#Local_News
Published-2 September 2023

လာမည့် အောက်တိုဘာလ ၁၅ ရက်တွင် ကျရောက်မည့် ၈ နှစ်မြောက် NCA နှစ်ပတ်လည်နေ့ကို လက်တွေ့ကျကျ၊ အဓိပ္ပါယ်ရှိရှိ၊ အလေးအနက်ထား၍ စီစဉ်ကျင်းပသွားမည်ဖြစ်ကြောင်း စက်တင်ဘာလ ၁ ရက်က ကျင်းပသည့် နိုင်ငံတော်စီမံအုပ်ချုပ်ရေးကောင်စီအစည်းအဝေးအတွင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ကပြောသည်။

ငြိမ်းချမ်းရေးနှင့်ပတ်သက်၍ ဆောင်ရွက်ရာတွင် တိုင်းရင်းသားလက်နက်ကိုင် အဖွဲ့အစည်းများအနေဖြင့် တိုင်း ပြည်အပေါ်စိတ်ကောင်းစေတနာကောင်းထားရန်လိုကြောင်း၊ နိုင်ငံရေးမျှော်မှန်းချက်ဖြစ်သည့် ပါတီစုံ ဒီမိုကရေစီစနစ်ကျင့်သုံးရေးနှင့် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး လုပ်ငန်းများတွင် တိုင်းရင်းသားပြည်သူအားလုံး ပူးပေါင်းပါဝင်ကြရန် လိုအပ်ကြောင်းလည်း ယင်းကဆိုသည်။

NCA စာချုပ်ကို ၂၀၁၅ ခုနှစ် အောက်တိုဘာလ ၁၅ ရက်တွင် အစိုးရ၊ လွှတ်တော်၊ တပ်မတော်နှင့် တိုင်းရင်း သားလက်နက်ကိုင်အဖွဲ့အစည်းများက ကမ္ဘာ့ကုလသမဂ္ဂအပါအဝင် တရုတ်၊ အိန္ဒိယ၊ ဂျပန်၊ ထိုင်း စသည့်နိုင်ငံများမှ သံတမန်များ၊ ပြည်တွင်းအသိ သက်သေများရှေ့မှောက်တွင် လက် မှတ်ရေးထိုးခဲ့ကြခြင်းဖြစ်သည်။

ယင်းစာချုပ်မှာ ပြည်ထောင်စုလွှတ်တော်က အတည်ပြုပေးထားသည့် သမိုင်းဝင်စာချုပ်ဖြစ်ပြီး မည်သည့်အချိန် မှပျက်ပြယ်မှုမရှိတည်ရှိနေမည့်စာချုပ်ဖြစ်ကြောင်း၊ ယခုအခါ တိုင်းရင်းသား လက်နက်ကိုင်အဖွဲ့အစည်းတစ်ခု၏ တာဝန်ရှိသူတစ်ဦးက NCA နှင့်ပတ်သက်၍ အထောက်အထားမဲ့၊ အဓိပ္ပါယ်မဲ့စွာ လက်လွတ်စပယ် ပြောကြားခဲ့သည်ကိုတွေ့ရကြောင်း လည်း ၎င်းက ပြောသည်။

တပ်မတော်အနေဖြင့် ငြိမ်းချမ်းရေးလုပ်ငန်းစဉ်များနှင့်ပတ်သက်၍ NCA စာချုပ်အပေါ်တွင်သာ ခိုင်ခိုင်မာမာ ရပ်တည်ဆောင်ရွက်သွားမည်ဖြစ်ကြောင်းလည်း နစက ဥက္ကဌက ပြောသည်။

#Local_News #၈နှစ်မြောက်NCAနှစ်ပတ်လည်နေ့
Yangon_Times/PP

#World_Health
Publilshed 2 September 2023

ဆေးထိုးခြင်းဖြင့် ကင်ဆာကုသနိုင်မယ့် နည်းလမ်းတစ်ခုကို ဗြိတိန်အစိုးရပိုင် အမျိုးသားကျန်းမာရေးဝန်ဆောင်မှု (NHS)မှ ကမ္ဘာ့ပထမဆုံး အသုံးပြုသွားမှာ ဖြစ်ပါတယ်။

ထိုနည်းလမ်းဖြင့် အင်္ဂလန်မှ လူနာပေါင်းရာဂဏန်းခန့်ကို ကုသသွားမှာဖြစ်ပြီး ကုသချိန်ကို ၄ ပုံ ၃ ပုံခန့်အထိ လျှော့ချသွားနိုင်မှာဖြစ်ပါတယ်။

ဆေးဝါးနှင့် ကျန်းမာရေးစောင့်ရှောက်မှု ကွပ်ကဲရေးဌာနမှ ခွင့်ပြုချက်ရရှိပြီးနောက် အေတက်ဇိုလီဇူမက် ကိုယ်ခံအားကုသဆေးဖြင့် ကုသခဲ့တဲ့ လူနာတွေကို အရေပြားအောက် ဆေးထိုးကုသခြင်းနည်းလမ်းဖြင့် ကုသရန် စီစဥ်ထားပြီဖြစ်ကာ ကင်ဆာကုသရေးအဖွဲ့များအတွက် ပိုမိုမြန်ဆန်စွာ လုပ်ကိုင်နိုင်စေမှာ ဖြစ်ကြောင်း NHS အင်္ဂလန်မှ ပြောကြားလိုက်ပါတယ်။

ဒီနညးလမ်းဖြင့် လူနာတွေအတွက် ပိုမိုလျင်မြန်လွယ်ကူစေမှာ ဖြစ်တဲ့အပြင် ကုသရေးအဖွဲ့အနေနဲ့လည်း တစ်နေ့တည်းနဲ့ လူနာများစွာ ကုသပေးနိုင်မှာဖြစ်တယ်လို့ NHS ဖောင်ဒေးရှင်းထရပ်စ်မှ ကင်ဆာရောဂါအတိုင်ပင်ခံ ဒေါက်တာအဲလက်ဇန်ဒါမာတင်က ပြောကြားလိုက်ပါတယ်။

လက်ရှိမှာအသုံးပြုနေတဲ့ အေတီဇိုလီဇူမက်က အစက်ချဒရစ်ပ်ကနေတဆင့် သွေးကြောထဲသို့ တိုက်ရိုက်ထိုးသွင်းတာဖြစ်ပြီး မိနစ် ၃၀ ကြာမြင့်တတ်ပြီး သွေးကြောရှာရခက်သူတွေမှာ တစ်နာရီလောက်အထိ ကြာမြင့်တတ်တယ်လို့ NHS အင်္ဂလန်က ပြောကြားလိုက်ပါတယ်။

ဆေးထိုးကုသမယ့် နည်းလမ်းကတော့ ၇ မိနစ်ခန့်သာ ကြာမြင့်နိုင်ပါတယ်လို့ ရော့ချ်ဆေးပစ္စည်းကုမ္ပဏီမှ ဆေးဘက်ဆိုင်ရာ ညွှန်ကြားရေးမှူး မာရီယပ်စ်ရှို့ဇ်က ပြောပြသွားပါတယ်။

ရော့ချ်ကုမ္ပဏီရဲ့ ဂျင်းတက်ခ်လုပ်ငန်းကနေ အေတီဇိုလီဇူမက်ကို ထုတ်လုပ်တာဖြစ်ပြီး လူနာရဲ့ ကိုယ်ခံအားစနစ်ကို မြှင်တင်ပေးကာ ကင်ဆာဆဲလ်တွေကို ရှာဖွေဖျက်ဆီးပစ်တာ ဖြစ်ပါတယ်။

လက်ရှိမှာ NHS လူနာတွေကို ထိုနည်းလမ်းဖြင့် ကုသနေပြီး အဆုတ်ကင်ဆာ၊ ရင်သားကင်ဆာ၊ အသည်းကင်ဆာ၊ ဆီးအိမ်ကင်ဆာလူနာတွေ ပါဝင်ပါတယ်။

အင်္ဂလန်မှာ အေတီဇိုလီဇူမက်ဖြင့် စတင်ကုသလာရတဲ့ လူနာတွေဟာ နှစ်စဥ် ၃,၆၀၀ ခန့်ရှိနေရာမှ အချိန်တိုအတွင်း ကုသပြီးစီးမယ့်နည်းလမ်းကို ပြောင်းလဲလာနိုင်မယ်လို့ NHS အင်္ဂလန်က မျှော်မှန်းထားပါတယ်။

#World_Health #ကမ္ဘာ့ပထမဆုံးကင်ဆာဆေးထိုးကုသနည်း #အင်္ဂလန်တွင်သုံးစွဲ
Source: NDTV

၁ စက်တင်ဘာ ၂၀၂၃

လာမည့် အထွေထွေရွေးကောက်ပွဲတွင် အီလက်ထရောနစ် မဲပေးစနစ်ဖြင့် စနစ်  တကျ မဲပေးနိုင်ရေး ဆောင်ရွက်မယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် က ပြောပါတယ်။

ယနေ့ စက်တင်ဘာ (၁)ရက်က နေပြည်တော်ရှိ နစကဥက္ကဋ္ဌရုံး အစည်းအဝေး  ခန်းမ၌ ကျင်းပတဲ့ နစက ကောင်စီအစည်းအဝေး(၃/၂၀၂၃)မှာ  နစကဥက္ကဋ္ဌ၊ နိုင်ငံတော်  ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အမှာစကားပြောကြားရာမှာ ထည့်သွင်း ပြောဆိုခဲ့ခြင်းဖြစ်တယ်လို့ သတင်းထုတ်ပြန်ချက်အရသိရပါတယ်။

“လွတ်လပ်ပြီး တရားမျှတသည့် ရွေးကောက်ပွဲအောင်မြင်စွာ ကျင်းပနိုင်ရေး အတွက် မဲစာရင်းကောက်ယူခြင်းလုပ်ငန်းများနှင့် မဲပေးပိုင်ခွင့်ရှိသူအားလုံး စနစ်တကျ မှန်မှန်ကန်ကန် မဲပေးနိုင်ရေး ကြိုတင်စီမံဆောင်ရွက်လျက်ရှိကြောင်းနှင့်  ဆန္ဒမဲပေးရာ တွင်လည်း လုံခြုံစိတ်ချရသည့် အီလက်ထရောနစ် မဲပေးစနစ်ဖြင့် စနစ်တကျမဲပေးနိုင် ရေးဆောင်ရွက်ပေးသွားမည်ဖြစ်တယ်လို့ ဗိုလ်ချူပ်မှူးကြီးက ပြောကြားခဲ့တာဖြစ်ပါ တယ်။

အဲဒီ့အပြင် နိုင်ငံရေးပါတီများနှင့်ပတ်သက်၍ စနစ်တကျရှိစေရေးအတွက် လိုအပ် သည့်ဥပဒေများ ပြဋ္ဌာန်းဆောင်ရွက်ပေးသွားမယ်လို့လည်း နစက ဥက္ကဋ္ဌက ထုတ်ဖော် ပြောဆိုပါတယ်။

လွတ်လပ်ပြီးတရားမျှတသည့် ပါတီစုံဒီမိုကရေစီ အထွေထွေ ရွေးကောက်ပွဲ  တစ်ရပ် အောင်မြင်စွာကျင်းပနိုင်ရေးအတွက် နိုင်ငံတစ်ဝန်း တည်ငြိမ် အေးချမ်းမှု  ရှိစေ ရေး  ဆောင်ရွက်သွားရမယ်လို့လည်း ဗိုလ်ချုပ်မှူးကြီးကပြောပါတယ်။ တစ်နိုင်ငံလုံး အကြားအလပ် မရှိ ဆန္ဒမဲပေးပိုင်ခွင့်ရရှိစေရေး မဲစာရင်းအခြေခံအချက်အလက်များ မှန်မှန်ကန်ကန် ဖြစ်အောင် ပြန်လည်ပြုစုရမှာ ဖြစ်တယ်လို့လည်း သတင်းထုတ်ပြန်  ချက်မှာဖော်ပြထားပါတယ်။

မဲစာရင်းကောက်ယူ သည့် တာဝန်ရှိသူများကို အနှောင့်အယှက်ပေးနေမှုများ ကြောင့် တိုင်းဒေသကြီးနှင့် ပြည်နယ်အလိုက် မဲစာရင်းကောက်ယူမှု မပြုနိုင်သေးသည့် မြို့နယ်အချို့ရှိနေတယ်လိုလည်းဗိုလ်ချုပ်မှူးကြီးကပြောပါတယ်။အဲဒါကြောင့်မဲစာရင်းများ အပြည့်အဝကောက်ယူနိုင်ရေး ဆက်လက်ဆောင်ရွက်သွားရမယ်လို့ဆိုပါတယ်။

နစက၏ အန္တိမရည်မှန်းချက်မှာ လွတ်လပ်၍ တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေးပင် ဖြစ်တဲ့အတွက် အဆိုပါရွေးကောက်ပွဲ   တစ်ရပ် အောင်မြင်စွာကျင်းပနိုင်ရေးအတွက် နိုင်ငံတစ်ဝန်း တည်ငြိမ် အေးချမ်းမှု  ရှိစေရေး  ဆောင်ရွက်သွားရမယ်လို့လည်း နစက ဥက္ကဋ္ဌကပြောကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

တက်ရောက်လာတဲ့ ကောင်စီဝင်များကလည်း နောင်ကျင်းပမည့် ရွေးကောက်ပွဲ များတွင် ကြုံတွေ့ရနိုင်သည့် မဲစာရင်းဆိုင်ရာ မှားယွင်းမှုများနှင့် မဲမသမာမှုများ မဖြစ်  ပေါ်စေရေး ဥပဒေပြဋ္ဌာန်း၍ ကြပ်မတ်ဆောင်ရွက်နိုင်ရေး ကိစ္စရပ်များ  နှင့် စပ်လျဉ်း၍ ဆွေးနွေးတင်ပြခဲ့ကြတယ်လို့ သတင်းထုတ်ပြန်ထားပါတယ်။

-ymg/knl

ပန်းပွင့်တော်တော်များများက မွှေးပျံ့တဲ့ရနံ့ရှိပေမယ့် လူသေကောင်ပန်းကတော့ ဒီလိုမဟုတ်ပါဘူး။

Published 31 August 2023
#ကယ်လီဖိုးနီးယား #လူသေကောင်ပန်း
#World_Nature

၁ စက်တင်ဘာ ၂၀၂၃

တရုတ်ပြည်တွင်းထုတ် လျှပ်စစ်ကားတွေဟာ ပထမဆုံးအသုတ်အဖြစ် တရုတ်မြန်မာနယ်စပ် ယူနန်ပြည်နယ် ဝမ်တင်း ဝင်ပေါက်မှတစ်ဆင့် ဩဂုတ် ၃၁ရက်နေ့က မြန်မာနိုင်ငံကို စတင်တင်ပို့ခဲ့ပါတယ်။ နယ်စပ်မှာ အကောက်ခွန်ရှင်းလင်းရေး လုပ်ငန်းစဉ် တိုးတက်မှုကြောင့် ပိုပြီး လွယ်ကူမြန်ဆန်လာတယ်လို့ စီစီတီဗွီသတင်းမှာဖော်ပြထားပါတယ်။

တရုတ်နိုင်ငံ လူဝင်မှုကြီးကြပ်ရေးစီမံခန့်ခွဲရေးရဲတွေက လိုအပ်တာတွေစစ်ဆေးပြီးတဲ့အခါ  တရုတ်ပြည်တွင်းထုတ် လျှပ်စစ်ကားတွေတင်ဆောက်လာတဲ့ နောက်တွဲပါကုန်တင်ယာဉ်အစီး (၅၀)ဟာ  နယ်စပ်ပေါက်ကို  မနက်၁၀နာရီမှာရောက်ရှိခဲ့ကြပါတယ်။

#Daily_News
Published_ 1 September 2023

၁။ ပြည်ပဝယ်လိုအား မရှိတာကြောင့် ဖရဲဈေးကွက် ပြည်တွင်းမှာသာရောင်းချနေရ

၂။ အေးဂျင့်ခပေးစရာမလိုဘဲ ဂျပန်တွင်မြန်မာလူငယ်များအလုပ်ရရှိတော့မည်

၃။ (၅၄) ကြိမ်မြောက် အောင်ဘာလေသိန်းထီဖွင့်ပွဲတွင် ဘဏ္ဍာသိမ်းရငွေမှ ကျပ် ၁၃၄ ဒသမ ၈၀၀ သန်း ဆုချီးမြှင့်

၄။ ကယ်လီဖိုးနီးယားရှိ စာကြည့်တိုက်ဥယျာဥ်တစ်ခုတွင် လူသေကောင်ပန်းများရှားရှားပါးပါးဖူးပွင့် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published_ 1 September 2023

ဘရာဇီးနိုင်ငံဆိုင်ရာ မြန်မာသံအမတ်ကြီးသည် ဘရာဇီးနိုင်ငံဆောင်ပါလိုပြည်နယ်သို့သွားရောက်ခဲ့ပြီး မြန်မာ-ဘရာဇီးနှစ်နိုင်ငံကြားပူးပေါင်းဆောင်ရွက်နိုင်ရေးကိစ္စရပ်များကိုသွားရောက်ဆွေးနွေးခဲ့ကြောင်း သိရသည်။

ခရီးစဉ်အတွင်း သံအမတ်ကြီးသည် ဩဂုတ်လ(၂၈)ရက်တွင် ဆောင်ပါလိုကုန်သည်ကြီးများအသင်း (ACSP) ဥက္ကဋ္ဌ Roberto Mateus Ordine နှင့်တွေ့ဆုံ၍ မြန်မာနိုင်ငံနှင့်ဘရာဇီးလ်နိုင်ငံတို့မှ စီးပွားရေးလုပ်ငန်းရှင်များအကြား တိရိစ္ဆာန်ထွက်ကုန်ပစ္စည်းနှင့် အစားအစာများ၊ အထည်အလိပ်နှင့် ဖိနပ်ထုတ်လုပ်ရေးကဏ္ဍများတွင် B2B ပုံစံဖြင့် ပူးပေါင်းဆောင်ရွက်နိုင်ရေးအတွက် အွန်လိုင်းဆွေးနွေးပွဲတစ်ရပ်ကျင်းပရေးအပါအဝင်UMFCCIနှင့်ACSPတို့ အကြား လက်မှတ်ရေးထိုးထားပြီးဖြစ်သည့် နားလည်မှုစာလွှာပါသတ်မှတ်ချက်များနှင့်အညီလက်တွေ့ကျကျ အကောင်အထည်ဖော်နိုင်ရေးဆိုင်ရာ ကိစ္စရပ်များကို ဆွေးနွေးခဲ့သည်။

အဆိုပါတွေ့ဆုံဆွေးနွေးမှုသို့ ဆောင်ပါလိုမြို့အခြေစိုက် မြန်မာဂုဏ်ထူးဆောင်ကောင်စစ်ဝန် Ricardo Cateb Cury ၊ ACSP ဒုတိယဥက္ကဋ္ဌ Mr. Alfredo Cotait Neto နှင့် ACSP ၏ နိုင်ငံခြားရေးရာအထူးအကြံပေး Mauricio Manfre တို့လည်း ပါဝင်တက်ရောက်ခဲ့သည်။

Embraer လေယာဉ်ထုတ်လုပ်ရေးကုမ္ပဏီ၏ ဖိတ်ကြားချက်အရ အာဆီယံ-ဘရာဇီးလျား ကော်မတီ၏ အစီအစဉ်ဖြင့် ၂၉-၈-၂၀၂၃ ရက်နေ့တွင် သံအမတ်ကြီးသည် ဘရာဇီးလျားမြို့ အခြေစိုက် အာဆီယံသံရုံး အကြီးအကဲများ၊ အဖွဲ့ဝင်များနှင့်အတူ Embraer ကုမ္ပဏီ၏ လေယာဉ်ထုတ်လုပ်မှုလုပ်ငန်းရပ်များ တည်ရှိရာ ဆောင်ပါလိုပြည်နယ်၊ ဆောင်ဂျိုဆဲဒို့စ်ကမ်းပို့စ်မြို့သို့ သွားရောက်၍ ကုမ္ပဏီ၏တာဝန်ရှိသူများနှင့် တွေ့ဆုံဆွေးနွေးမှုများ ပြုလုပ်ခဲ့ပြီး၊ Embraer ကုမ္ပဏီ၏ လေယာဉ်ထုတ်လုပ်မှုလုပ်ငန်းစဉ်များကို သွားရောက်လေ့လာကြည့်ရှုခဲ့ပါသည်။

အဆိုပါဆွေးနွေးမှုအတွင်း Embraer ကုမ္ပဏီတာဝန်ရှိသူများက အရှေ့တောင်အာရှဒေသရှိ လေကြောင်း လိုင်းများတွင် Embraer ကုမ္ပဏီမှထုတ်လုပ်သည့် ခရီးသည်တင်လေယာဉ်များ၊ နောက်ဆုံးထုတ် E-2 အမျိုးအစားလေယာဉ်များ ပျံသန်းပြေးဆွဲမှုအခြေအနေ၊ Embraer ကုမ္ပဏီ၏ ဈေးကွက်ပိုင်ဆိုင်မှုနှင့် ချဲ့ထွင်နိုင်မှုအလားအလာများနှင့်စပ်လျဉ်း၍ ရှင်းလင်းပြောကြားခဲ့ကြောင်းသိရသည်။

ယင်းအပြင် မြန်မာသံအမတ်ကြီးနှင့် ဆောင်ပါလိုပြည်နယ်၊ မြို့ပြဖွံ့ဖြိုးတိုးတက်မှုနှင့်အိုးအိမ်ဌာန၊ Secretary Marcelo Brancoတို့တွေ့ဆုံစဉ် ၎င်းက ဆောင်ပါလိုပြည်နယ်၏ အိမ်ရာတည်ဆောက်မှုအပါအဝင် မြို့ပြဖွံ့ဖြိုး တိုးတက်ရေး စီမံကိန်းများနှင့်ပတ်သက်၍ ရှင်းလင်းပြောကြားခဲ့ကြောင်းသိရသည်။

#tthl #Local_News #မြန်မာ-ဘရာဇီးနှစ်နိုင်ငံ #ဘရာဇီးလေယာဉ်ထုတ်လုပ်မှု
#Yangon_Times

#Local_News
Published_ 1 September 2023

Facebook Pageလူမှုကွန်ရက်ပေါ်တွင် ဒေါ်လာနှင့်နိုင်ငံခြားငွေရောင်းသူများကို အသွင်ယူဖမ်းဆီးစစ်ဆေး အရေးယူနေကြောင်းနှင့် ပြည်တွင်းနေထိုင်သူများအနေဖြင့် နိုင်ငံခြားငွေကို(၆)လအတွင်းသာကိုင်ဆောင်ခွင့်ရှိပြီး (၆)လကျော်ရင်ရောင်းချလဲလှယ်ရမည်ဖြစ်ကြောင်းမြန်မာနိုင်ငံတော်ဗဟိုဘဏ်websiteတွင်ထုတ်ပြန်လိုက်သည်။

၂၀၂၃ ခုနှစ် ဩဂုတ်လ ၂၈ ရက်နေ့တွင် အဆိုပါ Facebook Page မှတစ်ဆင့် အမေရိကန် ဒေါ်လာရောင်းချသူ တစ်ဦးကို သက်သေခံပစ္စည်း များနှင့်အတူ ဖမ်းဆီးထိန်းသိမ်းခဲ့ပြီး လိုအပ်သည်များ ဆက်လက်စစ်ဆေး ဆောင်ရွက်လျက်ရှိသည်ဟုဆိုသည်။

ထုတ်ပြန်ချက်တွင်Facebook အစရှိသည့် လူမှုကွန်ယက်စာမျက်နှာများဖြစ်သော “ဒေါ်လာ Dollar Buy/Sell Market and News” နှင့် “ယူရို၊ဒေါ်လာ ရောင်းဝယ်ပို့ဆောင်လိုသူများ စုံစည်းရာ Euro Dollar Trading Group” စသည့် Facebook Page များမှတစ်ဆင့် အမေရိကန်ဒေါ်လာ တစ်ဒေါ်လာ နှင့်ညီမျှသော မြန်မာကျပ်ငွေအား တရားဝင်ပေါက်ဈေးထက်ကျော်လွန်၍ ဈေးနှုန်းအမျိုးမျိုးများ သတ်မှတ်၍ တရားမဝင် ရောင်းဝယ်မှုများပြု လုပ်လျက်ရှိကြောင်း တွေ့ရှိရကြောင်း၊ အဆိုပါရောင်းဝယ်မှုများသည် တရားမဝင်ရောင်းဝယ်မှုများဖြစ်ပြီး နိုင်ငံခြားသုံးငွေစီမံခန့်ခွဲမှု ဥပဒေနှင့် ညီညွတ်ခြင်းမရှိသဖြင့် သက်ဆိုင်ရာ တရားဥပဒေ စိုးမိုးရေးအဖွဲ့များက လိုအပ်သလို အသွင်ယူစစ်ဆေးမှုများ ပြုလုပ်လျက်ရှိပြီး ဖော်ထုတ်အရေးယူလျက်ရှိကြောင်း၊
နိုင်ငံခြားသုံးငွေစီမံခန့်ခွဲမှုဥပဒေပုဒ်မ ၉ အရ နိုင်ငံတော်တွင် နိုင်ငံခြားသုံးငွေရောင်းဝယ်မှုလုပ်ငန်းများကို နိုင်ငံခြားသုံးငွေများ ရောင်းဝယ်ဖောက်ကားသည့် လုပ်ငန်းလိုင်စင်ရရှိသူများ ကသာ ဆောင်ရွက်ခွင့်ရှိပြီး နိုင်ငံခြားသုံးငွေ ဝယ်ယူရောင်းချလဲလှယ်ပေးခွင့် လိုင်စင်ရရှိသူ များသည် နိုင်ငံခြားငွေ ငွေသားနှင့် ခရီးသွားချက်လက်မှတ်များကိုသာ ရောင်းဝယ်ခွင့်ရှိကြောင်းဖော်ပြထားသည်။

ယင်းအပြင်နိုင်ငံခြားသုံးငွေစီမံခန့်ခွဲမှုစည်းမျဉ်းအပိုဒ် ၁၅ တွင် “ပြည်တွင်း၌ နေထိုင်သူတစ်ဦးသည် တရားဝင်နည်းလမ်းဖြင့် ရရှိထားသည့် အမေရိကန်ဒေါ်လာ ၁၀,၀၀၀/-အထိ သို့မဟုတ် ယင်းနှင့် ညီမျှသော ငွေထက်မပိုသော နိုင်ငံခြားငွေများကို လက်ခံရရှိသည့်နေ့မှ ၆ လအတွင်း ကိုင်ဆောင်ခွင့်ရှိကြောင်း၊ အဆိုပါ ၆ လကာလကျော်သည်အထိ အသုံးမပြုဘဲရှိနေသည့် နိုင်ငံခြားငွေများအား နိုင်ငံခြားသုံးငွေလုပ်ငန်း လုပ်ကိုင်ခွင့် လိုင်စင်ရရှိသူများထံတွင် ဈေးကွက်ပေါက်ဈေးဖြင့် ရောင်းချလဲလှယ်ခြင်း သို့မဟုတ် ဘဏ်စာရင်းသို့ ထည့်သွင်းခြင်း ဆောင်ရွက်ရမည်ဖြစ်ကြောင်း” ဖော်ပြထားသည်။

သို့ပါ၍ အများပြည်သူများအနေဖြင့် နိုင်ငံခြားမှ မြန်မာနိုင်ငံသို့ ပြန်လည်ရောက်ရှိသည့်အခါတွင် မိမိနှင့်အတူပါလာသည့် နိုင်ငံခြားသုံး ငွေများအား Declaration ပြုလုပ်ဆောင်ရွက်သွားရန် နှင့်တရားဝင် လိုင်စင်ခွင့်ပြုထားသော နိုင်ငံခြားသုံးငွေများ ရောင်းဝယ်ဖောက်ကားသည့် လုပ်ငန်း လိုင်စင်ရရှိသူများနှင့် နိုင်ငံခြားသုံးငွေဝယ်ယူရောင်းချလဲလှယ်ပေးခွင့် လိုင်စင်ရရှိသူများထံတွင်သာ နိုင်ငံခြားသုံးငွေများ လဲလှယ် ဝယ်ယူရောင်းချသွားရန် အသိပေး ကြေညာကြောင်းထုတ်ပြန်ချက်တွင် ဖော်ပြပါရှိသည်။

#tthl #Local_News #အွန်လိုင်းပေါ်တွင်ဒေါ်လာရောင်းသူ
#Yangon_Times

‘ကလေးလေးကထီ ထိုးချင်တယ်ပြောလို့ အမေဖြစ်သူမှ ထီထိုးပေးခဲ့ရာမှ သိန်း(၅၀၀၀)ဆုကြီး ပေါက်ခဲ့တာဖြစ်တယ်။ လှည်းနဲ့သွားရောင်းတဲ့ကိုယ်စားလှယ်ဆီကနေ အမွှာခွဲပြီးရောင်းခဲ့ရာမှပေါက်ခဲ့တာ ဖြစ်တယ်’ အေးငြိမ်းချမ်းသာထီဆိုင်တာဝန်ရှိသူ

Published_ 1 September 2023
#အေးငြိမ်းချမ်းသာထီဆိုင် #ထီသိန်း(၅၀၀၀)ဆုကြီး
#tthl
#Yangon_Times

 ၆လနှင့်အထက်သုံးစွဲမှုမရှိတဲ့ မီတာပုံးများနဲ့ လေးလနဲ့အထက်မီတာခပေးဆောင်ထားခြင်းမရှိတဲ့ မီတာပုံးတွေကို ဒီကနေ့ကစပြီး လိုက်လံဖြုတ်သိမ်းတော့မယ်လို့ ရန်ကုန်မြို့တော် လျှပ်စစ်ဓါတ်အားပေးရေး ကော်ပိုရေးရှင်း YESC မှ ထုတ်ပြန် ထားတယ်လို့ မြို့နယ်လျှပ်စစ်ရုံးများက သိရပါတယ်
Published_ 1 September 2023
#မီတာပုံး #YESC
#YMG/LW
#Yangon_Times

#Local_News
Published-1 September 2023

တောင်ကိုးရီးယား၊ ဂယောင်နမ်ပြည်နယ် ဟာ့ချောင်ဂွန်ရှိ ယောင်အန်ဆောက်လုပ်ရေး ကုမ္ပဏီတွင် အလုပ်လုပ်ကိုင်နေသူ မောင်ပြည့်သိန်း၏ သေဆုံးမှုတွင် ကိစ္စအဝဝကို တာဝန်ယူထားသည့်ကိုယ်စားလှယ်စာလွှဲအပ်ပေးထားသည့် အဖွဲ့ကလုပ်ငန်းခွင်ထိခိုက်မှုအမှုမှန် ပေါ်ပေါက်ရေးအတွက် ဆောင်ရွက်နေကြောင်း ကိုဇော်မိုးအောင်ထံက သိရသည်။

ပြီးခဲ့သည့် ဩဂုတ်လက ဂယောင်နမ်ပြည်နယ် ဟာ့ချောင်ဂွန်ရှိ ယောင်အန်ဆောင်လုပ်ရေး ကုမ္ပဏီတွင်အလုပ်လုပ်ကိုင်နေသူ အသက်၂၇နှစ်အရွယ် မောင်ပြည့်သိန်းကို မြေတင်ကားတိုက် မိ၍သေဆုံးခဲ့ကြောင်း သိခဲ့ရသည်။

ကုမ္ပဏီဘက်ရှိ ရှေ့နေများက မောင်ပြည့်သိန်းကွယ်လွန်သည်မှာလုပ်ငန်းခွင် သေဆုံးမှုမဟုတ်ကြောင်း ယာဥ်တိုက်၍ သေဆုံးခြင်း ဖြစ်ကြောင်း ကိုးရီးယားရောက် မြန်မာလုပ်သားများကိုကူညီဆောင်ရွက်ပေးနေသူ ကိုဇော်မိုးအောင်ထံက သိရသည်။

ကုမ္ပဏီအနေဖြင့် သန်း ၅ ထောင်အထက် ရင်းနှီးမြုပ်နှံထားပြီး လူဦးရေ ၅၀ အထက် ခန့်အပ်ထားသည့် ကုမ္ပဏီဖြစ်၍ ယမန်နှစ်က စတင်ပြဌာန်းလိုက်သည့် ဥပဒေအရ တာဝန်ရှိသူများကို အပြစ်ပေး အရေးယူခွင့် ရှိနေကြောင်းလည်း ဆိုသည်။

မောင်ပြေသိန်း၏ ကိစ္စအဝဝကို တာဝန်ယူထားပြီး ကိုယ်စားလှယ်စာ လွှဲအပ်ပေးထားတဲ့ မိဒွန်း ရှေ့နေအဖွဲ့၊ ဂယောင်နမ်နိုင်ငံခြားသားကူညီရေးစင်တာ၊ နိုင်ငံလုံးဆိုင်ရာဒီမိုကရေစီ အလုပ်သမားသမဂ္ဂ၊ ကိုရီးယားမြန်မာ ပူးတွဲလုပ်ဆောင်ရေးအဖွဲ့၊ ဂယောင်နမ်းမြန်မာအသင်းနဲ့ နိုင်ငံခြားသား ကူညီရေးအဖွဲ့တို့က မောင်ပြေသိန်း၏ လုပ်ငန်းခွင် ထိခိုက်မှုအမှုမှန် ပေါ်ပေါက်ရေးအတွက် အစွမ်းကုန်ကြိုးစားနေကြောင်းလည်း ဆိုသည်။

ရှေ့လျှောက် နိုင်ငံခြားသား လုပ်သားများ လုံခြုံစွာ အလုပ်လုပ်ကိုင်နိုင်ရေးအတွက် ကြိုးစား လုပ်ဆောင်သွားမည် ဖြစ်ကြောင်း ရှေ့နေများအဖွဲ့က ပြောသည်။

မောင်ပြေသိန်းရဲ့ အသုဘ အစီအစဥ်ကို အထက်ပါ အဖွဲများက ခမ်းခမ်းနားနား ကျင်းပပေးရန် စီစဥ်နေကြောင်းလည်းသိရသည်။

#Local_News #မြန်မာတစ်ဦးသေဆုံးသည့်ကိစ္စ #အမှုမှန်ပေါ်ပေါက်ရေး
#Yangon_Times/ PP

အောင်ဘာလေသိန်းထီ ဖွင့်ပွဲမှာ ကျပ်သိန်းငါးထောင်ဆုကို (င ၄၁၆၇၉၂) နံပါတ်ကနေ  ဆွတ်ခူးရရှိ

Published_ 1 September 2023
#အောင်ဘာလေသိန်းထီ #ကျပ်သိန်းငါးထောင်ဆု
#YMG/my
#Yangon_Times