#ဘန်ကောက်ပို့စ်အထူးသုံးသပ်ချက်ဆောင်းပါး

ထိုင်းနိုင်ငံ ဝန်ကြီးချုပ်အသစ် ရွေးချယ်ဖို့ ပါလီမန်မှာ မဲပေးဖို့ အချိန် တစ်ပတ်လျော့လျော့ပဲ ကျန်ပါတော့တယ်။ အဲဒါကြောင့် ထိုင်းနိုင်ငံရဲ့ နောက်ခေါင်းဆောင်အသစ်က      ဘယ်သူဖြစ််မလဲဆိုတာ လူတိုင်းက ခန့်မှန်းကြည့်နေကြ ပါတယ်။

အခြေခံဥပဒေအရ ဝန်ကြီးချုပ်လောင်းတစ်ဦးဟာ အောက်လွှတ်တော်ကိုယ်စားလှယ် ၅၀၀ဦးနှင့် အထက်လွှတ်တော် (ဆီးနိတ်)အမတ် ၂၅၀ ဦးထဲမှ ထောက်ခံမဲ အနည်းဆုံး ၃၆၆ မဲရရှိမှသာ ဝန်ကြီးချုပ်ဖြစ်လာနိုင်ပါတယ်။

လက်ရှိအနေအထားမှာတော့ Move Forward Party  ရှေ့သို့ပါတီက ဦဆောင်တဲ့ (၈)ပါတီညွန့်ပေါင်းဟာ အောက်လွှတ်တော်အမတ်နေရာ ၃၁၂ခုံကို ထိန်းချုပ်ထားပါတယ်။ အဲဒါကြောင့် သူတို့ရဲ့ ညွန့်ပေါင်းပြင်ပက အထက်လွှတ်တော်အမတ် တွေ ဒါမှမဟုတ် အောက်လွှတ်တော်ကိုယ်စားလှယ်တွေဆီက မဲ အနည်းဆုံး ၆၄ မဲထပ်မံရရှိမှ သာ ရှေ့သို့ပါတီ ခေါင်းဆောင် ပီတာ လင်းမ်ဂျာရိုအင်ရက်ဟာ  ဝန်ကြီးချုပ်ဖြစ်လာမှာပါ။

လာမယ့်ကြာသပတေးမှာ လွှတ်တော်ကိုယ်စားလှယ်တွေနှင့် ဆီးနိတ်အမတ်တွေ အရေးကြီးတဲ့ မဲပေးကြတဲ့အခါ ပထမ တစ်ကြိမ်တည်းနှင့် ဝန်ကြီးချုပ်အသစ် ရွေးချယ်နိုင်မှာ မဟုတ်ဘူးလို့ နိုင်ငံရေးသုံးသပ်သူတွေက သုံးသပ်ထားကြပါတယ်။ ဒုတိယအကြိမ်ထပ်မဲပေးပြီးလို့ မစ္စတာပီတာ ထပ်ပြီးအရွေးမခံရသေးဘူးဆိုရင် ညွန့်ပေါင်းဖွဲ့စည်းမှုဟာ ပြောင်းလဲသွား နိုင်ပါတယ်။

အဲသလိုအခြေအနေဆိုရင် အခြေအနေနှစ်မျိုးဖြစ်လာနိုင်ပါတယ်။ ပထမတစ်မျိုးက ညွန့်ပေါင်း ၈ပါတီအဖွဲ့ထဲ ဒုတိယမြောက်အကြီးဆုံးပါတီဖြစ်တဲ့ Pheu Thai ဖွေထိုင်းပါတီဟာ  ဆရက်သာ သာဗစ်ဆင် Srettha Thavisin ကို ဝန်ကြီးချုပ်လောင်းအဖြစ်အဆိုပြုလာပြီး သူ့ကို ပူးတွဲပါလီမန်က မဲပေးနိင်ဖွယ်ရှိပါတယ်။

ဒါမှမဟုတ် ဖွေထိုင်းပါတီဟာ ညွန့်ပေါင်းကို ဦးဆောင်ပြီး မိတ်ဖက်အသစ်တွေ ဆွဲသွင်းလာတာ ဒါမှမဟုတ် ရှေ့သို့ပါတီ မပါဘဲ ညွန့်ပေါင်းအသစ်ဖွဲ့တာဖြစ်လာနိုင်ပါတယ်။

ဒုတိယမြောက်ဖြစ်နိုင်တာက မစ္စတာ ဆရက်သာ ဒါမှမဟုတ် Palang Pracharath ပါလန်ပရာချာရတ်ပါတီခေါင်းဆောင် ဗိုလ်ချူပ်ကြီးပရာဝတ်ဝန်ဆုဝန်ကို  ဝန်ကြီးချုပ်အဖြစ်မဲပေးကြပြီး ရှေ့သို့ပါတီဟာ အတိုက်အခံပါတီဖြစ်သွားမယ့် အခြေ အနေပဲဖြစ်ပါတယ်။

ရှေ့သို့ပါတီအတွက် မဟာမိတ်များ

အောက်လွှတ်တော်ဥက္ကဋ္ဌနှင့် ဒုတိယဥက္ကဋ္ဌတွေရွေးချယ်ရာမှာ  (၈)ပါတီညွန့်ပေါင်းဖွဲ့စည်းမှုဟာ မှန်ကန်တဲ့လမ်းကြောင်း မှာ ရှိနေတယ်ဆိုတာ အထင်အရှားပြသလိုက်တာဖြစ်တယ်လို့ ရှေ့သို့ပါတီ ဒုတိယဥက္ကဋ္ဌနှင့် လွှတ်တော်ကိုယ်စားလှယ် နက်သာဝတ်ဘူရာပရက်သမ်က ပြောထားပါတယ်။

သူတို့ညွန့်ပေါင်းအနေနှင့် အများစုရဲ့ဆန္ဒကိုလေးစားတဲ့ ပြင်ပက အောက်လွှတ်တော်ကိုယ်စားလှယ်တွေနှင့် ဆီးနိတ် အမတ်တွေကိုရယူနေပြီး သူတို့ဟာ မစ္စတာပီတာကို ဝန်ကြီးချုပ်အဖြစ်မဲပေးလိမ့်မယ်လို့ သူကဆက်ပြောပါတယ်။

ရှေ့သို့ပါတီဦးဆောင်ထားတဲ့ ညွန့်ပေါင်းက လိုအပ်တဲ့ အရေအတွက်ထက်တောင်ပိုပြီးရလိမ့်မယ်လို့ သူက မျှော်လင့် ထားပါတယ်။ ပထမတစ်ကြိမ်မဲပေးတာနှင့် ဝန်ကြီးချုပ်ဘယ်သူဆိုတာ သိရလိမ့်မယ်လို့ သူက မျှော်လင့်နေပါတယ်။

ပူးတွဲမဲမပေးခင် မစ္စတာပီတာ ပြောကြားမယ့် မိန့်ခွန်းအတွက် ပါတီက ပြင်ဆင်ပေးမယ်လို့ပြောပါတယ်။ သူ့မိန့်ခွန်းကြောင့် အချို့သူတွေ စိတ်ပြောင်းသွားမှာ သူတို့ကစိတ်ပူနေပါတယ်။

ဆီးနိတ်အမတ်အများစုဟာ ရှေ့သို့ပါတီရဲ့ lese majeste law ကို ပြန်ပြင်မှာ ဆန့်ကျင်နေကြပြီး သူတို့ဟာ မစ္စတာပီတာ အပေါ် ကန့်ကွက်မဲ ဒါမှမဟုတ် မဲမပေးဘဲနေတာတွေပြုလုပ်လာနိုင်ပါတယ်။

“ ဆီးနိတ်အမတ်တော်တော်များများက သူတို့ကိုမဲပေးဖို့ဆုံးဖြတ်ထားပြီးပြီလို့ ကျွန်တော်တို့ ယုံကြည်ပါတယ်။ ဒါပေမယ့် သူတို့က တိတ်တိတ်ကလေးနေ နေကြတယ်၊ မစ္စတာပီတာကို ထောက်ခံတဲ့အရေအတွက် တိုးလာနေပါတယ်” လို့ သူကဆက်ပြောပါတယ်။

ဒီအခြေအနေမှာ ရှေ့သို့ပါတီအနေနှင့် အတိုက်အခံဘက်ကို ပြောင်းသွားမှာမဟုတ်ဘူး။ မစ္စတာပီတာရဲ့ အမှုကိစ္စတွေ ပြီးဆုံးဖို့ အချိန်ကကြာဦးမယ်လို့လည်း သူကပြောပါတယ်။

မစ္စတာပီတာရဲ့ iTV ရုပ်သံလုပ်ငန်း ရှယ်ယာပိုင်ဆိုင်မှုကြောင့် သူ့ရဲ့တရားဝင်မှုအပေါ် မေးခွန်းထုတ်တာတွေကို ရှေ့သို့ပါတီရဲ့ ခေါင်းဆောင်တွေ ရင်ဆိုင်နေကြရပါတယ်။ ထိုင်းအခြေခံဥပဒေအရ မီဒီယာလုပ်ငန်းမှာ ရှယ်ယာပိုင်တဲ့သူတွေကို ဝန်ကြီးချုပ်ဖြစ်ခွင့် တားဆီးထားပါတယ်။

အောက်လွှတ်တော်ဥက္ကဋ္ဌဟာ ဖွေထိုင်းပါတီနှင့်နီးစပ်တဲ့ ပရာချာခတ်ပါတီရဲ့လက်ထဲရောက်နေလို့ အချို့သော အောက်လွှတ်တော်အမတ်တွေဘက်ပြောင်းနိုင်တယ်ဆိုတဲ့ ဝေဖန်သုံးသပ်မှုတွေကို သူကပယ်ချလိုက်ပါတယ်။

အောက်လွှတ်တော်ဥက္ကဋ္ဌနေရာအတွက် ပါတီက တိုက်ခိုက်ခဲ့မှုတွေဟာ ဝန်ကြီးချုပ်အတွက် မဲပေးတာနှင့် ဘာမျှမဆိုင်ဘူးလို့ သူကပြောပါတယ်။ အခုဆို ပရာချာခတ်ပါတီက ဝန်မိုဟာမက်နိုမာသာဟာ အောက်လွှတ်တော် ဥက္ကဋ္ဌ  တာဝန်ထမ်းဆောင်နေပြီဖြစ်လို့ ဒီကိစ္စက ပြေလည်သွားပြီလို့ သူက ဆက်လက်ပြောဆိုပါတယ်။

ဘယ်သူ အောက်လွှတ်တော်ဥက္ကဋ္ဌပဲဖြစ်ဖြစ်  ညွန့်ပေါင်းအဖွဲ့တွေဟာ ညွန့်ပေါင်းဖွဲ့စည်းမှု နားလည်မှုစာချွန်လွှာကို လေးစား လိုက်နာကြမှာဖြစ်တယ်လို့ သူကပြောပါတယ်။

ရင်းနှီးမြှပ်နှံသူတွေရဲ့ ယုံကြည်စိတ်ချမှုနှင့် ၂၀၂၄ ဘတ်ဂျက်အပါအဝင် အရေးကြီးတဲ့ ကိစ္စတွေကို ကိုင်တွယ်မယ့် အစိုးရ တစ်ခုရရှိဖို့ ထိုင်းနိုင်ငံအတွက် အချိန်ကျရောက်လာပြီလို့ သူကပြောပါတယ်။

ဖွေထိုင်းပါတီရဲ့ ဝန်ကြီးချုပ်လောင်းအတွက်ရော ရှေ့သို့ပါတီက မဲပေးမှာလားဆိုတဲ့မေးခွန်းအပေါ် ပါတီတိုင်းဟာ သူတို့ အတွက်အကောင်းဆုံးတွေကို ရွေးချယ်ခဲ့ကြတယ်လို့သူယုံကြည်တယ်လို့ပြောပါတယ်။ ဒါပေမယ့် အဲဒီဟာကို စဉ်းစားဖို့ စောပါသေးတယ်လို့လည်း သူကဆက်လက်ပြောဆိုပါတယ်။

“ ကျွန်တော်တို့က ကျွန်တော်တို့ရဲ့ ရှေ့သို့ MFP ပါတီကိုယ်စားလှယ်လောင်းကိုပထမဦးစားပေးထောက်ခံရမယ်။ ဒါပေမယ့် မဟာမိတ်တွေထဲက ကိုယ်စးလှဘ်တွေကိုလည်း ကျွန်တော်တို့ စဉ်းစားကြရမှာပဲဖြစ်တယ်” လို့ သူကပြောပါတယ်။

နှစ်ကြိမ်က လုံလောက်

ဝန်ကြီးချုပ်ရွေးချယ်ရာမှာ အကြိမ်ဘယ်နှစ်ခါပဲ ရှိရမယ်လို့ ကန့်သတ်ထားတာမရှိပါဘူး။

တကယ်လို့ ကိုယ်စားလှယ်လောင်းဟာ ပထမအကြိမ်မဲပေးရာမှာ မရွေးချယ်နိုင်ခဲ့ရင် ၃၇၆ မဲမရမချင်း မဲတွေ အကြိမ်ကြိမ် ပေးလို့ရတယ်လို့ မစ္စတာဝန်က ထောက်ပြပြောဆိုပါတယ်။ ဒုတိယအကြိမဲပေးဖို့ကို လောလောဆယ် ဇူလိုင် ၁၉ရက်နေ့ လျာထားပါတယ်။

ဒါပေမယ့် ဖွေထိုင်းပါတီအကြားမှာ စိတ်ပူပန်မှုတွေရှိနေပါတယ်။ သူတို့အနေနှင့် ဝန်ကြီးချုပ်ရွေးမရဖြစ်နေရင် အတိုက်အခံထဲကနေ လူနည်းစုအစိုးရတစ်ခုအတွက် မစ္စတာပီတာကိုစိန်ခေါ်မယ့်သူ ရှိလာနိုင်တယ်ဆိုတာပဲဖြစ်ပါတယ်။

အခြေခံဥပဒေအရ ဘယ်နှစ်ကြိမ်ဖြစ်ဖြစ် ဝန်ကြီးချုပ်ကို ရွေးနေလို့ရသည့်တိုင် သူတို့အနေနှင့် ဒုတိယအကြိမ် မဲပေး ပြီးရင်တော မစ္စတာပီတာကို ဆက်ပြီး အဆိုပြုစရာမရှိဘူးလို့ ဖွေထိုင်းပါတီရဲ့ သတင်းအရင်းအမြစ်တစ်ခုက ပြောပါတယ်။

ရွေးချယ်ရေးလုပ်ငန်းစဉ်မှာ ဆီးနိတ်(အထက်လွှတ်တော်)ဟာ ဝင်ရောက်ပတ်သက်မှုမရှိပေမယ့် (၈)ပါတီ ညွန့်ပေါင်းဟာ သူတို့ညွန့်ပေါင်းအဖွဲ့ပြင်ပက  အောက်လွှတ်တော်ကိုယ်စားလှယ်တွေ ရဲ့ထောက်ခံမှု လိုအပ်နေဦးမှာ အမှန်ပဲဖြစ်ပါတယ်။ ဘမ်ချိုင်းထိုင်း Bhumjaithai ဟာ လက်ရှိအခြေအနေမှာ အလားအလာရှိနေတယ်လို့ အရင်းအမြစ်တစ်ခုက ပြောပါတယ်။

ဘမ်ချိုင်းထိုင်းဟာ အောက်လွှတ်တော် အမတ် ၇၁ နေရာရရှိထားပါတယ်။ သူတို့က lese majeste law ဥပဒေကို ပြင်မှာ ကိုကန့်ကွက်ထားပါတယ်။ ရှေ့သို့ပါတီက ပထမဆုံးအောက်လွှတ်တော်ဒုတိယဥက္ကဋ္ဌနေရာ ရွေးချယ်တဲ့အချိန်မှာ သူတို့က မဲမပေးဘဲ ကြားနေခဲ့ပါတယ်။

ချတ်ထိုင်းပါတာနာနှင့် ဒီမိုကရေက်ပါတီတွေဟာလည်း ထည့်သွင်းစဉ်းစားရမယ့်ပါတီတွေဖြစ်ပါတယ်။ ဒါပေမယ့် ဒီမိုကကရက်တစ်ခေါင်းဆောင်မှု ရွေးချ်ပွဲမှာ ဘာတွေဖြစ်လာမလဲဆိုတာကိုတော့ ညွန့်ပေါင်းအဖွဲ့က စောင့်ကြည့်ရဦးမှာ ဖြစ်တယ်လို့ သတင်းအရင်းအမြစ်တစ်ခုကပြောပါတယ်။

“ ဒါပေမယ့် နောက်ဆုံးတော့ ဘယ်နှစ်ကြိမ်မဲပေးရင် တော်လောက်ပြီ ဆိုတဲ့ သဘောတူညီမှုတစ်ခုတော့ ရှိသင့်တယ်။ တကယ်လို့ အဲသလိုမလုပ်ရင် အခြား အဖွဲ့က စိန်ခေါ်မှုတွေရှိလာလိမ့်မယ်။ သူတို့ကိုယ်စားလှယ်လောင်းတင်လိုက်ရင် သူတို့ထဲက ဝန်ကြီးချုပ်ဖြစ်လာကောင်းဖြစ်လာနိုင်တယ်” လို့ အဆိုပါ အရင်းအမြစ်က ဆက်လက်ပြောဆိုပါတယ်။

ဘမ်ချိုင်းထိုင်းအနေနှင့် အပေးအယူတစ်ခုမရှိဘဲနှင့်တော့ မစ္စတာပီတကိုမဲပေးလိမ့်မှမဟုတ်ပါဘူး။ အဲဒါကြောင့် ပါတီဟာ အကြီးအကျယ်အပေးအယူတစ်ခုနှင့်ရင်ဆိုင်နိုင်ဖွယ်ရှိကြောင်း အရင်းအမြစ်ကဆက်ပြောပါတယ်။

မစ္စတာပီတာကို မရွေးနိုင်ခဲ့ရင် ဖွေထိုင်းဟာ ညွန့်ပေါင်းကို ဦးဆောင်ရတော့မှာပါ။ အဲဒီအခါ ပါတီဟာ မစ္စတာ ဆရက်သာကို အဆိုပြုပါလိမ့်မယ်လို့ သတင်းအရင်းအမြစ်ကပြောပြပါတယ်။ ပြင်ပက ဝန်ကြီးချုပ်လောင်းတစ်ဦးဖြစ်လာ နိုင်တယ်ဆိုတဲ့ ပြောဆိုနေတာတွေကို သူကပယ်ချလိုက်ပါတယ်။

ပါတီတွေကပေးတဲ့ စာရင်းထဲပါ ကိုယ်စားလှယ်လောင်းတွေဆီကနေ ဝန်ကြီးချုပ်အသစ်ကိုပါလီမန်ကမရွေးချယ်နိုင်ခဲ့ရင်  အောက်လွှတ်တော်အမတ်နှင့်ဆီးနိတ်အမတ် ၇၅၀ဦးထဲက  တစ်ဝက်ဟာ ဝန်ကြီးချုပ်လောင်းဟာ ပါတီစာရင်းထဲကဖြစ်ဖို့ လိုအပ်တယ်ဆိုတဲ့ အချက်ကို ဆိုင်းငံ့စေတဲ့ ဆောင်ရွက်မှု ပြုလုပ်နိုင်တယ်လို့ အခြေခံဥပဒေ ၂၇၂ မှာ ပြဋ္ဌာန်းထားပါတယ်။

အဲသည် ဆိုင်ငံ့ရေး လှုပ်ရှားဆောင်ရွက်မှုအတွက် ဥပဒေပြုအမတ်စုစုပေါင်းရဲ့ သုံးပုံနှစ်ပုံ ဖြစ်တဲ့ အမတ် ၅၀၀ ဦးရဲ့ထောက်ခံမှုတော့ လိုအပ်ပါတယ်။ ပြင်ပက သူတစ်ဦးကို ဝန်ကြီးချုပ်ရွေးကောက်ဖို့အတွက်လည်း ၃၇၆ မဲလိုအပ်နေ ဦးမှာဖြစ်ပါတယ်။

အောက်လွှတ်တော်ဥက္ကဋ္ဌရွေးချယ်ပွဲက ချောချောမွေ့မွေ့ဖြစ်ခဲ့ပေမယ့် ဝန်ကြီးချုပ်ရွေးချယ်ပွဲကတော့ ကြန့်ကြာနိုင်ပါ တယ်။ဘက်တွေပြောင်းကုန်ကြမှာကို စိုးရိမ်မှုတွေရှိနေကြတယ်လို့ အဆိုပါအရင်းအမြစ်ကဆက်ပြောပါတယ်။

ဖွေထိုင်းပါတီမှ ဝန်ကြီးချုပ်ဖြစ်လာမလား

ယူနိုက်တက်ထိုင်းနေရှင်းပါတီ UTN ရဲ့ ဒုတိယဥက္ကဋ္ဌ ဝစ်သာရာ ကွေးပရာဒိုင်းက ရှေ့သို့ပါတီဟာ ခက်ခဲတဲ့ အခြေအနေထဲ ရောက်နေပြီး ဘာမှဆက်လုပ်လို့မရရင် ဖွေထိုင်းဟာ ညွန့်ပေါင်းကို ဦးဆောင်လိမ့်မယ်လို့ ပြောပါတယ်။

၂၀၁၉ မှာ ရွေးကောက်ပွဲတုန်းက ဝန်ကြီးချုပ်ပရာရွတ်ချန်အိုချာကိုထောက်ခံခဲ့သူတွေနှင့် အလုပ်လုပ်မှာမဟုတ်ဘူးဆိုတဲ့ ရှေ့သို့ပါတီရဲ့ရပ်တည်ချက်ကို သူကညွန်းဆိုပြောဆိုသွားတာပါ။

သူတို့က အာဏာရှင်လို့ တံဆိပ်တပ်ထားတဲ့ ပါတီတွေနှင့် ရှေ့သို့ပါတီဟာ တွဲလုပ်ရမှာဖြစ်တယ်လို့ သူကပြောပါတယ်။ ဥပဒေတွေကဘာတွေဆိုတာ သူတို့သိပြီးသားပါ။ ဒါပေမယ့် သူတို့က သူတို့ကိုယ်သူတို့ ခက်ခဲအောင်လုပ်နေကြတာ  ဖြစ်တယ်လို့ သူကဆိုပါတယ်။

ဒါပေမယ့် ဝန်ကြီးချုပ်ဖြစ်ဖို့ ရှေ့သို့ပါတီထက် ဖွေထိုင်းပါတီက အနေအထားပိုကောင်းနေတယ်၊ ဘာဖြစ်လို့လဲဆိုတော့ သူတို့က lese majeste law ဥပဒေကိုပြန်ပြင်ရေးဆန့်ကျင်ထားလို့ဖြစ်တယ်လို့ UTN ဒုတိယဥက္ကဋ္ဌက ဆက်လက်ပြောဆို ပါတယ်။

“စစ်တပ်ထောက်ခံတဲ့ပါတီတွေနှင့် အတူတွဲမလုပ်ဘူးဆိုတဲ့ သူတို့ရပ်တည်ချက်ကို ပြောင်းလဲတဲ့အပေါ်မူတည်ပြီး သူတို့ဟာ ညွန့်ပေါင်းထဲ အခြားပါတီတွေထည့်လာရလိမ့်မယ်” လို့လည်း သူကပြောပါတယ်။

UTNရဲ့ရပ်တည်ချက်ကရောလို့မေးတဲ့အခါ သူတို့ဟာ ရှေ့သို့ပါတီကိုစိန်ခေါ်ပြီး ပထမဆုံး အောက်လွှတ်တော်ဒုတိယ ဥက္ကဋ္ဌ နေရာ ဝင်ပြိုင်ခဲ့တာကြောင့် သိပ်ရှင်းပါတယ်”လို့သူကပြောပါတယ်။

ရှေ့သို့ပါတီရဲ့ အောင်ပွဲအတွက် ဖွေထိုင်းအတွက် အံအားတစ်သင့်ဖြစ်စေခဲ့ပြီး ခြိမ်းခြောက်မှုလည်းဖြစ်စေခဲ့တယ်လို့ ဆီးနိတ် အမတ် ဆွမ်ချိုင်း ဆာဝန်ကန်းက ပြောပါတယ်။

နောက်တစ်မျိုးဖြစ်နိုင်ခဲ့ရင် ဖွေထိုင်းဟာ နောက်ညွန့်ပေါင်းအစိုးရအစိတ်အပိုင်းတစ်ခုအဖြစ် စေ့စပ်အပေးအယူလုပ် လာလိမ့်မယ်။ သူတို့ဟာ ရှေ့သို့ပါတီနှင့်လမ်းခွဲပြီး ဘမ်ချိုင်းထိုင်း ဒါမှမဟုတ် PPRP တို့နှင့် လက်တွဲလာလိမ့်မယ်လို့ သူ့ အမြင်ကိုဆက်ပြောပါတယ်။

“ဖွေထိုင်းက အစိုးရအဖွဲ့ထဲဝင်ချင်တာ ဝန်ကြီးချုပ်ရာထူးကိုစွန့်လွှတ်ဖို့ဆန္ဒရှိပြီးသားပဲ။ ဝန်ကြီးချုပ်နေရာကို သူတို့က PPRP ကိုတောင်ပေးကောင်းပေးနိုင်တယ်။ ဒါပေမယ့် ရှေ့သို့ပါတီထောက်ခံသူတွေရဲ့ ဖိအားတွေကြောင့်သိပ်တော့ မလွယ်လှဘူး” လို့ သူကသုံးသပ်ပါတယ်။

ဖွေထိုင်းဟာ ဖြုတ်ချခံခဲ့ရတဲ့ ဝန်ကြီးချုပ် သက်ဆင်ရဲ့သမီး ပေတွန်တာ ရှင်နာဝါထရာကိုတော့ ဝန်ကြီးချုပ်လောင်း နေရာ အမည်တင်သွင်းလိမ့်မယ်မဟုတ်ဘူးလို့ ဆီးနိတ်အမတ်ကဆက်ပြောပါတယ်။

လက်ရှိအစိုးရအနေနှင့် လူနည်းစုအစိုးရဖွဲ့လိမ့်မယ်ဆိုတဲ့ ဝေဖန်ပြောဆိုနေတာတွေကိုသူက ပယ်ချလိုက်ပါတယ်။

“ လူနည်းစုအစိုးရ မလိုအပ်ပါဘူး။ ဒီနည်းလမ်းကမဖြစ်သင့်ပါဘူး။ ဒီလမ်းကြောင်းရွေးတဲ့ပါတီတွေဟာ လာမယ့် ရွေးကောက်ပွဲမှာ နိုင်မှာမဟုတ်ဘူး” လို့ သူက ဖြည့်စွက်ပြောလိုက်ပါတယ်။

Source : Move Forward Party Faces uncertain fate by Bangkok Post

ပြိုင်ပွဲကို လာမယ့် ဩဂုတ်လ ၂၄ ရက်ကနေ ၂၇ ရက်အထိ ဂျပန်နိုင်ငံ ချီဘားမြို့မှာ ကျင်းပမည်။

#Local_News
Published_ 9 July 2023
# ဂျပန်နိုင်ငံ ချီဘားမြို့မှာ ကျင်းပ
#Ygm/my
#Yangon_Times

#World_Health
Published 9 July 2023

ပူအိုက်တဲ့ကာလတွေ ပြီးသွားတဲ့နောက် မုတ်သုံမိုးရောက်လာကာ အပူသက်သာလာပေမယ့် စိုထိုင်းဆများတဲ့ အရေပြားရောဂါများ အဖြစ်များလာပါတယ်။

အဖြစ်အများဆုံး အရေပြားရောဂါအချို့က မှိုပိုးမွှားကူးစက်ခြင်း၊ ဘက်တီးရီးယားပိုးဝင်ခြင်း၊ ရေကျောက်၊ ရေယုန်၊ နှင်းခူတို့ ဖြစ်ပြီး မှိုနဲ့ဘက်တီးရီးယားကူးစက်မှုတွေက အဖြစ်အများဆုံးဖြစ်ပါတယ်။

Tinea cruris: လိင်အင်္ဂါအရေပြား၊ ပေါင်အတွင်းပိုင်း၊ တင်ပါးတို့မှာ ယားယံခြင်း။

Tinea corporis: dermatophyte မှိုအမျိုးအစားကြောင့် ခန္ဓာကိုယ်အတွင်း မှိုကူးစက်ခြင်း။

Tinea pedis: ခြေထောက်မှာဖြစ်တဲ့ မှိုကူးစက်ခြင်း။

မိုးရာသီမှာ အဖြစ်များတဲ့ ဘက်တီးရီးယားကူးစက်မှုကတော့ မွှေးညင်းပေါက်များရောင်ရမ်းပြီးဖြစ်တဲ့ အရေပြားရောဂါပဲ ဖြစ်ပါတယ်။

အစိုဓာတ်နဲ့ စိုထိုင်းဆများဟာ မှိုပေါက်ဖွားနိုင်ပြီး ချည်သားအထည်များကိုသာ ဝတ်ဆင်သင့်ကာ ဂျင်းလိုမျိုး ထူထဲတာတွေကို ရှောင်ရှားသင့်ကြောင်း ဒေါက်တာ'ဗီချီထရာရှာမာ'က ပြောကြားလိုက်ပါတယ်။

ချိုင်း၊ ရင်သားအောက်၊ ပေါင်အတွင်းသား၊ ဒူးနောက်ဘက်တို့မှာ ချွေးထွက်များတာကြောင့် မကြာခဏ အဝတ်အထည် လဲပေးသင့်ပါတယ်။

မှိုကူးစက်တဲ့အခါ ထိုနေရာကိုမကုတ်ဘဲ ထားရမှာဖြစ်ကြောင်း၊ ကုတ်လိုက်မိရင် လက်သည်းမှာပါ မှိုကူးစက်လာမှာဖြစ်ကြောင်း၊ မိုးရာသီမှာ လက်သည်းတွေကို ညှပ်ပေးသင့်ကြောင်း ဒေါက်တာရှာမာက အကြံပြုလိုက်ပါတယ်။

စတီးရွိုက်ခရင်မ်တွေက မှိုကူးစက်မှုကို ပိုမိုဆိုးရွားစေနိုင်တာကြောင့် လုံးဝရှောင်ရှားသင့်ပါတယ်။

အစာအိမ်ဆေးက မှိုရောဂါပျောက်ဆေးတွေရဲ့ အာနိသင်ကို လျော့စေနိုင်တာကိုလည်း သိထားသင့်ပါတယ်။

ခေါင်းလျှော်ပြီးရင် ချက်ချင်းမစည်းသေးဘဲ ရေခြောက်အောင်လုပ်ပြီးမှ စည်းပါ။

သဘက်၊ ဦးထုပ်၊ အိပ်ရာခင်း၊ ခေါင်းအုံးစွပ်တို့ကို မကြာခဏလျှော်ပေးပါ။

အလှပြင်ဆိုင် ဆံပင်ညှပ်ဆိုင်သွားတဲ့အခါ သူတို့ရဲ့ပစ္စည်းကိရိယာတွေကို သန့်စင်ခိုင်းပါ။

ပိုးကူးစက်နိုင်တဲ့လူဆိုရင် ဆံကေသာဆီ၊ ခန္ဓာကိုယ်လိမ်းဆီတို့ မသုံးပါနှင့်။

မှိုကူးစက်ရောဂါ ကုသနေတယ်ဆိုရင် ကူးစက်မှုမပျောက်ခင်အထိ ဆက်သုံးနေရပါမယ်။

ကူးစက်မှုက အလွန်နက်နဲသွားတယ်ဆိုရင် ပြန်ဖြစ်တတ်တာကြောင့် ထိုအခါကျရင် ပိုပြီးကုသရခက်ခဲသွားပါတယ်။

#Source: India Today #World_Health #မုတ်သုံရာသီအတွင်းမှိုရောဂါကူးစက်မှု
#Yangon_Times

-ဇေယျရေးသားသည်

တရုတ်နိုင်ငံ၊ ကူမင်းမြို့က ယူနန်တက္ကသိုလ်ကို လေ့လာခွင့်ရတဲ့အချိန်မှာတော့ မြန်မာနိုင်ငံက ကျောင်းသားများအပြင် မြန်မာစာကို စိတ်ဝင်စားစွာ ‌လေ့လာသင်ယူနေသော တရုတ်လူမျိုး ကျောင်းသားတွေကိုပါ တွေ့လိုက်ရတာဟာ  မြန်မာနိုင်ငံသားတစ်ယောက်အနေနဲ့ အလွန်ပင် ဝမ်းသာကြည်နူးခဲ့ရပါတယ်။

ဒါ့အပြင် ယူနန်တက္ကသိုလ်ရဲ့ စာကြည့်တိုက်ထဲမှာ “မြန်မာစာအုပ်များ”ဆိုတဲ့ ဆိုင်းဘုတ်‌နဲ့ စာအုပ်စင်တစ်ခုကို တွေ့လိုက်တဲ့အချိန်မှာတော့ ဝမ်းသာကြည်နူးမှုနဲ့အတူ တဖက်မှာလည်း ဒီစာအုပ်စင်မှာ စာအုပ်လေးတွေ အပြည့်အဝမရှိဘဲ လိုအပ်ချက်လေးတွေ ရှိနေတာကို သတိထားမိခဲ့ပါတယ်။

 ယူနန်တက္ကသိုလ်ရဲ့  “မြန်မာစာအုပ်များ” ဆိုတဲ့ စာအုပ်စင်လေးမှာ စာအုပ်တွေနည်းနေရတဲ့ အကြောင်းအရင်းကတော့ ယူနန်တက္ကသိုလ်က ပါမောက္ခတွေ မြန်မာနိုင်ငံကို လာရောက်တဲ့အခါမှာ လက်ဆောင်ရရှိခဲ့တဲ့ စာအုပ်လေးတွေကိုသာ ကျောင်းသား/ကျောင်းသူများ ဖတ်ဖို့ထားပေးနိုင်ပြီး လိုအပ်တဲ့စာအုပ်တွေ ထပ်မံမရရှိတာနဲ့ လှူဒါန်းသူမရှိတာကြောင့် ဖြစ်တယ်လို့ သိခဲ့ရပါတယ်။

ဒီစာအုပ်စင်လေးအတွက် စာအုပ်လှူဒါန်းချင်တဲ့ မြန်မာလူမျိုးတစ်ယောက်အနေနဲ့ စုံစမ်းကြည့်မိတဲ့အခါမှာတော့ ယူနန်တက္ကသိုလ် မြန်မာစာဌာနနဲ့ ဆက်သွယ်ပြီး လှူဒါန်းလို့ရတယ်လို့ သိခဲ့ရပြီး ဒီလိုလှူဒါန်းမယ်ဆိုရင် ယူနန်တက္ကသိုလ်မှာ မြန်မာစာဘာသာ သင်ကြားနေတဲ့ ကျောင်းသားများအတွက် မြန်မာနိုင်ငံအကြောင်းကို ပိုမိုသိရှိစေမယ့် စာအုပ်တွေလှူဒါန်းပေးစေလိုတယ်လို့လည်း ကျောင်းသားတွေက ပြောပြပါတယ်။

ယူနန်တက္ကသိုလ်မှာ ဓာတုဗေဒပညာရပ်ကို အထူးပြုသင်ကြားနေတဲ့ မြန်မာကျောင်းသူ မချောစုစုထွေးနဲ့ တွေ့ဆုံမေးမြန်းခဲ့ရာမှာ “ဒီမှာကတော့ မြန်မာနိုင်ငံကို အများဆုံးသိသွားစေမယ့် စာအုပ်မျိုးတွေ တော်တော်များများကိုတော့ လှူစေချင်တယ်။ မြန်မာစာဘာသာကို လေ့လာနေတဲ့ တရုတ်ကျောင်းသားတွေလည်း များနေတယ်ဆိုတော့ မြန်မာနိုင်ငံကို လူအများသိသွားစေချင်တဲ့ စာအုပ်မျိုးတွေကို လှူစေချင်တယ်” လို့ သူမရဲ့ဆန္ဒကို ပြောပြခဲ့ပါတယ်။

ယူနန်တက္ကသိုလ်မှာ မြန်မာစာသင်ကြားဖို့ နှစ်နှစ်တစ်ကြိမ်ခေါ်ယူပြီး အတန်းတစ်တန်းမှာတော့ ကျောင်းသားဦးရေ ၂၀ ဝန်းကျင်ရှိကာ ဘွဲ့ရဖို့အတွက် လေးနှစ်တက်ရတာဖြစ်ပါတယ်။  ၂၀၂၃ ခုနှစ် ဇွန်လမှာတော့ ပထမဦးဆုံးအကြိမ် ဘွဲ့နှင်းသဘင်ကို ကျင်းပနိုင်ခဲ့တယ်လို့ ယူနန်တက္ကသိုလ်၊ မြန်မာစာဌာနရဲ့ ဌာနမှူး Pang Juncai က ရှင်းပြခဲ့ပါတယ်။

ယူနန်တက္ကသိုလ်တွင် မြန်မာစာကို သင်ကြားပေးရာမှာတော့ ပထမနှစ်ရဲ့ ပထမနှစ်ဝက်မှာ မြန်မာအက္ခရာဗျည်း ၃၃ လုံး အသံထွက်နဲ့ အက္ခရာရေးနည်းကို သင်ကြားပေးပြီး ဒုတိယနှစ်ဝက်မှာတော့ ဝါကျများလေ့လာနိုင်ပြီဖြစ်ကြောင်း Pang Juncai က ဆိုပါတယ်။

မြန်မာစာကို လေ့လာနေတဲ့ တရုတ်ကျောင်းသားများကတော့ ပါဠိစာလေ့လာရတာနဲ့ စာတမ်းများပြုစုရာမှာ မြန်မာနိုင်ငံနဲ့ပတ်သက်တဲ့ စာအုပ်စာပေများနဲ့ အချက်အလက်များ ရှာဖွေရာမှာ အဓိကအခက်အခဲရှိနေတယ်လို့လည်း သိခဲ့ရပါတယ်။

ဒီလိုအခက်အခဲနဲ့ပတ်သက်ပြီးတော့ ယူနန်တက္ကသိုလ်တွင် မြန်မာစာသင်ကြားနေသော တရုတ်လူမျိုး တတိယနှစ်ကျောင်းသား Qiu Yue က “ကျွန်‌တော်တို့ မြန်မာစာသင်တဲ့အချိန်မှာ သတင်းအချက်အလက်ရှာရာမှာ အခက်အခဲရှိတယ်။ ဥပမာ အခုချိန်မှာ ကျွန်တော်က စာတမ်းကိုရေးရတယ်။ ဒါပေမဲ့ ဒီစာတမ်းနဲ့ဆိုင်တဲ့ သတင်းတွေရဖို့ ခက်ခဲတယ်” လို့ သူက ရှင်းပြပါတယ်။

ယူနန်တက္ကသိုလ်မှ မြန်မာစာမေဂျာနဲ့ ကျောင်းပြီးတဲ့ ကျောင်းသားများအနေနဲ့ကတော့ နိုင်ငံခြားရေးဌာန၊ မြန်မာနိုင်ငံနဲ့သက်ဆိုင်တဲ့ ကုမ္ပဏီတွေမှာ အလုပ်ဝင်ကြတာဖြစ်ပြီး မြန်မာအကြောင်းကို ပိုမိုသိလိုတဲ့ ကျောင်းသားများကတော့ မဟာတန်း (Master)  ဆက်တက်ကြတာဖြစ်လို့ ပြည်ပနိုင်ငံသားတွေ မြန်မာစာပေကို ထိထိရောက်‌ရောက် ကျယ်ကျယ်ပြန့်ပြန့် လေ့လာနိုင်ဖို့အတွက် ယူနန်တက္ကသိုလ်က “မြန်မာစာအုပ်စင်” လေးမှာ မြန်မာစာပေချစ်သူများ ဆက်သွယ်လှူဒါန်းနိုင်အောင် ဖော်ပြပေးလိုက်ပါတယ်။

‘ရာသီတုပ်ကွေးဖြစ်ရင် ကိုယ်ဝန်ဆောင်တွေ၊ သက်ကြီးရွယ်အိုတွေ၊ ရောဂါအခံရှိသူတွေအနေနဲ့စိုးရိမ်ရတယ်။ စိုးရိမ်ရတဲ့အုပ်စုဝင်တွေအနေနဲ့ တုပ်ကွေးရောဂါကာကွယ်ဆေးထိုးထားသင့်ပါတယ်။ အသက်(၅၀)နှစ်နဲ့အထက်ဝန်ထမ်းတွေကို ရာသီတုပ်ကွေးကာကွယ်ဆေးထိုးပေးသွားဖို့ရှိပါတယ်’ ဒေါက်တာသန်းနိုင်စိုး(ကျန်းမာရေးအသိပညာမြှင့်တင်မှုဌာနခွဲ၊ညွှန်ကြားရေးမှူး)

#Local_News
Published_ 9 July 2023
#ရာသီတုပ်ကွေး
#tthl
#Yangon_Times

#World_Health
Published 9 July 2023

သင့်ရဲ့တစ်နေ့တာ စွမ်းအင်ပမာဏကို သက်ရောက်စေမယ့် အကြောင်းအရာများစွာ ရှိပါတယ်။

အိပ်ရေးပျက်ခြင်းဖြင့် မနက်ခင်းမှာ မူးဝေခြင်းဖြစ်စေနိုင်သလို အစားအသောက်၊ စိတ်ဖိစီးမှုအလွန်မြင့်မားခြင်းဖြင့်လည်း တစ်နေ့တာအတွင်း စွမ်းအင်ကျဆင်းစေပါတယ်။

ပူအိုက်တဲ့ကာလမှာဆိုရင် သတ္တုဓာတ်ပမာဏ မညီမျှခြင်းကို ဖြစ်စေနိုင်သလို ရေဓာတ်ခန်းခြောက်ခြင်း ဖြစ်ပေါ်စေနိုင်ပါတယ်။

ပင်ပန်းနွမ်းနယ်ခြင်း ခံစားရတာဟာ ခန္ဓာကိုယ်ထဲမှာ အချို့သော အာဟာရဓာတ်များ၊ သတ္တုဓာတ်များ ချို့တဲ့တာကြောင့် ဖြစ်ပါတယ်။

ကိုယ်လက်လှုပ်ရှားလေ့ကျင့်ခြင်း မလုပ်တာကလည်း ဒီလိုအချိန်တွေမှာ အားအင်ကျဆင်းစေနိုင်ပါတယ်။

တစ်နေ့တာအားအင်ပမာဏ ထိန်းညှိရာမှာ အသုံးဝင်စေတဲ့ အစားအစာများကို အာဟာရပညာရှင်'လော့ဗ်နိဘာထရာ'က အင်စတာဂရမ်မှာ ဖော်ပြထားပါတယ်။

(၁) ငှက်ပျောသီး

ဗိုက်တာမင်-ဘီ၆ ကြွယ်ဝစွာပါဝင်ကာ ကာဗိုဟိုက်ဒရိတ်တွေကို ချေဖျက်ပြီး စွမ်းအင်ထုတ်လုပ်ပေးပါတယ်။

(၂) ကွင်အာစေ့

အမျှင်ဓာတ်များပါဝင်ပြီး ခန္ဓာကိုယ်စွမ်းအင်ကို အချိန်ကြာရှည်စွာ ထိန်းသိမ်းပေးပါတယ်။

(၃) ဒိန်ချဉ်

ဒိန်ချဉ်က အစာချေခြင်း၊ အာဟာရစုပ်ယူခြင်းအပါအဝင် လုပ်ဆောင်ချက်အမျိုးမျိုးအတွက် အရေးပါတဲ့ အူလမ်းကြောင်းကျန်းမာရေးကို ကောင်းမွန်စေပါတယ်။

(၄) ချီယာစေ့

ကာဗိုဟိုက်ဒရိတ်ပါဝင်မှု၊ ကျန်းမာရေးနဲ့ ညီညွတ်တဲ့အဆီနဲ့ အမျှင်ဓာတ်များ ပါဝင်တာကြောင့် စွမ်းအင်ကြာရှည်စွာ ထိန်းသိမ်းပေးပါတယ်။

(၅) အုတ်ဂျုံ

သူတို့မှာ အမျှင်ဓာတ်ပါဝင်မှု မြင့်မားပြီး အစာချေခြင်းကို နှေးစေကာ စွမ်းအင်ကုန်ဆုံးခြင်းကို ကာကွယ်ပေးပါတယ်။

Source: India Today #World_Health #အားအင်ကုန်ခန်းခြင်း
#Yangon_Times

#Health_Matters
Published_ 8 July 2023

- အစားအစာသန့်ရှင်းရေးအတွက် ဘာတွေလုပ်ဆောင်သင့်သလဲဆရာ ဘယ်သူတွေအဓိကပါဝင်ရမလဲဆရာ ...??

#Health_Matters #ညစ်ပတ်အစာနှင့် သန့်ရှင်းအစာ
#Dr.KML #YMG #Yangon_Media_Group

#Health_Matters
Published_ 8 July 2023

- အစားအစာသန့်ရှင်းရေးဟာ ပြည်သူ့ကျန်းမာရေးအပေါ်ဘယ်လို အကျိုးသက်ရောက်ပါသလဲ ဆရာ ...??

#Health_Matters #ညစ်ပတ်အစာနှင့် သန့်ရှင်းအစာ
#Dr.KML #YMG #Yangon_Media_Group

တစ်ချိန်တုန်းက အိန္ဒိယမှ ကိုညက်သူရဲကောင်းများကြား ရှေ့သိုတက်လှမ်းဖိုက ရန်သူ့ဦးခေါင်းကို ဖြတ်ပစ်ရတာပဲ ဖြစ်ပါတယ်။

#World_Health
Published_ 8 July 2023
#အိန္ဒိယမှဦးခေါင်းဖြတ်သူရဲကောင်းများ
#Yangon_Times

#Daily_News
Published_ 8 July 2023

၁။ သက်ကြီးဟာသ ပညာရှင်(၁၀)ဦး ဂုဏ်ပြုဆုများရရှိ

၂။ ယနေ့မြန်မာ့လက်ရွေးစင် အမျိုးသမီးဘောလုံးအသင်းနှင့် ဖိလစ်ပိုင်အသင်းတို့ အကြိတ်အနယ်ယှဉ်ပြိုင်ကစားမည်

၃။ နှစ်လတာကာလအတွင်း အာဆီယံနိုင်ငံများသို့ ကုန်သွယ်မှုတန်ဖိုး ကန်ဒေါ်လာ ၁ ဘီလီယံကျော် ရရှိထား

၄။အိန္ဒိယမှဦးခေါင်းဖြတ်သူရဲကောင်းများ အတိတ်ကိုလွမ်းဆွတ်နေကာ အနာဂတ်အတွက်စိုးရိမ်ပူပန်နေလျက်ရှိ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

#Health_Matters
Published_ 8 July 2023

- အစားအစာတွေဟာ ဘယ်လောက်အထိညစ်ပတ်ဖို့လွယ်သလဲဆရာ ...??

#Health_Matters #ညစ်ပတ်အစာနှင့် သန့်ရှင်းအစာ
#Dr.KML #YMG #Yangon_Media_Group

#World_Military
Published 8 July 2023

နိုင်ငံအများအပြားမှ တားမြစ်ထားတဲ့ အပြွတ်ဗုံးများကို နယ်မြေကျူးကျော်နေတဲ့ ရုရှားတပ်ဖွဲ့များအား တန်ပြန်တိုက်ခိုက်မယ့် ယူကရိန်းတို့အတွက် အမေရိကန်က ထောက်ပံ့သွားမှာဖြစ်ကြောင်း ဇူလိုင် ၇ ရက်နေ့က ကြေညာလိုက်ပါတယ်။

နေတိုး(NATO)အဖွဲ့အစည်းထဲသို့ ယူကရိန်းဝင်ရောက်ရေး ပိုမိုနီးစပ်စေရန် ဘယ်လိုပြုလုပ်မလဲဆိုတဲ့အကြောင်းကို လာမယ့်ရက်သတ္တပတ်အတွင်း ထိပ်သီးအစည်းအဝေးမှာ တိုင်ပင်သွားမယ်လို့ နေတိုးခေါင်းဆောင်က ပြောကြားလိုက်ပါတယ်။

အမေရိကန်မှ အဆိုပါဗုံးထောက်ပံ့မယ့် အစီအစဉ်ကို လူ့အခွင့်အရေးလှုပ်ရှားမှု အဖွဲ့များနဲ့ ကုလသမဂ္ဂအထွေထွေအတွင်းရေးမှူးတို့က မေးခွန်းထုတ်နေကြပါတယ်။

ယခုထောက်ပံ့ကူညီမှုက ဒေါ်လာသန်း ၈၀၀ တန်ကြေးရှိကာ ၂၀၂၂ ဖေဖော်ဝါရီလက ရုရှားတို့ ယူကရိန်းကို ကျူးကျော်စဉ်ကစပြီး အမေရိကန်မှ စစ်ဘက်ဆိုင်ရာ ထောက်ပံ့ကူညီမှုတွေက စုစုပေါင်းဒေါ်လာ ၄၀ ဘီလီယံကျော်လာပြီ ဖြစ်ပါတယ်။

ယူကရိန်းတန်ပြန်ထိုးစစ်အတွက် သင့်လျော်မယ့်အချိန်အတွင်း အဆိုပါဗုံးများကို ပို့ဆောင်သွားမယ်လို့ ပင်တဂွန်အရာရှိတစ်ဦးက သတင်းထောက်များကို ပြောကြားလိုက်ပါတယ်။

အပြွတ်ဗုံးတွေကို နိုင်ငံပေါင်း ၁၀၀ ကျော်မှ တားမြစ်ထားပြီး အဆိုပါဗုံးကနေ ဗုံးအသေးအမွှားများစွာ ထွက်လာကာ နေရာကျယ်ကျယ်တစ်ခုအတွင်း ဘယ်သူမှမခွဲခြားဘဲ သေစေနိုင်တဲ့အပြင် မပေါက်ကွဲတဲ့ဗုံးတွေကလည်း စစ်ပွဲပြီးသည့်တိုင်အောင် ဆယ်စုနှစ်တွေကြာတဲ့အထိ အန္တရာယ်ရှိနေဆဲ ဖြစ်ပါတယ်။

ယူကရိန်းဘက်က ဒီဗုံးကို အရပ်သားတွေ ထိခိုက်မှုအနည်းဆုံးဖြစ်အောင် အလွန်ဂရုစိုက် အသုံးပြုသွားမယ်လို့ စာရေးသားအာမခံထားကြောင်း အိမ်ဖြူတော်အမျိုးသားလုံခြုံရေးအကြံပေး 'ဂျိတ်ခ်ဆာလီဗန်'က ပြောကြားခဲ့ပါတယ်။

အမေရိကန်သမ္မတ'ဂျိုးဘိုင်ဒင်'က ဒီဗုံးတွေပို့ဆောင်ရန် ခက်ခက်ခဲခဲ ဆုံးဖြတ်ခဲ့ရပေမယ့် ယူကရိန်းတို့ လိုအပ်နေတဲ့အရာဖြစ်ကြောင်း ဖော်ပြခဲ့ပါတယ်။

ဖက်ဒရေးရှင်းကောင်စီ နိုင်ငံတကာကော်မတီအကြီးအကဲ 'ဂရီဂိုရီကရာဆင်'က အမေရိကန်နဲ့ နေတိုးခေါင်းဆောင်တို့ရဲ့ ဆုံးဖြတ်ချက်များကို အလွန်စိုးရိမ်မိကြောင်း RIA သတင်းဌာနက တင်ပြခဲ့ပါတယ်။

ဇွန်လအစောပိုင်း တန်ပြန်ထိုးစစ်စတင်ပြီးနောက်ပိုင်း ယူကရိန်းတောင်ပိုင်းရှိ ရွာအချို့ကို ပြန်လည်သိမ်းပိုက်နိုင်ခဲ့ပေမယ့် လက်နက်အင်အားနဲ့ လေကြောင်းကာကွယ်မှု နည်းပါးနေတယ်လို့ ယူကရိန်းက ပြောထားပါတယ်။

ဇူလိုင် ၁၁ ရက်နေ့နဲ့ ၁၂ ရက်နေ့ထိပ်သီးအစည်းအဝေးမတိုင်ခင် ယူကရိန်းသမ္မတ'ဇယ်လန်စကီ'က နေတိုးအဖွဲ့ဝင်ဖြစ်မြောက်ရေးအတွက် ဘူလ်ဂေးရီးယားမှာ ထောက်ခံမှုရရှိအောင် ပြောကြားခဲ့ပြီးနောက် ချက်ပြည်သူ့သမ္မတနိုင်ငံ၊ ဆလိုဗေးကီးယား၊ တူရကီတို့ကိုလည်း သွားရောက်လည်ပတ်ခဲ့ပါတယ်။

ရုရှားနဲ့စစ်ဖြစ်နေစဉ် ယူကရိန်းအနေနဲ့ နေတိုးထံဝင်ရောက်ဖို့ရာ မဖြစ်နိုင်ဘူးဆိုတာကို ဇယ်လန်စကီက သဘောပေါက်ထားပါတယ်။

Source: CNA #World_Military #ယူကရိန်းအတွက်အပြွတ်ဗုံးများ
#Yangon_Times