်ရွေးစင်အသင်းရဲ့အသင်းခေါင်းဆောင်လည်းဖြစ်ပြီး နိုင်ငံအသင်းအတွက် ၁၁၁ပွဲကစားထားပါတယ်။"ကျွန်တော် ဆွန်နဲ့အတူ တွဲပြီးအလုပ်လုပ်ဖို့ ရည်ရွယ်ထားပါတယ်။

သူအနေနဲ့ ခေါင်းဆောင်အရည်အသွေးတွေပြသပြီး အသင်းကို အောင်မြင်မှုတွေ ရယူဖို့ မျှော်လင်းထားပါတယ်" လို့စပါးနည်းပြ ပိုစတီကို ဂလူးက ဆိုခဲ့ပါတယ်။

#Local_Sport #ဆွန်ဟောင်မင်း
Ret; The Athletics